معتصم عيدروس
04-02-2005, 12:06 AM
بأمر زرّاع سانتو يتحنن بالزبادي
اتونس معاه خليفة حسن بله
محمد الشيخ محمد الماحي.. «ود الشيخ».. مسرحي.. يمثل ويخرج ويكتب الدراما والشعر.. ساخر.. يحب الجزيرة ويخص مدني بحب عظيم ويعارض الخرطوم ويدعو الولايات لانتزاع حقوقها منها. قابلته وهو الذي جاء بمسرحية «ود سمعريت» للمشاركة بها ضمن وفد المنطقة الوسطى المشارك في احتفالات عاصمة الثقافة العربية بالخرطوم هذه الايام.. جلست إليه وتحدث بجرأته التي توقعتها..
* صحي انت ود الشيخ.. يعني ود شيوخ عديل كده؟
ـ محمد الشيخ والدي من الصوفية خريج خلاوى ام ضواًبان وشيخ في أهله.
كان يعمل في الشرطة وكان شيخاً في الشرطة وشيخاً في الفن وخاصة في المسرح بأدائه التلقائي مع انه لم يصعد خشبة مسرح.. وكان فاكهة المجالس وحافظ النسب وصاحب الطرف لهذا كان شيخاً..
* اخدت منو شنو؟
ـ النظام والترتيب وما داير اقول خفة الدم..
* انتو من مدني أصلاً؟
ـ نحنا من «قندتو» في الشمالية قريب شندي لكن شبينا وترعرعنا في مدينة ود مدني أو في الجزيرة عموماً لانو الوالد اتنقل في كل قرى الجزيرة.
* يعني بقيتو ناس مدني؟
ـ أيوه.. خاصة انو الجزيرة رقعة جغرافية لا تعرف القبلية ولا الجهوية بل تستوعب الفنان وصاحب المبادرات لهذا كانت منارة للسودان.
* الجزيرة ممكن تنفصل عن السودان؟
ـ الجزيرة لا تنفصل عن السودان لأنها هي السودان.
* شنو سر عصبية ناس مدني؟
ـ ما في عصبية ولا حاجة لكن لامن يجو الخرطوم بجو مفتحين وبي سنونهم وما في زول «بدقسهم» وبعرفو يشيلو حقهم كيف.
* عندكم احساس انكم مفروض تكونوا عاصمة السودان؟
ـ نعم.. حقنا.. وبي دليل انو ود مدني الآن هي عاصمة للثقافة العربية والخرطوم عاصمة مناوبة.
* لمدني رموز في الرياضة والثقافة والسياسة لماذا نشعر بتردٍ في هذه المناحي في مدني الآن؟
ـ البحصل من تركيز في كل البنيات في المركز خلى تكون هناك هجرة نحو المركز وكلما تفرخ الجزيرة تصطاد العاصمة ببهرجها وانتشارها.. بعدين ياخي الحيدور السودان منو كان ما جو هنا.
* يعني داير تقول انو عندكم مبدعين زي زمان لكنهم جو الخرطوم؟
ـ مدني هسه زاخرة بالمبدعين وجو ضمن وفد المنطقة الوسطى للمشاركة في احتفالات عاصمة الثقافة الآن وكانت ليلة ود مدني الشهيرة بالعاصمة التي اغتالها اعلام الخرطوم عاصمة الثقافة العربية.
* نرجع للأسرة وبيت الشيخ..
ـ مرحب.
* ابوك شيخ واخوك شيخ باتع.. كيف طلعت انت للفن؟
ـ انت عارف انو اخونا الكبير الله يرحمه «مصطفى الشيخ» والد الفنان الشريف مصطفى الشيخ العازف والممثل والملحن وكان رئيس جمعية التمثيل للمؤتمر الثانوية بام درمان والشيخ عبد المحمود الشيخ هو اول من وضع خطانا على المسرح وكان فناناً مسرحياً وممثلاً بارعاً وده من اثر الوالد على الأسرة.
* ما قاعد يحصل صراع في بيتكم بين الشيوخ «الدين» و«الفن»؟
ـ نحنا بيت ديمقراطي جداً كل زول بنجض شغلو في حدود الحلال عشان كده مافي اية مشاكل بل التشجيع.
* سيرتك الفنية؟
ـ طبعاً بي كورة الشراب من المدارس ابتدائي وعام وعالي... 1975م تأسست مجموعة ود حبوبة 1984م فترة تدريبية مسرح القاهرة للعرائس كتبت اكثر من «300» حلقة من المسلسلات بإذاعة ود مدني.. شاركت في كثير من المسلسلات القومية.. آخر اعمالي «ود سمعريت»، و«نائب برلماني»، مسرحية كتبتها واخرجتها نشارك بها الآن في عاصمة الثقافة العربية.
* هل بتتفق معاى انو الولايات عندها احساس عظيم بالدونية تجاه العاصمة وانتو راضين بي كده؟
ـ نحنا في الجزيرة ما راضين والإحساس ده هو احساس المركز- الخرطوم تجاه الولايات.
* يعني انتو دايرين الخرطوم تجي تطوِّر ليكم حياتكم هناك.. سواء كان مسرحاً او فنوناً او كورة... ألخ.
ـ انت معاى يا خليفة انو الخرطوم دي هي المركز المفروض يشرف على كل السودان وانو هناك في حاجة اسمها ولاية الخرطوم هي المسؤولة عن الناس الموجودين في رقعة الخرطوم.
* ما فاهم؟
ـ بمعنى انو وزير الثقافة الاتحادي حاسي بي روحو انو وزير الثقافة في الخرطوم بس وما عندو تبعات تانية وده بنسحب على بقية الوزارات كلها.
* وين حكومات الولايات او خلينا نحصرها في الجزيرة وين حكومتكم انتو؟
ـ حكومة السرور.
* جاد.. ولا سخرية ونقد؟
ـ لا جادي جداً حكومة السرور ولو كل الحكومات في السودان زي حكومة ولاية الجزيرة بقيادة الفريق سر الختم كان السودان بقى عاصمة الثقافة العالمية وليس العربية.. واسألوا أهل الاردن ان كنتم لا تعلمون.
* ده عشان انت مؤتمر وطني؟
ـ ابداً ده عشان انا حقاني ومن الجزيرة وخلوني انا اسألوا البقية.
* بالمناسبة الفريق سر الختم يرأس هلال الخرطوم؟
ـ لان الهلال هلال السودان.. وانا ذاتي عندي الرغبة اجي ارأسه ليه يبقى حكراً على ناس ام درمان..
* ممكن ناس ام درمان يرأسوا الاتحاد او الاهلي مدني؟
ـ يا ريتم يجو.. مدني ما السودان ذاتو ويتقبل اي زول فنان ومبادر.
* صراحة كده انا في رأيي انو هجرة المتميزين من ناس مدني للخرطوم دي مشكلة مدني نفسها؟
ـ ابداً دي مشكلة الخرطوم «الخمت ولمت» وكل الحاجات بقت فيها.. الداير ينتشر ويتعرف لازم يجي الخرطوم، لذا نحن نطالب بالتوزيع العادل للفضائيات والاذاعات.. مع انو اذاعة ود مدني بتتقدم على كل الاذاعات في السودان.
* ..................؟
نحنا في الجزيرة انتهينا من تشييد قصر الثقافة وهو مجمع ضخم شهد له القاصي والداني، والآن بنعمل في انشاء المسرح المقفول في نادي الجزيرة وقرية ام بارونا السياحية التي ستدهش اهل السودان، كما اننا نستعد للانطلاق فضائياً عبر محطة تلفزيونية خاصة لكل العالم ومن هنا ستبدأ الهجرة المعاكسة لانو مدني حنينة وبتشيل كل زول.
* كان عندكم مشروع الجزيرة.. وين الزول ده بالله؟
ـ كان عنده ملاريا لكن اديناه الحقن الزيتية وبدأ يتعافى.. سينطلق بقوة وامسكو الخشب.
* بترولكم كيف؟
ـ بدأ يتدفق وبترول وقطن دي حاجة عجيبة ياخي..
* الكاشف، المساح، السني، ناس سانتو، حموري، عصام محمد نور، ود اللمين، عركي، ود الشيخ، نصر الدين عبد الله.. منو الجديد؟
ـ عمر جعفر في الغنا.. صفية آدم في التمثيل، اسامة ضياء الدين تمثيل، واسامة محمد الحسن في الشعر، عز العرب اتمنى انك تسمعو غناى خلاص.. عصام فريزر، مؤلف موسيقي عمل مقطوعة رقصت الخرطوم مع انهم ما جونا.. الاتحاد والجزيرة فرق صعدت للدوري الممتاز وهذا على سبيل المثال.
* هل ما زال ظرفاء ود مدني والجزيرة يتظارفون ويلتف حولهم الناس؟
ـ ما زالوا يمتعون المدينة.. زرَّاع وعثمان كبوش، وكثير من الأسماء.
* ..................؟
ـ مرة زرّاع مشى يسأل من الفاضل سانتو في عرسو قال ليهم الليلة الحاصل شنو قالوا: الليلة حنة سانتو.. قام قال لي حاجة عشة ام سانتو.. والله ولدك ده الا تحننيوه بي زبادي.
* ثويبة وسارة وياسر محمد الشيخ قادرين يحددوا طريقهم في الحياة؟
ـ ويا خي ديل «اولاد لذينا» ثويبة «17» سنة تمتلك صوتاً جميلاً.
* حتخليها تغني؟
ـ لا ياخوي إلا يتصلح الحال والجو.
* «في هذه الاثناء رنَّ هاتفه السيار فاذا بها زوجته عواطف الشيخ تتصل من ود مدني فاذا بالمناضل الجزيرابي الذي كان يشن هجومه على الخرطوم يتحول الى كائن عاطفي وديع ويبدو ان لهجته ستتغير في اجاباته المقبلة تأثراً بهذا الجو الاسري الرومانسي رغم اننا وعند تصنتنا سمعنا بعض الردود تدور حول القروش».
* نحنا ما سمعنا حاجة..
ـ يضحك.
* نرجع للاولاد.. وسارة؟
ـ سارة «13» سنة تهتم بالفن التشكيلي والمشاغبة، وياسر يحب المسرح جداً ويرافقني في كل المعسكرات.
* رغبته ام مرسال من الحاجة عواطف؟
ـ يضحك كثيراً.. الحاجة ذاتها هي عارفة انو بعد كده الزول بقى زول معايش.
* اولادك برضوا معارضة خرطوم؟
ـ كنت رئيس اتحاد الشباب ولاية الخرطوم في الاجازة جبتهم عشان يتأقلموا على الجو ويواصلوا هنا قعدوا شوية وحلفوا «بالتقطعهم» ما بقعدوا يوم تاني مع انو الحاجة كانت دايرة لانو قالوا زول من الجيران بسلم عليهم مافي.. وهناك في مدني تعبانين من السلام والتواصل ومدني حنينة يا أخي.
* في حاجات في مدني والجزيرة نفسك انها تتغير؟
ـ في الجزيرة اتمنى انو الشكل في مدخل ود مدني يتغير.
* شين يعني؟
ـ يعني انت خاشي من القرى في طرف الشارع على يمينو وشمالو داير شغل وتغيير.
* زملاؤك ناس الولايات في كل السودان؟
ـ بقول ليهم اسعوا من اجل جمع وقلع حقوقكم من المركز فالتلفزيون قومي والمسرح القومي قومي وكل ما يوجد في العاصمة قومي وحقنا.
* ولي ناس الخرطوم؟
ـ والله ناس الولايات ديل ناس سمحين بس انتو شوية نقصوا العيار وكان قبضناكم بنلقاكم كلكم من الولايات والخرطوم ضل ضحى والعرجا لمراحا.
* انت سياسي؟
ـ مرة مرة..
* بتحبها - السياسة؟
ـ مرة مرة..
* لو خيروك في منصب بتختار شنو؟
ـ وزير الثقافة.
* وتقعد في الخرطوم؟
ـ لا.. عاصمة الثقافة مدني طبعاً زي الري.
نقلا عن صحيفة الصحافة
http://www.alsahafa.info/news/index.php?type=3&id=2147495091
اتونس معاه خليفة حسن بله
محمد الشيخ محمد الماحي.. «ود الشيخ».. مسرحي.. يمثل ويخرج ويكتب الدراما والشعر.. ساخر.. يحب الجزيرة ويخص مدني بحب عظيم ويعارض الخرطوم ويدعو الولايات لانتزاع حقوقها منها. قابلته وهو الذي جاء بمسرحية «ود سمعريت» للمشاركة بها ضمن وفد المنطقة الوسطى المشارك في احتفالات عاصمة الثقافة العربية بالخرطوم هذه الايام.. جلست إليه وتحدث بجرأته التي توقعتها..
* صحي انت ود الشيخ.. يعني ود شيوخ عديل كده؟
ـ محمد الشيخ والدي من الصوفية خريج خلاوى ام ضواًبان وشيخ في أهله.
كان يعمل في الشرطة وكان شيخاً في الشرطة وشيخاً في الفن وخاصة في المسرح بأدائه التلقائي مع انه لم يصعد خشبة مسرح.. وكان فاكهة المجالس وحافظ النسب وصاحب الطرف لهذا كان شيخاً..
* اخدت منو شنو؟
ـ النظام والترتيب وما داير اقول خفة الدم..
* انتو من مدني أصلاً؟
ـ نحنا من «قندتو» في الشمالية قريب شندي لكن شبينا وترعرعنا في مدينة ود مدني أو في الجزيرة عموماً لانو الوالد اتنقل في كل قرى الجزيرة.
* يعني بقيتو ناس مدني؟
ـ أيوه.. خاصة انو الجزيرة رقعة جغرافية لا تعرف القبلية ولا الجهوية بل تستوعب الفنان وصاحب المبادرات لهذا كانت منارة للسودان.
* الجزيرة ممكن تنفصل عن السودان؟
ـ الجزيرة لا تنفصل عن السودان لأنها هي السودان.
* شنو سر عصبية ناس مدني؟
ـ ما في عصبية ولا حاجة لكن لامن يجو الخرطوم بجو مفتحين وبي سنونهم وما في زول «بدقسهم» وبعرفو يشيلو حقهم كيف.
* عندكم احساس انكم مفروض تكونوا عاصمة السودان؟
ـ نعم.. حقنا.. وبي دليل انو ود مدني الآن هي عاصمة للثقافة العربية والخرطوم عاصمة مناوبة.
* لمدني رموز في الرياضة والثقافة والسياسة لماذا نشعر بتردٍ في هذه المناحي في مدني الآن؟
ـ البحصل من تركيز في كل البنيات في المركز خلى تكون هناك هجرة نحو المركز وكلما تفرخ الجزيرة تصطاد العاصمة ببهرجها وانتشارها.. بعدين ياخي الحيدور السودان منو كان ما جو هنا.
* يعني داير تقول انو عندكم مبدعين زي زمان لكنهم جو الخرطوم؟
ـ مدني هسه زاخرة بالمبدعين وجو ضمن وفد المنطقة الوسطى للمشاركة في احتفالات عاصمة الثقافة الآن وكانت ليلة ود مدني الشهيرة بالعاصمة التي اغتالها اعلام الخرطوم عاصمة الثقافة العربية.
* نرجع للأسرة وبيت الشيخ..
ـ مرحب.
* ابوك شيخ واخوك شيخ باتع.. كيف طلعت انت للفن؟
ـ انت عارف انو اخونا الكبير الله يرحمه «مصطفى الشيخ» والد الفنان الشريف مصطفى الشيخ العازف والممثل والملحن وكان رئيس جمعية التمثيل للمؤتمر الثانوية بام درمان والشيخ عبد المحمود الشيخ هو اول من وضع خطانا على المسرح وكان فناناً مسرحياً وممثلاً بارعاً وده من اثر الوالد على الأسرة.
* ما قاعد يحصل صراع في بيتكم بين الشيوخ «الدين» و«الفن»؟
ـ نحنا بيت ديمقراطي جداً كل زول بنجض شغلو في حدود الحلال عشان كده مافي اية مشاكل بل التشجيع.
* سيرتك الفنية؟
ـ طبعاً بي كورة الشراب من المدارس ابتدائي وعام وعالي... 1975م تأسست مجموعة ود حبوبة 1984م فترة تدريبية مسرح القاهرة للعرائس كتبت اكثر من «300» حلقة من المسلسلات بإذاعة ود مدني.. شاركت في كثير من المسلسلات القومية.. آخر اعمالي «ود سمعريت»، و«نائب برلماني»، مسرحية كتبتها واخرجتها نشارك بها الآن في عاصمة الثقافة العربية.
* هل بتتفق معاى انو الولايات عندها احساس عظيم بالدونية تجاه العاصمة وانتو راضين بي كده؟
ـ نحنا في الجزيرة ما راضين والإحساس ده هو احساس المركز- الخرطوم تجاه الولايات.
* يعني انتو دايرين الخرطوم تجي تطوِّر ليكم حياتكم هناك.. سواء كان مسرحاً او فنوناً او كورة... ألخ.
ـ انت معاى يا خليفة انو الخرطوم دي هي المركز المفروض يشرف على كل السودان وانو هناك في حاجة اسمها ولاية الخرطوم هي المسؤولة عن الناس الموجودين في رقعة الخرطوم.
* ما فاهم؟
ـ بمعنى انو وزير الثقافة الاتحادي حاسي بي روحو انو وزير الثقافة في الخرطوم بس وما عندو تبعات تانية وده بنسحب على بقية الوزارات كلها.
* وين حكومات الولايات او خلينا نحصرها في الجزيرة وين حكومتكم انتو؟
ـ حكومة السرور.
* جاد.. ولا سخرية ونقد؟
ـ لا جادي جداً حكومة السرور ولو كل الحكومات في السودان زي حكومة ولاية الجزيرة بقيادة الفريق سر الختم كان السودان بقى عاصمة الثقافة العالمية وليس العربية.. واسألوا أهل الاردن ان كنتم لا تعلمون.
* ده عشان انت مؤتمر وطني؟
ـ ابداً ده عشان انا حقاني ومن الجزيرة وخلوني انا اسألوا البقية.
* بالمناسبة الفريق سر الختم يرأس هلال الخرطوم؟
ـ لان الهلال هلال السودان.. وانا ذاتي عندي الرغبة اجي ارأسه ليه يبقى حكراً على ناس ام درمان..
* ممكن ناس ام درمان يرأسوا الاتحاد او الاهلي مدني؟
ـ يا ريتم يجو.. مدني ما السودان ذاتو ويتقبل اي زول فنان ومبادر.
* صراحة كده انا في رأيي انو هجرة المتميزين من ناس مدني للخرطوم دي مشكلة مدني نفسها؟
ـ ابداً دي مشكلة الخرطوم «الخمت ولمت» وكل الحاجات بقت فيها.. الداير ينتشر ويتعرف لازم يجي الخرطوم، لذا نحن نطالب بالتوزيع العادل للفضائيات والاذاعات.. مع انو اذاعة ود مدني بتتقدم على كل الاذاعات في السودان.
* ..................؟
نحنا في الجزيرة انتهينا من تشييد قصر الثقافة وهو مجمع ضخم شهد له القاصي والداني، والآن بنعمل في انشاء المسرح المقفول في نادي الجزيرة وقرية ام بارونا السياحية التي ستدهش اهل السودان، كما اننا نستعد للانطلاق فضائياً عبر محطة تلفزيونية خاصة لكل العالم ومن هنا ستبدأ الهجرة المعاكسة لانو مدني حنينة وبتشيل كل زول.
* كان عندكم مشروع الجزيرة.. وين الزول ده بالله؟
ـ كان عنده ملاريا لكن اديناه الحقن الزيتية وبدأ يتعافى.. سينطلق بقوة وامسكو الخشب.
* بترولكم كيف؟
ـ بدأ يتدفق وبترول وقطن دي حاجة عجيبة ياخي..
* الكاشف، المساح، السني، ناس سانتو، حموري، عصام محمد نور، ود اللمين، عركي، ود الشيخ، نصر الدين عبد الله.. منو الجديد؟
ـ عمر جعفر في الغنا.. صفية آدم في التمثيل، اسامة ضياء الدين تمثيل، واسامة محمد الحسن في الشعر، عز العرب اتمنى انك تسمعو غناى خلاص.. عصام فريزر، مؤلف موسيقي عمل مقطوعة رقصت الخرطوم مع انهم ما جونا.. الاتحاد والجزيرة فرق صعدت للدوري الممتاز وهذا على سبيل المثال.
* هل ما زال ظرفاء ود مدني والجزيرة يتظارفون ويلتف حولهم الناس؟
ـ ما زالوا يمتعون المدينة.. زرَّاع وعثمان كبوش، وكثير من الأسماء.
* ..................؟
ـ مرة زرّاع مشى يسأل من الفاضل سانتو في عرسو قال ليهم الليلة الحاصل شنو قالوا: الليلة حنة سانتو.. قام قال لي حاجة عشة ام سانتو.. والله ولدك ده الا تحننيوه بي زبادي.
* ثويبة وسارة وياسر محمد الشيخ قادرين يحددوا طريقهم في الحياة؟
ـ ويا خي ديل «اولاد لذينا» ثويبة «17» سنة تمتلك صوتاً جميلاً.
* حتخليها تغني؟
ـ لا ياخوي إلا يتصلح الحال والجو.
* «في هذه الاثناء رنَّ هاتفه السيار فاذا بها زوجته عواطف الشيخ تتصل من ود مدني فاذا بالمناضل الجزيرابي الذي كان يشن هجومه على الخرطوم يتحول الى كائن عاطفي وديع ويبدو ان لهجته ستتغير في اجاباته المقبلة تأثراً بهذا الجو الاسري الرومانسي رغم اننا وعند تصنتنا سمعنا بعض الردود تدور حول القروش».
* نحنا ما سمعنا حاجة..
ـ يضحك.
* نرجع للاولاد.. وسارة؟
ـ سارة «13» سنة تهتم بالفن التشكيلي والمشاغبة، وياسر يحب المسرح جداً ويرافقني في كل المعسكرات.
* رغبته ام مرسال من الحاجة عواطف؟
ـ يضحك كثيراً.. الحاجة ذاتها هي عارفة انو بعد كده الزول بقى زول معايش.
* اولادك برضوا معارضة خرطوم؟
ـ كنت رئيس اتحاد الشباب ولاية الخرطوم في الاجازة جبتهم عشان يتأقلموا على الجو ويواصلوا هنا قعدوا شوية وحلفوا «بالتقطعهم» ما بقعدوا يوم تاني مع انو الحاجة كانت دايرة لانو قالوا زول من الجيران بسلم عليهم مافي.. وهناك في مدني تعبانين من السلام والتواصل ومدني حنينة يا أخي.
* في حاجات في مدني والجزيرة نفسك انها تتغير؟
ـ في الجزيرة اتمنى انو الشكل في مدخل ود مدني يتغير.
* شين يعني؟
ـ يعني انت خاشي من القرى في طرف الشارع على يمينو وشمالو داير شغل وتغيير.
* زملاؤك ناس الولايات في كل السودان؟
ـ بقول ليهم اسعوا من اجل جمع وقلع حقوقكم من المركز فالتلفزيون قومي والمسرح القومي قومي وكل ما يوجد في العاصمة قومي وحقنا.
* ولي ناس الخرطوم؟
ـ والله ناس الولايات ديل ناس سمحين بس انتو شوية نقصوا العيار وكان قبضناكم بنلقاكم كلكم من الولايات والخرطوم ضل ضحى والعرجا لمراحا.
* انت سياسي؟
ـ مرة مرة..
* بتحبها - السياسة؟
ـ مرة مرة..
* لو خيروك في منصب بتختار شنو؟
ـ وزير الثقافة.
* وتقعد في الخرطوم؟
ـ لا.. عاصمة الثقافة مدني طبعاً زي الري.
نقلا عن صحيفة الصحافة
http://www.alsahafa.info/news/index.php?type=3&id=2147495091