اول مرة مااقول لزول "شكرا"

[مدنيّة]

عمري ماحصل زول قدم لي خدمة
"بغض النظر عن ماهيتها"
مااقول ليه شكرا!

[مدنيّة]

حتي لو في مكالمة هاتف
لازم اختمها بشكرا
فهمي انه الزول الاتصل علي دا
استقطع من وقته
عشان يفقدني
فبالتالي لازم اشكره

[مدنيّة]

قبل كم يوم مشيت بنك
عشان اودع فيه مبلغ لمنظمة
وماعندي رقم حساب المنظمة دي
والموضوع دا ما مشكلة
في ظل ادخال الحاسوب في عمل البنوك
بالاضافة الي اني لي 3 سنوات
بمشي مرة كل سنة للايداع دا
وماعارفة رقم حساب المنظمة
بطلعوه لي من الحاسوب وبيعملوا اجراءات الايداع

[مدنيّة]

اها لما مشيت قبل كم يوم
لقيت لي موظف زهجااااااااااااااااااااان وقرفاااااااااااان
بصورة مالاقتني قبل كدا

[مدنيّة]

عصرت علي روحي ليمونة عشان اقدر اتعامل معه
وقلت ليه عندي ايداع لمنظمة
لكن ماعندي رقمها

[مدنيّة]

بمنتهي السخافة قال لي
انا رقم حسابي ماعارفه
عايزاني اعرف ارقام حسابات المنظمات كمان!!

[مدنيّة]

قلت ليه يااستاذ الجنبك دا مش حاسوب!
قالي مابيطلع لي ارقام حسابات!!
امشي الجانب التاني اسالي!

[مدنيّة]

مشيت لمديرته
ووريتها الحاصل ، طلعت لي الرقم مشكورة

[مدنيّة]

بعد ماخلصت من الموظف
رجعت لمديرته مرة اخري "ماضمنت خلا"

[مدنيّة]

قلت ليها الموظف دا
مابيعكس صورة مشرقة للبنك
وابدا مابيدي انطباع انه البنك في خدمة عملاءه
قلت ليها الموظف دا محتاج دورة في
How deal with other

[مدنيّة]

ياخ وحاة الله صرفت ليها صرف
لما اتكيفت من روحي

[مدنيّة]

المديرة مسكينة تشيل وتعذر لي
قالت لي الموظف دا الليلة مريض
ودي ماطبيعته في التعامل مع الناس
قلت ليها مريض
ياخد اجازة

[مدنيّة]

مش يكون شغال
ويتعامل بالصورة دي مع العملاء

[بت أم درمان]

ياخ وحاة الله صرفت ليها صرف
لما اتكيفت من روحي


وهي ذنبها شنو
كان تمشي للسخيف داك
تديهو كلمتين
امكن كان يخجل ويحس

[مدنيّة]

ونفسي الامارة بالسوء
قالت لي ادخلي لمدير الفرع
تاني قلت النلعن الشيطان واوقفها لغاية مديرته المباشرة دي

[مدنيّة]

ماعارفة ليه في السودان "في الغالب الاعم" مابنهتم
في التعامل مع العملاء بصورة مشرقة!

------
دا مضمون البوست

[بت أم درمان]

ونفسي الامارة بالسوء
قالت لي ادخلي لمدير الفرع
تاني قلت النلعن الشيطان واوقفها لغاية مديرته المباشرة دي

هههههههه
بركة النعلتي شوشو
حسي بكون ادوهو انذار
ولا خصمو لي تلاتة ايام غايتو

[مدنيّة]

وهي ذنبها شنو
كان تمشي للسخيف داك
تديهو كلمتين
امكن كان يخجل ويحس

ذنبها انها مديرته يابنوتة
لازم تكون عارفة موظفنها ديل بتعاملوا كيف مع العملاء
ولو الواحد عمل خطأ هي اللي بتتحمله
لانها هي من يوجههم ويرشدهم
مسئولة من تدريبهم وزرع مهارات سلوكية عندهم
عشان يقدروا يعكسوا صورة جميلة للبنك


-------
بيني وبينك السخيف داك
اخلاقه في مناخيره
ياانتي مابقدر اصرف ليه (وش جبااااااااااااان)

[مدنيّة]

هههههههه
بركة النعلتي شوشو
حسي بكون ادوهو انذار
ولا خصمو لي تلاتة ايام غايتو

تعرفي يابنوتة
مدير الفرع بابه قزاز
وشايفاه قاااااااعد
وشوشو يقول لي
ياخ ادخلي ليه ... ياخ ادخلي ليه

تاني زحيت شوشو مني ووقفت عند مديرته بث
هههههههههههههههههه

-------
لو الموظف دا انا مديرته
صدقيني شهر خصم عليه شوية
وح اوقفه لغاية لما اعمل ليه دورات تأهيلية وتدريبية
لغاية لما اثق تماما انه قدر مسئولية تمثيل البنك امام العملاء (النبي فيك لقيتني كيف وانا مديرة!)

[ابوالنور]

مدنية ازيك
اها نسيت اقول ليك
شكرا علي البوست

[الملكة اسماء ( ام محمد )]

(النبي فيك لقيتني كيف وانا مديرة!)



مدون ياعسل
الوضع الشفتيه والمر عليك دا بيتكرر كتير جدا والسبب هو قلة الرقابة على القطاعات دي وعدم وجود معايير لضبط جودة العمل عشان كدا كله سااااايب

همسة:لو بقيتي مديرة نص الموظفين حايترفدوا بلا شك (وش عاااارفك جادة شديد):)

[ابوالنور]

[QUOTE=مدنيّة;596461]-------
لو الموظف دا انا مديرته
صدقيني شهر خصم عليه شوية
وح اوقفه لغاية لما اعمل ليه دورات تأهيلية وتدريبية
لغاية لما اثق تماما انه قدر مسئولية تمثيل البنك امام العملاء (النبي فيك لقيتني كيف وانا مديرة!)
[COLOR="darkgreen"]عندنا وظيفة شاغره

[naz_imam]

ام جمال صباحك ورد

والله دي حال الخدمة المدنية عندنا وبالجد محتاجين تأهيل كثير في فن التعامل مع الجمهور ...... بس عجبتيني مع المديرة عالم مابتجي إلا كدا

مشاققه : والله انا زيك كلمة شكرا دي عندي في كل شي

[abomazeen]

قبل كم يوم مشيت بنك
عشان اودع فيه مبلغ لمنظمة
وماعندي رقم حساب المنظمة دي
والموضوع دا ما مشكلة
في ظل ادخال الحاسوب في عمل البنوك
بالاضافة الي اني لي 3 سنوات
بمشي مرة كل سنة للايداع دا
وماعارفة رقم حساب المنظمة
بطلعوه لي من الحاسوب وبيعملوا اجراءات الايداع






بكل حيادية ... دي ما مسئولية ولا وظيفة الموظف ده
لانو مفروض تجيبي إنت المعلومة كاملة من عندك
أسلوبه يمكن يكون غليظ وغلط كمان ...!
بس لازم كمان يحافظ على أسرار العملاء
تفتكري لو الحكاية زي ما إنت عاوزة
ممكن يحصل شنو لبقية بيانات العملاء
حاولي تفهميني ياااااخ أنا قاصد شنو
وشيلي من صدرك زهجة أخونا ده
وجدي العذر لاخيك يا ستي
الله يلعنك يا شوشو
احترامـي مرفـق
شكرن جزيلن

[سوار الياسمين]

ياخ وحاة الله صرفت ليها صرف
لما اتكيفت من روحي




انتي حتقولي لي عن الصرف بتاعك
شوفت بعيني محدش قالي :)

وبعدين يا مدون صورة مشرقة شنو من موظفين العملاء في السودان
قمة عدم الزوق وعدم الاسلوب اللبق المفروض يكون عنوان للموظف في خدمة العملاء
الكل متبع سياسة وحدة استغلال الداير خدمة لاقصى حد عن طريق لازم الواحد يخت حاجة تحت الطربيزة بالبلدي كده
ويلعبو بالواحد زي الكورة كل واحد يشوت العميل للتاني
في اي مكان الجوازات في المطار في البنك حتى في مكاتب السفر والحجز في اي مكان يخطر ليك
عالم خليني ساكتة منهم ساي
قلة قليلة فقط بيخدمو الناس بكل شفافية وزوق وضمير الذي اصبح غائب عند الاغلبية

[الجندي المجهول]

العمة ،، صباح الخير

بكل اسف وبصورة عامة (موظفي الخطوط الامامية ) في السودان بصورة عامة تدعواء للرثاء والحيرة (والطمام) ولا ادري ما هو السبب في ذلك

مع انو معروف في كل دول العالم ( بدون استثناء) ان الموظف الذي يوضع في الواجهة للتعامل مع الجمهور لا بد ان يكون (مبتسم) في وجه العميل حتى ( لو مجبور) لكن في السودان ...... طبعا انتم عارفين ولا تحتاج لسرد وقائع او ضرب امثلة

تخريمة : هذا لا يمنع بتاتاً ان يكون هنالك ناس زوق ( وزوق شديد ) وياريت الناس الزوق الشديد ديل ينسخوا لينا منهم كتير

ناس تفتخر بهم وتفخر بهم وتفاخر بهم لانهم اهل للفخر

ولا شنو !!!!!!!!!!!

شكراً عمتنا على هذا البوست (المريح) جدا

انا كاتب مريح ما تمشي تقريها لي (اهلي شندي)

[abomazeen]

ماعارفة ليه في السودان "في الغالب الاعم" مابنهتم
في التعامل مع العملاء بصورة مشرقة!





عليك الله ما أم جمال ما حصل لاقيتي لك واحد بالمواصفات دي



قبل فترة يعني اسبوعين واكتر جانا استاذ هو "متحدث" عن "human wrighs"
وقوانين حقوق الانسان والاتفاقيات والدول الموقعة للاتفاقيات وكدا ...

ماشاء الله عليه استاذ وسيم شكله جيد جدآ ... كلامه مرتب ومنمق ويدل علي انه
زول راسو مليان وعارف روحه عايز يعمل شنو ..

[abomazeen]

يمكن حظك متأثر بخماسية شندي ..!

[مدنيّة]

مدنية ازيك
اها نسيت اقول ليك
شكرا علي البوست

اهلييين ابو النور

---------
ههههههههههههههه
العفو ياخ
تحت الخدمة احنا

[مدنيّة]

مدون ياعسل
الوضع الشفتيه والمر عليك دا بيتكرر كتير جدا والسبب هو قلة الرقابة على القطاعات دي وعدم وجود معايير لضبط جودة العمل عشان كدا كله سااااايب

همسة:لو بقيتي مديرة نص الموظفين حايترفدوا بلا شك (وش عاااارفك جادة شديد):)


عجبني ياخ الكلام الكبار كبار دا
زيدينا عشان نحاول نتعلم منك ياجميل

-------
عارفة ياملكة
كون انه الموظف يستقبل العميل
بsmile مابتكلفه اي عناء
وبتدي انطباع جيد جدا للعميل
انه مكان احترام وتقدير

[بدر الدين احمد الطائف]

بكل حيادية ... دي ما مسئولية ولا وظيفة الموظف ده
لانو مفروض تجيبي إنت المعلومة كاملة من عندك
أسلوبه يمكن يكون غليظ وغلط كمان ...!
بس لازم كمان يحافظ على أسرار العملاء
تفتكري لو الحكاية زي ما إنت عاوزة
ممكن يحصل شنو لبقية بيانات العملاء
حاولي تفهميني ياااااخ أنا قاصد شنو
وشيلي من صدرك زهجة أخونا ده
وجدي العذر لاخيك يا ستي
الله يلعنك يا شوشو
احترامـي مرفـق
شكرن جزيلن





ده كلام سليم ابومازن.
المفروض انه العميل وهوجاى البنك تكون معاه كل المعلومات الكافية عن الحساب وصاحبة.وده حسب خبرتنا وتعاملاتنا مع البنوك.الا اذا كان الموظف يعرفك شخصيا بتبقى دى خدمة شخصية.
يا ام جمال انا مرة جاتنى حواله ومشيت استلمها اتعذبت عذاب وكنت عاوز ارجعها محل ما جات.
لاحظى مع انى المستفيد لازم اجيب رقم الحواله واسم المرسل ومبلغ الحواله .فى تعسف اكتر من كدة والكلام ده مافى السودان.
اتفق معاك تماما فى انه نحن ماعندنا ثقافة الموظف فى خدمة العميل ويقابله بابتسامه عريضة ويقدم ليهو خدمه متميزة عشان يكسب عميل الا ما ندر.وبرضة ماعندنا ثقافة اننا نطالب بى حقنا ونوصلها لاعلى مستويات عشان ما نضر الموظف ده.
شوكرن ابومازن
شوكرن مدنية..

[مدنيّة]

[quote=مدنيّة;596461]-------
لو الموظف دا انا مديرته
صدقيني شهر خصم عليه شوية
وح اوقفه لغاية لما اعمل ليه دورات تأهيلية وتدريبية
لغاية لما اثق تماما انه قدر مسئولية تمثيل البنك امام العملاء (النبي فيك لقيتني كيف وانا مديرة!)
[color="darkgreen"]عندنا وظيفة شاغره

الوظيفة دي ياانور لازم تكون مدير ):

-----
شكرا علي حُسن الظن

[مدنيّة]

ام جمال صباحك ورد

والله دي حال الخدمة المدنية عندنا وبالجد محتاجين تأهيل كثير في فن التعامل مع الجمهور ...... بس عجبتيني مع المديرة عالم مابتجي إلا كدا

مشاققه : والله انا زيك كلمة شكرا دي عندي في كل شي

اهلييييين نزار

-------
التعامل مع الجمهور دا فن يانزار
لكن للاسف نادر مانلقاه عندنا في مؤسستاتنا
ماعارفة ليه!!

------
شكرا دي امسك فيها قوووووووووووي
مابتكلف حاجة وبتدي اثر طيب في نفس الاخر
------
منور يانزار

[abomazeen]

قلت ليه يااستاذ الجنبك دا مش حاسوب!
قالي مابيطلع لي ارقام حسابات!!
امشي الجانب التاني اسالي!




This assortment in name of
Banking data security

[مدنيّة]

بكل حيادية ... دي ما مسئولية ولا وظيفة الموظف ده
لانو مفروض تجيبي إنت المعلومة كاملة من عندك
أسلوبه يمكن يكون غليظ وغلط كمان ...!
بس لازم كمان يحافظ على أسرار العملاء
تفتكري لو الحكاية زي ما إنت عاوزة
ممكن يحصل شنو لبقية بيانات العملاء
حاولي تفهميني ياااااخ أنا قاصد شنو
وشيلي من صدرك زهجة أخونا ده
وجدي العذر لاخيك يا ستي
الله يلعنك يا شوشو
احترامـي مرفـق
شكرن جزيلن



ابو مازن اخبارك واحوالك!

--------
كدي ياابومازن استهدي بالله
وتعال النشرح ليك الفرق بين السحب والايداع
كون انك تودع في اي حساب
دي ابدا ماعليها اي مسئولية
ولا فيها محافظة علي اسرار العملاء
لانه الايداع فيه فائدة للبنك وللمودع إليه
عكس السحب
الليلة لو انت زاااااااااااااااتك مشيت البنك
تسحب من حسابك ياابومازن
ما ح تقدر الا باثبات شخصية

--------
لي تلاتة سنوات بعمل الايداع دا
ماواجهتني اي مشكلة
ولما مشيت لمديرته
ابدا ماذكرت انه دي من اسرار العملاء
عشان كدا الحافظ عليها يتطلب هذا الموقف
بمنتهي البساطة المديرة ادتني الحساب
لانها واثقة انه دا اجراء اكتر من عادي
ولما قلت ليها انه الخطوة اللي انا عملتها دي
(كوني اجيبها واشيل من رقم الحساب"
كان مفروض يعملها الموظف
قالت لي فعلا كان مفترض يعملها
فياابومازن ياخ
ماتلخبت الكيمان بين السحب والايداع
ولا عشان لقيتني مسكينة ومهيضة الجناح عايز تطلعني غلتانة!

[abomazeen]

ده كلام سليم ابومازن.
المفروض انه العميل وهوجاى البنك تكون معاه كل المعلومات الكافية عن الحساب وصاحبة.وده حسب خبرتنا وتعاملاتنا مع البنوك.الا اذا كان الموظف يعرفك شخصيا بتبقى دى خدمة شخصية.




أعرش على كــدة يا ود الطائــف
لو مجاملة وعلاقات شخصية دي حاجة
ولو عاوزين شغل مرتـب وفق منظومة إدارية
الموظف ده ما عندو أي ذنب ... !! غير زهجتو دي
يعني أنا هنا بطالب أعتذار وكلمة شكرن من مدنية للموظف

[آلاء عبد الرحمن]

الناس بقت طوالي مكشرة
ومابطول باله
طولي بالك ياستي

[مدنيّة]

انتي حتقولي لي عن الصرف بتاعك
شوفت بعيني محدش قالي :)

شنو ياسوار ياخ
انا مالي!
مامسكينة والغنماية تاكل عشاي ياخ ):

وبعدين يا مدون صورة مشرقة شنو من موظفين العملاء في السودان
قمة عدم الزوق وعدم الاسلوب اللبق المفروض يكون عنوان للموظف في خدمة العملاء
الكل متبع سياسة وحدة استغلال الداير خدمة لاقصى حد عن طريق لازم الواحد يخت حاجة تحت الطربيزة بالبلدي كده
ويلعبو بالواحد زي الكورة كل واحد يشوت العميل للتاني
في اي مكان الجوازات في المطار في البنك حتى في مكاتب السفر والحجز في اي مكان يخطر ليك
عالم خليني ساكتة منهم ساي
قلة قليلة فقط بيخدمو الناس بكل شفافية وزوق وضمير الذي اصبح غائب عند الاغلبية

والله ياسوار مؤسف جدا
يكون الاستاف اللي بيتعامل مع الجمهور
وعملاء اي مؤسسة
بالجفاء دا
ياخ تبسمك في وجه اخيك صدقة
دا لو خلينا الباقي كله

[مدنيّة]

العمة ،، صباح الخير

بكل اسف وبصورة عامة (موظفي الخطوط الامامية ) في السودان بصورة عامة تدعواء للرثاء والحيرة (والطمام) ولا ادري ما هو السبب في ذلك

مع انو معروف في كل دول العالم ( بدون استثناء) ان الموظف الذي يوضع في الواجهة للتعامل مع الجمهور لا بد ان يكون (مبتسم) في وجه العميل حتى ( لو مجبور) لكن في السودان ...... طبعا انتم عارفين ولا تحتاج لسرد وقائع او ضرب امثلة

تخريمة : هذا لا يمنع بتاتاً ان يكون هنالك ناس زوق ( وزوق شديد ) وياريت الناس الزوق الشديد ديل ينسخوا لينا منهم كتير

ناس تفتخر بهم وتفخر بهم وتفاخر بهم لانهم اهل للفخر

ولا شنو !!!!!!!!!!!

شكراً عمتنا على هذا البوست (المريح) جدا

انا كاتب مريح ما تمشي تقريها لي (اهلي شندي)

صباح الخيراااات الجندي

------
عجبني تعبير
موظفي الخطوط الامامية دا
وفعلا ديل اهم ناس في المؤسسة
لانهم وجهها امام العملاء
-------
غايتو يا الجندي
باقي علينا كتير جدا
عشان نصل لمرحلة
"الزبون علي حق"

-------
رد التخريمة : رسلوا القروش عشان ننسخ ليكم من الناس الذوق ديل
عشان تفاخروا بيهم وتتفارخوا بيهم ):

-------
المريخ & المريح
وجهان لعملة واحدة ):

[مدنيّة]

عليك الله ما أم جمال ما حصل لاقيتي لك واحد بالمواصفات دي



كيف مالاقيت ياابومازن!
والله لاقيت جنس ملاقاة
اديك أمثلة ولا اخليها بالنية ياناصر! ):

[مدنيّة]

يمكن حظك متأثر بخماسية شندي ..!




استنسخوها ولا شنو ياابومازن
بقت خماسية! ):

[مدنيّة]

اانا مرة جاتنى حواله ومشيت استلمها اتعذبت عذاب وكنت عاوز ارجعها محل ما جات.
لاحظى مع انى المستفيد لازم اجيب رقم الحواله واسم المرسل ومبلغ الحواله


اهلييييين بدر
--------
شفت يابدر الفرق بينا
انك عايز تسحب
وانت المستفيد
وعشان يضمنوا ليك استفادتك دي
لازم يقفلوا كل السبل لاي تلاعب
لكن الايداع يابدر
مابيحتاج للعناء دا كله
الليلة دي لو مشيت تودع في حسابك زووووووووول بيسالك من حاجة مافي
لكن تعال اصرف من حسابك دا زاتو
يعذبوك عذاب الله اكبر

[مايسة]

قطعتي رزق الراجل غايتو :cool:
هسه المديرة بتكون بتنهر فيهو لحد هسه- دا لو ما ادتو إنذار وإتفصل
-----------------
حالتنا يرثى لها في السودان
ومشكلتنا بنخلط بين الأمور الحياتية والخاصة وبين العمل
----------------
تعرفي في دراسة بتثبت إنو اي حد المفروض يشتغل الشغلة البيحبها عشان يبدع فيها ويكون مرتاح وبكدا بريح برضو الحواليهو

[سوباوي]

الراقية .. مدنية ..

أزيك يا مدنية وعساك طيبة ..

التعامل مع الجمهور يحتاج لنوع من المرونة وفن التعامل والبشاشة في الرفض والقبول

وبالرغم من أني أقف إلى جانبك يا مدنية وأقول أن الموظف مخطئ في تعامله ..

إلا أن الصورة كانت ستكون أكمل جمالاً لو أنك لم تبخلي عليه بكلمة شكراً

عسى من يأتي بعدك أن يجدها قد فعلت مفعولها به ويكون الدرس أبلغ ..

مؤكد تحياتي يا مدنية وكوني بخير ما أمكن ،،،

[بت مارنجان]

دا مضمون البوست

دي اكتر حاجة عجبتني في البوست دا
"علي وزن للضمان كدا دا قصدي :o"

[بت مارنجان]

تعرفي يامدنية دي مادة درسناها في الدبلومة دي
وحقيقة نحنا رقم 11 دا مابفارق جبهتنا نهائي ....
التبسم في وجه اخيك صدقة ...

ادونا واجب ومفترض نمشي نعملو في الامدادات الطبية ونطلع بعض الامصال
بتاعت السحائي لمنظمة ...
انا ومعاي اتنين "ولشقاوتهم قالو لي انتي اتكلمي:o"
وطبعا نفس الحالة القابلتك واسوأ نوع ختو ورقكم وبنتصل عليكم
وهو في ايدو ينجز شغلتنا في دقايق ..
بعد طلعنا المعاي ماخلو لي جنبة يشاكلو فيني انتي السبب
قلت ليهم انا ماعملت شئ قالو لي مفروض تحنسيه وتحسسيه بي كينوته وعظمته
وماعارفة كلام غريب كدا ...
قلت ليهم انا ماشة اشحدو ؟؟
دي شغلتو البياخد عليها راتب ؟؟؟
ودي وظيفتو ومسؤوليته البسألو منها ربنا ...
احنسو ليه ودي اصلا شغلتو مفترض يعملا ولا بتحنيس ؟؟؟

لكن بالرغم من كدا شكرته عشان يفهم
لكن زي ماقلتي يامدون مااااااااااااااااااااااااااابفهمو :confused:

[بنت الرفاعي]

أولاً:
الشُكر لكِ غاليتي مدنية أضعاف حجم كوكب الأرض.
:):):)

[بنت الرفاعي]

ثانياً:

من المفترض أن تكون هناك معايير على أساسها يتم إختيار الموظفين،
وإن لم تكن فلتُبيَّن أو تُوضع وتُعلَّق لهم أُسس التعامل مع العملاء،
(أصلاً مفروض حتى وإذا ما كان موظف يكون تعاملهُ مع الآخرين ببشاشة ورُقي)،
ومهما كان إنزعاجه من العمل، أو حتى مريض كما حاولت الدفاع عن ذلك الموظف مُديرته،
فالمرض ليس بعذر على أن نتصرف مع الآخرين بتلك الطريقة!!


أحياناً نحن مفروض لما ندخل على مكان،
ندخل ببشاشة، مهما كان تعب المشوار،
وعوامل الجو،
يمكن على الأقل تجبر البعض على مُبادلتك تلك الإبتسامة،
وطريقة تحدثنا وإختيارنا للكلمات أيضاً قد تجبرهم على التعامل معنا بما يجب.

:):):)

[بنت الرفاعي]

راجعت أحد البنوك عندما كنت في السودان قبل أكثر من شهرين،
وأول ما دخلت (كنت أول مرة أدخل هذا البنك (أصلاً نادراً ما أدخل بنوك، لأن عمي أطال الله في عمره، هو من كان يقوم بأي مُراجعات خاصة بالبنوك)) طبعاً ما اتلفت علشان أفهم الحاصل (لأن البنك كان أغلبهُ رجال، فما في طريقة اتلفت علشان أشوف الآلة) ،
أول موظفة أمامي مُباشرة سلمت عليها وسألتها وكانت واقفة جنبها موظفة أُخرى،
بكل بشاشة ردت علي وأشَّرت لي على الموظفين المسؤولين عن الإستلام، والموظفة الثانية وصلتني بنفسها لمكان الآلة علشان أسحب الرقم (ما مُتذكرة هي اللي سحبتهُ لي أم أنا بنفسي سحبتهُ) وقعدت أنتظر الدور،
بيني وبينكم عجبتني الموظفة وما شاء الله بتستحق مكانها،
لأنها كانت مُحافظة على إبتسامتها طول ما أنا قاعدة (ده غير أنها ما شاء الله حليوونة;)).

:):):)

بالمُقابل حكت لي جارتنا قبل أسبوع بإستغراب عن تعامل بعض الدكتورات السودانيات معاها
في المُستشفى الشهر اللي فات ،
قالت حتى السلام ما سلموا عليها!!
بينما الأخريات من دكتورات وممرضات من جنسيات أُخرى،
سلموا عليها وعاملوها ببشاشة ولُطف وإهتمام!!
وأنا برضو استغربت لأننا لما بتجينا (فورم لأي case) وإذا شفنا في الجنسية Sudanese بس،
طوالي نستلم الحالة أو على الأقل إذا ما علينا نقيف معاها،
لأنها سودانية!!
الغريب أن البعض هداهم الله ما بيحبوا التعامل مع أبناء بلدهم من السودانيين!!
(الإبتسامة دي بكم مليون ياربي؟؟!!).:confused:

:):):)

[بنت الرفاعي]

بمنتهي السخافة قال لي
انا رقم حسابي ماعارفه
عايزاني اعرف ارقام حسابات المنظمات كمان!!




مفروض ما يتكلم معاك بالأسلوب ده،
وخاصة أنهُ ما بيعرفك ده إذا فرضنا أنهُ نسى أن حضرتهُ موظف ومفروض يتعامل مع الآخرين بلطف!!.

[بنت الرفاعي]

إلا أن الصورة كانت ستكون أكمل جمالاً لو أنك لم تبخلي عليه بكلمة شكراً

عسى من يأتي بعدك أن يجدها قد فعلت مفعولها به ويكون الدرس أبلغ ..

مؤكد تحياتي يا مدنية وكوني بخير ما أمكن ،،،


بالفعل أخي سوباوي:)،
فالأفضل أن نشكر من يُسيء إلينا،
أو يُعاملنا بطريقة فظّة،
أو حتى يتجاهلنا لأي سبب كان،
فأحياناً كما ذكرت يكون مفعولها أسرع من الرد عليهم.:)



تعرفي ياصاحبتي
لما شخص يتصرف معاي تصرف ما يعجبني (وبالذات إذا إساءة مهما كان حجمها)،
غالباً إذا ما إكتفيت بالإبتسامة فقط،
بقول ليهُ شُكراً، أو شُكراً وجزاك اللهُ خيراً،
لأن الشخص ده ما عارف أنهُ أداني حسنة،
ورُبما حسنات،
وعليه إستفدت منهُ لقدام.
:):):)


شُكراً لكِ غاليتي مرة أُخرى،
ولكِ أزهى باقات الورد
مع كل نبضة ود.:)

[أمير عبداللطيف]

الكل متبع سياسة وحدة استغلال الداير خدمة لاقصى حد عن طريق لازم الواحد يخت حاجة تحت الطربيزة بالبلدي كده
ويلعبو بالواحد زي الكورة كل واحد يشوت العميل للتاني
في اي مكان الجوازات في المطار
لا اعتقد ان ذلك صحيح ،،

[عوض صقير]

ماعارفة ليه في السودان "في الغالب الاعم" مابنهتم
في التعامل مع العملاء بصورة مشرقة!

------
دا مضمون البوست

أم جمال .. عدم معرفة الكثير من السودانيين لحقوقهم ... وواجبات غيرهم تجاههم .. جعلت بعض الموظفين فى كثير من المرافق يتعاملون بتعالى وإفتراء .

[مصطفى هاتريك]

هل منكم من يتذكر إختبار الألوان في دورات تنمية القدرات

الغرض الأساسي منه أن تفرق بين العام والخاص في المعنى و الدلالة

يعني حالتك النفسية شئ و متطلباتك العملية شئ آخر ..............

العاملون في المؤسسات التي تفرض تعاملا مباشرا مع الجمهور تلزمهم دورات

خاصة في مجال العلاقات العامة و البرتوكول

شكرا مدنية

[مدنيّة]

أعرش على كــدة يا ود الطائــف
لو مجاملة وعلاقات شخصية دي حاجة
ولو عاوزين شغل مرتـب وفق منظومة إدارية
الموظف ده ما عندو أي ذنب ... !! غير زهجتو دي
يعني أنا هنا بطالب أعتذار وكلمة شكرن من مدنية للموظف


يعرش شنو ياناصر ياخ!
كدي تعال اقرأ كلامي ليك
والفرق بين الايداع والسحب
وتعال نتفاهم ):

---------
لو غلطت في حق زول ياناصر
صدقني من غير تفكير
بعتذر ليه

[مدنيّة]

الناس بقت طوالي مكشرة
ومابطول باله
طولي بالك ياستي

تصدقي يا الوية
انا يمكن اكون
تاني زول في العالم باله طويل ):
لكن الموظف زعلني شديد

--------
نورتي والله ياجميل

[مدنيّة]

قطعتي رزق الراجل غايتو :cool:
هسه المديرة بتكون بتنهر فيهو لحد هسه- دا لو ما ادتو إنذار وإتفصل
-----------------
حالتنا يرثى لها في السودان
ومشكلتنا بنخلط بين الأمور الحياتية والخاصة وبين العمل
----------------
تعرفي في دراسة بتثبت إنو اي حد المفروض يشتغل الشغلة البيحبها عشان يبدع فيها ويكون مرتاح وبكدا بريح برضو الحواليهو

اهلييين ميسو
------
بيني وبينك الموظف دا مابيستاهل الانذار!

------
المشكلة اننا في السودان لا نُلقي بالا لجزئية التعامل مع الجمهور دي
عشان مااعتقد انه ممكن ياخد انذار او يتفصل
لو كنا في دول العالم الاول
كان ممكن

-------
الشغلة البنحبها لو اشتغلناها فعلا ح نبدع فيها
لكن نعمل شنو في المجموع ياخ! ):

[مدنيّة]

الراقية .. مدنية ..

أزيك يا مدنية وعساك طيبة ..

التعامل مع الجمهور يحتاج لنوع من المرونة وفن التعامل والبشاشة في الرفض والقبول

وبالرغم من أني أقف إلى جانبك يا مدنية وأقول أن الموظف مخطئ في تعامله ..

إلا أن الصورة كانت ستكون أكمل جمالاً لو أنك لم تبخلي عليه بكلمة شكراً

عسى من يأتي بعدك أن يجدها قد فعلت مفعولها به ويكون الدرس أبلغ ..

مؤكد تحياتي يا مدنية وكوني بخير ما أمكن ،،،

اهليييين مجاهد
والحمد لله الامور مية مية
وشكرا علي السؤال

-------
تعرف يامجاهد
فن التعامل مع الجمهور دا
متعة والله
للزول اللي بيفهم
امس حضرت لي فيلم اجنبي
موظفة استقبال في فندق (طبعا وظيفة محتاجة طولة بال & رقي في التعامل)
مسافرة والرحلة اجلوها
واحد من المسافرين احتد في موظفة المطار
موظفة الفندق وقفت تدافع عنها بصورة هادئة جدا (باعتبارها مامسئولة عن تأجيل الرحلة)
واحد من المسافرين سالها ليه دافعت عن موظفة المطار دي
اجابت ، انها تواجه نفس ضغوط العمل هذه لذلك تعودت عليها وعرفت كيف تمتصاها!
شفت الفرق كيف يامجاهد!!

--------
عارف يامجاهد*
الموظف انا واقفة منتظراه وهو بتونس قريب ال10 دقايق
لما جاني في الشباك
السلام عليكم ماقالها
انا القلتها ليه
لما عمل موقفه دا
وحاة الله غلبني اشكره!

* cc لمرام ):

-------
شكرا عميقا مجاهد

[مدنيّة]

دي اكتر حاجة عجبتني في البوست دا
"علي وزن للضمان كدا دا قصدي :o"

اي اي
اخير الصورة تكون واضحة ياخ! )

[مدنيّة]

تعرفي يامدنية دي مادة درسناها في الدبلومة دي
وحقيقة نحنا رقم 11 دا مابفارق جبهتنا نهائي ....
التبسم في وجه اخيك صدقة ...

ادونا واجب ومفترض نمشي نعملو في الامدادات الطبية ونطلع بعض الامصال
بتاعت السحائي لمنظمة ...
انا ومعاي اتنين "ولشقاوتهم قالو لي انتي اتكلمي:o"
وطبعا نفس الحالة القابلتك واسوأ نوع ختو ورقكم وبنتصل عليكم
وهو في ايدو ينجز شغلتنا في دقايق ..
بعد طلعنا المعاي ماخلو لي جنبة يشاكلو فيني انتي السبب
قلت ليهم انا ماعملت شئ قالو لي مفروض تحنسيه وتحسسيه بي كينوته وعظمته
وماعارفة كلام غريب كدا ...
قلت ليهم انا ماشة اشحدو ؟؟
دي شغلتو البياخد عليها راتب ؟؟؟
ودي وظيفتو ومسؤوليته البسألو منها ربنا ...
احنسو ليه ودي اصلا شغلتو مفترض يعملا ولا بتحنيس ؟؟؟

لكن بالرغم من كدا شكرته عشان يفهم
لكن زي ماقلتي يامدون مااااااااااااااااااااااااااابفهمو :confused:

تعرفي يابنوتة
لما اقابل موظفين زي ديل
بستغرب جدا
وبسأل نفسي سؤال واحد
الابتسامة & التعامل الحلو ح يكلفهم شنو!

--------
ياخ حتي الرفض
ممكن يتم بصورة لطيفة جدا
ليه الا نشكر ونصر وشنا!
غايتو زي ما تدخلي محل عشان تشري حاجة
زووووووووول بعبرك ويقوم يساعدك مافي
بالله التقول مدين منك قروش
مش جاية تنفعيه

--------
الصبر بث يابنوتة

[مدنيّة]

أولاً:
الشُكر لكِ غاليتي مدنية أضعاف حجم كوكب الأرض.
:):):)









بالعكس حبيبتي
انا البشكرك جدددددددددا
اضعاف اضعاف ماذكرتي
وجد الليلة عرفت
مقامي ومكانتي عندك

-------
ربنا مايحرمني منك ياحبيبة

[مدنيّة]

ثانياً:

من المفترض أن تكون هناك معايير على أساسها يتم إختيار الموظفين،
وإن لم تكن فلتُبيَّن أو تُوضع وتُعلَّق لهم أُسس التعامل مع العملاء،
(أصلاً مفروض حتى وإذا ما كان موظف يكون تعاملهُ مع الآخرين ببشاشة ورُقي)،
ومهما كان إنزعاجه من العمل، أو حتى مريض كما حاولت الدفاع عن ذلك الموظف مُديرته،
فالمرض ليس بعذر على أن نتصرف مع الآخرين بتلك الطريقة!!


أحياناً نحن مفروض لما ندخل على مكان،
ندخل ببشاشة، مهما كان تعب المشوار،
وعوامل الجو،
يمكن على الأقل تجبر البعض على مُبادلتك تلك الإبتسامة،
وطريقة تحدثنا وإختيارنا للكلمات أيضاً قد تجبرهم على التعامل معنا بما يجب.

:):):)








ابومازن
تعال اسمع الكلام الثمح دا

[مدنيّة]

راجعت أحد البنوك عندما كنت في السودان قبل أكثر من شهرين،
وأول ما دخلت (كنت أول مرة أدخل هذا البنك (أصلاً نادراً ما أدخل بنوك، لأن عمي أطال الله في عمره، هو من كان يقوم بأي مُراجعات خاصة بالبنوك)) طبعاً ما اتلفت علشان أفهم الحاصل (لأن البنك كان أغلبهُ رجال، فما في طريقة اتلفت علشان أشوف الآلة) ،
أول موظفة أمامي مُباشرة سلمت عليها وسألتها وكانت واقفة جنبها موظفة أُخرى،
بكل بشاشة ردت علي وأشَّرت لي على الموظفين المسؤولين عن الإستلام، والموظفة الثانية وصلتني بنفسها لمكان الآلة علشان أسحب الرقم (ما مُتذكرة هي اللي سحبتهُ لي أم أنا بنفسي سحبتهُ) وقعدت أنتظر الدور،
بيني وبينكم عجبتني الموظفة وما شاء الله بتستحق مكانها،
لأنها كانت مُحافظة على إبتسامتها طول ما أنا قاعدة (ده غير أنها ما شاء الله حليوونة;)).

:):):)

بالمُقابل حكت لي جارتنا قبل أسبوع بإستغراب عن تعامل بعض الدكتورات السودانيات معاها
في المُستشفى الشهر اللي فات ،
قالت حتى السلام ما سلموا عليها!!
بينما الأخريات من دكتورات وممرضات من جنسيات أُخرى،
سلموا عليها وعاملوها ببشاشة ولُطف وإهتمام!!
وأنا برضو استغربت لأننا لما بتجينا (فورم لأي case) وإذا شفنا في الجنسية Sudanese بس،
طوالي نستلم الحالة أو على الأقل إذا ما علينا نقيف معاها،
لأنها سودانية!!
الغريب أن البعض هداهم الله ما بيحبوا التعامل مع أبناء بلدهم من السودانيين!!
(الإبتسامة دي بكم مليون ياربي؟؟!!).:confused:

:):):)














شوفي الفرق يامرام
موظفة البنك الذكرتيها دي
العملته معك دا ماواجبها بصورة مباشرة
لكن واجبها بفهم انها موظفة في البنك دا
ومفترض تعمس صورة جميلة عنه
من خلال تعاملها مع العملاء
هسي عليك الله شوفي كسبت كلامك الجميل دا عنها
وانطباعك الحلو واللي ما ح يتزحزح من راسك ابدا

وبالمقابل كلام جارتكم عن الطبيبات السودانيات
وتعاملهم مع المرضي!
ياخ حاجة غريبة جدا
لما اي كادر طبي
يتعامل بالشكل دا مع اي مريض!!

[مدنيّة]

مفروض ما يتكلم معاك بالأسلوب ده،
وخاصة أنهُ ما بيعرفك ده إذا فرضنا أنهُ نسى أن حضرتهُ موظف ومفروض يتعامل مع الآخرين بلطف!!.





اللطف في التعامل عملة صعبة
عند اغلب الموظفين يامرام للاسف الشديد

[مدنيّة]

بالفعل أخي سوباوي:)،
فالأفضل أن نشكر من يُسيء إلينا،
أو يُعاملنا بطريقة فظّة،
أو حتى يتجاهلنا لأي سبب كان،
فأحياناً كما ذكرت يكون مفعولها أسرع من الرد عليهم.:)



تعرفي ياصاحبتي
لما شخص يتصرف معاي تصرف ما يعجبني (وبالذات إذا إساءة مهما كان حجمها)،
غالباً إذا ما إكتفيت بالإبتسامة فقط،
بقول ليهُ شُكراً، أو شُكراً وجزاك اللهُ خيراً،
لأن الشخص ده ما عارف أنهُ أداني حسنة،
ورُبما حسنات،
وعليه إستفدت منهُ لقدام.
:):):)


شُكراً لكِ غاليتي مرة أُخرى،
ولكِ أزهى باقات الورد
مع كل نبضة ود.:)








عملت ليك cc مع سوباوي يامرام ):


--------
والله اسعديتني جدا ياحبيبة
وتسلمي لي يارب

[مدنيّة]

لا اعتقد ان ذلك صحيح ،،

راس السوط هبشك ياسعادتك!
هههههههههههههههههه


------
بالتأكيد لا يمكن ان يكون (الكل) كويس
ولا يمكن ان يكون (الكل) سئ

[مدنيّة]

أم جمال .. عدم معرفة الكثير من السودانيين لحقوقهم ... وواجبات غيرهم تجاههم .. جعلت بعض الموظفين فى كثير من المرافق يتعاملون بتعالى وإفتراء .

طبعا الصحيح يااستاذنا
انه الموظف دا (مفترض) يكون شغال لخدمة العميل
مش يتعالي ويفتري عليه

[مدنيّة]

هل منكم من يتذكر إختبار الألوان في دورات تنمية القدرات

الغرض الأساسي منه أن تفرق بين العام والخاص في المعنى و الدلالة

يعني حالتك النفسية شئ و متطلباتك العملية شئ آخر ..............

العاملون في المؤسسات التي تفرض تعاملا مباشرا مع الجمهور تلزمهم دورات

خاصة في مجال العلاقات العامة و البرتوكول

شكرا مدنية

طبعا يااستاذنا
في علم الادارة في نظرية بتقول
انه الزبون دائما علي حق
باقي ليك الكلام دا
ممكن يُطبق عندنا سنة كم!

------
شكرا عميقا استاذنا

[mutasim]

حكاية السودانيين تعاملهم صعب حقيقه فى كل الواير الحكوميه وغيرها وبعتبروا ان المراجع ممكن اهانته بكل بساطه ولو مشيتى ناس الشرطه ولا الضرائب اهانات عجيبه وتكبر وانا كل ماامشى محل بعمل مشكله بالذات المستشفيات الله يكون فى العون ونطلع من عقدنا دى

[ايمن الطيب]

يا مدنيه بي كلامكم ده ذكرني واحد اسمه عجوره ومعاه واحد اسمه سيف وعجوره بتكلم من جامع بانت
لحدي ودكنان بيت ناس النيل ما سكت

سيف قال ليه لو سمحته

عجوره قال ليه انت مالك سقيل كدا ادينا معاك فرصه

معقول يا مدنيه ماسكه البوست بتاعك على حسابك
ادينا فرصه

هههههههههههههههها

[mahagoub]

موظف سخيف حسب قولك
ما سمعنا افادته يمكن دخلتى عليه
بنهره ولا نفخه كويس الما قام دقاك
فى بعض السخافات فى الروتين الوظيفى والكسل اللامحدود
فى الحاسوب تكتب الاسم العاوزه يجيك ولو فى امريكا
كدى راجعى شريطك الزول ده زنقتيه وين عاوز يتفشا

[مدنيّة]

حكاية السودانيين تعاملهم صعب حقيقه فى كل الواير الحكوميه وغيرها وبعتبروا ان المراجع ممكن اهانته بكل بساطه ولو مشيتى ناس الشرطه ولا الضرائب اهانات عجيبه وتكبر وانا كل ماامشى محل بعمل مشكله بالذات المستشفيات الله يكون فى العون ونطلع من عقدنا دى

غايتو ناس الضرائب ديل يااستاذ معتصم
لما اجي افرد ليهم بوست مخسسسسسسسوس
غايتو للضمان كدا
البيقولوه فيهم كله صاااااااح ):

-------
شكرا استاذنا

[مدنيّة]

يا مدنيه بي كلامكم ده ذكرني واحد اسمه عجوره ومعاه واحد اسمه سيف وعجوره بتكلم من جامع بانت
لحدي ودكنان بيت ناس النيل ما سكت

سيف قال ليه لو سمحته

عجوره قال ليه انت مالك سقيل كدا ادينا معاك فرصه

معقول يا مدنيه ماسكه البوست بتاعك على حسابك
ادينا فرصه

هههههههههههههههها


كدي اول حاجة يامولانا
النيل القاصده دا
النيل عبدالسلام!

-------
ياايمن ياخ البوست دا حقي
(ياقول المذيعين البرنامج برنامجي) هههههههههههههههههه
انت قايله بوست عجورة ولاشنو ياخ!هههههههههههههههههه

--------
شكرا مولانا

[مدنيّة]

موظف سخيف حسب قولك
ما سمعنا افادته يمكن دخلتى عليه
بنهره ولا نفخه كويس الما قام دقاك
فى بعض السخافات فى الروتين الوظيفى والكسل اللامحدود
فى الحاسوب تكتب الاسم العاوزه يجيك ولو فى امريكا
كدى راجعى شريطك الزول ده زنقتيه وين عاوز يتفشا


انا ياعمو محجوب
ولا بعرف الناس بتشاكل كيف زاتو ياخ! (وش مسكين مليار)

------
شكرا ياعمنا

[ودالعمدة]

أستاذة مدنية
أعجبنى كثيراً هذا البوست الواقعى
الذى يعكس صورة للمعاملة بين المواطن
وموظف مسئول فى حياتنا اليومية
وحرصاً منى على مضمون ( البوست )
أستأذنك فى عكس الصورة
وهى طريقة تعامل المواطن وأسلوبه لإنجاز معاملته
مثل إحترام النظام وعدم إختراق الصفوف ... الخ
وإستغلال المعرفة والعلاقات الشخصية .
فضلاً عن عدم الإلمام بثقافة نظم التعامل الإدارى ..
أحكى لكم موقف حصل معى منذ أسبوع
ذهبت للبنك لتفعيل بطاقة الصراف الآلى
بعد تجديد الباسبورت والهوية ( وطبعاً دا مافى السودان )
وجلست لأخذ دورى حسب رقم التذكرة
بعد ساعتين قدمت صور مستنداتى للموظف
وبكل أدب طلب منى ختم هذه الأوراق من جهة عملى
شكرته ( ولضيق الوقت ولغياب المسئول الذى معه الختم
لم أتمكن من ذلك رغم معرفتى بهذا الشأن )
المهم خرجت لصلاة الظهر وبعدها عدت مرة ثانية
وقررت الذهاب لموظف آخر وقدمت له أصل الهوية فقط
ودون حتى أن ينظر إلىَ تم عمل اللازم و أيضاً شكرته ..
وإحترمتهم الإثنين معاً الثانى لأنه أنجز لى المطلوب ولكن
إحترامى للأول كان أكثر لإلتزامه بالنظم ..
وكانت أول مرة أقول لزولين مختلفين ( شكرنين )
وإحتراماتى لك على هذا البوست ..

[abomazeen]

up >>> up >>> up

مدنية دي مشت وين يا جماعة

ما ملاحظين الحاجة دي ..؟

أظهر وبان ولك الامان ..!

[الجندي المجهول]

up >>> up >>> up

مدنية دي مشت وين يا جماعة

ما ملاحظين الحاجة دي ..؟

أظهر وبان ولك الامان ..!

الان هي في ميدان التحرير (يا بيه)

وجايبة معها شوية تراب وبذور

والعهدة على الراوي

وانت عارف مين الراوي

الراوي الحاوي

وانت عارف مين الحاوي

[abomazeen]

الان هي في ميدان التحرير (يا بيه)

وجايبة معها شوية تراب وبذور

والعهدة على الراوي

وانت عارف مين الراوي

الراوي الحاوي

وانت عارف مين الحاوي




حبيبنا الجندي الحبوب ..
تسلم والله على الإفادة دي
غايتو أنا الراوي عارفو .. للضمان
بس تصدق الحاوي ده محيرني عديل كده