مشاهدة النسخة كاملة : اطفال الجامعه ..
ودسمير
09-06-2011, 11:35 PM
الله يجازى الكان السبب فى الغاء المرحله المتوسطه ..
كانت بحق وحقيقه مرحله جميله فيها تكونت الشخصيه وعرفنا طريق الصداقه الحقيقيه ..
الثانوى العالى يشعرك بانك اصبحت رجل ...ورجل مسئول .
امس كنت فى جامعة الجزيره ( النشيشيبه ) ورايت بام عينى طالبه تضرب طالبا ( ام دلدوم ) ويمزحون كانهم اطفال !!
نعم اصبحت الجامعه كانها مدينه ملاهى للترفيه .. موبايلات اشكال والوان وكل طالب واضح السماعات والونسه كلها عن المسلسلات التركيه واخر ونسه هى عن اعلان ( الباميه دى ما ذى حقت امبارح )!!!
الدخول لمرحلة الاساس دون خمسه سنوات وبالكتير خمسه ونص والدراسه ثمانيه سنوات وبعد تلاته سنوات فى الثانوى ،ثم الدخول للجامعه والجامعات على ( قفا من يشيل ) ..يعنى تدخل الجامعه طفلا وتتخرج طفلا كبير !!
السودان فى خطر اكاديمى وتربوى ...
تسمع لو ناديت حيا ولكن لا حياة لمن تنادى
mohd saeed magazoub
10-06-2011, 01:38 AM
أخونا ودسمير جمعة مباركة
13231
مافي شك إن مراحل التعليم السابقة ذات الثلاث مراحل
ذات قيد زمني محدد في كل مرحلة يراعى مراحل النمو البدني
والعقلي للدارس ويضع في الأعتبار القدرة على الأستيعاب الى
جانب ذلك عوامل تربوية وسيكولوجية ترتبط بالتأثير وبناء
الشخصية في وسط متساوي الأعمار والقدرات.
لكن مايشهده التعليم في الفترة الحالية شي مؤسف
تخريمة: في احد المواقع : إعلان في الأردن يقول:
سجل للماجستير في السودان وأحصل على موبايل مجانا...
احمد ابو امنة
10-06-2011, 09:01 AM
الاولية
الوسطى
الثانوى العالى
كلها اسماء من الزمن الجميل
اما الجامعة فمستحيلة لمن لا يستحق حتى و لو دفع كل عملات العالم الصعبة
صحيح
الله يجازى اللى كان السبب
هذا زمان تحرير التعليم
ودسمير
10-06-2011, 09:39 AM
ابو حميد .. جمعه مباركه ومشكور على زيارتك لينا ..
ونتمنى ان ينصلح الحال ..
ودسمير
10-06-2011, 09:44 AM
الاولية
الوسطى
الثانوى العالى
كلها اسماء من الزمن الجميل
اما الجامعة فمستحيلة لمن لا يستحق حتى و لو دفع كل عملات العالم الصعبة
صحيح
الله يجازى اللى كان السبب
هذا زمان تحرير التعليم
ابو امنه ... ليك التحايا وجمعه مباركه ..
المصيبه انو التعليم اصبح كالمواد الغذائيه اعلاناته فى كل شارع وذى ما بقولوا ( المايشترى يتفرج ) ..
يا حليل الجمعيات الادبيه والجرائد الحائطيه وحصص المكتبه ..
ويا حليل .. ويا حليل ..
مشكور على طلتك الجميله
بنت الرفاعي
10-06-2011, 10:01 AM
فعلاً أخي ود سمير،
وقد رأينا الكثير من أفعال بعض صغار السن في الجامعة،
والتي تُثير العجب،
وأصبح من الطبيعي أن ترى فتى صغيراً،
وتتساءل ما إذا كان ضيفاً قادماً من مدرسة أساس لأحد الطلاب،
فتكتشف أنهُ طالب جامعي!!
وبالرغم من أن دخول الجامعة في سن صغيرة لها مُميزات جميلة،
ولكن الأغلبية لا يستفيدون منها كما يجب.:)
أزهى التحايا والتقدير لك أخي ود سمير.:)
:):):)
mahagoub
10-06-2011, 08:40 PM
مصداقاً لهذا الحديث
ذهبت مع مريض لطوارى مدنى
ووجدت عدد كبير من طلبة الجامعه
ومهم يؤدون الالزاميه
وتعال شوف الهرج والمرج
كأنهم فى فصل دراسى
فصغار السن فيهم شويه طيش وعدم التزام
وقيس على كده
الجندي المجهول
10-06-2011, 09:26 PM
ًصباح الخير
انت مفتكرها انتهت من التعليم وحده
يا اخوي الانقاذ انتهت من الاخضر واليابس
التعليم +الصحة+ارتفاع مستوى المعيشة(الاقتصاد)+الامن+العلاقات الدولية+القيم والاخلاق+ انتشار الفساد بصورة غير مسبوقة ... الخ .....
تخريمة : امس مسؤول رياضي في عالم الرياضة ذكر على الهواء مباشرة أن 95% من سكان السودان تحت مستوى الفقر
مع اللفة : مع خيارات اكل العيش بكل اسف انتشرت في السودان اشياء غريبة ودخيلة على الشعب مثل ( كسير التلج ) في الفارغة والمليانة والصفيق بلا ادنى سبب ومش عارف ايه
غايتو الله يصبرنا ( وادينا الفي مرادنا)
مدنيّة
11-06-2011, 02:03 AM
وبالرغم من أن دخول الجامعة في سن صغيرة لها مُميزات جميلة،
ولكن الأغلبية لا يستفيدون منها كما يجب.:)
:):):)
بتفق معك ياساحبتي
الفارس البنفسجي
11-06-2011, 05:27 AM
الغالي ود سمير
الأخلاق وما أدراك ما الأخلاق ... صدقني ما عندها علاقة بي صغير وكبير
يا مافي ناس صغاااااار لكن عقولهم توزن بلد
نحن في حاجة لسلخ رداء الأخلاق ... وتفصيل رداء آخر ينسجم مع قيمنا
نحن في حاجة لإعادة صياغة فهمنا وإدراكنا وممارستنا للتربية
أولادك أنت أخلاقهم كيف؟
أولادي أنا أخلاقهم كيف؟
وأولاد كل الناس اللي فيهم خير ، كيف؟
كيف ممكن نتصدى لأي تيار معاكس ؟؟؟
ودسمير
11-06-2011, 10:22 AM
ضياء .. سلامات ..
ما قلته صعب وصعب جدا فى المجتمع السودانى !
بس نحاول نطلع باقل الخسائر .
ودسمير
11-06-2011, 10:24 AM
ًصباح الخير
انت مفتكرها انتهت من التعليم وحده
يا اخوي الانقاذ انتهت من الاخضر واليابس
التعليم +الصحة+ارتفاع مستوى المعيشة(الاقتصاد)+الامن+العلاقات الدولية+القيم والاخلاق+ انتشار الفساد بصورة غير مسبوقة ... الخ .....
تخريمة : امس مسؤول رياضي في عالم الرياضة ذكر على الهواء مباشرة أن 95% من سكان السودان تحت مستوى الفقر
مع اللفة : مع خيارات اكل العيش بكل اسف انتشرت في السودان اشياء غريبة ودخيلة على الشعب مثل ( كسير التلج ) في الفارغة والمليانة والصفيق بلا ادنى سبب ومش عارف ايه
غايتو الله يصبرنا ( وادينا الفي مرادنا)
كتير ممكن يتلحق الا العلم والاخلاق ..
انما الامم الاخلاق ما بقيت فان هم ذهبت اخلاقهم ذهبوا
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir