ينفع كده

[المسافر]

يعني ينفع المشرف يكون قاعد في المنتدى براهو
حتى البواب أجي ألقاها مافي ؟
والحروووووووووم كلهن نائمات ، يعني البسوي لي العشاء منو ؟
وباقي الأولاد أكيد طفشانين اليوم الخميس في الحفلات !
وكمان الأبواب والشبابيك كلها فاتحة ، يعني لو جا حرامي هسه نقبل وين ؟
لكن الصباح رباح وبكرة إن شاء الله عندي كلام معاكم كلكم!!!

[الملكة اسماء ( ام محمد )]

والحروووووووووم كلهن نائمات ، يعني البسوي لي العشاء منو ؟



وبعد كدا ...

قوم جهز عشاك براك ولو ماعجبك ... اتخمد نوم

[المسافر]

وبعد كدا ...
قوم جهز عشاك براك ولو ماعجبك ... اتخمد نوم



أنا زاتو عامل دايت وعايز أنوم خفيف

[الملكة اسماء ( ام محمد )]

أنا زاتو عامل دايت وعايز أنوم خفيف
خلاص بالله اطفئ لي الانوار دي واديني عرض اكتافك


الواحد اصله مايتآمل براحته معاكم .... رجال تجيبوا الهم

[المسافر]

خلاص بالله اطفئ لي الانوار دي واديني عرض اكتافك
الواحد اصله مايتآمل براحته معاكم .... رجال تجيبوا الهم



أعملي حسابك بكرة حتجيك ضرة بعد صلاة الجمعة

[الملكة اسماء ( ام محمد )]

أعملي حسابك بكرة حتجيك ضرة بعد صلاة الجمعة
الله معاك ومعاها شديد

هو انا اطول ربنا يكرمني بوحدة تشيل همك مني واقول لا

على الاقل تعشيك وتريحني من نقتك بتاعة كل يوم دي

[المسافر]

الله معاك ومعاها شديد
هو انا اطول ربنا يكرمني بوحدة تشيل همك مني واقول لا
على الاقل تعشيك وتريحني من نقتك بتاعة كل يوم دي


كويس الضرة زاتها حأجيب ليها ضرة يوم السبت بعد الغدا
عشان المسافة تبعد بينا ( 2 ضرة )

[الملكة اسماء ( ام محمد )]

كويس الضرة زاتها حأجيب ليها ضرة يوم السبت بعد الغدا
عشان المسافة تبعد بينا ( 2 ضرة )

خليهم تلاتة

وحدة تغسل ليك وتكوي ليك جلاليبك الكتار ديل
وحدة تمسك المطبخ وماتخلي ليها صنف اكل
ووحدة تعمل بالمثل القائل: وراء كل رجل عظيم .. امراءة


اقلاها ارتاح واتفرغ لكتاباتي واشوف لي شهادات اطور بيها نفسي
من يوم عرفتك وانا واقفة في نفس ذات المكان ... مش قلت ليك انتوا هم !!

[المسافر]

خليهم تلاتة

وحدة تغسل ليك وتكوي ليك جلاليبك الكتار ديل
وحدة تمسك المطبخ وماتخلي ليها صنف اكل
ووحدة تعمل بالمثل القائم: وراء كل رجل عظيم .. امراءة


اقلاها ارتاح واتنفرغ لكتاباتي واشوف لي شهادات اطور بيها نفسي
من يوم عرفتك وانا واقفة في نفس ذات المكان ... مش قلت ليك انتوا هم !!


إنتي حتكوني ضمن الثلاثة ولأ ضمن الأربعة ؟!

أنا حاسي أنك عايزة تمشي بيت أبوك ، وهناك
إن شاء الله تسجلي في المدرسة من ( سنة أولى )!

[الملكة اسماء ( ام محمد )]

إنتي حتكوني ضمن الثلاثة ولأ ضمن الأربعة ؟!

أنا حاسي أنك عايزة تمشي بيت أبوك ، وهناك
إن شاء الله تسجلي في المدرسة من ( سنة أولى )!
بيت ابوي ؟؟

سمح لو بتقدر على حق تذاكر الطيارة لي ولاولادك السبعة وكمان لو عندك لينا بيت هناك ... هسسسسسسسسي وديني المطار بالله



وعليه اطلع من نافوخي ... قال يعرس قال

هو انت حق رغيف ساااااي تجيبوا معاك عشان العشاء ماعندك

[المسافر]

بيت ابوي ؟؟
سمح لو بتقدر على حق تذاكر الطيارة لي ولاولادك السبعة وكمان لو عندك لينا بيت هناك ... هسسسسسسسسي وديني المطار بالله
وعليه اطلع من نافوخي ... قال يعرس قال
هو انت حق رغيف ساااااي تجيبوا معاك عشان العشاء ماعندك



كان كده حأجيب ليك أبوك هنا

وبعدين لما اقول ليك أمشي بيت أبوك ، يعني أبوك يتصرف يجي يسوقكم وتسكنوا معاهو
مش كل الجماعة بسو كده ولا أنا غلطان ، ليه يعني تبقى علي عكس الناس ياخ

[الملكة اسماء ( ام محمد )]

، ليه يعني تبقى علي عكس الناس ياخ

عشان انت راجل نقتك كتيرة
هسي بالله عليك شايف ليك راجل بجي داخل بيته الساعة وحدة صباحا !!!


ياااااااخي آتامرون بالبر وتنسون انفسكم؟

[المسافر]

عشان انت راجل نقتك كتيرة
هسي بالله عليك شايف ليك راجل بجي داخل بيته الساعة وحدة صباحا !!!
ياااااااخي آتامرون بالبر وتنسون انفسكم؟



ياخ أنا عندي إلتزامات تانية في ( القهوة ) أنا ما فاضي

[الملكة اسماء ( ام محمد )]

ياخ أنا عندي إلتزامات تانية في ( القهوة ) أنا ما فاضي

خلاص
انا زااااااتي عندي التزامات في ( صالونات التجميل ولمات النسوان للشمارات )
يلا يالله ياابو حسن بالله
اطفي الانوار دي .. ارهقت لي عيوني وانا ماناقصة هالات حول العين

[المسافر]

خلاص
انا زااااااتي عندي التزامات في ( صالونات التجميل ولمات النسوان للشمارات )
يلا يالله ياابو حسن بالله
اطفي الانوار دي .. ارهقت لي عيوني وانا ماناقصة هالات حول العين


ما في شيء جاب ليكم الكلام إلا زي الصالون والتجميل والهالات دي
هسه الكركار والدلكة والدهن واللخوخة مالم

[الملكة اسماء ( ام محمد )]

ما في شيء جاب ليكم الكلام إلا زي الصالون والتجميل والهالات دي
هسه الكركار والدلكة والدهن واللخوخة مالم
مامالم ولا شي
بس ثقافتكم العالية دي هي الخلتنا نغير

هسي الله يسالك ( الكركار ) دا ... اسمه سااااي مابعمل طمام



وانت يا مرض... القهوة والكلام الفاضي ليكم شنو؟
هسي بالله ماكان اخير ليك تقعد تقابل اولادك ديل معاي بدل ماكله شي راميه علي وحايم


بالمناسبة : امس حسن كان عامل مشكلة في المدرسة( عندك خبر والا الشمار ماوصلك في القهوة )

[المسافر]

مامالم ولا شي
بس ثقافتكم العالية دي هي الخلتنا نغير
هسي الله يسالك ( الكركار ) دا ... اسمه سااااي مابعمل طمام
وانت يا مرض... القهوة والكلام الفاضي ليكم شنو؟
هسي بالله ماكان اخير ليك تقعد تقابل اولادك ديل معاي بدل ماكله شي راميه علي وحايم
بالمناسبة : امس حسن كان عامل مشكلة في المدرسة( عندك خبر والا الشمار ماوصلك في القهوة )



هو فعلا ( الكركار ) إسمو بعمل طمام ، بس ناعم على اليدين يجعل الملمس كالحرير ههههههه
وبعدين القهوة دي بناقش فيها مواضيع الاولاد وكيفية التربية وكده يعني مع شوية معاكسة بس .
وحسن دي ياتو فيهم بالضبط كده وترتيبو شنو بين أولادي وبقرأ وين .

[الملكة اسماء ( ام محمد )]

هو فعلا ( الكركار ) إسمو بعمل طمام ، بس ناعم على اليدين يجعل الملمس كالحرير ههههههه
وبعدين القهوة دي بناقش فيها مواضيع الاولاد وكيفية التربية وكده يعني مع شوية معاكسة بس .
وحسن دي ياتو فيهم بالضبط كده وترتيبو شنو بين أولادي وبقرأ وين .
ابو حسن ... اقول

اطفي النور احسن لك قبل تقوم تطلع براسي فكرة ( الخلع )

[المسافر]

ابو حسن ... اقول
اطفي النور احسن لك قبل تقوم تطلع براسي فكرة ( الخلع )



بعد العُشرة دي كلها عايزة ( تخلعيني )
لكن الحاجات دي متوقعة منكم بياعين شديد
على العموم قبل ما ( تخلعيني ) حاولي ( لخلخيني ) ساي أمكن راسي يجي

[الملكة اسماء ( ام محمد )]

بعد العُشرة دي كلها عايزة ( تخلعيني )
لكن الحاجات دي متوقعة منكم بياعين شديد
على العموم قبل ما ( تخلعيني ) حاولي ( لخلخيني ) ساي أمكن راسي يجي

هههههههههههه

والله مارضني ومكرهني بنقتك وعدم مسؤوليتك
لكن اعمل شنو بـــــ....

قصدي ( مجبورة عليك ) لانك ابو العيال

[المسافر]

هههههههههههه
والله مارضني ومكرهني بنقتك وعدم مسؤوليتك
لكن اعمل شنو بـــــ....
قصدي ( مجبورة عليك ) لانك ابو العيال




ياها دي ( لخلختك ) لي
فعلا كتلت لي قلبي خلاص تاني ما بقعد في القهوة بعد الساعة 3 صباحاً

[الملكة اسماء ( ام محمد )]

ياها دي ( لخلختك ) لي
فعلا كتلت لي قلبي خلاص تاني ما بقعد في القهوة بعد الساعة 3 صباحاً

خليها لحد عشرة بالليل .... اقلاها تجي تتعشى مع اولادك الكل يوم بهاتو بيك لحد ماينوموا ديل

[المسافر]

خليها لحد عشرة بالليل .... اقلاها تجي تتعشى مع اولادك الكل يوم بهاتو بيك لحد ماينوموا ديل


بالمناسبة دي أنا عندي فلسفة في الحتة دي
يعني ما الأولاد هم الأهم في الإهتمام إنما
الزوجة وأم الأولاد هي أهم بكثير للرعاية
والإهتمام ليس من أجل العشرة والمحبة وإنما
لأنها تقوم بتربية الأولاد ، فما بالك لو هي بحالة
متوترة وغير مرتاحة نفسياً بالتالي سوف تنعكس على
تربية الأبناء ، لذلك يجب منحها كل الثقة والإهتمام
حتى تكون الحياة سوية للجميع .

ده الظاهر عليهو كلام ليل سااااااااااااااي يا أختي

[الملكة اسماء ( ام محمد )]

بالمناسبة دي أنا عندي فلسفة في الحتة دي

لذلك يجب منحها كل الثقة والإهتمام
حتى تكون الحياة سوية للجميع .

دي حقيقة فالمراءة تزداد عطاء بكلمة طيبة ... فما بالك بحنان الزوج عليها واهتمامه بكل ماتقوم به من اجله واجل ابنائهما

ده الظاهر عليهو كلام ليل سااااااااااااااي يا أختي
وانا باخد منك غير كلام


ابو حسن .. قوم قوم يااخوي الصبح قرب يأذن خلينا ننوم لينا كم ساعة ورانا عصيدة فطور وعواسة كسرة غداء

[أحمد عمر ( MOODY )]

الملكة .. جمعة مباركة
المسافر ده يوم الخميس .. عارفنّو بيكون مالو
إنتِ تعابة روحك .. ماااااااااااالِكْ

[ابو عبد الرحمن]

يعني ينفع المشرف يكون قاعد في المنتدى براهو
حتى البواب أجي ألقاها مافي ؟
والحروووووووووم كلهن نائمات ، يعني البسوي لي العشاء منو ؟
وباقي الأولاد أكيد طفشانين اليوم الخميس في الحفلات !
وكمان الأبواب والشبابيك كلها فاتحة ، يعني لو جا حرامي هسه نقبل وين ؟
لكن الصباح رباح وبكرة إن شاء الله عندي كلام معاكم كلكم!!!



المشرف كان زي الوطواط نسوي شنو ؟؟ النهار لابت والليل بجي بعد 12 ليلا ً يعني الصباح
وبعد ده داير الناس انتظروه واسو ليهو العشاء كمان ... والله جنس محن . بكره تعال قول
داير مزه . ومزه دي يا مشرف خيالك ما يمشي بعيد بسكون الميم وتشديدها ... اصلوا الايام
دي النفاج الناس بقي عندهم . انسداد في العواطف . او بالاصح انسداد في الاوردة المغذية
لحبال العاطفة ..... وبعدين كتر خيرها الملكة ما قصرت معاك ....اقبل وين يا كحيل العين ..
واشوفك وين يا كحيل العين ...قيبل للقبلة . وارفع يديك وقول حسبي الله ونعم الوكيل ... ....

[ابو عبد الرحمن]

يعني ينفع المشرف يكون قاعد في المنتدى براهو
حتى البواب أجي ألقاها مافي ؟
والحروووووووووم كلهن نائمات ، يعني البسوي لي العشاء منو ؟
وباقي الأولاد أكيد طفشانين اليوم الخميس في الحفلات !
وكمان الأبواب والشبابيك كلها فاتحة ، يعني لو جا حرامي هسه نقبل وين ؟
لكن الصباح رباح وبكرة إن شاء الله عندي كلام معاكم كلكم!!!



عارف يا مسافر . ما نمت بالليل وقلت الناخد لي جوله في المنتدي لقيتك انت والمملكة
بتهضربوا .. والله ما عرفت اضحك ولا أبكي .. اضحك فيكم وابكي لحالي وحالكم ..
غايتو الله يهون القواسي .... تاني لمن اكون ما جايك نوم بالله عليك يا المسافر ما تزعج
الناس معاك .اخد لفتك في المنتدي وادمدم نوم ... سمح

[بت أم درمان]

عارف يا مسافر . ما نمت بالليل وقلت الناخد لي جوله في المنتدي لقيتك انت والمملكة
بتهضربوا .. والله ما عرفت اضحك ولا أبكي .. اضحك فيكم وابكي لحالي وحالكم ..
غايتو الله يهون القواسي .... تاني لمن اكون ما جايك نوم بالله عليك يا المسافر ما تزعج
الناس معاك .اخد لفتك في المنتدي وادمدم نوم ... سمح

مالكم يا كافي البلا

تاني
اقرأو دعاء الأرق
وادمدمو نومو:)

[ابو عبد الرحمن]

مالكم يا كافي البلا

تاني
اقرأو دعاء الأرق
وادمدمو نومو:)
مالنا دي هي زاتها المحيرانا ..؟ يا رب مالنا ..
أنا مالي ومالي انا مالي ومالي ده الهلكني جمالوا ودلالو وكلاموا كمان
وصمتو .. وصمتها أشبه بلوحة شعرية فائغة الوصف والجمال ..
يا بتنا مالك علينا ..

[mahagoub]

الناس بتحوم وانا المهضوم
المشرف ده عنده كتله ولا شنو بتحاوم لنص الليل
انت ذاتك الجابك شنو ؟؟
ما عرف حظر التجوال بعد 10 ما فى نفاخ نار

[مدناوية]

المسرحية دي إسمها شنو؟؟؟

[mahagoub]

ده مسلسل
اخراج ابو عبدالرحمن وتمثيل
الملكه والمسافر
بأسم النقه آخر الليل
لكن شفتى الجماعه ختوه قرض كيف ؟؟

[الملكة اسماء ( ام محمد )]

الملكة .. جمعة مباركة
المسافر ده يوم الخميس .. عارفنّو بيكون مالو
إنتِ تعابة روحك .. ماااااااااااالِكْ
من سوء حظه اني يومها كنت في قمة حالات القرف والملل
ودا الخلاني افك قرفتي فيه


همسة : ابو حسن , اقصد خالد المسافر ( تشكرات ياراقي )

[mahagoub]

يا خوان ما تلوموه
اصلوا بالنهار بكوين مشغول بالاعمال المنزليه
وبالليل يا دوب يفضا ويصحح المواضيع

[الجندي المجهول]

الملكة .. جمعة مباركة
المسافر ده يوم الخميس .. عارفنّو بيكون مالو
إنتِ تعابة روحك .. ماااااااااااالِكْ

يا مودي والله دا ما وقتوا

كان تخلي ثنائية ابن خلدون دي شغالة النشوفها حدها وين .....

شوف الكلام التلقائي بديك احساس انك عايش في الواقع وجاني احساس كان الكلام دا حاصل عند جيرانا وانا سامع ( الهيجة والنبحي دا كله)

المرة نقاااااااقة والارج (الراجل) جنو نبحي ( لما طفشوا الاولاد )

تخريمة : غايتو المسافر دا (الخرف) بتاعو حا يكون شين جنس شنا

مع اللفة : انت اقعد اتزاوغ من العرس كدا ...... لكن لي متين يا فردة ( سيك سيك والباقي تمو انت)

[أحمد عمر ( MOODY )]

يا مودي والله دا ما وقتوا

كان تخلي ثنائية ابن خلدون دي شغالة النشوفها حدها وين .....

شوف الكلام التلقائي بديك احساس انك عايش في الواقع وجاني احساس كان الكلام دا حاصل عند جيرانا وانا سامع ( الهيجة والنبحي دا كله)

المرة نقاااااااقة والارج جنو نبحي ( لما طفشوا الاولاد )

تخريمة : غايتو المسافر دا (الخرف) بتاعو حا يكون شين جنس شنا

مع اللفة : انت اقعد اتزاوغ من العرس كدا ...... لكن لي متين يا فردة ( سيك سيك والباقي تمو انت)




عليك الله يا الجندي ورّيني الكلمة دي قاصدة بيها شنو ؟؟
قبل ما تجيك العمّة

[آلاء عبد الرحمن]

المسرحية دي إسمها شنو؟؟؟


انا برضو جاني احساس بحضر في مسرحية
بث كانو يتموها

[الجندي المجهول]

عليك الله يا الجندي ورّيني الكلمة دي قاصدة بيها شنو ؟؟
قبل ما تجيك العمّة

يا معك ما بتفرع الرندوق

[أحمد عمر ( MOODY )]

يا معك ما بتفرع الرندوق



سنت ابوني سايلني قرقور سن مرمر سلدرجة ابوني


زوغتك .. حلوة يا عمّك و سلِّم لي علي الحبيب مرتضى

[الجندي المجهول]

سنت ابوني سايلني قرقور سن مرمر سلدرجة ابوني


زوغتك .. حلوة يا عمّك و سلِّم لي علي الحبيب مرتضى

يا حبيبنا تحياتي ،،،

لقيتك ( فشت)
وسبحان الله امس كنت مع مرتضى في تلفون طويل وجات سيرتك وسالني من رقمك (وانا قلت ) ليهو الزول دا شال رقمك مني زمان
معقولة لي هسع ما اتصل بيك

مع اللفة : طبعاً الان عندو بنت وسماها ( علا) ،،،،

اتوقع مني تلفون اليوم بالليل باذن الله ،،،،

[الملكة اسماء ( ام محمد )]

ابو حسن

انت قاعد هنا وانا بفتش ليك بيغادي؟

قوم قوم بالله خلي لي قعدتك تحت النيمة دي زي العجايز وروح اشتري ( بامبرز ) للود دا
سايقاه معاي بيت العرس بتاع بت جيران بنات خالة امي

ابو حســــــــــــــن .. انت لسه ماقمت ؟




بالجمبة: ناس النفاج امسيتو ... معليش اتلخمت مع الولد وابوه ونسيت اسلم عليكم

[ابو عبد الرحمن]

ابو حسن

انت قاعد هنا وانا بفتش ليك بيغادي؟

قوم قوم بالله خلي لي قعدتك تحت النيمة دي زي العجايز وروح اشتري ( بامبرز ) للود دا
سايقاه معاي بيت العرس بتاع بت جيران بنات خالة امي

ابو حســــــــــــــن .. انت لسه ماقمت ؟




بالجمبة: ناس النفاج امسيتو ... معليش اتلخمت مع الولد وابوه ونسيت اسلم عليكم




أبو حسن شنو يا ولية . ده بالنهار بمشي وين ما بعرف وبالليل زي ابو الرقيع
أبو بالأصح كدي بالنهار اسبح وبالليل يضبح .. نسوان قاعدات ساي رجالهم
بسوا في شنو ما عارفات ... والله يا هو ده زاتو حريم أخر زمن ........

[آلاء عبد الرحمن]

ابو حسن

انت قاعد هنا وانا بفتش ليك بيغادي؟

قوم قوم بالله خلي لي قعدتك تحت النيمة دي زي العجايز وروح اشتري ( بامبرز ) للود دا
سايقاه معاي بيت العرس بتاع بت جيران بنات خالة امي

ابو حســــــــــــــن .. انت لسه ماقمت ؟




بالجمبة: ناس النفاج امسيتو ... معليش اتلخمت مع الولد وابوه ونسيت اسلم عليكم





راجلك ده شكلو فاطي لي كم سطر
انحنا وديناو العنبربتاع الكهربا عسي ولعل تجيب نتيجة لكن بيني وبينك ده اكان ادو كهربت السودان كلها مابتكفيو


اها جبت ليك بكت بامبرز الراجل ده مابجيك الحول ده



امسينا بالف خير