المساعد الشخصي الرقمي

مشاهدة النسخة كاملة : المسلسل التركي ( الحنين المفقود ) . . . 2521 حلقة



المسافر
08-05-2011, 11:21 PM
من المسلسلات المكسيكية إلى التركية ، وقصة مهند ونور المشهورة ، ده كلو عبارة عن ( فراغ فكري وعاطفي مريع ) والحاجة دي كلنا جت عارفنها . . . لكن هسه عايز نحلها ونصل لنهايتها ونجيب أخرها

بالنسبة للفراغ الفكري ، وده طبعاً مشكلة الحريم ، لأن الواحدة بس تقرب المسلسل تكلفت ليك أي حاجة وتلف شعرها كاورما وتصنقر قدام التلفزيون لا بتتكلم لا بتتلفت ، يعني بدل ما تمشي تشوف ليها حاجة مفيدة تسويها ( تورق خضرة مثلاً ) أو حتى تقرأ ليها كتابة ولا جريدة أو حتى تمشي تكمل قرايتها لأنها أكيد سابتها ، لكن أختارت أن تعيش ( الفراغ الفكري ) بكل حواسها وبقناعة تامة وكل الرضى . . يعني لو حاولت تنمي ثقافتها عشان تكون جزء فعال في المجتمع ، وكمان لو قعدت تتجمل لزوجها وهااااااك يا ( الحكل والماسك والروج والفاونديشن . . . دي ما عارف معناها شنو بس سمعتها . . . أها لو عملت كده بتخلي راجلها يهتم بيها ويديها العطف الكايساهو في المسلسلات التركية وكمان الله سبحانه وتعالى بديها حسنات ، يعني بأي حال كسبانة ، لكن نقول شنو . أحححححححححححي أنا .

بالنسبة طبعاً للفراغ العاطفي وده دور الرجال ، وأنا بقول ليهم من موقعي هنا . . . يا رجال هو بطلو الحركات دي ، الجكس ده كائن رقيق وحساس عايز معاملة بحنية وبإهتمام يعني دلعها شوية وحاول أسمعها لما ( تنفتح فيك ) ، وحاولي واسيها لما تلقاها ( مبوزة ) ، حاول طبطب عليها لما تلقاها ( مكشرة ) وحاول حممها لما تلقاها ( بتقش ووسخانة ) وحاول سرحها لما تلقاها عاملة ( قنابير في رأسها ) وحاول بل لازم تعمل نائم لما يكون ( الاكل مش صحي للبني آدم ) ، والأهم حاول ( طنش ) قدر الإمكان ، وكان الله في عونكم وإحتسب الأجر والثواب عند الله . . . وفي شيء تاني ومهم برضو يعني لما تلقى ليك واحدة (شديدة ) في التلفزيون أو في الشارع أو في أي مكان ما تحاول تنبهر بيها وبجامها وما تحاول تقارنها بمرتك خالص ، وما تسمع النشيد البقول :


لو قايلة ريدتنا زي مهند ونور
تبقي عيانة وشوفي ليك دكتور
رغم انو هواك ليا فيهو دهور
انتي عادية لا ملاك لا حور
يعني هسه انتي عايشه الدور
هسة في الذمة انتي تشبهي نور
أعقلي شوية وبطلي الأوهام
. . . إلى آخر النشيد

أها فهمتي إنت يا الرجل ولا أعيد تاني . . .


أتمنى أكون دلويت بدلوي في الحتة دي .

الملكة اسماء ( ام محمد )
09-05-2011, 12:13 AM
ههههههههههه

والله انت لما تكتب ... بتدهشني


همسة: انا ضحكت على كلمات الاغنية
وبجيك برواقة ياراقي

أحمد عمر ( MOODY )
09-05-2011, 04:11 AM
نحمد الله و نكون من عباده الشاكرين
أن منّ علينا بي عُلا و عليا
عشان يومنا كُلو .. يكون طيور الجنة و كراميش
و من فضله سبحانه وتعالى .. طيور الجنّة عملوا قناة تانية



و نسألك ربي أن توفقنا في مهمتنا المستحيلة
التي يطالبنا بها المدعو .. المشاتر



لكن في حاجة محيراني شدييييييييييييييد
إنت مالك ومال الشِبَكْ دي

mahagoub
09-05-2011, 04:29 AM
هو يا المسافر الزم شمالك
وما تهيج علينا النسوان
هى ناقصه

ADHAM
09-05-2011, 07:40 AM
الحلقة دي قبل كدا حضرتها بس ما عارف وين ( الخواف ربا عياله )

ابو عبد الرحمن
09-05-2011, 09:41 PM
من المسلسلات المكسيكية إلى التركية ، وقصة مهند ونور المشهورة ، ده كلو عبارة عن ( فراغ فكري وعاطفي مريع ) والحاجة دي كلنا جت عارفنها . . . لكن هسه عايز نحلها ونصل لنهايتها ونجيب أخرها

بالنسبة للفراغ الفكري ، وده طبعاً مشكلة الحريم ، لأن الواحدة بس تقرب المسلسل تكلفت ليك أي حاجة وتلف شعرها كاورما وتصنقر قدام التلفزيون لا بتتكلم لا بتتلفت ، يعني بدل ما تمشي تشوف ليها حاجة مفيدة تسويها ( تورق خضرة مثلاً ) أو حتى تقرأ ليها كتابة ولا جريدة أو حتى تمشي تكمل قرايتها لأنها أكيد سابتها ، لكن أختارت أن تعيش ( الفراغ الفكري ) بكل حواسها وبقناعة تامة وكل الرضى . . يعني لو حاولت تنمي ثقافتها عشان تكون جزء فعال في المجتمع ، وكمان لو قعدت تتجمل لزوجها وهااااااك يا ( الحكل والماسك والروج والفاونديشن . . . دي ما عارف معناها شنو بس سمعتها . . . أها لو عملت كده بتخلي راجلها يهتم بيها ويديها العطف الكايساهو في المسلسلات التركية وكمان الله سبحانه وتعالى بديها حسنات ، يعني بأي حال كسبانة ، لكن نقول شنو . أحححححححححححي أنا .

بالنسبة طبعاً للفراغ العاطفي وده دور الرجال ، وأنا بقول ليهم من موقعي هنا . . . يا رجال هو بطلو الحركات دي ، الجكس ده كائن رقيق وحساس عايز معاملة بحنية وبإهتمام يعني دلعها شوية وحاول أسمعها لما ( تنفتح فيك ) ، وحاولي واسيها لما تلقاها ( مبوزة ) ، حاول طبطب عليها لما تلقاها ( مكشرة ) وحاول حممها لما تلقاها ( بتقش ووسخانة ) وحاول سرحها لما تلقاها عاملة ( قنابير في رأسها ) وحاول بل لازم تعمل نائم لما يكون ( الاكل مش صحي للبني آدم ) ، والأهم حاول ( طنش ) قدر الإمكان ، وكان الله في عونكم وإحتسب الأجر والثواب عند الله . . . وفي شيء تاني ومهم برضو يعني لما تلقى ليك واحدة (شديدة ) في التلفزيون أو في الشارع أو في أي مكان ما تحاول تنبهر بيها وبجامها وما تحاول تقارنها بمرتك خالص ، وما تسمع النشيد البقول :


لو قايلة ريدتنا زي مهند ونور
تبقي عيانة وشوفي ليك دكتور
رغم انو هواك ليا فيهو دهور
انتي عادية لا ملاك لا حور
يعني هسه انتي عايشه الدور
هسة في الذمة انتي تشبهي نور
أعقلي شوية وبطلي الأوهام
. . . إلى آخر النشيد

أها فهمتي إنت يا الرجل ولا أعيد تاني . . .


أتمنى أكون دلويت بدلوي في الحتة دي .

صباح الخير ( سفره ) عارف انت تكلمت في شي رائع جدا ومفيد جد للجنسين . وخاصة
جانب النساء . لانو صراحة نحن معشر الرجال نعاني كثير جداً من هذه الاشياء المذكورة
اول حاجة في شي لازم يحصل تغير مفهم الجمال والرومانسية عند المرأة وبعدها . وبعد
ما يتغير المفهوم عند المرأة اكيد حا يتغير التطبيق الفعلي للجمال والرومانسية . بعدها يتذوق
الرجل طعم الجمال والرومانسية وحلاوتها . اكيد حا تتغير نظرتو لهما . ده مدخل سريع
وبجي المرة الجاية أكمل دقائق الامور وتفاصيل التفاصيل للجمال والرمانسية المفقودتان
عندنا نحن السودانيين ؟؟؟ باذن الله تعالي ...

mahagoub
10-05-2011, 08:17 PM
عقل الرجل صناديق وعقل المرأة شبكة
وهذا هو الفارق الأساسى بينهما ،
عقل الرجل مكون من صناديق مُحكمة الإغلاق ،
وغير مختلطه . هناك صندوق السيارة وصندوق البيت
وصندوق الأهل وصندوق العمل وصندوق الآولاد
وصندوق الأصدقاء وصندوق المقهى الخ......
وإذا أراد الرجل شيئاً فإنه يذهب إلى هذا الصندوق
ويفتحه ويركز فيه ... وعندما يكون داخل هذا الصندوق
فإنه لا يرى شيئاً خارجه . وإذا انتهى أغلقه بإحكام
ثم شرع فى فتح صندوق آخر وهكذا .
وهذا هو ما يفسر أن الرجل عندما يكون فى عمله ،
فإنه لا ينشغل كثيراً بما تقوله زوجته عما حدث للأولاد ،
وإذا كان يُصلح سيارته فهو أقل اهتماماً بما يحدث لأقاربه ،
وعندما يشاهد مبارة لكرة القدم فهو لا يهتم كثيراً
بأن الأكل على النار يحترق ، أو أن عامل التليفون
يقف على الباب من عدة دقائق ينتظر إذناً بالدخول ..
عقل المرأة شئ آخر : إنه مجموعة من النقاط الشبكية المتقاطعه
والمتصله جميعاً فى نفس الوقت والنشطة دائماً ..
كل نقطه متصله بجميع النقاط الأخرى
مثل صفحة مليئة بالروابط على شبكة الإنترنت.
وبالتالى فهى يمكن أن تطبخ وتتحدث فى التليفون
وتشاهد المسلسل فى وقت واحد . ويستحيل على الرجل -
فى العادة - أن يفعل ذلك .. كما أنها يمكن أن تنتقل
من حالة إلى حاله بسرعة ودقه ودون خسائر كبيرة ،
ويبدو هذا واضحاً فى حديثها فهى تتحدث عما فعلته بها جارتها
والمسلسل التركى وما قالته لها حماتها ومستوى الأولاد الدراسى
ولون ومواصفات الفستان الذى سترتديه فى حفلة الغد
ورأيها فى الحلقة الأخيرة لنور ومهند وعدد البيضات فى الكيكة
فى مكالمه تليفونية واحدة ، أو ربما فى جملة واحدة بسلاسة متناهية ،
وبدون أى إرهاق عقلى ، وهو ما لا يستطيعه أكثر الرجال احترافاً وتدريباً .
الأخطر أن هذه الشبكة المتناهية التعقيد تعمل دائماً ،
ولا تتوقف عن العمل حتى أثناء النوم ،
ولذلك نجد أحلام المرأة أكثر تفصيلاً من أحلام الرجل ..
المثير فى صناديق الرجل أن لديه صندوق اسمه : " صندوق اللاشئ " ،
فهو يستطيع أن يفتح هذا الصندوق ثم يختفى فيه عقلياً
ولو بقى موجوداً بجسده وسلوكه .
يمكن للرجل أن يفتح التليفزيون ويبقى أمامه ساعات
يقلب بين القنوات فى بلاهه ، وهو فى الحقيقة يصنع لا شئ .
يمكنه أن يفعل الشئ نفسه أمام الإنترنت .
يمكنه أن يذهب ليصطاد فيضع الصنارة فى الماء
عدة ساعات ثم يعود كما ذهب ، تسأله زوجته ماذا اصطدت
فيقول : لا شئ لأنه لم يكن يصطاد ، كان يصنع لا شئ

مايسة
11-05-2011, 01:36 AM
بأضاني وما جابو لي -
راجل قال لمرتو ارحكي سرعة البيت مسلسل العشق الممنوع بدأ
-------------------
معاك تماما انو المسلسلات التركية فيها نوع من الخيال - او على الاقل هذه الاشياء تحدث في مجتمعاتهم وليست مجتمعاتنا - وفيها من الخيال الجميل الجذاب - :cool:;)

يعني انت هسى بتدعو الرجل انو يبقى رومانسي (طيب الكلام دا قبل الزواج ولا بعد الزواج)

لانو في الحالتين بيختلف الجواب -
------------------
قبل الزواج الراجل السوداني رومانسي جدا وحافظ ليك أغاني عبد الحليم حافظ كلها - وحلقو مفتوح وبيعرف يتكلم كويس - لكن بعد الزواج بتخيل بتجيهو لوز ولا التهابات حاجة لفي الحنجرة :cool::p

بحيرى
11-05-2011, 05:39 AM
مسافر ....
والله البوست ده انا قريتو 10 مرات .....
وما فهمتك شايت على وين .....
هسه نحن نبقى مع منو ....
مع مهند .... ولا عم محجوب ....!!

أحمد عمر ( MOODY )
11-05-2011, 09:50 PM
مسافر ....
والله البوست ده انا قريتو 10 مرات .....
وما فهمتك شايت على وين .....
هسه نحن نبقى مع منو ....
مع مهند .... ولا عم محجوب ....!!



خلاث .. أعمل ليك فريق
و أحكِم .. الدور الجاي عليك
الزمن عشرة دقايق ... ولّلا البجيب قونين أول
:p:p:p:p:p

mahagoub
11-05-2011, 10:40 PM
مسافر ....
والله البوست ده انا قريتو 10 مرات .....
وما فهمتك شايت على وين .....
هسه نحن نبقى مع منو ....
مع مهند .... ولا عم محجوب ....!!

خليك معاى تكسب

المسافر
15-05-2011, 11:46 PM
ههههههههههه
والله انت لما تكتب ... بتدهشني

همسة: انا ضحكت على كلمات الاغنية
وبجيك برواقة ياراقي


تحياتي
وتسلمي

وبجي عشان النشيد ولا عشان البوست

المسافر
15-05-2011, 11:51 PM
نحمد الله و نكون من عباده الشاكرين
أن منّ علينا بي عُلا و عليا
عشان يومنا كُلو .. يكون طيور الجنة و كراميش
و من فضله سبحانه وتعالى .. طيور الجنّة عملوا قناة تانية

و نسألك ربي أن توفقنا في مهمتنا المستحيلة
التي يطالبنا بها المدعو .. المشاتر

لكن في حاجة محيراني شدييييييييييييييد
إنت مالك ومال الشِبَكْ دي


لا ياخ أنا عايز أطمئن شوية قبل ما أجازف ياخ

أحمد عمر ( MOODY )
16-05-2011, 12:59 AM
لا ياخ أنا عايز أطمئن شوية قبل ما أجازف ياخ



البحيي الله .. و الكاتل الله
جازف ساااااااااكت يا أخوي

وإتفرّغ للمسلسل ده

http://i51.tinypic.com/10ye8ih.gif

المسافر
17-05-2011, 12:09 AM
هو يا المسافر الزم شمالك
وما تهيج علينا النسوان
هى ناقصه



وهن عايزات حاجة عشان يهيجن
بالمناسبة الجكس كلو عند نفسيات

المسافر
17-05-2011, 12:12 AM
الحلقة دي قبل كدا حضرتها بس ما عارف وين ( الخواف ربا عياله )



شفتها أكيد في برنامج ما يطلبه الجنود
يعني عشان يربي عيالو يضيع مرتو

المسافر
17-05-2011, 12:15 AM
صباح الخير ( سفره ) عارف انت تكلمت في شي رائع جدا ومفيد جد للجنسين . وخاصة
جانب النساء . لانو صراحة نحن معشر الرجال نعاني كثير جداً من هذه الاشياء المذكورة
اول حاجة في شي لازم يحصل تغير مفهم الجمال والرومانسية عند المرأة وبعدها . وبعد
ما يتغير المفهوم عند المرأة اكيد حا يتغير التطبيق الفعلي للجمال والرومانسية . بعدها يتذوق
الرجل طعم الجمال والرومانسية وحلاوتها . اكيد حا تتغير نظرتو لهما . ده مدخل سريع
وبجي المرة الجاية أكمل دقائق الامور وتفاصيل التفاصيل للجمال والرمانسية المفقودتان
عندنا نحن السودانيين ؟؟؟ باذن الله تعالي ...



والله يا أبو عبدالرحمن بعد كلامك ده يا دوب عرفت قيمة كلامي لأن كنت متوقع
أنو يكون الكلام بتاعي ده ما واقعي لأنه بصراحة من خيالي وما يدور حولي . .
لو فعلاً كما ذكرت تبقى القصة بحاجة إعادة صياغة وإعادة مفهوم ، عشان كده
الواحد أحسن يتفق قبل العرس .

المسافر
17-05-2011, 12:32 AM
عقل الرجل صناديق وعقل المرأة شبكة
وهذا هو الفارق الأساسى بينهما ،
عقل الرجل مكون من صناديق مُحكمة الإغلاق ،
وغير مختلطه . هناك صندوق السيارة وصندوق البيت
وصندوق الأهل وصندوق العمل وصندوق الآولاد
وصندوق الأصدقاء وصندوق المقهى الخ......
وإذا أراد الرجل شيئاً فإنه يذهب إلى هذا الصندوق
ويفتحه ويركز فيه ... وعندما يكون داخل هذا الصندوق
فإنه لا يرى شيئاً خارجه . وإذا انتهى أغلقه بإحكام
ثم شرع فى فتح صندوق آخر وهكذا .
وهذا هو ما يفسر أن الرجل عندما يكون فى عمله ،
فإنه لا ينشغل كثيراً بما تقوله زوجته عما حدث للأولاد ،
وإذا كان يُصلح سيارته فهو أقل اهتماماً بما يحدث لأقاربه ،
وعندما يشاهد مبارة لكرة القدم فهو لا يهتم كثيراً
بأن الأكل على النار يحترق ، أو أن عامل التليفون
يقف على الباب من عدة دقائق ينتظر إذناً بالدخول ..
عقل المرأة شئ آخر : إنه مجموعة من النقاط الشبكية المتقاطعه
والمتصله جميعاً فى نفس الوقت والنشطة دائماً ..
كل نقطه متصله بجميع النقاط الأخرى
مثل صفحة مليئة بالروابط على شبكة الإنترنت.
وبالتالى فهى يمكن أن تطبخ وتتحدث فى التليفون
وتشاهد المسلسل فى وقت واحد . ويستحيل على الرجل -
فى العادة - أن يفعل ذلك .. كما أنها يمكن أن تنتقل
من حالة إلى حاله بسرعة ودقه ودون خسائر كبيرة ،
ويبدو هذا واضحاً فى حديثها فهى تتحدث عما فعلته بها جارتها
والمسلسل التركى وما قالته لها حماتها ومستوى الأولاد الدراسى
ولون ومواصفات الفستان الذى سترتديه فى حفلة الغد
ورأيها فى الحلقة الأخيرة لنور ومهند وعدد البيضات فى الكيكة
فى مكالمه تليفونية واحدة ، أو ربما فى جملة واحدة بسلاسة متناهية ،
وبدون أى إرهاق عقلى ، وهو ما لا يستطيعه أكثر الرجال احترافاً وتدريباً .
الأخطر أن هذه الشبكة المتناهية التعقيد تعمل دائماً ،
ولا تتوقف عن العمل حتى أثناء النوم ،
ولذلك نجد أحلام المرأة أكثر تفصيلاً من أحلام الرجل ..
المثير فى صناديق الرجل أن لديه صندوق اسمه : " صندوق اللاشئ " ،
فهو يستطيع أن يفتح هذا الصندوق ثم يختفى فيه عقلياً
ولو بقى موجوداً بجسده وسلوكه .
يمكن للرجل أن يفتح التليفزيون ويبقى أمامه ساعات
يقلب بين القنوات فى بلاهه ، وهو فى الحقيقة يصنع لا شئ .
يمكنه أن يفعل الشئ نفسه أمام الإنترنت .
يمكنه أن يذهب ليصطاد فيضع الصنارة فى الماء
عدة ساعات ثم يعود كما ذهب ، تسأله زوجته ماذا اصطدت
فيقول : لا شئ لأنه لم يكن يصطاد ، كان يصنع لا شئ



والله يا عم محجوب كفيت ووفيت وجبت آخر
الموضوع وأوله . . . مفروض ردك ده
يكون الموضوع الأصلي وموضوعي يكون
رد .

تسلم يا حبينا

بنت الرفاعي
17-05-2011, 12:32 AM
والله يا أبو عبدالرحمن بعد كلامك ده يا دوب عرفت قيمة كلامي لأن كنت متوقع
أنو يكون الكلام بتاعي ده ما واقعي لأنه بصراحة من خيالي وما يدور حولي . .
لو فعلاً كما ذكرت تبقى القصة بحاجة إعادة صياغة وإعادة مفهوم ، عشان كده

الواحد أحسن يتفق قبل العرس .




معقولة بس يكون قصدهُ واقع؟؟!!
غايتو نتمنى أن لا يكون كلامهُ مُنطبق واقعياً في هذه الحياة،
وبعدين يا أخوي يمكن حظك يطلع جميل،
تفاءل بالخير تجده:)،
قال إتفاق!!:confused:

المسافر
17-05-2011, 12:50 AM
بأضاني وما جابو لي -
راجل قال لمرتو ارحكي سرعة البيت مسلسل العشق الممنوع بدأ
-------------------
معاك تماما انو المسلسلات التركية فيها نوع من الخيال - او على الاقل هذه الاشياء تحدث في مجتمعاتهم وليست مجتمعاتنا - وفيها من الخيال الجميل الجذاب - :cool:;)

يعني انت هسى بتدعو الرجل انو يبقى رومانسي (طيب الكلام دا قبل الزواج ولا بعد الزواج)

لانو في الحالتين بيختلف الجواب -
------------------
قبل الزواج الراجل السوداني رومانسي جدا وحافظ ليك أغاني عبد الحليم حافظ كلها - وحلقو مفتوح وبيعرف يتكلم كويس - لكن بعد الزواج بتخيل بتجيهو لوز ولا التهابات حاجة لفي الحنجرة :cool::p





ده كان راجل مغترب يبقى ما مؤاخذ على كلامو ده . .

---------------

المرأة هي مصدر الحب والحنان ، والراجل هو إنعكاس
لهذه المشاعر أن وجد حب وعطف . . . إلخ من الكلام
الكبير ده ، أكيد بنعكس على معاملته وعلى حياته ، وإن
وجد خلاف ذكر ، بكمل الناقصة .

--------------

عبدالحليم ده منو ؟ ما يكون المتعافن

المسافر
17-05-2011, 12:52 AM
مسافر ....
والله البوست ده انا قريتو 10 مرات .....
وما فهمتك شايت على وين .....
هسه نحن نبقى مع منو ....
مع مهند .... ولا عم محجوب ....!!




يا بحيري يا أخوي
طالما إنك قافل أضنينك بالسماعات دي ، تفهم كيف عليك الله
خليك إنت مع برامج ( في ساحات الفداء )
عامل شعرك الكتير ده ههههههه

المسافر
17-05-2011, 12:54 AM
خليك معاى تكسب



يعني أحسن ليهو من ( نور خانم )

المسافر
17-05-2011, 12:55 AM
معقولة بس يكون قصدهُ واقع؟؟!!
غايتو نتمنى أن لا يكون كلامهُ مُنطبق واقعياً في هذه الحياة،
وبعدين يا أخوي يمكن حظك يطلع جميل،
تفاءل بالخير تجده:)،
قال إتفاق!!:confused:







هههههههههههههه
في الحتة دي سمعتي ليك راجل محظوظ !!!!

بحيرى
17-05-2011, 01:37 AM
عامل شعرك الكتير ده ههههههه



هاهاهاهاهاهاها
حقد طبقى .... ناتج عن طفوله متشرده ....!!
ما قايلك بتغير كده ...!!

بحيرى
17-05-2011, 01:40 AM
خلاث .. أعمل ليك فريق
و أحكِم .. الدور الجاي عليك
الزمن عشرة دقايق ... ولّلا البجيب قونين أول
:p:p:p:p:p


انت مع منو .... ؟
اوع تكون مع الجمهور ....!!
شكلك كده مع ناس مهند ...!!

بحيرى
17-05-2011, 01:42 AM
خليك معاى تكسب


يا عمك ....
انا معاك ....
بث ...
البقنع الجماعه شنو ...؟

بنت الرفاعي
17-05-2011, 05:28 AM
هههههههههههههه

في الحتة دي سمعتي ليك راجل محظوظ !!!!





سمعت وشُفت رُجال كُثُر محظوظين،
وإن شاء الله يا رب تكون منهم.:rolleyes::)

ود المطامير
17-05-2011, 06:51 AM
والله يا عم محجوب كفيت ووفيت وجبت آخر
الموضوع وأوله . . . مفروض ردك ده
يكون الموضوع الأصلي وموضوعي يكون
رد .

تسلم يا حبينا
أجمل ما قرأت