الضبيبينة

[vivid]

فتحت قناة الجزيرة . . هذا الصباح . . لقيت نشرة الجزيرة هذا الصباح . . و خجيجة بن قنة قاعدة تضوي فوق الشاشة هذا الصباح. . عاد اتكيفت جنس كيف في هذا الصباح الباهي . . انبسطتا جنس انبساطة . . و كدت أن أدوبي . . شلت المخدة . . و تنيتا . . و انبطحت في بطن العنقريب . . و كوعتا . . و خلفت كراع فوق كراع . . الحقيقة خجيجة بن قنة مرأة ما ساهل . . حاجة تفتح ليها قلبك و تقبّل يمين و تقبّل شمال . . و تقفلو عليها . . عشان مافي زول يكون شافك . . أنا بكن لي بت قنة دي شديد الاحترام . . عشان كانت واقفة معانا بعد مسخرة مباراة الجزاير و مصر . . أها بعد كويعتي اللذيذونية دي . . كوركتا لي خالتي السعدية . . يا خالة . . . يا السعدية . . يا سعدونة . . وحات المعزة البينا كان ما جبتي لي كبيبية شاي . . و قننيهو . . عشان خاطر خجيجة بن قنة . . ما لحقت كملت نضميني مع خالتي السعدية . . جات ضبانة طايرة . . فررررررر . . و ركت فوق جضم بت قنة . . الله يسختك . . كان دايرة تمسخي علي كبيبية الشاي المقنن . . و يسختك انتي كمان يا قناة قوون علي حس الضبيبينة دي . . أنا في اللوال اندهشتا من جراءة و قوة عين هذه الضبيبينة . . و لقيت روحي قمتا من عنقريبي . . و قعدتا أنهر في الضبيبينة من جضيم بت قنة . . كوركت ليها بي طول حسي . . هششششششش .. يااااا ببببتتت قنننننة . . هشششششش . . هووووي يا بت قنة . . الضبيبينة راكة فوق جضمك . . هشششششش . . أنهريها يا بت قنة . . لاكين خجيجة بت قنة . . ما سمعت كواريكي . . و لا أولت الضبيبينة أي اهتمام . . تاني كوركت ليها بي طول حسي . . يا خجيجة بت قنة عيييييييك . . شحتفتي روحي . . في ظمتك كان ما مديتي ايدك و نهرتيها . . المرة دي ظنيتا سمعت كوراكي و الروراي بتاعي . . و يا الله و يامين نهرت الضبيبينة . . لكن بعد شنو يا خجيجة . . بعد الضبيبينة شالت لها رشفة من الجضيم؟؟؟ . . خالتي السعدية جابت لي كبيبية الشاي المقنن . . لقتني زعلان و مسجم و مرمد . . قالت لي . . أجي!!! مالك يا فيفيد بتكورك . . نعل ما في عوجة . . قلت ليها . . قناة الجزيرة يا خالة . . فيها ضبيبينة حايمة . . شالت ليها رشفة من شاييهم المقنن . . أنا خايف تكون دخلت ليهم من تلفزيونا دا.

في موقف المواصلات . . ختيت كراعي في خشم باب الحافلة . . جات مراة سمحة جنس سماحة . . اتذكرت بت قنة . . و اتذكرت الضبيبينة . . و اتذكرت قناة قوون و مساختا . . اتمنيت تجي ضبيبينة من تلفزيون بيتنا . . و ترك ليها فوق جضما . . و أقوم أنا اللهفان . . أنهرا ليها بكل ممنونية . . و أقعد أهبب ليها فوق جضيماتا من الضبابين لحدي ما تصل بيتا . . و يسمها الضبيبينة كان قررت تاخد ليها رشفة مقننة . . وكت شفت المرأة واقفة . . خجلت جنس خجل . . قمت نزلت كراعي . . و قلت ليها متكبكباً . .اتفضلي . . قالت لي و هي خجلى . . لالالالا اتفضل انت . . قلت ليها انتي في اللوال .. النسوان المقننات يركبن هن في اللوال . . قالت لا انت في اللوال . . قلت ليها و بعيني المنى . . خلاس نركب سوا . . و نقعد في كرسي واحد سوا . . و نقزقز النضمي سوا . . المرأة انبسطت من جراءتي المتل جراءة ضبيبينة بت قنة . . قمنا ختينا كريعاتنا سواء في باب الحافلة . . و طلعنا الحافلة سوا . . و طبّانا الباب سوا . . و فكّانا الباب سوا . . و ضمانا الهوى سوا . . هي اتكيفت و أنا اتكيفتا . . و مشينا عشان نقعد في الكرسي سوا . . و نشدو بحلو النضمي . . كان يجي واحد غلييييد ما بعرفو جانا ناطي من وين . . و يمسكني من لياقة فلينتي . . و يدفرني في الكرسي الوراء . . و يقعد مع المرأة السميحة . . و هي تقول ليهو . . ازييييييك يا مخطااااار . . واحشني موووووووت يا مخطاااااار . . ويييييييين الحي بيييييك يا مخطاااااار . . و تطير ضبيينة خديرا غليدة من شلوفة الكمساري . . و ترك فوق جضم مختار الغليد . . و أنا المصدوم . . كيتاً عليهو أبيت انهرا ليهو من جضمو . . خليها تمصو و تلحقو الرقدو و ما قامو

[مولانا جلال]

يا فيفد الجن بيداوى كعبة الاندراوة الانت فيها دى

[ريمون]

الضبانه الطائره دي جت من راس منو؟؟
فيفد الذي طارت ضبابينه ..

[vivid]

يا فيفد الجن بيداوى كعبة الاندراوة الانت فيها دى

يا مولانا جلال
انت قايل عندي كك؟؟؟
أها شوف الاقتباس التحت دا
و شوف الضبيبينة عملت شنو؟؟؟




استضافت امارة الشارقة الاعلامية طويلة الباع و عالية الكعب في قناة الجزيرة خديجة بن قنة و حلت ضيفة على برنامج من الشارقة على قناة الشارقة الفضائية الذي طال ساعة و نصف الساعة.
وفي غرة حديثها ، وجهت خديجة انتقادا ضمنيا الى المتكاثرين من الاعلاميين لشهرتهم و مسؤولين منهم "يستغبون" المشاهد بمذيعة تمتع النظر مستشهدة بأن الخبر لا يقرأ في شعرها اوجسدها
وفي بحر حديثها عن مجرى حياتها الدراسية والعملية قالت انها ظفرت بالمرتبة الثالثة في مسابقة اعلامية بين الف و سبع مائة مترشح وانها عملت مع صحافيين بلغوا مناصب عليا بينهم وزيرة شؤون الاسرة في الحكومة الجزائرية الحالية ، بيد انها صرحت ان حنينا الى الاذاعة ما فتىء يتجاذبها اختلاجا ذلك انها كانت منبجس فلاحها الاعلامي مردفة ان دراسة الصحافة ليست شرطا لامتهانها -حسب منظورها- ، ذلك ان بعض خريجي كليات التجارة والهندسة و ما يحاكيهما نجحوا كصحفيين لتمتعهم بالموهبة الهية المرجع على ان يُعمل على تطويرها،
كما انتقدت وزير الداخلية التونسي الذي اعتبر الحجاب زيا طائفيا قائلة ان الحملة ضد الاسلام تتخذ من الحجاب ذريعة تندس من ورائها ،لكن -بالمقابل- علينا ان نلوم نفسنا قبل الغرب على ان بعض مسنّي قوانين منع الحجاب مسلمون ، وفي معرض تعقيبها عن استفهام منوط بالحجاب قالت انها نادمة على ما مر من سنين في حياتها دون حجاب، غير انها استدركت وقالت انها متصالحة مع نفسها. وبعد عرض تقرير عن حجاب المذيعات في التلفزيون المصري الذي يمنعهن من الظهور بتلك الحال على الشاشة، قالت خديجة انها اجرت حوارا تلفزيونيا مع صحفي في القناة الفرنسية الثانية الذي انتقل الى الدوحة خصيصا لذلك :أما اسئلته فكانت موضوعية و محايدة على حد قولها ، وأما الهدف من الروبورتاج فهو تصوير الحجاب كفرض من الزوج وغير ذي صلة بقيم الحرية ، واضافت انها اتصلت مرارا بالقناة التي تذرعت لعدم بثه بعدم كماله احيانا واحداث دولية احيانا اخرى.
هذا و ناقش البرنامج الواقع الاعلامي في فلك القنوات الفضائية حيث حمّلت خديجة بن قنة المشاهد وزر ما يشاهد لأنه هو من ابتاع التلفزيون أصلا. واعتبرت خديجة القنوات العربية الناطقة بغير لغة الضاد في اتجاه الغرب لا تقارن مع القنوات الغربية الناطقة بالعربية ، وعن المواطن المغاربي قالت خديجة انه لم يلق اهتماما كبيرا في وسائل الاعلام المشرقية غير ان هذه الاخيرة اصبحت تولي شؤونه نصيبا وافرا من اهتماماتها.
تصنيف مجلة فوربس لخديجة بن قنة بين اكثر عشر نساء تأثيرا في العالم العربي عنى لها الكثير، فقد قالت انها لا تساوي شيئا أمام حنان لعشراوي و أحلام مستغانمي.
ومن المواقف الطريفة والحرجة على غرار واحد ، كشفت خديجة أنه اثناء تقديمها احدى نشرات الأخبار حطت ذبابة على انفها ، حينها قالت ان الذبابة تريد متابعة النشرة ، وقد سارع المنتج الى رش مبيد الحشرات على وجهها لابعاد الحشرة وكاد يغمى عليها


المصدر هنا (http://webcache.googleusercontent.com/search?q=cache:s9RBF1eKWzwJ:aljazeeratalk.net/forum/archive/index.php/t-34796.html+%D9%83%D8%B4%D9%81%D8%AA+%D8%AE%D8%AF%D 9%8A%D8%AC%D8%A9+%D8%A3%D9%86%D9%87+%D8%A7%D8%AB%D 9%86%D8%A7%D8%A1+%D8%AA%D9%82%D8%AF%D9%8A%D9%85%D9 %87%D8%A7+%D8%A7%D8%AD%D8%AF%D9%89+%D9%86%D8%B4%D8 %B1%D8%A7%D8%AA+%D8%A7%D9%84%D8%A3%D8%AE%D8%A8%D8% A7%D8%B1+%D8%AD%D8%B7%D8%AA+%D8%B0%D8%A8%D8%A7%D8% A8%D8%A9+%D8%B9%D9%84%D9%89+%D8%A7%D9%86%D9%81%D9% 87%D8%A7&cd=1&hl=ar&ct=clnk&gl=sa&source=www.google.com.sa)

[مايسة]

فيفيد الكاتب الذي يدخل البسمة على كل من يقرأ له حرف
تعال النسألك انت بتختفي وين كدا وبتظهر - ما يكون بس عينوك في فريق خديجة بن قنه :o

حمد لله على السلامة -

وعشان الجماعة ما يفهموك غلط وكدا -

http://i56.tinypic.com/30wozgj.jpg

[mahagoub]

انت متأكد انو خالتك
جابت ليك شاى

[خالد علونى]

وعشان الجماعة ما يفهموك غلط وكدا -

http://i56.tinypic.com/30wozgj.jpg


هو بالله لسه ما فهموهو غلط


مخير الله

[خالد علونى]

يا مولانا جلال
انت قايل عندي كك؟؟؟
أها شوف الاقتباس التحت دا
و شوف الضبيبينة عملت شنو؟؟؟




المصدر هنا (http://webcache.googleusercontent.com/search?q=cache:s9RBF1eKWzwJ:aljazeeratalk.net/forum/archive/index.php/t-34796.html+%D9%83%D8%B4%D9%81%D8%AA+%D8%AE%D8%AF%D 9%8A%D8%AC%D8%A9+%D8%A3%D9%86%D9%87+%D8%A7%D8%AB%D 9%86%D8%A7%D8%A1+%D8%AA%D9%82%D8%AF%D9%8A%D9%85%D9 %87%D8%A7+%D8%A7%D8%AD%D8%AF%D9%89+%D9%86%D8%B4%D8 %B1%D8%A7%D8%AA+%D8%A7%D9%84%D8%A3%D8%AE%D8%A8%D8% A7%D8%B1+%D8%AD%D8%B7%D8%AA+%D8%B0%D8%A8%D8%A7%D8% A8%D8%A9+%D8%B9%D9%84%D9%89+%D8%A7%D9%86%D9%81%D9% 87%D8%A7&cd=1&hl=ar&ct=clnk&gl=sa&source=www.google.com.sa)




أعمل رد مع اقتباس يجيني رابط



والله كيفتني كلمة منبجس دي جنس كيف



منبجس يا





vivid أعمل حسابك من الضبيبنات البتجي حايمة برا سبب دي

[أحمد عمر ( MOODY )]

vivid


ياااااااااااا زووووووووول

إنت يا جنا .. غتست كدي أظنّك سويت ليك جضيمات
و فكّيت عقدتك الأزلية مع الضعفة


والله شدّة ما مشتهين كلامك
قاعدين نلوك في بوستاتك القديمة .. متل الغنم
و راجنّك .. نشوف آخر جِنِّك
بعد محنة كوثر .. و ضبيبينة قنّة

[مولانا جلال]

يا فيفد الجن بيداوى كعبة الاندراوة الانت فيها دى

يافيفد الجن البعنيعو انا فى كتابتك السمحة دى والله لو شربت لى سجارة بنقو متل كلامك ده ولا بيجينى

[أحمد عمر ( MOODY )]

يافيفد الجن البعنيعو انا فى كتابتك السمحة دى والله لو شربت لى سجارة بنقو متل كلامك ده ولا بيجينى




عليك الله .. يا مولانا شوف الرابط ده




http://wadmadani.com/vb/showthread.php?t=38143&highlight=



تقول لي سجارة .. و الله لو ضربت ليك شوال
ما تقدر علي محن فيفد ده

[vivid]

عليك الله .. يا مولانا شوف الرابط ده




http://wadmadani.com/vb/showthread.php?t=38143&highlight=



تقول لي سجارة .. و الله لو ضربت ليك شوال
ما تقدر علي محن فيفد ده



أحمد عمر
سمعت النكتة بتاعت المساطيل الكانوا يجبدوا في السجارة؟
الواحد فيهم يجر ليهو نفس و يباصيها للتاني
داك يسألو : شديدة؟؟؟
دا يقول ليهو : شدييييييدة

واحد فيهم جر ليهو نفس ظابط ظبطة تمام
قام داك سألو : شديدة؟؟؟
قال ليهو: شديدة يا بت أمي

[ود المطامير]

الجن الكلكى
إنتا حى يا زول ؟
والله مشتاقين شوق البنغاله لحبل الغسيل هع هع هع

تعرف ؟ زمان كان معنا عم لينا هنى فى جزيرتى دى
كلما يجيبو خجيجه دى بتكبكب كبكبه جد

( الحبيب ... متابعك هناك متابعه لصيقه )
لكن من خليت الكلام السمح واللى بيرد الروح واللى كنا بنشرب بيهو شاى الصباح
وبقيت ( كوز سبيل ) ;) نحنا نسينا البسمه والضحكه

[mahagoub]

شديدددددده وقوييييييييييييييييه
يديك العافيه
لكن ما قلت لى بكرت ولا كرتين

[vivid]

الجن الكلكى
إنتا حى يا زول ؟
والله مشتاقين شوق البنغاله لحبل الغسيل هع هع هع

تعرف ؟ زمان كان معنا عم لينا هنى فى جزيرتى دى
كلما يجيبو خجيجه دى بتكبكب كبكبه جد

( الحبيب ... متابعك هناك متابعه لصيقه )
لكن من خليت الكلام السمح واللى بيرد الروح واللى كنا بنشرب بيهو شاى الصباح
وبقيت ( كوز سبيل ) ;) نحنا نسينا البسمه والضحكه

أخوي عروة
علي النعمة شوقنا جايبنو بالكارو
حليل اللمة و النضمي السمح في رفاعة
انت الشردة الياها تاني ما شفناك

و نحنا ما كوز سبيل
نحنا علبة صلصة

[mahagoub]

أخوي عروة
علي النعمة شوقنا جايبنو بالكارو
حليل اللمة و النضمي السمح في رفاعة
انت الشردة الياها تاني ما شفناك

و نحنا ما كوز سبيل
نحنا علبة صلصة
بس ما تكون مخرومه

[vivid]

بس ما تكون مخرومه

محجوب
طاقة و سايلة بالجمبات

[mahagoub]

محجوب
طاقة و سايلة بالجمبات

ما تخت لى عيشه تحتها