معقول !!!!قلة الادب دى يا هاتريك

[مولانا جلال]

جريدة حكايات اوردت الاسبوع الماضى خبرا يحكى عن تغزل بعض الدبلوماسيين السودانين فى وزيرة الخارجية المورتانية المقالة (الناهة بنت مكناس )، وذكرت حكايات ومن بعدها جريدة الاهرام عدد اليوم ان احد الصحفيين المورتانين كتب تقرير تحت عنوان ( غزل الدبلوماسيين السودانين يثير غضب الملتزمين ) وطالبة الصحافة المورتانية بعزل الوزيرة ومنعها من السفر .
بداْ الغزل فى وزيرة الخارجية بقصيدة لمسوْول رفيع المستوى فى وزارة الخارجية السودانية ، ثم تلاه سفير سودانى متقاعد كتب فيها :
ما كنت اعرف كيف الشعر لولاها
حتى تبدت ولاحت فى ثناياهــــــــــــــا
فقلت برق بدا ام ان بى سنة
ام ان ما ابصرت فاهـــــــــــــا
اسائل الناس عن قلبى واحســــبه
قد ذاب فى حسنها او عند يمناها
وذكر كاتب المقال الهندى عز الدين انه فى موْتمر قمة الاتحاد الافريقى مرت امامه هذه (الناهة)وكان يقف معه عدد من الدبلوماسيين السودانين من بينهم سفير فى الخارجية علق قائلا عند مرورها (دى نحن هنا بنسميهاهناِ( الناقة بنت مكناس وليس الناهة ) مققققققققققققققول ؟؟؟؟؟؟؟؟؟

[محمد عبد الله عبدالقادر]

مولانا سلامات
سبق وان تم تناول هذا الموضوع في هذه المنتديات واليك الرابط

http://wadmadani.com/vb/showthread.php?38714-مطالبات-بإقالة-وزيرة-موريتانية-تغزل-بها-مسؤول-سوداني

[مولانا جلال]

مولانا سلامات
سبق وان تم تناول هذا الموضوع في هذه المنتديات واليك الرابط

http://wadmadani.com/vb/showthread.php?38714-مطالبات-بإقالة-وزيرة-موريتانية-تغزل-بها-مسؤول-سوداني
شكرا محمد ولم اطلع على هذا الخبر الا اليوم ولامانع من حذف البوست لسبق التناول ولكم شكرى

[mahagoub]

لا بأس بتذكيرنا
بفكر ورجاحة عقول ساستنا
والجماعه يسمعوا ويصفقوا
من هى العصبة التى تحكم السودان

[ايمن عبد الله]

مولانا والله انت قديم قدم ..

[saadabi]

بعد التحية لك مولانا
لكن نحن نقول الجماعة ديل بيمشوا لتحسين العلاقات الخارجية
تاريهم بيمشوا يعملوا علاقات شخصية (طيب ما في شبكة الاتصالات الاسمها (.....) الليلة كله ممكن يكون تكلم ولما تجب الفاتورة نعتبرها تحسين علاقات خارجية.
علشان كده ناس أمريكا عاملين حسابهم منا خوفاً علي وزيرتهم يعني الظاهر ما حتكون عندنا علاقات معاهم
الله يكون في عين الدبلوماسية
الظاهر تحول المعني (علاقات دبلوماسية إلي علاقات شخصية خارجية)
وطيب ما عندنا بنات حلوين جداً في السودان ليه ما بيقول شعر فيهم أم الواحد بيخاف من مرته علشان كده بيمشي يقولوا بره
ما علاينا هي أصلها خربانه نعمل شنو فيهم

[مصطفى هاتريك]

والله ,,, يا مولانا

أنا قريت العنوان بيجاي و قلبي قعد يضرب بيجاي

يا ربي أنا عملت شنو ؟؟؟

يا ربي عشان الأيام دي مباري الشيخ ولا شنو ...

لكن على قول صاحبنا إيهاب الأمين

ربك لطف .. لماني بيك في واحده من أحلى الصدف

(( الناها بت مكناس )) دي طبعا بت عمنا و أنا في البوست داك ما قصرت

تابع الرابط

[مولانا جلال]

والله ,,, يا مولانا

أنا قريت العنوان بيجاي و قلبي قعد يضرب بيجاي

يا ربي أنا عملت شنو ؟؟؟

يا ربي عشان الأيام دي مباري الشيخ ولا شنو ...

لكن على قول صاحبنا إيهاب الأمين

ربك لطف .. لماني بيك في واحده من أحلى الصدف

(( الناها بت مكناس )) دي طبعا بت عمنا و أنا في البوست داك ما قصرت

تابع الرابط

ياهاتريك ، معليش انا عرفت العنوان بيعمل فيك كده وقصدت ذلك

[مولانا جلال]

مولانا والله انت قديم قدم ..

انا قلت للاخوة فى المنتدى عشان ماينط لى الزيك ويعمل لى فيها قديم وجديد قلت ليهم اسحبوا هذا البوست وبعدين لى يوم الليلة الصحف بتتكلم امس جريدة حكايات تانى اتكلمت يعنى الجات منى انا يا ايمن

[مولانا جلال]

لا بأس بتذكيرنا
بفكر ورجاحة عقول ساستنا
والجماعه يسمعوا ويصفقوا
من هى العصبة التى تحكم السودان

شكرا محجوب وسعدابى على الزوق والاناقة فى الرد ومعاكم هاتريك عليكم الله علموا الباقين معاكم

[ahmed algam]

الناها



http://i54.tinypic.com/qy6a83.jpg

[مولانا جلال]

الناها



http://i54.tinypic.com/qy6a83.jpg
يعنى ياعلقم داير توقعنى

[التيمان]

ياخ والله البت تستاهل

لو شاف عنتر كان قال كلام زى الفل

بعدين ياخ الوزرا ديل ماناس ياخ سيبو الناس تاخد راحتا

وتدلع

ياريتنى كنت وزير كان عرستها

ما هندا الشريف قاصى مننا مزه وساكتين خلونا نسده شويه فى مزز بره

[ايمن عبد الله]

انا قلت للاخوة فى المنتدى عشان ماينط لى الزيك ويعمل لى فيها قديم وجديد قلت ليهم اسحبوا هذا البوست وبعدين لى يوم الليلة الصحف بتتكلم امس جريدة حكايات تانى اتكلمت يعنى الجات منى انا يا ايمن

قصدي انك قديم في الخبر يا مولانا
عادي ياخي ذكرنابس مصايب السوادنيين المشكلة الولية زاتها ما سمحة ناسنا ديل ما عندهم موضوع سا اااي

[محمود (أبو وضاح)]

ناسنا شوية قالوا يغيروا من الأحباش للشناقيط وهم أقرب الينا من حبل الوريد ، يعنى لباسهم وعاداتهم وتدينهم ، خاصة لباس الثياب بالنسبة للنساء ، وهو فى النهاية نوع من التعبير ولا حجر على التعبير الشخصى ، أما الدبلوماسية فهذا شئ آخر له أعراف وطرق .