حــــــــــــكايات عن النسيان

[مصطفى هاتريك]

حكايات عن النسيان
الحكاية الأولى :
البطل " واحد صاحبي
وهشام هذا مشهور بأنه رجل شديد التأمل و الهيام كثير السرحان دائم النسيان ...
في مساء يوم خريفي وهو يتهيأ للخروج مع الدفعة الأولى من أعيان الأسرة متوجها
إلى حيث عقد قران ابن شقيقته (( ناصر )) ,, تنادى عليه العريس ناصر :
: يا خال .... يا خال
التفت هشام نحو ناصر :
: أيوه يا عريس الغفله
: يا خال لو سمحت أربط لي الكرافتة دي على ربطتك الخطيرة ديك.......

[مصطفى هاتريك]

تناول (( هشام )) الكرافتة من ناصر ووضعها حول رقبته بعد أن أضطر إلى خلع
العمة التي كان يضعها بيضاء منسجمة مع الجلابية الأكثر بياضا ( لزوم العقد )),,
ومضى يربط في الكرافتة بعناية فائقة ولما انتهى التفت نحو ناصر :
أهه .. كيف ؟؟؟
: معقولة يا خال .. ولا كلمة طبعا
كان حينها الجمع يستعجل (( هشام ))...فلم يستطع هشام أن (( يلف )) العمة
فحملها على يده و مضى مع الدفعة الأولى أو دفعة ال vip أو وفد مقدمة العقد .
على أن يقوم بلف عمته في السيارة و ذاك ما حدث ..

[مصطفى هاتريك]

ولأن (( هشام )) خال العريس الوحيد تم تقديمه وكيلا للعريس وعند جلوسه أما
المأذون (( حاج عبد الغني )) ذلك الشيخ المتزمت , نظر إليه المأذون نظرة حادة
و أردفها بقول أحد :
: يا راجل إتقي الله فكل بدعة ضلالة
بهت هشام : بدعة شنو يا مولانا ؟؟
مولانا : ما كفاية عمايل الشباب فينا
هشام : يا مولانا أنا لغاية هسي محترمك
مولانا : كدي أول حاجة إحترم نفسك و أقلع الكرافتة اللابسها مع الجلابية
والعمةدي ,, كلام غريب ياااااااااخ .

[مصطفى هاتريك]

فاصل و نواصل


أدونا شوية من حكاياتكم مع النسيان

[معتز الريح]

يا هاتريك ..
عندي واحده شبيهة لصاحبك هشام ..

وهي أنو أحد أعيان نادي كورة مجاور لبيتنا ..
عندهم مباراة صعود للدرجة الأولى ..
ومع التوتر رجع من السوق مستعجل ..
ودخل البيت غير ولبس جلابيتو .. وربط عمتو ..
وخت الشال في كتفو ..ولم يكن الشال إلا (سروال طويل) ..
وتحرك إلى الاستاد والغريبة مافي زول أخد بالو ..
إلا لما جابو قون .. وصاحبك في المقصورة الرئيسية
يلوح بما ظنه شال .. وكانت ليلة ليلاء ..

[محمد عبد الله عبدالقادر]

بعد وجبة غداء كااااربه في منزل الاسره الكبير وبحضور جميع افراد الاسره الكبيرة تفرق الحضور كل الى منزله ولحظات ويرن الموبايل من النسيب وهو يسأل
- ( بالله الموبايل انا نسيتو عنكم؟ )
- موبايل منو يا ابوالنسب؟
- الموبايل حقي !!
- يا سيد انت هسي متصل من ياتو موبايل!!!!!؟
- !!!!!!!!!!!!!!!!!!!! هيييييي والله من موبايلي زاااااتو

[مصطفى هاتريك]

يا هاتريك ..
عندي واحده شبيهة لصاحبك هشام ..

وهي أنو أحد أعيان نادي كورة مجاور لبيتنا ..
عندهم مباراة صعود للدرجة الأولى ..
ومع التوتر رجع من السوق مستعجل ..
ودخل البيت غير ولبس جلابيتو .. وربط عمتو ..
وخت الشال في كتفو ..ولم يكن الشال إلا (سروال طويل) ..
وتحرك إلى الاستاد والغريبة مافي زول أخد بالو ..
إلا لما جابو قون .. وصاحبك في المقصورة الرئيسية
يلوح بما ظنه شال .. وكانت ليلة ليلاء ..


الله يجازي محنك يا معتز

لي ساعة بتخيل في المنظر وبضحك

[مصطفى هاتريك]

بعد وجبة غداء كااااربه في منزل الاسره الكبير وبحضور جميع افراد الاسره الكبيرة تفرق الحضور كل الى منزله ولحظات ويرن الموبايل من النسيب وهو يسأل
- ( بالله الموبايل انا نسيتو عنكم؟ )
- موبايل منو يا ابوالنسب؟
- الموبايل حقي !!
- يا سيد انت هسي متصل من ياتو موبايل!!!!!؟
- !!!!!!!!!!!!!!!!!!!! هيييييي والله من موبايلي زاااااتو


زولك ده بعد الغداء حلا بشنو يا محمد ؟؟؟

مشكور على كريم المرور

[ودسمير]

واحد قالو كثير النسيان ....
مشى لى دكتور نفسى وقال ليهو والله يا دكتور انا بنسى كتييييير !

فقال له الدكتور : متى بدت ليك المشكله ؟

فرد صاحبنا : يا تو مشكله دى !!!

[ايمن عبد الله]

تسلم يا هاتريك على هذه الوجبة الدسمة يوم الجمعة ..

[ريمون]

والحكايه حقيقيه ..
عريس كثير النسيان من ناس امدرمان جا شهر العسل مدني اصحابه حجزوا ليه في امبريال وفي الاستقبال اتضح انو نسي القسيمه .. بي جاي وجاي اصحابه اقنعوا موظف الاستقبال يدخلهم .. المهم سألو الموظف الاسم .. فلان الفلاني .. اسم الزوجه .. اتردد شويه وقال ليها انتي اسمك منو ؟؟ اه فلانه الفلانيه ..
بتاع الاستقبال حلف بي دينو وايمانه ما يدخلهم الا بعد يجيبوا القسيمه ..
بطل الحكايه دكتور مشهور في امدرمان هسه ..

[مصطفى هاتريك]

واحد قالو كثير النسيان ....
مشى لى دكتور نفسى وقال ليهو والله يا دكتور انا بنسى كتييييير !

فقال له الدكتور : متى بدت ليك المشكله ؟

فرد صاحبنا : يا تو مشكله دى !!!


والله دي مشكلة إسحق الحلنقي ذاااتها

[مصطفى هاتريك]

تسلم يا هاتريك على هذه الوجبة الدسمة يوم الجمعة ..


المريخاب ديل أصلهم ما بعرفو حاجه إسمها دبل باص

يا خي ما ترجع لي الون ده .... ولا نسيت ؟؟؟؟؟؟؟؟؟؟؟؟؟؟

[مصطفى هاتريك]

والحكايه حقيقيه ..
عريس كثير النسيان من ناس امدرمان جا شهر العسل مدني اصحابه حجزوا ليه في امبريال وفي الاستقبال اتضح انو نسي القسيمه .. بي جاي وجاي اصحابه اقنعوا موظف الاستقبال يدخلهم .. المهم سألو الموظف الاسم .. فلان الفلاني .. اسم الزوجه .. اتردد شويه وقال ليها انتي اسمك منو ؟؟ اه فلانه الفلانيه ..
بتاع الاستقبال حلف بي دينو وايمانه ما يدخلهم الا بعد يجيبوا القسيمه ..
بطل الحكايه دكتور مشهور في امدرمان هسه ..


ريم يا ريم المنتدى

أهه و بعد القسيمة جات ,,, العروس النسوا إسمها يوم العسل دي

موقفها كان شنو ؟؟؟؟

[mahagoub]

الحكايات كتيره
لكن هاك دى
مره معزوم فطور فى البحوث
لبست جلابيتى وركبت البص لقيت واحد بعرفه
وهاك يا ونسه وضحك لمان وصلت
موقف البصات ونزلت واشتريت تذكره وركبت
البص مكيف والكرسى وهيط وهاك يا نوم
واحد بلكز فينى ويقول البص وصل
نزلت لقيت نفسى فى الخرطوم
الجماعه رجعت اتعشيت معاهم

[ريمون]

الحكايات كتيره
لكن هاك دى
مره معزوم فطور فى البحوث
لبست جلابيتى وركبت البص لقيت واحد بعرفه
وهاك يا ونسه وضحك لمان وصلت
موقف البصات ونزلت واشتريت تذكره وركبت
البص مكيف والكرسى وهيط وهاك يا نوم
واحد بلكز فينى ويقول البص وصل
نزلت لقيت نفسى فى الخرطوم
الجماعه رجعت اتعشيت معاهم
انت جاي من وين ؟؟؟؟؟

[ود المطامير]

الحبيب
كيفك ومشتاااقين

زمان مشيت إجازه السودان
وإشتريت بكسى موديل 83 سوبر وكنت حديث العهد بالسواقه وكدا

أهااا .. جبتو من الخرطوم ووصلت البيت بالليل وكان عندى معلومه
إنو العربيه لما تجى من مشوار طويل يخلوها شويه تقسم وبعد داك يبطلوها

وفعلا خليت البكسى مدور وما إتذكرتو إلا تانى يوم الساعه 10 صباحا ;)

[ود المطامير]

مره أنا وعمى وأبوى كنا فى مطار أبوظبى ومنتظرين مواعيد الطائره
ماشين السودان ، قام جانا شاب شايل سيرمس وقال لينا دى حقنة سكرى
مرسلها للوالده وهى فى أمس الحوجه ليها اليوم وأخوانى بلاقوكم فى المطار

طوالى عمى نط وقال ليهو أبشر بالخير على الطلاق لو ما لاقونا أدينا العنوان
وح نوديها ليهم لحد مكانهم حتى ولو كانو فى نيالا

وشال منو الحقنه ووصلنا مطار الخرطوم الفجر
عند الباب فى شباب بسألو إنت فلان الفلانى ؟ إنتا فلان الفلان
وعترو فى عمى وهو طالع سألوهو إنتا فلان الفلانى ؟ قال ليهم نعم
قالو ليهو وينى الحقنه
أكان عمى خت يدينو فوق راسو وقال ليهم

على الطلاق ختيتا جمب مكيف مطار أبوظبى ونسيتا تب ;)

[ود المطامير]

مره إشتريت لى بخاخ منظف للكربريتر
وفتشت لى لزول يدوس لى بانزين علشان أرش الكربريتر
لقيت لى بنغالى تعاااابن كدا داس بانزين أنا قلت قد الماكينه
شكرتو ومشيت جبت لى طوبه وضغطت بيها البانزين ورشيت الكربريتر تمام

بعد فتره .. مشيت لصاحبى مكنيكى .. لقيتو فاتح الكبود وشغال بجرب فى المكنه
بطول حسها بالياى الجمب الكربريتر ، أنا قعدت أضحك

قال لى مالك ؟ قلت ليهو لا مافى شئ ;)

[safoo]

والله قتلتونى بالضحك الليلة ..قصصكم كلها روعة

غايتو مرة حصلت على حالة .. شايلة سماعة وباخد في النبض والتنفس لحصان .. كنت في مستشفي كدة ..ومزنوقة بديت شغلى متأخرة
افحص القلب مافى نبض افحص الرئة مافى صوت ..والحصان واقف قدامى ..وانا افكر ..طيب مات متين ؟ ياربي ده الموت السريري
رجعت لى وراء قلت اعاين ليه من بعيد .. عاوزة انزل السماعة من اضانى ..لقيتها اساسا انا ما خاتاها فى اضانى .. ركبتها وبديت من جديد

[safoo]

الحكايات كتيره
لكن هاك دى
مره معزوم فطور فى البحوث
لبست جلابيتى وركبت البص لقيت واحد بعرفه
وهاك يا ونسه وضحك لمان وصلت
موقف البصات ونزلت واشتريت تذكره وركبت
البص مكيف والكرسى وهيط وهاك يا نوم
واحد بلكز فينى ويقول البص وصل
نزلت لقيت نفسى فى الخرطوم
الجماعه رجعت اتعشيت معاهم

لكن انت مبااااالغة كوووم براك

[مصطفى هاتريك]

مره أنا وعمى وأبوى كنا فى مطار أبوظبى ومنتظرين مواعيد الطائره

;)


الشغلة دي في الجينات و لا شنو يا ود المطامير ؟؟؟

دحين يا أخوي ما نازل إجازة قريب ؟؟؟؟

[مصطفى هاتريك]

لكن انت مبااااالغة كوووم براك

شفت كيف يا محجوووب

زي ما قالت بتنا دي

[مصطفى هاتريك]

والله قتلتونى بالضحك الليلة ..قصصكم كلها روعة



الروعه كل الروعه في حضورك و مشاركتك لنا

[الاستاذة]

ههههههه
لك التحية استاذي مصطفى هاتريك
دائما تكون مواضيعك ملاذ لنا نتنفس من خلالها الصعداء
فلك التحية ولكل من ساهم في هذا البوست بنشر ابتسامه

[مصطفى هاتريك]

ههههههه
لك التحية استاذي مصطفى هاتريك
دائما تكون مواضيعك ملاذ لنا نتنفس من خلالها الصعداء
فلك التحية ولكل من ساهم في هذا البوست بنشر ابتسامه



الأستاذه

والله سعيدين بالشوفة وين الغياب

ولا بتنسي تدخلي المنتدى .. ولا ناسية الباس وورد

[مصطفى هاتريك]

السنة دي ما نسينا حاجه

بطولة واحد صاحبي (( واحد تاني ))



صفحة من مذكرات واحد


للعيد بين الأهل والأحباب نكهة خاصه فالعيد في السودان جميل جمال أهل السودان الطيبين الرائعين .
لنا كأسرة سنه جميله كل ثالث يوم في العيد ظللنا ولسنوات نخرج في رحله خاصة بنا كأسرة صغيره وقد نصحب معنا بعضاً من أصدقاء أولادنا .
لايعكر جمال هذهالرحلات سوي شئ واحد ، النسيان تلك الافة التي نتشاركها أنا وأم العيال ((ماحدش أحسن من حد)).
مره نسينا الفرشه تلك التي أهدتني إياها الوالده ولإرتباطها بالوالده صارت لاتقدر بثمن .
((العيد الفات )) الماضي نسينا طقم الساخن بارد ، صدقوني المسأله مامسألة قيمه ماليه ، المسألة مسألة إرتباط عاطفي وكده ...
الحمدلله عيدالسنه دي توصلت لحل سحري لمحاربة آفة النسيان .
أحضرت قلم و ورقه ودونت كل الأشياء التي نحملها معنا
1/ الفرشه الخضراء المربعات
2/ سيرمس شاي
3/ سيرمس القهوه الذهبي الكبير ((ده جبتو معاي من الأمارات سنة 2003))
4/ عدد خمسة صحون ((عضم))
6/ .......................................
7/...........................................

وهكذا
وإنطلقت سعيداً هذه المره وكذلك أم الأولاد ، خاصة وأن الخصوصيه هذه المره متوفره تماماً حيث لم يكن معنا غير ((منذر)) إبن الخمسه أعوام وصديق ((حمودي)) إبني الأصغر .
قضيناً يوماً ممتعاًً ، وفخرت بنفسي كثيراً وقت العودة وأنا أخرج الورقه وأصحح كل شئ يرفع للسياره ((جد فكره عبقريه )) .
وإنتظرت حتي ((توهطت)) المدام مقعدها ووضعت ((حمودي)) النائم علي حجرها ........................،ثم أنطلقنا عائدين , نغني
قمنا علي مهلنا
ماشين لأهلنا
وصلنا المنزل في سعادة وجلسنا(( جلسه مامنظور مثيلها)) .
ونحن جلوسُُُ دخلت علينا ((ليلي)) أم ((منذر)) وبعد السلام سألتنا
: ولدي وين
أخخخخخخخخخخخخخ بس تقول صبت فينا مطرة

[ود المطامير]

ذهبنا ذات مره مطار أبوظبى لتوديع صديق
وقامت الطائره وصاحبى قال لى يعنى هو القال لى نقعد ياخ شويه
نشوف الجكس ، قعدنا وكان جمبى شافع فلسطينى ، بعد شويه صحا
وإتلفت وقعد يبكى ، سألناهو مالك قال فين بابا وماما وأخوانى

ولحظتها كانت أسرته فى الجو فى طريقهم للخرطوم

[مصطفى هاتريك]

ذهبنا ذات مره مطار أبوظبى لتوديع صديق
وقامت الطائره وصاحبى قال لى يعنى هو القال لى نقعد ياخ شويه
نشوف الجكس ، قعدنا وكان جمبى شافع فلسطينى ، بعد شويه صحا
وإتلفت وقعد يبكى ، سألناهو مالك قال فين بابا وماما وأخوانى

ولحظتها كانت أسرته فى الجو فى طريقهم للخرطوم


ود المطامير

شكرا لإثرائك البوست

[معتز الريح]

واحد من الأخوان والأحباب من مجمع النشيشيبة
وينتسب لكلية الزراعة .. وسيم وسامة ظاهرة ..
وآفته وليست الوحيده أنو كان بسف تمباك ..
(إن كانت تلك آفة) عشان ما نزعل ناس كتار ..
المهم صاحبنا ده خالط ليهو بت (حنكوشة) من كلية الطب ..
لاحظ (حنكوشة) ومن (كلية الطب) دي
الخلطه مؤسسة جداً جداً .. والإندياح كان ماشي كما يجب ..
وفي لحظة تجلي صاحبنا نسى نفسو ..
ودخل يدو في جيبو ..
وطلع كيسو .. وظبط ليهو سفة كااااربة ..
والدكتورة مصدومة ومذهولة من الموقف ..
وهي شايفه صاحبنا مودي السفة لمستقرها ..
وأنت عارف الجنس اللطيف علاقتو عكسية مع التمباك ..
المهم الدكتورة بآخر قرف هاجت فيهو .. ده شنو يااااا فلان
صاحبك هنا استدرك انو عمل شي غلط ..
ورمى السفة والكيس من يدو بخلعة ظاهرة ..
وقال ليها .. (والله قايلها سجاره) ..
----------------------------------------
وما شفعت ليهو تاني وسامتو ولا وساطتو ..في الظفر بخلطه أخرى ..

[مصطفى هاتريك]

(إن كانت تلك آفة) عشان ما نزعل ناس كتار ..
..


معقولة يا معتز في ناس في المنتدى هنا بيعملو الآفه دي

[مصطفى هاتريك]

وما شفعت ليهو تاني وسامتو ولا وساطتو ..في الظفر بخلطه أخرى ..


هاك دي يا معتز


مــــــعز صاحبنا و دفعتنا وزي زولك داك وسيم وتمباكي ,, كان على علاقة عاطفية
ب (( غـــادة )) ,, وغادة دي حنكوشة خرطومية ماركة (( ياااااااي )) .
وكان معز تمباكي من الطراز الرفيع بعيدا عن غادة ,, أما أمامها فهو بيكره التمباك
أكتر من كراهيتي أنا للتمباك ؟؟؟
المهم و ما أطول عليك , في يوم كده صاحبك وقع عيان في البيت
, و مشينا نزوره
كل الشله بما فينا (( غاده )) , إستقبلنا معز في الصالون ,, وبعد البكيات
و النهفات و الجرسات
جلست غاده بجوار معز .. أهه يا زول واحد صاحبنا كده كان سافي ,, فتناول من تحت السرير
المقابل تلك العلبة (( أم تراب لنصها )) وتخلص من سفته , فصرخت غاده
ياااااي يا معز إنتو عندكم زول بسف
رد معز : آآآآي يا خ ده خالد أخوي كرهنا البيت ده ذاااتو ياخ
بعد شوية كده جاء داخل خالد زااااتو
أهه ... بعد السلام و الرشاقات قعد بين معز وغاده . وللصدف كان سافي
فدخل يده تحت سرير معز و تناول علبة زي العلبة التحت سريره
صاحت (( غادة ))
ياااااااااااااااااي يا معز أوعى تكون بتسف
: قال معز
: ياااي يا غاده معقولة يااااخ ,, العلبة دي خاتنا إحتياطا للضيوف وكده

[mahagoub]

معقولة يا معتز في ناس في المنتدى هنا بيعملو الآفه دي

ما تغطى بكلامك ده
خليك واضح مافيها شى

[mahagoub]

هاك دي يا معتز


مــــــعز صاحبنا و دفعتنا وزي زولك داك وسيم وتمباكي ,, كان على علاقة عاطفية
ب (( غـــادة )) ,, وغادة دي حنكوشة خرطومية ماركة (( ياااااااي )) .
وكان معز تمباكي من الطراز الرفيع بعيدا عن غادة ,, أما أمامها فهو بيكره التمباك
أكتر من كراهيتي أنا للتمباك ؟؟؟
المهم و ما أطول عليك , في يوم كده صاحبك وقع عيان في البيت
, و مشينا نزوره
كل الشله بما فينا (( غاده )) , إستقبلنا معز في الصالون ,, وبعد البكيات
و النهفات و الجرسات
جلست غاده بجوار معز .. أهه يا زول واحد صاحبنا كده كان سافي ,, فتناول من تحت السرير
المقابل تلك العلبة (( أم تراب لنصها )) وتخلص من سفته , فصرخت غاده
ياااااي يا معز إنتو عندكم زول بسف
رد معز : آآآآي يا خ ده خالد أخوي كرهنا البيت ده ذاااتو ياخ
بعد شوية كده جاء داخل خالد زااااتو
أهه ... بعد السلام و الرشاقات قعد بين معز وغاده . وللصدف كان سافي
فدخل يده تحت سرير معز و تناول علبة زي العلبة التحت سريره
صاحت (( غادة ))
ياااااااااااااااااي يا معز أوعى تكون بتسف
: قال معز
: ياااي يا غاده معقولة يااااخ ,, العلبة دي خاتنا إحتياطا للضيوف وكده




انت مالك عاوز تعمل لينا نفسيات من التمباك
هسع الواحد ما يختها كيتن فيك

[mahagoub]

واحد من الأخوان والأحباب من مجمع النشيشيبة
وينتسب لكلية الزراعة .. وسيم وسامة ظاهرة ..
وآفته وليست الوحيده أنو كان بسف تمباك ..
(إن كانت تلك آفة) عشان ما نزعل ناس كتار ..
المهم صاحبنا ده خالط ليهو بت (حنكوشة) من كلية الطب ..
لاحظ (حنكوشة) ومن (كلية الطب) دي
الخلطه مؤسسة جداً جداً .. والإندياح كان ماشي كما يجب ..
وفي لحظة تجلي صاحبنا نسى نفسو ..
ودخل يدو في جيبو ..
وطلع كيسو .. وظبط ليهو سفة كااااربة ..
والدكتورة مصدومة ومذهولة من الموقف ..
وهي شايفه صاحبنا مودي السفة لمستقرها ..
وأنت عارف الجنس اللطيف علاقتو عكسية مع التمباك ..
المهم الدكتورة بآخر قرف هاجت فيهو .. ده شنو يااااا فلان
صاحبك هنا استدرك انو عمل شي غلط ..
ورمى السفة والكيس من يدو بخلعة ظاهرة ..
وقال ليها .. (والله قايلها سجاره) ..
----------------------------------------
وما شفعت ليهو تاني وسامتو ولا وساطتو ..في الظفر بخلطه أخرى ..

ده زره احر من زرة الكلب فى المولد

[mahagoub]

انت جاي من وين ؟؟؟؟؟

كان ما اخاف الكدب من عووضه

[mahagoub]

لكن انت مبااااالغة كوووم براك

هو كوم واحد
ديل كيمان

[الاستاذة]

الأستاذه

والله سعيدين بالشوفة وين الغياب

ولا بتنسي تدخلي المنتدى .. ولا ناسية الباس وورد


الاخ مصطفى هاتريك لك التحية والتقدير
ومتعك الله بالصحة والعافية وأدام عليك السعاده

معقولة بس يا هاتريك الزول انسى ناس بيتم
ولو نسى المفتاح بجيب كيلون جديد
بس تغيير الكيلون احد زمن شويه

[مصطفى هاتريك]

صديقي الدكتور عبد الرحمن أستاذ الفيزياء التطبيقية الموصوف بالعبقرية ..
إلتقى خلال تجواله بصديقنا عبد الله الدكتور الأستاذ بكلية الزراعة , و جاره بالسكن
في المدينة الجامعية ,, وبعد أن تسوقا معا ركب الإثنان في عربة دكتور عبد الله متوجهين نحو المدينة و عند وصولهما , ضرب دكتور عبد الرحمن بيده على رأسه
مع أخخخخخ مدوية :
د عبدالله ؛ مالك يا زول نسيت حاجة
د عبدالرحمن : آي ياخ نسيت عربيتي في السوق
د عبدالله : ما مشكله ياخ ما بتجيها حاجة , نتغدا و أوصلك تجيبها والله أنا ذااااتي
إستغربت فيك و إنت ماشي بدون عربية لكن قلت إمكن بايظه ,,, معقولة
ياخ في زول بنسى عربيتو
د عبد الرحمن : يا زول أرجعاك ساي المشكلة ما العربية المشكله أم الأولاد المنتظراني فيها ........

[ياسر عمر الامين]

بوست مريح للأعصاب مزيل للتوتر انصح بمتابعته يوميا وعند اللزوم

متعك الله بالصحة والعافية هاتريك

[آلاء عبد الرحمن]

والله الله يديكم العافية
الزول فرق وضحك
^_^

[بنت الرفاعي]

صديقي الدكتور عبد الرحمن أستاذ الفيزياء التطبيقية الموصوف بالعبقرية ..
إلتقى خلال تجواله بصديقنا عبد الله الدكتور الأستاذ بكلية الزراعة , و جاره بالسكن
في المدينة الجامعية ,, وبعد أن تسوقا معا ركب الإثنان في عربة دكتور عبد الله متوجهين نحو المدينة و عند وصولهما , ضرب دكتور عبد الرحمن بيده على رأسه
مع أخخخخخ مدوية :
د عبدالله ؛ مالك يا زول نسيت حاجة
د عبدالرحمن : آي ياخ نسيت عربيتي في السوق
د عبدالله : ما مشكله ياخ ما بتجيها حاجة , نتغدا و أوصلك تجيبها والله أنا ذااااتي
إستغربت فيك و إنت ماشي بدون عربية لكن قلت إمكن بايظه ,,, معقولة
ياخ في زول بنسى عربيتو
د عبد الرحمن : يا زول أرجعاك ساي المشكلة ما العربية المشكله أم الأولاد المنتظراني فيها ........





:d :d :d
برضو حصلت لجدنا نسى زوجته في السوق ورجع البيت!! :d




بوست خفيف الروح،
الله يمد في صحتك أخي مُصطفى هاتريك.:)




:):):)

[مدنيّة]

بطولة واحد صاحبي (( واحد تاني ))





معقولة بث يااستاذنا!
الفيلم دا ما ح اقوليك احنا داخلنه
لكن بقوليك احنا المألفنه ادددددددددددددديل كدا ):



-------
بوست ممتع جدا

[بحيرى]

هاهاهاهاهاهاهاهاهاهاها ....
والله قطعت مصارينى بالضحك ....
الله اجازى محنك يا هاترك ....
لكن ده ما نسيان ....
دى زوغه عدددددددددددددددديل .....
النسوان ديل بعملن اكتر من كده .....!!

[مدنيّة]

استاذنا والحضور الكريم
سلاماااات

--------
اتخيل يااستاذنا هاترك
واحد قاعد مع مرته
في امانة الله
مرة بتونس معاها
وعنده شغل بيعمل فيه
اها
جاءه زول يساله من حاجة
تتصور انه طلع مشي معه

ونسي مرته
وماجاب ليها خبر!!


------
دا نقول عليه شنو!!

[تغريدا]

السنة دي ما نسينا حاجه

بطولة واحد صاحبي (( واحد تاني ))



صفحة من مذكرات واحد


للعيد بين الأهل والأحباب نكهة خاصه فالعيد في السودان جميل جمال أهل السودان الطيبين الرائعين .
لنا كأسرة سنه جميله كل ثالث يوم في العيد ظللنا ولسنوات نخرج في رحله خاصة بنا كأسرة صغيره وقد نصحب معنا بعضاً من أصدقاء أولادنا .
لايعكر جمال هذهالرحلات سوي شئ واحد ، النسيان تلك الافة التي نتشاركها أنا وأم العيال ((ماحدش أحسن من حد)).
مره نسينا الفرشه تلك التي أهدتني إياها الوالده ولإرتباطها بالوالده صارت لاتقدر بثمن .
((العيد الفات )) الماضي نسينا طقم الساخن بارد ، صدقوني المسأله مامسألة قيمه ماليه ، المسألة مسألة إرتباط عاطفي وكده ...
الحمدلله عيدالسنه دي توصلت لحل سحري لمحاربة آفة النسيان .
أحضرت قلم و ورقه ودونت كل الأشياء التي نحملها معنا
1/ الفرشه الخضراء المربعات
2/ سيرمس شاي
3/ سيرمس القهوه الذهبي الكبير ((ده جبتو معاي من الأمارات سنة 2003))
4/ عدد خمسة صحون ((عضم))
6/ .......................................
7/...........................................

وهكذا
وإنطلقت سعيداً هذه المره وكذلك أم الأولاد ، خاصة وأن الخصوصيه هذه المره متوفره تماماً حيث لم يكن معنا غير ((منذر)) إبن الخمسه أعوام وصديق ((حمودي)) إبني الأصغر .
قضيناً يوماً ممتعاًً ، وفخرت بنفسي كثيراً وقت العودة وأنا أخرج الورقه وأصحح كل شئ يرفع للسياره ((جد فكره عبقريه )) .
وإنتظرت حتي ((توهطت)) المدام مقعدها ووضعت ((حمودي)) النائم علي حجرها ........................،ثم أنطلقنا عائدين , نغني
قمنا علي مهلنا
ماشين لأهلنا
وصلنا المنزل في سعادة وجلسنا(( جلسه مامنظور مثيلها)) .
ونحن جلوسُُُ دخلت علينا ((ليلي)) أم ((منذر)) وبعد السلام سألتنا
: ولدي وين
أخخخخخخخخخخخخخ بس تقول صبت فينا مطرة


;);););););););););););););););););););););););)

نان ماباااااااااااااااااااااااااااااااالغت
متعك الله بالصحة والعافية ياطيب الروح