كاروشه في بلدنا مافيشه

[مصطفى هاتريك]

ما كل هذه الهشاشة التي تعاني منها الشخصية السودانية في الحفاظ على القيم الثقافية و الموروثات و التقاليد .. لذا نحن عرضة لكل استلاب ثقافي وتربة خصبة لبذرة كل دخيل على تقاليدنا و موروثاتنا , هشاشة مشوبة بالتواق لكل صرعة وافدة وكل عادة دخيلة دونما تمييز بين غث و سمين أو متناسب مع أعرافنا و تقاليدنا و قبل ذلك ديننا ,أم لا .
إن أجهزة الإعلام ظلت تؤثر في المجتمع السوداني منذ عهد سينما الأبيض و الأسود , ومنها عرفنا الميني جيب أو ما كان يطلق عليه (( جكسا في خط ستة )) , ومنها عرفنا حلاقة (( الكاري )) وشارب (( هتلر )) وباروكة (( مارلين مونرو )) ورقصات السامبا و الرامبا و التوستي و الجيركي ,, ورقصة الكاروشة
يا حاجه ما تسوي كاروشه
كاروشه في بلدنا مافيشه
ولرقصة الكاروشة هذه قصة ( لذيذة ) حيث كان يعرض حينها في السينمات السودانية فيلم (( عنتر قلب الأسد )) من بطولة عبد السلام النابلسي و نجوى فؤاد و نخبة من نجوم ذالك الزمان ويسرد في قصة الفيلم أن عنتر ( عبد السلام النابلسي ) كان يلبس بدلة قديمة علقت بها العته فنصحه صديقه ( عبد المنعم إبراهيم ) بإستعمال الجاز لنظافتها فأصابته العته بالكاروشة كما أصابت عدواها كل من حضر الحفل الراقص فأخذوا ( يكرشون ) جلودهم وهو يتراقصون .
وعقب عرض الفيلم ظهرت صرعة رقص جديدة اسمها رقصة (( الكاروشة )), وما هذا إلا أنموذج لسرعة استجابتنا لوافد الصرعات و الموضات .

عوض الكريم محمد أحمد الخواض شاب من مفاخر شباب المدينة, حدثني ونحن جلوس بمكتبه عن حكاية تمرده على (( البدلة و فستان الزفاف )) يوم عرسه فقال :
: ما كنت أرى جمالا في لباس العروس لفستان أبيض عاري ولا تلطيخ لوجهها بزفة ألوان أساسية و فرعية بل كنت أرى أن (( الميك أب )) يخصم كثيرا من جمال المرأة ,, و أضاف : أما عن البدلة فقد كنت أحتار في سرها و لما بحثت في أمرها وجدتها نبت غربي كنسي شأنها شأن روب التخرج , نبت نما بيننا و رعيناه بماء التقليد و سماد المحاكاة , فأقسمت ألا ألبس يوم عرسي إلا الزي القومي السوداني (( جلابية و توب )) واشترطت مثل ذلك على عروسي .
و مد (( عوض الكريم )) إلي بصورة عرسه دليلا و برهانا على صحة قوله .
يا الله يا لكل هذا الجمال هذه هي ثقافتنا هذا هو إرثنا

[مصطفى هاتريك]

http://3.bp.blogspot.com/_6UOs9daAoUI/SzhyzvkWo4I/AAAAAAAAAJ0/Zu9TN1Z7je4/s1600/%C3%98%C2%B5%C3%99%CB%86%C3%98%C2%B1%C3%98%C2%A9.j pg

[مصطفى هاتريك]

http://sudaneseclub-oman.com/vbforum/uploaded/29_1261841539.jpg

[مصطفى هاتريك]

http://www.darg3l.com/uploaded2009/4198_1235255233.jpg

[Amin Idries]

لما الفول الطاعم قل
وريحة الكبدة الملت الحلة
قلنا نعيد الفول الأول
فول شبيلي الهز القدرة
و طيّر ريحة البيض و اللحمة
و في ليلة و كنا خشوم بتصارع
صحن الفول الماهو كوارع
جانا هتاف من عند الشارع
فول شبيلي ما فيهو شمار
و الشارع ثار
و قدر الفول الفوق النار
و الشارع ثار
و زيت الفول الماهو شمار
و الشارع ثار
و أكلنا الفول أكلنا الفول
بالزيت و الجبنة و الشمار
شبيلي انحنا خشوم افوالك
و نحنا زباين توقد نارك
و لسة القدرة بتشهد لينا
في يوم الجوعة اللمّت فينا
لما مشينا مواكب صامدة
تهدر وتغلي و تهتف راعدة
فول شبيلي ما فيهو شمار
فول شبيلي ما فيهو شمار
وسال الزيت في الصحن العاتي
و كان الفول طعامنا الأول
و ما بدلنا
بالسلطة الطاعمة و الليمون
حلفنا نجوع او نلقى الفول
يا شبيلي انحنا الاكلنا فول قدراتك
بالزيت و الجبنة بدون سلطاتك
وكان في بطونا جوع غضبان
و كنا بنحلف بالأفران
ناكل فولك يا دكان
بلعابنا السال و عمل اللخمة
حلفنا نجوع ما نضوق اللحمة
و كان في اللقمة بنلقى الزيت
و زيت السمسم احسن زيت
**************
موضوع في غاية الروعة أخي هاتريك و نحنا اصلو بنحب الحاجة الجاهزة البتجينا من برة و ما عندنا زمن نقعد نطور في العندنا أحسن ناخدها من قاصرها و نتابع الفضائيات و أنا خايف بعد شوية نبقى أتراك و تحياتي لأافراد الأسرة الكريمة

[مصطفى هاتريك]

نحنا اصلو بنحب الحاجة الجاهزة البتجينا من برة و ما عندنا زمن نقعد نطور في العندنا أحسن ناخدها من قاصرها و نتابع الفضائيات و أنا خايف بعد شوية نبقى أتراك و تحياتي لأافراد الأسرة الكريمة

واحد صاحبنا قال ماشي يقضي شهر العسل في تركيا ... قعدنا نقنع

فيهو .. وركزنا على عامل اللغة .. قال يا أخوانا أنا اللغة ما عندي فيها مشكله

إندهشنا لأننا عارفين إنو ما عندو علاقة باللغة التركية

قال لينا صاح أنا ما بعرف تركي و لكن عم بحكي لبناني منيح ومن هلا

ممكن أدبلج بلكي ما بتصير مشكلي

[mahagoub]

ولسه نحنا فى بدايه طريقننا
والمصطلحات والافعال الجايه اكتر

http://i51.tinypic.com/ie40t5.gif

[مصطفى هاتريك]

ولسه نحنا فى بدايه طريقننا
والمصطلحات والافعال الجايه اكتر

http://i51.tinypic.com/ie40t5.gif




ولا زال باب الحوار مفتوح يا محجوب

[الجندي المجهول]

الحبيب هاترك
صاحب المواضيع المميزة

واهم ما يميز موضوعك هذا انه ( هبش) وتر حساس في دواخلنا وعاداتنا وتقاليدنا

وللاسف الشديد ياريت لو بنقلد الحاجة الجميلة !!!!
مشكلتنا تقليدنا اعمى ومن دون وعي ،،،،

وهسع الايام دي في الموضة القايمة ( الصديق الانتيم)
ودي مشكلة كبيرة خلاص لا بد من نشر الوعي اكثر ( خاصة في الجامعات )
ولا بد من الرجوع ( للدين) لأن الابتعاد عن الدين هو ( سبب البلاء)

تخريمة : بمناسبة التقليد دي بحكي لي واحد صديقنا مولع بكرة القدم وهو من عشاق ميادين ( الليق بالخرطوم) يعني يوم في ( ميادن عقرب ببحري) ويوم بملعب الخرطوم ( ميدان المولد) ومرة بملعب ليق امدرمان وفي تلك الاثناء في دوري الدرجة ( الثانية او الثالية على ما اذكر) شاهد لاعب يحرز هدفاً وبعد ان احرز الهدف عمل الحركة ( الصلاة) التي يعملها اللاعبين المحترفين (المسيحيين) وهي هبش الكتف ثم الكتف ثم الجبهة علماً بان اللاعب ( ود عرب ومسلم) يعني يالولد عامل فيها دروغبا ...
مع اللفة : من التقاليد الجميلة ركعة الشكر داخل الميدان ( طبعاً اولاد بمبا ) اول من سبقنا إليها من قبل ايام بيبو ( محمود الخطيب) والان يمارسها لاعبو الهلال بقيادة هيثم مصطفى
ولك كل التحايا يا ( سوبر) هاتريك ..

[مصطفى هاتريك]

تخريمة : بمناسبة التقليد دي بحكي لي واحد صديقنا مولع بكرة القدم وهو من عشاق ميادين ( الليق بالخرطوم) يعني يوم في ( ميادن عقرب ببحري) ويوم بملعب الخرطوم ( ميدان المولد) ومرة بملعب ليق امدرمان وفي تلك الاثناء في دوري الدرجة ( الثانية او الثالية على ما اذكر) شاهد لاعب يحرز هدفاً وبعد ان احرز الهدف عمل الحركة ( الصلاة) التي يعملها اللاعبين المحترفين (المسيحيين) وهي هبش الكتف ثم الكتف ثم الجبهة علماً بان اللاعب ( ود عرب ومسلم) يعني يالولد عامل فيها دروغبا ...
مع اللفة : من التقاليد الجميلة ركعة الشكر داخل الميدان ( طبعاً اولاد بمبا ) اول من سبقنا إليها من قبل ايام بيبو ( محمود الخطيب) والان يمارسها لاعبو الهلال بقيادة هيثم مصطفى
ولك كل التحايا يا ( سوبر) هاتريك ..





الجندي الحبيب

تحياتي و علي الطلاق مشتاقين

بمناسبة الكورة تعرف أنا بحلم بحاجة

لماذا لا يكون الإحتفال بإحراز الهدف ب (( بشرة )) حارة كده ومعاها عرضة ونطه في السماء فوق


عليك الله يا الجندي ما بتعجب (( ميسو )) ذاااااتو... إتخيل معاي الحركة دي ممكن ترفع حماس الجماهير كيف

[ايمن الطيب]

لما الفول الطاعم قل
وريحة الكبدة الملت الحلة
قلنا نعيد الفول الأول
فول شبيلي الهز القدرة
و طيّر ريحة البيض و اللحمة
و في ليلة و كنا خشوم بتصارع
صحن الفول الماهو كوارع
جانا هتاف من عند الشارع
فول شبيلي ما فيهو شمار
و الشارع ثار
و قدر الفول الفوق النار
و الشارع ثار
و زيت الفول الماهو شمار
و الشارع ثار
و أكلنا الفول أكلنا الفول
بالزيت و الجبنة و الشمار
شبيلي انحنا خشوم افوالك
و نحنا زباين توقد نارك
و لسة القدرة بتشهد لينا
في يوم الجوعة اللمّت فينا
لما مشينا مواكب صامدة
تهدر وتغلي و تهتف راعدة
فول شبيلي ما فيهو شمار
فول شبيلي ما فيهو شمار
وسال الزيت في الصحن العاتي
و كان الفول طعامنا الأول
و ما بدلنا
بالسلطة الطاعمة و الليمون
حلفنا نجوع او نلقى الفول
يا شبيلي انحنا الاكلنا فول قدراتك
بالزيت و الجبنة بدون سلطاتك
وكان في بطونا جوع غضبان
و كنا بنحلف بالأفران
ناكل فولك يا دكان
بلعابنا السال و عمل اللخمة
حلفنا نجوع ما نضوق اللحمة
و كان في اللقمة بنلقى الزيت
و زيت السمسم احسن زيت
**************
موضوع في غاية الروعة أخي هاتريك و نحنا اصلو بنحب الحاجة الجاهزة البتجينا من برة و ما عندنا زمن نقعد نطور في العندنا أحسن ناخدها من قاصرها و نتابع الفضائيات و أنا خايف بعد شوية نبقى أتراك و تحياتي لأافراد الأسرة الكريمة

امين ادريس
فوالى اكتوبرى