بحيرى
20-06-2011, 10:44 PM
من قمت من بيتنا ومشيت .... شايل معاى شنطة صفيح ...
شايل فى جيبى خمسه جنيه ....
مرطب رطبه شديده ...
قلت الليله يا ود يا بحيرى تاكل ليك عشاء تتحدث بيهو المدن والباديه ...
عشاء فاخر ... اكون حديث المجتمع المحلى لمدة طويله ....
وانا ماشى شايف ليك السمك ده معلق ... وجنبو الجداد .... حاجه ما تخلص ....
قلت اشيل لى سمكه معاها نص جداده ... على شطه خضراء وجرجير وبصل ... تكون وجبه دسمه ....
لكن ... تانى قلت سيبك ياخ ....!!
اها ....
مشيت شويه كده ....
لقيت ليك محل حلويات وحليب .... المحل ذاتو الخمك ... بهرجه جد ولمبات وزينه ...
قلت يا ولد يا مفتح .... تشيل ليك نص كيلو باسطه بلح شام وبسبوسه على غزازة حليب ... ومافى اجمل من كده ....
لكن ... تانى قلت سيبك ياخ .....!!
واحد ثقيل قال لى انت داير تصل لى شنو ....؟
البسمعك داير وداير اقول شايل ليك 19 مليون ....!!
ياخى عذبتنا ....!!
عليك الله الزول ده ما ثقيل ....؟!!
يعنى الواحد ما اختار الحاجه البتريحو ....
ده شنو ده .... تقيفوا للزول فى حلقو ....
عليكم الله سيبكم من الزول ده ... ده ما عندو موضوع ساااى ...
اها ...
بطنى كركبت كركبه شديده ... قلت خلاص مافى وكت للاختيار ...
وانا ماشى شميت ليك ريحة الشيه دى تلخم .... دخاخين للسماء .... واللحمه دى معلقه هبطرش .... لمان شلت هم لمستقبل الثروه الحيوانيه فى السودان ...
ياخى مرصوصه ذى اباريق الزاويه .....
اها ... قلت اعمل لى طلب بتاع شيه ... بمزاااااج ... ومعاهو شوربه حاااااااااااااره ...
لكن .... قلت سيبك ياخ ....
ياخى انا والله زول متردد خالص ...
برترت ذى لمبة الجاز ... ( حبوبه ونسينى ) ...
اها ...
اثناء ما انا فى هذا الوضع - المناجاة الروحية - الواحد لازم اقيف مع نفسو شويه .. الله مالكم غريبه عليكم ....!!
المهم .... لمو ليك فىنى جماعه بعرفهم ....
ها زول ... سلامات .... 7 انفار ... سلام شديد ... والله عملوا لى فليته فى راسى ... والله التقول جاى من الحج ....
ها ناس خباركم ... عافيه انشاء الله ...
قالوا لى والله ماشين على المستشفى .... فلان ياخ ضربتو عربيه ...
الله لا تريحكم ... هسه ده خبر ده ....!
وين هو هسه .... انشاء الله ما جاتو حاجه ....
اها ساقونى معاهم ... بجوعتى ديك ..... مشيت معاهم ....
دخلنا المستشفى ... لقينا ليك زولى ملان لون احمر ساااااى .... التقول ضاربو بتاع اورنيش .... شئ شاش وشى جبص .... بالله تقول شغالين فيهو بنايين ترميم ....
المهم ... الدكتور جاء قال الزول ده داير ليهو غزازة دم .... وفصيلتو طلعت نادره....
بالله الناس الكتار ديل كلهم طلعوا اى كلام .... تخيلوا ...!!
انا الزول الوحيد الدمى مطابق للزول ده ...
اللهم لا اعتراض على امرك ....
انا المرقنى من البيت شنو ...؟
دخلت غرفة سحب الدم .... بالله الغرفه ذى السلخانه .... الدم مدفق فى الواطه ... وفى الحيط .... بث التقول فلم هندى والبطل صينى ....!!
بعد شويه جابو لى حقنه كبيره خلاص .... اتشهدت طوالى ....
والزول ده اشيل واحلب فينى التقول بقرت ابوهو .....
المهم الناس ديل شالو منى كمية بتاعت دم خيالية ... اكتر من الودوها فلسطين ...
ده كلو كوم ....
المشكله جانى واحد قال لى دايرين نجيب لينا حبوب للزول ده ادينا قروش ...
يا ناس ... قالوا لى والله القروش العندنا كلهاكملت ...
اها اديتهم الخمسه جنيه ... واتعوضت فيها ربنا ....
ممرض ثقيل قال لى اشرب ليك عصير بعد الغزازه الشالوها منك دى ....!!
عليك الله الزول ده ما ثقيل ....
والمشكله المستشفى بعيده من البيت ....
يعنى امشى كدارى ... والله مشكله ...
دى وقعت شنو البقيت فيها دى ....
بث انطبق على المثل بتاع ....
اتلمه المتعوس على خايب الرجاء ...
ولا ما كده ...
انا الظاهر على الجوعه دى اثرت على اللغة بتاعتى ....
معليش .... ميته وخراب ديار
شايل فى جيبى خمسه جنيه ....
مرطب رطبه شديده ...
قلت الليله يا ود يا بحيرى تاكل ليك عشاء تتحدث بيهو المدن والباديه ...
عشاء فاخر ... اكون حديث المجتمع المحلى لمدة طويله ....
وانا ماشى شايف ليك السمك ده معلق ... وجنبو الجداد .... حاجه ما تخلص ....
قلت اشيل لى سمكه معاها نص جداده ... على شطه خضراء وجرجير وبصل ... تكون وجبه دسمه ....
لكن ... تانى قلت سيبك ياخ ....!!
اها ....
مشيت شويه كده ....
لقيت ليك محل حلويات وحليب .... المحل ذاتو الخمك ... بهرجه جد ولمبات وزينه ...
قلت يا ولد يا مفتح .... تشيل ليك نص كيلو باسطه بلح شام وبسبوسه على غزازة حليب ... ومافى اجمل من كده ....
لكن ... تانى قلت سيبك ياخ .....!!
واحد ثقيل قال لى انت داير تصل لى شنو ....؟
البسمعك داير وداير اقول شايل ليك 19 مليون ....!!
ياخى عذبتنا ....!!
عليك الله الزول ده ما ثقيل ....؟!!
يعنى الواحد ما اختار الحاجه البتريحو ....
ده شنو ده .... تقيفوا للزول فى حلقو ....
عليكم الله سيبكم من الزول ده ... ده ما عندو موضوع ساااى ...
اها ...
بطنى كركبت كركبه شديده ... قلت خلاص مافى وكت للاختيار ...
وانا ماشى شميت ليك ريحة الشيه دى تلخم .... دخاخين للسماء .... واللحمه دى معلقه هبطرش .... لمان شلت هم لمستقبل الثروه الحيوانيه فى السودان ...
ياخى مرصوصه ذى اباريق الزاويه .....
اها ... قلت اعمل لى طلب بتاع شيه ... بمزاااااج ... ومعاهو شوربه حاااااااااااااره ...
لكن .... قلت سيبك ياخ ....
ياخى انا والله زول متردد خالص ...
برترت ذى لمبة الجاز ... ( حبوبه ونسينى ) ...
اها ...
اثناء ما انا فى هذا الوضع - المناجاة الروحية - الواحد لازم اقيف مع نفسو شويه .. الله مالكم غريبه عليكم ....!!
المهم .... لمو ليك فىنى جماعه بعرفهم ....
ها زول ... سلامات .... 7 انفار ... سلام شديد ... والله عملوا لى فليته فى راسى ... والله التقول جاى من الحج ....
ها ناس خباركم ... عافيه انشاء الله ...
قالوا لى والله ماشين على المستشفى .... فلان ياخ ضربتو عربيه ...
الله لا تريحكم ... هسه ده خبر ده ....!
وين هو هسه .... انشاء الله ما جاتو حاجه ....
اها ساقونى معاهم ... بجوعتى ديك ..... مشيت معاهم ....
دخلنا المستشفى ... لقينا ليك زولى ملان لون احمر ساااااى .... التقول ضاربو بتاع اورنيش .... شئ شاش وشى جبص .... بالله تقول شغالين فيهو بنايين ترميم ....
المهم ... الدكتور جاء قال الزول ده داير ليهو غزازة دم .... وفصيلتو طلعت نادره....
بالله الناس الكتار ديل كلهم طلعوا اى كلام .... تخيلوا ...!!
انا الزول الوحيد الدمى مطابق للزول ده ...
اللهم لا اعتراض على امرك ....
انا المرقنى من البيت شنو ...؟
دخلت غرفة سحب الدم .... بالله الغرفه ذى السلخانه .... الدم مدفق فى الواطه ... وفى الحيط .... بث التقول فلم هندى والبطل صينى ....!!
بعد شويه جابو لى حقنه كبيره خلاص .... اتشهدت طوالى ....
والزول ده اشيل واحلب فينى التقول بقرت ابوهو .....
المهم الناس ديل شالو منى كمية بتاعت دم خيالية ... اكتر من الودوها فلسطين ...
ده كلو كوم ....
المشكله جانى واحد قال لى دايرين نجيب لينا حبوب للزول ده ادينا قروش ...
يا ناس ... قالوا لى والله القروش العندنا كلهاكملت ...
اها اديتهم الخمسه جنيه ... واتعوضت فيها ربنا ....
ممرض ثقيل قال لى اشرب ليك عصير بعد الغزازه الشالوها منك دى ....!!
عليك الله الزول ده ما ثقيل ....
والمشكله المستشفى بعيده من البيت ....
يعنى امشى كدارى ... والله مشكله ...
دى وقعت شنو البقيت فيها دى ....
بث انطبق على المثل بتاع ....
اتلمه المتعوس على خايب الرجاء ...
ولا ما كده ...
انا الظاهر على الجوعه دى اثرت على اللغة بتاعتى ....
معليش .... ميته وخراب ديار