رحلة عمر ومشوار طويل ............ [الأرشيف]

انيس التوم

24-05-2011, 03:32 PM

جامعة كسلا

كلية التربية (اسبوع واحد)
وغيرته راي جئت راجع
إلى حضن مدني ....
لم اتمكن من مواصلة الدراسة
والسبب الحقيقي هو عدم تأقلمي
مع المدينة الزمن داك اقصد الزمن
الجميل الواحد كان يفضل الموت
من المبيت خارج مدني
وحتى لو الظروف دعت الزول
يسافر الخرطوم يجي راجع في نفس اليوم

انيس التوم

24-05-2011, 03:36 PM

العودة مرة أخرى
إلى مدني الجميلة
والإلتحاق بجامعة الجزيرة
مركز دارسات الحاسب الآلي

انيس التوم

24-05-2011, 03:37 PM

ثم نظام التجسير
بالخرطوم

بنفس المركز
يتبع لجامعة الجزيرة (الأم)

انيس التوم

24-05-2011, 03:39 PM

سوق العمل

شتى المجالات المتعلقة
بالكمبيوتر
وسبحان الله الزمن
داك كان بالجد
زمن العز
يعني انت مهندس
كمبيوتر خلاص
ماسك الجو
هسه طبعاً اصبح
شيء اكثر من عادي

انيس التوم

24-05-2011, 03:40 PM

بفصل الله سبحانه وتعالى

حصلت على فرصة دراسات عليا

بدولة كوريا الجنوبية مجاناً

ربنا كريم على عباده

انيس التوم

24-05-2011, 03:41 PM

فاصل ونواصل .......

معتز الريح

24-05-2011, 09:36 PM

أنيس جارنا ..
متابعين ومنتظرين ..

abomazeen

24-05-2011, 09:47 PM

حبيبنا أنـيس ود التـوم
كيفك يا الحبيب ... أخبارك
كــدي بالمناسبة دي أديـنا تحية بالكوري
من آخر مكالمة معاك وعيييك أختفيت يا منقة
تعال كلمنا عن كوريا ولا تنسى الأحداث ديييييك ؟

انيس التوم

24-05-2011, 10:16 PM

أنيس جارنا ..
متابعين ومنتظرين ..

تسلم ود فريقنا الغالي الاخ العزيز
معتز سنهوري

انيس التوم

24-05-2011, 10:17 PM

حبيبنا أنـيس ود التـوم
كيفك يا الحبيب ... أخبارك
كــدي بالمناسبة دي أديـنا تحية بالكوري
من آخر مكالمة معاك وعيييك أختفيت يا منقة
تعال كلمنا عن كوريا ولا تنسى الأحداث ديييييك ؟

العزيز الغالي ابو مازن تحياتي
والله مشتاقين ما انقطعته لكن
انت عارف الغربة وهموم الغربية
لكن دائماً انتم في الخاطر اخي

انيس التوم

24-05-2011, 10:20 PM

كوريا 2006 كان التحدي
ارتبطت المنحة الدراسية
بالنحاج في اللغة الكورية
كشرط اساسي حتى
يتمكن الطالب من مواصلة
الدراسة والتمتع بكافة
الخدمات + منحة نقدية
علماً بأن التخصص باللغة الانجليزية
لكن كان شرط اساسي حتى تتعرف
على البلد وقانون البلد وتقدر تعايش
مع الشعب الكوري الجميل

انيس التوم

24-05-2011, 10:23 PM

بالجد كان تحدي بالنسبة لشخصي
الضعيف تخيل معاي تتعلم
لغة غربية وحتى حروفها اغرب
من الخيال ومجتمع اقصد المدنية
التي درسته بها في ناس
عديل كده ما شافوا ليهم
زول اجنبي قبل ولا حتى
سافر بالخارج

انيس التوم

24-05-2011, 10:26 PM

الفهم الوحيد السائد
كان انو اي زول
شكلوا اسمر اسود
ده امريكي
لانوا الجنود الامريكان
بجوا المناطق الطرفية
من فترة لفترة
كانت سمحة معانا
وما سمحة . سمحة
بتلاقي احترام من
الحكومة (شرطة - امن، الخ)
وما سمحة لمن تختلط بالشعب
لانوا بعتقدوا العساكر الامريكان
ديل مجرمين كلهم حتى لوكان
ابيض فبيعمل حذره منك شديد
خصوصاً في الاماكن البعيدة

انيس التوم

24-05-2011, 10:29 PM

كنا خمسه طلاب
اجانب
2 من افريقيا
لانوا التصنيف حسب القارات
واحد من آسيا
و 2 من امريكا الجنوبية
بدء العام الدراسي من أول
شهر زولي بتاع افريقيا
قال دي شغله تانية مسألة اللغة
وأنا ما بضيع سنة عمري
أنا راجع ،،، كان
الفهم انوا لمن يكون زول معاك
من بني جنسك بتحس بالإمان
بالرغم من أنوا ما نفس
اللغة لكن بتحس بالأمان
أقل شيء يطلع وينزل معاك
ويسأل منك ويتفقد احوالك

آلاء عبد الرحمن

25-05-2011, 12:21 AM

^_^
ربنا يعينك

ابن المدينة

25-05-2011, 12:32 AM

جميل ان تتحفنا بهذه التجربة الثرى وتشركنا معك بها وفي انتظارك وانا من الراكبين في هذه الرحلة وفي انتظار المحطة القادمة

انيس التوم

25-05-2011, 12:50 AM

^_^
ربنا يعينك

آآآآآآآآآآآآآآآآآآآآآآآمين وأنتِ

وشكراً على المرور

انيس التوم

25-05-2011, 12:51 AM

جميل ان تتحفنا بهذه التجربة الثرى وتشركنا معك بها وفي انتظارك وانا من الراكبين في هذه الرحلة وفي انتظار المحطة القادمة

تسلم اخي ابن المدينة

فائق شكري وتقديري

انيس التوم

25-05-2011, 12:54 AM

كورس اللغة الكورية

كان يوجد دافع قوي
جداً لتعلم اللغة الكورية
عشان الواحد يقدر على
الاقل يضمن استمارية
الدراسة وكافة المخصصات
وكانت بالفعل

انيس التوم

25-05-2011, 01:01 AM

بعض الطلاب الكوريين

لديهم عنصرية

خصوصاً لمن تكون black

وجاي من افريقيا بتلقى
بعض المضايقات سوء
في قاعات المحاضرة
او في السكن
تحسست كتير جداً
من الحاجة دي
ومشيت تظلمت لمدير الطلاب
الأجانب بمذكرة تظلم واضحة
انوا يا يوقف الطلاب دي
من حركات العنصرية
او أنا ارجع محل ما جئت
الراجل بكل برود قال
يا مستر انيس اثبت ليهم
وجودك في المحاضرات افرض
نفسك عليها تميز عليها
بتلقى التعامل اختلف قال لي
بحكي عن نفسه أنوا درس
في امريكا وتعايش مع اجناس
اخري حصل ليه نفس الشي
بعتباره آسيوي وقال لي كمان
الشعب الكوري شعب جميل
تعلم لغته وتقاليده صدقني
ما حتشكي تاني
وفعلاً بتوفيق من الله عز وجل
نحجت في السنة الأول بأمتياز
واحرزت درجة منافسة
وبالفعل تغير التعامل بل وجدت
تعاون كامل من الطلاب حتى
التخرج

انيس التوم

25-05-2011, 01:05 AM

بفضل الله الامور مشت تمام التمام
لكن كان دائماً التفكير في الأهل
بصورة مستمرة مهما الزول عمل
وعمل ما يقدر يوفي اهله
حقهم ,,, يعني ممكن الواحد
يكون عايش مرتاح لكن لو ما قدم
شيء لأهله ولو شيء قليل
ما بكون مرتاح حتى لو كان
اهل ما محتاجين لكن بطبعاً
قلباً حار (السودان واهل السودان)
فكرت في العمل أثناء الدراسة
ووجدت أنوا ممكن اشتغل لكن اشتغل
شنو ؟؟؟؟؟؟؟
بحمد الله وفضله دخلت مجال الترحمة
حاولت استفيد من انوا انا اساساً بحضر
باللغة الانجليزية يعني لغتي بقت كويسه
يعني ممكن اترجم وبالفعل كانت البداية

انيس التوم

25-05-2011, 01:12 AM

طبعاً الترجمة علم ما ساهل
وبخت الناس الدرسة ترجمة
المهم عصرت نفسي شديد
جداً عشان على الاقل اقدر ادخل
مجال الترجمة
والترجمة هنا ما محتاجة
الزول يمشي للشركة أو التلفزيون
أو اي جهة ما
الموضوع بسيط برسلوا ليك ملف على الايميل وطبعاً
عندهم ناسهم (قسم التصحيح)
فشلت في اول ملف
واعطوني فرصة تاني بعد شهر والحمدلله
قدرته اترجم بالصورة المطلوبة
والامور مشيت
يبدا اليوم الدراسي من الساعة
9 صباحاً وينتهي الساعة خمسة
ترجع السكن تصلي وتراجع دروسك
وتقعد تترجم
لحدي قريب الساعة 3 صباحاً
طبعاً الزول في الأول بياخد
زمن طويل لكن مع مرور الزمن
الامور بتمشي

انيس التوم

25-05-2011, 01:20 AM

ده كلوا كوم والاكل الكوري
كوم تاني لأول مرة طبعاً الزول
يسمع اسطوانة ده حلال وده حرام
لانوا الزول اتولد في بلد اسلامي
ما سمع بالكلام ده
اصبح الاكل مشكلة الكبيرة
وطبعاً الجامعة بتوفر الاكل
لكن مسألة حلال حرام دي
مشكلتك ,,,
تخيل معاي تقعد حوالي شهرين
تأكل رز بالسكر وسمك وخضروات
حتى الخضروات هنا شكلها
قريب جداً
والوقت داك الزول لسه ما شاف العاصمة
لانوا الحاجات الحلال كلها في العاصمة
والجالية السودانية وربنا يقدرنا على جزاهم
ما قصروا معانا ابداً ايام الدراسة وحتى
لمن الزول قرر يقيم بصورة دائمة
وجد منهم كل التعاون والاحترام
والتقدير والتكاتف
بعيدين جداً والزول عشان يمشي هناك
مشكلة لأنوا البلد هنا منظمة
شبكة سكة حديد تحت الأرض
والزول لسه فارة مشكلة بالجد

تغريدا

25-05-2011, 01:24 AM

إلى حضن مدني ....
يفضل الموت
من المبيت خارج مدني
وحتى لو الظروف دعت الزول
يسافر الخرطوم يجي راجع في نفس اليوم

مدنى الحبية فراقا مابنطاق ولو دقيقة
أخى الكريم أنيس التوم رحلة ممتعة أمنياتى بالتوفيق

انيس التوم

25-05-2011, 01:29 AM

طبعاً كنت بعصر نفسي

ومرة مرة بأكل فراخ
طبعاً الفراخ هنا ما بنذح
خنق عديل الظريفه
في الأمر بعد ما اشبع
اقعد اتأسف ....
من النوادر الجميلة كنت بمشي نص البلد
والشرطة هنا طبعاً اغلبها بنات
في بت تابعة لشرطة المدنية
كلوا ما تلاقني تقول وين الهوية
اقوم اديها الهوية استمر الحال
ده كذا مرة لمن مرة قلته
ليه ما عندي ومحل ماعايزه تمشي
امشي المهم دخلته مع البت في
مشكلة وسبحانه الله اصبحت
البت هي مفتاح البلد يعني
قدمت لي مساعدات كبيرة سبحانه
الله وحتى لمن تزوجت كنت
من اصاحبها المقربين في الحف

انيس التوم

25-05-2011, 01:33 AM

بقى الحل الوحيد لمسألة الاكل
هو اكل البحر يلا اي حاجه
تخطر على بالكم في البحر
الحمدلله وياريت لو وقف الامر
على كده حتى الحشائش البحرية
ما سلمت مننا يعني أول شهرين
كانوا براهم امتحان لو ما الزول صبر
كان ممكن يرجع من أول اسبوع
ونواصل ........................

انيس التوم

25-05-2011, 03:00 AM

الجليد

اكبر التحديات في كوريا

http://www12.0zz0.com/2011/05/25/11/165104033.jpg (http://www.0zz0.com)

انيس التوم

25-05-2011, 03:15 AM

http://store3.up-00.com/May11/azt25668.jpg (http://www.up-00.com/)

انيس التوم

25-05-2011, 03:20 AM

الشعب الكوري

الانضباط الإجتهاد

العمل الضاغط

تحت شعار لا تأجل عمل
اليوم للغد
ده كلوا كوم والصدق والامانة
بالرغم من أنهم لا يعتنقون
الاسلام إلى القليل القليل
ولكن اخلاقهم حميدة
يحترموا الاديان الاخرى
ويستحيل واحد يناقشك
في مسائل تخصك
http://store3.up-00.com/May11/azt25668.jpg (http://www.up-00.com/)

انيس التوم

25-05-2011, 03:25 AM

الحياة الضاغطة
اثناء الدراسة
الجامعة ، الدرش

http://store3.up-00.com/May11/VuW26278.jpg (http://www.up-00.com/)

انيس التوم

25-05-2011, 03:30 AM

الاحتكاك بالجنسيات

الأخرى ومزيد
من الخبرات في شتى
ضروب الحياة ,,,,

http://store3.up-00.com/May11/Ggd26515.jpg (http://www.up-00.com/)

انيس التوم

25-05-2011, 03:35 AM

http://store3.up-00.com/May11/7cX26888.jpg (http://www.up-00.com/)

انيس التوم

25-05-2011, 04:23 AM

طبعاً السكن في الداخليات

مريح للأبعد الحدود

وحوافز مالية لكل صاحب غرفة
نظيفة والغرفة مكونة
من غرفة نوم+ حمام+ مطبخ
في حالة العكس تخصم من
مصروفات النقدية اخر الأسبوع
يعني لو الأربعة اسابيع الغرفة
ما نظيفة ممكن تخسر 100 دولار
وتتراكم عليك

http://store3.up-00.com/May11/amh29803.jpg (http://www.up-00.com/)

انيس التوم

25-05-2011, 04:26 AM

طبعاً الناس ديل ما بعرفوا
زول عيان جاء مثلاً مكان الشغل
او الجامعة عايز اورنيك ده دليل
على أنهم شعب يحب العمل
ود الحاجة الاستفادة منها الزول
بعدين
اذكر مرة جئت الجامعة وكانت
عندي نزلة شديد المهم وصلته
لحدي الجامعة وقابلته الدكتور
المسؤول منا وطلبت اورنيك مرضي
رده علي ببرود شديد طالما انت
قدرته تجي هنا انا بعتبرك حصور
لانوا لو كنت عيان كان تكون راقد
وبما انك قدرته تحضر ما عليك
الا أن تواصل ,,,,,

انيس التوم

25-05-2011, 04:30 AM

دفعة 2006

http://store3.up-00.com/May11/9PH30197.jpg (http://www.up-00.com/)

معتز الريح

25-05-2011, 09:08 AM

نشكر ليك مشاركتك لنا رحلتك الممتع ..
واصل .. وبجيك بتعليقات على الصور ..

آلاء عبد الرحمن

25-05-2011, 10:41 AM

واصل ومتابعين ^_^

ود المطامير

25-05-2011, 10:55 AM

الكورى
كيفك ياخ والله مشتااااقين

بالجد قمة الروعه فى رحلة كفاحك

متااابعين بحماس كتير وعليك الله كتر الصور ;)

انيس التوم

25-05-2011, 12:29 PM

مدنى الحبية فراقا مابنطاق ولو دقيقة
أخى الكريم أنيس التوم رحلة ممتعة أمنياتى بالتوفيق

دي حقيقة والله مدني ما بتفارق يا تغريد
بس نعمل شنو ده حال الدنيا

انيس التوم

25-05-2011, 12:30 PM

نشكر ليك مشاركتك لنا رحلتك الممتع ..
واصل .. وبجيك بتعليقات على الصور ..

وفي انتظار تعليقاتك

حبيبنا معتز الريح

انيس التوم

25-05-2011, 12:31 PM

الكورى
كيفك ياخ والله مشتااااقين

بالجد قمة الروعه فى رحلة كفاحك

متااابعين بحماس كتير وعليك الله كتر الصور ;)

حبيب قلبي ود المطامير وتؤام روحي
ياخي مشتاقين وما عندك مشكلة الصور جاهزة

انيس التوم

25-05-2011, 12:49 PM

احترام الكبير

طبعاً الشعب الكوري يكن تقدير واحترام
كبير جداً للكبار السن حتى لو كان الشخص
يكبرك بعام واحد حسب التقاليد لابد أن تحترمه
في مرة من المرات كنت راجع سكن الداخلية
وخلاص بدء الجليد يتساقط لمحت في الطريق
مرأة كبيرة في السن عمرها تقريبا 80 سنة وما كانت لابسه لبس
جليد شكلها كانت بتمشي وفجأة كبس عليها
الجليد بديت اتكلم معاها واديتها جكت كبير
لكن شكلها كانت بردانه المهم اثناء كلامي معاها
بدء الجليد يتساقط بكمية كبيرة ،،،،
ما كان عندي حل غير احملها على ظهري واوصلها
لانوا طبيعة كوريا الجنوبية جبلية بالفعل حملتها
على ظهر لحدي ما وصلتها بيتها والحاجة دي اكتر من عادية
بالنسبة لي للسبب بسيط نحنا دينا وتقاليد وعرفنا يوقر الكبير
،،، فكان في عدد
كبير جداً من سكان الحي شاهدو المنظر ده
لمن وصلتها بيتها طبعاً اولادها شكروني
وقالوا نحن ما قاعدين نخليها تطلع لكن شكلها
وجدت الباب فاتح وطلعت ....
الحاجه دي طبعاً زادت رصيدي بشكل
ما عادي وخصوصاً المسألة عادية
لو أي زول تاني كان ممكن يعمل
الحاجة دي الشاهد في الأمر
بقيت كلوا ما امشي اشتري شيء
بلقى تخفيض ما عادي مش كده بس
اي زول حابب يتعرف علي ،،، واصبحت
اسرة المرأة بمثابة اهل واصدقاء إلى
يومنا هذا ... وبقى ال black man
ود بلد عديل كده

انيس التوم

25-05-2011, 12:53 PM

فاصل ونواصل ،،،
شكراً على المداخلات اخوتي واحبتي
وعشيرتي ابناء وبنات ست المدائن (ود مدني)

انيس التوم

25-05-2011, 03:33 PM

التعريف عن السودان وعكس الوجه المشرق
للسودان طبعاً وما تسغربوا حتى الامريكان
اغلبهم مسطحين يعني الواحد ما عندو معلومات
عامة عن كثير من الاشياء يعني ممكن تلقى عدد
كبير من الكوريين ما يعرف غير اليابان والصين
ومنقوليا لانهم كانوا عايشين في مجتمع مغلق
شديد, اغلب الكوريين عندهم اعتقاد جازم
انوا مافي حضارة في افريقيا غير مصر
وطبعاً المصرين لعبوا دور كبير جداً
في الحاجة متناسين اقدم الحضارات
في جنوب الوادي (السودان) وعظمتها
حتى نهر النيل يجزم الكوريين بأنوا
مصر ،،، فكانت البداية
تابعت مع بعض الأخوة في المتحف القومي وكان
التواصل على النت واعطوني صور ومعلومات
انا ذاتي ما كنت عارفها وسهلة علي الأمر باللغة الانجليزية
اجتهدتها في ترجمتها بالكورية ،،، وعملتها في شكل
ورقة وقدمتها هدية لعمدة المدينة ولي هسه الصورة معلقة
هناك ....

انيس التوم

25-05-2011, 03:39 PM

http://www10.0zz0.com/2011/05/26/00/227631785.jpg (http://www.0zz0.com)

انيس التوم

25-05-2011, 03:44 PM

المدينة التي كنت ادرس بها

http://www13.0zz0.com/2011/05/26/00/738602882.jpg (http://www.0zz0.com)

انيس التوم

25-05-2011, 03:51 PM

عمدة المدنية لحظة تسليم

صورة تعكس حضارة السودان

وطيب اهل السودان ووقبائل السودان

http://up.arab-x.com/May11/AYO71085.jpg (http://up.arab-x.com/)

انيس التوم

25-05-2011, 03:59 PM

بعد النجاح في كورس اللغة حيث احزر الطلاب
الاجانب درجة عالية جداً مقارنة مع الطلاب السابقين
قررت إدارة الجامعة قيام رحلة علمية بحرية لمدة شهر (الصين- اليابان- الفلبين- فيتنام- كمبوديا)

ويا لها من أيام جميلة ...

http://up.arab-x.com/May11/Thj71438.jpg (http://up.arab-x.com/)

http://up.arab-x.com/May11/Uws71438.jpg (http://up.arab-x.com/)

انيس التوم

25-05-2011, 04:00 PM

فاصل نواصل انشاءالله ,,,,,

انيس التوم

25-05-2011, 09:22 PM

انتهت فترة اللغة بسلام
والامور مشت ميه ميه
بفضل الله وعونه وعوات
الوالدين ,,,,
وجدت فرصة عمل أخرى
يعني الاسبوع بقى فل الحمدلله
حتى الweek end
مليان بس الفرصة شنو
مذيع في التلفزيون
قسم المونتاج والتوثيق
هي فرصة ما ساهل لكن كيف
قعدته اتمرن زي المجنون
اليوم كلوا اتكلم براي
بصوت عالي لحدي يوم
المعاينات والحمدلله
اشتغلت مذيع
وكانت من أجمل الفترات

http://www9.0zz0.com/2011/05/26/06/404983716.jpg (http://www.0zz0.com)

انيس التوم

25-05-2011, 09:29 PM

وبقى الواحد بفضل الله وعونه
يحضر مؤتمرات ويناقش
بعتبارة إعلامي ,,,
وطبعاً أنا ما عندي علاقة
بالإعلام لمن قريب ولا بيعد
لكن تصرف بس،،،،
http://www2.0zz0.com/2011/05/26/06/403719617.jpg (http://www.0zz0.com)

انيس التوم

25-05-2011, 09:31 PM

وتأقلم الزول على الحياة في كوريا

واندمج في المجتمع الكوري

http://www6.0zz0.com/2011/05/26/06/179693551.jpg (http://www.0zz0.com)

انيس التوم

25-05-2011, 09:33 PM

نواصل،،،،،

حاولت اعكس تجربتي عشان يستفيد منها
الغير ويكسر حاجز الخوف والرهبة من المستقبل

ويتوكل على الله وربنا ما بضيع عبده

انيس التوم

25-05-2011, 09:48 PM

الغربة طبعاً في مشاكل كتيرة خلاص
واخوانا المغتربين بعرفوا الحاجة دي
الحقارة لمن قاعد في حالك ومحترم نفسك
برضوا ما بخلوك في حالك والغريبة اولاد
البلد طيبين بس الإجانب المعاك
تلقاهم عاملين فيها شرامه من النواد
الظريفة واحد كلوا مرة يشاغلني black man
وسار اللقب علي وعملته رايح بس في واحد
بقولها حقارة وقوة عين وحذرته ما سمع كلامي
قال شنو am strong وقلته am from madani
did you hear about that befor
قال لي never قلته you wana know
العوير قال لي yup
واديتوا ليك علقة مش هو براه حتى شلته ومن
ديك تغيراللقب من black man
إلى مدني عديل
مش كده وبقى اي زول يقول ليك
madani is strong city in sudan
http://www4.0zz0.com/2011/05/26/06/914795653.jpg (http://www.0zz0.com)