مقاطع من الخروج للداخل

[معز عوض]

مخرج أول :
ما قصدي أروِّج
لي فكرة موتك فيني
ولا داير أثبت
إنك أصلاً فعلاً مُتِي ،
لأنك فعلاً أصلاً مُتِي ...
ولا محتاج شان أنسى ملامحك
إني أغمِّض عين الذكرى
واحد عندي نا لو أنصفتي ،
أو لو جرتي آبنية عليّْ
بيك ، وبلاك ... الدنيا بتمشي
لا شمس الله بتسقط شانك
لا بهاجر نيلنا ويمشي
لا بتأسف وأبكي عليكي
لاني البعبُد يوم عينيكي
أقوى نا منك ومن ذكراكي
وقادر أضحك برضو وراكْ
مخرج ثاني :
إذا كُنتي الصباح إنتي ،
أنا الشمس البتمنح
لون بهاكِ الضي
وتزرع فيكي باقي نهار ...
وإذا جاتك
مجرد فكرة إنك غيم ،
أنا البحر البيستكتر
علي ريق السحابة الري
ويجدِّع ليكي
من فايض مياهو بخار ...
فما تشوفيني ساكت ساي عليك
مسكين ولا جايب خبر ،
وتقولي تلعبي بي هواي
وتْدُقِّي بي حيطة صدودك ود غُناي
وأنا كلما أصبر عليك
كلما أصبر عليك ،
القاك تشتِّري بي ظنونك
في يقيني وتنكسر منك رؤاي
قايلاني ما قادر عليك !!
قايلاني خايف من جفاك !!
قايله يعني عشان بريدك ،
أحتمِل نيران هواجسك
وارضى اْعيش في ضل أساك !!!
وإني زي ما قُتَّ ليك
لو عليْ يرضَنْ عيونك ،
أبقى جمبك عمري كلو
أبكي جمبك عمري كلو
وبرضو أسبح في رضاك !!!!
قايلاني ما قادر أفوتك
وماني قادر أحب سواك ؟!
قايلاني مفتون بي بريقك
ولسه مفتون بي صفاك ؟!!
قايلاني لسع
زولك البشتنْتِي داك ؟؟؟؟!!
قايلاني ما قادر أفوتك
وماني قادر أحب سواك !!؟؟؟
قايلاني ما قادر عليك !!
قايلاني خايف من جفاك ؟؟؟؟!!
كان راجله طالعيني الخلا
بس
كان راجله طالعيني الخلا
لو ما أمرمِط كبرياك
وأدقَّ بيك دلجة هواي ،
لو ما دفنتك إنتِ حيه
وكتَبْ علي قبرك ندم
ورقَصْ علي قبرك براي ،
أبقى يا ناس ما معز
وأبقى يا بت ود حرام

[بت أم درمان]

مخرج أول :

لا بتأسف وأبكي عليكي
لاني البعبُد يوم عينيكي
أقوى نا منك ومن ذكراكي



اخي معز عوض
اولا اشكرك على المخارج

بس قبل اي شي
اتمن منك تعديل الكلمة المظللة بالاحمر وتحتها خط
لانه لا يوجد غير الله معبود

او اذا فهمت انا خطأ ارجو توضيح الكلمة
هل تقصد بها العبادة ام شي اخر

تحياتي

[معز عوض]

شكراً لهذا التعقيب الجميل جداً
وشكراً كذلك للتوضيح ، ولكن يبدو أنك لم تلاحظي أنني قد إستخدمت حرف النفي (لاني) بمعني انني لن أعبد عينيكِ
وهذا يؤكد ما قلته بأنه لا يوجد غير الله معبود ..

[كاظم]

يا مان انت كتاب جداً والله
لي عودة لهذا النص الفخم

[الملكة اسماء ( ام محمد )]

مخرج أول :

ولا محتاج شان أنسى ملامحك
إني أغمِّض عين الذكرى
واحد عندي نا لو أنصفتي ،
أو لو جرتي آبنية عليّْ
بيك ، وبلاك ... الدنيا بتمشي

يااااااااه مااجمل انتفاضة الالم حين تتحول لثورة حقيقية ضد استعباد المحبوب لنا
فهو فعلا مخرج , نعم هو مخرج لعالم الكبرياء الذي ينتقم لنفسه عادة في اخر المطاف
فيصرخ بكامل قوه , لا للدمع بعد اليوم , لا لمحبوب يتعمد نفينا لعالم النسيان وانكار الذات لاجله وهو ... لا يستحق





فما تشوفيني ساكت ساي عليك
مسكين ولا جايب خبر ،
وتقولي تلعبي بي هواي
وتْدُقِّي بي حيطة صدودك ود غُناي


قايلاني خايف من جفاك !!
قايله يعني عشان بريدك ،
أحتمِل نيران هواجسك
وارضى اْعيش في ضل أساك !!!

قايلاني ما قادر أفوتك
وماني قادر أحب سواك ؟!
قايلاني مفتون بي بريقك

عجبا لهذا القلب الذي يحب بكل مافيه , وحين يثور كبرياء يثور بكل قواه وبكل مافيه
عذرا صديقي ,فهم كذلك عادة يحسبون الصمت ضعفا وانكسار يحسبون الدمع خوفا من بعدهم وجفاهم
ويتجاهلون كثيرا احساسا ان انكسر فلا شي يعيده سيرته الاولى
مرت بخاطري كلمات اغنية اعشقها جدا تشبه هذه الكلمات تقول :
لا تختبر صبري حتى الصبر له حد
قلبي رهن أمري اسمع كلامي جد
أقوى على غدرك أقوى على هجرك
الا على جرحي كل الصبر ينهد


قلبي كتب وحروف مثلك صعب يقراه
ماكل بصير يشوف حس انت بس معناه
ليلي سهر على طول طرف الرمش مبلول
شا اعد واقول مليت أنا من العد

كان راجله طالعيني الخلا
بس
كان راجله طالعيني الخلا
لو ما أمرمِط كبرياك
وأدقَّ بيك دلجة هواي ،
لو ما دفنتك إنتِ حيه
وكتَبْ علي قبرك ندم
ورقَصْ علي قبرك براي ،
أبقى يا ناس ما معز
وأبقى يا بت ود حرام

تحدي بعد انتفاضة غضب واعتزال لغرام دفن الصبر وقام حيا يبحث عن مخرج اخير


معز , العفو يا صديقي لست ( ود حرام ) بل انت ( ابن حلال )
فيكفيك شرف انك تثور كبرياء وقلائل هم من لا يرتضون الذلة والانكسار
فهنيئا لقلبك الذي انتصرت لاجله دون الحوجة لعراك في ( خلاء قلب الحبيب )

صديقي . اسمح لي بان اناديك بها كلما داعب عيناي حرفك الجميل
واسمح لي ان اقف تصفيقا لك ولثورتك الانيقة
شكرا معز

[كاظم]

كتب معز:

وإذا جاتك
مجرد فكرة إنك غيم ،
أنا البحر البيستكتر
علي ريق السحابة الري
ويجدِّع ليكي
من فايض مياهو بخار


هههههههههه .. والله دي فكرة غريبة يا معز .. الخيال في أوسع ما خلق له يا صاحبي

كن بعافية ولي عودة إلى مجمل النص

[ودسمير]

مخرج أول :
ما قصدي أروِّج
لي فكرة موتك فيني
ولا داير أثبت
إنك أصلاً فعلاً مُتِي ،
لأنك فعلاً أصلاً مُتِي ...
ولا محتاج شان أنسى ملامحك
إني أغمِّض عين الذكرى
واحد عندي نا لو أنصفتي ،
أو لو جرتي آبنية عليّْ
بيك ، وبلاك ... الدنيا بتمشي
لا شمس الله بتسقط شانك
لا بهاجر نيلنا ويمشي
لا بتأسف وأبكي عليكي
لاني البعبُد يوم عينيكي
أقوى نا منك ومن ذكراكي
وقادر أضحك برضو وراكْ
مخرج ثاني :
إذا كُنتي الصباح إنتي ،
أنا الشمس البتمنح
لون بهاكِ الضي
وتزرع فيكي باقي نهار ...
وإذا جاتك
مجرد فكرة إنك غيم ،
أنا البحر البيستكتر
علي ريق السحابة الري
ويجدِّع ليكي
من فايض مياهو بخار ...
فما تشوفيني ساكت ساي عليك
مسكين ولا جايب خبر ،
وتقولي تلعبي بي هواي
وتْدُقِّي بي حيطة صدودك ود غُناي
وأنا كلما أصبر عليك
كلما أصبر عليك ،
القاك تشتِّري بي ظنونك
في يقيني وتنكسر منك رؤاي
قايلاني ما قادر عليك !!
قايلاني خايف من جفاك !!
قايله يعني عشان بريدك ،
أحتمِل نيران هواجسك
وارضى اْعيش في ضل أساك !!!
وإني زي ما قُتَّ ليك
لو عليْ يرضَنْ عيونك ،
أبقى جمبك عمري كلو
أبكي جمبك عمري كلو
وبرضو أسبح في رضاك !!!!
قايلاني ما قادر أفوتك
وماني قادر أحب سواك ؟!
قايلاني مفتون بي بريقك
ولسه مفتون بي صفاك ؟!!
قايلاني لسع
زولك البشتنْتِي داك ؟؟؟؟!!
قايلاني ما قادر أفوتك
وماني قادر أحب سواك !!؟؟؟
قايلاني ما قادر عليك !!
قايلاني خايف من جفاك ؟؟؟؟!!
كان راجله طالعيني الخلا
بس
كان راجله طالعيني الخلا
لو ما أمرمِط كبرياك
وأدقَّ بيك دلجة هواي ،
لو ما دفنتك إنتِ حيه
وكتَبْ علي قبرك ندم
ورقَصْ علي قبرك براي ،
أبقى يا ناس ما معز
وأبقى يا بت ود حرام



حتى لو جارت عليك ...

وحولت نهارك ظلام

وتهت انت فى درب الغرام

مافى داعى تفتح ليها قبرا ...

وترقص تحت الغمام

فكن عزيزا بنفسك ..

فانت معز وعبد المعز


فكيف ترضى بان تطلق على نفسك بن الحرام !!

عد لنفسك ...

قبل نزيف القلب وقبل الحطام

[معز عوض]

كاظم :
شكراً لهذه الحروف القصيرة المعبرة جداً ..

الملكه :
أول حاجه ، إنتي كنتي وين ؟؟
والكلام السمح ده - والله العظيم - أنا ماسمعتَ زيو أبداً
عشان كدى مابشكرك على التحليل السمح ده
لأنو ده تحليل بتاع ناس عباقرة ومتمرسين
وكلمة شكراً بسيطه عليك
جزاك الله خير يا صديقتي

ود سمير :
شكراً للرد الجميل ، وهذه النصيحه ...

كاظم ، الملكه ، ودسمير .... مدني
أحبكم حقاً ..

[الملكة اسماء ( ام محمد )]

الملكه :
أول حاجه ، إنتي كنتي وين ؟؟
والكلام السمح ده - والله العظيم - أنا ماسمعتَ زيو أبداً
عشان كدى مابشكرك على التحليل السمح ده
لأنو ده تحليل بتاع ناس عباقرة ومتمرسين
وكلمة شكراً بسيطه عليك
جزاك الله خير يا صديقتي

اخي العزيز : اخجلتني بعباراتك في حقي , وصدقني ياصديقي انا موجودة دائما بين العبارات الانيقة التي تستفذ حضوري واجدك قد اجدت استفذاذي , فهنيئا لنا بقلمك الجميل المستفذ




كاظم ، الملكه ، ودسمير .... مدني
أحبكم حقاً ..
[/COLOR][/B]

ونحن نحبك ايضا اخي معز

[مدنيّة]

الاخ معز
واضح انه جرحك عميق جدا

لكن ياخ اسمح لي بكلمة
حب انت عشته
وبتحمل منه ذكريات جميلة
وعشان الذكريات الجميلة دي
وعشان كلمة جميلة
كانت بينكم
مافي داعي
تجسد جرح في كلمات
زي دي
لانه الكلمة لما تطلع يامعز
تاني ما بترجع

----
اخي الكريم
صون ايامكم الجميلة
والحب العشتوه مع بعض
بكلمات اجمل
فانت صاحب قلم معبر

------
شكرا اخي معز

[معز عوض]

الملكه :
لكِ كل الإحترام .

مدنيّه :
شكراً للنصيحه الجميله ..
ولكن هذا النص لا يعني أن كل النصوص لدي بهذه الشاكله
في بعض الأحيان لابد لنا من هذا القول لنتشلفى به من جراحنا القديمه .