المساعد الشخصي الرقمي

مشاهدة النسخة كاملة : أورنيك 1/ نفاج !!!


شيكو
04-07-2011, 08:13 PM
حلمان حلمة الخير بالاتنين اخر الليل نائما
أشوف ليك رقبة ماشا براها
الرقبة دي كانت مربوطه فيها كرفته
يقوم ليك عصار زي الرمي زير ناس انتصار
أها العصار فك الكرفتة من الرقبة
بقت الرقبه ماشا براها
والكرفتة في حواها
الناس انقسمو نصين
نص جاري خايف من الرقبة
ونص ساكاهو الكرفته
طبعا اتعوقوا ناس كتيرين
قامو جو ناس الاسعاف المركزي وحملو المصابين والمصابات للحوادث
ناس الحوادث اتيمنو مافي علاج الا تجيبو اورنيك 1/نفاج
أجرنا لينا حداشر ركشة
بتاع الركشة قال الا خمسة جنيه ماشي وتلاتة جنيه جاي
بقي الحساب 88 جنيه
جينا لي السيد المشرف قلنا ليهو ادينا اورنيك1/نفاج و88 جنيه حق الركشات
قال لافي اورنيك 1/ نفاج ولابدفع ملين حمرا
وبقينا نتلفت زي النساجين
ياهل تري نسوي شنو؟
ونواصل في الحلقة ( 2 )
شيكو
04-07-2011, 11:02 PM
من الهند اتصل بينا مدير مصنع الركشات وقال انتو أسئتو استخدام الركشات
حداشر ركشة عشان تجيبو أورنيك؟
ويعني لو ماشين تجيبو المصنع ذاتو نجيب ليكم الهند هنا ولا شنو؟
عليه لابد من ايجار ركشة واحدة لي نفرين بس
لانو لامن صممناها ماقلنا يركبو فيها تلاتة انفار ومرات واحد رابع جمب السواق
طبعا الكلام ده عمل لينا اسئماط وخلانا زي الزول البيتو من جالوص وعامل بلاط
أها قلنا سلامة زاتو ال88 بقو 8
وجينا راجعين في المغيرب للمشرف
لاحد يشوفنا لانشوفو
قالت الرقبة والكرفتة العملت الحادث دي ماعندها بيها شغلة
وهي مابتطلع اورنيك
لانو مامن اختساسا أرانيك
ونواصل في الحلقة التالتة
شيكو
05-07-2011, 12:00 AM
خالد علوني قال عندو اورنيك من أيام شكلتو مع ود المطامير
ما استعملو
ملينا الاورنيك ومضاهو ود المطامير بالنيابة عن المشرف
أها ركبنا الركشة وجري علي الحوادث
لقينا الدكاترة قالوا مرقو الفطور
قعدنا حرسناهم
الساعة اطناشر جاء دكتور وشال الاورنيك
قال لازم يختم بي ختم النفاج
ود الصول جا داخل قال المشكلة محلولة
اتكلم شوية كده مع الدكتور وشال الاورنيك
أها بقينا مع المصابين
كانت المفاجأة انهم
فت قامو علي حيلم نصاااااااااااااااااااح
زولا كدي جاتو حاجة مافي
لكن اللفت نظرنا
انو رقابم بقت طوييييلة ومربوطة فيها كرفتة
انتهت الحلمة و
خلاس
نزار حسن محمد
05-07-2011, 12:21 AM
الله يستر من مرض الكرفتات النقوم بسرعه ندخل النفاج الكرنتينه
هووووى ياجماعة الغياب الحدث الحاضر بندور ندخل النفاج
الكرنتينه للتطعيم تعالووو ايدكم معانا قبل ما المرض انتشر
وانتى يا ام رقبه حسابك بعدين معاى
mahagoub
05-07-2011, 04:25 AM
رقابم بقت طويله من الخلعه
ولا ده حب لام رقبه وتقليد
ولا انت ماكل بصل فى العشا
شيكو
05-07-2011, 05:58 AM
الله يستر من مرض الكرفتات النقوم بسرعه ندخل النفاج الكرنتينه
هووووى ياجماعة الغياب الحدث الحاضر بندور ندخل النفاج
الكرنتينه للتطعيم تعالووو ايدكم معانا قبل ما المرض انتشر
وانتى يا ام رقبه حسابك بعدين معاى

يانزار ياخي الموضوع بسيت
وناس التطعيم لسه ماصرفو مواهيهم
روق المنقه
امكن أم رقبة براها تغير الصورة
تعرف ممكن نوصل لي حل يرضي جميع الاطراف
نجيب مقص نقطع الرقبة ونخلي الكرفتة
وبي كده يكون الموضوع اتحل حته حته
يا اخوانا مستنين رأيكم
بس مافي واحد يجيب لينا سيرة البصيرة أم حمد
نوهاااائي
شيكو
05-07-2011, 06:01 AM
رقابم بقت طويله من الخلعه
ولا ده حب لام رقبه وتقليد
ولا انت ماكل بصل فى العشا

لاهذا ولاذلك ولاحيث انه
بس الرقبة الطويلة عاملة لي حثاثية
انت لو الانستنين بنفع معاك ياغالي
أنا بيعمل لي ابشهاق
وبيذكرني حرب العراق
ودموع التلاقي والفراق
عاطف عولي
05-07-2011, 07:30 AM
قلت شنويا شيكو رقبة ماشة برااااااااااااااااااااااااها؟
شيكو
05-07-2011, 08:26 AM
قلت شنويا شيكو رقبة ماشة برااااااااااااااااااااااااها؟

اي ياعولي
رقبة ماشه براها
كان بتبقي ليكم
اعتبرنا ماقلنا حاجة
لانو كان في منادي بينادي علي المتعاونين مع اذاعة أمدرمان
البجو يصرفواستحقاقاتم اسمو أبورقبة
والله بالجد
تعرف أبورقبة ده كان بمسك كشف الصرف وينادي:
سيد خليفة الاستاذ سيد خليفة
لامن الاستاذ سيد خليفة يقرب للصراف
أبورقبة بخت ايدو علي الفراكشن
والورق يستلمو الاستاذ
شيخنا علي المبارك
ويفضل ينده واي فراكشن يلمو عليهو
فالرقبة كان بقت قزازة عصير
برضها رقبة
ونحن دايرين رايك
هل ياتري نجيب مقص ونقطع الرقبة من الصورة ونخلي الكرفتة؟
ولانقطع الكرفتة ونخلي الرقبة
والكلام ده ماليهو اية علاقة بي كلام البصيرة أم حمد
mahagoub
05-07-2011, 08:57 PM
لاهذا ولاذلك ولاحيث انه
بس الرقبة الطويلة عاملة لي حثاثية
انت لو الانستنين بنفع معاك ياغالي
أنا بيعمل لي ابشهاق
وبيذكرني حرب العراق
ودموع التلاقي والفراق

حبيبنا الاولانى فلان الفلانى
لينا معاهوا رقبه
دايرين نشوفوا تانى
ود المطامير
05-07-2011, 09:30 PM
رقبه طوييييله وكرفته ؟

يا ربى دى أنا شفتها وين ؟ شفتها وين ؟

غايتو يا فرده رقبه طويله وكرفته وساكه الناس ، دا فلم رعب بالطريقه الصاح ;)
mahagoub
05-07-2011, 10:08 PM
رقبه طوييييله وكرفته ؟

يا ربى دى أنا شفتها وين ؟ شفتها وين ؟

غايتو يا فرده رقبه طويله وكرفته وساكه الناس ، دا فلم رعب بالطريقه الصاح ;)

شفتها وين ؟
انت قاعد تمشى حديقة الحيوان
شيكو
17-07-2011, 03:34 AM
رقبه طوييييله وكرفته ؟

يا ربى دى أنا شفتها وين ؟ شفتها وين ؟

غايتو يا فرده رقبه طويله وكرفته وساكه الناس ، دا فلم رعب بالطريقه الصاح ;)

ود المطاميييييييييييييير
ياحليلك ياود أمي
انت خلي بالك ماشفت المنظر
هو أساسا الناس الكانو جاريين ماكانو خايفين من الرقبة أم كرفتة
كان ساكيهم بوليس الحركة
لانهم قفلوا الشارع والعربات بقت تمشي مسارقة
أها ما أطول عليك
عمك سنكب بتعرفو؟
قام ختف الصفارة من بوليس الحركة وقال ليهو كل حركة معاها بركة
قامو مشو لي ادروب جمب الحوادث قالوا ليهو لازم تدينا فنجانين من البركة
ادروب قال ليهم: البركة الجيتو لانو الترخيص بتاع الركشة حقتي انتهي فدحين أنا بملا ليكم الجبنة الكبيرة دي
انتو تشربو
وناس الترخيس يشربو
وتتكيفو وتجددوا لي الرخسة
الكلام ده ماخارج معاهم دوروها شمطة
الناس الكانو جارين وقافلين الشارع اتلمو
كل واحد ملا ليهو فنجان
وادروب يكورك
واجبنتاه
واجبنتاه
شفت كيف!!!
مايسة
17-07-2011, 05:44 AM
شفتها وين ؟
انت قاعد تمشى حديقة الحيوان


ههههههههههه -
ياخ هو ساكن معاهم عديل


شيكو عاش من شافك اللخو - طيب ان شاء الله - وكيف الآبري
شيكو
18-07-2011, 02:54 AM
شيكو عاش من شافك اللخو - طيب ان شاء الله - وكيف الآبري

ميووووسة الدجالة
مشتااااااااااقييييين
ماتستعجلي ملينا ليك قفتين كبااار أبري
وناس الجرمك قالوا الا تدفعو اربعمية جنيه
من فضلك رسلي تلتمية والمية بندفعا ملاوزة منك ساي
ماتقومي تكتبي لينا الهلال تطيريهو من البطولة
ههههههههههههههههه
اها رقم الحساب
00000زايد صفرين صفر
استعجلي رمضان داقش الابواب خلاس