معنى الاشواق

[عبدالمنعم الصديق(خدرا)]

لو تعرف كم ليك بشتاق
وحاة الله ياناس النفاج خاصه وناس مدنى عامه مشتاق ليكم شديد
لكن والله غصبا عنى ظروف الشغل سرقتنى منكم
احبكم كلكم
واخص بالحب
هناى
وهناى
وهناى
وكل ناس مدنى الراقيين

[ابو عبد الرحمن]

لو تعرف كم ليك بشتاق
وحاة الله ياناس النفاج خاصه وناس مدنى عامه مشتاق ليكم شديد
لكن والله غصبا عنى ظروف الشغل سرقتنى منكم
احبكم كلكم
واخص بالحب
هناى
وهناى
وهناى
وكل ناس مدنى الراقيين
وينك يا زول انت . انت علي كيفك تغيب وتجي . مسامحين البركة على الشوفة
وحمد الله على سلامتك . بس اوعك تجي تقول احكوا الحصل شنو .؟؟؟ الحصل
كتير . هناي عرس وعناية عرسوها . وهناي كايس عروس . وهناية فكت خطوبتها
دي شحتفة روح التفاصيل الجمعة القادمة .... ودعناك الله ...

[مايسة]

حمد لله على السلامة
غايتو الدفار تبعك دا ما عارفين حدو وين زاتو

منور

[أحمد عمر ( MOODY )]

يا زول ها .. إنت وين أراضيك
كدي خلينا من المطايبة .. أصلو الشوق حاصل

أخبارك شنو .. ؟
و جديدك شنو .. ؟

غيب و تعال .. بس جيب لينا معاك الجديد

[محب]

غيب و تعال .. بس جيب لينا معاك الجديد

[ود المطامير]

والله يا عم خدره
غايتو أخدت فينا الحق وزياده

شنو ياخ والله إشتقنا ليك ولمكاواتك

غايتو تانى ح تغطتس وتقلع لينا ذى كدا ;)

يا الحبيب مشتاااااقين وشوفتك ترد الروح

[آلاء عبد الرحمن]

حمد الله علي السلامة
وعقبال الباقين
^_^

[ابوالنور]

وينك يا زول انت . انت علي كيفك تغيب وتجي . مسامحين البركة على الشوفة
وحمد الله على سلامتك . بس اوعك تجي تقول احكوا الحصل شنو .؟؟؟ الحصل
كتير . هناي عرس وعناية عرسوها . وهناي كايس عروس . وهناية فكت خطوبتهادي شحتفة روح التفاصيل الجمعة القادمة .... ودعناك الله ...
لا لا لا ياخ اصلو ما بصدق انت جادي
يا عبدالمنعم حمدالله علي السلامة

[mahagoub]

يا فرده سلام
الليله كملت الجداد بدرى
مستنين الجوه القوانص

[عبدالمنعم الصديق(خدرا)]

غبت عليك عشان تسال
ولما غلبنى اصبر شلت حنانى كلو وجيتكم
يارايعيين
يااحلى ناس
والله العظيم بحبكم بالجد
مش زى حب اليومين ديل
اشكر كل الناس البعرفهم والى لسه حااتعرف بيهم
والله انا بفتخر انى جزء من مدنى واهلها الرايعين
ولو ماكنت من مدنى كنت نقلت كفالتى لمدنى

[عبدالمنعم الصديق(خدرا)]

وينك يا زول انت . انت علي كيفك تغيب وتجي . مسامحين البركة على الشوفة
وحمد الله على سلامتك . بس اوعك تجي تقول احكوا الحصل شنو .؟؟؟ الحصل
كتير . هناي عرس وعناية عرسوها . وهناي كايس عروس . وهناية فكت خطوبتها
دي شحتفة روح التفاصيل الجمعة القادمة .... ودعناك الله ...
ابوعبدالرحمن
التحايا والاشواق
لكن انا ماكنت مشغول والشمارات فاتتنى والكريظه كاتلانى
وكان دايرين تحكو لى ماتشحتفو روحى
اشكرك على المرور الرايع

[عبدالمنعم الصديق(خدرا)]

حمد لله على السلامة
غايتو الدفار تبعك دا ما عارفين حدو وين زاتو

منور
مايسه ازيك
والله الدفار بس خليهو
شقاوة زياده على اللزوم الناس بتجى السودان ترتاح نحن بنجى نشقى زياده
يوم وحلان فى الكمير شاحن طماطم ويوم كاسر اميه فى بنطون الدويم
ويوم كاسر اللديتر فى الروجل بين عطبره وهيا
احكى ليك نكته يوم اللديتر انكسر فى الروجل ودفق المويه كلها والحمد لله الدنيا كانت خريف والحفاير حوالين الظلط مليانه كنت بسقى الدفار موية مطر
بس حبيت اصلح اللديتر ومافى اى بتاع لحام فى الخلا داك الجماعه قالو لى كب فى اللديتر تمباك
قمت دردمت لى سفه ماكنه وختيتا جوه اللديتر وماعملت ليهو حاجه قمت كبيت كيسى كلو فيهو والله صعوط سمح خلاس مشتريهو من عطبرة اللديتر سف الكيس كلو ولسه مدفق بينى بينك اخدت المقلب لانو لا صلحت لديتر ولا صلحت راسى لامن وصلت قهوه واشتريت ليهو كيس تانى كبيتو فيهو حتى المويه سبتت فى بطنو
لديتر الجن دا سفه صعوط اكتر منى فى السفره ديك

[عبدالمنعم الصديق(خدرا)]

يا زول ها .. إنت وين أراضيك
كدي خلينا من المطايبة .. أصلو الشوق حاصل

أخبارك شنو .. ؟
و جديدك شنو .. ؟

غيب و تعال .. بس جيب لينا معاك الجديد
احمد عمر
ازيك ووحاة الله مشتاقين
والله جاييك بجنس محن
كدى اصبر لى
يازول ناس المرور زهللو بى
ويوم غاتس فى ترعه ويوم وحلان جوه حواشه
وحاة الله يوم فى رمضان الفات دا لمن اذان المغرب اذن ماكان جنبى الا ابعشرين مليان مويه حمراء زى الشاى ابلبن ولبنو شويه ودفار ملان طماطم ووحلان وسحابه شايله بروقا تتخاتف
انقر عملت شنو؟؟؟؟
مليت هينى من ابعشرين وقرمت لى طماطايه وقلت ذهب الظماء وابتلت العروق وثبت الاجر باذن الله
فطرت واتصلت على التركتر جاء طلعنى لكن المطرة صبت والعربيه ترقص بى صلبا من ودالنعيم لى بيكه
برضو قولو لى نيفاشا وتقسيم الثروة والتهميش؟؟؟

[بنت الرفاعي]

حمداً لله على السلامة أخي عبدالمنعم.:)

[mahagoub]

دفارك دى بقى الف ليله وليله
تبيع

[mahagoub]

لو تعرف كم ليك بشتاق
وحاة الله ياناس النفاج خاصه وناس مدنى عامه مشتاق ليكم شديد
لكن والله غصبا عنى ظروف الشغل سرقتنى منكم
احبكم كلكم
واخص بالحب
هناى
وهناى
وهناى
وكل ناس مدنى الراقيين

ياما أترجيتك ترجع إليّ
رغم اللي جاني
لكن أبيت ما ترد علي مع إنك جاني
كيف أرجع ليكَ وأخسر ضميري
قدر ظروفي خليك مكاني .!!

صحوة ضميرك جات لي بعد
قلبي وحناني أديتو غيرك
بعد إيه تطراني .!!

[محمود عماد]

الف الحمدلله ع السلامة ياعبده
بس تاني ماتعمل كدا:)