دوام الحال من المحال

[محمد سلاح حسن]

عبارة دوام الحال من المحال تدل على التغير وعدم الثبات على وضعية وحال معين خلال فترة من السنوات المتتالية ولكن اتحاد مدنى اثبت العكس فكعادة ياسعاده انتهى الدور الاول من الممتاز ومازال الاتحاد ( الرومان ) الطيش برصيد 4 نقاط من فوز وحيد وتعادل خلال 10 مباريات هل يعقل ان تلعب 10 او 11 مباراة وما تغلب الا فى وحده بس والله اذا لميت اولاد فريقى بعد المشاغل دى ولعبنا 11 مباراة على الاقل نغلب فى 6 ونتعادل فى 2 او 3 مع انو لينا اكتر من 10 سنين ما اتلمينا دافورى وفى ناس ما دقو كفر ليهم 11 سنه .
اخجلو على حالكم وعلى اسم النادى البقيتوه فى التراب احسن ناس الاهلى اخدوها من قاصرة ونزلو الليق والبقيه تاتى .
اتوقع الموسم الكروى للعام 2012 ان يخلو من جاحة اسمها مدنى
شوفى وصلتى وين يا مدنى حتى فى الكفر
نعيب زماننا والعيب فينا

[الجندي المجهول]

الحبيب تحياتي


والله ان في القلب حسرة لما آلت اليه فرق المدينة

انا ببصم بالعشرة الاتحاد حا يهبط


إلا اذا حدثت معجزة

واعتقد ان زمن المعجزات قد ولى

البركة في جزيرة الفيل

بس لو خلو التسجيلات بتاعت (مشاطيب القمة الهكر دي) ما بتجيهم عوجة

انا كان بعرف البسجل ليهم دا منو بقول ليهو امشي ميادين الليق في الخرطوم ستجد صبيان لم يبلغوا العشرين

ولعابين جدا جدا

امشي ميدان الليق بالخرطوم + ميدان عقرب ببحري + ميدان التحرير ببحري + ليق امدرمان

وبي شوية قروش بس حا تجيب ليك فريق يمثل السودان

ما تفتش في حواري مدني

ما عندهم لياقة

وذلك لانتشار الشيشية والركشات والضللة

وقرض على كدا ،،،،،،،،،