ككر النفاج يستضيف - صاحبة مطعم النفاج 2009 ومشرفة الثقافي (بت أمدرمان)

[مايسة]

ضيفتنا هذه المرة - معروفة للكل بهدوءها وبردودها البريئة

تعرفنا عليها منذ دخولنا للمنتدى - وكنت سابقا أطلق عليها لقب

فراشة المنتدى

إشتهرت اكثر ما إشتهرت ببوست محكمة المنتدى بقسم النفاج - ويا لها من محكمة عادلة كانت:cool:
حاولت جاهدة العثور على الرابط ولم أستطع

وشهرتها الثانية ببوست مطعم النفاج - للمرة الثانية بعد السيل -
http://wadmadani.com/vb/showthread.php?t=25537&highlight (http://wadmadani.com/vb/showthread.php?t=25537&highlight)=



نريد الآن أن نتعرف على جوانب أخرى من شخصيتها
لك التحية مشرفتنا (كسير تلج شديد غايتو) جاتني لوز ;)

[أحمد عمر ( MOODY )]

أنا غايتو .. شخسياً
حا أربع يديني و أقعد ساكت بي أدب
ناس الثقافي ديل .. بتاوروا لي وجع الأسنان

[ابو عبد الرحمن]

أنا زاتي متفرج با مودي . ناس الثقافي ديل ناس حب وحنان سااااي وشوق وهياام
واحساسهم عالي ... وأنا مشكلتي شوتي ظفاري ... اها لو فرضنا مثلا يعني نقول
مثلا دخلت وكدي وشت ظفاري اعذرونا يا مايسه ... سمح ؟؟؟ تاني شي وأهم شي
نورتي النفاج . وهلا بيك يا بتنا ...

[mahagoub]

مرحب بالغائبه
صاحبة القلم المنتحر
أن شاء الله عوده خير
لفتح الشهية للاستمرار
رغم صغر سنك
الا اننا نتزود من بعض ما تكتبين
نقول بسم الله

[نزار احمد كوارتي]

السلااااااااااامو عليكوم

[بحيرى]

يا سلام .... بنوته مره واحده ....
مع انى لايمك .... من ما مشيتى الثقافى وادوك عربيه اخر موديل واشراف وحاجات حلوه ..... ظللتى الغزاز .... واتغابيتى فينا العرفه ...
لكن ...
تبقى فى دواخلنا صورة حيه ما دومتى انتى هنا ....
والتظليل ده .... بنخلصوا فى الكركر ده ...
وكتر خيرك يا مايسه ....
انتى شكلك وقعتى وما سميتى ....
وانا عكس مودى ونزار وابوعبد الرحمن وعم محجوب .....
الرشوه ما بتنفع معاى .....
شوف عينى لقيتهم بعدوا فى القروش .....
اها .... تجى ولا نجى ....؟!!

[خالد علونى]

هوي يا ناس فوق


السلام علين ورحمة الله تعالي وبركاتو



انا جيت أسلم ساي غايتو





بس عندي فرت سعال




بكتبوا بعدين

[ابو عبد الرحمن]

يا سلام .... بنوته مره واحده ....
مع انى لايمك .... من ما مشيتى الثقافى وادوك عربيه اخر موديل واشراف وحاجات حلوه ..... ظللتى الغزاز .... واتغابيتى فينا العرفه ...
لكن ...
تبقى فى دواخلنا صورة حيه ما دومتى انتى هنا ....
والتظليل ده .... بنخلصوا فى الكركر ده ...
وكتر خيرك يا مايسه ....
انتى شكلك وقعتى وما سميتى ....
وانا عكس مودى ونزار وابوعبد الرحمن وعم محجوب .....
الرشوه ما بتنفع معاى .....
شوف عينى لقيتهم بعدوا فى القروش .....
اها .... تجى ولا نجى ....؟!!
غايتو يا ناس البحيرية ؟ تجي شنو ؟ وما تجي شنو .. كان جاء ما تجي سااااي زول سالك مافي
تعال لي يا الحنان تعال لي يا البنان تعالي وتعالي وما تشمت الناس عّلى . يا قسيم ريدي تعالي ..
زمان لمن قنا ( سرابيت يا بحيري ) احمد عدوية عندو غنية بقول فيها .... تجي تعالي تجي تجي
يا هوي ندرس الفصاحة ونشوف الحب ده عسلي سكر ولا شطة .. غايتو يا بتنا حا تشوفي جنس كتاب
الله يعنيك ويصبرك ويقويك لناس بحيري ومودي وناس السلاووووووووووم عليكم ديل ههههههههه

[ابو عبد الرحمن]

هوي يا ناس فوق


السلام علين ورحمة الله تعالي وبركاتو



انا جيت أسلم ساي غايتو





بس عندي فرت سعال




بكتبوا بعدين
سؤال واحد بس ؟؟ كضابه يا رابحه .

[بحيرى]

غايتو يا ناس البحيرية ؟ تجي شنو ؟ وما تجي شنو .. كان جاء ما تجي سااااي زول سالك مافي
تعال لي يا الحنان تعال لي يا البنان تعالي وتعالي وما تشمت الناس عّلى . يا قسيم ريدي تعالي ..
زمان لمن قنا ( سرابيت يا بحيري ) احمد عدوية عندو غنية بقول فيها .... تجي تعالي تجي تجي
يا هوي ندرس الفصاحة ونشوف الحب ده عسلي سكر ولا شطة .. غايتو يا بتنا حا تشوفي جنس كتاب
الله يعنيك ويصبرك ويقويك لناس بحيري ومودي وناس السلاووووووووووم عليكم ديل ههههههههه


ابو عبد الرحمن ...
والله انت بتاع مشاكل ساااااى ....
هسه البت دى طيرت ليها الرحمن من قلبها ....
بغناك المن سنهة ستين ده ...
وبحلف بحياتها ازور بيت الخياته ... فى الخرطوم تلاته ...
واليوم ده كان جمعه والامه مجتمعه ....
وين انت من اغانى الجيل الجديد ....
وما تقول لى حرامى القلوب تلب .... لانو ناس ال 999 منعوا الاغنيه دى ...
لكن جات واحده تانى ....
القطار دور حديدو .... شال معاو زولى البريدو ....
وطاعنى دايماً بى ورا ... قاصد محبتى تخسرا ...!!

[ابو عبد الرحمن]

ابو عبد الرحمن ...
والله انت بتاع مشاكل ساااااى ....
هسه البت دى طيرت ليها الرحمن من قلبها ....
بغناك المن سنهة ستين ده ...
وبحلف بحياتها ازور بيت الخياته ... فى الخرطوم تلاته ...
واليوم ده كان جمعه والامه مجتمعه ....
وين انت من اغانى الجيل الجديد ....
وما تقول لى حرامى القلوب تلب .... لانو ناس ال 999 منعوا الاغنيه دى ...
لكن جات واحده تانى ....
القطار دور حديدو .... شال معاو زولى البريدو ....
وطاعنى دايماً بى ورا ... قاصد محبتى تخسرا ...!!
هههههههههههههههههههههههههههههههههههه
غايتو في دي ما بسالك ؟؟

[ابو عبد الرحمن]

يا أبوي شكلها دي ما جاية .. مشيت صدفة بهناك شايفها في المنتدي العام ؟؟؟
امشي يا مودي جرها من توبها وتعالي .. هي ناسيا انو في عقاب تلاتة ايااام ولا شنو ؟

[أحمد عمر ( MOODY )]

نقطة نظام .. يا شباب


عليكم الله .. تاني البقعد في الككر ده
لمّان يقوم .. ينضفو



معليش بس قولت يمكن الناس دي بتتأخر عشان كدي
موش الطيارة السودانية مرّات بتتأخر عشان بنضِّفو فيها

:p :p :p :p :p

[بت أم درمان]

حسي انتو املو الدفتر دا واقعدو
انا لما اجي ما القى حتة اكتب فيها
كويس معاكم كدا يعني

[خالد علونى]

هوي ديل ما الدفاتر


دا الورق البراجعو فيهو

كان خايفة علي الدفاتر ما تخافي

عاملين تعاعقد مع ناس اليمامة


بدونا ورقد الجرائد الكباااااااااااااااااااااااااااار داك


والله جنس جرسة أنا قلت عندي سعال واحد لكين بعد دا بعيد التفكير

[مايسة]

الجنس الخشن

براحة شوية على الناعمة دي -

البت خلعتوها خلعة - غايتو دايما فاضحننا مع الأجانب

[مايسة]

صباحك خير

اها يا بت أم درمان -

نبدأ بسم الله

السيرة الذاتية مفصلة - وما تشفريها زي أم رغد - :p

[عبدالرحمن مدثر]

سعديه

اشهر واحده فى شله عصابه مرمطه البوستات فى زمن كان جميل

سعديه شكلها مابتعرف الاتجاهات لذلك اى بوست هادف بابنس بنزين بيصبح هاتف وفى راويه اخرى

حته للضحكه الحلوه والقراقرااااااااابه .. لكن بكون عندها افرغ من مضمونه .. واقرب رشكه يمشى محل مافكر فيه



*****

تحيه نديه لناس النفاج اسياد القعده الحلوه طولنا منكم يعلم الله مشتاقين

والفكره جميله فكره الككر .. بتذكرنى حصه تاريخ زمان ..

[بت أم درمان]

ضيفتنا هذه المرة - معروفة للكل بهدوءها وبردودها البريئة

تعرفنا عليها منذ دخولنا للمنتدى - وكنت سابقا أطلق عليها لقب

فراشة المنتدى

إشتهرت اكثر ما إشتهرت ببوست محكمة المنتدى بقسم النفاج - ويا لها من محكمة عادلة كانت:cool:
حاولت جاهدة العثور على الرابط ولم أستطع

وشهرتها الثانية ببوست مطعم النفاج - للمرة الثانية بعد السيل -
http://wadmadani.com/vb/showthread.php?t=25537&highlight (http://wadmadani.com/vb/showthread.php?t=25537&highlight)=



نريد الآن أن نتعرف على جوانب أخرى من شخصيتها
لك التحية مشرفتنا (كسير تلج شديد غايتو) جاتني لوز ;)









انا زاتي فتشت على المحكمة ما لقيتها
وبعدين الارشيف ابا ما يفتح لي
الحاصل شنو
العندو رابط الارشيف اديني ليهو بالله
لاني فرمتة الجهاز قريب
وضاااااااااع مني اي شي
الله يسامح اللي كان السبب بس

على فكرة يا ميوسة
انا اول مرة اتقبض كدا
ربـــــنا استر غايتو:)

[أحمد عمر ( MOODY )]

صباحك خير

اها يا بت أم درمان -

نبدأ بسم الله

السيرة الذاتية مفصلة - وما تشفريها زي أم رغد - :p



لكن أم رغد ما شفّرتها

















أم رغد عملت ليها
Block



http://i51.tinypic.com/2ilze9v.gif

[بت أم درمان]

أنا غايتو .. شخسياً
حا أربع يديني و أقعد ساكت بي أدب
ناس الثقافي ديل .. بتاوروا لي وجع الأسنان

الاقتباس دا للتوثيق يا جماعة
خلوكم شاهدين
الزول دا قال جاي متفرج ساااااي

على كل اشكر لك ذوقك
وانسحابك من البداية :o

[بت أم درمان]

أنا زاتي متفرج با مودي . ناس الثقافي ديل ناس حب وحنان سااااي وشوق وهياام
واحساسهم عالي ... وأنا مشكلتي شوتي ظفاري ... اها لو فرضنا مثلا يعني نقول
مثلا دخلت وكدي وشت ظفاري اعذرونا يا مايسه ... سمح ؟؟؟ تاني شي وأهم شي
نورتي النفاج . وهلا بيك يا بتنا ...

انت بررررضو متفرج
بختي انا ... انا بختي
النور نورك ونور الموجودين والله

ابو رغد دائما ندعو لك بأن الحرامي ما يرجع ليك الشاله
عارف ليه ؟
بث كدا عشان تكون ما لامي لا كدا ولا كدا
شفت الحسادة دي

[بت أم درمان]

مرحب بالغائبه
صاحبة القلم المنتحر
أن شاء الله عوده خير
لفتح الشهية للاستمرار
رغم صغر سنك
الا اننا نتزود من بعض ما تكتبين
نقول بسم الله

بسم الله الرحمن الرحيم
اشكر لك تحيبك
وابارك لك النجومية يا صاحب الابتسامة
مع انها جات متاخرة
بس تجي متاخر احسن من ما تجي كلو كلو
مش المثل بقول كدا

اما حكاية صغر السن دي
والله بس ابعدو مني ام رغد :rolleyes:
وان بكون بخير

[بت أم درمان]

السلااااااااااامو عليكوم

وعليكوم السلام ورحمتو الله وبركاتو :cool:

[أحمد عمر ( MOODY )]

الاقتباس دا للتوثيق يا جماعة
خلوكم شاهدين
الزول دا قال جاي متفرج ساااااي

على كل اشكر لك ذوقك
وانسحابك من البداية :o



يلّلا .. عايني
أنا مرّات مرّات .. ببقى عيِّل
و برجع في كلامي

http://i55.tinypic.com/28hztdw.gif

و بالمناسبة دي .. بعد البُتاغة الشخسية
أحكي لينا عن طفولتك

[ام ساره]

فرحانة بيك كل النجوم لانام بريقا ولا انطفا... اهلا وسهلا بت امدرمان والله رايداك لله في لله من كتاباتك وانشالله تقضي اجمل اللحظات بين اخوانك واخواتك.لكن الله اعلم لانو شكلهم ناويين ليك نية صعبة غايتو ربنا يطلعك باقل الخسائر.

[ابو عبد الرحمن]

انت بررررضو متفرج
بختي انا ... انا بختي
النور نورك ونور الموجودين والله

ابو رغد دائما ندعو لك بأن الحرامي ما يرجع ليك الشاله
عارف ليه ؟
بث كدا عشان تكون ما لامي لا كدا ولا كدا
شفت الحسادة دي
ههههههههههههههههه
انا ما كلمتك . والله أنا غلطان شديد وعيب علّى شديد ومتلوم شديد . والجديد شديد ؟؟
أها الكلام ما كلمتك بيهو . اتخيلي واصوري .. قبل ما أكلمك كدي أشرحي لي ما لامي
كدا التانية الأولي عرفناها ... بعدين نرجع للتصورات والخيالات ......... سمح

[بت أم درمان]

يا سلام .... بنوته مره واحده ....

تخيل هي انا بي زاتا وصفاتا

مع انى لايمك ....

الله انا زاتي اصلي زولة لوااااامة وما بحب الحقارة كلو كلو


من ما مشيتى الثقافى وادوك عربيه اخر موديل واشراف وحاجات حلوه ..... ظللتى الغزاز .... واتغابيتى فينا العرفه ...

بري والله الكلام دا لا أساس له من الصحة
لا ادوني شي ولا اتغابيت
بس هي الظروف المنعتني
لكن بيني وبينك
انت سمعت في ناس ادوهم؟
عارفاك زول فتان آآآآ أقصد زول صادق

لكن ...
تبقى فى دواخلنا صورة حيه ما دومتى انتى هنا ....


تسلم كتير كلك ذوق والله
اصلها العشرة ما بتهون الا ....


والتظليل ده .... بنخلصوا فى الكركر ده ...

اديك عشرين ريال وتنسحب ؟


وكتر خيرك يا مايسه ....

كتر خير الجميع
ومايسة ربنا اديها لمن يرضيها
ويخلي ليها بنياتها
امين


انتى شكلك وقعتى وما سميتى ....

صحي والله ما سميت لكن ما وقعت ياخ
لكن لسه فيها
برجع بسمي وبتعوذ من شوشو :o

وانا عكس مودى ونزار وابوعبد الرحمن وعم محجوب .....
الرشوه ما بتنفع معاى .....
شوف عينى لقيتهم بعدوا فى القروش .....
اها .... تجى ولا نجى ....؟!!

خلاص بزيدك تلتين ريال
وانسحب
قصرت معاك :cool::cool:

[بت أم درمان]

يا أبوي شكلها دي ما جاية .. مشيت صدفة بهناك شايفها في المنتدي العام ؟؟؟
امشي يا مودي جرها من توبها وتعالي .. هي ناسيا انو في عقاب تلاتة ايااام ولا شنو ؟

يعني ما نتمشى شوية حول ارجاء المنتدى يعني
شفنا الاحوال والاخبار
واخر الشمارات والمستجدات حول الساحة

واديني جيت
لان كوووولووووو شي ولا العقاب

حسي انت تميت ككرك ولا لسه هارب منو ;)

[مايسة]

انا زاتي فتشت على المحكمة ما لقيتها
وبعدين الارشيف ابا ما يفتح لي
الحاصل شنو
العندو رابط الارشيف اديني ليهو بالله
لاني فرمتة الجهاز قريب
وضاااااااااع مني اي شي
الله يسامح اللي كان السبب بس

على فكرة يا ميوسة
انا اول مرة اتقبض كدا
ربـــــنا استر غايتو:)


اول مرة تتقبضي -
بس قبضة حلوة صح :cool:

اها بمناسبة الارشيف انا كمان رفض يفتح معاي بديني
Unknown error!

لو في حد يساعدنا يكون ما قصر

[بت أم درمان]

هوي يا ناس فوق

مرحب يا ناس تحت :o


السلام علين ورحمة الله تعالي وبركاتو

انت كمان انت كمان
نزار قلنا معزور
لكن انت كمان

طيب
وعليكم السلام ورحمة الله تعالى وبركاته



انا جيت أسلم ساي غايتو

شكرا ليك كلك ذوق والله
ما قصرت
نردها ليك في اقرب ككر:cool:
قول امين





بس عندي فرت سعال


ما قلت جاي تسلم ساي
غااايتو



بكتبوا بعدين

طيب
منتظراك اوعا تتأخر

[مايسة]

سعديه

اشهر واحده فى شله عصابه مرمطه البوستات فى زمن كان جميل

سعديه شكلها مابتعرف الاتجاهات لذلك اى بوست هادف بابنس بنزين بيصبح هاتف وفى راويه اخرى

حته للضحكه الحلوه والقراقرااااااااابه .. لكن بكون عندها افرغ من مضمونه .. واقرب رشكه يمشى محل مافكر فيه



*****

تحيه نديه لناس النفاج اسياد القعده الحلوه طولنا منكم يعلم الله مشتاقين

والفكره جميله فكره الككر .. بتذكرنى حصه تاريخ زمان ..


تصدق اسم سعدية دا طار لي كلو كلو :p

يا ريت تعود من جديد - ولكن هل يرجع الزمن أم نحن نستطيع ان نرجع للوراء

حصة التاريخ اكيد انت كنت بتنسى التواريخ :p

[بحيرى]

خلاص بزيدك تلتين ريال
وانسحب
قصرت معاك :cool::cool:


والله ..... والله ....
كدى النشاور امى واجى ....

هوووى ..... ما داير معاك ريالات ولا شتين ....
الكركر بث ....
انتى قايلانى بتغش ليك ولا بتغش ليك ...

وعندى ليك سعالين حارات ... نظام تسخينه وكده ... ولزوم رفع سعر الرشوه ....
اولاً ....
انت وكت بت امدرمان ..... الدخلك المنتدى ده شنو ....؟
انتى ما عارفانا عندنا حساسيه مع الخرطوم ولا شنو .....!!!
وما تقولى لى انت رجعى .....!!

ثانياً ...
انا شاكى الطاقيه اللابساها وما دايره تمرقيها دى ... تحتها صلعه ....!!
الرجاء توضيح ذلك ما امكن .... لو فى طريقه تملصيها لمدة يوم واحد لو امكن ...

ثالثاً ....
رايك شنو وبصراحه تامه ....
فى مجتمع المنتدى وخصوصاً النفاج ....
ولو فى اى مضايقه قبل كده حصلت ليك ممكن تحكيها ....

رابعاً ....
احكى لينا قصة البوست الاستفزازى ... بتاع ( قال مدنى قال ) ....
وما دار من نقاشات خلف الكواليس وامامها ....!!

عاينى ....
وحات الله مافى زول محرشنى ....

[بحيرى]

:cool:

اها بمناسبة الارشيف انا كمان رفض يفتح معاي بديني
Unknown error!

لو في حد يساعدنا يكون ما قصر


والله المساعده من شيمنا ....
ونحن ناس شهامه ومروه .... وبنغيث المحتاج وكده ....
علا ... حكاية unknown error والله اطرشنا .... ماسمعنا بيها ...
قايتو اكان قاصده مشكله فنيه .... شوفى معتز الريح ...
وكان حاجه تانيه .... شوفى الشيخ ودالمطامير ... الحقنا وافزعنا ...!!!

[المسافر]

يا سلام ياخ
المرة دي جايبين زول من الثقافي
وكمان مشرف
وكمان برضو ( مزّة )

ياخ دي نتناقش معاهو كيف ؟
عَلَى الْعُمُوْم يِا بِت أُم دُرْمَان
لَو سَمَحْتِي يَعْنِي وَبِدُوْن تَكْلِيْف وَلَو فَاضِيَة كِدَه
وَبِدُوْن إِحْرَاج عَايِز أَسْأَلُك كَم سُؤَال كِدَه
وَلَو مَاعَايزَّانِي أَسْأَلُك عَادَي جِدّا بَس أَهُم
شَيْء تَكُوْن رَاضِيَة وَمَا حَاسَّة بِأَي حَرَج .
فِي الْخِتَام أَنَا مُتَأَسِّف شَدِيْد كُوْنِي رَدَّيْت لِيَك
فِي البِوَست الْخَاص فِيْك وَلَو عَايزَّانِي أَمْسَح
الَكَتَبْتو دَه بَرْضُو عَادِي بِمَسَحْو طَوَّالِي ، وَبِرَضَو
آَسَف عَشَان جِيّت الْمَكَان دَه أَصْلَا ، وَلَو عَايزَّانِي
مَا أَجِي عَادِي طَوَّالِي بِقِطْع وَشْي يَعْنِي .
وَلَو سَمَحْتِي مُمْكِن أُهْدِيْك ( وَرْدَة )
وَلَو مَا عَايزَاهَا عَادِي بِرَمْيِهَا فِي الْكَوْشَة عَادَي جِدّا .

[أحمد عمر ( MOODY )]

يا سلام ياخ
المرة دي جايبين زول من الثقافي
وكمان مشرف
وكمان برضو ( مزّة )

ياخ دي نتناقش معاهو كيف ؟
عَلَى الْعُمُوْم يِا بِت أُم دُرْمَان
لَو سَمَحْتِي يَعْنِي وَبِدُوْن تَكْلِيْف وَلَو فَاضِيَة كِدَه
وَبِدُوْن إِحْرَاج عَايِز أَسْأَلُك كَم سُؤَال كِدَه
وَلَو مَاعَايزَّانِي أَسْأَلُك عَادَي جِدّا بَس أَهُم
شَيْء تَكُوْن رَاضِيَة وَمَا حَاسَّة بِأَي حَرَج .
فِي الْخِتَام أَنَا مُتَأَسِّف شَدِيْد كُوْنِي رَدَّيْت لِيَك
فِي البِوَست الْخَاص فِيْك وَلَو عَايزَّانِي أَمْسَح
الَكَتَبْتو دَه بَرْضُو عَادِي بِمَسَحْو طَوَّالِي ، وَبِرَضَو
آَسَف عَشَان جِيّت الْمَكَان دَه أَصْلَا ، وَلَو عَايزَّانِي
مَا أَجِي عَادِي طَوَّالِي بِقِطْع وَشْي يَعْنِي .
وَلَو سَمَحْتِي مُمْكِن أُهْدِيْك ( وَرْدَة )
وَلَو مَا عَايزَاهَا عَادِي بِرَمْيِهَا فِي الْكَوْشَة عَادَي جِدّا .




إنتَ يا زول كنت شغّال برَّة في الشمس

[نزار احمد كوارتي]

إنتَ يا زول كنت شغّال برَّة في الشمس



يا ود زِح بعيد دي لُغة مُشرفين كبيره عليك

[أحمد عمر ( MOODY )]

يا ود زِح بعيد دي لُغة مُشرفين كبيره عليك



و إنت شِنّ عرّفك .. مساعد ياي

[بنت الرفاعي]

:rolleyes:
أهلاً أهلاً بعزيزتنا بت أمدرمان.:)



جزيل الشُكر لكِ عزيزتي مايسة.:)



:):):)

[مايسة]

و إنت شِنّ عرّفك .. مساعد ياي


وانت سواق لوري كنت

[بت أم درمان]

نقطة نظام .. يا شباب

عليكم الله .. تاني البقعد في الككر ده
لمّان يقوم .. ينضفو

معليش بس قولت يمكن الناس دي بتتأخر عشان كدي
موش الطيارة السودانية مرّات بتتأخر عشان بنضِّفو فيها

:p :p :p :p :p

غايتو انا لمان جيت لقيتو نضيف
ما لقيت شي

ولا بس انت داير تجيب سيرة الطيارة السودانية وخلاص :rolleyes:

وعلى فكرة الطيارة السودانية لمان تتأخر ما عشان بنظفو فيها
بس لانهم ما بكون عندهم حق البنزين حق الرجعة :)

[مايسة]

يا سلام ياخ
المرة دي جايبين زول من الثقافي
وكمان مشرف
وكمان برضو ( مزّة )

ياخ دي نتناقش معاهو كيف ؟
عَلَى الْعُمُوْم يِا بِت أُم دُرْمَان
لَو سَمَحْتِي يَعْنِي وَبِدُوْن تَكْلِيْف وَلَو فَاضِيَة كِدَه
وَبِدُوْن إِحْرَاج عَايِز أَسْأَلُك كَم سُؤَال كِدَه
وَلَو مَاعَايزَّانِي أَسْأَلُك عَادَي جِدّا بَس أَهُم
شَيْء تَكُوْن رَاضِيَة وَمَا حَاسَّة بِأَي حَرَج .
فِي الْخِتَام أَنَا مُتَأَسِّف شَدِيْد كُوْنِي رَدَّيْت لِيَك
فِي البِوَست الْخَاص فِيْك وَلَو عَايزَّانِي أَمْسَح
الَكَتَبْتو دَه بَرْضُو عَادِي بِمَسَحْو طَوَّالِي ، وَبِرَضَو
آَسَف عَشَان جِيّت الْمَكَان دَه أَصْلَا ، وَلَو عَايزَّانِي
مَا أَجِي عَادِي طَوَّالِي بِقِطْع وَشْي يَعْنِي .
وَلَو سَمَحْتِي مُمْكِن أُهْدِيْك ( وَرْدَة )
وَلَو مَا عَايزَاهَا عَادِي بِرَمْيِهَا فِي الْكَوْشَة عَادَي جِدّا .



دا إسمو شنو هسه دا
بت ام درمان قول ليهو ورينا عرض كتافك

[بت أم درمان]

يا شعبا نفاجيا
اسمحو لي بث أحمسكم معاي شوية
لان انا من صحيت لقيت ليكم نفسي متحمسة
وبردد لي في حاجة حماسية
ويا سلام عليك يا وردي

يا شعباً لهبك ثوريتك
تلقى مرادك والفى نيتك
وعمق احساسك بى حريتك
يبقى ملامح فى ذريتك
على اجنحة الفجر ترفرف
فوق أعلامك
ومن بينات اكمامك
تطلع شمس أعراسك
ماكَ هوين سهل قيادك
سّيد نفسك
مين أسيادك
ديل أولادك
وديل أمجادك
ونيلك
هيلك
جرا قدامك
تحت اقدامك
رجع صداك وسجع نحاسك
وانت نسيج الفدا هندامك
وانت نشيد الصبح كلامك
وعطر أنفاسك
أرفع صوتك
هيبه وجبره
خلى نشيدك عالي النبره
خلى جراح أولادك
تبرا
كبروا مكان الضحكه العبره
إلاّ يقينهم فيك اتماسك
يا الإصرارك
سطراً سطراً
مَلا كراسك

يا شعباً لهبك ثوريتك

[بت أم درمان]

غايتو يا ناس البحيرية ؟ تجي شنو ؟ وما تجي شنو .. كان جاء ما تجي سااااي زول سالك مافي
تعال لي يا الحنان تعال لي يا البنان تعالي وتعالي وما تشمت الناس عّلى . يا قسيم ريدي تعالي ..
زمان لمن قنا ( سرابيت يا بحيري ) احمد عدوية عندو غنية بقول فيها .... تجي تعالي تجي تجي
يا هوي ندرس الفصاحة ونشوف الحب ده عسلي سكر ولا شطة .. غايتو يا بتنا حا تشوفي جنس كتاب
الله يعنيك ويصبرك ويقويك لناس بحيري ومودي وناس السلاووووووووووم عليكم ديل ههههههههه


هههههههه
يا حراااام
الزول دا حالته مستعصية شوية كدا
ما تآخذوهو :)

ربنا اعينني ويثبتني
ويا مثبت القلوب ثتبت قلوبنا على دينك

[بت أم درمان]

الجنس الخشن

براحة شوية على الناعمة دي -

البت خلعتوها خلعة - غايتو دايما فاضحننا مع الأجانب

لالالا ما تقولي كدا
عشان ما اخاف جدجد :(

ولا يهمك ياختي
انا لهااااا
وانا بهاااا
تسلمي كتير على الدعم المعنوي

[بت أم درمان]

صباحك خير

اها يا بت أم درمان -

نبدأ بسم الله

السيرة الذاتية مفصلة - وما تشفريها زي أم رغد - :p

حااااضر
من العين دي قبال العين دي
اجيبها ليك مفصلة تفصيل مفصل

مش قلت ليك أبحث عن عمل ؟ :cool:

[بت أم درمان]

سعديه

اشهر واحده فى شله عصابه مرمطه البوستات فى زمن كان جميل

لا حولااااا ولاااا قواااااة الااااا بالله
دي اشانة سمعة عديـــــل يا ابو مزن ياخي
حسي الناس ديل اصدقو
وانا زولة هادئة ومسكينة
وما بعرف انفجن المواضيع بتاتا البتة

لكن بيني وبينك
الزمن داك كان حلو حلا
وما اعتقد يرجع تاني
زي زمن الطفولة الجميلة


سعديه شكلها مابتعرف الاتجاهات لذلك اى بوست هادف بابنس بنزين بيصبح هاتف وفى راويه اخرى
حته للضحكه الحلوه والقراقرااااااااابه .. لكن بكون عندها افرغ من مضمونه .. واقرب رشكه يمشى محل مافكر فيه


ههههههههههههه
قصدك انا زولة ما جادة ابدن مش؟ :(
عموا شكرن
ودي شهادة انا اعتز بها من اخ عزيز جدا :cool:



*****

تحيه نديه لناس النفاج اسياد القعده الحلوه طولنا منكم يعلم الله مشتاقين

والفكره جميله فكره الككر .. بتذكرنى حصه تاريخ زمان ..

ونحن والله اسعد ايما سعادة بعودتك

لكن تصدق انا الككر بذكرني خالتي :)
ما عارفة ليه

[بت أم درمان]

لكن أم رغد ما شفّرتها

أم رغد عملت ليها
Block



http://i51.tinypic.com/2ilze9v.gif

انا كمان بفكر اعمل مثلما عملت الاخت الكريمة ام رغد
بس انا ممكن اضيف ديليت
دي فكرة بث يعني

[بت أم درمان]

يلّلا .. عايني
أنا مرّات مرّات .. ببقى عيِّل
و برجع في كلامي

http://i55.tinypic.com/28hztdw.gif

و بالمناسبة دي .. بعد البُتاغة الشخسية
أحكي لينا عن طفولتك

على فكرة
الرجوع في الكلام يحتاج لشجاعة
وبما انك معترف والاعتراف بالذنب فضيلة
فأنا احيي فيك هذه الخصلة يا أخ عيِّل مرات مرات :cool:

وبالنسشبة لي طفولتي
يعني انا الحصل السنة الفاتت ما بذكرو :rolleyes:
اجي اذكر حاجات حصلت من عشرطاشر سنة فاتو :o
غايتو بحاول بحاااااول اذكر

لكن عندي سوؤال
دايرني احكي ليكم
من عمر كم كدا
لي عمر كم كدا

[أحمد عمر ( MOODY )]

لكن معقول .. إنتو الفي الككر ده منو .. ؟؟















بت أم درمان .. ولّلا ميسّي
ملك المحاورة و الزوغان

[ريمون]

مرحب حباب ناس الككر الجداد ..
بنسلم بس ومستنينك تردي علي الاسئله الفاتت اول وتاني بنجيك ..

[عاطف عولي]

بما أنك يا بت أم أم در كنتي شريكة مايسة في المطعم وكنتي 24 ساعة فيه وما بتمرقي كلوا كلوا الحاصل شنو سبب الأختلاف وفض الشراكة ومنوا الرفد منو؟ وسمعنا من تحت لي تحت كدي قالوا عواسة كسرة درجة أولي الكلام دا صحي . اها وكمان بتعرفي تكوجني العجيني وتعوسي الآبري لانو رمضان علي الأبواب

[بت أم درمان]

شفتي اهي جيتك تاني اديك سيرتي الذاتية الما عرفها زول قبل كدا
وحـ أحاول اتحرى فيها الصدق قدر الإمكان
وكمان حـ أحاول أنتبه للأخطاء الإملائية
عشان المصحح الغلطاوي ما تتعب معاي
وعشان ميدو مشاكل ما يجي اقول ميسي والحركات دي






نبدأ بسم الله

السيرة الذاتية مفصلة - :p

الإسم : عبير ...

الحالة الإجتماعية : متزوجة

الجنسية : سودانية مية في المية ابا عن جد و أما عن جدة

تاريخ ومكان الميلاد : يا جماعة عاوزنه بالميلادي ولا الهجري لانه بفرق طبعا

السجل التعليمي والمؤهلات العلمية : من الاقدم للأحدث / خريجة جامعة باحدى الدول العربية - ليسانس قانون - عاملة المعادلة وكنت طمعانة اشتغل في وزارة الخارجية لان كنت طمعانة كمان الالتحاق بالسلك الدبلوماسي - لاني كنت طمعانة برررررضو ابقى سفيرة وكدا
بس ربنا دا كووولووو ما ارادو
عاملة كورسات إييييييييييييييك اعد ليكم ولا بلاش

الخبرات العملية : طبعا اشتغلت في حتت كتيرة خلاص بس طمعانة في الافضل اختكم طماعة شوية معليش يعني
اشتغلت في شركة سفر وسياحة لمد ثلاثة سنوات وطبعا كان عملي فيها من امتع واجمل ما يكون ما يكون واعترف انها كانت مرحلة جميلة جدا في حياتي طبعا ما في السودان الكلام دا
بعدها انتقلت للسعودية بعد الزواج وبعد وصولي بي 4 شهور ربنا وفقني واشتغلت في شركة سيارات اسمها السيف بقسم خدمة العملاء طبعا كانت الشركة وكيل لسيارات انجليزية جاكوار ورنج روفر ولاندروفر ودي تعتبر اغلى سيارات في المملكة الغتيتين شالو منهم الوكالة ادوها لي الناغي بتاعين البي ام دليو يعني في داعي ماهم اساسا عندهم وكالة سيارات المانية بس عشان ضررنا واذا نحن غايتو ضرارة كيف البشرية دي
حاليا شغالة مشرفة القسم النسائي للديكور في شركة هندسة ومقاولات
وبفكر اخليهم يعني البلقى لي بديل بديهو نص الراتب وما تعتبرو دي رشوة لالا بالعكس دي مكافأة على التعب وكدا

المهارات : في الكمبيوتر بروفيشنل - اللغة العربية ممتازة - اللغة الانجليزية جيدة - اللغة الايطالية وسط - اللهجات العربية مثل المصرية والسورية والسعودية والسودانية كمان

الهوايات : زماااااان لمن كنت في المدرسة كانت هوايتي لعب الجمباز لما وصلت الثانوي غيرت لي تنس الطاولة ولحد الان احبها - اما الان هواياتي متعددة منها على سبيل المثال لا الحصر السباحة
كمان مدمنة قراءة قصص بوليسية وخصوصا للكاتبة أجاثا كريستي امووووت فيها

أهدافي : أحب العمل والحركة وأكره الخمول والملل لذلك سقف طموحي ليس له حدود تحده احب الوصول الى القمة و دائما احب التطور في المجالين العلمي والعملي وربنا يوفقني قولو امين

دايرنها بالانجليزي كمان
لمن لا يتحدثون العربية بقصد

اووووف

تخيلو اشتغل شوية واجي اكتب شوية

[بت أم درمان]

مرحب حباب ناس الككر الجداد ..
بنسلم بس ومستنينك تردي علي الاسئله الفاتت اول وتاني بنجيك ..

اهلا مرحبا بك انتِ كمان
الله يسلمك الله يبارك فيك الله يسلمك
بانتظار جيتك
ما تتأخري

[بت أم درمان]

فرحانة بيك كل النجوم لانام بريقا ولا انطفا... اهلا وسهلا بت امدرمان والله رايداك لله في لله من كتاباتك وانشالله تقضي اجمل اللحظات بين اخوانك واخواتك.لكن الله اعلم لانو شكلهم ناويين ليك نية صعبة غايتو ربنا يطلعك باقل الخسائر.

ربنا يسعد اايامك وايام سارة ويفرحك بيها
امين

والريدة متبادلة يعلم الله
تسلمي
وانا اكيد بقضي اجمل الاوقات واطيبها برفقتكم
وجد مبسوطة بالجلسة الجميلة دي
وما تخافي علي انا قدها وقدود

[بت أم درمان]

ههههههههههههههههه
انا ما كلمتك . والله أنا غلطان شديد وعيب علّى شديد ومتلوم شديد . والجديد شديد ؟؟
أها الكلام ما كلمتك بيهو . اتخيلي واصوري .. قبل ما أكلمك كدي أشرحي لي ما لامي
كدا التانية الأولي عرفناها ... بعدين نرجع للتصورات والخيالات ......... سمح

طيب بشرحهم ليك الاتنين
ما لامي الاولى : يعني ما لامي في الحرامي
ما لامي التانية : ما لامي في الشالو منك
بالمختصر اخليك مجهجه كدا بث :cool:

[بت أم درمان]

والله ..... والله ....

كدى النشاور امى واجى ....

اها شاورتها ؟
وقالت ليك شنو ؟


هوووى ..... ما داير معاك ريالات ولا شتين ....

ثمح وفرت زاتو ;)

الكركر بث ....

دا ببقا للكركدي شنو :rolleyes:


انتى قايلانى بتغش ليك ولا بتغش ليك ...

عارفاك نجيض وفالح :cool:
اها


وعندى ليك سعالين حارات ... نظام تسخينه وكده ... ولزوم رفع سعر الرشوه ....

ما قلت ما عاوز غايتو جنس رجوع في الكلامات
وبعد رجعت خلاص مااافي ليك



اولاً ....
انت وكت بت امدرمان ..... الدخلك المنتدى ده شنو ....؟

هههههههههه
تصدق السوؤال دا سأله لي واحد سغيل زمااااان لمن كنت لسه جديدة في المنتدى
وانا حاليا كدا ما متزكرة منو هو :(
وانا طبعا ما متزكرة جاوبته ولا لأ
طبعا انا زمان كنت لئيمة وقطيمة ما حسي انا بقيت مسكينة :o
ما كنت دايرة اهرشم بث :cool:

نرجع للسوؤال
انا زوجي من الجزيرة
احدى قراها يعني
ودي قريبة شديد من مدني
وانا تبعه ياخي
فاهمني مش ؟
كدي اجي زول اقول بت حلال :mad:
عشان اكورك فيهو واقول ليهو
بكل ادب واحترام
ابدا والله انا من ام درمان
ابا عن ام عن جد عن جدة


انتى ما عارفانا عندنا حساسيه مع الخرطوم ولا شنو .....!!!

ابدا والله ما عارفة
ولا في زول كلمني
وبعدين اقول ليك كلام
انا مالي ومال الخرطوم :p
شايفني بت الخرطوم :p;)

وما تقولى لى انت رجعى .....!!

بقوووووول
انت رجعي :o



ثانياً ...
انا شاكى الطاقيه اللابساها وما دايره تمرقيها دى ... تحتها صلعه ....!!

والشعر المنسدل ومغتي العيون دا ما شايفه ولا ما شايفه يعني

الرجاء توضيح ذلك ما امكن .... لو فى طريقه تملصيها لمدة يوم واحد لو امكن ...

لا ابيت ما بقدر املصها والله
معليش



ثالثاً ....
رايك شنو وبصراحه تامه ....
فى مجتمع المنتدى وخصوصاً النفاج ....

طبعا وبما انك حلفتني
ناس المنتدى احلا ناس
وناس النفاج احلا لمة
واحلا اصحاب
واتمن تدوم المحبة الاخاء والتواصل
وربنا اديكم العافية كلكم
ويخليكم


ولو فى اى مضايقه قبل كده حصلت ليك ممكن تحكيها ....

ابدا ما حصلت لي مضايقات تذكر



رابعاً ....
احكى لينا قصة البوست الاستفزازى ... بتاع ( قال مدنى قال ) ....
وما دار من نقاشات خلف الكواليس وامامها ....!!

ما متزكرة البوست دا
تبعا لان ذاكرتي ضعيفة جدا
لكن اذا هو نفسه اللي زعلت فيه من الاميرة ؟
فخليني أؤكد ليك
خلف الكواليس ما حصل اي شي
والحصل داخله انت عارفه



عاينى ....

وحات الله مافى زول محرشنى ....



ما تحلف لأني ما ح أصدقك:rolleyes:
لان المثل داك بقول
قالو للحرامي احلف قال بت ام در حا تصدقني ;)

وكتر خيرك كتير على السوؤالات :)

[بت أم درمان]

يا سلام ياخ
المرة دي جايبين زول من الثقافي

تخيل ! :)

وكمان مشرف

وطلعنا قرايب كمان
:cool:


وكمان برضو ( مزّة )

الكلمة دي اصلي ما بريدها :mad:

ياخ دي نتناقش معاهو كيف ؟

بأبسط الأساليب المتاحة
لاني إنسانة بسيطة جدا
يسهل التعامل معاها


عَلَى الْعُمُوْم يِا بِت أُم دُرْمَان
لَو سَمَحْتِي يَعْنِي وَبِدُوْن تَكْلِيْف وَلَو فَاضِيَة كِدَه

ومالك خايف كدا انت يا زول
هو سوؤال ولا انتحار
انا فاضية حاليا
ومافي اي تكليف
نحن اخوان ياخي :)

وَبِدُوْن إِحْرَاج عَايِز أَسْأَلُك كَم سُؤَال كِدَه

مافي ايتها احراج قلنا ليك :mad:

وَلَو مَاعَايزَّانِي أَسْأَلُك عَادَي جِدّا بَس أَهُم
شَيْء تَكُوْن رَاضِيَة وَمَا حَاسَّة بِأَي حَرَج .

اللـــــهم طولك يا رووووح


فِي الْخِتَام أَنَا مُتَأَسِّف شَدِيْد كُوْنِي رَدَّيْت لِيَك
فِي البِوَست الْخَاص فيك

ما دام الأسف
لكن بتتأسف مالك انت حسي


وَلَو عَايزَّانِي أَمْسَح
الَكَتَبْتو دَه بَرْضُو عَادِي بِمَسَحْو طَوَّالِي ،

لا ياخ ما تمسح
مالك انت حسي زعلان كدا ياخ
روووووق


وَبِرَضَو
آَسَف عَشَان جِيّت الْمَكَان دَه أَصْلَا ،

ههههههههههههه
خلاص اسفك مقبول يا اللخو
بس هدئ اعصابك




وَلَو عَايزَّانِي
مَا أَجِي عَادِي طَوَّالِي بِقِطْع وَشْي يَعْنِي .

اقول ليك كلام
اي اقطعو :mad:
ومايسة وصتني اقول ليك
قوم ورينا عرض اكتافك :rolleyes:

امكن دايرة تاخد مقاسك دايرة تفصل ليك بدلة ولا حاجة

وَلَو سَمَحْتِي مُمْكِن أُهْدِيْك ( وَرْدَة )

ممكن جدا
بس على شرط
تكون جورية لونها ابيض

وَلَو مَا عَايزَاهَا عَادِي بِرَمْيِهَا فِي الْكَوْشَة عَادَي جِدّا .


منو العوض وعليه العوض
الزول دا اعصابه منتهية
خالص خالص

لكن قبل ترمي الوردة
وريني عاوز ترميها في ياتو كوشة
لان كوشة من كوشة بتفرق :cool:

[بت أم درمان]

:rolleyes:
أهلاً أهلاً بعزيزتنا بت أمدرمان.:)



جزيل الشُكر لكِ عزيزتي مايسة.:)



:):):)





اهلين فيك ومرحبتين مرومة

[بت أم درمان]

بما أنك يا بت أم أم در كنتي شريكة مايسة في المطعم وكنتي 24 ساعة فيه وما بتمرقي كلوا كلوا الحاصل شنو سبب الأختلاف وفض الشراكة ومنوا الرفد منو؟ وسمعنا من تحت لي تحت كدي قالوا عواسة كسرة درجة أولي الكلام دا صحي . اها وكمان بتعرفي تكوجني العجيني وتعوسي الآبري لانو رمضان علي الأبواب

منو عاطف عولي
والله ما مصدقة عيوني
معقولة يا زول الغيبة دي
عموما منور والله

طبعا انا المطعم كان واخد كووول وقتي
ما كنت قادرة اباشر اعمالي الاخرى :)
طبعا ما حصل اي خلاف ولا فض شراكة ولا رفد
دا على ما اذكر يعني
بس كووول الحصل ان غيرت النشاط التجاري :cool:
واتجهت الى الثقافي زي ما انت شايف :o

غايتو
النبي من منو سمعت منو كلمك قال ليك انا عواسة
ايون صح بعوس جنس عواسة

ايون كمان بعرف اكوجن العجين كوجان
وبعرف كمان ازرع وبعد يتزرع وينشف
بوديهو ادققو كمان
شفت كيف

لكن الابري الابيض ولا بحبه ولا بعوسه

ورمضان كريم
وكل سنة والجميع بخير

وشكرا لطلتك علينا

[بت أم درمان]

مرحب حباب ناس الككر الجداد ..
بنسلم بس ومستنينك تردي علي الاسئله الفاتت اول وتاني بنجيك ..

هلابك ريمون
تسلمي وتسلم طلتك
يلا متظراك حبيبة

[بت أم درمان]

نشكر كل من زارنا
وايضا كل من لم تتح له الفرصة لزيارتنا
وكل من طل علينا برا برا
وكل من تابعنا من خلف الكواليس
كانت فرصة حلوة وسعيدة
بكم ومعكم

يلا شوفو البعدي

وعشان ما اجي فلان اقول نظفو وما نظفتو
اهو قشيت ورشيت
باقي البخور بث

وتحياتي للجميع

[عبدالرحمن مدثر]

سعديه

وفيتى وكفيتى .. بدون تشفير .. وضحتى شكل الصوره الكانت زمان فاقده الاطار

لكن انتى كنتى بتدفعى تعويض اطار .. بدهشه حضورك (عندنا سخانه عشان كدا لامفر من كسيرتلج)

لكن كدى عاينى لى هنا ... بت ام درمان .. ومنتدى مدنى.. وخريجه جامعه عربيه

فته احساس مدنكله

تعالى قطعى عيشها هنا

[أحمد عمر ( MOODY )]

نشكر كل من زارنا
وايضا كل من لم تتح له الفرصة لزيارتنا
وكل من طل علينا برا برا
وكل من تابعنا من خلف الكواليس
كانت فرصة حلوة وسعيدة
بكم ومعكم

يلا شوفو البعدي

وعشان ما اجي فلان اقول نظفو وما نظفتو
اهو قشيت ورشيت
باقي البخور بث

وتحياتي للجميع



هَيْ ياااااااااااااااااا .. عاين دي
كدي قولي بسم الله

و سغالتنْ لوجه الله تعالى .. سؤال ذكريات الطفولة داك
أحكي لينا من زمن بتتذكري .. و عشان أساعدك
1- أول يوم ليك في الروضة
2- مادة بتحبيها
3- صديقة و زميلة دراسة
4- مواقف - ختّين تحت مواقف دي - ما بتنسيها في حياتك الدراسية

وإن عُدتم .. عُدنا
و لا نامت أعين الجبناء


تخريمة : خلينا طمّاعين زيِّك كده
ويا ريت لو حكيتي لينا بالإيطالي باللهجة السودانية

[عاطف عولي]

منو عاطف عولي
والله ما مصدقة عيوني

عليك الله تصدقي

معقولة يا زول الغيبة دي

والله الله غالب وما سكني الشديد القوي لكن شدة وتزول

عموما منور والله

منور الككر بي ستو والقاعدة فيهو

طبعا انا المطعم كان واخد كووول وقتي
ما كنت قادرة اباشر اعمالي الاخرى :)
طبعا ما حصل اي خلاف ولا فض شراكة ولا رفد
دا على ما اذكر يعني
بس كووول الحصل ان غيرت النشاط التجاري :cool:
واتجهت الى الثقافي زي ما انت شايف :o

غايتو
النبي من منو سمعت منو كلمك قال ليك انا عواسة

يا خي أصلك ما بتبطلي شمار وتحبي زي نور عيونك وما يفوتك في حب الشمار الا ميدو رد الله غربتها
ايون صح بعوس جنس عواسة

ايون كمان بعرف اكوجن العجين كوجان
وبعرف كمان ازرع وبعد يتزرع وينشف
بوديهو ادققو كمان
شفت كيف

لكن الابري الابيض ولا بحبه ولا بعوسه

ورمضان كريم
وكل سنة والجميع بخير

وشكرا لطلتك علينا

خلاث لمن تعوسي حاجزين حقنا شفتي كيف!!!!!!!!!!!!!!!

[نزار احمد كوارتي]

نشكر كل من زارنا
وايضا كل من لم تتح له الفرصة لزيارتنا
وكل من طل علينا برا برا
وكل من تابعنا من خلف الكواليس
كانت فرصة حلوة وسعيدة
بكم ومعكم

يلا شوفو البعدي

وعشان ما اجي فلان اقول نظفو وما نظفتو
اهو قشيت ورشيت
باقي البخور بث

وتحياتي للجميع



هههههههههههههه

هو قالو ليك بالسهوله دي كده

شكلك ماااااا عندك خبره في ليدو السلم والثعبان

أنا شايف لي ضنب دبيب كده ماااااا ظنيتك تنُطيه بي أخوي وأخوك

وكان علي ضنب دبيبي انا تَاكِل ليك في لفة يوم السبت بالليل

[بنت الرفاعي]

نشكر كل من زارنا
وايضا كل من لم تتح له الفرصة لزيارتنا
وكل من طل علينا برا برا
وكل من تابعنا من خلف الكواليس
كانت فرصة حلوة وسعيدة
بكم ومعكم

يلا شوفو البعدي

وعشان ما اجي فلان اقول نظفو وما نظفتو
اهو قشيت ورشيت
باقي البخور بث

وتحياتي للجميع




لو سمحتِ شُفتيني سألتك علشان تقولي نشوف اللي بعدك؟؟:rolleyes::cool:
خليك جاهزة لو سمحتِ.;)



:):):)

[ابو عبد الرحمن]

أنا عندي 20سؤال مقسمة على أربعة مجموعات . وكل مجموعة عندها رأس سؤال ؟
ورأس السؤال ده قد يكون جوه سؤال . يعني على حسب الاجابة بتاعتك ......... ؟
الآن يا بتنا إلي إسئلة المجموعة الأولي .. على بركة الله نبدأ ونسمي ونستعيذ من الشيطان
1/ بما إنك قلتي تهوي الجنباز والسباحة والتنس ؟ يعني ذلك إنك رشيقة جداً ؟؟؟؟؟؟؟؟؟؟؟
طيب رأيك شنو في العروس السودانية البحبسوها شهرين وتلاتة في مشروع تسمين .
بدل اجيبوا ليك عروس اجيبوا ليك بقرة لابسه زفاف ...؟؟؟ إعتقاداً ان الرجل السوداني
يحب ذلك ..؟ ومن أسي ما تقولي لي الحاجة دي كانت زمان ؟ لا حتي الآن موجودة وبكثرة
2/ التعدد مشروع في الاسلام .؟ لو زوجك الله لا قدر قال داير يزوج رد فعلك شنو ؟؟؟
3/ التعدد بتاع المواهب العندك ما هي أسبابوا ؟ ولمن كنت تلعبي التنس . أيهم احب اليك اللعب
بالفور هاند أم الباك هاند ؟؟؟ ولماذا ؟؟
4/ ما هو مفهومك للنجاح وماهي مقومات النجاح . وأيهما أفضل النجاح المادي أم النجاح التربوي
بمعني ان ينجح الرجل في تربية أبناءه خير تربية . فيكونوا بعدها اناس لهم دورهم في المجتمع ...
5/ أمنية لم تتحقق ؟؟ وأخري تحققت ولكنها ناقصة ؟ ..

همســــــــــــــــــــــــــــــــة مسائية دي المجموعة الأولي من بقية الثالثة مجموعات الباقية .. بعد تخلصي من ديل نجي للبعدهم ..سمح .

[بنت الرفاعي]

عندي إحساس يا صاحبتي بأني حأتنازل عن سؤالك،
نسبة لما رأيته من بداية أسئلة أخينا أبو عبد الرحمن:rolleyes:
(أقرأ وأستمتع بس مع شوية حنّية عليك;))

:):):)

[بت أم درمان]

عندي إحساس يا صاحبتي بأني حأتنازل عن سؤالك،
نسبة لما رأيته من بداية أسئلة أخينا أبو عبد الرحمن:rolleyes:
(أقرأ وأستمتع بس مع شوية حنّية عليك;))

:):):)









اصلك حنينة ما جديد عليك :)
تسلمي لي حبيبة

[بت أم درمان]

لو سمحتِ شُفتيني سألتك علشان تقولي نشوف اللي بعدك؟؟:rolleyes::cool:
خليك جاهزة لو سمحتِ.;)



:):):)






ما انا قلت كدا
باعتبار ان الجلوس بالكركر تلاتة ايام فقط
وانتهت مدتي المقررة
لذك ودعتكم :o

[بت أم درمان]

هههههههههههههه

هو قالو ليك بالسهوله دي كده

شكلك ماااااا عندك خبره في ليدو السلم والثعبان

أنا شايف لي ضنب دبيب كده ماااااا ظنيتك تنُطيه بي أخوي وأخوك

وكان علي ضنب دبيبي انا تَاكِل ليك في لفة يوم السبت بالليل

مالك مصعبها ياخي وهي ساهلة وشديد كمان

سبت شنو
دااااااااك ؟
البعد كم يوم داااااااك ؟

ما ممكن لكن لازم ندي فرصة لي غيرنا
ولا شنو

[بت أم درمان]

خلاث لمن تعوسي حاجزين حقنا شفتي كيف!!!!!!!!!!!!!!!

حاااااضرة
من العين دي قبال العين دي
اول طرقتين بي اسمك
تمام كدا ؟

[بت أم درمان]

هَيْ ياااااااااااااااااا .. عاين دي
كدي قولي بسم الله

بسم الله
مالكم اي زول اجي
اقول لي قولي بسم الله
عقدتوني :):(

و سغالتنْ لوجه الله تعالى .. سؤال ذكريات الطفولة داك
أحكي لينا من زمن بتتذكري .. و عشان أساعدك

يعني كدا ساعدتني
ثمح

1- أول يوم ليك في الروضة

داير تضحك وتضحكم فيني صح ؟

غايتو البتذكره من اليوم داك
اني وداني ابوي ( الله يرحمه )
بما ان كنت دلوعته يعني
وكنت مكنكشة في يده حلفت ما افكه
زي الموديني وتاني ما حا ارجع البيت
وانا ابكي والمرا تسكت فيني ( ماما عزيزة )
كانت مصرية طبعا
غايتولمن قبلت ليهم ودخلت كان اليوم قرب اخلص
وطبعا ابوي ما مشا قعد معاي
لمن رجعنا
عذبته
الله يسامحني بث

2- مادة بتحبيها

المواد الكنت بحبهم كتار
يعني كل مرة كنت بحب مادة غير
مثلن
الكيمياء
الاحياء
التاريخ
الجغرافيا
تناقض صح؟



3- صديقة و زميلة دراسة

اذا قلت ليك عندي صديقة من ايام الطفولة
ولحد الان بتصدق؟
مولودين في نفس الحي
وبيناننا 17 يوم بث
امهاتنا صحبات
وانا وهي اتربينا مع بعض
وكبرنا مع بعض
ولعبنا
بس ما درسنا سوا
عموما كنا بنتلاقى كل اجازة
هي اتزوجت وجات السعودية
وانا لحقتها بعد سنة
واتزوجت وجيت السعودية كمان
وساكنين قريب لي بعض
وبنتلاقى على طول
يعني حياتنا عبارة عن قصة
ربنا يخليها لي
ويخلي ليها اولادها ويفرحها بيهم
امين

اما زميلات الدراسة دي حاجة تانية
في زميلات من ايام سنة اولى لحد الان بذكرهم
وبقابلهم بالصدفة الغريبة والبحتة

[/COLOR][/COLOR][/SIZE]


راااااجعة اكمل
ما تقول هربت :cool:

[عاطف عولي]

شفتي اهي جيتك تاني اديك سيرتي الذاتية الما عرفها زول قبل كدا
وحـ أحاول اتحرى فيها الصدق قدر الإمكان
وكمان حـ أحاول أنتبه للأخطاء الإملائية
عشان المصحح الغلطاوي ما تتعب معاي
وعشان ميدو مشاكل ما يجي اقول ميسي والحركات دي




الإسم : عبير ...




لكن سمعنا تحت تحت قالوا أسمك تاني يكون عبير دي الأسم الحركي ولا شنو؟

[عاطف عولي]

حاااااضرة
من العين دي قبال العين دي
اول طرقتين بي اسمك
تمام كدا ؟


تسلمي يا الغالية وبالله رسليهم لي في الدمام بالدي اتش ال

[أحمد عمر ( MOODY )]

هههههههههههههه

هو قالو ليك بالسهوله دي كده

شكلك ماااااا عندك خبره في ليدو السلم والثعبان

أنا شايف لي ضنب دبيب كده ماااااا ظنيتك تنُطيه بي أخوي وأخوك
وكان علي ضنب دبيبي انا تَاكِل ليك في لفة يوم السبت بالليل




و عاين ده .. كمان
إنتو ليدو السلم والثعبان ده
بتلعبوهو بالقَلَبَة ولّلا شنو .. ؟

[أحمد عمر ( MOODY )]

ما انا قلت كدا
باعتبار ان الجلوس بالكركر تلاتة ايام فقط
وانتهت مدتي المقررة
لذك ودعتكم :o


أول حاجة .. أكتب عندك
تزوير في أوراق رسمية


مالك مصعبها ياخي وهي ساهلة وشديد كمان

سبت شنو
دااااااااك ؟
البعد كم يوم داااااااك ؟

ما ممكن لكن لازم ندي فرصة لي غيرنا
ولا شنو


لا .. سبت دودو
يعني حياتك كُلّها الطمع كاتلك

هسه خلاث بقيتي كريمة
و عاوزة تدِّي فرصة لي غيرك


بالمناسبة دي .. فتّة أبو مُزن
رُشي لينا فيها زيت سمسم وارد إيطاليا

باقي الإيطالي ده عامل لي عُقدة
و مُكرِّهي في ليبيا ذاتو

[ود المطامير]

بت أم در
أنا كنت مافى وجيت هسى
بقرا الفاتنى جيت وبعد داك نولع النيران

[نزار احمد كوارتي]

أنا عندي 20سؤال مقسمة على أربعة مجموعات . وكل مجموعة عندها رأس سؤال ؟
ورأس السؤال ده قد يكون جوه سؤال . يعني على حسب الاجابة بتاعتك ......... ؟
الآن يا بتنا إلي إسئلة المجموعة الأولي .. على بركة الله نبدأ ونسمي ونستعيذ من الشيطان
1/ بما إنك قلتي تهوي الجنباز والسباحة والتنس ؟ يعني ذلك إنك رشيقة جداً ؟؟؟؟؟؟؟؟؟؟؟
طيب رأيك شنو في العروس السودانية البحبسوها شهرين وتلاتة في مشروع تسمين .
بدل اجيبوا ليك عروس اجيبوا ليك بقرة لابسه زفاف ...؟؟؟ إعتقاداً ان الرجل السوداني
يحب ذلك ..؟ ومن أسي ما تقولي لي الحاجة دي كانت زمان ؟ لا حتي الآن موجودة وبكثرة
2/ التعدد مشروع في الاسلام .؟ لو زوجك الله لا قدر قال داير يزوج رد فعلك شنو ؟؟؟
3/ التعدد بتاع المواهب العندك ما هي أسبابوا ؟ ولمن كنت تلعبي التنس . أيهم احب اليك اللعب
بالفور هاند أم الباك هاند ؟؟؟ ولماذا ؟؟
4/ ما هو مفهومك للنجاح وماهي مقومات النجاح . وأيهما أفضل النجاح المادي أم النجاح التربوي
بمعني ان ينجح الرجل في تربية أبناءه خير تربية . فيكونوا بعدها اناس لهم دورهم في المجتمع ...
5/ أمنية لم تتحقق ؟؟ وأخري تحققت ولكنها ناقصة ؟ ..

همســــــــــــــــــــــــــــــــة مسائية دي المجموعة الأولي من بقية الثالثة مجموعات الباقية .. بعد تخلصي من ديل نجي للبعدهم ..سمح .






أدييييييييييييييييييييلو

[بت أم درمان]

سعديه

وفيتى وكفيتى .. بدون تشفير .. وضحتى شكل الصوره الكانت زمان فاقده الاطار

الحمدلله اني اتوخيت الصدق قدر الامكان
لكن ما عارفة عاطف عولي مالو


لكن انتى كنتى بتدفعى تعويض اطار .. بدهشه حضورك (عندنا سخانه عشان كدا لامفر من كسيرتلج)

تسلم كتير يا ابومزن
نحن كمان مولعة ناااار بس
لكن الليلة جابت هوا كدا غريب
امكن تلجك اثر وبرد علينا :)

لكن كدى عاينى لى هنا ... بت ام درمان .. ومنتدى مدنى.. وخريجه جامعه عربيه

فته احساس مدنكله

تعالى قطعى عيشها هنا

جد جد جد يا ابو مزن ما اتوقعتها منك الزنقة دي
زنقة زنقة
يعني افت الفتة
بس اخاف ما تنهضم ليكم :rolleyes:

طااااااايب
نجي للأولى بت ام درمان
دا طبعا لقب متداول هنا
معظم الناس بقولو لي عبير بت ام درمان
لان في عبير تانية من مدني
وعشان يفرقو بيناتنا
بقولو عبير مدني وعبير ام درمان
دا توضيح بث يعني :)

اما التوضيح التاني منتدى ودمدني
مش وريتكم قبل كدا اسباب انضمامي؟
مالكم نساين انتو

اما الجامعة الاتخرجت منها
والفتة العجيبة
حا افتها ليكم بس اصبر لي شوية
ثمح :)

[بت أم درمان]

4- مواقف - ختّين تحت مواقف دي - ما بتنسيها في حياتك الدراسية

جيت تاني
شفتني كيف انا صادقة

بالنسبة للمواقف
خليني اقول مواقف عموما

بس اول ممكن اديك معلومة سغيرونة
انا طبعا بخاف من تلاتة حاجات في الدنيا دي
الجنوبين - المجانين - الكلاب
وما تقولو لي دا افترا مني ساي زي ما قالت لي هناية مالم الجنوبين
والتلاتة عندي معاهم مواقف
ولو ربنا ما ستر كنت جنيت ولا قلب انقطع منهم

الموقف دا حصل لي زمان كدا
كنا راجعين من المدرسة انا وصحباتي
واذ فجأتن كدا نشوف لك باب بيت مفتوح
وفي خشم الباب في قفص
وجوة القفص في عصفور
العصفور طلع ببغاء
لونو رهيييييب وشكلو حلووووو جميل جمال
والله للأن متذكراهو
نحن وقفنا نعاين للشي الجميل دا
واذا فجأتن نسمع صوت جاي من بعيد
هو هو هو
وفجأتن اسمع البنات المعاي
كل وحدة تقول وااااااااااي وااااااااااااااي
هاهاها
وانا لما سمعتهم وشفتهم جارين
انا زاتي قلت ليكم وااااااااااااااااك واااااااااااااك
وانا اجري والبنات اجرو والكلب اجري ورانا هاهاها
ونلقى ليكم باب بيت مفتوح ندخل ونقفلو ولسه نكورك
طبعا فجأتن اشوف ليك مرا وبناتها واقفين
قدامنا مالكم في شنو انتو منو
المهم سالونا اسالة كتيرة
بعد رقنا وادونا موية
حكينا ليهم الحصل
طبعا عرفنا ان دي ما اول مرة الكلب دا يسك ليهو ناس
وانه جد شرس جدا
وبهرب من البيت هروب
لما يلقى فرصة الباب فاتح

طبعا دي ما اول مرة ولا اخر مرة يسكني كلب
كتييييييير شديد
وخصوصا في ام درمان


الموقف الثاني كان مع مجنون
في ام درمان
كنت الوقت داك في الثانوي
كنا في اجازة
وكان في مجنون على طول بكون قاعد جمب بنك البركة
البعرفو ام درمان اكيد بعرفو البنك دا
المهم المجنون دا جنوبي
وعلى طول ماسك ليهو عصاية طويييييلة وكبيييييرة
الزول دا انا وبت خالتي اول ما يشوفنا اقوم من رقدتو ويسكنا
امشو من هنا
ويقوم داير يدقنا بالعصاية
ونقوم جارين واذا حظنا ما سمح نلقى باب البيت مقفول
يسكنا لمن زول يمسكه
غايتو انا في اللحظة بتاعت السكة دي بفكر كترت افكار شريرة
بقول في بالي حسي اذا لحقنا واداني بي عصايتو دي في راسي
يا كسر لي جمجمتي يا عمل لي ارتجاجا في مخي يا متة يا متة
لكن عموما الخوفة دي براها ما بتكتل ؟
هاهاها
وطبعا ما مرة ولا اتنين بسكنا
ونحن ما بنتوب وعلى طول نجي بالشارع حقو
نحن غلطانين لكن ما بنعترف
كان نخليهو ليهو
لكن امكن كنا بننسى

وإن عُدتم .. عُدنا
و لا نامت أعين الجبناء

دا تهديد ولا تهديد
شكله كدا تهديد مش ؟
قايلني بخاف ولا بخاف
بجي وتاااني بجي



تخريمة : خلينا طمّاعين زيِّك كده
ويا ريت لو حكيتي لينا بالإيطالي باللهجة السودانية

عاين الطمع ما كويس
بقولو ودر ما جمع
وانا قلت بعضا من الايطالية يعني كلما متقاطعة
بث ممكن اقول ليك

بونا سيرا سنيور مودي
كوم فـــا
نو تشيديتيمي
دي نو فـــا
سي كونسينتيتو

وترجم براااااك هههههههههه



قلت ليك مساء الخير سيد مودي
لو سمحت تاني اوعاااااك تجي تسألني
هاهاها

بمزح طبعا
مرحب بيك في اي وقت

[المسافر]

شفتي اهي جيتك تاني اديك سيرتي الذاتية الما عرفها زول قبل كدا
وحـ أحاول اتحرى فيها الصدق قدر الإمكان
وكمان حـ أحاول أنتبه للأخطاء الإملائية
عشان المصحح الغلطاوي ما تتعب معاي
وعشان ميدو مشاكل ما يجي اقول ميسي والحركات دي
الإسم : عبير ...
الحالة الإجتماعية : متزوجة
الجنسية : سودانية مية في المية ابا عن جد و أما عن جدة
تاريخ ومكان الميلاد : يا جماعة عاوزنه بالميلادي ولا الهجري لانه بفرق طبعا
السجل التعليمي والمؤهلات العلمية : من الاقدم للأحدث / خريجة جامعة باحدى الدول العربية - ليسانس قانون - عاملة المعادلة وكنت طمعانة اشتغل في وزارة الخارجية لان كنت طمعانة كمان الالتحاق بالسلك الدبلوماسي - لاني كنت طمعانة برررررضو ابقى سفيرة وكدا
بس ربنا دا كووولووو ما ارادو
عاملة كورسات إييييييييييييييك اعد ليكم ولا بلاش
الخبرات العملية : طبعا اشتغلت في حتت كتيرة خلاص بس طمعانة في الافضل اختكم طماعة شوية معليش يعني
اشتغلت في شركة سفر وسياحة لمد ثلاثة سنوات وطبعا كان عملي فيها من امتع واجمل ما يكون ما يكون واعترف انها كانت مرحلة جميلة جدا في حياتي طبعا ما في السودان الكلام دا
بعدها انتقلت للسعودية بعد الزواج وبعد وصولي بي 4 شهور ربنا وفقني واشتغلت في شركة سيارات اسمها السيف بقسم خدمة العملاء طبعا كانت الشركة وكيل لسيارات انجليزية جاكوار ورنج روفر ولاندروفر ودي تعتبر اغلى سيارات في المملكة الغتيتين شالو منهم الوكالة ادوها لي الناغي بتاعين البي ام دليو يعني في داعي ماهم اساسا عندهم وكالة سيارات المانية بس عشان ضررنا واذا نحن غايتو ضرارة كيف البشرية دي
حاليا شغالة مشرفة القسم النسائي للديكور في شركة هندسة ومقاولات
وبفكر اخليهم يعني البلقى لي بديل بديهو نص الراتب وما تعتبرو دي رشوة لالا بالعكس دي مكافأة على التعب وكدا
المهارات : في الكمبيوتر بروفيشنل - اللغة العربية ممتازة - اللغة الانجليزية جيدة - اللغة الايطالية وسط - اللهجات العربية مثل المصرية والسورية والسعودية والسودانية كمان
الهوايات : زماااااان لمن كنت في المدرسة كانت هوايتي لعب الجمباز لما وصلت الثانوي غيرت لي تنس الطاولة ولحد الان احبها - اما الان هواياتي متعددة منها على سبيل المثال لا الحصر السباحة
كمان مدمنة قراءة قصص بوليسية وخصوصا للكاتبة أجاثا كريستي امووووت فيها
أهدافي : أحب العمل والحركة وأكره الخمول والملل لذلك سقف طموحي ليس له حدود تحده احب الوصول الى القمة و دائما احب التطور في المجالين العلمي والعملي وربنا يوفقني قولو امين
دايرنها بالانجليزي كمان
لمن لا يتحدثون العربية بقصد
اووووف
تخيلو اشتغل شوية واجي اكتب شوية



بت أم درمان
( صفر من عشرة )
قابليني

[بت أم درمان]

بت أم درمان
( صفر من عشرة )
قابليني

اسفة
رسلني للقسم النسائي وانا بعمل انتر فيو هناك

وعلى فكرة نتيجتك غير معترف بها
وانت عارف ليه :rolleyes:

[بت أم درمان]

لكن سمعنا تحت تحت قالوا أسمك تاني يكون عبير دي الأسم الحركي ولا شنو؟

انا عمري ما اتخيلت ان اسمي يكون غير عبير
واذا في حياة تانية وادوني عمر تاني
ما بقبل بغير عبير

لكن وبالجد كدا
تحت تحت ديل
قالو ليك شنو؟
ومنوهم؟
وليه ؟
ومتين؟

[بت أم درمان]

أنا عندي 20سؤال مقسمة على أربعة مجموعات . وكل مجموعة عندها رأس سؤال ؟
ورأس السؤال ده قد يكون جوه سؤال . يعني على حسب الاجابة بتاعتك ......... ؟
الآن يا بتنا إلي إسئلة المجموعة الأولي .. على بركة الله نبدأ ونسمي ونستعيذ من الشيطان
1/ بما إنك قلتي تهوي الجنباز والسباحة والتنس ؟ يعني ذلك إنك رشيقة جداً ؟؟؟؟؟؟؟؟؟؟؟
طيب رأيك شنو في العروس السودانية البحبسوها شهرين وتلاتة في مشروع تسمين .
بدل اجيبوا ليك عروس اجيبوا ليك بقرة لابسه زفاف ...؟؟؟ إعتقاداً ان الرجل السوداني
يحب ذلك ..؟ ومن أسي ما تقولي لي الحاجة دي كانت زمان ؟ لا حتي الآن موجودة وبكثرة
2/ التعدد مشروع في الاسلام .؟ لو زوجك الله لا قدر قال داير يزوج رد فعلك شنو ؟؟؟
3/ التعدد بتاع المواهب العندك ما هي أسبابوا ؟ ولمن كنت تلعبي التنس . أيهم احب اليك اللعب
بالفور هاند أم الباك هاند ؟؟؟ ولماذا ؟؟
4/ ما هو مفهومك للنجاح وماهي مقومات النجاح . وأيهما أفضل النجاح المادي أم النجاح التربوي
بمعني ان ينجح الرجل في تربية أبناءه خير تربية . فيكونوا بعدها اناس لهم دورهم في المجتمع ...
5/ أمنية لم تتحقق ؟؟ وأخري تحققت ولكنها ناقصة ؟ ..

همســــــــــــــــــــــــــــــــة مسائية دي المجموعة الأولي من بقية الثالثة مجموعات الباقية .. بعد تخلصي من ديل نجي للبعدهم ..سمح .

لكن بالطريقة دي خليتني اغير رأي فيك نوهاااائي

طلعت زيهم
وما بتختلف عنهم في شي
لكن بجيك راجعة
وبي رواااااقة
لان اسئلتك عجبتني ;):p

[مايسة]

سلامات يا عبير

طولنا منك ياخ - بس ما بإرادتنا أكيد

اها شايفاك ودعتي الناس وقلتي شكرا - نظام خلاص -
أحب أطمنك على قول نزار الصغير - ما بتعرفي انت لعبة السلم ولا شنو:cool: -

لسى قدامك ليوم غدا الساعة 12 مساءا بتوقيت السعودية :p
عشان بس تكوني خلصتي المصارعة الحُرة وكدا :p
------------
أها النسأل - قبل أبو عبد الرحمن ما يجي ويتفشى فيك باقي الاسئلة
ما قصة إسم عبير الورد - ولماذا قمت بتغيير الاسم
هل هنالك غضاضة في نظرك أن تكتب الفتاة إسمها الحقيقي على المنتديات

اها جاوبي وبنصد تاني ;);)

[بت أم درمان]

أول حاجة .. أكتب عندك
تزوير في أوراق رسمية

اوراق مايسة الككرية مووووش :cool:



لا .. سبت دودو


;););)
:o:o
:cool::cool::cool:

يعني حياتك كُلّها الطمع كاتلك

ابدا والله ما حياتي كووولهاااا بعضا منها
يعني انا كان طماعة كان دا حالي
كر علي انا


هسه خلاث بقيتي كريمة


انا دايما كريمة والله بث انت ما عارفني كويث :(


و عاوزة تدِّي فرصة لي غيرك

اي اي آآثرتهم على نفسي
ودا ان دل انما يدل على طيبتي وكرم اخلاقي :)


بالمناسبة دي .. فتّة أبو مُزن
رُشي لينا فيها زيت سمسم وارد إيطاليا

باقي الإيطالي ده عامل لي عُقدة
و مُكرِّهي في ليبيا ذاتو

وبالمناسبة دي
انا كرهني في ايطاليا زااااتااااااا :rolleyes:

[بت أم درمان]

أنا عندي 20سؤال مقسمة على أربعة مجموعات . وكل مجموعة عندها رأس سؤال ؟
ورأس السؤال ده قد يكون جوه سؤال . يعني على حسب الاجابة بتاعتك ......... ؟

شرييييييير :mad:
دي علامات الشر على فكرة :(


الآن يا بتنا إلي إسئلة المجموعة الأولي .. على بركة الله نبدأ ونسمي ونستعيذ من الشيطان

اعوذ بالله من الشيطان الرجيم
بسم الله الرحمن الرحيم

1/ بما إنك قلتي تهوي الجنباز والسباحة والتنس ؟ يعني ذلك إنك رشيقة جداً ؟؟؟؟؟؟؟؟؟؟؟

لاحظ انا قلت لعبت الجمباز ايام المدرسة والان انا متخرجة من الجامعة من كم سنة كدا


طيب رأيك شنو في العروس السودانية البحبسوها شهرين وتلاتة في مشروع تسمين .
بدل اجيبوا ليك عروس اجيبوا ليك بقرة لابسه زفاف ...؟؟؟ إعتقاداً ان الرجل السوداني
يحب ذلك ..؟ ومن أسي ما تقولي لي الحاجة دي كانت زمان ؟ لا حتي الآن موجودة وبكثرة

صح لحد الان موجودة
بس الملاحظاهو ان مشروع تسمين العروس بكون للعروس النحيفة جدا
ومع ذلك لا ينفع المشروع
ما تقدر تفهم الغلط وين
امكن المكونات فيها حاجة غلط
بس حقيقة انا الافكار دي ما بتعجبني
لان حاليا اصبح النحافة جزء من صحة الانسان
فكل ما تراكم بجسم الانسان من دهون قد يؤدي الى امراض نحن في غنا عنها


2/ التعدد مشروع في الاسلام .؟ لو زوجك الله لا قدر قال داير يزوج رد فعلك شنو ؟؟؟

ايوا التعدد في الاسلام مشروع بنص من القرآن والسنة


" فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ
فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا "

اولا الله لا قدر
قبل ما اقول ليك رد فعلي

ممكن اقول ليك انا من انصار التعدد
وطبعا حا تستغرب صح؟
وجد ما بكضب عليك :)
لان في اسباب كتير تدعو الرجل لتعدد
دا بعيد عن زوغة العين او حب في التعدد وبس
في رأي التعدد فيه مصلحة وفائدة
للرجل والمرأة والمجتمع

بس عموما يعني
ملاحظ زيادة كبيرة في عدد الاناث في المجتمع
وصلو لسن الزواج
ودا ممكن يكون سبب وجيه للتعدد
غير وجود نسبة من الارامل والمطلقات
وديل من حقهم ايضا ان يتزوجو

اما ردة فعلي يا ابوعبدالرحمن
ما عارفة بالجد حا تكون كيف
لكن عموما الزعل بكون متوفر وبكثرا :(



همســــــــــــــــــــــــــــــــة مسائية دي المجموعة الأولي من بقية الثالثة مجموعات الباقية .. بعد تخلصي من ديل نجي للبعدهم ..سمح .

سمح
بس خليني اخلص ديل اول
سمح؟

[بت أم درمان]

أدييييييييييييييييييييلو

ما لأنك عارف قعدة الكركر دي حااااارة كيف بتقول كدا
والله حاااارة حرررة
امشي يا شمات:mad:

[ابو عبد الرحمن]

سمح
بس خليني اخلص ديل اول
سمح؟
هههههههههههههههههههههههه
انتي ديل خلصتهم ؟؟ لكن سماح في ديل
وفي الباقيات زاتم ................

[عاطف عولي]

تحت تحت ديل


ماقلت ليك جنك شمار وتحبي الشمار ذي نور عيونك


قالو ليك شنو؟

قالوا لي سعدية


ومنوهم؟

عشان باكر يقولوا عاطف عولي قال هناية قالت ليه وهو قام كلم هناية وهناي!!!!!!!!!!
وليه ؟

قالوا اسمك سعدية عشان حروفك وطلتك بتسعدهم اها رايك شنو هم مش أحرار يسموك ذي ما عاوزين؟

ومتين؟


أييييييييييييييييييييييك زمااااااااااااااااااااااااان

[أحمد عمر ( MOODY )]

واذا فجأتن نسمع صوت جاي من بعيد
هو هو هو
وفجأتن اسمع البنات المعاي
كل وحدة تقول وااااااااااي وااااااااااااااي
هاهاها
وانا لما سمعتهم وشفتهم جارين
انا زاتي قلت ليكم وااااااااااااااااك واااااااااااااك
وانا اجري والبنات اجرو والكلب اجري ورانا




يعني ممكن من الكلام ده نفهم إنو
واااااااااي واااااااااااي

بالإيطالي .. معناها


وااااااااااااااااك واااااااااااااك

http://i53.tinypic.com/23hwoci.gif http://i53.tinypic.com/23hwoci.gif http://i53.tinypic.com/23hwoci.gif

[بت أم درمان]

هههههههههههههههههههههههه
انتي ديل خلصتهم ؟؟ لكن سماح في ديل
وفي الباقيات زاتم ................

كلك ذوق والله ما قصرت
لكن باقي الموجود حا اخلصه :)

ما محتاجة لي سماح ولا سارة :rolleyes:

والباقي

امكن هو اساسا مافي :cool:

شووووكرا

[بت أم درمان]

يعني ممكن من الكلام ده نفهم إنو
واااااااااي واااااااااااي

بالإيطالي .. معناها


وااااااااااااااااك واااااااااااااك

http://i53.tinypic.com/23hwoci.gif http://i53.tinypic.com/23hwoci.gif http://i53.tinypic.com/23hwoci.gif

سي
بير
كوم هو ديتتو

:rolleyes::rolleyes::rolleyes:
:cool::cool::cool:
;););)

[بت أم درمان]

أييييييييييييييييييييييك زمااااااااااااااااااااااااان

يعني كان انا بتاعت شمارات
يعني هناية تكون بتاعت شنو
غايتو
اسم سعدية دا هو الاسم المطلق علي
هنا في النفاج بالذات
وكان صاحب اطلاق الاسم هو
الاخ عبدالرحمن مدثر
وكان سبب التسمية
ما عارفة ليه
بس اذكر انه كان في رمضان الفات
قبل العصر
كان في مواضيع كثيرة
وانا شاركت في بعض منها
وجيت ابحث عنها في مواضيع اخرى
وما لقيتها
قمت كتبت في موضوع تاني
وين مشاركاتي الكانو هنا
منو حذفهم
قام جا ابو مزن
قال لي قاعدين يا سعدية
مافي زول حذفهم
بس لحد الان ما لقيتهم
ومن داك اليوم لصق فيني الاسم
بس ما بعرف سبب التسمية

اشكرك كتير عاطف
وانا الاسعد بوجودي هنا بينكم ومعكم

[بت أم درمان]

سلامات يا عبير

وعليكي السلام والرحمة
اهلا وسهلا ومرحبا مايسة

طولنا منك ياخ - بس ما بإرادتنا أكيد

اي طولتي شديد والله
وين انتي ولي الغيبة دي
وحشتينا


اها شايفاك ودعتي الناس وقلتي شكرا - نظام خلاص -

اي اي مش على اساس الجلوس بالكركر تلاتة ايام فقط
واعتبرت ان مدتي انتهت

أحب أطمنك على قول نزار الصغير - ما بتعرفي انت لعبة السلم ولا شنو:cool: -

بعرفها لكن ما محترفة فيها خالص خالص :o


لسى قدامك ليوم غدا الساعة 12 مساءا بتوقيت السعودية :p

يعني الساعة 1 بتوقيت الامارات مووش ;)
حاااضرة ولا يهمك


عشان بس تكوني خلصتي المصارعة الحُرة وكدا :p
------------

المصارعة يوم الخميس يا ميسو
وما حضرتها والله كنت مشغولة للاسف

أها النسأل - قبل أبو عبد الرحمن ما يجي ويتفشى فيك باقي الاسئلة

ابو عبدالرحمن قال خلاص سماح
ما جاي يخلص اسألته العجيبة ديك
شكله مشغول شوية

ما قصة إسم عبير الورد - ولماذا قمت بتغيير الاسم

اسم عبير الورد
له قصة فعلا
وهي انه كانت في استاذة عندنا في الجامعة
وكانت قريبة لينا في العمر
وكانت صاحبتنا شديد
وكانت بتحب اسم عبير جدا
وما كانت بتناديني غير بعبير الورد
ومنها كل صحباتي بقو ينادوني كدا
وانا الايام ديك كنت حابة اعمل تغير ما اكثر
طلبت من مدنية تغيرو لي لي عبير الورد
ولما دخلت المنتدى كم مرة لقيت روحي ما عرفت روحي
وبقيت ما مرتاحة فيهو
قمت على طول تعبت مدنية تاااني
وقلت ليها رجعي لي اسمي الاول
بعد رجعتو وكأني كنت مسافرة ورجعت لي اهلي :o
وبث

هل هنالك غضاضة في نظرك أن تكتب الفتاة إسمها الحقيقي على المنتديات

ابدا لا توجد اي غضاضة
ولا يوجد اي مانع


اها جاوبي وبنصد تاني ;);)

اووك بانتظار عودتك يا ام الحلوات :)

[محمد الواثق]

فرصة مواتيه اني اسأل
ممكن اسأل

[بت أم درمان]

3/ التعدد بتاع المواهب العندك ما هي أسبابوا ؟

وفي حاجة ما قلتها
كرة الطائرة
دي كنت أبدع فيها لاني كنت احبها شديد
بالنسبة لتعدد مواهبي
يرجع لمدربة الرياضة بالمدرسة
هي الكانت مهتمة بينا شديد
وهي خلتنا نحب الرياضة واللعب
وكانت على طول تعمل مسابقات بين الفصول
وكانت عاملة فرق داخل المدرسة
غير كدا
طبعا الوالد كان استاذ بالجامعة
وكنا نسكن داخل كمباود خاص بدكاترة الجامعة
ويوجد داخل الكمباوند نادي عائلي خاص
وكان في يومين بالاسبوع خاص بالعائلات
كان في طاولة تنس
وطائرة
وحوض سباحة
كانت ايام جميلة جدا
ولحد الان
واتمن ان دائما تكون حياتنا سعيدة
ونسأل الله التوفيق



4/ ما هو مفهومك للنجاح وماهي مقومات النجاح . وأيهما أفضل النجاح المادي أم النجاح التربوي
بمعني ان ينجح الرجل في تربية أبناءه خير تربية . فيكونوا بعدها اناس لهم دورهم في المجتمع ...

مقوامت النجاح اعتبرها تتوفر في عدة نقاط
اهمها الثقة بالنفس
والايمان بالله
والاقتناع
لازم الشخص يكون مقتنع تماما انه قادر يعمل الشي
لانه الانسان لا يولد متعلم بل التجارب هي التي تعلم الانسان
ان يكون الانسان جادي في عمله
بما ان الشخصية هي التي تحدد سلوكيات الشخص لابد ان يحب الانسان عمله لقوله عليه الصلاة والسلام " إذا عمل أحدكم عملاً فليتقنه "
المثابرة وحتى اذا فشل مرة اثنين ثلاثة لازم يكون في مثابرة وحماس للمواصلة والوصول

ابو عبدالرحمن
انا اعتبر ان النجاح المادي والتربوي مكملين لبعض
لان طالما الشخص ناجح ماديا فأنه اكيد حا يوفر البيئة المناسبة لتربية جيل بشكل جيد



5/ أمنية لم تتحقق ؟؟ وأخري تحققت ولكنها ناقصة ؟ ..

" ربِّ لا تذرني فرداً وأنت خيرُ الوارثين "
بث ما حـ أقول أكثر من كدا




همســــــــــــــــــــــــــــــــة مسائية دي المجموعة الأولي من بقية الثالثة مجموعات الباقية .. بعد تخلصي من ديل نجي للبعدهم ..سمح .

موووش خلاص
قلت سماح وما جاي تسال ثاني
مع ان عادي يعني
كان عاوز تسال :)

[بت أم درمان]

فرصة مواتيه اني اسأل
ممكن اسأل


هو ما ممكن
بث معليش نعمل ليك استثناء :cool:
تفضل أسأل يا محمد الواثق :)

[محمد الواثق]

موووش خلاص
قلت سماح وما جاي تسال ثاني
مع ان عادي يعني
كان عاوز تسال :)



لا لا غيرت راي

ممكن يعني !!

[بت أم درمان]

بت أم در
أنا كنت مافى وجيت هسى
بقرا الفاتنى جيت وبعد داك نولع النيران

بركة الجيت
ومرحبتين بيك يا ولاعة :p
وفي مقولة اخرى هبابة :o

[بت أم درمان]

لا لا غيرت راي

ممكن يعني !!

مالك يا محمد
ركز
الكلام الاقتبسته موجه لي ابو عبدالرحمن
بث معليش

اي ممكن يعني
مش قلت ليك
بعمل ليك استثناء

[محمد الواثق]

مالك يا محمد
ركز
الكلام الاقتبسته موجه لي ابو عبدالرحمن
بث معليش


معليش المتصفح وكدا مازالت المشكلة قائمة
ونحنا من هنا نناشد كل القائمين علي امر المنتدي بحل مشكلة التصفح



وتاني معليش لانوا غيرت رأي اسأل
لكن كدي بيني وبينك متاكدة انوا انا ممكن اسأل

[محمد الواثق]

معليش المتصفح وكدا مازالت المشكلة قائمة
ونحنا من هنا نناشد كل القائمين علي امر المنتدي بحل مشكلة التصفح



وتاني معليش لانوا غيرت رأي اسأل
لكن كدي بيني وبينك متاكدة انوا انا ممكن اسأل


شكلك ما متاكدة
خلاص لما تتأكدي كلميني ياخ
لانوا ما قادر احتمل اكتر من كدا

[محمد الواثق]

:confused::confused::confused:
.........
:):):)


اممممممم
ما اي حركة
شكلها كدا الزولة دي نامت
نجيكم المساء

[مدناوية]

بت أم در حته وحدة ..

بالجد الككر دا فاتني ..

وقلتي لي هناية قالت ليك مالهم الجنوبيين؟؟؟

:o:o:o:o

[بنت الرفاعي]

معلش
أو
حظك
لي كم يوم مشغولة جداً،:rolleyes:
لكن إن شاء الله برجع ليك.;)


:):):)

[مايسة]

سعدنا كثيرا بك يا بت الأصالة -
وتعرفنا اكيد على شخصية مغايرة لما هو بائن وظاهر لنا -

لك التحية ولجميع ناس أم درمان
من العرضة ولحد الثورة مرورا ببيت المال ;)

تحياتي وإحتراماتي لشخصك الكريم

[mahagoub]

لا لا غيرت راي

ممكن يعني !!

عالم جبانات بشكل

[mahagoub]

بركة الجيت
ومرحبتين بيك يا ولاعة :p
وفي مقولة اخرى هبابة :o

وفى مقولة مؤكده علبة كبريت

[mahagoub]

بت أم در حته وحدة ..

بالجد الككر دا فاتني ..

وقلتي لي هناية قالت ليك مالهم الجنوبيين؟؟؟

:o:o:o:o

قالوا ما دايرين انفصال
لقوا الجنوب غابه
وما فى ايسكريم

[مايسة]

لو عارفنك حا تختفي كدا ما كان قعدناك ياخ في الككر

اجي يا بتي :cool:

[mahagoub]

لو عارفنك حا تختفي كدا ما كان قعدناك ياخ في الككر

اجي يا بتي :cool:

ككرك ده فيه شطه ولا شنو ؟