عناوين الصهاينة طلعت فشوش

[روبش]

قالوا شنو بالامس::::
* كلنا السودان كلنا الهلال / يوجد واجب وطني (عمتي )
* صيوان بكاء نتقبل العزاء سبب موتك طفل يا سلطان (مولانا)
* الكونفدرالية ترحب بالهلال (ايمن)
* ما دايرين اي نقل عسى ولعل جماعتنا ديل يفوزوا (ايمن)
* واخرون يكتبون في صمت
ولكن هيهات .. هيهات
ياهو ده سيد البلد .. سيد البلد ... رافع الرأس
ارفع رأسك انت سوداني
ما دام رأسك مرفوع تأكد أنك هلالابي
وما دام انك هلالابي .. ما عندك تب عوجه
انتصار بمعنى الانتصار .. اتى في وقته
اخرس الالسن التي طالبت بالكثير ..
والتي منت النفس بخسارة ووداع
ولكن الوداع سوف يكون لمرتبة ادنى وشبيه للبطولة
وليس ناسنا ديلك ودوعوا ورحلوا نهائي إلا السنة الجاية
السنة الجاية دييييييييييييييييييييييييييييييييييييييييك ناس تحيا وناس تموت
اها شن قول الحقاد والحساد في هذا الانتصار
عندكم تاني حديث معانا
لو اتهزمنا في تونس بنمشي الكونفدرالية
الكونفدرالية ما سيكافا ولا دوري محلي
الكونفدرالية فيها الجزائري وفيها المغربي وفيها التونسي
بنركب طيارة وبنمشي من بلد لبلد
لا بنركب سوار .. ولا بنقابل نسور
نحن ظاهرييين ومعروفين
اها قولكم شنو يا صهاينه

[ابووضاح]

انت خليت ليهم شنو بس ما قلته ليهم قومو لفووووووووووو

[ايمن عبد الله]

امشي يا بتاع كاس المجاعة ..

[ايمن عبد الله]

أقول ::

سووووق همس الشوق من لياقتو وقووومو لفوووو ..

[ايمن عبد الله]

أمس مباراة لخوية انتهت كم بالله يا روبش ..؟

[مرتضى التوم]

الف مبروك اخ روبش رغم ان الفوز ما كان بعدد مريح من الأهداف بس امس الهلال كان هلال بحق وحقيقة ولولا سؤ الطالع وبعض التسرع لكانت نتيجة مريحه وكبيرة والقادم احلى انشاء الله .

[روبش]

أمس مباراة لخوية انتهت كم بالله يا روبش ..؟

اقول :: ارد ليك من الاخر مباراة لخويا طلعت 1/0 للعربي
اليوم نحن لاعبين مع الريان وانشاء الله منتصرين اسوة بالهلال
اقول :: ما تدخل على سيد البلد وحبيب البلد وتعلق
اقول :: اكيد امس ما نمت من الانتصار

[روبش]

الف مبروك اخ روبش رغم ان الفوز ما كان بعدد مريح من الأهداف بس امس الهلال كان هلال بحق وحقيقة ولولا سؤ الطالع وبعض التسرع لكانت نتيجة مريحه وكبيرة والقادم احلى انشاء الله .

مبروك لينا كلنا كهلالاب اخي مرتضى وما يهمنا الانتصار واخرس الالسن التي تتطاول على سيد البلد
اقول :: مباراة الرد مقدور عليها

[ايمن عبد الله]

اقول :: ارد ليك من الاخر مباراة لخويا طلعت 1/0 للعربي
اليوم نحن لاعبين مع الريان وانشاء الله منتصرين اسوة بالهلال
اقول :: ما تدخل على سيد البلد وحبيب البلد وتعلق
اقول :: اكيد امس ما نمت من الانتصار

سيد البلد ده منو يا شيخنا روبش اللفاف ؟

[ايمن عبد الله]

مبروك لينا كلنا كهلالاب اخي مرتضى وما يهمنا الانتصار واخرس الالسن التي تتطاول على سيد البلد
اقول :: مباراة الرد مقدور عليها

انت بتضحك علي منو عليك الله يا روبش السنة شنو الاخرسا ماهدا نحن من امس نكورك لمن جاتنا بحة صوت من الكوراك

إنت جادي عليك الله ؟

واحد شنو البتعتمد عليهو ده ؟

انت عارف متين تخرس الالسن يا عتيق ؟

لو مشيت رادس واتغلبت 2 صفر ح نخرس خالص ..

وكمان معاك لي 3 برضو انا ح اخرس ..

قال انتصار قال ..

[مدنيّة]

غايتو اصلكم ما بتساعدوا الزول
علي واجباته الوطنية

------
أقول : خاتية انا

[مرتضى التوم]

أيمن يا اخوى دى هضربة وهزيان حقتكم دى زى الملاريا لمن تطلع فى الراس ..
وانشاء الله بعد اسبوعين حا تهضربو اكتر واكتر

[مصطفى هاتريك]

والله الرياضة للجميع دي أمس ذكرتني ليك زمن عربية السينما


ورقة ... ورقة .... ورقة

الفيلم العنيف (( سقوط السلطان ))

بطولة : كانكلوش أب سيف

والبطل الصيني شمشام شونج

أهه و مدثر القطر يشيل و يكورك ... يقوم الماكرفون يبوظ إمشوا ليك على

عمك حيدر التوم ,, ويركبو ماكرفون جديد و أوووف أووووف 1234 أوووف

أهه تمشي السينما تلقى الفيلم (( سبنا و جانوار )) معاد

[همسة شوق]

أقول ::

سووووق همس الشوق من لياقتو وقووومو لفوووو ..



نقوم نمشي ويييييين ؟ نحن فريقنا لاعب مع الابطال عشان كدة قاعدين ومتحكرين
معقولة بس ناس يلعبوا مع الافريقي التونسي وناس يلعبوا مع نيل الحصاحيصا ... حكمتو بالغة


همسة : قوم اتفكفك يا بتاع التش تش

[همسة شوق]

انت بتضحك علي منو عليك الله يا روبش السنة شنو الاخرسا ماهدا نحن من امس نكورك لمن جاتنا بحة صوت من الكوراك

إنت جادي عليك الله ؟

واحد شنو البتعتمد عليهو ده ؟

انت عارف متين تخرس الالسن يا عتيق ؟

لو مشيت رادس واتغلبت 2 صفر ح نخرس خالص ..

وكمان معاك لي 3 برضو انا ح اخرس ..

قال انتصار قال ..



ساعدنا بسكوتك والموية البااااااردة

[ايمن عبد الله]

ساعدنا بسكوتك والموية البااااااردة

انت عارف يا مجاهد العبارة دي طلعت وين .. بالجد عارفها ؟

دي قالا ترباس لواحد من الاعلاميين يوم مباراة الترجي والهلال ام ستة بلاش ما تجيب الكلام لي الموتورات يا جيجو ..

[مولانا جلال]

انت عارف يا مجاهد العبارة دي طلعت وين .. بالجد عارفها ؟

دي قالا ترباس لواحد من الاعلاميين يوم مباراة الترجي والهلال ام ستة بلاش ما تجيب الكلام لي الموتورات يا جيجو ..

يا ايمن انا لى يومين بفكر يا الله البرير حيبدل ترباس بمنو؟ِ