المنتدي ما بيت ايجار

[ريمون]

منتديات ودمدني ..
ما عندي خبره في المنتديات .. اول مره اشترك في منتدي مشاركه فعاله بخلاف منتديات الكمبيوتر المتخصصه ..
ونخت في الأعتبار اني المدمنه ..
والمعشوق ليه حقوق .. وكلمات لابد ان تقال ..
لما تختار بوست عشان تقراهو وتشارك فيهو اما بتختارو عشان عنوانو او عشان كاتبو ..
نتكلم عن الاختيار عشان الكاتب ..
اكيد الكاتب بكون عندو مكانه عندك واحترام وتقدير مع العلم انك ما بتعرفو شخصياً .. ببقي الوضع زي الزول الجاك في بيتك .. المفروض تحترم مشاركته ليك ولو كانت بسيطه .. وترد عليها بلباقه حتي لو انك مختلف معاهو في الراي ..
ولو اخترت عشان عنوانو ..
اكيد عندك فهم معين للموضوع ولو كان مخالف لراي صاحب البوست ..
الفهم انو الموضوع مطروح للنقاش .. يعني مفتوح للجميع ..
من غير اللائق الرد بالفهم المعين اللي اتبني عليهو البوست ..
انا بطرح فهم وممكن اغيرو لو اقتنعت من نقاش الناس بي غيرو ولا ما بيكون في معني لطرحه في نقاش ..
والمهم جدا فهمه انو المنتدي بيتنا الملك .. يعني اولادنا بعدين حيقوموا فيهو ويواصلوا المسيره ..
يعني ما بنفع الزول يشوف خطأ ويسكت .. لازم نقول راينا ونعدل ونقوم ونسمع ونتناقش ونوصل بالمنتدي للمكانه الافضل ..
الكلام في الموضوع ده ما بكمل ..

[آلاء عبد الرحمن]

انا صراحة اكتر حاجة بقراء بالعنوان
وبالجد اختلاف الراي لايفسد للود قضية والناس المفروض تعمل بكده
واي زول مابكون عارف اي حاجة عشان كده ممكن يكون رايو ماصاح فياخد الموضوع عادي اذا طلع رايو ماصاح
وفي النهاية المنتدي بيتنا والفيو اهلنا واصحابنا حتي من غير مانتلاقي علي ارض الواقع
لك كل الشكر والتقدير لهذا البوست الرائع

[ريمون]

انا صراحة اكتر حاجة بقراء بالعنوان
وبالجد اختلاف الراي لايفسد للود قضية والناس المفروض تعمل بكده
واي زول مابكون عارف اي حاجة عشان كده ممكن يكون رايو ماصاح فياخد الموضوع عادي اذا طلع رايو ماصاح
وفي النهاية المنتدي بيتنا والفيو اهلنا واصحابنا حتي من غير مانتلاقي علي ارض الواقع
لك كل الشكر والتقدير لهذا البوست الرائع
الاء يا ذوق .. شكراً للمرور ..

[ريمون]

لما العيال يخربوا في البيت او يكتبوا في الحيطه .. اهلهم بقولوا ليهم ده بيتكم .. ده ما بيت ايجار ..
فيعني لو سمحتوا ده ما بيت ايجار ..

[ريمون]

اولادي يكبروا شويه وبجيبهم ادخلهم المنتدي ..
خليكم حريصيين انهم يتعلموا حاجاتكم الحلوه دي ..

[الجندي المجهول]

هلا بتنا

موضوع جميل

وهذا بيتك وبيتي وبيت الجميع ،،،

وذلك لما يتمتع به منتدى ود مدني من خصوصية تتمثل في أن الجميع يعرفون (أو اصبحوا) يعرفون بعضهم البعض ومنهم من له صلة قرابة أو نسب مع الاخر أو جيران فهذه الخصوصية جعلت (البيت) محط الانظار من كل الاتجاهات ..... وبلا ادنى شك كل يريد أن يحافظ عليه بيته ...

واي شئ ترين أنه خطأ يمكن بكل اريحية ان تلقي بدلوك وتقولين رأيك بكل سهولة وستجدي باذن الله الجيمع كلهم اذن صاغية لك ولطرحك ولن يكون هنالك اي ( معوقات) طالما ان النقاش من اجل المصلحة العامة ولن يصح إلا الصحيح ...

على العكس تماما يتعبر الاختلاف في وجهان النظر ظاهرة صحية ( وغالبا) اذا ما تم النقاش بروح جميلة وفي حدود الاحترام المتعارف عليه ستعم الفائدة ..

وما اجمل النق البناء خاصة عندما يكون النقد ( من محبة)

وتسلمي يا ست القلم الجيمل ،،،

[نزار حسن محمد]

لقد حذرتكم فى السابق ..
بان صاحبة القلم ريموندا لم تعرفه بعد
وهاهي تنداح وتبداء فى كتابة الابداع والكلام الدغري
ريموندا الله اديك الصحه والعافيه واحقق لك الفى مرادك يارب ..
واصلى الاندياح بدون توقف

[خالد أحمد الصول]

نعم فكما نحب اسرتنا الصغيرة و نحافظ عليها و علي ما تملك و نجعل أنفسنا قدوة حسنة نراعي أولا أعمالنا و أفعالنا و نضعها في الميزان لنختار منها الاجمل و الامثل حتي تكون قدوة لاولادنا ... فكما نفعل هذا يجب أن نفعل في منتدانا و حتي لا نرجع بعد سنوات و نخجل علي ما كتبناه فمن المفترض أن نراعي الحق و الزوق و الجمال في الالفاظ و المعاني و نكون قدوة حسنة لمدينتنا المحبوبة أم المدائن

[ريمون]

نعم فكما نحب اسرتنا الصغيرة و نحافظ عليها و علي ما تملك و نجعل أنفسنا قدوة حسنة نراعي أولا أعمالنا و أفعالنا و نضعها في الميزان لنختار منها الاجمل و الامثل حتي تكون قدوة لاولادنا ... فكما نفعل هذا يجب أن نفعل في منتدانا و حتي لا نرجع بعد سنوات و نخجل علي ما كتبناه فمن المفترض أن نراعي الحق و الزوق و الجمال في الالفاظ و المعاني و نكون قدوة حسنة لمدينتنا المحبوبة أم المدائن
ياهو ذاتو ده الكلام السمح ..
يا زول يا سمح ..

[ريمون]

هلا بتنا

موضوع جميل

وهذا بيتك وبيتي وبيت الجميع ،،،

وذلك لما يتمتع به منتدى ود مدني من خصوصية تتمثل في أن الجميع يعرفون (أو اصبحوا) يعرفون بعضهم البعض ومنهم من له صلة قرابة أو نسب مع الاخر أو جيران فهذه الخصوصية جعلت (البيت) محط الانظار من كل الاتجاهات ..... وبلا ادنى شك كل يريد أن يحافظ عليه بيته ...

واي شئ ترين أنه خطأ يمكن بكل اريحية ان تلقي بدلوك وتقولين رأيك بكل سهولة وستجدي باذن الله الجيمع كلهم اذن صاغية لك ولطرحك ولن يكون هنالك اي ( معوقات) طالما ان النقاش من اجل المصلحة العامة ولن يصح إلا الصحيح ...

على العكس تماما يتعبر الاختلاف في وجهان النظر ظاهرة صحية ( وغالبا) اذا ما تم النقاش بروح جميلة وفي حدود الاحترام المتعارف عليه ستعم الفائدة ..

وما اجمل النق البناء خاصة عندما يكون النقد ( من محبة)

وتسلمي يا ست القلم الجيمل ،،،
الله اديك العافيه ..
سعيده جدا بمداخلتك وزادت البوست شرف ..
علي عاتقكم تقع المسؤليه الكبري ..
اكيد انتو متابعين ولا المنتدي ما بكون بالروعه دي ..

[روبش]

لما العيال يخربوا في البيت او يكتبوا في الحيطه .. اهلهم بقولوا ليهم ده بيتكم .. ده ما بيت ايجار ..
فيعني لو سمحتوا ده ما بيت ايجار ..


هيع ريمون ده ما الكلام السمح وحررررررررررررررررررررن البرفع صوتوا في الفاضي ماهو معانا
والباشترنا بالكلام المو زين ماهو مننا
البيت بيت الجميع ولا زالت مدني حيه ترزق
اقول ::: شوفي ليك مكشاشه سمحه كده وحرررررررررررررن معاك من اول باب البيت وحتى نهايته

[مولانا جلال]

منتديات ودمدني ..
ما عندي خبره في المنتديات .. اول مره اشترك في منتدي مشاركه فعاله بخلاف منتديات الكمبيوتر المتخصصه ..
ونخت في الأعتبار اني المدمنه ..
والمعشوق ليه حقوق .. وكلمات لابد ان تقال ..
لما تختار بوست عشان تقراهو وتشارك فيهو اما بتختارو عشان عنوانو او عشان كاتبو ..
نتكلم عن الاختيار عشان الكاتب ..
اكيد الكاتب بكون عندو مكانه عندك واحترام وتقدير مع العلم انك ما بتعرفو شخصياً .. ببقي الوضع زي الزول الجاك في بيتك .. المفروض تحترم مشاركته ليك ولو كانت بسيطه .. وترد عليها بلباقه حتي لو انك مختلف معاهو في الراي ..
ولو اخترت عشان عنوانو ..
اكيد عندك فهم معين للموضوع ولو كان مخالف لراي صاحب البوست ..
الفهم انو الموضوع مطروح للنقاش .. يعني مفتوح للجميع ..
من غير اللائق الرد بالفهم المعين اللي اتبني عليهو البوست ..
انا بطرح فهم وممكن اغيرو لو اقتنعت من نقاش الناس بي غيرو ولا ما بيكون في معني لطرحه في نقاش ..
والمهم جدا فهمه انو المنتدي بيتنا الملك .. يعني اولادنا بعدين حيقوموا فيهو ويواصلوا المسيره ..
يعني ما بنفع الزول يشوف خطأ ويسكت .. لازم نقول راينا ونعدل ونقوم ونسمع ونتناقش ونوصل بالمنتدي للمكانه الافضل ..
الكلام في الموضوع ده ما بكمل ..

ياجماعة الاخوان فى البيت الواحد مابيتشاكلو ، وحلاة المنتدى انا عندى لمان اناكف روبش الرشاشه وازعل صحابى البيكسر الثلج داك عرفتوه بتاع التملق ،وده كلو كوم وكلامك ياريمون كوم تانى مابناباه

[سواااح]

الاعزاء بهذه المساحة ..
لسه بيناتنا المسافة .. والشوق
لا اود التطرق الي ان كل شي يكون بالمكانة
مكانة المنتدي .. لدينا
ومكانتنا نحن .. لدي الاخرين
يعني بالبلدي الشغلانة مسالة تفاهم لابد من توفره
احترم الآخر .. احترم رايه .. اعطه ما يستحقه
حتماً .. ستجده يبادلك الشعور .. والاحساس .. والمكان

[ودسمير]

جميل جدا ان نبحر فى المنتدى بعمق حى نصل الى البر بأمان ..

اختى ريمون عجبنى جد تعبير المنتدى ده بيتنا ... الداخل محل تقدير حتى لو وقف عند الباب .

مشكوره على الحروف النيره

[ريمون]

لقد حذرتكم فى السابق ..
بان صاحبة القلم ريموندا لم تعرفه بعد
وهاهي تنداح وتبداء فى كتابة الابداع والكلام الدغري
ريموندا الله اديك الصحه والعافيه واحقق لك الفى مرادك يارب ..
واصلى الاندياح بدون توقف
نزار ياخ مدني سخنت ومحتاجين للمويه ام تلج ..
شكراً للكلام الحلو ده ..

[ريمون]

هيع ريمون ده ما الكلام السمح وحررررررررررررررررررررن البرفع صوتوا في الفاضي ماهو معانا
والباشترنا بالكلام المو زين ماهو مننا
البيت بيت الجميع ولا زالت مدني حيه ترزق
اقول ::: شوفي ليك مكشاشه سمحه كده وحرررررررررررررن معاك من اول باب البيت وحتى نهايته
روبش .. الليله نورتنا ..
المنتدي كله شايل مكاشيشه ..
كلس لكن لقيتك ..

[ريمون]

ياجماعة الاخوان فى البيت الواحد مابيتشاكلو ، وحلاة المنتدى انا عندى لمان اناكف روبش الرشاشه وازعل صحابى البيكسر الثلج داك عرفتوه بتاع التملق ،وده كلو كوم وكلامك ياريمون كوم تانى مابناباه
مرورك فرحنا تب ..
وياهو منتدانا وياها مدنينا المافي زيها ..

[ريمون]

[quote=سواااح;605563]الاعزاء بهذه المساحة ..
لسه بيناتنا المسافة .. والشوق
لا اود التطرق الي ان كل شي يكون بالمكانة
مكانة المنتدي .. لدينا
ومكانتنا نحن .. لدي الاخرين
يعني بالبلدي الشغلانة مسالة تفاهم لابد من توفره
احترم الآخر .. احترم رايه .. اعطه ما يستحقه
حتماً .. ستجده يبادلك الشعور .. والاحساس .. والمكان[/quote
التوم ياتو فيهم ما بعرف .. مرحب حبابك الف ..
ابقي داخل بي كلامك السمح وروحك السمحه دي ..
يسلم فُمك..

[ريمون]

جميل جدا ان نبحر فى المنتدى بعمق حى نصل الى البر بأمان ..

اختى ريمون عجبنى جد تعبير المنتدى ده بيتنا ... الداخل محل تقدير حتى لو وقف عند الباب .

مشكوره على الحروف النيره
ياها دي من الحاجات الحلوه النحافظ عليها..
شكراً ود سمير ..

[mahagoub]

الجماعه كتبوا وما قصروا
اهم من النقد أن تكون هنالك الروح
السمحه التى تتقبل النقد بصدر رحب

[ريمون]

الجماعه كتبوا وما قصروا
اهم من النقد أن تكون هنالك الروح
السمحه التى تتقبل النقد بصدر رحب

وتتحمل الرأي الآخر كمان ..
وكمان افتراض أن كل من تداخل معك له عقليه مميزه يجب التعامل معها بوعي واحترام وتقدير ..
سلمت يا ايها العضو المميز الابتسامه ..

[ريمون]

انتو عارفين بالجد الزول لما يتعامل مع ناس المنتدي بتعامل بي اريحيه وثقه غير محدوده ..
انا زاتي ما عارفه الثقة دي جات كيف .. امكن بس لاننا متلمين في مدني ولي مدني ..
لكن غايتو .. انا بريدكم كلكم .. وبثق فيكم ..
:o:o:o

[ريمون]

كمان من الحاجات البتزعل الواحد وبتخليهو يحس بانو مهمل في المنتدي لما يشارك مع زول في البوست بتاعو والزول ما يرد عليهو ..
والعجب لو زول اختفي وسألت عليهو مع الناس وجاء شكر الناس وما اشتغل بيك..
الكلام ده يا ناس عشان لمتنا الحلوه دي تفضل كده وتزيد حلاوه ..
بس ننتبه للحاجات الصغيرونه البتزيد الناس تواصل .. وياهو بيتنا ..

[عبدالرحمن مدثر]

وياهو بيتنا

كلمات بسيطه لكن لها عمق احساس جميل

زمان ياريمون فى حصه الرسم عندنا خيارين اول حاجه خيار انك

ترسم اعمده كهرباء فى ورقه بيضاء وتديها احساس انها تصغر وتصغر

بقدر المسافه المقطوعه والكلام دا كلو فى ورقه بيضاء مسطحه


الخيار التانى .. خيار زهور من اتجاهين فى شكل حديقه مفروض تديها البعد التالت

وتحس بانك خااااااااشه معاك لجوووه

انا من زمان حبيت انك ترسم زهور واشجار وارفه على امتداد الورقه من الجيهتين وكنت بريد البعد التالت

لانو هو الايقاع .. هو الاحساس بانك قاعد جوووه الجووووووه .. وياها ورقتنا المسطحه ذاتها

اها

ياهو بيتنا ذكرنى الحاجات الحلوه دى كولها

جميل احساس ان يحتفى بحروفك الاخرين .. والاجمل لما تقسم جوووه حروفك نبض الفرحه

[نزار حسن محمد]

ريموندا ازيك
السخانه عندنا خلتنا حوص ..
تعالى منتظرنك والثلج علينا...
اها الكتاحه العندكم دى ما حركت السحب شويه

[ريمون]

وياهو بيتنا

كلمات بسيطه لكن لها عمق احساس جميل

زمان ياريمون فى حصه الرسم عندنا خيارين اول حاجه خيار انك

ترسم اعمده كهرباء فى ورقه بيضاء وتديها احساس انها تصغر وتصغر

بقدر المسافه المقطوعه والكلام دا كلو فى ورقه بيضاء مسطحه


الخيار التانى .. خيار زهور من اتجاهين فى شكل حديقه مفروض تديها البعد التالت

وتحس بانك خااااااااشه معاك لجوووه

انا من زمان حبيت انك ترسم زهور واشجار وارفه على امتداد الورقه من الجيهتين وكنت بريد البعد التالت

لانو هو الايقاع .. هو الاحساس بانك قاعد جوووه الجووووووه .. وياها ورقتنا المسطحه ذاتها

اها

ياهو بيتنا ذكرنى الحاجات الحلوه دى كولها

جميل احساس ان يحتفى بحروفك الاخرين .. والاجمل لما تقسم جوووه حروفك نبض الفرحه
يا حلو الكلام حروفك زانت البوست روعة ..

[ريمون]

ريموندا ازيك
السخانه عندنا خلتنا حوص ..
تعالى منتظرنك والثلج علينا...
اها الكتاحه العندكم دى ما حركت السحب شويه
الخريف والمطر ما تضيعوه تعالو اجازه تانيه ..
تلجكم ما بناباهو ومستنينه ..
امورنا ماشه تمام وسحبنا حبلي بالمطار المريحه انشاء اله
ومشتاقين ..