المساعد الشخصي الرقمي

مشاهدة النسخة كاملة : رسالة للحبايب



طارق التوم
26-01-2004, 07:29 AM
سلام يا ناس مليان حنية
فيه امانى وشوق جوانى
كبير وعميق
عساكم دايما عافية وطيبه
وسط سودانى
ما نحنا خلاص الغربة اتحكمت
ونحنا رضينا نكون جنياته
ونبقى نصيبه
وما هامين غير حالكم انتو
وطبعا انتو هناك فى بلدى
بلد الناس الكرم الطيبه
العشم الهانى
الشالو الهم بقوه امانى
وخلو مشاكل الكون تتحير
وخلو الفرح اصبح سودانى
قسمو اللقمه القاسيه جماعه
ورسمو البسمه سقوها محنه
وودو الخير للقاص والدانى
ونحنا هناك راجين اخباركم
مستنين وكتير بنعانى
عشان من غادى تجينا بشاير
فيها عيونكم شايله عشمنا
وفيها مشاعر وبلسم حانى
وكيف الحال من بعدو فراقنا
لعل ما نسيتوجميل ايامنا
سعيد اللحظة الكانت بيكم
وبيكم كنا دوام فى بهجة
وونسة لذيذه ملانة محنة
وفيها حلاوة الكون اجتمعت
عليكم الله منى تحية
صادقة وفية
كل شبابالحى وبالذكره
للجنيات الخربو طبعنا
وعطرو بالغنوات دنيتنا
ورسموعليها امانى حميمه
جميعكم دائما ارقدو طيبه
وشيلو سلامى ادوه حبيبه
وابقو عليها داوام بالعشره
وربنا يحفظ طيب العشره
وادونى رضاكم وبستاذنكم
ومانى قنعته
واسمحو لى شان ابقىبراكم
مده بسيطه
وبرجع تانى اشوف اخباركم
وكتين تبقو تردو رسولنا
وبستناكم شايل شوقى
وحاضن نارو
وبترجاكم تطفو لهيبا
سلام وسلامه وفى امان الله
دوام اتهنو
ديمه وراكم حافظ العشره
وحيد مستنى تجيه البشره
وما بنساكم

:o

mohab
01-02-2004, 10:01 AM
سلام يا ناس مليان حنية
فيه امانى وشوق جوانى
كبير وعميق

الاخ العزيز طارق التوم مرحبا" بك عضو في هذ المنتد المضواضيع