المساعد الشخصي الرقمي

مشاهدة النسخة كاملة : يا انا يا انتى فى البيت ..فشل الاجاويد ... الحلقه الثامنه



ودسمير
13-06-2011, 03:41 AM
حتى الطيور الجميله حاوت ( راب الصدع ) وكثير من الحادبين على استمرار الود بينى وبين الكديسه فشلوا زريعا! الموضوع يا جماعة الخير مسالة مبدأ انا والكديسه تانى (سيل ما بلمنا ) ! الكديسه ذاتها تأكدت من ذلك ومن امس ركبت لى ( وش نحاس ) وبقت طول اليوم يا اما على الحيطه او مع الجيران ، وبينى وبينكم موضوع الحيطه والجيران ده جهجهنى شويه ! عنادا لم أسالها انشاء الله ( تطلع راس البيت ) المهم ( تطلع من رأسى انا ) .
من الصباح لم اقابلها وعملت الود مطنش ، عرفت من ناس البيت انها مشت لكديسة الجيران عندهم قعدة قهوه وقالو فيها كمان ودع ! لان عرفت بان كديسه من الزمن الجميل خطيره فى الودع . وعرفت من مصادرى الخاصه بان ست الودع قالت ليها عندك حلين :
اولا : يجيب جزمه جديده وينسى القديمه .

ثانيا : تستحملى ممكن من تانى يحن وده احتمال صعب لانو الايام دى فى موضة كدايس ما ح يدوهو فرصه يتنفس !

بنت الرفاعي
13-06-2011, 03:48 AM
كلام عجيب،
تبعد منك تحن ليها،
تجيك تبعد منها!!
دي على وزن..........!!
:D :D :D
أقول إذا نسيت الفكرة بيكون أحسن.:):cool:



:):):)

ابن المدينة
13-06-2011, 08:34 AM
طول بالك على كديستك ممكن تدخلك الجنة لان المراة دخلت النار في كديسة ونسال الصبر على الكدايس

ودسمير
13-06-2011, 10:39 AM
كلام عجيب،
تبعد منك تحن ليها،
تجيك تبعد منها!!
دي على وزن..........!!
:D :D :D
أقول إذا نسيت الفكرة بيكون أحسن.:):cool:



:):):)






يعنى انسى الجزمه القديمه ... واعمل شنو للبسألونى عليها ديمه ؟!!

ودسمير
13-06-2011, 10:42 AM
طول بالك على كديستك ممكن تدخلك الجنة لان المراة دخلت النار في كديسة ونسال الصبر على الكدايس


يا ود حى التلفزيون يا جارنا العزيز ليك التحايا ..

كدايسنا اول ما يهربو ويزوغو بمشو التلفزيون ! غايتو لو لاقتك حائمه بى عندكم حاول اقنع ناس التلفزيون يستضيفوها فى برنامج .... لسه الامانى ممكنه .

بنت الرفاعي
13-06-2011, 10:47 AM
يعنى انسى الجزمه القديمه ... واعمل شنو للبسألونى عليها ديمه ؟!!





فكرة برضو:)،
(مُشكلتنا بنتمسك بالقديم وإن ضرّانا)،
طيب مُمكن تجرِّب تبعد شوية علشان الكديسة تفهم حاجة.:cool:


:):):)

ودسمير
14-06-2011, 10:43 AM
فكرة برضو:)،
(مُشكلتنا بنتمسك بالقديم وإن ضرّانا)،
طيب مُمكن تجرِّب تبعد شوية علشان الكديسة تفهم حاجة.:cool:


:):):)






كل ما ابعد ... يقولو لى قرب تعال ما تبتعد !!

أحمد عمر ( MOODY )
14-06-2011, 10:53 AM
كده خلاص عرفنا .. الكديسة
فضل لينا الجزمة

بنت الرفاعي
14-06-2011, 10:56 AM
كل ما ابعد ... يقولو لى قرب تعال ما تبتعد !!



:d :d :d
لازم يكون البُعد بُعد بيجيب نتيجة إيجابية،
يعني ما تكون حدها الجيران وبس،
مثلاً من الخرطوم لكسلا (علشان لا نعرف قيمة الشيء إلا عند فقده)
الكديسة دي عايزة تجننك!!.:)



:):):)

آلاء عبد الرحمن
14-06-2011, 11:00 AM
شكلة واحدة من بتاعت ود المطامير
الله يعينك
ناديو اللمه
ويريحك
^_^