المساعد الشخصي الرقمي

مشاهدة النسخة كاملة : البتشخر دى الولية ؟


عوض صقير
16-05-2011, 01:31 AM
13108


علامة إستفهام كبيرة جداً .. عندما نسمع بأن هناك أزمة فى مياه الشرب !

وعلامة إستفهام أكبر بكثير من الأولى .. عندما تعرف بأن هذه الأزمة فى العاصمة السودانية !

وتزداد علامات الأستفهام عندما تعرف بأن هذه العاصمة يلتقى فيها النيلين الأبيض والأزرق !

وتتعجب وتستغرب عندما تعرف بأن مياه النيلين المذكورين بعاليه صالحة للشرب ...
بت أم درمان
16-05-2011, 01:38 AM
سبحان الله غايتو
شي يحير فعلا
والبحير اكثر
هو مستحيل تلقى اجابة شافية

على فكرة
جزيرة مالطا موجودة بالبحر الابيض المتوسط
وطبعا ما عندهم موية صالحة للشرب
لا ابار ولا عيون ولا نيل ولا اي مصدر طبيعي
بيشترو الموية حقتهم من اقرب الدول
تمشي تقعد فيها سنة
ما بتحس ان البلد دي ما فيها مصدر طبيعي للموية
سواء للشرب او للاستخدامات الثانية
يعني اصلها ما بتقطع عندهم
لي تفتكر ؟!
مصطفى هاتريك
16-05-2011, 03:02 AM
قدرنا كده سعادة المستشار


زي إبل الرحيل شايله السقا و عطشانه
ودسمير
16-05-2011, 03:29 AM
انحنا ماسورة بيتنا حتى الشخير خلتو ، لانها ماتت !
ودالعمدة
23-05-2011, 08:57 AM
إذا عُرف العجب بطل السبب !
آلاء عبد الرحمن
23-05-2011, 09:07 AM
والله حال يغني عن السؤال
والله انا عايزه لي زول يحلل مويه الشرب في حينا ومااظن يلقاها صالحة للشرب الموية تلقي فيها رواسب وحاجات غريبة
sunumduhanjee
26-05-2011, 07:03 PM
المويه في كل مدني محتاجة لفحص وفيها رواسب سوداء
mahagoub
31-05-2011, 03:47 AM
الناس تعبانه
لو شالوا مواسيرهم
وخلونا زى زمان
المويه بالخرج والكارو
كانت انضف ولو كان البحر دميره
ود علوية
31-05-2011, 10:35 AM
تعرف يا عوض هم عملو مركز القلب مخصوص عشان عارفين حيدخلوا كثيرا من الناس من جنس دية ؟؟؟؟؟؟؟؟؟ بالله من بدل العلاج مش كان الاجدر الوقاية والاصلاح اصلو دايما تفكيرنا بالمقلوب وبدون دراسة الله يكون في العون ؟؟؟؟؟؟؟؟؟؟؟؟؟؟؟؟
مداخلة= سال المحترم المدير احمد خالد زوجة ابنه طارق الدكتورة البرطانية لماذا لا تشتغلي في السودان ؟؟؟؟؟ فقالت ببساطة شديدة انتو ليس لديكم امراض خطيرة تحتاج لاطباء بس كثير من النظافة تكونو كويسين ؟؟؟