مشاهدة النسخة كاملة : الله لا عاد القونقوليز و لا عاد الألماني الشوم ده
نزار احمد كوارتي
26-04-2011, 04:37 AM
بحكي ليكُم بُكره هسي مزنوق زنقة كلِب في فريق زورو
mahagoub
26-04-2011, 05:36 AM
مستنين بكره
ويا يوم بكره ما تسرع
الله يحل زنقتك
ولو ما فكت ودالمطامير عنده وصفه تجنن
نزار احمد كوارتي
05-05-2011, 11:19 AM
أها
شكلو يوم بُكره جا الليله
الزول ده انا كلمتو قُلت ليه انا ما داير أيي حاجه وكان مشيت البيت قول لي أُمي قال ليك نزار
البصله المحمره الرسلتيها ليه المره الفاتت قامت شجر بصل محمر وبصل مكاده وبصل أخدر
وبصيلات وبوصلات وحاجات تانيه كِده لا قروها ناس الزراعه لا ناس الكيميا،
والعجب كان شُفتي الدكوة رجعت بقت فول تاني وتااااااااااااني رجعت بِقت دكوة والكيس اللافاو بيها
بقي داير ليو مكوة.
أها
الزول ده راسو قوي قوه
يومو الجا جاب لي داك يا كيس القونقوليز، كان ما أخاف الكِضِب تمَّ بيه الوزِن كيةً لي ناس الطياره
المسكين ماااااا جا فاضي البدله المشا يتفشخر بيها، في غضب الله، الجلابيه المُرعِبه ديك، في غضب الله
التلفون الما سِمِع كلامي ودقس شالو معاهُ، هسي بطنو طامه من شريحة طموماتيل الحارقه حشاو.
يا زول أنا من زمن حاجه ريا القونقوليز ده ما قعد أدورو
صاحبك حلف بالتقطِعو إلا أشيلو وشبكني بِنفعك وما عارِف شنو وشنو طلعو لي السبانِخ بتاع القوة الخارِقه البِستعملو الداهيه بِتاع مُسلسل الأطفال داك (ناس هناي وبناتو)
شيلك يا قونقوليز الجِن وأحشرك في ضهرية العربيه
وطبعاً الضهريه عباره عن ورشة ومرات مرات بستعمله دولاب، ترفع عجل حديد تلقي بنطلون تدخل يدك في جيبو تطلع الكداره تجي تلبسه يقلع ضُفرك مُفتاح عشر طاشر إستاندر.
المُهِم
أكتر من سنه ومقطوع الطاري ده يعاني مِن الدكمات من كُل الإتِجاهات لمن بِقا دُقه وسفوفه ( عِلِم برضو والمغالطني يراجع ناس الآثار قِسم اللغاويس).
هداك اليوم القُلته ليكُم بُكره بجي بحكي ليكُم، تاني يوم كان عِندي إجتماع الصباح بدري في آخر الدُنيا وهاك يا جرجره هنا أديت روحي الليل والمشوار طويل ومُمِل
آخِر حاجه قُمت إتفكفكت علي أساس أبيت هناك والصباح أقوم من ضو أخُش علي الرطَّانه أمنطِقم ليك بالسيجنال تو والسفينتي فايف
وِصلت ليك الساعه خُرتُميه بالليل وعيوني دايرات ليهم شِعبه عشان يفتِحن علي النِعمه كان بنات اللِعاب البِرقدوهُم ينومن يوقفوهم يفتِحن ديلك بقيت أصنقِع لي فوق
عشان عيوني ما يغمِضن.
وصلت ليك باب المصفاة ولقيت ليك ناس حماية المُنشآت كيمان كيمان التقول حولية شيخ يس وما صدقو لقو ليهُم زول يقزقِزو بيو نصاص الليل
شَيَّكو علي البُطاقات وتصريح الدِخول ويقوم سجام الرماد النيبالي أب عيوناً لاحقات عيوني طبيعي داك يقول لي بليس أوبن الضهريه بتاعتك دي لو سمحته
الساعه الإنتني وحشر راسو جوة الضهريه زكرني أيامنا في الحوض في نادي الجزيره ودق الإستارت من المنصه الكنت بخاف منو داك(الله يرحمك ويغفر ليك يا أمين أبوزيد).
صاحبك جلبغ وجلبغ وجلبغ وجا سالي ليك الكيس, إتخيلتو ليك حا يقول لي أمشي غسِل الكرشه دي في الشجره بره وتعال.
مع إني أكره ما أكره في حياتي غسيل الكرشه وياما كنت بستهبل في إمور الزوغان منها، لكن في اللحظه ديك إتمنيت إنو لو يكون كرشة تور زاتو
وط إز زيز
زيس إز قونقوليز
وط إت مينس
الله لا عادك يا سفيان ولا عاد القونقوليز انا ما قلت ليك الشي ده انا مكجنو من زمن حبوبه ريا
سوري وط يو سيد
نو نو نو قلت ليك ده قونقوليز قونقوليييييييييييز
وهاك يا جرجره وهاك يا تِشِمشِم والظريفه واحد دخل ليهُ قشه ونكَت بيها شويه كِده التقول الفِحيص موسِس لمن يجي يفحص الشِنو كِده ما عارِف ديك
وبِقا موضوع وتحريات والناس إستنفرت وإستوحشت وانا أفكر وألعن فيك يا سفيان ومقلِع عيوني زي بتاع دِعاية ميلودي أفلام
وغايتو في الآخِر مرقتني مِنهُم سفه سفتين كده بي عِتيتو داك
وأول ما قطعته نُقطة التفتيش وأديتُم ضهري وقفت العربية وفتحت الضهرية ومسكت ليك الشوم من إضنين الكيس
لِفَك ولِفَك ولِفَك وفننن غايتو كان ما أخاف الكِضَب بِكون لي هسي طاير تطير عيشتو
المسافر
05-05-2011, 12:16 PM
أها
شكلو يوم بُكره جا الليله
الزول ده انا كلمتو قُلت ليه انا ما داير أيي حاجه وكان مشيت البيت قول لي أُمي قال ليك نزار
البصله المحمره الرسلتيها ليه المره الفاتت قامت شجر بصل محمر وبصل مكاده وبصل أخدر
وبصيلات وبوصلات وحاجات تانيه كِده لا قروها ناس الزراعه لا ناس الكيميا،
والعجب كان شُفتي الدكوة رجعت بقت فول تاني وتااااااااااااني رجعت بِقت دكوة والكيس اللافاو بيها
بقي داير ليو مكوة.
أها
الزول ده راسو قوي قوه
يومو الجا جاب لي داك يا كيس القونقوليز، كان ما أخاف الكِضِب تمَّ بيه الوزِن كيةً لي ناس الطياره
المسكين ماااااا جا فاضي البدله المشا يتفشخر بيها، في غضب الله، الجلابيه المُرعِبه ديك، في غضب الله
التلفون الما سِمِع كلامي ودقس شالو معاهُ، هسي بطنو طامه من شريحة طموماتيل الحارقه حشاو.
يا زول أنا من زمن حاجه ريا القونقوليز ده ما قعد أدورو
صاحبك حلف بالتقطِعو إلا أشيلو وشبكني بِنفعك وما عارِف شنو وشنو طلعو لي السبانِخ بتاع القوة الخارِقه البِستعملو الداهيه بِتاع مُسلسل الأطفال داك (ناس هناي وبناتو)
شيلك يا قونقوليز الجِن وأحشرك في ضهرية العربيه
وطبعاً الضهريه عباره عن ورشة ومرات مرات بستعمله دولاب، ترفع عجل حديد تلقي بنطلون تدخل يدك في جيبو تطلع الكداره تجي تلبسه يقلع ضُفرك مُفتاح عشر طاشر إستاندر.
المُهِم
أكتر من سنه ومقطوع الطاري ده يعاني مِن الدكمات من كُل الإتِجاهات لمن بِقا دُقه وسفوفه ( عِلِم برضو والمغالطني يراجع ناس الآثار قِسم اللغاويس).
هداك اليوم القُلته ليكُم بُكره بجي بحكي ليكُم، تاني يوم كان عِندي إجتماع الصباح بدري في آخر الدُنيا وهاك يا جرجره هنا أديت روحي الليل والمشوار طويل ومُمِل
آخِر حاجه قُمت إتفكفكت علي أساس أبيت هناك والصباح أقوم من ضو أخُش علي الرطَّانه أمنطِقم ليك بالسيجنال تو والسفينتي فايف
وِصلت ليك الساعه خُرتُميه بالليل وعيوني دايرات ليهم شِعبه عشان يفتِحن علي النِعمه كان بنات اللِعاب البِرقدوهُم ينومن يوقفوهم يفتِحن ديلك بقيت أصنقِع لي فوق
عشان عيوني ما يغمِضن.
وصلت ليك باب المصفاة ولقيت ليك ناس حماية المُنشآت كيمان كيمان التقول حولية شيخ يس وما صدقو لقو ليهُم زول يقزقِزو بيو نصاص الليل
شَيَّكو علي البُطاقات وتصريح الدِخول ويقوم سجام الرماد النيبالي أب عيوناً لاحقات عيوني طبيعي داك يقول لي بليس أوبن الضهريه بتاعتك دي لو سمحته
الساعه الإنتني وحشر راسو جوة الضهريه زكرني أيامنا في الحوض في نادي الجزيره ودق الإستارت من المنصه الكنت بخاف منو داك(الله يرحمك ويغفر ليك يا أمين أبوزيد).
صاحبك جلبغ وجلبغ وجلبغ وجا سالي ليك الكيس, إتخيلتو ليك حا يقول لي أمشي غسِل الكرشه دي في الشجره بره وتعال.
مع إني أكره ما أكره في حياتي غسيل الكرشه وياما كنت بستهبل في إمور الزوغان منها، لكن في اللحظه ديك إتمنيت إنو لو يكون كرشة تور زاتو
وط إز زيز
زيس إز قونقوليز
وط إت مينس
الله لا عادك يا سفيان ولا عاد القونقوليز انا ما قلت ليك الشي ده انا مكجنو من زمن حبوبه ريا
سوري وط يو سيد
نو نو نو قلت ليك ده قونقوليز قونقوليييييييييييز
وهاك يا جرجره وهاك يا تِشِمشِم والظريفه واحد دخل ليهُ قشه ونكَت بيها شويه كِده التقول الفِحيص موسِس لمن يجي يفحص الشِنو كِده ما عارِف ديك
وبِقا موضوع وتحريات والناس إستنفرت وإستوحشت وانا أفكر وألعن فيك يا سفيان ومقلِع عيوني زي بتاع دِعاية ميلودي أفلام
وغايتو في الآخِر مرقتني مِنهُم سفه سفتين كده بي عِتيتو داك
وأول ما قطعته نُقطة التفتيش وأديتُم ضهري وقفت العربية وفتحت الضهرية ومسكت ليك الشوم من إضنين الكيس
لِفَك ولِفَك ولِفَك وفننن غايتو كان ما أخاف الكِضَب بِكون لي هسي طاير تطير عيشتو
نزار اخوي اليوم الخميس . . إنت مشيت وين الضبط كده من الساعة 11 بالليل لغاية شك الصباح
نزار احمد كوارتي
05-05-2011, 02:46 PM
بُكره بجي بحكي ليكُم الألماني التمَّ الناقصه سوي شنو
نزار احمد كوارتي
05-05-2011, 02:49 PM
مستنين بكره
ويا يوم بكره ما تسرع
الله يحل زنقتك
ولو ما فكت ودالمطامير عنده وصفه تجنن
عمك محجوب ألحق بُكره جات
بالزُقاق:-
مسعول من الخير ود المطامير لاقاك قريب؟
نزار احمد كوارتي
05-05-2011, 02:59 PM
نزار اخوي اليوم الخميس . . إنت مشيت وين الضبط كده من الساعة 11 بالليل لغاية شك الصباح
كلام زي ده بِقولوهُ علي الهوا مباشرةً يا المسافر؟
وحالتك دي إنت المُشرِف
إنت الإشراف ده قرتك ليه ستي منو؟
مايسة
06-05-2011, 11:15 AM
غايتو القونقلييز - عمل ليك شبه
mahagoub
06-05-2011, 08:44 PM
عمك محجوب ألحق بُكره جات
بالزُقاق:-
مسعول من الخير ود المطامير لاقاك قريب؟
قاعد عنده نبطشيتين
واحده فى الشغل الصباح والتانيه فى البيت
والمصيبه انو دبلوا ليه الورديه
لانو غيير للولد غلط
نزار احمد كوارتي
06-05-2011, 08:52 PM
غايتو القونقلييز - عمل ليك شبه
غايتو العملها فيني
نجار في خشب ما عملها
mahagoub
06-05-2011, 10:31 PM
غايتو العملها فيني
نجار في خشب ما عملها
كان بليتو وعملتوا عصير ما كان احسن
ولعه:: مستنيسن الالمانى
أحمد عمر ( MOODY )
06-05-2011, 11:34 PM
برضو قنقليز
يعني نحن كان ما عارفين شايل شنو في شنطتك
ما بنعرف القنقليز
:cool::cool::cool::cool::cool:
آخر الزقاق : إنت ختيت معاهو سحّانة في الضهرية
:p:p:p:p:p
mahagoub
07-05-2011, 08:50 PM
ليه عاوز يعملوا قهوه
نزار احمد كوارتي
07-05-2011, 11:33 PM
برضو قنقليز
يعني نحن كان ما عارفين شايل شنو في شنطتك
ما بنعرف القنقليز
:cool::cool::cool::cool::cool:
آخر الزقاق : إنت ختيت معاهو سحّانة في الضهرية
:p:p:p:p:p
إذا ساءَ فِعل المرءِ ساءت ظِنونهُ
وال في بالَك بِبقالَك
والفيك بادِربو
ومرقنبو قَرَنبو
وال في قلبو حُرقُص براو بِرقُص
وبي التِنقِليزي كِده
ال في قلبو صَمْ ثينق براو دانصينق
ولا تنهي عن خُلُقٍ وتأتي بِمِثلهِ عارُ عليكَ إذا فعلت عظيمُ
وفي روايةٍ أُخري زميمُ ( وانا أرجِح الأخيره وبِشِده).
بالزُقاق:-
سحانه ياااااااااااا...............
هه هه هه
نزار احمد كوارتي
07-05-2011, 11:36 PM
ليه عاوز يعملوا قهوه
أسألو عليك الله يا عم محجوب
بنت الرفاعي
07-05-2011, 11:48 PM
كان تشيلو وتضوقهم ليهُ بعد إضافة كل ما يلزم.:rolleyes::cool:
safoo
08-05-2011, 05:04 AM
كلام زي ده بِقولوهُ علي الهوا مباشرةً يا المسافر؟
وحالتك دي إنت المُشرِف
إنت الإشراف ده قرتك ليه ستي منو؟
ست منو؟ دى اللى امتحنوها براها جات الـ14؟
ابووضاح
08-05-2011, 05:23 AM
برضو قنقليز
يعني نحن كان ما عارفين شايل شنو في شنطتك
ما بنعرف القنقليز
:cool::cool::cool::cool::cool:
آخر الزقاق : إنت ختيت معاهو سحّانة في الضهرية
:p:p:p:p:pوحات الله الزول ده انا بعرفو كويس ابوهو امام زاوية حي الثورة الصبح حاااااااااااااااضر بس الولد جاب البلاوي دي من وين هييييييييييييييييع هيع هيييييييييييع
ود المطامير
08-05-2011, 05:41 AM
مستنين بكره
ويا يوم بكره ما تسرع
الله يحل زنقتك
ولو ما فكت ودالمطامير عنده وصفه تجنن
يا عمك
دايرو يدق الواطه ؟ ;)
ود المطامير
08-05-2011, 05:47 AM
إذا ساءَ فِعل المرءِ ساءت ظِنونهُ
وال في بالَك بِبقالَك
والفيك بادِربو
ومرقنبو قَرَنبو
وال في قلبو حُرقُص براو بِرقُص
وبي التِنقِليزي كِده
ال في قلبو صَمْ ثينق براو دانصينق
ولا تنهي عن خُلُقٍ وتأتي بِمِثلهِ عارُ عليكَ إذا فعلت عظيمُ
وفي روايةٍ أُخري زميمُ ( وانا أرجِح الأخيره وبِشِده).
بالزُقاق:-
سحانه ياااااااااااا...............
هه هه هه
آااااااااى اديلووووووووووووو
على النعمه كيفتنى كييييييييييييييييييف ;)
ود المطامير
08-05-2011, 05:50 AM
يا فرده
فنيتو على وين ؟
إحتمال يكون الموج جابو جزيرتى ;)
أحمد عمر ( MOODY )
08-05-2011, 09:59 PM
آااااااااى اديلووووووووووووو
على النعمه كيفتنى كييييييييييييييييييف ;)
غايتو العملها فيني
نجار في خشب ما عملها
إِدِّي منو ياااااااااااااااااااا مطاميرو
زمان كُنّا بنقول نجّار في خشب
لكن تاني حا نقول كديس في ود المطامير
أحمد عمر ( MOODY )
08-05-2011, 10:02 PM
وحات الله الزول ده انا بعرفو كويس ابوهو امام زاوية حي الثورة الصبح حاااااااااااااااضر بس الولد جاب البلاوي دي من وين هييييييييييييييييع هيع هيييييييييييع
أبو وضاح .. يا اخوي
النار بتلد الرماد
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir