المساعد الشخصي الرقمي

مشاهدة النسخة كاملة : اللهم أجعله خير



Amin Idries
05-07-2011, 12:34 AM
حلمانْ أم بارح بي جيرانا
ناسْ ودكَنَّـان الكهربا قطعت ..
الناس اتلمت في دكان حامد
و ناس السرة المرقو الشارع ..
و كلام العاقب كله ضحك
تقول مغسول بي موية زير
والبنوت المرقنْ وقَصدنْ حي الثورة..
ماشات بالجينزِِِ و جادعات الطرحة
الشجر إتمايلْ .. فرحانْ بي لمة ناسوْ..
والطيبة الفارِدْة ظِـلالها على روحي
******
حلمان بي ودكنان بقى منشية ..
وريحة البُنْ فى العَصريَّةْ
قلبت و صارت زي شية ..
دكان الهادي ببيع الفرخة المَشـويَّةْ
و ناس زهَرَة الجيران ناس سعدية ..
بقوا زي ناس رندا بياكلو الجبنة الرومية
و الخور الورا ناس طاشين ...
تشوفو تقول بس نهر السين
ناس ودكنان بقو تَقيَانين ..
بياكلو الدمعة تلات وجبات...
وحمام و جداد و تفاحتين
و الأطفال قاعدين في البنش
نضاف و لُزاز و مرتاحين
و معاهم بارني و دورَا و مرجيحتين
و الفلاتة الكانو ببيعو الطعمية
بقو زي ناس جاكسون و أوبرا الأمريكية
و ناس الدوحة الكانو نضاف
جو ودكنان ....
دايرين يشتغلو تمرجية
و أوباما بيحلم بزيارتنا..
معاهو سوزي وهيلاري..
و عمدة فرجينيا
و صحيت بي صوت مريومة ...
بابا ادينا العيدية

احمد ابو امنة
05-07-2011, 01:04 AM
اللهم حقق كل الاحلام السعيدة

مدنيّة
05-07-2011, 02:36 AM
والله ناس ودكنان يستاهلوا
الحلم الجميل دا
وربنا يحققه

-----
مرحب امين
وشكرا ليك علي الجميل الممتع دا

مصطفى هاتريك
05-07-2011, 03:25 AM
نقول آمين

خلاص يا أمين

أكسي عمك نشوفو السين

وبنش الشفع صنع في الصين

نقول آمين

ونرجع نحلم بأمبارح

بالدافوري

وعمك صالح سيد اللوري

والرجل الساخط فينا ضروري

آآآآآخ يا أمين من هادي الحالة

وهادي الدنيا بقت غلغالة

حليلك يمه ,, حليلك خاله

حليل لمتنا معاك بلاله

محمد الجزولى
05-07-2011, 05:15 AM
و صحيت بي صوت مريومة ...
بابا ادينا العيدية

وصحيت بي صوت مريومة
بابا ادينه العيديه
وصراخ السرة مع سعدية
مدي الصلصة والطايوق
القراصة الحارة هناك مرميه
بس خلينا نقول آمين
يمكن يحصل.. ودكنان بالنور مكسية
العزيز امين .. مرحب بيك وبي قلمك الجميل

ZANOON
05-07-2011, 06:26 AM
حلمانْ أم بارح بي جيرانا
ناسْ ودكَنَّـان الكهربا قطعت ..
الناس اتلمت في دكان حامد
و ناس السرة المرقو الشارع ..
و كلام العاقب كله ضحك
تقول مغسول بي موية زير
والبنوت المرقنْ وقَصدنْ حي الثورة..
ماشات بالجينزِِِ و جادعات الطرحة
الشجر إتمايلْ .. فرحانْ بي لمة ناسوْ..
والطيبة الفارِدْة ظِـلالها على روحي
******
حلمان بي ودكنان بقى منشية ..
وريحة البُنْ فى العَصريَّةْ
قلبت و صارت زي شية ..
دكان الهادي ببيع الفرخة المَشـويَّةْ
و ناس زهَرَة الجيران ناس سعدية ..
بقوا زي ناس رندا بياكلو الجبنة الرومية
و الخور الورا ناس طاشين ...
تشوفو تقول بس نهر السين
ناس ودكنان بقو تَقيَانين ..
بياكلو الدمعة تلات وجبات...
وحمام و جداد و تفاحتين
و الأطفال قاعدين في البنش
نضاف و لُزاز و مرتاحين
و معاهم بارني و دورَا و مرجيحتين
و الفلاتة الكانو ببيعو الطعمية
بقو زي ناس جاكسون و أوبرا الأمريكية
و ناس الدوحة الكانو نضاف
جو ودكنان ....
دايرين يشتغلو تمرجية
و أوباما بيحلم بزيارتنا..
معاهو سوزي وهيلاري..
و عمدة فرجينيا
و صحيت بي صوت مريومة ...
بابا ادينا العيدية
خالي العزيز الاستاذ امين
متعك الله بوافر الصحه اخبارك واخبار الاسره والبنوت
_____________________________
بوست بروعه دعاش بلدي
لاناسٌ يعيشون الحياه بكل بساطه
لاناس نفاخر بانني كنت بينهم في يوم من الايام
تعلمنا منهم حُسن المعشر والعُشره
لم يكن ابانا واحد بل كل كبير في الحي هو والدنا
وكل امرأه كبيره في السن هي امنا وام الكل
____________________________
تستاهلين كل الخير ودكنان _ _ _

ZANOON
05-07-2011, 06:35 AM
حليل لمتنا معاك بلاله

حليل لمتنا معاك بلاله
هي امي التي لم تنجبني
____________
حليل لمتكم خالي امين
خالي هاتريك
الاستاذ خالد عزالدين
____________
حليل امشوا جيبوا المويه
يامرتضي وياذا النون
جيبوها سريع علي الصالون
____________
وصوت المورس وكارو دفع الله ودافوري الفسحه وناس عوض طلب وامير طاشين
_______________________________________________
باقي ليك يا هاتريك الزمن دا برجع تاني

اميمه عشريه
05-07-2011, 08:24 AM
دعونا نتفاءل ونًدعي انه حلم لا يشبه سحابات الصيف المنسيه ...وان باكر حتما اجمل لأننا شعب ينتقي احلامه بجداره ويحياها بأصاله ...

Amin Idries
05-07-2011, 06:37 PM
اللهم حقق كل الاحلام السعيدة

اللهم آمين
شكرا على المرور أخونا أحمدابو آمنة

Amin Idries
05-07-2011, 06:41 PM
والله ناس ودكنان يستاهلوا
الحلم الجميل دا
وربنا يحققه

-----
مرحب امين
وشكرا ليك علي الجميل الممتع دا

يستاهلك الخير أختي مدنية و ألف شكر على التعليق الجميل

Amin Idries
05-07-2011, 06:44 PM
نقول آمين

خلاص يا أمين

أكسي عمك نشوفو السين

وبنش الشفع صنع في الصين

نقول آمين

ونرجع نحلم بأمبارح

بالدافوري

وعمك صالح سيد اللوري

والرجل الساخط فينا ضروري

آآآآآخ يا أمين من هادي الحالة

وهادي الدنيا بقت غلغالة

حليلك يمه ,, حليلك خاله

حليل لمتنا معاك بلاله

شقشقي هاتريك الشهير بي مصطفى
حليل ذلك الزمن الجميل
حليل حاجة بلالة و أدعو لهل بالمغفرة و ربنا يجعلها من نساء الجنة

Amin Idries
05-07-2011, 06:48 PM
حليل لمتنا معاك بلاله
هي امي التي لم تنجبني
____________
حليل لمتكم خالي امين
خالي هاتريك
الاستاذ خالد عزالدين
____________
حليل امشوا جيبوا المويه
يامرتضي وياذا النون
جيبوها سريع علي الصالون
____________
وصوت المورس وكارو دفع الله ودافوري الفسحه وناس عوض طلب وامير طاشين
_______________________________________________
باقي ليك يا هاتريك الزمن دا برجع تاني

العزيز ذا النون التحية ليك و لي كل أفراد الأسرة الكريمة
و زمن زي داك تاني ما بجي و البركة في الناس الفضلو
و شكرا لكلامك الجميل الذي يدل على أصالة المعدن

Amin Idries
05-07-2011, 06:50 PM
وصحيت بي صوت مريومة
بابا ادينه العيديه
وصراخ السرة مع سعدية
مدي الصلصة والطايوق
القراصة الحارة هناك مرميه
بس خلينا نقول آمين
يمكن يحصل.. ودكنان بالنور مكسية
العزيز امين .. مرحب بيك وبي قلمك الجميل

ياخي قلمك انت الأجمل و خاتمة أجمل ما يكون
و تسلم يا ود الجزولي

Amin Idries
05-07-2011, 07:05 PM
دعونا نتفاءل ونًدعي انه حلم لا يشبه سحابات الصيف المنسيه ...وان باكر حتما اجمل لأننا شعب ينتقي احلامه بجداره ويحياها بأصاله ...

ألف شكر أختي أميمةو أكيد القادم أحلى

سوباوي
05-07-2011, 08:47 PM
أحلم .. أحلم يا أمين لساك ما توقف

أحلم بزمن نترجاه يعود

حلمك ينقرش جواي زي بعزف في عود

اللمة في دكان حامد .. ناس السرة .. ضحك العاقب

ديل أصلاً نكهة ود كنان يا صاحب ..

الناس كانت بضوي من تالاها وما محتاجة كهارب ..

الناس يا أمين الآن زي ما تقول إنطقت عين في هادا المشروع

النيل يا أمين .. النيل الكان بدينا متانة ويوحد جوانا الهمة

بقى هزلان .. حسران .. زي الطاقاهو كوفارة جوع ..

يا ود أدريس لا زم تحلم .. لازم تحلم يوماتي

لأنو في بوابة نومنا أصبح واقف همباتي

يصادر كل أحلامنا الوردية .. ومن تاني نتاتي

النوم والنوم العينين ليهو تهاتي

علماً يا أمين أنو آدي الأحلام مشروعة!!!!

وكل آمالنا في هادي البقعة الطيبة ما ممنوعة .. !!!

يا أمين ياخ بالله عليك لا زم تحلم ...لا زم تحلم .. وكل أحلامك إن شاء الله تكون خير ..

Amin Idries
05-07-2011, 09:26 PM
أحلم .. أحلم يا أمين لساك ما توقف

أحلم بزمن نترجاه يعود

حلمك ينقرش جواي زي بعزف في عود

اللمة في دكان حامد .. ناس السرة .. ضحك العاقب

ديل أصلاً نكهة ود كنان يا صاحب ..

الناس كانت بضوي من تالاها وما محتاجة كهارب ..

الناس يا أمين الآن زي ما تقول إنطقت عين في هادا المشروع

النيل يا أمين .. النيل الكان بدينا متانة ويوحد جوانا الهمة

بقى هزلان .. حسران .. زي الطاقاهو كوفارة جوع ..

يا ود أدريس لا زم تحلم .. لازم تحلم يوماتي

لأنو في بوابة نومنا أصبح واقف همباتي

يصادر كل أحلامنا الوردية .. ومن تاني نتاتي

النوم والنوم العينين ليهو تهاتي

علماً يا أمين أنو آدي الأحلام مشروعة!!!!

وكل آمالنا في هادي البقعة الطيبة ما ممنوعة .. !!!

يا أمين ياخ بالله عليك لا زم تحلم ...لا زم تحلم .. وكل أحلامك إن شاء الله تكون خير ..

لك التحية يا سوباوي
و ما فضل لينا شيء الا الحلم و ربنا يحقق أحلامنا و يدينا الفي مرادنا

ريمون
05-07-2011, 09:34 PM
والله يا امين قريت البوست دموعي جرت ..
الله يرحم حجه بلاله ويرحم الايام الحلوه ويخلي ليك مريومه وامها واخواتها ويحقق امانيك ..

Amin Idries
05-07-2011, 09:49 PM
والله يا امين قريت البوست دموعي جرت ..
الله يرحم حجه بلاله ويرحم الايام الحلوه ويخلي ليك مريومه وامها واخواتها ويحقق امانيك ..

تسلمي يا ريمون الشهيرة بي ريم و يدينا الفي مرادنا

ياسر عمر الامين
06-07-2011, 02:59 AM
ربنا يحقق الأحلام

تحياتى أستاذى امين ادريس

تلميذك ياسر عمر الأمين

Amin Idries
06-07-2011, 09:24 PM
ربنا يحقق الأحلام

تحياتى أستاذى امين ادريس

تلميذك ياسر عمر الأمين

شكرا ياسر على المرور
انت لسة في الدوحة و لا رجعت لاني رجعت الدوحة تاني و ربنا يحقق كل الأماني المشروعة

حاتم عمر
06-07-2011, 11:12 PM
ليست دعوة للتشاؤم يا أمين ولكن عيشة الواقع احلى وامر ، فانا اقول لك عكس ما قال غيري انها اضغاث احلام والظاهر عليك كنت متعشي فول بدون زيت طالما حلمت بان هناك حي من احياء ست الحبايب بقي منشية او على الاقل بقى كما نود إلا بمعجزة الاهية وليس هناك شي ببعيد على الله ،،، واصحى يا ابريش
ويا ريت تحلم لينا بما نملكه من حب ومن معزة ومن بهاك
تحياتي ،،،[/size][/SIZE]
حلمانْ أم بارح بي جيرانا
ناسْ ودكَنَّـان الكهربا قطعت ..
الناس اتلمت في دكان حامد
و ناس السرة المرقو الشارع ..
و كلام العاقب كله ضحك
تقول مغسول بي موية زير
والبنوت المرقنْ وقَصدنْ حي الثورة..
ماشات بالجينزِِِ و جادعات الطرحة
الشجر إتمايلْ .. فرحانْ بي لمة ناسوْ..
والطيبة الفارِدْة ظِـلالها على روحي
******
حلمان بي ودكنان بقى منشية ..
وريحة البُنْ فى العَصريَّةْ
قلبت و صارت زي شية .. الخ