المساعد الشخصي الرقمي

مشاهدة النسخة كاملة : $$ من زراع الى ابو روكل .... قصص طريفه $$



بحيرى
05-06-2011, 09:54 PM
مقدمه ...

رحم الله المرحوم زراع .... واسكنه فسيح جناته مع الصديقين والشهداء ...
بقدر ما رسم الابتسامه على وجه احد ... بردوده السريعه التى لا تخلو من الطرفه ...
ومد الله فى ايام ابو روكل نكهة مدنى وودازرق ومربع 11 ...
حقيقةً مدنى بها الكثير من الشخصيات الظريفه ... والتى اشتهرت بها عبر التاريخ .. اشتهروا بسرعة البديهه والرد الساخر والطرفه الجميله ....وهم كثر ولكن اخترت من بينهم المرحوم زراع وابو روكل ( روكلدينو ) لكثرة المواقف التى تحكى عنهم وجمالها ....
المرحوم عثمان الشهير بزراع هو من سكان الحله الجديده وكان بحق وحقيقه فاكهة مدنى ... فتجده منذ الصباح يتحرك من منزله ليزور الاصدقاء والاحباب كلٌ فى موقعه وكانت الناس تتوافد عليه فى المكان الذى يجلس فيه لتستمتع بالقفشات والردود السريعه .....
اما مصطفى احمد الطيب شيخ العرب الشهير بابو روكل ... هو من سكان ود ازرق ... عائلة شيخ العرب الشهيره بمدنى ... وهو ايضاً لا يقل شانً من زراع ... فهو سريع البديهه وساخر الرد ....
الكلام يطول عن هاتين الشخصيتين ولا اجيد الحديث عن مثل هذه الشخصيات ...
فهم اكبر قامه من ان اتحدث عنهم انا وبكل تاكيد لن افى لهم حقهم ....
اذا سوف نبحر فى عالم المواقف الطريفه معهم ونترك مواقفهم تتحدث لنا بجمالها ....!!

خالد علونى
05-06-2011, 10:50 PM
تسجيل حضور ومتابعة

أحمد عمر ( MOODY )
06-06-2011, 01:09 AM
ياااخ .. أقول ليك كلام
أنا من قريت الإسمين ديل قعدت .. أضحك

النحكي ليك موقف أنا كنت طرف فيهو مع أبو روكل

يوم يا زول جيت راجع الفريق بالليل .. و الجماعة كانو تاكلين قدّام بيت ناس ساتِّي
أها اليوم داك كان معاهم الصادق البعاتي - الوكت داك كان رحلوا من بيتهم الفي الناصية
قمت سلّمت عليهم من بعيد .. و من ضمن الناس ردّ لي الصادق البعاتي
أها جيت سلّمت عليهو يا الصادق وين الحي بيك ياااخ وكيف الأخوان عطا و محمد
و أخدت لي معاهو خشم خشمين .. أها لمّان بقيت ماشي و أديتهم ضهري
سمعتو بقول للجماعة : والله .. ما شاء الله ياااخ .. بالله عرفني من صوتي في الضلمّة دي
ردّ ليهو أبو روكل قال ليهو : من صوتك ؟؟! ليييييه إنت زيدان

ابو عبد الرحمن
06-06-2011, 05:52 AM
ياااخ .. أقول ليك كلام
أنا من قريت الإسمين ديل قعدت .. أضحك

النحكي ليك موقف أنا كنت طرف فيهو مع أبو روكل

يوم يا زول جيت راجع الفريق بالليل .. و الجماعة كانو تاكلين قدّام بيت ناس ساتِّي
أها اليوم داك كان معاهم الصادق البعاتي - الوكت داك كان رحلوا من بيتهم الفي الناصية
قمت سلّمت عليهم من بعيد .. و من ضمن الناس ردّ لي الصادق البعاتي
أها جيت سلّمت عليهو يا الصادق وين الحي بيك ياااخ وكيف الأخوان عطا و محمد
و أخدت لي معاهو خشم خشمين .. أها لمّان بقيت ماشي و أديتهم ضهري
سمعتو بقول للجماعة : والله .. ما شاء الله ياااخ .. بالله عرفني من صوتي في الضلمّة دي
ردّ ليهو أبو روكل قال ليهو : من صوتك ؟؟! ليييييه إنت زيدان

بالله انت اتارك صاحبي ساتي والبعاتي وابو ركل ... ههههههههههههه يا اخي والله كان كدي انت جد جد مودي مشاكل
والله الفريق بتاع ناس ساتي وأبو روكل ده عندي فيهو حكاوي عجيبة .. ويا حليل زمن الجهل .. وزمن ناس هوي
يا ليلة هوي يا ليل ههههههههه بس دي بيني وبينك با مودي وبحيري يا الجماعة ما يشوفوها .... ايام الجاهلية الأولي
وحسب الصحبة والقعدات مع ناس ساتي وحداثة وبوركل .. المهم الجماعة قالوا دايرين مباراة في ( الطشة ) ههههههه
بين فريق البحيرية وو أزرق والمزاد .. المهم اتلموا حداثة ومحمود شاكوته ومتوكل وياسر شنبو وساتي وابو روكل وسفيان
ديل كلهم تيم واحد المزاد بقيادة ياسر زروق وخالد زروق ومحمود البطل ومجموعة من الاشاوش انا طبعا كنت الحكم ؟؟؟
المهم قالوا أي ناس تجيب الشربه بتاعتهم معاهم والمباراة في حي المزاد هههههههههههه والله يا مودي ناسك ما انستروا
تب هههههههههههه الطرش طرش وقع وكشح الحلة هههههههههه ده متوكل وابو ركل قلب مليون هووبي . وسفيان
وحداثة حالتهم بالبلاء ... غايتو اليوم داك كانت هزيمة تاريخية لناس ود ازرق هههههههههههه آيام جميلة ومدني كانت جميلة
وناس حلوين . تمشي البحرية تضحك ود أزرق تضحك اي مكان البسمة موجودة في مدني والناس مترابطة ومستأنسه ....
وفعلا حليل زمن الصبا .. وحليل مدني وعهدها الزاهر ..... شكرا بحيري على البوست والذكريات الرائعة مع رواد النكتة
في مدني ................

mahagoub
06-06-2011, 06:06 AM
مدنى كلها ظرافه ولطافه
حليل زمن الجردل فى طرف الميدان

أحمد عمر ( MOODY )
06-06-2011, 08:40 PM
بالله انت اتارك صاحبي ساتي والبعاتي وابو ركل ... ههههههههههههه يا اخي والله كان كدي انت جد جد مودي مشاكل
والله الفريق بتاع ناس ساتي وأبو روكل ده عندي فيهو حكاوي عجيبة .. ويا حليل زمن الجهل .. وزمن ناس هوي
يا ليلة هوي يا ليل ههههههههه بس دي بيني وبينك با مودي وبحيري يا الجماعة ما يشوفوها .... ايام الجاهلية الأولي
وحسب الصحبة والقعدات مع ناس ساتي وحداثة وبوركل .. المهم الجماعة قالوا دايرين مباراة في ( الطشة ) ههههههه
بين فريق البحيرية وو أزرق والمزاد .. المهم اتلموا حداثة و محمود شاكوته و متوكل و ياسر شنبو و ساتي و ابو روكل و سفيان ديل كلهم تيم واحد المزاد بقيادة ياسر زروق و خالد زروق و محمود البطل ومجموعة من الاشاوش انا طبعا كنت الحكم ؟؟؟
المهم قالوا أي ناس تجيب الشربه بتاعتهم معاهم والمباراة في حي المزاد هههههههههههه والله يا مودي ناسك ما انستروا
تب هههههههههههه الطرش طرش وقع وكشح الحلة هههههههههه ده متوكل و ابو ركل قلب مليون هووبي . و سفيان و حداثة حالتهم بالبلاء ... غايتو اليوم داك كانت هزيمة تاريخية لناس ود ازرق هههههههههههه آيام جميلة ومدني كانت جميلة
وناس حلوين . تمشي البحرية تضحك ود أزرق تضحك اي مكان البسمة موجودة في مدني والناس مترابطة ومستأنسه ....
وفعلا حليل زمن الصبا .. وحليل مدني وعهدها الزاهر ..... شكرا بحيري على البوست والذكريات الرائعة مع رواد النكتة
في مدني ................





الله يجازي إبليسك .. يا أبو عبد الرحمن
الأسماء القلتها دي برااااااااااااااااها
فيها أربعين سوط و إبعاد


قال حكم قال
غايتو الله يهدي الجميع

ريمون
07-06-2011, 12:01 AM
بالله انت اتارك صاحبي ساتي والبعاتي وابو ركل ... ههههههههههههه يا اخي والله كان كدي انت جد جد مودي مشاكل
والله الفريق بتاع ناس ساتي وأبو روكل ده عندي فيهو حكاوي عجيبة .. ويا حليل زمن الجهل .. وزمن ناس هوي
يا ليلة هوي يا ليل ههههههههه بس دي بيني وبينك با مودي وبحيري يا الجماعة ما يشوفوها .... ايام الجاهلية الأولي
وحسب الصحبة والقعدات مع ناس ساتي وحداثة وبوركل .. المهم الجماعة قالوا دايرين مباراة في ( الطشة ) ههههههه
بين فريق البحيرية وو أزرق والمزاد .. المهم اتلموا حداثة ومحمود شاكوته ومتوكل وياسر شنبو وساتي وابو روكل وسفيان
ديل كلهم تيم واحد المزاد بقيادة ياسر زروق وخالد زروق ومحمود البطل ومجموعة من الاشاوش انا طبعا كنت الحكم ؟؟؟
المهم قالوا أي ناس تجيب الشربه بتاعتهم معاهم والمباراة في حي المزاد هههههههههههه والله يا مودي ناسك ما انستروا
تب هههههههههههه الطرش طرش وقع وكشح الحلة هههههههههه ده متوكل وابو ركل قلب مليون هووبي . وسفيان
وحداثة حالتهم بالبلاء ... غايتو اليوم داك كانت هزيمة تاريخية لناس ود ازرق هههههههههههه آيام جميلة ومدني كانت جميلة
وناس حلوين . تمشي البحرية تضحك ود أزرق تضحك اي مكان البسمة موجودة في مدني والناس مترابطة ومستأنسه ....
وفعلا حليل زمن الصبا .. وحليل مدني وعهدها الزاهر ..... شكرا بحيري على البوست والذكريات الرائعة مع رواد النكتة
في مدني ................

لكن الزهوره عندك يا الحكم ..
هاهاها

ريمون
07-06-2011, 12:03 AM
هي يا مودي يادوب عرفت التسميه جات من وين ؟؟؟:p

أحمد عمر ( MOODY )
07-06-2011, 12:22 AM
هي يا مودي يادوب عرفت التسميه جات من وين ؟؟؟:p



تسمية شنو ؟؟ يا زولة هوي


مودي .. ما قالوا ليك موبي
غايتو يا بحيري تجيبو للزول الكلام في محلّتو

وش برئ براءة عصمت

ريمون
07-06-2011, 12:31 AM
اي بالله كتروا لينا من البوستات دي والاندياح اللاارادي فيها (حلوه الاندياح اللاارادي دي مش ؟)
مع العلم اني ما بحب الشمارات ..

أحمد عمر ( MOODY )
07-06-2011, 01:18 AM
مع العلم اني ما بحب الشمارات ..



عاااااااااااد .. مَصْدَّقَة

mahagoub
07-06-2011, 03:33 AM
الله يجازي إبليسك .. يا أبو عبد الرحمن
الأسماء القلتها دي برااااااااااااااااها
فيها أربعين سوط و إبعاد


قال حكم قال
غايتو الله يهدي الجميع

الحاجة المتشاطرين عليها مافى الحكم
انت قايل حكم دى ساى
ناس بتلعبها صاح

mahagoub
07-06-2011, 03:34 AM
اي بالله كتروا لينا من البوستات دي والاندياح اللاارادي فيها (حلوه الاندياح اللاارادي دي مش ؟)
مع العلم اني ما بحب الشمارات ..

ظاهر من كترت اندياحك

بحيرى
07-06-2011, 04:38 AM
زراع طبعا كان بيسكن فى الحله الجديده ...
فى منزل واحد مع الاخ الشقيق الكبر له ....
وكان اخوهو زول مدين جداً ... الصلوات كلها فى المسجد ...
بعدين هم فاصلين البيت .. وكل زول عندوا باب شارع براهو ...
مره ... فى واحد جاء قاصد اخو زراع ....
الجماعه وصفوا ليهو البيت .... وصل صاح ...
لكن اتلخبت فى الابواب ....
لسوء حظه قام خبط على باب زراع ....
قام زراع فتح الباب وقال ليهو منو ....
الراجل رد ياخى انا عايز فلان ... فلان ده طبعاً اخو زراع ...
فزراع قال ليهو ...
انت يا اخوى قاصد هيئة الاوقاف ... لكن دى الشباب والرياضه...

ابو عبد الرحمن
07-06-2011, 05:32 AM
لكن الزهوره عندك يا الحكم ..
هاهاها
ههههههههههههههههههههههههههههههه
والله الزهوره دي بالغتي فيها يا ( ريمونه )

بحيرى
07-06-2011, 06:53 AM
! ليييييه إنت زيدان


هاهاهاهاهاهاهاها .....
والله الرد فى طرف خشمو ....!!
وبعدين انت عار الصادق عوض ذاتو ما هين ....
وبتاع جديع ....!!

بحيرى
07-06-2011, 06:58 AM
وفعلا حليل زمن الصبا


ابو عبد الرحمن .... شكيت محنكم ...
والله انتو زمان كنتو صايتنها جنس صواته ....
وبعدين مع الشله الانتحاريه .....
بقيادة ساتى .. حدث ... وكيكه ... وشنبو ..
وباقى الشباب ... نجمه .. ناصر لانكيه ... البعاتى ...
ديل براهم اساميهم مشكله ....!!

بحيرى
07-06-2011, 07:02 AM
اي بالله كتروا لينا من البوستات دي والاندياح اللاارادي فيها (حلوه الاندياح اللاارادي دي مش ؟)
مع العلم اني ما بحب الشمارات ..


الشمار الا إرادى ....
والله انتى ملكة الشمارات ....
بعدين بحيى فيك روح المشاركه فى هذا البوست .... لاسباب سوف اشرحها لاحقاً ...!!

بحيرى
07-06-2011, 07:04 AM
تسمية شنو ؟؟ يا زولة هوي
مودي .. ما قالوا ليك موبي




خلاص ..... قمت تنكر ...!!

بحيرى
07-06-2011, 07:06 AM
حليل زمن الجردل فى طرف الميدان


ومدنى كلها بتلعب فى اللاين ......!!

mahagoub
07-06-2011, 08:02 PM
ومدنى كلها بتلعب فى اللاين ......!!

اجنحه ساى
ما فى ورك ؟

بحيرى
07-06-2011, 10:31 PM
مره ابو روكل معزوم فى مايو عند واحد صاحبو ....
واثناء القعده ابوروكل سمع صوت كركبه ...
سأل صاحبو عن الكركبه ...
فقام قال ليهو والله عندى فيران معذبنى عذاب شديد ...
ابروكل قال ليهو طيب انا عندى كديسه والده تعال شيل ليك واحده من كدايسها ...
بعد فتره قام الراجل زار ابوروكل فى البيت ...
واثناء ما هم قاعدين جات كديسه كبيره ماره ...
فالراجل اتذكر القصه .... فسال ابوروكل ... قال ليهو يا ابوروكل دى الوالده
ابوروكل قال ليهو ابداً دى خالتى ....!!

ريمون
07-06-2011, 11:15 PM
عاااااااااااد .. مَصْدَّقَة
يصدقوك اولادك يا ود امي ..

ريمون
07-06-2011, 11:21 PM
الشمار الا إرادى ....
والله انتى ملكة الشمارات ....
بعدين بحيى فيك روح المشاركه فى هذا البوست .... لاسباب سوف اشرحها لاحقاً ...!!
غايتو هو البوست كلو قعدات ..
لكن بيني وبينك الطرائف اغلبها بتجي من القعدات ..

ريمون
07-06-2011, 11:24 PM
عاين يا بحيري .. لاحقاً ما جات ؟؟!!:rolleyes:

ابووضاح
07-06-2011, 11:32 PM
من ضمن الطرائف مرة زراع مشي مع فريق لمبارة في المسلمية
وانتهت المبارة بفوز فريق من مدني المهم لمن ركبو الحافلة ناس المسلمية نبزو مدني
ولي سوء حظهم زراع شاف ليك الجزارة بتاعتم فيه شنكل واحد
علي طول قال ليهم انتو بتنبزو مدني !!!!! وجزارتكم فيها شنكل واحد ياخي مدني دي حكام ساي
ثلاثة شناكل:)

بنت الرفاعي
08-06-2011, 09:21 AM
عاين يا بحيري .. لاحقاً ما جات ؟؟!!:rolleyes:




:D :D :D
:):)
:cool:

ابو عبد الرحمن
08-06-2011, 11:27 PM
ابو عبد الرحمن .... شكيت محنكم ...
والله انتو زمان كنتو صايتنها جنس صواته ....
وبعدين مع الشله الانتحاريه .....
بقيادة ساتى .. حدث ... وكيكه ... وشنبو ..
وباقى الشباب ... نجمه .. ناصر لانكيه ... البعاتى ...
ديل براهم اساميهم مشكله ....!!
يا بحيري والله المصائب كانت كلها من فريق البحيرية والقسم الاول . ... أيام الجاهلية وربنا يغفر لنا
انا والكابن حداثة .. أيام الحلفلات بتنهي متأخره . حفلة كانت في حي الزمالك بتاعت ( كنكا ) كان
بتذكروا .. والعرقي بتاع الزمالك يعجبك ما بجي الا في النهاية .. شيلنا قارورتنا وضربنا ضرب صاااح
وبرضوا انا كنت الحكم كالعادة .. والله اتليفنا للطيش حضرنا الحفلة ورجعنا كمنا باقي الشربه . العربات
كلها مشيت .. اها نحن جاين كداري في شارع النيل خطوة وراء وخطوة قدام وناشر للعربات حلفوا
باليمين عربية تقيف لينا مافي .. وحسب الفي الراس حداثة قال لي تعال نتماسك ونسد الشارع لحدي
ما يقفوا لنا .. قلت طوالي . اتماسكنا وماشي والعربات تجي فينا ( تيت تيت تيت تيت ) بالبوري .
ونحن( مليفين ) صاااح والعربات تضطر تنزل من الشارع بتحت . اها نحن بالحالة دي ..تجي
عربية تيت تيت تيت وولعت نور طويل . اتلفت لقيتها ( كندورة ) الله يا كبتن والله الليلة وقعوا
رجال ... وحاة الله جوا اربعة عساكر وشيلك جدعونا ليك زي لوح التلج هههههههههههههههه
في العربية وطوالي للقسم الاوسط يا جماعة ده كلام ده الضابط اهلاوي .. غايتو بشتنا
جنس بشتنه .. قال ( إنتو وقت ما بتقدروا عليهو الجابركم شنو ) هههههههههه وقتها كنا في الفريق
العسكري بتاع اللواء عشرين . المهم حنك مع الضابط . فكونا لكن نهزرونا جنس نهزره هههههه
قلت لحداثة تاني يا اخوي شووف ليك حكم غيري هههههههههههه

بحيرى
13-06-2011, 12:12 AM
المرحوم زراع ....
فى وفات والدة المرحوم زراع ... الناس كلها جات ... ومن لم يحضر هاتف زراع بالهاتف ...
الا زول واحد وكان من المقربين لزراع ... هو معزور لانو كان خارج البلاد ... فى الغربه ... ولكن عند عودته لم يذهب لزراع علشان اشيل معاهو الفاتحه ....
هو عارف نفسو غلطان ... لكن مع مرور الزمن صعبت عليهو المهمه خاصةً وانو زراع سمع بيهو جاء البلد ...
المهم يوم صدفه كده الزول ده قاطع الظلط لقى زراع قاطع الظلط من الجهة الثانية .... صاحبنا اتحير ... لكن مشى لزراع فى نص الظلط وقال ليهو الفاتحه يا زراع ....
زراع طبعاً الموضوع ما عاجبو ... قال ليهو انا امى دى ماتت فى حاث مرور .... تشيل لى الفاتحه فى نص الظلط ....!!
وللقصه بقية ....!!