المساعد الشخصي الرقمي

مشاهدة النسخة كاملة : بوست جادي جداً . . . يمنع دخول الصغار


مايسة
02-05-2011, 11:20 AM
في سؤال محيرني ومتحير يا صغير
لما يكون في أتنين بحبو بعض ( أيِاً كانت العلاقة ) !!
إذا حصل وإنفصلو مع بعض ( لأي سبب كان )!!
ليه تاني ما بتواصلو مع بعض ( قطع ناشف جداً )؟


1- متزوجين وإنفصلو ( قطع ناشف ) حتى ولو في أطفال .
2- مخطوبين وإنفصلو ( قطع جاف ) حتى ولو العشق امتد سنين .
3- مجكسين ( قطع حاد ) حتى ولو عرف الجميع بعشقهم وحبهم لبعض .


ليه بس كدا بس كدا بس



هذا البوست للجادين فقط وللذين أعمارهم أكبر من 10 سنوات
ودسمير
02-05-2011, 11:47 AM
ليه..... قولى انتى (بقى) على رائ عادل امام ....دحنا غلبانين





بحسب فى ثوانى الليل شان الصباح ألقاك
ما انت عارف انو محال يوم اطولو سماك
أحمد عمر ( MOODY )
02-05-2011, 11:50 AM
عشرة سنوات .. من الإنفصال
ابو عبد الرحمن
02-05-2011, 11:51 AM
عشقتو شادياً عيونو ساخره وفوامو ناداً كانو زهرة ؟؟
أنا ما بخطف زهور خدودك بعاين بس بعاين بعيوني ؟؟
ده شهر ما عندنا فيهو نفقة .. يا مايسة . الريده الكتيرة يا حنين شقاوة ؟؟
وده لساني مسكتو علي . لا اسمع لا أري لا أتكلم ؟؟؟؟؟؟؟؟؟؟؟؟؟؟؟؟؟؟؟
لكن بوست حلو جنس حلا ...
ابووضاح
02-05-2011, 08:29 PM
ام هبابة السودان برضو انفصل هل من الممكن يرجع
عندك الفصل في القضية بكون نهائي في النهاية راحة قلبي
وتعب الحاسي بي
المسافر
02-05-2011, 08:56 PM
في سؤال محيرني ومتحير يا صغير
لما يكون في أتنين بحبو بعض ( أيِاً كانت العلاقة ) !!
إذا حصل وإنفصلو مع بعض ( لأي سبب كان )!!
ليه تاني ما بتواصلو مع بعض ( قطع ناشف جداً )؟


1- متزوجين وإنفصلو ( قطع ناشف ) حتى ولو في أطفال .
2- مخطوبين وإنفصلو ( قطع جاف ) حتى ولو العشق امتد سنين .
3- مجكسين ( قطع حاد ) حتى ولو عرف الجميع بعشقهم وحبهم لبعض .
ليه بس كدا بس كدا بس
هذا البوست للجادين فقط وللذين أعمارهم أكبر من 10 سنوات



أعتقد بأن بأن عادة بتكون سبب الخلاف مشكلة وزعلة وبما أن الزعل من الحبيب وخصوصا في المواقف دي بتكون حارة وصعبة ، عشان كده بتكون باقية وحتأثر لفترة طويلة وربما إلى أبد الآبدين.
وهناك سبب آخر عزة النفس ، يعني الواحد بعد ما تنتهي العلاقة ببعد وما بحاول يقرب طبعاً خوفاً من أنه يقال أنه أتي يتودد عشان يرجع الماضي ولكن أدوه في رأسه.
أبوعمرو
02-05-2011, 09:12 PM
زول قطعوا معاهو... (أخضر ولا ناشف) ...تاني لزوم الخفه شنو؟؟ ...وبعدين يابت أمي هو لو دايرين اتواصلوا معاهو كان قطعوا!!! ...
في سبب تاني... التواصل في مثل هذه الحالات بجيب الهوا
تحياتي مايسة
مايسة
02-05-2011, 10:01 PM
ليه..... قولى انتى (بقى) على رائ عادل امام ....دحنا غلبانين





بحسب فى ثوانى الليل شان الصباح ألقاك
ما انت عارف انو محال يوم اطولو سماك


منو الغلبان قلته لي :cool:
قولي يمكن ما يعجبك ياخ - وتقول على منظراتية بعدين
abomazeen
02-05-2011, 10:02 PM
في سؤال محيرني ومتحير يا صغير
لما يكون في أتنين بحبو بعض ( أيِاً كانت العلاقة ) !!
إذا حصل وإنفصلو مع بعض ( لأي سبب كان )!!
ليه تاني ما بتواصلو مع بعض ( قطع ناشف جداً )؟


1- متزوجين وإنفصلو ( قطع ناشف ) حتى ولو في أطفال .
2- مخطوبين وإنفصلو ( قطع جاف ) حتى ولو العشق امتد سنين .
3- مجكسين ( قطع حاد ) حتى ولو عرف الجميع بعشقهم وحبهم لبعض .


ليه بس كدا بس كدا بس



هذا البوست للجادين فقط وللذين أعمارهم أكبر من 10 سنوات




حددي لينا أكبر من 10 سنوات من شنو بالضبط
عشان نعرف نجاوب صاااح ...؟ للضمان وكده





زول قطعوا معاهو... (أخضر ولا ناشف) ...تاني لزوم الخفه شنو؟؟ ...وبعدين يابت أمي هو لو دايرين اتواصلوا معاهو كان قطعوا!!! ...
في سبب تاني... التواصل في مثل هذه الحالات بجيب الهوا
تحياتي مايسة



أبو عمرو يا ( حِبـيـب )الفيك أتعرفت يا منقــة
تعرف والله مشتاقيين لك شوق الناس الفوق ديل
أنا قاصد المفصولين من المدرسة ... ما تسرح
مايسة
02-05-2011, 10:03 PM
عشرة سنوات .. من الإنفصال

ياخ خليك جادي :mad:
أسمع كدي ما تحكي لينا انت - اكيد وقطع شك انت مش قطعتو جاف جبته نهايتو عديل بتكون
لمن هجيت وسبته البلد;):cool:

تخريمة: صحبك بغسل في العدة لسى ولا شنو
مايسة
02-05-2011, 10:08 PM
عشقتو شادياً عيونو ساخره وفوامو ناداً كانو زهرة ؟؟
أنا ما بخطف زهور خدودك بعاين بس بعاين بعيوني ؟؟
ده شهر ما عندنا فيهو نفقة .. يا مايسة . الريده الكتيرة يا حنين شقاوة ؟؟
وده لساني مسكتو علي . لا اسمع لا أري لا أتكلم ؟؟؟؟؟؟؟؟؟؟؟؟؟؟؟؟؟؟؟
لكن بوست حلو جنس حلا ...


وحاة الله يا أبوعبد الرحمن
كلامك دا زكرني أمي (ربنا يخليها ويحفظها) - دائما بتقول البحب ما بيقدر يصرح
---------------
ياخ عايزين رائك ما تقعد صامت كدا -
وقالو وقالو على شقى ومجنون أكيد مجنون
والحب أكيد ضرب من ضروب الجنون
-----------------
طيب ليه بس القطع الجاف دا - يكون قطع بس بفهم
مايسة
02-05-2011, 10:11 PM
ام هبابة السودان برضو انفصل هل من الممكن يرجع
عندك الفصل في القضية بكون نهائي في النهاية راحة قلبي
وتعب الحاسي بي


لا ياخ - إنفصل لكن في مشاورات في إتصالات في معاهدات
بإختصار في تواصل
مش معناها حدث الانفصال معناتو لكم دينكم ولي دين - ولا شنو يا عمك

تخريمة: مش قلنا نبطل نباري ود الجزيرة دا قال ام هبابة قال :cool:
مايسة
02-05-2011, 10:16 PM
أعتقد بأن بأن عادة بتكون سبب الخلاف مشكلة وزعلة وبما أن الزعل من الحبيب وخصوصا في المواقف دي بتكون حارة وصعبة ، عشان كده بتكون باقية وحتأثر لفترة طويلة وربما إلى أبد الآبدين.
وهناك سبب آخر عزة النفس ، يعني الواحد بعد ما تنتهي العلاقة ببعد وما بحاول يقرب طبعاً خوفاً من أنه يقال أنه أتي يتودد عشان يرجع الماضي ولكن أدوه في رأسه.


صراحة دا الفهم الخاطئ عند أغلبيتنا - او بتخيل إنو ما صحيح
معاك - حصل جفا حصل إنفصال - لماذا لا يكون هنالك تواصل عادي - كأن مثلا ترجع العلاقة زي ما كانت أول يعني زي ما إبتدت
والناس تقعد وتتفاكر وتتفاهم مش عشان ترجع العلاقة الانتهت - عشان تصل لرأي (كدا صح يا بتنا:p)وقناعة إنو البينهم دا كان حاجة حلوة - على الاقل يحتفظو بالذكريات الجميلة
ياخ انت ما بتحضر افلام أجنبية ولا شنو :cool:
مايسة
02-05-2011, 10:24 PM
زول قطعوا معاهو... (أخضر ولا ناشف) ...تاني لزوم الخفه شنو؟؟ ...وبعدين يابت أمي هو لو دايرين اتواصلوا معاهو كان قطعوا!!! ...
في سبب تاني... التواصل في مثل هذه الحالات بجيب الهوا
تحياتي مايسة


ههههههههههه - يا عمك - إزيك ياخ وكيفنك وأهلك كلهم والعيال - عساكم بخير
البركة شفناك طيب يا اخوي - (ما تواصل في حكايات من حلتنا ياخ) :o
------------------
يعني هو يا إما يكون في تواصل يا قطع جاف
مافي علاقة تانية بتربط الناس مع بعض ولا كيف
- أديك مثال - إتنين متزوجين إنفصلو بينهم اطفال مثلا - حا يتواصلو كيف ويتقربو مع اطفالهم ديل كيف - ولا بكونو بفكرو في نفسهم بس (نوع من الانانية)(للطرفين طبعا) - وبعدين ياخ الشخصية دي انت ما عشته معاها أيام حلوة ولحظات جميلة - كلها كدا ضاعت في لحظة -(قول ضاعت لاي شبب عدم توافق والحاجات التانية ديك كلها) ....

كلامي - ليه ما يكون في اسلوب حوار راقي بين الطرفين وحضاري - وعلاقتهم تكون عادية زمالة اي شئ - بس ما تتحول لكره (فهمته قصدي يا ابوعمرو)
مجتمعنا أكيد مليان بالقصص دي - عشان كدا بالجد لفتت نظري -

حمد لله على السلامة

- حكاية التواصل بجيب الهوا دي - لو تواصل عادي ما فيهو اي شبهات ليه يجيب الهوا والكتاحة :p
مايسة
02-05-2011, 10:29 PM
حددي لينا أكبر من 10 سنوات من شنو بالضبط
عشان نعرف نجاوب صاااح ...؟ للضمان وكده











أكيد مش العلاقة يا أبو مازن
قصدته العمر ياخ - يعني إنسان راشد :cool:
للضمان دي شنو - انت قايل نفسك في العام ولا شنو -

رائك شنو نحولو العام البوست دا :p
mahagoub
02-05-2011, 10:31 PM
بما اننى اقل من 10 سنيين
لكن بقول انو لمان الواحد بيقطع ناشف
بكون فى بديل سريع عشان يملا الفراغ
اها بعد ده الرجعه بتبقى قاسيه
والله يكفيا شر القطع الناشف
مايسة
02-05-2011, 10:35 PM
بما اننى اقل من 10 سنيين
لكن بقول انو لمان الواحد بيقطع ناشف
بكون فى بديل سريع عشان يملا الفراغ
اها بعد ده الرجعه بتبقى قاسيه
والله يكفيا شر القطع الناشف


ههههههههه - كل العمر ليك يا عم محجوب ياخ
---------------
في أغلب الحالات فعلا بيكون في بديل ليحل محل الشريك الأول
--------------
طيب ليه يا عم محجوب ما يكون القطع دا براحة وبإتفاقية جميلة كدا ومبروزة كمان
خالد علونى
02-05-2011, 10:42 PM
خالتوا مايسة



اصبحتي كيف


أها النصيحة لي الله زي ما قال عم محجوب أنا زاتي أقل من عشرة سنة


لكين (بدلي بدلوي)

شفتي الكلام دا كبار كيف


المعني يعني الناس دي لما تفارق بعض بكون حصل بيناتم كلام فارغ وشتيمه وكشف حال وحاجات تانية حامياني

وكل واحد بقول ليك عزة نفسي مابيه علي أسلم قلبي ليك تاني


وكل واحد بشوف إنو التاني مفترض يعتزر ليه بحكم إنو ما غلطان

وانتظرني وانتظرك

لحدي ما الخانة في الاتجاهيين تتملي


وكل زول ينسي الحصل


والحصل بيناتنا كان
كلمة عتاب
كلمة ملام
ما بتوصد لي العلاقة البنا باب



لكين في النهاية
باب الريده وأنسد


ولا شنو؟
مايسة
02-05-2011, 10:50 PM
خالتوا مايسة



اصبحتي كيف


أها النصيحة لي الله زي ما قال عم محجوب أنا زاتي أقل من عشرة سنة


لكين (بدلي بدلوي)

شفتي الكلام دا كبار كيف


المعني يعني الناس دي لما تفارق بعض بكون حصل بيناتم كلام فارغ وشتيمه وكشف حال وحاجات تانية حامياني

وكل واحد بقول ليك عزة نفسي مابيه علي أسلم قلبي ليك تاني


وكل واحد بشوف إنو التاني مفترض يعتزر ليه بحكم إنو ما غلطان

وانتظرني وانتظرك

لحدي ما الخانة في الاتجاهيين تتملي


وكل زول ينسي الحصل


والحصل بيناتنا كان
كلمة عتاب
كلمة ملام
ما بتوصد لي العلاقة البنا باب



لكين في النهاية
باب الريده وأنسد


ولا شنو؟


كيفنك يا جناي

اها دا كلام تاني - ليه اصلا تحصل شتائم وكلام فارغ والحاجات الحامياني التانية دي كلها
باب الريدا لو إنسدا في مليون باب تاني - باب الصداقة باب الزمالة باب المعرفة
ما إلا يا أبيض يا أسود

طيب أقول ليك ليه ما تمشي بي

مسامحك ما عشان عينيك - عشان تتعلم الغفران وتصفح لو الزمن جار بيك
تدي الشخصية دي درس في فن التعامل - حتى إذا كان مغدور بيك انت
--------------
القصد من كلامي انو لما الناس تقطع العلاقة البينهم - على الاقل يكون في سلام عن الحال والحوال - مش إذا لقيتو في الشارع تغيرو :o
mahagoub
02-05-2011, 10:55 PM
ههههههههه - كل العمر ليك يا عم محجوب ياخ
---------------
في أغلب الحالات فعلا بيكون في بديل ليحل محل الشريك الأول
--------------
طيب ليه يا عم محجوب ما يكون القطع دا براحة وبإتفاقية جميلة كدا ومبروزة كمان

ما هو ما بجى خبط لزق
بتكونفى مقدمات ولوم وعتاب
وتجر لى شكل
وكلمه شخنه من هنا
وشخطه عاليه من هناك
ويحاها الحل بله
مايسة
02-05-2011, 10:59 PM
ما هو ما بجى خبط لزق
بتكونفى مقدمات ولوم وعتاب
وتجر لى شكل
وكلمه شخنه من هنا
وشخطه عاليه من هناك
ويحاها الحل بله

عم محجوب - معاك تماما - وكما بداية الغيث قطرة
بداية المشكلات كلمة جارحة او موقف ما جميل

لكن بنقول التسامح حاجة جميلة والعلاقات الانسانية أجمل :)
بنت الرفاعي
02-05-2011, 11:15 PM
أكيد مش العلاقة يا أبو مازن

قصدته العمر ياخ - يعني إنسان راشد :cool:
للضمان دي شنو - انت قايل نفسك في العام ولا شنو -



رائك شنو نحولو العام البوست دا :p




لكِ عاطر التحايا عزيزتي مايسة.:)

أصلاً ده ما مكانهُ (وبما أنهُ جادي جداً) كما جاء في العنوان،
وإستغربت بعد ما قرأت الموضوع وأسلوبك في الطرح من تواجده هنا!!.:rolleyes::confused:

:):):)
بنت الرفاعي
02-05-2011, 11:28 PM
تزوجا عن حُب،
ثم انفصلا بكل هدوء،
وإلى الآن لم يعلم أحد عن سبب إنفصالهما،
وما زالا يكنان لبعضهما الإحترام الشديد،
بالرغم من زواجهما مرة أُخرى،
لدرجة أنهُ قيل إذا مرَّ بسيارته و حتى وإن كانت معه زوجته الجديدة،
ورآها (طليقته) في الشارع لا يكتفي بالتلويح للسلام عليها بل يوقف سيارته،
وينزل منها ليُسلِّم عليها ويسألها عن حالها!!:)


فهل من الصعب لهذه الدرجة إيجاد الكثيرون مثلهما؟؟!!:confused:
خالد علونى
03-05-2011, 12:09 AM
تزوجا عن حُب،
ثم انفصلا بكل هدوء،
وإلى الآن لم يعلم أحد عن سبب إنفصالهما،
وما زالا يكنان لبعضهما الإحترام الشديد،
بالرغم من زواجهما مرة أُخرى،
لدرجة أنهُ قيل إذا مرَّ بسيارته و حتى وإن كانت معه زوجته الجديدة،
ورآها (طليقته) في الشارع لا يكتفي بالتلويح للسلام عليها بل يوقف سيارته،
وينزل منها ليُسلِّم عليها ويسألها عن حالها!!:)


فهل من الصعب لهذه الدرجة إيجاد الكثيرون مثلهما؟؟!!:confused:












أختنا مرام



تحياتي


كم في المية من الناس بكون عندها زوق راقي زي دا



أعملي إحصائية عندك من خلال معارفك
ناس حلتكم

وشوفي في كم كان بينم علاقة إنتهت وكل شي مشى عادي


وكم انتهت العلاقة البيناتم وخلفت وراها مشاكل وخلافات ما ليها أول ولا آخر



نحن مشكلتنا في إننا (ليه أنا أمش أعتذر ليه)
ليه هو ما يجيني

هو ما أحسن مني في شي
ولا أنا أقل نمو في شي عشان أصل لحدي عندو


ما فينا زول بقول الله يلعن إبليس ويعتذر
كل واحد منتظر التاني يجي لحدي عندو


وبي الحالة دي 100 سنة ما بتلموا علي بعض
نزار حسن محمد
03-05-2011, 12:13 AM
آهاعلى قلبى وعلي املاً حملتو دهور
قطعت بحور سواد الليل على ليلين
صبرت كتير وراجى النور
يا قطعة البنور سستر بنات الحور
عليك اسم الله ياحاكم على ما تجور
زمان شفتك عجبتنى
وقلت اقول انا الفيهو داير اخطب
ده ما معقول
بقيت ساكت فرحان بك احدث زول
وادث من زول لمن حصل محصول
اتمسكن واتراجع لمن حصل محصول
فضل واقف وقلبو المجرح بالملح مكيول
يا دارة بنات الفجه الفلانيه "مصفح "
ويا زينة الطالبات ويا امل السنين الفات
ويا طفلى الرضيع المات
اتحسرت وتبهدلت ما خليت
ودمع العين نزل لمن قالت لى
oh tuleit
أحمد عمر ( MOODY )
03-05-2011, 12:18 AM
زول قطعوا معاهو... (أخضر ولا ناشف) ...تاني لزوم الخفه شنو؟؟ ...وبعدين يابت أمي هو لو دايرين اتواصلوا معاهو كان قطعوا!!! ...
في سبب تاني... التواصل في مثل هذه الحالات بجيب الهوا
تحياتي مايسة




ياااااااااااااااااااااااااا سلام .. عليك يا سلام

يا زول مستف بالروعة .. جدّ
مليان إبداع .. و مزرود زرِدّ


أبو عمرو الحجاج .. منوِّر من هنا و لي بيت ود الحسين
أحمد عمر ( MOODY )
03-05-2011, 12:25 AM
ياخ خليك جادي :mad:
أسمع كدي ما تحكي لينا انت - اكيد وقطع شك انت مش قطعتو جاف جبته نهايتو عديل بتكون
لمن هجيت وسبته البلد;):cool:

تخريمة: صحبك بغسل في العدة لسى ولا شنو



تصدِّقي .. شدّة ما جادّي
لمّان عاوز أتأكد من شرط العشر سنين ده تحت ياتو بند


أما عن صاحبي : شكلو كده حرقو ليهو الملاح في الحَلَّة
:p:p:p:p:p
خالد علونى
03-05-2011, 12:33 AM
كيفنك يا جناي




اها دا كلام تاني - ليه اصلا تحصل شتائم وكلام فارغ والحاجات الحامياني التانية دي كلها
باب الريدا لو إنسدا في مليون باب تاني - باب الصداقة باب الزمالة باب المعرفة
ما إلا يا أبيض يا أسود

طيب أقول ليك ليه ما تمشي بي

مسامحك ما عشان عينيك - عشان تتعلم الغفران وتصفح لو الزمن جار بيك
تدي الشخصية دي درس في فن التعامل - حتى إذا كان مغدور بيك انت
--------------
القصد من كلامي انو لما الناس تقطع العلاقة البينهم - على الاقل يكون في سلام عن الحال والحوال - مش إذا لقيتو في الشارع تغيرو :o





والله الحمد لله

الشتائم دي بتحصل لانو نحن ما عندنا أدب خلاف

لو زول غلط عليك ما بتقول ليه الله يسامحك

بتنعل سنسفير أبو أهلو طوال
والزول التاني ما يكضب خبرك برد عليك بي اللازم وهاك يا إنبثاقة




حته باب جديد يمكن بعد مده لو كان الناس قريبين من بعض وفي حاجة بتخليهم يقابلو بعض كل زول بحاول بي قدر الإمكان انو يبين لي الناس أنو أحسن من التاني دا في حد زاتوا بخلي مساحة كويثة لي التواصل من جديد


كلام اصفح لو زمن جار بيك دا زي ما قلت لي اختنا مرام داير ليهو زوق وفهم راقي وتعامل فريد بين الناس
ونحن في السودان عموماً دمناً حامي وكل 10.7 اشخاص فيهم واحد عاقل والبقية ماسكاهم حمي الحماقة

أنا فاهم قصدك يا خالتي
لكين خليني أمسك الجانب الاشتر في الحوار دا رايك شنو؟
أحمد عمر ( MOODY )
03-05-2011, 12:51 AM
لكِ عاطر التحايا عزيزتي مايسة.:)

أصلاً ده ما مكانهُ (وبما أنهُ جادي جداً) كما جاء في العنوان،
وإستغربت بعد ما قرأت الموضوع وأسلوبك في الطرح من تواجده هنا!!.:rolleyes::confused:

:):):)








دكتورتنا العزيزة .. مرام
أقول ليك حاجة .. و ما تستغربي

أميز ما في النفّاج .. إختلاف الرأي لا يفسد للود قضية
يمكن عشان الناس بتفتكر إنّو مكان للهزل بس
و يمكن لأنو توصيل الفكرة والمعلومة بإسلوب ساخر أو هزلي
أقرب للقبول من الناس حتى لو كان في قضية مهمة

ويمكن تكوني .. لاحظتي
إنو مجرد طرح موضوع قابل لإختلاف وجهات النظر
معناهو تشمِّر عن سواعد الدفاع عن رأيك لكل ذي رأي


عليك الله .. (لكل ذي رأي) دي كيف .. ؟ ما خطيرة .. !!
بنت الرفاعي
03-05-2011, 02:13 AM
أختنا مرام
تحياتي
كم في المية من الناس بكون عندها زوق راقي زي دا

أعملي إحصائية عندك من خلال معارفك
ناس حلتكم

وشوفي في كم كان بينم علاقة إنتهت وكل شي مشى عادي


وكم انتهت العلاقة البيناتم وخلفت وراها مشاكل وخلافات ما ليها أول ولا آخر

نحن مشكلتنا في إننا (ليه أنا أمش أعتذر ليه)
ليه هو ما يجيني

هو ما أحسن مني في شي
ولا أنا أقل نمو في شي عشان أصل لحدي عندو


ما فينا زول بقول الله يلعن إبليس ويعتذر
كل واحد منتظر التاني يجي لحدي عندو

بيحصل الكلام ده،
لكن كثيراً ما تأتي ظروف،
وتجعلهم يعودون.


وبي الحالة دي 100 سنة ما بتلموا علي بعض



ولك مثلُ تحيتك أخي:)،
إذا قلت على الناس من معارفي وناس حلتنا،
فإلى الآن والحمد لله ما سمعت عن إثنين إنفصلوا،
وما بيتعاملوا مع بعض عادي أو على الأقل أمام الناس،
وإن كان في قلوبهم شيء من ما مضى،
يمكن لأنهم بيحترموا العلاقات الأخرى من قرابة،
أو صداقات عائلية،
وحتى إن وُجدت فبتكون نادرة جداً.
:):):)
بنت الرفاعي
03-05-2011, 02:38 AM
دكتورتنا العزيزة .. مرام


أقول ليك حاجة .. و ما تستغربي


أميز ما في النفّاج .. إختلاف الرأي لا يفسد للود قضية
وهو المفروض أن يكون في كل مكان،
وليس حصراً على النفاج فقط.:)

إن شاء الله دائماً يكون ذلك هُنا.
:):):)

يمكن عشان الناس بتفتكر إنّو مكان للهزل بس
و يمكن لأنو توصيل الفكرة والمعلومة بإسلوب ساخر أو هزلي
أقرب للقبول من الناس حتى لو كان في قضية مهمة
الأسلوب الساخر والهزلي أيضاً يتميزان بالبساطة في الطرح دون تعقيدات،
وهو ما يُفضله الناس.


ويمكن تكوني .. لاحظتي
إنو مجرد طرح موضوع قابل لإختلاف وجهات النظر
معناهو تشمِّر عن سواعد الدفاع عن رأيك لكل ذي رأي
طيب
لماذا أُدافع عن رأيي قبل معرفة آراء الأخرين؟!
فهو رأي قد يحتمل الصواب وقد يحتمل الخطأ،
وعلى حسب ما بُني عليه الرأي،
والأفضل بدلاً من الدفاع عن رأيي،
أولاً
مُناقشة الآخرين للوصول للآراء الصائبة،
ثم أدافع عن رأيي إن كان صائباً، وما بُني عليه صواب.:)




عليك الله .. (لكل ذي رأي) دي كيف .. ؟ ما خطيرة .. !!
:d:d:d
خطيرة
لكن:
ما بها زي المِعْوَجَّة؟!.:rolleyes::cool:





:d:d
تصدِّق كنت عايزة أكتب في ردي
(مُجرد رأي):d.

يمكن أنا استغربت،
لأن أختنا مايسة شدّدت على الجدية،
وكما ذكرت أنت أن الجانب الهزلي هنا أكثر من
الجادي،
بالرغم من وجود الكثير من المواضيع الجادة، والتي قد تجد فيها جدية ولكن فيها من الهزل ما فيها،
وأختي مايسة ما بتحب الهزل في المواضيع الجادة،
(وبالأخص مواضيعها;))،
والموضوع ده هنا حيقلب هزلي أكثر منه جدية بسبب مُحتواه،
لكن وبما أنها شدّدت على الجدية،
رُبما يسير كما توده هي.:)

:):):)
mahagoub
03-05-2011, 03:13 AM
؟ ما خطيرة .. !![/color][/size][/font][/center][/b][/quote]

وانت ذاتك ما خطير
mahagoub
03-05-2011, 03:21 AM
عم محجوب - معاك تماما - وكما بداية الغيث قطرة
بداية المشكلات كلمة جارحة او موقف ما جميل

لكن بنقول التسامح حاجة جميلة والعلاقات الانسانية أجمل :)

بينى وبينك العشره ما بتهون
الموضوع عاوز تدخل زول عاقل
يصلح ذات البين
وعاوز روح التسامح بينهم
بحيرى
03-05-2011, 06:04 AM
الحمد لله .... انا اقل من 10 سنوات .... وما جادى ...
بث ....
عندى معلومه عن تجربه .... ما تقولوا انا الجربت ....
القطع الناشف هو اسرع طريقه للوصول الى ما تصبو اليه ....
خاصةً لو الزول القطاع ده رجل ...
وما تقولوا لى علشان شنو ...!!
مايسة
03-05-2011, 08:51 AM
لكِ عاطر التحايا عزيزتي مايسة.:)

أصلاً ده ما مكانهُ (وبما أنهُ جادي جداً) كما جاء في العنوان،
وإستغربت بعد ما قرأت الموضوع وأسلوبك في الطرح من تواجده هنا!!.:rolleyes::confused:

:):):)







سلامات مرام
قصدته تماما العنوان - نوع من التغيير بس -
وبما إنو موضوع ستختلف فيه وجهات النظر - حبيت انو الناس تتفاكر فيهو بطرقة فكاهية -
يمكن نصل لحل الملاحظة دي :)


دكتورتنا العزيزة .. مرام
أقول ليك حاجة .. و ما تستغربي

أميز ما في النفّاج .. إختلاف الرأي لا يفسد للود قضية
يمكن عشان الناس بتفتكر إنّو مكان للهزل بس
و يمكن لأنو توصيل الفكرة والمعلومة بإسلوب ساخر أو هزلي
أقرب للقبول من الناس حتى لو كان في قضية مهمة

ويمكن تكوني .. لاحظتي
إنو مجرد طرح موضوع قابل لإختلاف وجهات النظر
معناهو تشمِّر عن سواعد الدفاع عن رأيك لكل ذي رأي


عليك الله .. (لكل ذي رأي) دي كيف .. ؟ ما خطيرة .. !!


مشكور مودي على التوضيح - لم تدع لي شيئا لأضيفه
ما قوية ولا شئ :p



:d:d
تصدِّق كنت عايزة أكتب في ردي
(مُجرد رأي):d.

يمكن أنا استغربت،
لأن أختنا مايسة شدّدت على الجدية،
وكما ذكرت أنت أن الجانب الهزلي هنا أكثر من
الجادي،
بالرغم من وجود الكثير من المواضيع الجادة، والتي قد تجد فيها جدية ولكن فيها من الهزل ما فيها،
وأختي مايسة ما بتحب الهزل في المواضيع الجادة،
(وبالأخص مواضيعها;))،
والموضوع ده هنا حيقلب هزلي أكثر منه جدية بسبب مُحتواه،
لكن وبما أنها شدّدت على الجدية،
رُبما يسير كما توده هي.:)

:):):)







مرام تحياتي - إعتبريه نوع من لفت النظر والإنتباه
وبالتأكيد إذا قصدت الجدية بمعنى الجدية سيكون مكانه العام
ولكن إخترت العنوان والمكان - لأن الموضوع ليس بذلك الحجم
ومع هذا كله - لا يمنع ان يتداخل الناس بنوع من الجدية والمزح في نفس اللحظة لتتقارب وجهات النظر ونصل لنتيجة او حلول تقلل من هذه الملاحظة على الاقل هنا في المنتدى ;):)
وبس :)
ابو عبد الرحمن
03-05-2011, 11:24 AM
وحاة الله يا أبوعبد الرحمن
كلامك دا زكرني أمي (ربنا يخليها ويحفظها) - دائما بتقول البحب ما بيقدر يصرح
---------------
ياخ عايزين رائك ما تقعد صامت كدا -
وقالو وقالو على شقى ومجنون أكيد مجنون
والحب أكيد ضرب من ضروب الجنون
-----------------
طيب ليه بس القطع الجاف دا - يكون قطع بس بفهم
هههههههههههههههههههههههههههههههههههههههههههههههههه ههههه
( انا ما أمك زاتها ) هههههههههههههههه
ام رغد
03-05-2011, 12:23 PM
ياريت لو الناس تحافظ على مساحة الاحترام بس ..... الاحاسيس التانية ما مشكلة
ويمشو بكلام اللحو القال العشرة ما بتهون على الناس البعزوها
مايسة
03-05-2011, 09:45 PM
تزوجا عن حُب،
ثم انفصلا بكل هدوء،
وإلى الآن لم يعلم أحد عن سبب إنفصالهما،
وما زالا يكنان لبعضهما الإحترام الشديد،
بالرغم من زواجهما مرة أُخرى،
لدرجة أنهُ قيل إذا مرَّ بسيارته و حتى وإن كانت معه زوجته الجديدة،
ورآها (طليقته) في الشارع لا يكتفي بالتلويح للسلام عليها بل يوقف سيارته،
وينزل منها ليُسلِّم عليها ويسألها عن حالها!!:)


فهل من الصعب لهذه الدرجة إيجاد الكثيرون مثلهما؟؟!!:confused:










بالتأكيد هذا الشخص لم يخُن العُشرة
وما عاشه مع تلك الشخصية سيظل زكرى جميلة
---------------
ليس بالضروري أن يكون يحبها - ولكن هناك إحترام لما كان بينهم

جميل جدا شكل هذه العلاقة -

تسلمي مرام
مايسة
03-05-2011, 09:53 PM
أختنا مرام



تحياتي


كم في المية من الناس بكون عندها زوق راقي زي دا



أعملي إحصائية عندك من خلال معارفك
ناس حلتكم

وشوفي في كم كان بينم علاقة إنتهت وكل شي مشى عادي


وكم انتهت العلاقة البيناتم وخلفت وراها مشاكل وخلافات ما ليها أول ولا آخر



نحن مشكلتنا في إننا (ليه أنا أمش أعتذر ليه)
ليه هو ما يجيني

هو ما أحسن مني في شي
ولا أنا أقل نمو في شي عشان أصل لحدي عندو


ما فينا زول بقول الله يلعن إبليس ويعتذر
كل واحد منتظر التاني يجي لحدي عندو


وبي الحالة دي 100 سنة ما بتلموا علي بعض


علوني - عساك عافية

معاك تماما فيما قلته من أسباب تجعلنا جافين (عزة النفس الزائفة والكبرياء - وليه هو ما يجيني وما بعتزر وعدم الاستعاذة من الشيطان ... ) بالإضافة لسبب تاني وهو (الحماشين) اقصد بها الأهل من الطرفين في كل الحالات(زواج - خطوبة - علاقة للمستقبل) - هذه الشريحة تلعب دور بارز جدا في التأثير على الطرفين - وفي أحيان كثيرة تكون تدخلاتهم بأثر سلبي أكثر من إيجابي
هذا سيقودنا لشئ آخر وهو (عدم الخصوصية في السودان في العلاقات) -

تخريمة : انت مع منو بالضبط :p
مايسة
03-05-2011, 09:55 PM
آهاعلى قلبى وعلي املاً حملتو دهور
قطعت بحور سواد الليل على ليلين
صبرت كتير وراجى النور
يا قطعة البنور سستر بنات الحور
عليك اسم الله ياحاكم على ما تجور
زمان شفتك عجبتنى
وقلت اقول انا الفيهو داير اخطب
ده ما معقول
بقيت ساكت فرحان بك احدث زول
وادث من زول لمن حصل محصول
اتمسكن واتراجع لمن حصل محصول
فضل واقف وقلبو المجرح بالملح مكيول
يا دارة بنات الفجه الفلانيه "مصفح "
ويا زينة الطالبات ويا امل السنين الفات
ويا طفلى الرضيع المات
اتحسرت وتبهدلت ما خليت
ودمع العين نزل لمن قالت لى
oh tuleit


نزار ما تعمل لي رايح
وريني رائك شنو بالضبط :o
-----------------
تحياتي للعيال وأمهم -
وربنا يشفى الوالدة ويبلغها الصحة يا رب العالمين
مايسة
03-05-2011, 09:56 PM
تصدِّقي .. شدّة ما جادّي
لمّان عاوز أتأكد من شرط العشر سنين ده تحت ياتو بند


أما عن صاحبي : شكلو كده حرقو ليهو الملاح في الحَلَّة
:p:p:p:p:p


خُتها تحت أي بند يعجبك -
وقول لينا
-----------
يعني هسه بغسل في الحلة المحروقة :p
مايسة
03-05-2011, 10:03 PM
والله الحمد لله

الشتائم دي بتحصل لانو نحن ما عندنا أدب خلاف

لو زول غلط عليك ما بتقول ليه الله يسامحك

بتنعل سنسفير أبو أهلو طوالي
والزول التاني ما يكضب خبرك برد عليك بي اللازم وهاك يا إنبثاقة




حته باب جديد يمكن بعد مده لو كان الناس قريبين من بعض وفي حاجة بتخليهم يقابلو بعض كل زول بحاول بي قدر الإمكان انو يبين لي الناس أنو أحسن من التاني دا في حد زاتوا بخلي مساحة كويثة لي التواصل من جديد


كلام اصفح لو زمن جار بيك دا زي ما قلت لي اختنا مرام داير ليهو زوق وفهم راقي وتعامل فريد بين الناس
ونحن في السودان عموماً دمناً حامي وكل 10.7 اشخاص فيهم واحد عاقل والبقية ماسكاهم حمي الحماقة

أنا فاهم قصدك يا خالتي
لكين خليني أمسك الجانب الاشتر في الحوار دا رايك شنو؟


ههههههههههههه - والله ضحكتني بحكاية - بتنعل سنسفير أبو أهلو طوالي والزول التاني ما يكضب خبرك برد عليك بي اللازم وهاك يا إنبثاقة .
معليش علوني بس حتة إحنا كدا في السودان وبنتصرف كدا لأنو دمنا حامي - دي ما عندها قضية بحمية الدم ياخ - دي ممكن تطلق عليها (عدم وعي بس )
ما هو ما ممكن تكون بس ماسك الجانب السيئ للشخص والحاجات السيئة العملها - - ما ممكن انت تنفصل لكن من دون تجريح وتضبط نفسك في الحتة دي -
انا معاك إنو جونا في السودان زاتو صراحة ما مساعد على ضبط النفس (الشمس نار والظروف مهببة:mad:) لكن برضو نحاول نكون أكثر ايجابية بالنسبة للطرف التاني حتى إذا أساء الينا

موافقة تماما انك تمسك الجانب الأشتر - أصلا إذا ما كان في رأي مخالف (صائب او خطأ) ما حا يكون كان في معضلة ولا مشكلة أصلا
مايسة
03-05-2011, 10:07 PM
بينى وبينك العشره ما بتهون
الموضوع عاوز تدخل زول عاقل
يصلح ذات البين
وعاوز روح التسامح بينهم


فعلا يا عم محجوب - تسلم
وكمان حتى بعد ما ينفصلو - بس يعاينو للبينهم إذا في اطفال - او على الاقل للعمر العاشوهو او اللحظات الجميلة القضوها مع بعض - تحياتي ليك
مايسة
03-05-2011, 10:10 PM
الحمد لله .... انا اقل من 10 سنوات .... وما جادى ...
بث ....
عندى معلومه عن تجربه .... ما تقولوا انا الجربت ....
القطع الناشف هو اسرع طريقه للوصول الى ما تصبو اليه ....
خاصةً لو الزول القطاع ده رجل ...
وما تقولوا لى علشان شنو ...!!


عشان شنو أها
وما هو الذي تصبو اليه :p
مايسة
03-05-2011, 10:11 PM
هههههههههههههههههههههههههههههههههههههههههههههههههه ههههه
( انا ما أمك زاتها ) هههههههههههههههه



هههههه - سمح
ربنا يخليك لعيالك ويحفظ كل الأمهات يا رب العالمين

تخريمة : غايتو متحفظ جنس تحفظ :p
مايسة
03-05-2011, 10:18 PM
ياريت لو الناس تحافظ على مساحة الاحترام بس ..... الاحاسيس التانية ما مشكلة
ويمشو بكلام اللحو القال العشرة ما بتهون على الناس البعزوها



تحياتي أم رغد

صدقتي تماما في حتة الإحترام دي - أصلا ما ضروري زاتو يكون في حب - كفاية الإحترام
الغريبة عندنا في السودان وشئ مُلاحظ تاني إنو لما الإتنين ينفصلو - تلقاهم بجيبو في سيرة بعض بالسوء - ويطلع ليك أسرار وأشياء حدثت بينهم -ومرات يضيف حاجات من عندو - وتبدأ الناس في تداولها وإنتقالها من أُذن الى أخرى وعليه بتزيد القصة وتتفبرك - ويقولو حاجات اصلا زاتو ما حصلت -

مافي حتى إحترام للحظات الحلوة العاشوها مع بعض - على الأقل الواحد المفروض ينحسب (طالما ما حصل نصيب) براحة - ولو ما عايز يتواصل مع الشخصية دي - على الاقل ما يجيب سيرته في أي محفل أو اي إجتماع - تحياتي
ابو عبد الرحمن
03-05-2011, 10:49 PM
طيب يا مايسة قبل كل شي صباح الخير أختي الفاضلة ..
القطع الناشف في الاشياء الفائتة التي ذكرتيها كلها تكمن في ضيق أوفق للجانبين الرجل أم إمرأة
أو قد يكون في إحدي الجانبين الرجل أم المرأة .. وانا اعزي دائما هذه النواشف .. وحات الله
النواشف دي عجبتني جنس عجب .... واحملها للراجل في معظم الاحيان .. لسبب بسيط ومنطقي
الرجل هو الذي يمتلك الجرئة أكثر من المرأة . فحق المبادره ملزم به هو غير المرأة . والمراة بطبعها
تحتاج العاطفة والكلام الطيب اللين السهل الصادق ..فيكفها تماماً .. لذلك على الرجل ان يقول لها هذه
الكلام .. بمنطق الذي كان وحتي لو اختلفت الأراء .. نتختلف ونختلف ونختلف مرات ومرات ؟؟
ولكن يجمعنا شي جميل وهو الحب .. وهو الاخاء وخوة الدين والاسلام ... دخل النبي صلي الله
عليه وسلم مكة منتصراً وقوي .. وكان ابو سفيان الد الاعداء للاسلام .. وبعد هذا يقول النبي
صلي الله عليه وسلم ( من دخل دار ابو سفيان فهو آمن ) وعفي عنه النبي صلي الله عليه وسلم
وعينه قائدا للجيش .. أذاً أحبتي العفو والصلح واجب للاعداء فما بال العشرة العشقية او الزوجية
وهي بين شخصين مسلمين ... والعفو عند المقدرة كما يقولون افضل واكمل واجمل وأصدق .....نبئت أن رسول الله أوعدني والعفو عند رسول الله مأمول ... بجيك صاد للعشق وكلامو واطايب الحديث
فيهو .... سمح ..
أحمد عمر ( MOODY )
04-05-2011, 12:39 AM
خُتها تحت أي بند يعجبك -
وقول لينا
-----------
يعني هسه بغسل في الحلة المحروقة :p




غايتو إتعذّبت عذاب الهدهد عشان ألقى الرابط ده



http://wadmadani.com/vb/showthread.php?32017-فلسفة-...-الحب-...-و-الحياة




ياااخ .. عليكم الله يا المشرفين القاعدين لينا ساااكت ديل
:mad: :mad: :mad: :mad: :mad:
جيبوا لينا الموضوع ده هنا .. خلّينا نشوف الحاصل شنو



أمّا بالنسبة للحلّة .. أنا ذااااااااااتي
ما كنت قايلها حارقِنّها ليهو قدُر ده
;):cool:;):cool:;)
آلاء عبد الرحمن
04-05-2011, 12:53 AM
انا من وجهة نظري حتي لو الناس حتتعامل عادي
حتكون محتاجة وقت عشان تتعامل
mahagoub
04-05-2011, 05:44 AM
غايتو إتعذّبت عذاب الهدهد عشان ألقى الرابط ده



http://wadmadani.com/vb/showthread.php?32017-فلسفة-...-الحب-...-و-الحياة




ياااخ .. عليكم الله يا المشرفين القاعدين لينا ساااكت ديل
:mad: :mad: :mad: :mad: :mad:
جيبوا لينا الموضوع ده هنا .. خلّينا نشوف الحاصل شنو



أمّا بالنسبة للحلّة .. أنا ذااااااااااتي
ما كنت قايلها حارقِنّها ليهو قدُر ده
;):cool:;):cool:;)

فتحنا الرابط وقدرنا جهدك
ومواصلات وحق فطور وشاى وقهوه
بس ما عرفنا الرابط بينه وبين الموضوع
أحمد عمر ( MOODY )
04-05-2011, 11:42 PM
فتحنا الرابط وقدرنا جهدك
ومواصلات وحق فطور وشاى وقهوه
بس ما عرفنا الرابط بينه وبين الموضوع


الرابط .. يا عم محجوب
إنو - بغض النظر عن شكل و نوع العلاقة - لمّا نختار علاقتنا مع الناس
بكون عشان مجموعة من الصفات الجميلة الحبّيناها فيهم
و يبقى السؤال .. لو حصل خلاف هل ده معناهو كل الصفات دي إتمسحت ..؟

بالمناسبة : الكراهية ذاتها ممكن تعتبرها قيمة سالبة للحب
بي طريقة تانية ممكن تقول .. الزول البتكرهو ده ذاتو لسّه بيعني ليك حاجة
بت مارنجان
05-05-2011, 12:41 AM
عايزة تبقي خوة يعني :confused:
عايني يالسمحة الزول دا ماكان اخوي
ولا صحبي
ولا ابوي ... ولا جابو الدرب
دا كان حبكانات او زوج او جكاسي

ماعندها معني اشيل تلفوني واتصل واسلم واقول ليه والله قلت اطمن عليك
قطع شك بقولو حنت وافلست وبتفتش في دفاترها القديمة ...
وياحلوة مافي علاقة حب بتبقي خوة ولاصداقة كزاااااااااااااااااب البقول كدا

وامسكي كلام ابو عمرو دا قوي ;)
بت مارنجان
05-05-2011, 01:15 AM
--------------
القصد من كلامي انو لما الناس تقطع العلاقة البينهم - على الاقل يكون في سلام عن الحال والحوال - مش إذا لقيتو في الشارع تغيرو :o

مابغيرو ياختي
بنسلم لكن مابنعمل الحالة وحدا ...

انتي كنتي متابعة العشق الممنوع موش :confused:
مايسة
05-05-2011, 04:33 AM
طيب يا مايسة قبل كل شي صباح الخير أختي الفاضلة ..
القطع الناشف في الاشياء الفائتة التي ذكرتيها كلها تكمن في ضيق أوفق للجانبين الرجل أم إمرأة
أو قد يكون في إحدي الجانبين الرجل أم المرأة .. وانا اعزي دائما هذه النواشف .. وحات الله
النواشف دي عجبتني جنس عجب .... واحملها للراجل في معظم الاحيان .. لسبب بسيط ومنطقي
الرجل هو الذي يمتلك الجرئة أكثر من المرأة . فحق المبادره ملزم به هو غير المرأة . والمراة بطبعها
تحتاج العاطفة والكلام الطيب اللين السهل الصادق ..فيكفها تماماً .. لذلك على الرجل ان يقول لها هذه
الكلام .. بمنطق الذي كان وحتي لو اختلفت الأراء .. نتختلف ونختلف ونختلف مرات ومرات ؟؟
ولكن يجمعنا شي جميل وهو الحب .. وهو الاخاء وخوة الدين والاسلام ... دخل النبي صلي الله
عليه وسلم مكة منتصراً وقوي .. وكان ابو سفيان الد الاعداء للاسلام .. وبعد هذا يقول النبي
صلي الله عليه وسلم ( من دخل دار ابو سفيان فهو آمن ) وعفي عنه النبي صلي الله عليه وسلم
وعينه قائدا للجيش .. أذاً أحبتي العفو والصلح واجب للاعداء فما بال العشرة العشقية او الزوجية
وهي بين شخصين مسلمين ... والعفو عند المقدرة كما يقولون افضل واكمل واجمل وأصدق .....نبئت أن رسول الله أوعدني والعفو عند رسول الله مأمول ... بجيك صاد للعشق وكلامو واطايب الحديث
فيهو .... سمح ..


سلام من الله عليك أبو عبد الرحمن ومساك خير
لخصت البوست صراحة بكلامك - :)
ولكن ما تطرق له بعض المتداخلين هو إذا إنقطعت العلاقة فأكيد إنقطعت لسبب او ذنب لا يغتفر - (على حسب وجهة نظرهم)
يمكننا أن نعفو فعلا عن من تسبب لنا بأذية - إن كانت معنوية أو حتى جسدية - وهذا يرتقى بالنفس لمكانه نادرا ما نجدها في زمننا هذا ..

شكرا عميقا أبو عبد الرحمن
مايسة
05-05-2011, 04:48 AM
0

غايتو إتعذّبت عذاب الهدهد عشان ألقى الرابط ده



http://wadmadani.com/vb/showthread.php?32017-فلسفة-...-الحب-...-و-الحياة




ياااخ .. عليكم الله يا المشرفين القاعدين لينا ساااكت ديل
:mad: :mad: :mad: :mad: :mad:
جيبوا لينا الموضوع ده هنا .. خلّينا نشوف الحاصل شنو



أمّا بالنسبة للحلّة .. أنا ذااااااااااتي
ما كنت قايلها حارقِنّها ليهو قدُر ده
;):cool:;):cool:;)


هسه المشرفين ديل مالم :cool:
بوست جميل جدا بالمناسبة وهو يحلل العلاقة بين الايمان والحب والنفس البشرية
الصبر - هسه بجيب ليك مشاركاتك ديلك كلهم هنا :D


فتحنا الرابط وقدرنا جهدك
ومواصلات وحق فطور وشاى وقهوه
بس ما عرفنا الرابط بينه وبين الموضوع


قول المجموع كم يا عم محجوب
وبنعمل ليك خته ولا صندوق :o



الرابط .. يا عم محجوب
إنو - بغض النظر عن شكل و نوع العلاقة - لمّا نختار علاقتنا مع الناس
بكون عشان مجموعة من الصفات الجميلة الحبّيناها فيهم
و يبقى السؤال .. لو حصل خلاف هل ده معناهو كل الصفات دي إتمسحت ..؟

بالمناسبة : الكراهية ذاتها ممكن تعتبرها قيمة سالبة للحب
بي طريقة تانية ممكن تقول .. الزول البتكرهو ده ذاتو لسّه بيعني ليك حاجة

أ
جاوبك عن نفسي - ما بتتمسح تلك الصفات نهائيا - ولا بنسى إنو في يوم من الايام تلك الشخصية كانت تشغل مكانا ووقت في نفسي
وبطريقة تانية البحب عمرو ما بيقدر يكره - (ممكن نستعين بعامل الوقت في هذه المرحلة) - بمعنى الصدمة دائما بتكون قوية في بدايتها - وفي بعض المرات تفقدك التوازن كمان - ويخيل لك بأنك ستكره هذا الشخص الي يوم يبعثون - ولكن اذا طالت المدة ونظرت داخلك ستجد بأن هنالك جزء ولو يسير داخلك يحن له - ليس معنى هذا بأنه يمكن ان ترجع العلاقة -ولكن قصدت- ستظل المعاني الجميلة داخل النفس
ولنا تكملة :D
مايسة
05-05-2011, 04:57 AM
انا من وجهة نظري حتي لو الناس حتتعامل عادي
حتكون محتاجة وقت عشان تتعامل



سلامات ألوية -
أكيييييييد- عامل الوقت مهم جدا - فالزمن هو المعالج الوحيد لأي جرح -
كلامك يعني بأنه توجد الإمكانية أن يحصل سلام وكلام - (أكيد طبعا بيكون بطريقة متحفظة شوية) - ولكن هذا ايضا يعتمد على كيفية الانفصال والاسباب نفسها . مشكورة ألوية
مايسة
05-05-2011, 05:19 AM
عايزة تبقي خوة يعني :confused:
عايني يالسمحة الزول دا ماكان اخوي
ولا صحبي
ولا ابوي ... ولا جابو الدرب
دا كان حبكانات او زوج او جكاسي

ماعندها معني اشيل تلفوني واتصل واسلم واقول ليه والله قلت اطمن عليك
قطع شك بقولو حنت وافلست وبتفتش في دفاترها القديمة ...
وياحلوة مافي علاقة حب بتبقي خوة ولاصداقة كزاااااااااااااااااب البقول كدا

وامسكي كلام ابو عمرو دا قوي ;)


بتو - مالك على براحة شوية يا اتي - :mad::p
كدي أقري البوست دا من البداية كويس -
لم أقل تتحول الى خوة - (وان كان هذا ليس بمستحيل ) (فهى في النهاية على حسب ما ذكرت تعتمد على نوع الانفصال نفسه - واكيد كل الحالات ليست شبيهه ببعضها ) - مثلا فى حالة الزواج وبينهم أطفال - هل برائك من الصحيح - انو الاتنين ما يكون يربطهم اي كلام - طيب والعيال ديل يقبلو وين (دي حالة) -
والحالات الباقية كتيرة جدا

فوفو - ياخ ما ضروري تشيلي التلفون وتسألي - انا بقول ليه الناس بتنسى الاشياء الجميلة وبتتذكر بس الاشياء القبيحة - (مش معناتو الواحد يرجع للعلاقة ) - وليه الناس ما تتعامل بطريقة فلسفية شوية وتقول إنو الانفصال دا مش معناتو نهاية العلاقة الانسانية الكانت بينهم - وليه الناس بتجيب سيرة (صاحب العلاقة) بالسوء وكأنو ما كان في ود ولا حب بينهم - (أفهمي ياخ أديك كدا هسى)

كلام أبو عمرو - فهمتو كويس لكن لاحظي لكلامو الأخير -


مابغيرو ياختي
بنسلم لكن مابنعمل الحالة وحدا ...

انتي كنتي متابعة العشق الممنوع موش :confused:


سلمي طيب - وما تعمليها حالة واحدة لكن على الاقل ما يكون في داخلك بتحملي ضغن
العشق الممنوع تابعت الحلقات الأخيرة طبعا - ولكن بغض النظر عن أي شئ آخر - ماذا فعلت سمر - في النهاية - (تعرفي ريم بتسأل فيني قبل شوية قالت لي يا ماما ليه سمر قتلت نفسها ) تصدقي ما عرفته أقول ليها شنو -
سمر لم تستطع أن ترى حبها وهو مع أخرى - ففضلت الإنسحاب بالاضافة للحالة النفسية التي كانت تمر بها منذ أمد بعيد بسبب أمها وما فعلته بأبيها - (وهى ترى بأنها صورة من أمها) - كدي خلينا في كلامنا - خلينا من المسلسلات التركية الخيالية دي :o
mahagoub
06-05-2011, 10:34 PM
مابغيرو ياختي
بنسلم لكن مابنعمل الحالة وحدا ...

انتي كنتي متابعة العشق الممنوع موش :confused:

الله يقطعوا العشق الممنوع ده
كمل المناديل من السوق
وانت ماشى فى الشارع تسمع حس النخيج
ابوالنور
06-05-2011, 11:37 PM
في سؤال محيرني ومتحير يا صغير
لما يكون في أتنين بحبو بعض ( أيِاً كانت العلاقة ) !!
إذا حصل وإنفصلو مع بعض ( لأي سبب كان )!!
ليه تاني ما بتواصلو مع بعض ( قطع ناشف جداً )؟


1- متزوجين وإنفصلو ( قطع ناشف ) حتى ولو في أطفال .
2- مخطوبين وإنفصلو ( قطع جاف ) حتى ولو العشق امتد سنين .
3- مجكسين ( قطع حاد ) حتى ولو عرف الجميع بعشقهم وحبهم لبعض .


ليه بس كدا بس كدا بس



هذا البوست للجادين فقط وللذين أعمارهم أكبر من 10 سنوات

ال(خوف من كلام الناس) لذلك نربى اطفالنا غلط
والنتيجة كما نشاهد هنا، عدم اصطحاب الاطفال
مايسة
07-05-2011, 11:14 PM
ال(خوف من كلام الناس) لذلك نربى اطفالنا غلط
والنتيجة كما نشاهد هنا، عدم اصطحاب الاطفال

هههههههههه
دا شنو يا ابو النور - عليك الله اشرح لي
ابوالنور
13-05-2011, 07:35 AM
هههههههههه
دا شنو يا ابو النور - عليك الله اشرح لي

انتي جاده
قال عليك الله قال
شكلي ح استعين ب ود الجزولي صديقي
mahagoub
13-05-2011, 08:31 AM
انتي جاده
قال عليك الله قال
شكلي ح استعين ب ود الجزولي صديقي

كدى جيب الاولاد
وبنسمح ليك بارتكاب كل المخالفات
ابو عبد الرحمن
13-05-2011, 09:07 PM
سلام من الله عليك أبو عبد الرحمن ومساك خير
لخصت البوست صراحة بكلامك - :)
ولكن ما تطرق له بعض المتداخلين هو إذا إنقطعت العلاقة فأكيد إنقطعت لسبب او ذنب لا يغتفر - (على حسب وجهة نظرهم)
يمكننا أن نعفو فعلا عن من تسبب لنا بأذية - إن كانت معنوية أو حتى جسدية - وهذا يرتقى بالنفس لمكانه نادرا ما نجدها في زمننا هذا ..

شكرا عميقا أبو عبد الرحمن
مايسة صباح الخير .. كل شي لا بد له من سبب حتي الكره له سبب . تلاقي الواحد يقول لك
والله انا كرهت الزول ده أو بكرهوا . تقول ليه يا اخي عمل لك شنو يقوم الواحد يقول كده بس
بدون سبب .. نعم هو يقول بدون ولكن هناك سبب مخفي عليه لا يعلمه. سبب له هذا الكره .
( وَآتَيْنَاهُ مِنْ كُلِّ شَيْءٍ سَبَبًا * فَأَتْبَعَ سَبَبًا ) ودي في قصة دو القرنين في سورة الكهف .واخذ من
هذه الاية المقولة الشهيرة وجعلنا لكل شي سببا .. أذاً الكره والبغض بين الحبائب لا بد له من سبب
والسبب قد يختلف بنوع المسبب وحجمه المعنوي على النفس . سبباً جسدي من عشيق لعشقته .وتركها
صعب النسيان . خيانه زوجية من صديق لزوجة صديقه صعب النسيان . ولكن قد يختلف الجرح هنا
لطبيعة المرأة فقد تكون أساساً هذا المرأة صاحبة تجارب مع اخرين فيختلف الجرح على الزوج . او
قد يكون خفيف . وزي ما بقولوا الضرب على الميت حرام .. فقد مات قلب هذا الرجل من كثرة
الضربات المعنويه عليه .. فصار لا بنكر منكر ولا يعرف معروف ...فالعفو كما ذكرت سابقا
على حسب طبيعة نفس الطرفين . فرجل متسلط بطبعه صعب ان يغفر وامرأة مسامحة يمكن ان
تغفر وتسامح ... الموضوع شايك ومعقد شويه .. بس اتمني ان تكون الفكرة وصلت اختي مايسة
همســـــــــــــــــــــــــــة
بوست نقف له إجلالاً ونخلع له القبعة ...يسلموا الايادي مايسة .................
مايسة
14-05-2011, 09:08 AM
كدى جيب الاولاد
وبنسمح ليك بارتكاب كل المخالفات


هو انت جادي عشان أكون جادة :cool:
إستعين بحقوق المرأة والطفل أيضا
مايسة
14-05-2011, 09:09 AM
كدى جيب الاولاد
وبنسمح ليك بارتكاب كل المخالفات


يسلم فُمك ويخليك يا رب :o
ود المطامير
14-05-2011, 09:18 AM
الرابط .. يا عم محجوب
إنو - بغض النظر عن شكل و نوع العلاقة - لمّا نختار علاقتنا مع الناس
بكون عشان مجموعة من الصفات الجميلة الحبّيناها فيهم
و يبقى السؤال .. لو حصل خلاف هل ده معناهو كل الصفات دي إتمسحت ..؟

بالمناسبة : الكراهية ذاتها ممكن تعتبرها قيمة سالبة للحب
بي طريقة تانية ممكن تقول .. الزول البتكرهو ده ذاتو لسّه بيعني ليك حاجة
قادر الله يا اخوانى

دا إتثقف متين وخلانا وراهو ;)
مايسة
14-05-2011, 09:27 AM
مايسة صباح الخير .. كل شي لا بد له من سبب حتي الكره له سبب . تلاقي الواحد يقول لك
والله انا كرهت الزول ده أو بكرهوا . تقول ليه يا اخي عمل لك شنو يقوم الواحد يقول كده بس
بدون سبب .. نعم هو يقول بدون ولكن هناك سبب مخفي عليه لا يعلمه. سبب له هذا الكره .
( وَآتَيْنَاهُ مِنْ كُلِّ شَيْءٍ سَبَبًا * فَأَتْبَعَ سَبَبًا ) ودي في قصة دو القرنين في سورة الكهف .واخذ من
هذه الاية المقولة الشهيرة وجعلنا لكل شي سببا .. أذاً الكره والبغض بين الحبائب لا بد له من سبب
والسبب قد يختلف بنوع المسبب وحجمه المعنوي على النفس . سبباً جسدي من عشيق لعشقته .وتركها
صعب النسيان . خيانه زوجية من صديق لزوجة صديقه صعب النسيان . ولكن قد يختلف الجرح هنا
لطبيعة المرأة فقد تكون أساساً هذا المرأة صاحبة تجارب مع اخرين فيختلف الجرح على الزوج . او
قد يكون خفيف . وزي ما بقولوا الضرب على الميت حرام .. فقد مات قلب هذا الرجل من كثرة
الضربات المعنويه عليه .. فصار لا بنكر منكر ولا يعرف معروف ...فالعفو كما ذكرت سابقا
على حسب طبيعة نفس الطرفين . فرجل متسلط بطبعه صعب ان يغفر وامرأة مسامحة يمكن ان
تغفر وتسامح ... الموضوع شايك ومعقد شويه .. بس اتمني ان تكون الفكرة وصلت اختي مايسة
همســـــــــــــــــــــــــــة
بوست نقف له إجلالاً ونخلع له القبعة ...يسلموا الايادي مايسة .................



مسا الخير عليك يا رب

أثريت النقاش بإضافتك الدسمة - (سلِمت)

الحب والكره ضدان -ويمكن أن يصدران من قلب واحد - ولكن هل الذي أحب يمكن أن يكره (من أحب) - ؟!
لديَ رأيى في قدرة المرأة على التسامح - والرجل ايضا - (مجرد رأيى خاص) - تسامح المرأة وتغفر لأن قلبها حنين بالفطرة (والقرآن وضح كثيرا ذلك)

أما الرجل (رأيى خاص ايضا ) فهو لا يكترث لهذه الأشياء كثيرا - فتجده سرعان ما يبحث عن الضاله الأخرى وتستمر حياته وكأن شيئا لم يكن - عكس المرأة التي تجدها تعيش على ذكراه فترة طويلة -
--------------------

تزكرت أغنية ( البيحب دائما مسامح والمسامح هو الكريم)

شكرا لك أبو عبد الرحمن ولإضافاتك الثَرة
مايسة
14-05-2011, 09:30 AM
قادر الله يا اخوانى

دا إتثقف متين وخلانا وراهو ;)


عشان بقى ما بباريك

كيفنك يا ود أختي :cool:

تخريمة : هسه مالو أسمي -ماجاي على خالتو ليه :cool::p
ود المطامير
14-05-2011, 09:30 AM
ما دام هو قطع
إبقى لازم يكون قطع بالطريقه الصااااااااااح
mahagoub
14-05-2011, 08:59 PM
ما دام هو قطع
إبقى لازم يكون قطع بالطريقه الصااااااااااح

مرات بتجى واقع دردرب
القطع شنو؟؟
مايسة
15-05-2011, 10:56 PM
ما دام هو قطع
إبقى لازم يكون قطع بالطريقه الصااااااااااح


هههههههههه
شنو يا شيخنا - مافي حل وسط نهائيا

تخريمة : أهديك هذا المقطع -
سبحان الله والحمد لله - كل شئ بأمرو بأمر الله
العرس يا بنية - قسمة الهية -
مايسة
15-05-2011, 10:58 PM
مرات بتجى واقع دردرب
القطع شنو؟؟


تصدق انت الوحيد البتعرف ترد لي شيخنا دا بالطريقة الصح
ام ساره
16-05-2011, 12:02 AM
موضوع اكثر من رائع الاخت مايسة. ولو الناس بتاخد اي امر من الامور بي عقلانية وتركيز كان سودانا هسة يضربيه المثل لكن للاسف نحنا وين والعالم وين. اناشايفة مافيها شي والله لو الناس رجعت وسالت عن احوال بعض بغض النظر عن الكان حاصل لكن انا متاكدة بعد القطع مابكون فضل فيها شي للصداقة والاخوة لانو اكيد كل واحد من الطرفيين بكون سمع التاني وطلعو فضايح بعض. والله موضوعك عجبني شدييد.
بنت الرفاعي
16-05-2011, 12:34 AM
لاحظت أن البعض تحدثوا
عن أن الطرفين يا إما شتما بعضهما،
أو
كما قالت أختنا أم سارة في تعبيرها
(طلَّعوا فضائح بعض)!!،
يعني هل من المُمكن الناس تصل بيهم للدرجة دي؟؟:confused::eek:،
ومهما كانت الأسباب،
لييه ما يكون خلاف وإنتهى،
وحتى إذا قُطعت العلاقة تُقطع بدون كلام زائد،
وأصلاً ده بيبيِّن أخلاقياتهما،
كلام عجيب!!:eek:



الله يهوِّن.


:):):)
مايسة
16-05-2011, 12:36 AM
موضوع اكثر من رائع الاخت مايسة. ولو الناس بتاخد اي امر من الامور بي عقلانية وتركيز كان سودانا هسة يضربيه المثل لكن للاسف نحنا وين والعالم وين. اناشايفة مافيها شي والله لو الناس رجعت وسالت عن احوال بعض بغض النظر عن الكان حاصل لكن انا متاكدة بعد القطع مابكون فضل فيها شي للصداقة والاخوة لانو اكيد كل واحد من الطرفيين بكون سمع التاني وطلعو فضايح بعض. والله موضوعك عجبني شدييد.

تسلمي أم سارة ويخلي ليك سارة يا رب


تعرفي دا البفقع مرارة الواحد - الواحد لو بسكت ويعدي الموضوع على خير ما مشكلة - لكن تلقى الجيران وجيران الجيران وجيرانهم برضو - سمعو بالموضوع وبقوهو لبانة بس - التقول أعداء بس مش كان بتربطهم حاجات جميلة -
وهو يقغد يحكي لأصحابو بمرارة عن الكان بجمعهم مع بعض - ويديهم ليك وصايا على حسب تقديرو هو للأمور في تلك اللحظة -

تخريمة : اتزكرته لي موقف من الكلام دا -
في واحد عرس ليهو واحدة قبل فترة بعيدة شوية - اها قام في واحد من أصحابو كان عايز يعرس - قام الاول قال للتاني - اوع تدقس زيي وتمشي تعرس هناك وتخليها وتجي (هو كان مغترب) - عرس وجيبه معاك طوالي في يدك - (انا البقت على صعبة عديل - شروني ليك غرفة نوم بالملايين - بعد العرس ولا شفتها بعيني الغرفة ولا حاجة) :o -

تحياتي أم سارة وشكرا للمرور
مايسة
16-05-2011, 12:39 AM
لاحظت أن البعض تحدثوا
عن أن الطرفين يا إما شتما بعضهما،
أو
كما قالت أختنا أم سارة في تعبيرها
(طلَّعوا فضائح بعض)!!،
يعني هل من المُمكن الناس تصل بيهم للدرجة دي؟؟:confused::eek:،
ومهما كانت الأسباب،
لييه ما يكون خلاف وإنتهى،
وحتى إذا قُطعت العلاقة تُقطع بدون كلام زائد،
وأصلاً ده بيبيِّن أخلاقياتهما،
كلام عجيب!!:eek:



الله يهوِّن.


:):):)


الكلام دا كان زمان - حكاية اي واحد يلم لسانو عليهو دي :confused:
وما تنسي تداخل الاطراف التانية وحتى الأقارب والأصحاب والاصدقاء والجيران - كل يفتي لهم على حسب تجربته وعقدته النفسية

ربنا يهون فعلا -

تخريمة: كلام أيمن صحي إقتباس مشاركتك صعب صعوبية ;)
بنت الرفاعي
16-05-2011, 01:47 AM
الكلام دا كان زمان - حكاية اي واحد يلم لسانو عليهو دي :confused:
وما تنسي تداخل الاطراف التانية وحتى الأقارب والأصحاب والاصدقاء والجيران - كل يفتي لهم على حسب تجربته وعقدته النفسية


ربنا يهون فعلا -



تخريمة: كلام أيمن صحي إقتباس مشاركتك صعب صعوبية ;)





يعني الواحد مُمكن في حالات زي دي،
يشيل آراء وكلام الناس الخطأ ويمشي بيهُ،
بلا تمييز وتعقُّل!!:confused:




مُمكن أعرف بتقتبسوا كيف؟؟!!:rolleyes:






ملاحظة:
معلش يا صاحبتي إنتبهت لخطأ في ردي وبما أنك اقتبستِ فما حأقدر أصححهُ،
بدل ما أكتب الطرفان،
كتبت الطرفين :(
(واحدة بتحاول قدر الإمكان تقلّل من الأخطاء الإملائية والنحوية).;)



:):):)
بحيرى
16-05-2011, 02:08 AM
ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ....
ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ....
ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ .... ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ ....ï؟½
ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ ....
ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ...
ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ...
ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ....
ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ...!!
مايسة
16-05-2011, 03:56 AM
يعني الواحد مُمكن في حالات زي دي،
يشيل آراء وكلام الناس الخطأ ويمشي بيهُ،
بلا تمييز وتعقُّل!!:confused:




مُمكن أعرف بتقتبسوا كيف؟؟!!:rolleyes:






ملاحظة:
معلش يا صاحبتي إنتبهت لخطأ في ردي وبما أنك اقتبستِ فما حأقدر أصححهُ،
بدل ما أكتب الطرفان،
كتبت الطرفين :(
(واحدة بتحاول قدر الإمكان تقلّل من الأخطاء الإملائية والنحوية).;)



:):):)



بنقتبس زي الناس ياخ - بس عشان المشاركة بكون فيها كم لون وكم وش كدا :o

معليش ما مشكلة - وما تبقى شاطرة كدا - خلى شوية للجماعة ;)
مايسة
16-05-2011, 03:59 AM
ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ....
ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ....
ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ .... ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ ....ï؟½
ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ ....
ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ...
ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ...
ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ....
ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ...!!


أنجدني يا شيخي وعمي ود المتامير -
حوارك سرق منك الطلاسم تبعك وبقا يتجار بيها عينك عينك
مافي بخرة كدا سريعة احسن من المحايا دي :cool:
ام رغد
16-05-2011, 05:25 AM
قادر الله يا اخوانى

دا إتثقف متين وخلانا وراهو ;)

فى الوقت الكنت غرقان فى الطريقة المطاميرية
ام رغد
16-05-2011, 05:31 AM
ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ....
ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ....
ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ .... ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ ....ï؟½
ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ ....
ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ...
ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ...
ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ....
ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ...!!

لو كل الناس بتفكر زيك كدة كان بقينا زى تشارلز وديانا بعد الطلاق (فرند فرند)
تعبت شديد لكن يا ولدى
ود المطامير
16-05-2011, 09:29 AM
مرات بتجى واقع دردرب
القطع شنو؟؟
هع هع هع هع

والله يا عمك سمعتهم بقولو قطع ناشف

والقطع فى أى شئ لازم يكون بالطريقه الصاح ;)
ود المطامير
16-05-2011, 09:33 AM
عشان بقى ما بباريك

كيفنك يا ود أختي :cool:

تخريمة : هسه مالو أسمي -ماجاي على خالتو ليه :cool::p
ناس مايسه كلهن صغيرونات

وإنتى خالتى أكبر من أمى وأمى فى واطة الله بتمشى يا الله ;)
ود المطامير
16-05-2011, 09:37 AM
ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ....
ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ....
ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ .... ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ ....ï؟½
ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ ....
ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ...
ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ...
ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ....
ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ...!!
هيييييييييييييييييييييييع

الحوار الغلب شيخو

على النعمه دى بخره بالطريقه التمام التمام ;)
ود المطامير
16-05-2011, 09:39 AM
أنجدني يا شيخي وعمي ود المتامير -
حوارك سرق منك الطلاسم تبعك وبقا يتجار بيها عينك عينك
مافي بخرة كدا سريعة احسن من المحايا دي :cool:
هع هع هع هع هع
شكيت محنك والله

وحاة أمى دى أنا ما بقدر عليها ;)
ود المطامير
16-05-2011, 09:40 AM
لو كل الناس بتفكر زيك كدة كان بقينا زى تشارلز وديانا بعد الطلاق (فرند فرند)
تعبت شديد لكن يا ولدى
;););););)

غايتو الكلام ولا بتتلفتى ليهو ;)
ود المطامير
16-05-2011, 09:42 AM
[SIZE="5"]ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ....
ï؟½SIZE]
والله يا حبيب قلبى
أنا بختلف معاك فى هذه الجزئيه

يعنى هو زول ما عاوز معاى إبقى كيف أقسم ليهو

الأملاك نص نص ؟ ;)
محمد سرالختم
16-05-2011, 08:35 PM
الأخت مرام ... لك التحية
حقيقة تصرف زي دا شكلو راقي ومتحضر ... لكن بالمناسبة سلاح ذو حدين
لأنو البريد ما بنسى البريدو ولو تناسى ...
فإذا كان في تواصل صدقيني حيفكرو في إعادة المياه لمجاريها
وده خصماً على زوجتو وأولادو وكمان هي لو كانت متزوجة
يعني الموضوع ممكن يجيب ليهو خيانة حمانا الله وإياكم ...
عشان كده الناس تكتفي بالذكرى الطيبة والإحترام .. عشان ما نجور على حق زول
والسلام ختام
مايسة
24-05-2011, 10:25 PM
هع هع هع هع

والله يا عمك سمعتهم بقولو قطع ناشف

والقطع فى أى شئ لازم يكون بالطريقه الصاح ;)


زي ما بتقطع راس الكديسة صح ;):p
ياخ دا عُمر -
مايسة
29-05-2011, 12:02 AM
ناس مايسه كلهن صغيرونات

وإنتى خالتى أكبر من أمى وأمى فى واطة الله بتمشى يا الله ;)


ههههههه ومالو ياخ
ديل الخالات آخر صيحة
مايسة
29-05-2011, 12:03 AM
هع هع هع هع هع
شكيت محنك والله

وحاة أمى دى أنا ما بقدر عليها ;)


خلاص بيع لي المحل حقك بلالالاش
مايسة
29-05-2011, 12:05 AM
الأخت مرام ... لك التحية
حقيقة تصرف زي دا شكلو راقي ومتحضر ... لكن بالمناسبة سلاح ذو حدين
لأنو البريد ما بنسى البريدو ولو تناسى ...
فإذا كان في تواصل صدقيني حيفكرو في إعادة المياه لمجاريها
وده خصماً على زوجتو وأولادو وكمان هي لو كانت متزوجة
يعني الموضوع ممكن يجيب ليهو خيانة حمانا الله وإياكم ...
عشان كده الناس تكتفي بالذكرى الطيبة والإحترام .. عشان ما نجور على حق زول
والسلام ختام


تحياتي ايها العريس المرتقب
ما هي المشكلة في الاحترام والذكرى الطيبة دي زاتها
ما كل الناس بتفكر بالطريقة دي - بالعكس بيكون هو او هى العدو الأول

اها عرسته ولالسى
mahagoub
04-06-2011, 10:34 PM
شنو يا جماعه بقيتوا تكسروا التلج كبار كبار
مايسة
04-06-2011, 10:51 PM
شنو يا جماعه بقيتوا تكسروا التلج كبار كبار


وينو بس كسير التلج - كدي بس جيب لي منو حِفنة مع الجو المسخن دا :cool:

تخريمة : مبروك يا صاحب الابتسامة المميزة
mahagoub
05-06-2011, 05:45 AM
الله يبارك فيك
السخانه عايزه ليها 7 اب
باررررررررررررررررررررد
وعليه ليمونه