الخطوط الجويه السودانيه .. الريده والمحن ..

[ود المطامير]

http://alfaris.net/up/69/alfaris_net_1308511218.jpg (http://alfaris.net/up/69/alfaris_net_1308511218.jpg)

[ود المطامير]

جميله وذى عروس تتهادى على المدرج بألوانها المتناسقه الجميله ،
وقد سمعت ذات مره بأن شعارها قد فاز بجوائز عالميه ولحظتها لم أدر هل
أسعد أم أبك أم أضحك
إذ أحببناها من جوووه القلوب كناقل وطنى مع حافز الهامش المتاح للوزن
ولكن هذه الحسناء لم تبادلنا حب بحب بل العكس ، تدللت إلى حد لا يوصف
وأذاقتنا شتى ألوان الطيف من الهجران والصدود وإرتشفنا من يديها كل أصناف العذاب

الخطوط الجويه السودانيه

فوضى حتى النخاع ، عذاب منقطع النظير ، آلام ومآسى لا أول ولا آخر لها
تكبدها عشاقها فى دول المهجر وعلى أرض مطار الخرطوم

وهنا وبكل أسى وألم أود أن أورد غيض من فيض من مشهاداتى لفوضى قلّ مثيلها

[ود المطامير]

يكاد يكون كل بيت سودانى يكون به من تذوق الأمرين من الخطوط السودانيه
وكلنا نعلم ما مرت به سودانير من إخفاقات ومصاعب ومحن
مما إنعكس ذلك على سمعتها محلياً وخارجياً

ذات يوم ، طلبوا منا الحضور لمطار أبوظبى فى تمام الساعه الرابعة عصراً
وتم تحديد الإقلاع عند السادسه ونصف مساء
وحضرنا ووزنا وإنتظرنا وطال إنتظارنا ، وعم الهرج والمرج وسمعت شرطى الصاله يقول
_ أنا ربى غضبان على علشان كدا دوامى دائما بصادف الطائره السودانيه

تأخير الرحلات وإلغائها هو ديدنها ، بل عند ما تأتى فى ميعادها يكون حديث تندر الجميع

التأخير والإلغاء ليتهما يتمان بصوره حضاريه علّ وعسى تمتص الكثير من غضب الركاب
ولكن يحصل العكس ، يتم تأجيل طائره وبعد يوم يتم الإتصال بجميع الركاب للحضور إلى المطار فى الساعه الفلانيه ، ويأتو ويتفاجؤوا بصغر حجم الطائره والأوائل هم السعداء وما بعدهم هم التعساء
ولك أن تتخيل حالة الأسر التى أتت من شتى أمارات الدوله

[مايسة]

يا زول ها دي ياخ بتخلي الناس ينومو في المطار -
وتخلى ليك باقي الجنسيات يتفرجو فيك كدا زي القرد الفي الحديقة - :mad:

لو عندي سُلطة في يدي - بخليها تشتغل بس خطوط داخل الدولة فقط

اما خارج الدولة دي يأجرو ليها اسطول عديل وطيران تاني

[mahagoub]

ما لينا غير الله
ديل بيحجزوا لكل زول وفى كل انحاء العالم
وطياراتم شويه وهنا تجى الجوطه
يشيلوا ناس الدول الاوربيه اول لانهم بشتكوا
وبياخدوا تعويض تأخير الزمن عندهم بفلوس
اما نحنا الغبش ناس الخليج بناكلا عادى
ننقنق ونجى تانى راجعين
وتعال شوف المحسوبيه والرشاوى
هى ناقصه يا اخويا

[ود المطامير]

يا زول ها دي ياخ بتخلي الناس ينومو في المطار -
وتخلى ليك باقي الجنسيات يتفرجو فيك كدا زي القرد الفي الحديقة - :mad:

لو عندي سُلطة في يدي - بخليها تشتغل بس خطوط داخل الدولة فقط

اما خارج الدولة دي يأجرو ليها اسطول عديل وطيران تاني
والله يا مايسه صدقتى
والله أنا من الحرقه غلبنى أواصل الكتابه

جد لقيت نفسى ما قادر أواصل

فوضى ومآسى ما ليها حد

وأكتر شئ مؤلم هو معاملة القائمين على أمرها إلا من رحم ربى

والسنه دى حجزت للأولاد بطيران الإتحاد

[ود المطامير]

ما لينا غير الله
ديل بيحجزوا لكل زول وفى كل انحاء العالم
وطياراتم شويه وهنا تجى الجوطه
يشيلوا ناس الدول الاوربيه اول لانهم بشتكوا
وبياخدوا تعويض تأخير الزمن عندهم بفلوس
اما نحنا الغبش ناس الخليج بناكلا عادى
ننقنق ونجى تانى راجعين
وتعال شوف المحسوبيه والرشاوى
هى ناقصه يا اخويا
والله يا الحبيب دى هى المصيبه

قبل كم يوم تأخرت من مواعيدها أكتر من ساعتين ؟ عارف ليه ؟

عشان مسؤل كبير فى الحكومه كان مسافر بيها وسيادتو جاء متأخر ساعه ونص

وذى ما قلت الغبش ياكلو نارهم

[ود المطامير]

مطار أبوظبى الدولى
يبنى صاله خصيصا لسودانير وأشباهها
فى آخر سور المطار

الصاله رقم 2 ، للسودانيه وأخواتها

مبنى يقع على أطراف مطار أبوظبى بعيد عن المطار الرئيسى عشان

يفتكو من السودانيه اللى قال عليها موظف مصرى بمطار أبوظبى

دى ستهم تجى وتروح على كيف كيفها

[آلاء عبد الرحمن]

سودان ان شاء الله
^_^

[mahagoub]

مطار أبوظبى الدولى
يبنى صاله خصيصا لسودانير وأشباهها
فى آخر سور المطار

الصاله رقم 2 ، للسودانيه وأخواتها

مبنى يقع على أطراف مطار أبوظبى بعيد عن المطار الرئيسى عشان

يفتكو من السودانيه اللى قال عليها موظف مصرى بمطار أبوظبى

دى ستهم تجى وتروح على كيف كيفها

فى جده فصلوا عيشتم من زمان

[محمد السر احمد]

يا اخوانا والله كلامك صاح وليكم حق وانا اكتر زول انكويت منها لكن كدا براحة تعالو نشوف الاسباب :
1/ الخطوط الجوية السودانية من الشركات المحظورة عالميا يعني ماف طريقة للقطع غيار ولا تشتري طيارات.
2/ الكادر الموجود كادر غير مؤهل (تعبااااااااااااااااااااااااان).
3/لا يوجود اي دعم حكومي لها (بتدعم منظمة الشيهد).
4/ لا توجد بنية تحتة حاليا (يعني بالواضح ما عندنا مطار ذي باقي الناس).
ولى شنو

[ود المطامير]

يا اخوانا والله كلامك صاح وليكم حق وانا اكتر زول انكويت منها لكن كدا براحة تعالو نشوف الاسباب :
1/ الخطوط الجوية السودانية من الشركات المحظورة عالميا يعني ماف طريقة للقطع غيار ولا تشتري طيارات.
2/ الكادر الموجود كادر غير مؤهل (تعبااااااااااااااااااااااااان).
3/لا يوجود اي دعم حكومي لها (بتدعم منظمة الشيهد).
4/ لا توجد بنية تحتة حاليا (يعني بالواضح ما عندنا مطار ذي باقي الناس).
ولى شنو

الحبيب
زارنا الخير يا وجه الخير
والشوق ما ليهو حد

السبب الأول / لو كانت الخطوط الجويه السودانيه محظوره بالمعنى الحرفى لكانت توقفت تماما
وفى هذا الزمن لو دفعت ح تشترى حتى الورق الذى كتب عليه الحظر

وباقى الأسباب أتفق معك فيها لأن مجملها تعنى فوضى وعدم إهتمام بالناقل الوطنى

مره أخرى مشتاااااااقين

[ود المطامير]

سودان ان شاء الله
^_^
إن شاء الله

[ود المطامير]

فى جده فصلوا عيشتم من زمان
عليك النبى ؟;););)

[ود المطامير]

حبوبة الأولاد غادرتنا يوم الثلاثاء الموافق 14 / 6 / 2011

وأغراضها وصلت يوم الأحد 19 / 6 / 2011

والحمد لله هى قريبه فى أم درمان فما حال الذين من الولايات ؟

مع سودانير تمشى بيتكم خفيف

[ود المطامير]

والله الحق

الصوره أعلاه أنا عاملها سطح مكتب لعشقى لهذا الشعار

والمثل بقول ( لو ما بريدك ما لمتك )

[شبارقة]

السلام عليكم ورحمة الله ، و التحية أجملها لكم جميعاً ... و أخصها للأخ (ابوجضيمات) ود المطامير كاتب الموضوع...
دعم الناقل الوطني واجب وطني ...
ما في مشكلة لو جيت من آخر الدنيا و اتشريت 16 ساعة في المطار ...
أو أجرت غرفة في فندق على حسابك في سبيل وطنك ...
و ما تهتم لتكشيرة موظفي السودانية ، عادي ،،
أصلاً ديل ما عندهم وطنية !!
بعدين خلونا نكمل جميلنا ، مش دعمنا الجريح ، و اسر الشهداء ، و ترعة الرهد و كنانة ، و ... و ... و .... و ....
خلوووووووووونا ندعم الناقل الوطني ...
يا جماعة باختصار:
الفساد سبب كل مشكلة ، إذا كان رب البيت للدف ضارباً * فشيمة أهل البيت الرقص و (الجبجبة)
أها جماعتنا ديل مجبجبين جبجبة شديدة ، لا حارس و لا رقيب ...
و كل زول عايز يملأ جرابو و بس ، كيف و بأي وسيلة ما مهم ما مهم ....
لا وازع ديني لا اخلاقي ، و لا اجتماعي ... و لا وطني ...

[شبارقة]

حبوبة الأولاد غادرتنا يوم الثلاثاء الموافق 14 / 6 / 2011

وأغراضها وصلت يوم الأحد 19 / 6 / 2011

والحمد لله هى قريبه فى أم درمان فما حال الذين من الولايات ؟

مع سودانير تمشى بيتكم خفيف

البركة الوصلت هي في رقبتا !!!

[بحيرى]

هاهاهاهاهاهاهاهاهاها ....
والله يا ستهم .....!!

علشان كده انا ما داير اغترب ..... هاهاهاهاهاهاها ...
مش سبب وجيه ....؟!!

[ودالبدوي]

السلام عليكم ياشباب

الموضوع ده مهم جدا ومافى حاجه نقوله سوى ربنا يصلح الحال

[ود المطامير]

السلام عليكم ورحمة الله ، و التحية أجملها لكم جميعاً ... و أخصها للأخ (ابوجضيمات) ود المطامير كاتب الموضوع...
دعم الناقل الوطني واجب وطني ...
ما في مشكلة لو جيت من آخر الدنيا و اتشريت 16 ساعة في المطار ...
أو أجرت غرفة في فندق على حسابك في سبيل وطنك ...
و ما تهتم لتكشيرة موظفي السودانية ، عادي ،،
أصلاً ديل ما عندهم وطنية !!
بعدين خلونا نكمل جميلنا ، مش دعمنا الجريح ، و اسر الشهداء ، و ترعة الرهد و كنانة ، و ... و ... و .... و ....
خلوووووووووونا ندعم الناقل الوطني ...
يا جماعة باختصار:
الفساد سبب كل مشكلة ، إذا كان رب البيت للدف ضارباً * فشيمة أهل البيت الرقص و (الجبجبة)
أها جماعتنا ديل مجبجبين جبجبة شديدة ، لا حارس و لا رقيب ...
و كل زول عايز يملأ جرابو و بس ، كيف و بأي وسيلة ما مهم ما مهم ....
لا وازع ديني لا اخلاقي ، و لا اجتماعي ... و لا وطني ...
ميييييييييييييييييييييين ؟
حبيب قلبى
والله الريده ليك كل يوم بتكبر
والشوق بيكبر
وبالجد شوفتك ترد الروح

وكما قلت دعمنا ودعمنا ودعمنا
ودعمنا إلى أن هرمنا وفترنا
وناس كتيره أصبحت عاوزه الدعم منو اللى بيدعمها

والله يا حبيب قلبى الجرح غائر والحسره تملأ القلب

فسودانير المفروض تكون جميله كشعارها

لك منى كل المحبّه والأشواق

[ود المطامير]

البركة الوصلت هي في رقبتا !!!
;);););););)

اى والله والحمد لله

[ود المطامير]

هاهاهاهاهاهاهاهاهاها ....
والله يا ستهم .....!!

علشان كده انا ما داير اغترب ..... هاهاهاهاهاهاها ...
مش سبب وجيه ....؟!!
;););););)

مريح حالك يا فرده

[ود المطامير]

السلام عليكم ياشباب

الموضوع ده مهم جدا ومافى حاجه نقوله سوى ربنا يصلح الحال
تسلم يا الحبيب

ومعك ندعو من قلوبنا

ربنا يصلح الحال

منووووور والله

[ود المطامير]

مره الأولاد سافرو السودان عن طريق طيران صن إير

وهم فى السودان قامت شركة صن توقفت عن العمل

قمت حجزت ليهم بالقطريقه ويوم وصولهم مشيت المطار

وقاعد منتظر ومنتظر ومنتظر بعد فتره طويله ضربت لى أم عمرو

وبعد السلام وكدا قالت لى إنتا وين ؟ قلت ليها أنا منتظركم فى صالة المطار

قالت لى فى الصاله وين نحنا جينا الصاله وما شايفنك

قلت ليها أنا قاعد وما شايف زول جا طالع

غايتو فى النهايه تذكرت إنو هم جائين بالقطريه والقطريه بتنزل فى المطار الرئيسى

وركبت عربيتى وجرى للمبنى الرئيس

ستهم مطارها برااااااها

[ود المطامير]

داخل صالة المغادرين ، لا لا بل داخل صالة الميزان

والناس ما يدوك الدرب ، وأربعه كاونترات شغاله وفجأه تم إيقاف الميزان

سألنا عن السبب ؟ قالو كدا العدد تم

وحصل ما يجعلك تشعر بالخجل ، صياح وشتائم وكواريك بأعلى صوت

أحد الشباب وقف على طاولة موظف الميزان وبدأ يصيح بأعلى صوته

_ على الطلاق أكان أخلى عفشى إلا أسافر فى الطياره دى
إنتو ضربتو لينا وجبتونا من آخر الدنيا وقلتو تعالو

وطالب الجميع بحضور مسؤول الخطوط والله الحق تم إحضاره بواسطة ضابط الصاله
وكعادتنا كسودانيين بنتكلم عشره عشره فى وقت واحد
وهم معزورين لأن الموقف شين وصعب

غايتو ... تم إخراج البقيه بواسطة الشرطه
وجلسو خارج الصاله على شنطهم يدعون على سودانير من جوووووووووووه القلوب

[ود المطامير]

من الخطوط الجويه أخوات سودانير اللى معاها فى الصاله المطرفه من المطار
الخطوط الباكستانيه والبنغاليه وكم شركه كدا هنديه

ووالله صفوفهم ما بتتوقف تلقاهم أورررررر إختفو

وهووووب طياراتهم قامت

نحنا ، صفوفنا داقه فرامل ، علشان نحنا ذاتنا ذى سودانير ، ما هو الحال من بعضو

تلقى واحد مسافر ومعاهو 6 عاوزين يودعوهو

وأسره مسافره ومعاها تلاته أسر فى وداعها

ومش كدا وبس ؟ لا لا ، نحنا أخوان فاطنه تب ، يحنسو ليك شرطى البوابه
علشان يدخلو مكان الميزان وهاك يا تحانيس لموظف الميزان علشان يخفض ليهم الوزن

والواحد ياخد ساعه وشويه وبعد داك يجئ اللى بعده ونفس الأسطوانه تدور

نحن كمسافرين لنا الكثير من العيوب والتصرفات المُخجله

[محمد السر احمد]

الحبيب
زارنا الخير يا وجه الخير
والشوق ما ليهو حد

السبب الأول / لو كانت الخطوط الجويه السودانيه محظوره بالمعنى الحرفى لكانت توقفت تماما
وفى هذا الزمن لو دفعت ح تشترى حتى الورق الذى كتب عليه الحظر

وباقى الأسباب أتفق معك فيها لأن مجملها تعنى فوضى وعدم إهتمام بالناقل الوطنى

مره أخرى مشتاااااااقين
حبيبنا الغالي والغالي جدا ود المطامير
والله ليك وحشة فوق ما تصور
بعدين انت وين مختفي
لسه في الجزيرة ولي رحلتة للجزيرة تانية قالوا انت بتحب الجزر

[ود المطامير]

حبيبنا الغالي والغالي جدا ود المطامير
والله ليك وحشة فوق ما تصور
بعدين انت وين مختفي
لسه في الجزيرة ولي رحلتة للجزيرة تانية قالوا انت بتحب الجزر
تسلم يا الحبيب

وأنا لسه فى جزيرتى ديك ذاتها

وحاة أمى طرزان بس ;)

[mahagoub]

حبيبنا الغالي والغالي جدا ود المطامير
والله ليك وحشة فوق ما تصور
بعدين انت وين مختفي
لسه في الجزيرة ولي رحلتة للجزيرة تانية قالوا انت بتحب الجزر

اصلوا ارنب

[mahagoub]

تسلم يا الحبيب

وأنا لسه فى جزيرتى ديك ذاتها

وحاة أمى طرزان بس ;)

بالجبون
الهنود رحلوا ولا شنو

[mahagoub]

فى كل الاحوال اذا كان لنا او على الخطوط
ما ننسى انا من العالم السابع عشر
ولن تصلح احوالنا حتى نصلح نحن
لتكون لنا حقوق وعلينا واجبات
لكن كيف؟؟

[ود المطامير]

بالجبون
الهنود رحلوا ولا شنو
هع هع هع هع هع

وحاة أمى تانى هع هع هع هع

شكيت محنك ياخ

هسى الجبون دا البعرفها ليك منو ؟

غايتو كتلتنى بالضحك

طرزان جبونو حق جلد لكن أنا ردا جنز ;)

[mahagoub]

جبون ده قصرى يا حاجه