نُطالب بقسم خاص للمريخاب [الأرشيف]

ZANOON

30-06-2011, 08:11 AM

لفش المغصة
والذي منو

يامدنيه
الذي منو كتييييير
واذا في مباراتين لم نتمالك اعصابنا
فكيف صبر اهل الهلال علي مشاركاتهم الطويله في البطوله ولم يفتح الله لهم غير المركز التالت
لكن اقول ليك حاجه (المغصه بتشق لو استمرينا كدا)

ahmed algam

30-06-2011, 08:20 AM

d: d: d:

وبشدة

ود الضو

30-06-2011, 10:26 AM

سجلوني معاكم

ايمن الطيب

30-06-2011, 10:27 AM

لفش المغصة
والذي منو

اقتراح مقبول وبشده

ودالعمدة

30-06-2011, 10:41 AM

لفش المغصة
والذي منو

الضمير فى الذى ( منو )
يخايل لى راجع ل(روبيش )
صاح يامدنية ولا ماغلط
بعد المغصة : نؤيد بحزم مهما كان الذى منو

مدنيّة

30-06-2011, 11:01 PM

يامدنيه
الذي منو كتييييير
واذا في مباراتين لم نتمالك اعصابنا
فكيف صبر اهل الهلال علي مشاركاتهم الطويله في البطوله ولم يفتح الله لهم غير المركز التالت
لكن اقول ليك حاجه (المغصه بتشق لو استمرينا كدا)

ناس الهلال ديل ياذنون متعودين ياخ
عشان كدا مافي حاجة بتأثر فيهم
لكن احنا غير ياخ

------
انت عارف لو استمرينا بالحالة دي
هداف سيكافا ح يكون من لاعبي المريخ ):

مدنيّة

30-06-2011, 11:02 PM

d: d: d:

وبشدة

تضحك يااحمد!
قلبك ميت ياخ
هههههههههههههههههه

-------
هسي عليك الله منظرك شنو
مع الاعداء
نغلب وندرن
برااااااااااااااااااانا
ثمح ياخ ماكان نعلب برانا
لاعبين (ضد) فريق تاني لشنو!!

مدنيّة

30-06-2011, 11:03 PM

سجلوني معاكم

بقلمك المبدع دا ياود الضو
ماتحاول تجسد لينا مغصتنا دي ياخ

مدنيّة

30-06-2011, 11:05 PM

اقتراح مقبول وبشده

عليك الله يامولانا
ليه الهوان البقينا فيه دا!!
وليه الصرف دا علي مافيش!
مباريتين
بنسجل اهداف في روحنا!!
هسي منظرنا امام العالم الخارجي شنو!
والمصيبة انه لاعبين مع فرق
ملقطين تلاقيط

ياخ من مابديت تشجع المريخ
حصل حسيت بمغصة زي دي!!

مدنيّة

30-06-2011, 11:08 PM

الضمير فى الذى ( منو )
يخايل لى راجع ل(روبيش )
صاح يامدنية ولا ماغلط
بعد المغصة : نؤيد بحزم مهما كان الذى منو

هو روبش دا
والحمد لله يا ياسر
انه ما ظهر علينا
عشان كان ح يزيد علينا المغصة مليار

-----
ادارة المريخ دي ياسر ما بتقيف
تشوف الحاصل شنو!
وتدرس الوضع اللي هي فيه
ووصل ليه حال الفريق!!
منتظرين شنو عشان يقعدوا
ويدرسوا بعقل ماهم عليه الان!!

ودسمير

30-06-2011, 11:29 PM

يا مدنيه ما كنت كويسه ... نحنا بنحي الناس التمام حتى لو مريخاب ! لكن الظاهر عليك عايزه تشقى الصفوف !

استعيذى بالله من الشيطان الرجيم وقومى اتوضئ وصلى ركعتين ..

مدنيّة

30-06-2011, 11:34 PM

والله ياود سمير
المغصة عايزة تشقنا ياخ

-----
لشنو سيكافا دي
ومنو هي الفرق المشاركة فيها
وليه الصرف البذخي دا عشانها
وبعد دا كله
الاوت بوت بتاعها شنو!!
لاعبين برانا وبنسجل في الاهداف لينا وللفريق المفترض لاعب ضدنا
عليك الله البذخ والكرم الحاتمي دا شفته قبل كدا!!!!

مدنيّة

30-06-2011, 11:42 PM

واحد سأل مسطول متابع لسيكافا
قال ليهو احسن خط هجوم منو ؟

قال ليه: دفاع المريخ

---------
لقيتها في حلة مجاورة

ZANOON

01-07-2011, 12:04 AM

ناس الهلال ديل ياذنون متعودين ياخ
عشان كدا مافي حاجة بتأثر فيهم
لكن احنا غير ياخ

------
انت عارف لو استمرينا بالحالة دي
هداف سيكافا ح يكون من لاعبي المريخ ):

http://i51.tinypic.com/2q2jtee.jpg

دا الزعيم ولكل جواد كبوه

مدنيّة

01-07-2011, 12:13 AM

http://i51.tinypic.com/2q2jtee.jpg

دا الزعيم ولكل جواد كبوه

ياذنون
ماملاحظ انه الكبوات دي بقت كتيرة جدا
ومفترض الناس تقيف وتقييم
الحاصل دا!
معقولة لكن من كبوة لكبوة
واحنا ماسكين في لكل جواد كبوة!!

ياخ في مباريتين
مسجلين لينا 6 أهداف
وشباكنا نضيفة من اي هدف سجله الخصم!!!
نجسل براااااااانا
ماباقي لينا الا نغني
برانا برانا نسجل اهدافنا
لينا وللبلعب معانا
-------
في زول كبواته ما بتتحلق
لكن هسي لقيت كبوات المريخ اكتر من كبواته
ههههههههههههههههه

--------
صورة جميلة جدا
نورت بيها البوست والله
غايتو الفهم
ويبقي هناك أمل
ههههههههههههه

ود الضو

01-07-2011, 06:17 AM

بقلمك المبدع دا ياود الضو
ماتحاول تجسد لينا مغصتنا دي ياخ

-----------------------
المريخ كبير يا مدنية
وسيظل كبيرا رغم اي شيئ
وغيرنا يشرب طينا وعجينا ..

ود الضو

01-07-2011, 06:24 AM

مدنيّة

01-07-2011, 08:35 AM

-----------------------
المريخ كبير يا مدنية
وسيظل كبيرا رغم اي شيئ
وغيرنا يشرب طينا وعجينا ..

ود الضو
صاحب القلم المميز
عشان مريخنا كبير
وعشان ما بنقبل الا يكون كبير
لازم ولا بد من وقفة
للنظر في امر المريخ وما وصل له الحال
من تهاون لاعبين
ومن صفات لاعبين بملايين الدولارات لا يستحقون
1% من هذه الاموال

------
والوجع يشق ياود الضو

مدنيّة

01-07-2011, 08:38 AM

يامدنية :
اما عن هذه السيكافا رغم هذه الاشياء التي تحدث فيها ونحن لم نتعودها
بس لو في تحكيم عااادل وبخاف الله
المريخ حيحقق البطولة دي
مشاققة :
حتي الان لم استطيع ان افهم لماذا المريخ صار خارج الابطال باستمرار ؟
ماذا ينقص المريخ ؟؟
تهاون لعيبة ؟
ام ان هناك مشاكل ادارية وفنية لانعلم بها ؟

ود الضو
حكام شنو!!
هم لعيبة المريخ
بيسجلوا الاهداف في مرماهم
الحكام يعملوا ليهم شنو!!
ينقضوها يعني ولا كيف!
بيني وبينك هم بيكونوا لهسي
مستغربين في الكرم الحاتمي
النازل من ارجل لاعبي المريخ دا

--------
نجي للمشاققة
ماهو دا الوجع زاتوووووووو ياود الضو
والابطال السنة دي
مامشينا قيد انملة
من قولة تيت
احنا طرنا
مش مفترض الناس تقعد
وتشوف الحاصل شنو!
ولاتمشي سيكافا
عشان تزيد الطين بلة!!

المسافر

01-07-2011, 11:34 AM

يعني بإختصار كده عايزين قسم ( للمواسير )
ياخ أمشو مصنع جياد وخلاص

ايمن الطيب

01-07-2011, 02:31 PM

ربنا يصبرنا على لاعبين جميعهم فاقد تربوي

ايمن الطيب

01-07-2011, 02:34 PM

عليك الله يامولانا
ليه الهوان البقينا فيه دا!!
وليه الصرف دا علي مافيش!
مباريتين
بنسجل اهداف في روحنا!!
هسي منظرنا امام العالم الخارجي شنو!
والمصيبة انه لاعبين مع فرق
ملقطين تلاقيط

ياخ من مابديت تشجع المريخ
حصل حسيت بمغصة زي دي!!

اسع انا عندى حصبه تتنوس وشلل اطفال

ابووضاح

01-07-2011, 09:46 PM

استغفري يامدون وعليك بالدعاء من النيران الصديقة
واشربي ليك كورة محاية من ودكنان وبخرتين من الفكي سورج معي شوية رمله لزوم المسوح وفك العارض
وقولي اللهم الحقنا بالهلال ومقارعة الابطال وابعدنا من السخافة ودورة سيكافا

مدنيّة

01-07-2011, 09:57 PM

يعني بإختصار كده عايزين قسم ( للمواسير )
ياخ أمشو مصنع جياد وخلاص

وانت مطلع روحك مننا ليه!
مااول واحد انت ح
ولا اقوليك
ح تكون سايق العربية اللي ح نمشي بيها ):

مدنيّة

01-07-2011, 09:58 PM

ربنا يصبرنا على لاعبين جميعهم فاقد تربوي

والله يامولانا
التعليم ماعنده اي دخل في الموضوع دا
لكن الاهمال والاستهتار والدلع القوه ليهم كم سنة
هو الخربهم

-----
صراحة بقولها
لاعبي الهلال قلبهم حااااااااار علي فريقهم
مع انهم ما لاقيين الاموال
العند لاعبي المريخ
لكن ساعة الحارة اولاد الهلال
بيشلوا الشيلة تب

مدنيّة

01-07-2011, 10:01 PM

اسع انا عندى حصبه تتنوس وشلل اطفال

عارف كمان البيغيظ يامولانا
امس في موقع اخر
بقرأ بوست لمشجع مريخابي
انه المريخ ح يفوز بكأس سيكافا
يعني زي التقول انه سيكافا دي اقصي امانينا
وبعدين هسي لو سالوه
بعد الحاصل دا
(لو) جابوا سيكافا دي
طعمها ح يكون شنو!!

----
الناس دي ح تقعد متين يامولانا
عشان تتكاشف وتتعامل بشفافية!!!

مدنيّة

01-07-2011, 10:03 PM

ابراهيم عطية بابكر

01-07-2011, 11:52 PM

ايامكم ياابو وضاح
مبسوطييييييييييييين انتو فينا

الاستاذه الكريمه مدنيه ناس ابو وضاح صبروا صبر ايوب منذ عام 1930م يحاولوا كل عام للحصول علي كأس بطوله رسميه قاريه ولكن دون جدوي ويجيء الرد لايمكن الوصول اليه حاليا حاول مرة اخري
لذلك متي ماتعثر الزعيم يبثون غيظهم فينا معـــــــــــــــــــــــــــــــــذورين فلندعهم لظروفهم النفسيه

مدنيّة

01-07-2011, 11:58 PM

الاستاذه الكريمه مدنيه ناس ابو وضاح صبروا صبر ايوب منذ عام 1930م يحاولوا كل عام للحصول علي كأس بطوله رسميه قاريه ولكن دون جدوي ويجيء الرد لايمكن الوصول اليه حاليا حاول مرة اخري
لذلك متي ماتعثر الزعيم يبثون غيظهم فينا معـــــــــــــــــــــــــــــــــذورين فلندعهم لظروفهم النفسيه

استاذنا الكريم ابراهيم
الاخوة الاعداء ديل
العليهم احنا عارفنه

------
لكن وجعنا الهسي دا
عشان الوصل ليه حال المريخ
والهوان البقينا فيه
والكرم الحاتمي
الشكله ما ح يقيف دا!

-------
شرفتني بوجودك يااستاذنا

أمير عبداللطيف

02-07-2011, 03:32 AM

بعد حالكم دا بقيه فرق سيكافا ما احسن منكم ،، يعني القال المريخ بفوز بالكاس ما غلطان ،،

ابووضاح

02-07-2011, 04:20 AM

الاستاذه الكريمه مدنيه ناس ابو وضاح صبروا صبر ايوب منذ عام 1930م يحاولوا كل عام للحصول علي كأس بطوله رسميه قاريه ولكن دون جدوي ويجيء الرد لايمكن الوصول اليه حاليا حاول مرة اخري

لذلك متي ماتعثر الزعيم يبثون غيظهم فينا معـــــــــــــــــــــــــــــــــذورين فلندعهم لظروفهم النفسيه
الاستاذ الفاضل ابراهيم عطية/ لو الهلال بحاول جنس محاولاتكم دي كان الكاسات ماليها حد علي العموم مبروك الفوز اليوم وكنت اتمناها ثمانية اهداف لضعف فريق المان واقول : الله يفك عارضكم وهدية ليك كورة محاية مع مدنيه من قبة ودكنان

ابراهيم عطية بابكر

02-07-2011, 06:45 AM

الاستاذ الفاضل ابراهيم عطية/ لو الهلال بحاول جنس محاولاتكم دي كان الكاسات ماليها حد علي العموم مبروك الفوز اليوم وكنت اتمناها ثمانية اهداف لضعف فريق المان واقول : الله يفك عارضكم وهدية ليك كورة محاية مع مدنيه من قبة ودكنان

الاخ الكريم ابوضاح اسعدني مرورك بس الهلال حاول سيكافا ولم يفلح وفي النهاية قالوا كأس صفيح وبطوله ضعيفه
ياخي روحك رياضية وشكلك بتشبه الصفوة واظنك صفوي زعلان ومشيت لبني زرقان عد عليك الامان الزعيم ياهو زعيم السودان * مودتي تتري

مدنيّة

02-07-2011, 07:03 AM

بعد حالكم دا بقيه فرق سيكافا ما احسن منكم ،، يعني القال المريخ بفوز بالكاس ما غلطان ،،

اصلا المصيبة ياسعادتك
انه كل فرق سيكافا
مافيها فائدة
وبعد كدا
ياهو دا حالنا فيها!!

شفت جنس المحن دي

مدنيّة

02-07-2011, 07:04 AM

الاستاذ الفاضل ابراهيم عطية/ لو الهلال بحاول جنس محاولاتكم دي كان الكاسات ماليها حد علي العموم مبروك الفوز اليوم وكنت اتمناها ثمانية اهداف لضعف فريق المان واقول : الله يفك عارضكم وهدية ليك كورة محاية مع مدنيه من قبة ودكنان

عارضنا شكله قوووووووووووي ياابو وضاح
ومدفون وين ما معروف!!

------
الكورة بتاعت الليلة انا ماشفتها
لكن العجب جاب هدفين من التلاتة
يعني هسي يا ابو وضاح
العجب دا ما يعتزل ولاشنو!!!
خليفة ليه مافي ياكافي البلاء!!
دا كلام دا!!

ابووضاح

02-07-2011, 07:17 AM

الاخ الكريم ابوضاح اسعدني مرورك بس الهلال حاول سيكافا ولم يفلح وفي النهاية قالوا كأس صفيح وبطوله ضعيفه
ياخي روحك رياضية وشكلك بتشبه الصفوة واظنك صفوي زعلان ومشيت لبني زرقان عد عليك الامان الزعيم ياهو زعيم السودان * مودتي تترياخي الغالي ابراهيم / انا هلالابي بالفطرة ولكن في سبيل اسم السودان اتمني الكاس مريخي سوداني في المقام الاول والمايتقدرو عليهو بنتمو نحنا

ابووضاح

02-07-2011, 07:20 AM

عارضنا شكله قوووووووووووي ياابو وضاح
ومدفون وين ما معروف!!

------
الكورة بتاعت الليلة انا ماشفتها
لكن العجب جاب هدفين من التلاتة
يعني هسي يا ابو وضاح
العجب دا ما يعتزل ولاشنو!!!
خليفة ليه مافي ياكافي البلاء!!
دا كلام دا!!مدون والله انا كنت بشاهد في الاستديو التحليلي لاعب المريخ السابق بشارة والطاهر هواري بشارة قال اتمني من المدرب يدخل العجب وده الحصل العجب لاعب كبير بقامة المريخ لكن الله يدينا الفي مرادنا ماتنسي المحاية ورملة الفكي سورج ثمح عشان افك العارض

مدنيّة

02-07-2011, 08:17 AM

مدون والله انا كنت بشاهد في الاستديو التحليلي لاعب المريخ السابق بشارة والطاهر هواري بشارة قال اتمني من المدرب يدخل العجب وده الحصل العجب لاعب كبير بقامة المريخ لكن الله يدينا الفي مرادنا ماتنسي المحاية ورملة الفكي سورج ثمح عشان افك العارض

إنت عارف ياابو وضاح
بكرة الصحف المريخية
وكتاب المريخ
يجونا بكتابة
وفرحة
التقول المريخ كان لاعب مع الانتر
ولا برشلونة!!

روبش

02-07-2011, 07:53 PM

لزوم الذي منو ... سجلوني معاكم
اقول :: الليلة قبل بكره ...

مدنيّة

02-07-2011, 10:56 PM

لزوم الذي منو ... سجلوني معاكم
اقول :: الليلة قبل بكره ...

ياخ احنا عايزين القسم دا
عشان الذي منه دي
وعشان ناخد راحتنا فيه كمريخاب
بعيد عن تواجد اي هلالابي
والدخول ليه يكون
بالبطاقة

روبش

02-07-2011, 11:05 PM

ياخ احنا عايزين القسم دا
عشان الذي منه دي
وعشان ناخد راحتنا فيه كمريخاب
بعيد عن تواجد اي هلالابي
والدخول ليه يكون
بالبطاقة

اقول :: لو بغير فيكم حاجة عافين ليكم

مدنيّة

03-07-2011, 02:19 AM

اقول :: لو بغير فيكم حاجة عافين ليكم

هسي بتعفوا لينا
لكن بعدين
ببقي ليكم حاااااار

رضا حسن محمد

03-07-2011, 04:48 AM

شيكو

03-07-2011, 06:26 AM

هسي بتعفوا لينا
لكن بعدين
ببقي ليكم حاااااار

تعرفي يا أم جمال
أنا بالجد مبسوط منك شديد مما اعترفتي بانو الهلال سيد البلد
والشهادة دي مشيت اشتريت ليه برواز مذهب كلفني الشي الفلاني
بس من فضلك ونسترجاك شيلي لينا اليافطة بتاعت مريخ الهزة دي بعيد
لانو بتهيج فيني الحساسية وبتنسيني باقي قروشي عند سيد البراويز

مدنيّة

03-07-2011, 06:39 AM

الاوت بوت دى لذيذة
يعنى قصدك البوت بناعة الزومة مرقت الكورة اوت

والله ياابو (حازم)
احنا الطلعنا اوت ياخ
ههههههههههههههههههههههه

-------
منور والله يارضا

مدنيّة

03-07-2011, 06:40 AM

تعرفي يا أم جمال
أنا بالجد مبسوط منك شديد مما اعترفتي بانو الهلال سيد البلد
والشهادة دي مشيت اشتريت ليه برواز مذهب كلفني الشي الفلاني
بس من فضلك ونسترجاك شيلي لينا اليافطة بتاعت مريخ الهزة دي بعيد
لانو بتهيج فيني الحساسية وبتنسيني باقي قروشي عند سيد البراويز

هسي ياشيكو
استخدم ليك صلاحياتي استخدام سئ
في مشاركتك دي
اخليك تغني ظلموه!
ههههههههههههههههههههههههه

شيكو

03-07-2011, 07:01 AM

هسي ياشيكو
استخدم ليك صلاحياتي استخدام سئ
في مشاركتك دي
اخليك تغني ظلموه!
ههههههههههههههههههههههههه

يعني يا أم جمال
ندمانة انك قلتي الهلال سيد البلد؟
هو الكلام أول مايمرق من الخشم البرجعو شنو
وبما انو دي أول مرة تعترفي بالهلال
ده استوجب انو نبذل مجهود ونشتري البرواز بالشي الفلاني
وبالله خليك معانا في دور التمانية بنفس الشعور
وبرضه بنسترجاااااااااااك
شيلي لينا اليافطة دي انا الحساسية قامت علي وطششت عيني
الحمرة الاباها المهدي
شن دايره بيها؟

مدنيّة

03-07-2011, 07:07 AM

وبالله خليك معانا في دور التمانية

هسي ياشيكو
احنا زاتنا ياخ
صعدنا لدور التمانية
المافي شنو (ياقول واحد في منبر مجاور هههههههههههههههههههههههه)

-------
بالله تسمع دوري التمانية لما الزول
يتكيف!