رقم موبايل كارو الموية

[مولانا جلال]

بعد رقم موبايل سيد دكان الغاز اصبح من الضروريات الاحتفاظ فى سجل هاتفك برقم صاحب كارو الموية وبالذات لو كنت تسكن الحى الشرقى عووضة او التعويضات مربع 9، حيث لازلنا ومنذعشرين يوم اوتزيد نعانى من الانقطاع المستمر للمياه دون علم يالحاصل ،على ادارةالمياه ان تحرص على الخوف من الله مثل حرصها على التحصيل والقطع عند عدم السداد ،لانقول الاحسبنا الله ونعم الوكيل

[خالد أحمد الصول]

و أنا في طريقي اليومي أشق حي الزمالك ... و في صباح هذا اليوم 28/4 وجدت معظم الشوارع مقفولة بفعل المياه السائلة التي قفلت معظم الشوارع و هي ناتجة عن كسر مواسير هذا الحي الدافئ الذي يقطنه كبار الاحباب ... كما لاحظت أن شوارعه مضاءه ليلا بطريقة عجيبة ولا أستاد و دمدني ... و حقيقة القادر بسوي

[ايمن عبد الله]

المشكلة يا جماعة ما لاقين لي زول مسئول يعرف انه خطوط توزيع المياه الرئيسية العاملة في مدني كلها قديمة وضاربة ومصقرة كلها لان اغلب الخطوط انابيب حديد وحتى عمال المياه تعبو من صيانتها .. اذكر انه في حيينا حي ناصر كان كل يومين حافرين ليهم حفرة قدام البيت وقاعدين صيانة لكن لي متين كده .

والله شي مؤسف انه بلد يشقها النيل من شمالها الى جنوبها والناس تعاني من شح المياه .. المافي مسئول واحد فكر يسوي ليهو محطة تنقية مياه واحدة

[ودسمير]

[COLOR="darkred"]والله يا مولانا نفس الشبه والاوصاف ... المويه (بتقطع ) من قولة (تيت ) صبحا بدرى ! وتتكرم علينا بعد صلاة العشاء يوميا وذلك منذ اكثر من شهر !!

قبل ايام قابلت موظف التحصيل وقال لى والله بقينا نستحى من المطالبات لان معظم البيوت ( ناشفه ) نشاف ( الترب ) !! لكن نعمل شنو ده شغلنا !!

والله يا احباب ذى ما قلت قبل كده ... مافى فائده ..

[ايمان الهادي]

يامولانا اقول ليك حاجه . انا اشك انوالناس ديل شايلين حفرات ومواسير ماعارفين دايرين اعملو شنو
يوم تلقاهم حفروا وبدفنوا في المواسير . بكره تلقاهم بحفروا عشان اطلعوا المواسير . يعني اصبر .لحدي ماهم اعرفو عاوزين اعملو شنو. بعداك الله كريم .حا ادفنوا ولاحاطلعو.

[ايمن الطيب]

ممكن تكلف نفسك يامولانا وتمش تسال المهندس المشرف على الحي عن سبب القطوعات الحاليه

[مولانا جلال]

ممكن تكلف نفسك يامولانا وتمش تسال المهندس المشرف على الحي عن سبب القطوعات الحاليه
ما اعلمه يا مولانا ايمن ان الادارة هى المعنية بتبليغى باى قطوعات تنوى القيام بها ، ولولا اننا دولة متخلفة لكنا رجعنا على الهئية بالتعويض بموجب قانون المسؤلية التقصيرية ، لكن نعمل شنو مع تخلف محاكمنا

[مصطفى هاتريك]

ما اعلمه يا مولانا ايمن ان الادارة هى المعنية بتبليغى باى قطوعات تنوى القيام بها ، ولولا اننا دولة متخلفة لكنا رجعنا على الهئية بالتعويض بموجب قانون المسؤلية التقصيرية ، لكن نعمل شنو مع تخلف محاكمنا



ممكن تفصل لينا موضوع التعويض و المسئولية التقصيرية ده يا مولانا جلال

[ايمن الطيب]

ما اعلمه يا مولانا ايمن ان الادارة هى المعنية بتبليغى باى قطوعات تنوى القيام بها ، ولولا اننا دولة متخلفة لكنا رجعنا على الهئية بالتعويض بموجب قانون المسؤلية التقصيرية ، لكن نعمل شنو مع تخلف محاكمنا

انت مستشار المياه منو

[mahagoub]

المويه المويه
وجعلنا من الماء كل شئ حى
ناس المويه جزاهم الله خيرا
لانو الناس بتساهر عشان تملا البراميل
وبذلك قل عدد الحراميه

[احمد ابو امنة]

لا نملك الا أن نقول حسبنا الله و نعم الوكيل

[معز عوض]

يعني إيه لما أشتكي غلُوِ الفاتوره ،
يقولولي آه تشكي ... بسِ تدفع

الشاعر المصري هشام الجخ

[مولانا جلال]

يعني إيه لما أشتكي غلُوِ الفاتوره ،
يقولولي آه تشكي ... بسِ تدفع

الشاعر المصري هشام الجخ
يامعز مع وجود الموية الفاتورة ماكثيرة المغصة انت بتدفع وموية مافى ، درجة ثالثة الفاتورة 15 الف جنيه