المساعد الشخصي الرقمي

مشاهدة النسخة كاملة : امدرمان



بت مارنجان
30-04-2011, 04:07 AM
ازيكم كيفنكم

طبعا من العنوان واضح المعني وكدا ...
وياناس امدرمان ماتجو تتعصبو لينا بالله :mad::mad::o:o

بت مارنجان
30-04-2011, 04:08 AM
ازيـــــــكم وكيفنـــــكم ...
طبعا العنوان واضح ...

وياناس امدرمان ماتجو تتعصبو لينا هنا بالله :mad:

بت مارنجان
30-04-2011, 04:14 AM
رسالة للمشرف الفني
والله انا بعاني جدآ من كتابة اي كلام في المنتدي دا
لانه الصفحة مابتفتح ياتقيف والله عزبتني عديل
وكتير بخليه :(

بت مارنجان
30-04-2011, 04:17 AM
اها نرجع لي موضوعنا :
اول شئ نكون واضحين ...
انا حقيقة امدرمان دي مابحبها كلو كلو .. لانها حارة ومويتهم السنة كلها قاطعة
وزحمة ... ورقشاتهم كتيرة ... وشوارعهم ضيقة ومامخططة من زمن المهدي
والمصيبة الاكبر انهم متعصبين لي امدر "عورا شديد :o"

والحمدلله ماسكنتها :o

بت مارنجان
30-04-2011, 04:19 AM
والبغيظ تعصبهم لي المدينة ولي امدرمان وبيغالطو الزول
واغلبهم مريخاب :mad:
عشان كدا مابريدهم وهم زاتهم مابريدوني وبدعي ربنا ماتطرني الظروف
اسكن فيها :(

ايمن عبد الله
30-04-2011, 04:30 AM
ام درمان الاصالة والحضارة .. والمريخ سيد البلد .. يا بت مارنجان ..


الحمد لله الما سكنتيها ..

الجندي المجهول
30-04-2011, 04:31 AM
بتنا بت مارنجان

لاول مرة احس ان قلمك قد خذلك هذه المرة ،،،،

هل تعلمي ان اقرب مدينتين متشابهتين هما ( امدرمان ومدني )

طريقة تعامل الجيران وعشان ما تمشي بيعد انا هنا بقصد (امدرمان القديمة)

حي العرب ، ود ارو ، الكباجاب ، ابو روف ، الملازمين ، بيت المال ، الهجرة ، ود نوباوي ، القلعة ، الركابية ، ود البنا ، العمدة ، الخ ..

وبحكم نشأت والدتي بحي العرب ووالدي بود ارو وبحكم التعامل مع الجيران وبحكم نشأتي ومولدي بود ممدني ( استطيع ) ان أوكد اهما شبيهان لبعضهما البعض
الرياضة ، الفن ، السياسة ، الحياة الاجتماعية ......
ونفس الاشخاص الموجودين في استاد مدني بحركاتهم ونكاتهم موجودين بدار الرياضة بامدرمان

الان امدرمان امتدت حتى وصلت إلا ما بعد الكلية الحربية ،،،،،
والحياة في العاصمة غير ولكن لا زال اهل ( امدرمان القديمة) هم بنفس الصفات

حي العرب (المظاهر) بالقرب من استاد الهلال ( على مرمى حجر من منزل والدتي ) حيث نقضي الاجازة بين هنا وهنالك في ود ارو ( على مرمى حجر ) من منزل زعيم الزعماء ( الازهري) ... نصول ونجول ولا زلت حتى كتابة هذه اللحظة اذكرها بكل تفاصيلها .....

ولكن يظل الولاء والمحبة لمدني بلا ادنى شك ( ولكن هنالك مكان كبير في القلب لامدرمان )

انه ليس تعصب ولكن بحكم صلة الرحم وبحكم تواجد الاهل وبحكم اشياء كثيرة تجعل من مدني وامدرمان ( قرتا عين لي)

تخريمة : لو قلت الخرطوم أو بحري ( بتفق معاك ) لكن بالنسبة لامدرمان ( بالغتي كتير)

ياخ حتى بالنسبة لاجمل محلات (الفول )

في مدني

كشك
العمدة
ابو ظريفة

في امدرمان

برعي
الجان
ابو صليب

عندهم

وعندنا

ويبقى السودان وطن يسع الجميع بكل سحناتهم ولغاتهم وحتى ناس مارنجان

مع الكثير من تحياتي ،،،،

abomazeen
30-04-2011, 04:37 AM
ازيكم كيفنكم

طبعا من العنوان واضح المعني وكدا ...
وياناس امدرمان ماتجو تتعصبو لينا بالله :mad::mad::o:o




أهلين .. يا بت مارنجان
نورتي المنتدى العام وصفحاته
أنا بردك على سلامك أول حاجة
بعدين بعلــق على كلامــك ده .. لكن
خليني أنادي على بت أم در عشان ترد معاي

abomazeen
30-04-2011, 04:39 AM
طبعا من العنوان واضح المعني وكدا ...
وياناس امدرمان ماتجو تتعصبو لينا بالله

:mad::mad::o:o





اها أنا وأقف مع ناس أمدرمان بالعصبة :cool:

الجندي المجهول
30-04-2011, 04:44 AM
اها أنا وأقف مع ناس أمدرمان بالعصبة :cool:




لو ما وقفت يكون مافي داعي انك تكون مواليد امدرمان يا حبيب

تخريمة : بطرفي صورة من شهادة ميلادك وكذلك شهادة سكن من اللجنة الشعبية بــــــ ( ... )
تم استخراجها بداية التسعينات

يعني انت واقف رسمي ما مجاملة يا الحبيب ( لكن قبل ) كدا ما عارف الحاصل شنو

abomazeen
30-04-2011, 04:50 AM
لو ما وقفت يكون مافي داعي انك تكون مواليد امدرمان يا حبيب

تخريمة : بطرفي صورة من شهادة ميلادك وكذلك شهادة سكن من اللجنة الشعبية بــــــ ( ... )
تم استخراجها بداية التسعينات

يعني انت واقف رسمي ما مجاملة يا الحبيب ( لكن قبل ) كدا ما عارف الحاصل شنو





جندينا يا حبوب ... تعرف لك وحشة
وكمان لهمساتك ولمزات حروفك لها وقع
لو بطلت الحرافيش والتفاتيش تكـون أحلـى زول

abomazeen
30-04-2011, 04:56 AM
ازيكم كيفنكم

طبعا من العنوان واضح المعني وكدا ...
وياناس امدرمان ماتجو تتعصبو لينا بالله :mad::mad::o:o




انا امدرمان سليلة السيل

قسمت الليل وبنت صباح

انا الولدوني بالتهليل

وهلت فوقي غابة رماح

اناالطابية المقابلة النيل

وانا العافية البشد الحيل

انا القبة البتضوي الليل

وتهدي الناس

سلام وامان

بت مارنجان
30-04-2011, 05:07 AM
الجندي وابو مازن
ممكن تدوني فرصة اعبر :confused:

والله في مشكلة في المنتدي ولاقادرة ارد

بت مارنجان
30-04-2011, 05:21 AM
معليش ياايمن والجندي وابو مازن
عشان اواصل قصتي دي :confused:

معتز الريح
30-04-2011, 05:41 AM
انا حقيقة امدرمان دي مابحبها كلو كلو .. :o

حرررررررررام عليك ياخ ..
منورة يا بت مارنجان ..
----------------------
تخريمة : أبومازن مبروك أرض الوادي الأخضر ..

بت مارنجان
30-04-2011, 06:08 AM
قبل فترة يعني اسبوعين واكتر جانا استاذ هو "متحدث" عن "human wrighs"
وقوانين حقوق الانسان والاتفاقيات والدول الموقعة للاتفاقيات وكدا ...
ماشاء الله عليه استاذ وسيم شكله جيد جدآ ... كلامه مرتب ومنمق ويدل علي انه
زول راسو مليان وعارف روحه عايز يعمل شنو ..
نحن ماشاء الله قروبنا بناتو اكتر من اولاد :o

عرفنا بي نفسو في البداية "احمد محمد عثمان المبارك" مستشار قانوني في
اليونايتد نيشن ... اشتغل في المملكة المتحدة وفي جنيف ورجع السودان 2005
فاتح مكتب في شارع 15 ...
وكمية من الشهادات والمشاركات الدولية "هجمنا وخلعنا"
وبكل ادب وتواضع بيوصف نفسه وبتعرف علينا ونحن بنعرف بي نفسنا ..

درسنا المادة الجاي عشانها وادانا اخر عشرين دقيقة للسؤال والنقاش
وبدأ النقاش والحوار واخد قريب ال 40 دقيقة حتي فات زمن المحاضرة

واحدة شليقة مننا سالتو "والله ماانا :o"
انت من مدني لانه في واحد بشبهك :o
قال ليها انا من امدرمان "جموعي"

وكانت الصدمة .....

بت مارنجان
30-04-2011, 06:13 AM
طبعا انا بكل هجمتي دي
من امدرمان ؟؟؟؟؟؟؟؟؟

قال لي ايو جموعي وقعد بكل هدوء " مازي الجندي الخشي زي القطر :p"
ولا ابو مازن العملا لي بطولات :confused:

يشرح عن امدرمان وتاريخ الجموعية وعن العراقة والاصالة ....
وهو يفتخر بي امدرمانيته بكل تواضع وهدوء ...

وطلع طبعا انو برضو صحفي وبيكتب في جريدة التيار

حقيقي اعجبت جدا بهذه الشخصية المعتزة بمدينتها ومامتعصب بل بالعكس
غير مفاهيمي "لسكان مدينة امدرمان" بانه فيهم الشخص الي ممكن تتكلم معاه
من دون مايقلب ليك الحوار لعصبية وتعنت ...

ربنا يحفظك يااستاذ احمد ويزيدك علم ....

بت مارنجان
30-04-2011, 06:14 AM
ام درمان الاصالة والحضارة .. والمريخ سيد البلد .. يا بت مارنجان ..


الحمد لله الما سكنتيها ..

ياهلابيك ياايمن

والله مااختلفنا بس الناس ماتكون متعصبة ...
والبيسكن الخرطوم مابقدر علي عيشت امدرمان ...

بت مارنجان
30-04-2011, 06:19 AM
الجندي كيفنك
انت مشكلتك متسرع ... اكان صبرت شوية كان عرفتني عايزة اوصل لي شنو
اها دي العصبية الانا قصدتها والتعنت ...
ماتتسرع وتحكم قبل ماتشوف آخر الزول ...
ياخي كان تسالني كان قلت ليك احزف البوست الاول وخلي التاني بدل تدمجهم
اها دا ماتسرع ؟؟؟

انا فكرتي اتغيرت انو بعض سكان امدرمان اقيف ليهم احترام وافخر بسودانيتهم
قبل امدرمانيتهم ... ولسة عندي تحفظ علي المدينة ...

بت مارنجان
30-04-2011, 06:27 AM
ابو مازن كيفنك
اكان صبرت وماتعصبت كان عرفت انا جاية اقول شنو ...
وصدقني اتمنيت الاستاذ دا يقعد معانا محاضرات اكتر لكن هي كانت وحيدة
ويتيمة غيرت فيها مفاهيم التعصب .. وانه في مواطنين امدرمانين غير متعصبين
بس محبين لي مدينتهم وبيقدرو يحببو الناس فيها ...
وقدر فعلا يغير مفهومي عن سكان امدرمان ..

وان شاء الله يطلع هلالالبي "المشكلة ماسالناه :o"

بت مارنجان
30-04-2011, 06:29 AM
حرررررررررام عليك ياخ ..
منورة يا بت مارنجان ..
----------------------
تخريمة : أبومازن مبروك أرض الوادي الأخضر ..


حتي انت ياود الريح
انا عدم حبي لي امدرمان مابراي ومامزاج ....
صراحة ناس متعصبين ولو خشيت في نقاش ممكن يفقدوك المنطق ويقعدو
يتعصو فيك "فرصة عشان تعبر زاتو مابدوك"
وبلدهم حااااارة ياخ ومويتهم كعبة :o

مبروك قطعة "الواتة ياابو مازن"
مامرقت الدم وعزمتنا مالك ؟؟؟

مدنيّة
30-04-2011, 07:05 AM
حليل ام در ... حليل ناسا

--------
يابنوتة ياخ امدر دي لو كنتي عيشتي فيها
زي ماعشنا فيها
وعندك فيها ذكريات لا تنسي زينا كدا
كنتي عرفتي انه الله واحد:cool:

بت أم درمان
30-04-2011, 07:13 AM
حقيقي اعجبت جدا بهذه الشخصية المعتزة بمدينتها ومامتعصب بل بالعكس
غير مفاهيمي "لسكان مدينة امدرمان" بانه فيهم الشخص الي ممكن تتكلم معاه
من دون مايقلب ليك الحوار لعصبية وتعنت ...

ربنا يحفظك يااستاذ احمد ويزيدك علم ....

بركة الفي زول امدرماني قدر يغير ليك مفاهيمك :cool:

و اكيد بكون برضو غير ليك فكرتك
في ان ما كل سكان امدرمان بنفس
اسلوب الناس الانتي اتعاملتي معاهم قبل كدا
وكانو بعصبوك ويفقدوك المنطق :):p

عارفة
انتي اذا جد بتعرفي ام درمان
ما بتقولي كلامك الفوق دا

تخريمة : ربنا يسعد يا فيفي :cool:

بت أم درمان
30-04-2011, 07:14 AM
حقيقي اعجبت جدا بهذه الشخصية المعتزة بمدينتها ومامتعصب بل بالعكس
غير مفاهيمي "لسكان مدينة امدرمان" بانه فيهم الشخص الي ممكن تتكلم معاه
من دون مايقلب ليك الحوار لعصبية وتعنت ...

ربنا يحفظك يااستاذ احمد ويزيدك علم ....

بركة الفي زول امدرماني قدر يغير ليك مفاهيمك :cool:

و اكيد بكون برضو غير ليك فكرتك
في ان ما كل سكان امدرمان بنفس
اسلوب الناس الانتي اتعاملتي معاهم قبل كدا
وكانو بعصبوك ويفقدوك المنطق :):p

عارفة
انتي اذا جد بتعرفي ام درمان
ما بتقولي كلامك الفوق دا

تخريمة : ربنا يسعدك يا فيفي :cool:

بت أم درمان
30-04-2011, 07:20 AM
خليني أنادي على بت أم در عشان ترد معاي




بعد ردك دا في رد





انا امدرمان سليلة السيل

قسمت الليل وبنت صباح

انا الولدوني بالتهليل

وهلت فوقي غابة رماح

اناالطابية المقابلة النيل

وانا العافية البشد الحيل

انا القبة البتضوي الليل

وتهدي الناس

سلام وامان

مدنيّة
30-04-2011, 07:25 AM
يابت امدرمان
خليك حنينة علي بت مارنجان دي ياخ
وصدقيني ح تحب امدر ح تحبها
ولو عشانك انتي بث!!

بت أم درمان
30-04-2011, 07:38 AM
اها نرجع لي موضوعنا :
اول شئ نكون واضحين ...
انا حقيقة امدرمان دي مابحبها كلو كلو .. لانها حارة :o


اوعا تكون الخرطوم عاصمة الضباب وامطارها طول السنة :rolleyes:


ومويتهم السنة كلها قاطعة
:o


بركة العندكم آبار انتو ما تمدو للمساكين ديل
بدل النيل الجاري على الفاضي دا



وزحمة ... :o


يعني الخرطوم خلااااااس ناسا مدسين في بيوتهم
السنة الفاتت بس عشان اقطع من شارع لي شارع اخدت لي ساعة
وعاشن ارجع ام درمان اخدت تلاتة ساعات :cool:



ورقشاتهم كتيرة ... :o


ودا احلا شي



... وشوارعهم ضيقة ومامخططة من زمن المهدي

:o

حيرتيني غلبني الاقولو ليك
حسي دا كلام تقوليهو لينا
كلمي وزير الاسكان ولا شوفي الزول المسعول
من الحاجات دي واعترضي ليهو
نحن دخلنا شنو في المواضيع دي :)



والمصيبة الاكبر انهم متعصبين لي امدر "عورا شديد :o"

:o

انتي متعصبة لشنو يا بتو
كل فتاة بي مدينتها معجبة ;)



والحمدلله ماسكنتها :o


لاحولااااا ولاقووووة
للدرجة دي يا بتو
حسي انا كان نزلت اجازة
ولابتجيني ؟!

بت أم درمان
30-04-2011, 07:42 AM
يابت امدرمان
خليك حنينة علي بت مارنجان دي ياخ
وصدقيني ح تحب امدر ح تحبها
ولو عشانك انتي بث!!


اكتر من كداحنية لكن
انا ما قلت شي زاتو

ريمون
30-04-2011, 08:21 AM
انا لما قريت اسم البوست دخلت بمزاج عشان اكتب عن امدرمان المدينه العشق ..
دي المدينه البتحس فيها وكأنك في مدني ..حنينه واصيله ..
لوما كنت من مدني كنت اتمني اكون من امدرمان ..
والتعصب ؟؟ هو في ناس متعصبين لي مدينتهم اكتر من
ناس مدني ؟؟؟ بس بي حقنا .. وهم بي حقهم ..
ياريت لو تشيلي عيونا تشوفي بيها امدرمان بي زحمته ومويتها القاطعه و..و...

الجندي المجهول
30-04-2011, 08:34 AM
بتنا بت مارنجان

لاول مرة احس ان قلمك قد خذلك هذه المرة ،،،،

هل تعلمي ان اقرب مدينتين متشابهتين هما ( امدرمان ومدني )

طريقة تعامل الجيران وعشان ما تمشي بيعد انا هنا بقصد (امدرمان القديمة)

حي العرب ، ود ارو ، الكباجاب ، ابو روف ، الملازمين ، بيت المال ، الهجرة ، ود نوباوي ، القلعة ، الركابية ، ود البنا ، العمدة ، الخ ..

وبحكم نشأت والدتي بحي العرب ووالدي بود ارو وبحكم التعامل مع الجيران وبحكم نشأتي ومولدي بود ممدني ( استطيع ) ان أوكد اهما شبيهان لبعضهما البعض
الرياضة ، الفن ، السياسة ، الحياة الاجتماعية ......
ونفس الاشخاص الموجودين في استاد مدني بحركاتهم ونكاتهم موجودين بدار الرياضة بامدرمان

الان امدرمان امتدت حتى وصلت إلا ما بعد الكلية الحربية ،،،،،
والحياة في العاصمة غير ولكن لا زال اهل ( امدرمان القديمة) هم بنفس الصفات

حي العرب (المظاهر) بالقرب من استاد الهلال ( على مرمى حجر من منزل والدتي ) حيث نقضي الاجازة بين هنا وهنالك في ود ارو ( على مرمى حجر ) من منزل زعيم الزعماء ( الازهري) ... نصول ونجول ولا زلت حتى كتابة هذه اللحظة اذكرها بكل تفاصيلها .....

ولكن يظل الولاء والمحبة لمدني بلا ادنى شك ( ولكن هنالك مكان كبير في القلب لامدرمان )

انه ليس تعصب ولكن بحكم صلة الرحم وبحكم تواجد الاهل وبحكم اشياء كثيرة تجعل من مدني وامدرمان ( قرتا عين لي)

تخريمة : لو قلت الخرطوم أو بحري ( بتفق معاك ) لكن بالنسبة لامدرمان ( بالغتي كتير)

ياخ حتى بالنسبة لاجمل محلات (الفول )

في مدني

كشك
العمدة
ابو ظريفة

في امدرمان

برعي
الجان
ابو صليب

عندهم

وعندنا

ويبقى السودان وطن يسع الجميع بكل سحناتهم ولغاتهم وحتى ناس مارنجان

مع الكثير من تحياتي ،،،،






الجندي كيفنك
انت مشكلتك متسرع ... اكان صبرت شوية كان عرفتني عايزة اوصل لي شنو
اها دي العصبية الانا قصدتها والتعنت ...
ماتتسرع وتحكم قبل ماتشوف آخر الزول ...
ياخي كان تسالني كان قلت ليك احزف البوست الاول وخلي التاني بدل تدمجهم
اها دا ماتسرع ؟؟؟

انا فكرتي اتغيرت انو بعض سكان امدرمان اقيف ليهم احترام وافخر بسودانيتهم
قبل امدرمانيتهم ... ولسة عندي تحفظ علي المدينة ...


??????????
!!!!!!!!!!!

الجندي المجهول
30-04-2011, 08:39 AM
انا لما قريت اسم البوست دخلت بمزاج عشان اكتب عن امدرمان المدينه العشق ..
دي المدينه البتحس فيها وكأنك في مدني ..حنينه واصيله ..
لوما كنت من مدني كنت اتمني اكون من امدرمان ..
والتعصب ؟؟ هو في ناس متعصبين لي مدينتهم اكتر من
ناس مدني ؟؟؟ بس بي حقنا .. وهم بي حقهم ..
ياريت لو تشيلي عيونا تشوفي بيها امدرمان بي زحمته ومويتها القاطعه و..و...


هل تعلمي ان اقرب مدينتين متشابهتين هما ( امدرمان ومدني )

طريقة تعامل الجيران وعشان ما تمشي بيعد انا هنا بقصد (امدرمان القديمة)

حي العرب ، ود ارو ، الكباجاب ، ابو روف ، الملازمين ، بيت المال ، الهجرة ، ود نوباوي ، القلعة ، الركابية ، ود البنا ، العمدة ، الخ ..

وبحكم نشأت والدتي بحي العرب ووالدي بود ارو وبحكم التعامل مع الجيران وبحكم نشأتي ومولدي بود ممدني ( استطيع ) ان أوكد اهما شبيهان لبعضهما البعض
الرياضة ، الفن ، السياسة ، الحياة الاجتماعية ......
ونفس الاشخاص الموجودين في استاد مدني بحركاتهم ونكاتهم موجودين بدار الرياضة بامدرمان

الان امدرمان امتدت حتى وصلت إلا ما بعد الكلية الحربية ،،،،،
والحياة في العاصمة غير ولكن لا زال اهل ( امدرمان القديمة) هم بنفس الصفات

حي العرب (المظاهر) بالقرب من استاد الهلال ( على مرمى حجر من منزل والدتي ) حيث نقضي الاجازة بين هنا وهنالك في ود ارو ( على مرمى حجر ) من منزل زعيم الزعماء ( الازهري) ... نصول ونجول ولا زلت حتى كتابة هذه اللحظة اذكرها بكل تفاصيلها .....

ولكن يظل الولاء والمحبة لمدني بلا ادنى شك ( ولكن هنالك مكان كبير في القلب لامدرمان )

انه ليس تعصب ولكن بحكم صلة الرحم وبحكم تواجد الاهل وبحكم اشياء كثيرة تجعل من مدني وامدرمان ( قرتا عين لي)

تخريمة : لو قلت الخرطوم أو بحري ( بتفق معاك ) لكن بالنسبة لامدرمان ( بالغتي كتير)

ياخ حتى بالنسبة لاجمل محلات (الفول )

في مدني

كشك
العمدة
ابو ظريفة

في امدرمان

برعي
الجان
ابو صليب

عندهم

وعندنا

ريمون +امدرمان +مدني = 100%
ريمون +امدرمان +مدني = 100%
ريمون +امدرمان +مدني = 100%
ريمون +امدرمان +مدني = 100%
ريمون +امدرمان +مدني = 100%
ريمون +امدرمان +مدني = 100%

ايمن عبد الله
30-04-2011, 08:44 AM
ياهلابيك ياايمن

والله مااختلفنا بس الناس ماتكون متعصبة ...
والبيسكن الخرطوم مابقدر علي عيشت امدرمان ...

ياهلا بيك . يا بتو ..

إنتي بس ابعدي من (سيد البلد) ما بنتعصب .. خالس خالس ..


انا معاك العيشة في امدر صعبة لكن بس المدينة عريقة وجميلة وبتشبهنا لحد بعيد بأحيائها وسكانها وتكاتفهم مع بعض وحلاوة روحهم .. طبعا ده بنطبق على امدرمان القديمة اما الجديدة فهم لاحقين ناس الخرطوم (لحم رأس)

بت امدرمان .. لسة ماجاتك (عشان تندمك) على بوستيك ده .. اصلها اليومين شغاالة نديم ساااي .. اسأليني انا .. (وش مجرب نديم البت الامدرمانية)

الملكة اسماء ( ام محمد )
30-04-2011, 08:44 AM
مواليد ام درمان
حضور ومتابعة غايتو

ايمن عبد الله
30-04-2011, 08:48 AM
:rolleyes:
لاحولااااا ولاقووووة
للدرجة دي يا بتو
!

لي حلة محجوب يا بت امدر !!

بت أم درمان
30-04-2011, 08:51 AM
[FONT="Arial"][B][COLOR="navy"][SIZE="4"]بت امدرمان .. لسة ماجاتك (عشان تندمك) على بوستيك ده .. اصلها اليومين شغاالة نديم ساااي .. اسأليني انا .. (وش مجرب نديم البت الامدرمانية)

جيت قبيـــــــــــــــــل :)
لكن بيني وبينك ما مفترض تندم
على كلامها دا :mad:

حسي اجي النويري
يقول لي تندم على شنو
وما شايف حاجة تندم عشانها

بت أم درمان
30-04-2011, 08:53 AM
مواليد ام درمان
حضور ومتابعة غايتو

والنـــعم

اتاري ناس ام درمان كتـــار هنا :)

بت أم درمان
30-04-2011, 08:54 AM
لي حلة محجوب يا بت امدر !!

بالغت لكن
وكان ما جاتني
انا بمشي ليها
محل ما تكون

الملكة اسماء ( ام محمد )
30-04-2011, 08:55 AM
والنـــعم

اتاري ناس ام درمان كتـــار هنا :)

ولسه البقية تاتي باذن الله
الخوف يطلع الadmin زاتو مواليد ام درمان :)

بت أم درمان
30-04-2011, 08:57 AM
ولسه البقية تاتي باذن الله
الخوف يطلع الadmin زاتو مواليد ام درمان :)

ما تستبعدي :)

الجندي المجهول
30-04-2011, 09:00 AM
لي حلة محجوب يا بت امدر !!

allah aalam bit omdurman takoon be tarif hilaat mahjoooob

ايمن عبد الله
30-04-2011, 09:02 AM
جيت قبيـــــــــــــــــل :)
لكن بيني وبينك ما مفترض تندم
على كلامها دا :mad:

حسي اجي النويري
يقول لي تندم على شنو
وما شايف حاجة تندم عشانها

ما شفتك انا لاني فتحت الصفحة ورجعت ليها بعد فترة رديت طوالي لمن راجعت لقيتك جيتي ورديتي عرفت نفسي متأخر شديد ..

لكن الحبيب النويري عنده الحق كل الحق .. البندم شنو عليك الله ..

بت أم درمان
30-04-2011, 09:04 AM
allah aalam bit omdurman takoon be tarif hilaat mahjoooob

هههههههههه
اكون بت حلاَّل يعني :);):cool:

ايمن عبد الله
30-04-2011, 09:04 AM
allah aalam bit omdurman takoon be tarif hilaat mahjoooob

طيب لي شندي فوق .. عشان بت امدر ما بتعرف حلة محجوب .. بس ما يجوني كمان التيمان يقولو لي لي جبت سيرة شندي فوق ..


الجندي الانقليزي الهايم بيك شنو ؟

ايمن عبد الله
30-04-2011, 09:05 AM
هههههههههه
اكون بت حلاَّل يعني :);):cool:

السؤال : بتعرفيها .. بدون ما تسألي جاوبي .. بدون بخرات جاوبي ؟

بت أم درمان
30-04-2011, 09:05 AM
لكن الحبيب النويري عنده الحق كل الحق .. البندم شنو عليك الله ..

كان رديت ليهوهناك
انا البوست داك زاتي خليتو
بعد انت ندمت عليهو :rolleyes:

ايمن عبد الله
30-04-2011, 09:07 AM
كان رديت ليهوهناك
انا البوست داك زاتي خليتو
بعد انت ندمت عليهو :rolleyes:

مصرة تندميني .. وحاة اسيل ما ندمان عليه .. اها

بت أم درمان
30-04-2011, 09:08 AM
السؤال : بتعرفيها .. بدون ما تسألي جاوبي .. بدون بخرات جاوبي ؟

حلَّة محجوب؟
ابدن والله عمري ما شفتها
اوعا تكون انت من هناك

ايمن عبد الله
30-04-2011, 09:11 AM
حلَّة محجوب؟
ابدن والله عمري ما شفتها
اوعا تكون انت من هناك


دي غادي .. للدرجة دي ..

انا من هنا ..

الجندي المجهول
30-04-2011, 09:13 AM
طيب لي شندي فوق .. عشان بت امدر ما بتعرف حلة محجوب .. بس ما يجوني كمان التيمان يقولو لي لي جبت سيرة شندي فوق ..


الجندي الانقليزي الهايم بيك شنو ؟

ya abo yamn ma tahrgna yakh mafe arabi fee algehaz

ريمون
30-04-2011, 09:13 AM
ولسه البقية تاتي باذن الله
الخوف يطلع الadmin زاتو مواليد ام درمان :)
غايتو نحن ناس مدني ومتعصبين لي مدني .. لكن ده ما بيقلل من عشقنا لي امدرمان بكل تفاصيلها ..

ايمن عبد الله
30-04-2011, 09:19 AM
ya abo yamn ma tahrgna yakh mafe arabi fee algehaz



طيب الاستعجال شنو ما تصبر لمن تمشي بكرة لي جهازك اب عربي ..

العفو ياااخ مافي اي احراجات ..
وبعدين تتحرج ليه هلالابي انت ..
ولا مغلوب في شندي ؟

ايمن عبد الله
30-04-2011, 09:21 AM
ياجماعة هوووي بطلو الهرجلة وما تطلعونا من الموضوع ..

دقايق بس البوست خش في الصفحة التالتة .. وكله برة امدر ..

هوووي (وش مطلع كرت اصفر)

:cool:

الملكة اسماء ( ام محمد )
30-04-2011, 09:34 AM
دقايق بس البوست خش في الصفحة التالتة .. وكله برة امدر ..

هوووي (وش مطلع كرت اصفر)

:cool:
غايتو الشاف بت مارنجان لما تجي طارداكم ماكذاب

وش بري جدا :rolleyes:

ايمن عبد الله
30-04-2011, 09:42 AM
غايتو الشاف بت مارنجان لما تجي طارداكم ماكذاب

وش بري جدا :rolleyes:

انا غايتو كتبت مشاركتي الانتي علقتي عليها (للضمان بس) عشان ما اجي القى نفسي برة الشكلة ..

بت أم درمان
30-04-2011, 10:37 AM
ياجماعة هوووي بطلو الهرجلة وما تطلعونا من الموضوع ..

دقايق بس البوست خش في الصفحة التالتة .. وكله برة امدر ..

هوووي (وش مطلع كرت اصفر)

:cool:

قصدك
لما تصبح ممكن القا البوست
عند المسافر ومدناوية :cool:

مايسة
30-04-2011, 12:53 PM
فيفي المحاضر دا ساكن وين في امدرمان ؟;):p

ودسمير
30-04-2011, 07:56 PM
سلام يا بت مارنجان ..

انا عشت غربه كتير دراسه وشغل ..

تعرفى ان اقرب الروابط لبعضها البعض رابطتى أمدرمان وودمدنى .. ويكفى

الجندي المجهول
30-04-2011, 08:42 PM
سلام يا بت مارنجان ..

انا عشت غربه كتير دراسه وشغل ..

تعرفى ان اقرب الروابط لبعضها البعض رابطتى أمدرمان وودمدنى .. ويكفى

الحبيب ود سمير

صباح الخير وتحياتي الحاااااارة

تعرف نفس كلامك دا كتبتوا فوق ( بت مارنجان ) قالت علي متسرع ومتعصب !!!!

مع انني لم افضل امدرمان على مدني بل ذكرت انهما وجهان لعملة واحدة لكن شكلها ( مبيتة النية) ؟؟؟

تخريمة : وبصراحة ومن غير عنصرية وكرأي خاص (امدرمان + مدني) هما رأس القطر لهذا البلد مع كامل احترامي وتقديري لكل شبر خارج هذين المدينتين

وحب الناس مذاهب ......
وكل يوم امدرمان يزيد بريقها ولمعانها خاصة ( بوجود الاعلام وهلال مريخ ووووالخ ...) ولا شنو ؟

نزار حسن محمد
30-04-2011, 08:47 PM
ياخوانا شفت شعاع طالع من البوست ده
واكتشفت مصدر الشعاع عودة بتنا بت
مارنجان السودان تسع لغات والعاشرة ابتسامه
يامراحـــب

معتز الريح
30-04-2011, 09:03 PM
البوست ده بذكرني بالفديو أدناه ..
ووجه الشبه ظااااهر ..

http://www.youtube.com/watch?v=dRbDlJ6XL_g

الجندي المجهول
30-04-2011, 09:06 PM
البوست ده بذكرني بالفديو أدناه ..
ووجه الشبه ظااااهر ..

http://www.youtube.com/watch?v=dRbDlJ6XL_g

بتبالغ يا ود الريح ،،،،

ارفع السماعة !!!!!!!!!!

سوباوي
30-04-2011, 09:30 PM
الراقية بت مارنجان ..

يا سلام .. يا بتو .. هذا البوست سيذهب بنا من نواحي وإلى نواحي يعشقهما القلب ..

ونحن صغاراً تحكي لنا الوالدة عن وردي والكاشف بذات حكيها عن نشأتها بود مدني بالحي البريطاني ..

كما تحب أن تطلق عليه حتى يومنا هذا وتحكي عن انتماء حميم لتلك الديار وعن عشرة لا زالت

تعشرق لها حلاوتها في حلقها أوان سيرتها على حد قولها .. فوجدنا أنفسنا مولعون بحب هذه

المدينة وتفاصيلها فكان نصيب أخوتي الكبار أن درسوا بها وعشقوها لحد الجنون ولم يكن لي وافر

حظ في الإقامة بها أو الدراسة سوى بعض من أسبوع بمدرسة السني ثم غادرتها لقواعدي حيث أنني

ترعرعت نواحي شرق البلاد فأخذت مني أجوائها ما أخذت .. أنتهى هنا الحديث "ونحن صغاراً" .

ونحن يفعاً ننافح بعضنا بثقافة الراسخ في ذاك الوقت والسائد من كتابات والاستماع إلى علي المك

وصلاح أحمد إبراهيم ونستمع إلى موشحات برعي محمد دفع الله على العود وانتقاله بين مقامات

عالية في الروح بكل براعة ... لهم الرحمة .. لأجلهم عشقنا أمدرمان بكل تفاصيلها ومقاطع محجوب

شريف .. وكان لنا في العائلة فرع كبير تروق لي تسميته بجناح أمدرمان .. زحفت إليها بكل هذا العشق

المختمر في ذاكرة صبي .. وأصبحت أحد سكانها تبع جناحنا بها وامتداده من أبوروف وبيت المال وإلى

الثورات فأدركت وقتها أي مدينة ناصفت ودمدني في محبتي لها ..

هذا وأذكر أننا أوان نشاط فتي وحيوية جبارة ونحن في عامنا الثاني بالجامعة وبرفقة صديقي

الأمدرماني الهوى وشرقي الانتماء أقمنا أول معرض تشكيلي لنا كهاوين في مكتبة البشير الريح

بتوقيت أمسية شعرية كانت بإشراف الأستاذ عبد المنعم الكتيابي .. فشاركنا أيضاً بنصوص أنا

وصديقي نالت أعجاب الجميع .. وبعد نهاية الأمسية أذكر أن ثلاثة من أعمامنا كبار السن وبرفقتهم

امرأة لا تقل عنهم سناً ووقاراً عرفونا بأنفسهم وأن لم تخني الذاكرة أن أحدهم من حي الركابية والمرأة

من ود نوباوي فكان أول أسئلتهم لنا أنتو أولاد منو ومن وين في أمدرمان .. فكانت أجابتنا تعصباً نحن

ليس من أمدرمان فضحكوا وقالوا إن لم تكونوا من أمدرمان فأنتم من ود مدني وإن كنتم من خشم القربة

على وزن وإن طارت عنزة ..

إلى أن وصلنا يا بت مارنجان لنهاية الألفية الثانية والتحقنا بالدراسات العليا بجامعة النيلين فكانت من

ضمن مجموعتنا الأخت الفاضلة المحامية تيسير والتي كانت متعصبة لأمدرمانيتها وجعليتها في آن

واحد وتشاكسني بأنتمائي لنواحي ود مدني فأقول لها يا تيسير يا أختي الأمدرماني الجعلي في ذمة

الواعي فنضحك وبقية الشلة ملئ شدقينا .. وتأتي المناسبة لأن تقيم لي تيسير والزملاء حفل صغير

بمنزلهم أوان انتوائي لمغادرة البلاد .. فكانت تيسير برعي محمد دفع الله وبعض آل علي المك وكانت

أمدرمان أخرى لمن لا يدرك رسوخها الفني والأدبي وتاني يا بت مارنجان إتعاد السؤال أنت يا سوباوي

لو ما من أمدرمان أكيد من ودمدني .. شفتي الحكاية دي كيف ..

يعني الأعزاء الجندي والملكة وبت أم درمان وكل الذين تتناصفهم محبة أم در مع مدني سيكون بحوزتهم

وجدان تزينه الكثير من التفاصيل الجميلة ..

وأهم ما في الأمر يا أيمن عبد الله هو أن تكون مدناوي الانتماء وأمدرماني الهوى ومريخابي الدماء

مشاركة مع برشلونة شفته كيف الحكاية دي بتخلي الواحد متوازن ..

معذرة بت مارنجان للتهويم الحر في هذا البوست .. وفقط ما وددت قوله حاولي حبي أمدرمان لأجلنا

وأجل أستاذ أحمد في أنسانها بعيداً عن زحمة الركشات وتفاصيل الشارع وصوت الحنفية ..

مؤكد تحياتي وكوني كما أشتهي لك من أمنيات ،،،

بت مارنجان
01-05-2011, 01:53 AM
حليل ام در ... حليل ناسا

--------
يابنوتة ياخ امدر دي لو كنتي عيشتي فيها
زي ماعشنا فيها
وعندك فيها ذكريات لا تنسي زينا كدا
كنتي عرفتي انه الله واحد:cool:




تبعآ يابت "الاهلية"
بتعرفيها شارع شارع وزقاق زقاق :o:o

انا ماعشت فيها ياحلوة بس استاذ احمد ساكن فيها :rolleyes:

بالله شوفي حل لي تلفونك دا لانه عزبنا

بت مارنجان
01-05-2011, 01:58 AM
بركة الفي زول امدرماني قدر يغير ليك مفاهيمك :cool:

و اكيد بكون برضو غير ليك فكرتك
في ان ما كل سكان امدرمان بنفس
اسلوب الناس الانتي اتعاملتي معاهم قبل كدا
وكانو بعصبوك ويفقدوك المنطق :):p

عارفة
انتي اذا جد بتعرفي ام درمان
ما بتقولي كلامك الفوق دا

تخريمة : ربنا يسعدك يا فيفي :cool:

نبدأ من الاخر :
آآآآآآآآآآآآآآآآآآآآآآآآآآآآآآآآآآآآآآآمين جمعا ياختي ..

حقيقة انسان محترم يستحق الاحترام والتقدير ...
وجد اول مرة اتعامل مع انسان يفرض عليك من دون ماتشعر احترام
اي حتة منتسب ليها والحوار معاه كان راقي بصورة كبيرة جدآ ...

بت مارنجان
01-05-2011, 02:05 AM
اوعا تكون الخرطوم عاصمة الضباب وامطارها طول السنة :rolleyes:

يختي نحنا في الخريف المطرة حدها الكبري وبتقيف مابتوصل بيغادي :confused:



بركة العندكم آبار انتو ما تمدو للمساكين ديل
بدل النيل الجاري على الفاضي دا

انحنا ياهناية مويتنا ماقاعدة تقطع شغالة فل 24 ساعة * 7يوم :p

يعني الخرطوم خلااااااس ناسا مدسين في بيوتهم
السنة الفاتت بس عشان اقطع من شارع لي شارع اخدت لي ساعة
وعاشن ارجع ام درمان اخدت تلاتة ساعات :cool:

نحنا رقشاتنا ممنوع في الاستوب داخل الاحياء بث
وشوارعنا وااااااسعة ماضيقة والزحمة عااااااامة :o

ودا احلا شي




حيرتيني غلبني الاقولو ليك
حسي دا كلام تقوليهو لينا
كلمي وزير الاسكان ولا شوفي الزول المسعول
من الحاجات دي واعترضي ليهو
نحن دخلنا شنو في المواضيع دي :)


والله يااتي انا ماوجهت ليك الحديث برااااك دي وجهة نظر لشخصي الضعيف :confused:

انتي متعصبة لشنو يا بتو
كل فتاة بي مدينتها معجبة ;)


طبعا كل فتاة بمدينتها معجبة زي ماانا معجبة بالخرتوم محل الرئيس بنوم
والطيارة بتقوم :cool:


لاحولااااا ولاقووووة
للدرجة دي يا بتو
حسي انا كان نزلت اجازة
ولابتجيني ؟!

كدي جرو بيتكم علي الظلط ولا اقول ليك جمب السلاح الطبي
بنجيكم .. منها قعدة علي البحر كان عطشنا نشرب وكان سخنا
هواء البحر يضربنا :o

خليك كول يالسمحة افهمي المغزي من البوست ...
مرات بيجي انسان في دقايق يغير فهمك لشئ قعدتي طول عمرك مابتحبيه
وقع ليك ..

بت مارنجان
01-05-2011, 02:11 AM
انا لما قريت اسم البوست دخلت بمزاج عشان اكتب عن امدرمان المدينه العشق ..
دي المدينه البتحس فيها وكأنك في مدني ..حنينه واصيله ..
لوما كنت من مدني كنت اتمني اكون من امدرمان ..
والتعصب ؟؟ هو في ناس متعصبين لي مدينتهم اكتر من
ناس مدني ؟؟؟ بس بي حقنا .. وهم بي حقهم ..
ياريت لو تشيلي عيونا تشوفي بيها امدرمان بي زحمته ومويتها القاطعه و..و...

ياهلا بيك ريمون
الناس دي كوووولها كتبت خشي اكتبي ساي هي الكتابة بي قروش
وكل فتاة بمدينتها معجبة زي ماقالت بت ام در ...
وكل زول عنده وجهة نظره في المدينة القاعد فيها ...

والله ياخي تسلم عيونك .. لكن الشخص اللي كان سبب التحول ماقصر
شفنا بعينو امدر :o

بت مارنجان
01-05-2011, 03:12 AM
ياهلا بيك . يا بتو ..

إنتي بس ابعدي من (سيد البلد) ما بنتعصب .. خالس خالس ..

ماااااااااااااااااااااابقدر ياايمن ياخ
دا الوحيد المابقدر اخليه :o

انا معاك العيشة في امدر صعبة لكن بس المدينة عريقة وجميلة وبتشبهنا لحد بعيد بأحيائها وسكانها وتكاتفهم مع بعض وحلاوة روحهم .. طبعا ده بنطبق على امدرمان القديمة اما الجديدة فهم لاحقين ناس الخرطوم (لحم رأس)

بت امدرمان .. لسة ماجاتك (عشان تندمك) على بوستيك ده .. اصلها اليومين شغاالة نديم ساااي .. اسأليني انا .. (وش مجرب نديم البت الامدرمانية)

الموضوع ماعايز ندم ... وربنا مايجعلنا من الندامين ياخ :rolleyes:

بت مارنجان
01-05-2011, 03:19 AM
فيفي المحاضر دا ساكن وين في امدرمان ؟;):p

منطقة اسمها الجموعية علي اسم قبيلتهم :o:o
بتعرفيه ولا شنو؟;)

بت مارنجان
01-05-2011, 03:22 AM
سلام يا بت مارنجان ..

انا عشت غربه كتير دراسه وشغل ..

تعرفى ان اقرب الروابط لبعضها البعض رابطتى أمدرمان وودمدنى .. ويكفى

ود سمير كيفنك
طبعا انا ماعشت في امدر لكن بينا الكبري ...
وماكنت بحب اهلها :(

لكن هسي بحبهم عشان فيهم ناس ظريفين ويكفي انك قريت فيها :o

بت مارنجان
01-05-2011, 03:28 AM
ياخوانا شفت شعاع طالع من البوست ده
واكتشفت مصدر الشعاع عودة بتنا بت
مارنجان السودان تسع لغات والعاشرة ابتسامه
يامراحـــب

شفنا قمر بين الازهار :o
يسلمو ياود حسن كتير ...

والشعاع بي وجودك وحضورك ... تحياتنا للبنيات وامهم

بت مارنجان
01-05-2011, 03:31 AM
فيديوك دا ماااااااااااااااااااوقع لي يامعتز
باقي الايام دي فهمي مابجي سريع :confused:

بت مارنجان
01-05-2011, 03:49 AM
مواليد ام درمان
حضور ومتابعة غايتو

معليش يالملكة
العتب علي النظر ....

شكرا علي حضورك ومتابعتك ...

بت مارنجان
01-05-2011, 04:06 AM
الراقية بت مارنجان ..

يا سلام .. يا بتو .. هذا البوست سيذهب بنا من نواحي وإلى نواحي يعشقهما القلب ..

ونحن صغاراً تحكي لنا الوالدة عن وردي والكاشف بذات حكيها عن نشأتها بود مدني بالحي البريطاني ..

كما تحب أن تطلق عليه حتى يومنا هذا وتحكي عن انتماء حميم لتلك الديار وعن عشرة لا زالت

تعشرق لها حلاوتها في حلقها أوان سيرتها على حد قولها .. فوجدنا أنفسنا مولعون بحب هذه

المدينة وتفاصيلها فكان نصيب أخوتي الكبار أن درسوا بها وعشقوها لحد الجنون ولم يكن لي وافر

حظ في الإقامة بها أو الدراسة سوى بعض من أسبوع بمدرسة السني ثم غادرتها لقواعدي حيث أنني

ترعرعت نواحي شرق البلاد فأخذت مني أجوائها ما أخذت .. أنتهى هنا الحديث "ونحن صغاراً" .

ونحن يفعاً ننافح بعضنا بثقافة الراسخ في ذاك الوقت والسائد من كتابات والاستماع إلى علي المك

وصلاح أحمد إبراهيم ونستمع إلى موشحات برعي محمد دفع الله على العود وانتقاله بين مقامات

عالية في الروح بكل براعة ... لهم الرحمة .. لأجلهم عشقنا أمدرمان بكل تفاصيلها ومقاطع محجوب

شريف .. وكان لنا في العائلة فرع كبير تروق لي تسميته بجناح أمدرمان .. زحفت إليها بكل هذا العشق

المختمر في ذاكرة صبي .. وأصبحت أحد سكانها تبع جناحنا بها وامتداده من أبوروف وبيت المال وإلى

الثورات فأدركت وقتها أي مدينة ناصفت ودمدني في محبتي لها ..

هذا وأذكر أننا أوان نشاط فتي وحيوية جبارة ونحن في عامنا الثاني بالجامعة وبرفقة صديقي

الأمدرماني الهوى وشرقي الانتماء أقمنا أول معرض تشكيلي لنا كهاوين في مكتبة البشير الريح

بتوقيت أمسية شعرية كانت بإشراف الأستاذ عبد المنعم الكتيابي .. فشاركنا أيضاً بنصوص أنا

وصديقي نالت أعجاب الجميع .. وبعد نهاية الأمسية أذكر أن ثلاثة من أعمامنا كبار السن وبرفقتهم

امرأة لا تقل عنهم سناً ووقاراً عرفونا بأنفسهم وأن لم تخني الذاكرة أن أحدهم من حي الركابية والمرأة

من ود نوباوي فكان أول أسئلتهم لنا أنتو أولاد منو ومن وين في أمدرمان .. فكانت أجابتنا تعصباً نحن

ليس من أمدرمان فضحكوا وقالوا إن لم تكونوا من أمدرمان فأنتم من ود مدني وإن كنتم من خشم القربة

على وزن وإن طارت عنزة ..

إلى أن وصلنا يا بت مارنجان لنهاية الألفية الثانية والتحقنا بالدراسات العليا بجامعة النيلين فكانت من

ضمن مجموعتنا الأخت الفاضلة المحامية تيسير والتي كانت متعصبة لأمدرمانيتها وجعليتها في آن

واحد وتشاكسني بأنتمائي لنواحي ود مدني فأقول لها يا تيسير يا أختي الأمدرماني الجعلي في ذمة

الواعي فنضحك وبقية الشلة ملئ شدقينا .. وتأتي المناسبة لأن تقيم لي تيسير والزملاء حفل صغير

بمنزلهم أوان انتوائي لمغادرة البلاد .. فكانت تيسير برعي محمد دفع الله وبعض آل علي المك وكانت

أمدرمان أخرى لمن لا يدرك رسوخها الفني والأدبي وتاني يا بت مارنجان إتعاد السؤال أنت يا سوباوي

لو ما من أمدرمان أكيد من ودمدني .. شفتي الحكاية دي كيف ..

يعني الأعزاء الجندي والملكة وبت أم درمان وكل الذين تتناصفهم محبة أم در مع مدني سيكون بحوزتهم

وجدان تزينه الكثير من التفاصيل الجميلة ..

وأهم ما في الأمر يا أيمن عبد الله هو أن تكون مدناوي الانتماء وأمدرماني الهوى ومريخابي الدماء

مشاركة مع برشلونة شفته كيف الحكاية دي بتخلي الواحد متوازن ..

معذرة بت مارنجان للتهويم الحر في هذا البوست .. وفقط ما وددت قوله حاولي حبي أمدرمان لأجلنا

وأجل أستاذ أحمد في أنسانها بعيداً عن زحمة الركشات وتفاصيل الشارع وصوت الحنفية ..

مؤكد تحياتي وكوني كما أشتهي لك من أمنيات ،،،

مبدع ياسوباوي كما عهدناك ..
وكما يتكلم عنك دوما صديقك ابو مزن وبيقول لي دايما "الزول دا مجموعة احساس"
والله مشاركتك دي قريتها مرة واتنين وتلاتة ....


وانت الوحيد الفهمت مادار في زهني من حوار مع استاذ احمد
نفس الاسلوب والكلام والحوار ... اخذنا لمعالم حقيقية وليست خيالية
اخذنا لمعني كيف نحب منطقة حتي لو كان خانقة بالزحام او الرقشات ..

ياريت لو تهوم تاني وتالت ....

بتفق معاك بس في برشلونة :o

أمير عبداللطيف
03-05-2011, 02:58 AM
والله عندى اعمامي وعماتي فى ام درمان ولمن اكون ماشي ليهم بشيل هم ،، مع احترامي وتقديري للامدرمانيين ،،

خالد علونى
03-05-2011, 03:16 AM
والله عندى اعمامي وعماتي فى ام درمان ولمن اكون ماشي ليهم بشيل هم ،، مع احترامي وتقديري للامدرمانيين ،،




مارنجو

نهارك سعيد

أنا كاتب قبل دا مشاركتين ما لاقيهم

وكل مره بزعل وأقرب أبكي
لكين تاني برجع واقول مشكلة فنية
عادي
المهم
طرقتي والله موضوع حساس جدا
أم درمان رغم إنو بقولوا عليها جميلة
جميلة وين أنا ما عارف
والله إلا تكون حدائق النخيل ولا المزن بيتش (مع الاعتذار لي أخونا أبو مزن)

وكل يوم الموية قاطعة
والكهربا قاطعة ما تعرف المشكلة في شنو بي الضبط
وأنا ساكن أم درمان

لي حوالي 4 سنة بي القطاعي

(أمشي منها وأجيها)
التقول عاملين لي فيها عمل عشان أسكنا

وكل يوم من الصباح بي هم
لما أكون طالع الصباح علي الشغل بطلع قبل سبعة عشأن الحق الدوام الساعة 8 صباحاً

وقبل ما أخش بكون شايل هم لي الرجعة خاصة الاحد والاربعا والخميس


وعلي قول الحبيب شيكو في البوست أياه

زمن يا اليمن
يا حليل الرياض زمان

مصطفى هاتريك
03-05-2011, 03:22 AM
و أنا

مدناوي الإنتماء و درماني الهوى

أم درمان الجامعه .. أم درمان دار الإتحاد .... ود أرو و الهجرة و ود دفعتي و صاحبي

الجميل خالد عز الدين هارون (( بدون حجاب )) ... طارق الجزولي .. مدثر البشير...

إيمان أحمد دفع الله.....

أم درمان (( حي البوستة )) قعداتنا مع أحمد شاويش .. وجلسات إستماع (( مصطفى سيد أحمد ))

... عمارة الجزلي و لقمان محمد أحمد .....

الهلال النادي ... الهلال الإستاد ... الهلال الجريدة الهلال العشق و الوطن

تقولي شنو ؟؟؟ و تقولي منو

أم درمان العباسية ... محطة بت مسيمس ... عمر الشاعر و زيدان أبراهيم .. والتجاني حاج موسى

ومحمد يوسف موسى ..

أم درمان (( عربي و الكمان ))

ريمون
03-05-2011, 10:50 AM
يا جماعه .. في زول فيكم ممكن يقول مدني ما جميله ؟؟؟
ما الكهرباء قاطعه والمويه قاطعة وشوارع بايظه و.. و.. و..
العشق للمعني .. المعاناه موجوده في امدرمان وعشناها كتيره لما كنا فيها ..
لكن لسه امدرمان العشق الكبير ..
قد يكون الكلام مكرر لكن صعب الزول ما يرد ..
مع احترامنا لكل الأراء ..

بت أم درمان
03-05-2011, 11:10 PM
خليك كول يالسمحة افهمي المغزي من البوست ...
مرات بيجي انسان في دقايق يغير فهمك لشئ قعدتي طول عمرك مابتحبيه
وقع ليك ..

وقع لي شديد والله :)

والأهم انا فاهمة المغزى من البوست

* انتِ ما بتحبي ام درمان
* ومعجبة بي استاذك الحببك في ام درمان
* غيرتي فكرتك عن ام درمان مع بعض التحفظات
* ...... :p

ومن اول قلت ليك ربنا يسعدك :cool:

تاني شنو:rolleyes: