عوداً حميد

[نزار حسن محمد]

الحبان
كل عام وانتم بخير
نهنئكم وانفسنا بعودة المنتدى بعد ان تمت استضافته من الشركة الجديده ونتمني ان تكون قد زالت جميع المشاكل والان جاء دوركم للمراقبه على كل اجزاء البيت الكبير لان ناس الشركة ذى ام العروس عوزين مهر غالى .
رائكم مهمه فى تصور وشكل الاستايل الجديد ..
ويوم انزال الاستايل الجديد بنسوى حفله فى المنتدى العام ونجيب الكيته وحاج ابكر ..

[خالد علونى]

والله يا عمنا أبسفروق ما قصرتوا بت والله


لكين لي الليلة يطش ويجي

شوفوا لينا كم خط كدا حلوين ووسعوا لينا خيارات صندوق الكتابة دا شوية ياخي في خيارات جميلة في المنتديات مرات بنلقاها هنا ما موجودة
لكين رغم دا كلو عندي إحساس بعد الرسالة بتاعت الدخول دي ما اتصلحت الامور بتمشي كويس إن شاء الله



الله يكضب الشينة غايتو!!!

[بت أم درمان]

فعلا الحمدلله ان المنتدى عاد بعد غيبة كم يوم

عموما كدا باين المشكلات زالت
وواضح دا بشكل ملموس
من رسالة الترحيب لما اسجل دخول
كان بجيني كلام مبهم وعلامات استفهام
اليوم دخلت ورحب بي المنتدى باسمي شخسيا :)


بس بالنسبة للاستايل الجديد
شنو التصورات المنتظرنها من الاعضاء
معروف ان الشركة المصممة بتعرض
الشغل العندها والناس تختار
ونحن طبعا عاوزين الافضل :o

[خالد علونى]

اتذكرت ملفات البي دي اف والويرد والباقي منهن ما بترفع في المنتدي إلا الصور





عليكم الله يا جماعة عليكم الله المواقع بترفع فيها بتلقاها اتمسحت بعد فترة شوفوا لينا حل لي الإمتدادات دي إن شاء الله إمداد الدرجة الخامسة عشوائي

[نزار حسن محمد]

تم اكتشاف بعض الاشكالات فى دخول عدد من الاعضاء
والان جاري الاتصال بالشركة شيلو الصبر

[ساريه]

الحمد لله برجوع المنتدى البيت الكبير .....
الى الان لا جديد سوى رسالة الترحيب .... مع انى بشوف المنتدى بالمشاركات لا بالشكل .. ولكن برضو نرجو معالجة الطشه دى .....
وشكراً كتير كتير للقائمين بامر التحويل وفى انتظار الجديد ........

[ام ساره]

واخيرا عاد المنتدي الف حمدلله علي السلامة وربنا يديكم الصحة والعافية القائميين علي امر التعديلات وحل المشاكل. وانشالله في ميزان حسناتكم.

[ام ساره]

علوني براحة براحة ماتخت القفة كلها عشان مانلقي المنتدي طشي تاني واحدة واحدة.

[ود المطامير]

الحبان
كل عام وانتم بخير
نهنئكم وانفسنا بعودة المنتدى بعد ان تمت استضافته من الشركة الجديده ونتمني ان تكون قد زالت جميع المشاكل والان جاء دوركم للمراقبه على كل اجزاء البيت الكبير لان ناس الشركة ذى ام العروس عوزين مهر غالى .
رائكم مهمه فى تصور وشكل الاستايل الجديد ..
ويوم انزال الاستايل الجديد بنسوى حفله فى المنتدى العام ونجيب الكيته وحاج ابكر ..
هو لسه فى تصورات وعمل دراسه وكدا ؟ ;)

[ود المطامير]

علوني براحة براحة ماتخت القفة كلها عشان مانلقي المنتدي طشي تاني واحدة واحدة.
;););););)

[mahagoub]

انا مع علونى
لمان تخش للرد فى اى منتدى تانى بتلاقى كل الخيارت
من تكبير ونوع الخط ما بتحتاج للانتقال لمكان آخر

[نزار حسن محمد]

سلام يالحبان
:اخر المستجدات بعد مناقشات مطوله مع الشركة المضيفه توصلنا للاتى
اولاً : ترقية المنتدى للنسخه الاحداث لمدة عام .
ثانياً : تغير استايل الصفحة الرئيسيه مع استايل المنتدى
ثالثاً المشاكل الحاليه :
كلها مشاكل حدثت نتيجة الانتقال وهى تتعلق بالكوكيز والمحفوظات وجارى معالجتها .
الحل الفردي :
الضغط على زر التحديث في حالة ظهور رسالة التوقف .
اخيراً: لن نهداء حتى نراء بيتنا الكبير كما نحب ونتمنى .
الود والتقدير لكم ،،،

[مايسة]

السلالالالالالالالالالالالالالالالالالالالالالام عليكم
يعلم الله إشتقنا للمنتدى


تسلمو كلكم وربنا يوفق الجميع يا رب

[بنت الرفاعي]

اخيراً: لن نهداء حتى نراء بيتنا الكبير كما نحب ونتمنى .
الود والتقدير لكم ،،،





إن شاء الله،
شُكراً لكم كثيراً وجزاكم الله كل خير.
:):):)

[نزار حسن محمد]

اها ياخوانا انشاءالله الامور بقت تمام
كما ارجو استدعاء الاخ محمد ابو زيد
لحقله خاصه بالككر لانه هو الوحيد
المصاقر ناس الشركة وباقى ليهم
شوكة حوت