الفاااااااااااااتحة

[المسافر]

تخيل أنك ماشي بيت بكاء وعند الصيوان وقدام الناس كلهم قلت ( الفاتحة ) ومنتظر زول يقوم عليك . . . ولكن الكل طنشك وتاني كررت ( الفاتحة ) وبرضو الجميع ما شغال بيك وثالث مرة قلت ( الفاتحة ) وما في زول هبب ليك . . . طبعاً بتسب ليهو كلهم ( أنعل تيييييييييييييييييييت زاتو ) ويكون مرادك تشوت الإبريق شلوت في نصهم .

تخيل برضو مشيت بيت بكاء وقلت الفاتحة ، وقام ليك واحد من الأسرة وشال معاك الفاتحة وقبل ما تنتهي جا واحد تاني وقال الفاتحة وقبل ما تنتهي جا واحد ثالث وبرضو قال الفاتحة . . . أها إنت بتكون مصبوب ويديك مرفوعة وبتقرأ في الفواتح دي . . ( صلاة التروايح بس ) .

وتخيل كده برضو أنك جاي من السفر وجيرانك أبوهم متوفي ، وكلما تمشي ليهم ما تلقى ( ولدهم ) أها وتقوم تمشي ليك مناسبة وفي نص الحفلة تلقى ود جيرانكم بترقصو جنب بعض وطبعاً حتتجهجه جهجهة شديدة ما تعرف ( تجازف الفاتحة معاهو في الحفلة ) ولا تنطشو وطبعاً موقف محرج شديد .

أها تخيل وده آخر موقف حصل لي مع الفاتحة دي ، كنت معزوم عزومة (vip) أها لقيت زول قريبنا وتتذكر أنو أخوه أتوفى قبل زمن وطبعاً حاولت أعمل فيها مجامل وقلت أشيل معاهو الفاتحة وسط المعازيم أها وقلت ليهو الفاتحة . . . . وعمك أنفصم فيني ( مالك ما بتجيني ؟ أخواتك الفتوات جّني ) ( أخوي مات زي القمرة دي وإنت تلقاني صدفة وتشيل معاي الفاتحة ) وطبعاً أنا لسه رافع يدي ومن الصدمة بفتش على ريقي عشان أبلعو ما لاقيهو ونسيت أنا منو والجابني هنا شنو ، وإتمنيت زول سااااااي يقول ( باركوها يا جماعة ) ، لكن الجميع طنش وقعد يتفرج للأسف في الموقف ده وبعد مدة ما عارفها كم أمكن ساعة وأمكن ساعتين غايتو مدة طويلة شديد جداً قدرت أتحرك وأمشي أقعد في الكرسي . . . وبعد ده كلو عمك ما عتقني قال لي ( جيب سفة يا ولد ) ، وأخير أنا نطقت وقلت ليهو بأدب جم ومبالغ فيهو ( أنا ما بسف ) وطبعاً تاني رجع أنفصم فيني ( وكمان ما بتسف !!!! ياخ إنت مالك ياخ . . . دورك شنو كويس في المجتمع ) .

أها أنا من اللحظة دي قررت تاني ما بشيل أي فاتحة نهائياً ، وهي زاتو قال عليها ( بدعة ) .

[ود المطامير]

بدعه ؟
والله كان بدعه ما عارف

تعرف يا أبوالدقيق إنتا ما مثقف ياخ ;)

[بحيرى]

هاهاهاهاهاها ....
والله انت اخير منك شلاقه ....
حقو نسميك شلاقه 2 .....
طبعاً المواقف القلتها دى كلها محرجه .... وبتخليك تتخذ موقف لا رجعه فيه ...
خاصة قصة قريبك السمعك 17 كلمه وانت رافع ايدك وبتفتش لريقك ...
ياخى انا موقف ذى ده بتخارج طوالى من ما اشوف الزول ده قاعد ....
سبب واحد اخلينى اتم المناسبه مافى .....
هسه الابريق ذنبو شنو ....؟

[ود المطامير]

ياخ مرات تشيل الفاتحه مع زول

وهو يكون خاتى سفه بالطريقه الصاح

[ود المطامير]

والله ذكرتنى اللى أبوهم مات بالليل وجارهم نعسان وما قام مشى ليهم
الصباح بدرى جاهم فى الصيوان والود عمل فيها كان مساهر معاهم وحضر الدافنه

وقعد جمبهم وقال ليهم أصبحتو كيف ؟
قالو ليهو أصبحنا أبونا ميت قوم أدينا الفاتحه ;)

[تغريدا]

والله محرجة أحرااااااااااااج والعجب النسوان وكان لئيمه ولسانا فالت تقول ياواطه أبلعينى;)

[mahagoub]

حماك الله من شر الفواتح
وخاصه الفاتحه بحرى
لكن كلها مواقف بايخه
وخاصه يكون فى مجموعه مركزه معاك من ما دخلت

[آلاء عبد الرحمن]

^_^
غايتو في العزومة كان تسكت ساي ماتجيب سيرة
^_^

[ابن المدينة]

الفاتحة على الموقف المحرج ده يالزيز هـاهههههههأ

[أحمد عمر ( MOODY )]

ياااخ ذكرتني واحد صاحبنا كان معانا في الجامعة
طويل طول .. بس يوم سبت دوام في شهر سبعة
مشى ليهو لي فاتحة لي جماعة أهلو في قرية من قرى الجزيرة
و هُم من النوع البرفع ليك يدّينو مع الفاتحة دي زي الرافع عنقريب الجنازة
صاحبنا جا داخل الديوان .. و بي طول حِسِّو .. واليدّين فوووق

الفاااااااااااااااااااااتحة

و مع الباب .. ( دُج ) دي في حلق الباب
المعلِّم صرف ليك ليهم طوّالي

الفاتحة تفتح .... حيّين علي ميتين

و مافي داعي تتمّوها خيال .. خلّوها كده أحسن

[ود المطامير]

ياااخ ذكرتني واحد صاحبنا كان معانا في الجامعة
طويل طول .. بس يوم سبت دوام في شهر سبعة
مشى ليهو لي فاتحة لي جماعة أهلو في قرية من قرى الجزيرة
و هُم من النوع البرفع ليك يدّينو مع الفاتحة دي زي الرافع عنقريب الجنازة
صاحبنا جا داخل الديوان .. و بي طول حِسِّو .. واليدّين فوووق

الفاااااااااااااااااااااتحة

و مع الباب .. ( دُج ) دي في حلق الباب
المعلِّم صرف ليك ليهم طوّالي

الفاتحة تفتح .... حيّين علي ميتين

و مافي داعي تتمّوها خيال .. خلّوها كده أحسن
قال واحد صاحبنا قال

[المسافر]

بدعه ؟
والله كان بدعه ما عارف

تعرف يا أبوالدقيق إنتا ما مثقف ياخ ;)



والله جنس بدعة
لكن لغاية أمس بس كنت قايل نفسي فعلا ما مثقف
لكن لما قريت البوست بتاع ( شلاقة ) تأكدت أنو
أنا مثقف بطريقة ما عادية .

[المسافر]

هاهاهاهاهاها ....
والله انت اخير منك شلاقه ....
حقو نسميك شلاقه 2 .....
طبعاً المواقف القلتها دى كلها محرجه .... وبتخليك تتخذ موقف لا رجعه فيه ...
خاصة قصة قريبك السمعك 17 كلمه وانت رافع ايدك وبتفتش لريقك ...
ياخى انا موقف ذى ده بتخارج طوالى من ما اشوف الزول ده قاعد ....
سبب واحد اخلينى اتم المناسبه مافى .....
هسه الابريق ذنبو شنو ....؟



بحيري أخوي سمعت ليك واحد بسمي المشرف على عضو؟
وأنا لو كنت قادر أمشي كنت إنتظرت ده ريقي نسيتو ما أنسى كرعين يعني !!!
والإبريق ذنبو أنو لونو أزرق ياخ .

[المسافر]

ياخ مرات تشيل الفاتحه مع زول

وهو يكون خاتى سفه بالطريقه الصاح



إنت كنت معاي

[المسافر]

والله ذكرتنى اللى أبوهم مات بالليل وجارهم نعسان وما قام مشى ليهم
الصباح بدرى جاهم فى الصيوان والود عمل فيها كان مساهر معاهم وحضر الدافنه

وقعد جمبهم وقال ليهم أصبحتو كيف ؟
قالو ليهو أصبحنا أبونا ميت قوم أدينا الفاتحه ;)



يعني فكرة تاني ما أشيل فاتحة ما بتنفع
يعني الواحد شيلها وووب وما يشيلها ووووبين
الواحد يبقى أنصار سنة ولا شنو ؟

[المسافر]

والله محرجة أحرااااااااااااج والعجب النسوان وكان لئيمه ولسانا فالت تقول ياواطه أبلعينى;)


الحمدلله نحن فاتحة بس
لكن الحريم ديل الفاتحة ومعاها سكليب كمان ودموع
وبالطريقة دي فاتحتين بس الواحد بجيهو جفاف .

[المسافر]

^_^
غايتو في العزومة كان تسكت ساي ماتجيب سيرة
^_^



لكن تقولي شنو على الخفة ولما الواحد يحاول يعمل ظريف

[المسافر]

الفاتحة على الموقف المحرج ده يالزيز هـاهههههههأ



يعني عايز تذكرني
ورررررروووووووك

[المسافر]

ياااخ ذكرتني واحد صاحبنا كان معانا في الجامعة
طويل طول .. بس يوم سبت دوام في شهر سبعة
مشى ليهو لي فاتحة لي جماعة أهلو في قرية من قرى الجزيرة
و هُم من النوع البرفع ليك يدّينو مع الفاتحة دي زي الرافع عنقريب الجنازة
صاحبنا جا داخل الديوان .. و بي طول حِسِّو .. واليدّين فوووق

الفاااااااااااااااااااااتحة

و مع الباب .. ( دُج ) دي في حلق الباب
المعلِّم صرف ليك ليهم طوّالي
الفاتحة تفتح .... حيّين علي ميتين
و مافي داعي تتمّوها خيال .. خلّوها كده أحسن



لكن دي غلطة الباب بصراحة ياخ

[المسافر]

قال واحد صاحبنا قال



قال ليك زول طويل جداً
ده أكيد قاصد نزار
افهم ياخ

[أحمد عمر ( MOODY )]

بحيري أخوي سمعت ليك واحد بسمي المشرف على عضو؟
وأنا لو كنت قادر أمشي كنت إنتظرت ده ريقي نسيتو ما أنسى كرعين يعني !!!
والإبريق ذنبو أنو لونو أزرق ياخ .



ياااخ الحمد لله البقى بتاع بلاستيك

[بنت الرفاعي]

:d :d :d
الله يمد في عمرك إن شاء الله.:)
ذكّرتني في واحدة من مناطق الجزيرة ناسها أو بالأحرى نسوانها،
في الواجب ما بقصِّرن مع أي واحدة،
لكن تلحق واحدة تتأخر عليهن في فاتحة تخصهن،
عادي يطردنها!!:d

:):):)