نحو موسوعة للأمثال السودانية [الأرشيف]

عاطف عولي

05-07-2011, 07:23 AM

21- غلبتا بتها عاوزة تأدب نسيبتا.
22- شلاقة حليمة الجو يطهروها لقوها حامل.
23- لو المامور يديك العساكر تدبيك.
24- العارف عزو مستريح.
25- العود المافيه شق ما بيقول طق.

عاطف عولي

05-07-2011, 07:24 AM

26- مافي دخان من دون نار.
27- مافي حلاوة بدون نار.
28- البعر دليل البعير والسير دليل المسير.
29- كلو عند العرب صابون.
30- كل الدروب تودي علي الطاحونة.

عاطف عولي

05-07-2011, 07:25 AM

31- الحوت ريحتو واحدة.
32- حكم أب تكو.
33- حكم قرقوش.
34- الأسد لمن يعجز الغنماية تلحس قفاه.
35- ان كان رب البيت بالدف ضارب فشيمة أهل البيت الرقيص.

عاطف عولي

05-07-2011, 07:26 AM

36- الكوك يظهر في المخادة.
37- الغريق قدام.
38- كل شاة معلقة من عصبتا.
39- قائلين تحت القبة فكي.
40- العندو الحنة يحنن ضنب حصانوا.

عاطف عولي

05-07-2011, 07:27 AM

41- العندو المعدية يقطع الجمار بالشرق.
42- النية زاملة سيدا.
43- الما بدورك في الضلام يحدر يعاين ليك.
44- رب ضارة نافعة.
45- العيار الما يصيب يدوش.

عاطف عولي

05-07-2011, 07:31 AM

46- السوق يحمدو الجالب.
47- شهرآ ما عندك فيه نقة ولا تعد أيامو.
48- الزول يعجبو الصارو ولو كان ضارو.
49- الصقر أن وقع كتر البتابت عيب.
50- الكترة تغلب الشجاعة.

عاطف عولي

05-07-2011, 07:32 AM

51- الما عندو كبير يشتريلو كبير.
52- التسوي تلقاه والتصرو تطلقوا.
53- البيلد المحن لابد يلولي صغارا.
54- كل أول ليه آخر.
55- جدادة الوادي طردة جدادة البيت.

عاطف عولي

05-07-2011, 07:33 AM

56- جدادة الخلاء طردة جدادة البيت.
57- بكرة الفولة بتتملي والبقارة بتجي.
58- حبل الكضب قصير.
59- خليك وراء الكضاب لي عند الباب.
60- الصح ينجي والكضب حجي.

عاطف عولي

05-07-2011, 07:33 AM

61- من نكر ضكر ومن قرا هرا.
62- يا لالا تعالي شوفي آي كيف خربت علي.
63- العارف عزو مستريح.
64- الكلب ينبح والجمل ماشي.
65- السفيه نبذ الباشا.

عاطف عولي

05-07-2011, 07:34 AM

66- لا فاضي في البنا ولا البناول الطين.
67- الماعارف يقول عدس.
68- الحجاز ليه عكاز.
69- لا تدخل بين البصلة وقشرتا لا ينوبك غير ريحتا.
70- أهل البكا غفروا والجيران كفروا.

عاطف عولي

05-07-2011, 07:35 AM

71- البكاء يحرروا أهلوا.
72- العاقل طبيب نفسوا والجاهل عدو نفسوا.
73- عش يا حمار لمن تطلع النجيلة.
74- لالوب بلدنا ولا تمر الناس.
75- الجمل ما بشوف عوجة رقبتوا.

عاطف عولي

05-07-2011, 07:36 AM

76- حكم القوي علي الضعيف.
77- مجبورة خادم الفكي علي الصلاة.
78- الفيك بدربو والعيب اقدلبو.
79- البيتو من قزاز ما يجدع الناس بالحجارة.
80- أن سرقت اسرق جمل وان عشقت اعشق قمر.

عاطف عولي

05-07-2011, 07:37 AM

81- أربط الحمار محل يريد صاحبوا.
82- سيد الزبدة أن قال ليك أشويها أشويها.
83- ينبح الكلب حرصآ علي ضنبو.
84- الحذر ما بنجي من وقوع القدر.
85- عريان طول عمروا أشتكي الترزي في نص يوم.

عاطف عولي

05-07-2011, 07:38 AM

86- غطي قدحك.
87- الزاد كان ما كفي البيت حرام علي الجيران.
88- الفقرا أنقسمو النبقة.
89- الضفر ما بيطلع من اللحم والدم ما بيقي موية.
90- العين ما بتعلي علي الحاجب.

عاطف عولي

05-07-2011, 07:39 AM

91- ود الفار يطلع حفار .
92- ود الوز عوام.
93- الحوار الغلب شيخو.
94- النار تلد الرماد.
95- التمساح يلد الورل.

عاطف عولي

05-07-2011, 07:40 AM

96- الفي بطنو حرقص براه بيرقص.
97- الحرامي في راسوا ريشة.
98- تمر الفكي الشايلو مشتهي.
99- ذي أبل السقي شايلة السقي وعطشانة.
100- السكران في ذمة الواعي و الغبيان في ذمة الراعي.

عاطف عولي

05-07-2011, 07:41 AM

101- العديل رأي والأعوج برضو رأي.
102- علي هامان يا فرعون.
103- أكلوا اخوان وأتحاسبوا تجار.
104- الفي يدو القلم ما بكتب نفسو شقي.
105- يا بخت من كان المدير خالوا.

عاطف عولي

05-07-2011, 07:56 AM

106- الجمرة بتحرق الواطيها.
107- الأيدو في النار ما ذي الايدو في المويه.
108- ما حك جلدك متل ضفرك.
109- جلدآ ما جلدك جر فيه الشوك.
110- القرد في عين أمو غزال.

عاطف عولي

05-07-2011, 07:57 AM

111- كتلوك ولا جوك جوك.
112- النبي وصي لي سابع جار.
113- الليك ليك حتي لو لبن عشر تمسحبو عينيك.
114- السعفة بيرطوها لينة.
115- اعفصا بصلة قبل تبقي اصلة.

عاطف عولي

05-07-2011, 07:58 AM

116- الولد بيسميه أبوه.
117- هو في البير و واقع فيه فيل.
118- يلمها النمل وياطاها الفيل.
119- البدار في البول سمح.
120- اليأكل براه بيخنق.

عاطف عولي

05-07-2011, 08:03 AM

121- البرقص في الدارة ما بغطي دقنو.
122- ضربني بكي وسبقني شكي.
123- معرفة الرجال كنوز.
124- الناس بالناس والكل بي رب العالمين.
125- ان جريت جري الوحوش غير رزقك ما بتحوش.

عاطف عولي

05-07-2011, 08:04 AM

126- عايرة وأدوها سوط.
127- أن غلبك سدها وسع قدها.
128- أن كترن الهموم أدمدم ونوم.
129- البلاقيك متشمر لاقيه عريان.
130- الزارعنا غير الله اليجي يقلعنا.

عاطف عولي

05-07-2011, 08:05 AM

131- الزارعا الله في الحجر تقوم.
132- الجايات أكتر من الرايحات.
133- المطرة ما بتحوق.
134- كراعنا حارة.
135- شوكة الشقي في البيت تتلقي.

عاطف عولي

05-07-2011, 08:05 AM

136- شقي الحال يقع في القيد.
137- الشقي في الزفه يعضيه الكلب.
138- الشقي في الفشفاش يلاقيه العضم.
139- الفاضي يعمل قاضي.
140- المي حار مو لعب قعونج.

عاطف عولي

05-07-2011, 08:13 AM

141- دخلوه جاب حماروا.
142- رابط حماروا مع الافندية.
143- الخيل تجقلب والشكر لي حماد.
144- الحسنة في المنعول ذي الشرا في القندول.
145- عندو مرض حامد.

عاطف عولي

05-07-2011, 08:14 AM

146- المهموم ما بنوم.
147- أصطاد عصفورين بحجر واحد.
148- رجع بخفي حنين.
149- جاري وراء السراب.
150- لحق أمات طه.

ودسمير

05-07-2011, 10:39 AM

الخيل تجقلب والشكر لى حماد

انحنا دافننو سوا

لو جريت جرى الوحوش غير رزقك ما بتحوش

الحسنه فى الملعون ذى الشرا فى القندول

الجمل ما بشوف عوجة رقبتو

عاطف عولي

05-07-2011, 10:42 PM

الخيل تجقلب والشكر لى حماد

انحنا دافننو سوا

لو جريت جرى الوحوش غير رزقك ما بتحوش

الحسنه فى الملعون ذى الشرا فى القندول

الجمل ما بشوف عوجة رقبتو

تشكر علي هذه الأضافة وتابعونا علي مدني دوت كوم

عاطف عولي

05-07-2011, 11:52 PM

151- الفار الكتير ما بحفر الجحر.
152- أيد علي أيد تجدع بعيد.
153- التسوي كريت في القرض تلقاه في جلدا.
154- المرة بدوقوها بي اختا.
155- النسوان شاوروهن وخالفوهن.

عاطف عولي

05-07-2011, 11:52 PM

156- المرة أن بقت فاس ما بتكسر الراس.
157- الخرقا ولادة.
158- ما تشكر لي الركوبة في الخريف.
159- البحر بيشيل عوامو.
160- البيامن الرجال يامن الموية في الغربال.

عاطف عولي

05-07-2011, 11:53 PM

161- كل ديك في بيتو عوعاي.
162- الزريبة ما بتشيل تورين.
163- ما بيعيشوا تورين سوا في المراح.
164- الفتيل ما بيشيل كتير.
165- السمح مو اكال.

عاطف عولي

05-07-2011, 11:54 PM

166- كل برقوصة علي قدر دمها.
167- اول الغيث قطرة.
168- الجن بنداوة كعبة الأندرابة.
169- مافي شيتآ بيضر الا الكلام المر.
170- خوة قرقر الحدها الباب.

عاطف عولي

05-07-2011, 11:55 PM

171- سمحة العافية.
172- كتر النوم بجيب اللوم.
173- أخوك لو بقالك عسل ما تلحسو كلو.
174- ريسو وتيسو.
175- الحوار الغلب شيخو.

عاطف عولي

05-07-2011, 11:55 PM

176- لا تبيع الموية في حارة السقايين.
177- الطيور علي أشكالها تقع.
178- أذا كان الغراب دليل قوم دلهم علي رمم الكلاب.
179- البيباري الجداد يودي الكوش.
180- يا حافر حفيرة السؤ وسع مراقدك فيها.

عاطف عولي

05-07-2011, 11:56 PM

181- جو يعينوه في حفر قبر أبوه دسا المحافير.
182- النسي قديمو تاه.
183- الماعندو قديم ما عندو جديد.
184- اتنين ما أتلقن للنعامة جري وطيران.
185- صاحب بالين ضهيب وركاب سرجين وقيع وتباع دربين ودير.

عاطف عولي

05-07-2011, 11:56 PM

186- ما بنفع دفن الراس في الرمال ذي النعامة.
187- ذي تيس ستي نفيسة.
188- ناس بتين شافو.
189- مستجد النعمة ضائق.
190- المرسال كان ريح رجلك ما بريح بالك.

عاطف عولي

05-07-2011, 11:57 PM

191- قلب المواصي ناسي وقلب الندل ما بنعدل.
192- الخيل العواتي بيجن وراء.
193- الخيل الأصيلة بتجي عند اللفة.
194- باصبعك تبظت عينك.
195- رافس نعمتو.

عاطف عولي

05-07-2011, 11:58 PM

196- البحر ما بيابا الزيادة.
197- دخول الناس في الشبكات هين ولكن التأمل في الخروج.
198- وقت يقع القدر يعمي البصر.
199- يشوف القلب ما بتشوف العين.
200- الواخد عقلك يتهنابو.

عاطف عولي

05-07-2011, 11:58 PM

201- أرجي سفيه ما ترجي عاطل.
202- الما دارك ما لامك.
203- كتر اللؤم جفا.
204- عيب الزاد ولا عيب سيدو.
205- عدم المعروض جفا

عاطف عولي

05-07-2011, 11:59 PM

206- ضيق الولادة علي جنا الناس.
207- ضيق النفاسة علي النفسا.
208- شدة وتزول.
209- أيام وتعدي.
210- يوم عسل ويوم بصل.

عاطف عولي

06-07-2011, 12:00 AM

211- تاتي الرياح بما لا تشتهي السفن.
212- لسانك حصانك أن صونته صانك وأن طلقته هانك.
213- الأعمي شايل المكسر.
214- اليلقي الهوا يطري عيشو.
215- اللسان خواجة.

عاطف عولي

06-07-2011, 12:01 AM

216- غاب أبو شنب ولعب أبو ضنب.
217- بلدآ ما فيها التمساح يقدل فيها الورل.
218- الطشاش في بلد العمي شوف.
219- الهامل يروح كلو.
220- المال السائب يعلم السرقة.

عاطف عولي

06-07-2011, 12:01 AM

221- المال تلتو ولا كتلتو.
222- مالك رايح وعرضك فايح.
223- لا تعرس بت الضو قدر ما تضوي روح في ضو أبوها.
224- عليه ميتا وخراب ديار.
225- يشرك ويحاحي.

عاطف عولي

06-07-2011, 12:02 AM

226- عصا نايمة وعصا قايمة.
227- يدي النقارة دقة ويدي الحلة عيطة.
228- الضيق جنة أبليس.
229- الصبر مفتاح الفرج.
230- الصوابر جوابر.

عاطف عولي

06-07-2011, 12:03 AM

231- العرجا لي مراحا.
232- ما ضاقت الا لي فرج.
233- حليمة رجعت لي قديما.
234- لو دامت لي غيرك لما آلت اليك.
235- دوام الحال من المحال.

عاطف عولي

06-07-2011, 05:53 AM

236- الحاري ولا المتعشي.
237- طيرة في الكف ولا الف طائرات.
238- رزقآ تكوسه ورزقآ يكوسك.
239- دفق مويتو علي السراب.
240- حلو الكلام في خشم سيدو.

عاطف عولي

06-07-2011, 05:54 AM

241- الكلام ما بيملا بطن الجعان.
242- كتر الكلام سمح في القراية.
243- الكلام ليك يا المنطط عينيك.
244- لو الكلام من فضة السكوت من دهب.
245- لا ترمي دهباية خشمك.

عاطف عولي

06-07-2011, 05:55 AM

246- لا تواكل شبعان ولا تحادث قنعان.
247- أشتري ولا تبيع.
248- بين البائع والشاري يفتح الله.
249- محل ما تمسي ترسي.
250- السايقة واصلة.

عاطف عولي

06-07-2011, 06:25 AM

251- حبل المهلة يربط ويفضل.
252- الله ما شافوا بالعين عرفو بالعقل.
253- يتكلم المجنون ويتصنت الواعي.
254- ان غلبك دليلو انظر فعلو.
255- مين يقراء ومين يفهم.

عاطف عولي

06-07-2011, 06:26 AM

256- الله ما شقا ليه حنكآ ضيعه.
257- الله ما ظلم القرعة لأم قرون.
258- شقة البلد تفتيحة.
259- تعب الجسم لو مات ولا عذاب الضمير لحظات.
260- قول للأعور أعور في عينو.

عاطف عولي

06-07-2011, 06:30 AM

http://alfaris.net/up/68/alfaris_net_1305051366.jpg

غريب والغربة سترة حال غريب والغربة أقسي نضال

عاطف عولي

06-07-2011, 06:32 AM

المعيشة صعبة

http://alfaris.net/up/69/alfaris_net_1306835023.jpg

بابكر

07-07-2011, 06:39 AM

شلاقة حليمة الجو يطهروها لقوها حامل.
دى غايتو ماسبقك عليها زول

بابكر

07-07-2011, 06:56 AM

شلاقة حليمة الجو يطهروها لقوها حامل.
دى غايتو ماسبقك عليها زول

عاطف عولي

07-07-2011, 09:18 AM

شلاقة حليمة الجو يطهروها لقوها حامل.
دى غايتو ماسبقك عليها زول

الأمثال في بلد مترامي الأطراف ومختلف الثقافات كتيرة وأحتمال تكون اول مرة تسمع بيه لكن موجود وقد حذفت الكثير بس تابع والمحصور لدينا حتي الأن 1000 مثل سرنا مرورك

عاطف عولي

07-07-2011, 09:32 AM

261- قول للأعور هدي عورتك.
262- كبير الله وعالي الجمل وطويلة السكة حديد.
263- أضحكنآ يا ركبي سنوني مشتغلات.
264- حماري الأعرج يغنيني عن سؤال اللئيم.
265- كل زول بيعرف بيت مرتو.

عاطف عولي

07-07-2011, 09:33 AM

266- المراعفين تعرف جعير أخواتا.
267- العينو في راسو يعرف خلاصو.
268- الخال حنين.
269- الخال والد.
270- يحلنا الحلا بلة من قيدو والمزلة.

عاطف عولي

07-07-2011, 09:34 AM

271- فكوه وطار.
272- الما متعود علي الدخان يحرق قفاه.
273- يدي الشعر لي الماعندو رقبة.
274- قادر هو.
275- سمحة المقدرة.

عاطف عولي

07-07-2011, 09:34 AM

276- العز أهل.
277- الفات مات والمضي لا يعاد.
278- أب سنينة يضحك علي ابو سنينتين.
279- قالوا ليه ماشي وين يا هزا قالهم ماشي أهزا.
280- الما بتلحقو جدعوا.

عاطف عولي

07-07-2011, 09:35 AM

281- أن فاتك الميري أتمرغ في ترابه.
282- أن فاتتك بت عمك لا تفوت بتها.
283- الراعي واعي.
284- الحافظ الله.
285- الساتر الله.

عاطف عولي

07-07-2011, 09:36 AM

286- الشكرو رقد.
287- بالقالو حمد.
288- الحشاش يملا شبكتو.
289- من شب علي شي شاب عليه.
290- أريتو يدوم لأم قدوم.

عاطف عولي

07-07-2011, 09:36 AM

291- العندو الدقيق ما بعدم النار والعندو القرش ما بعدم النسوان.
292- حاسد و ولادتو بنات.
293- عين الحسود فيها عود وعين الفتاة فيها الواطة.
294- عين حاسد ما تعاين ليك.
295- يغطيك بعين جبرين.

عاطف عولي

07-07-2011, 09:37 AM

296- عامل فيها تفتيحة ومقددا.
297- بقرت الغائب ما بتنحلب.
298- الهملة تقتل في الخريف.
299- الفلهمة العورا وشيل البطارية في القمرا.
300- البوبار وفك الزرار وجيب الرادي في بيت الإيجار.

سيف الدين الامين

07-07-2011, 01:01 PM

1/ التسويهو كريت تلقاهو في جلدها.
2/ الخيل تجقلب والشكر لحمـــــاد.

وتاني برجع ليك ... بس القى فرقـة

بت أبوها

07-07-2011, 01:36 PM

[QUOTE=عاطف عولي;614971][CENTER]1- [SIZE="5"][COLOR="darkgreen"] ألسواي ما حداس.
2- الضؤ ما بقولوا ليه سو.
3- النعيم من عشو زوزاي.
4- الصابرات روابح ولو يجن قماح.
5- الصبر مفتاح الفرج.
6- النعمة بتعرف عاطية
7- والعرجة لمراحة

عاطف عولي

08-07-2011, 10:23 AM

وتاني برجع ليك ... بس القى فرقـة

في إنتظارك أخي سيف شكرآ علي المرور

عاطف عولي

08-07-2011, 10:24 AM

[quote=عاطف عولي;614971][center]1- [size="5"][color="darkgreen"] ألسواي ما حداس.
2- الضؤ ما بقولوا ليه سو.
3- النعيم من عشو زوزاي.
4- الصابرات روابح ولو يجن قماح.
5- الصبر مفتاح الفرج.
6- النعمة بتعرف عاطية
7- والعرجة لمراحة

شكرآ علي المرور بت أبوها ومعانا من أجل صياغة الموسوعة

عاطف عولي

10-07-2011, 10:20 AM

301- أنت قفة ولا أضان قفة؟.
302- الصديق وقت الضيق.
303- القرش الأبيض لليوم الأسود.
304- خير البر عاجله.
305- الجوع كافر.

عاطف عولي

10-07-2011, 10:20 AM

306- سارح بغنم إبليس.
307- غنم إبليس كم؟
308- العربي كان فتح بيجيب لأهلو جنية.
309- شحاد وعينو قوية.
310- نقول ليه تور يقول أحلبو.

عاطف عولي

14-07-2011, 11:33 AM

311- الما عديك حمار ولا تعدو بعرتو.
312- كراع البقر جيابا.
313- من حل دينو نامت عينو.
314- الدين في الكتوف والأصل معروف.
315- الشجرة بتقع فوق أخواتا.

عاطف عولي

14-07-2011, 11:34 AM

316- الحمارة بتلد عشان ترتاح فوق جناها.
317- سلمو دقنو.
318- نوم الديك فوق الحبل.
319- سهر الجداد ولا نومو.
320- ما لاقي أحك راسي.

عاطف عولي

14-07-2011, 11:35 AM

321- رقد جنازت بحر.
322- رقد القش.
323- رقد رز.
324- السمك كان شبع يطلع من الموية.
325- علوق الشدة ما بنفع.

عاطف عولي

14-07-2011, 11:35 AM

326- اليتيم ما بوصوه علي البكا.
327- الكلمة الطيبة بخور الباطن.
328- البحر يعكر ويصفا.
329- المصارين في البطن تتشاكل.
330- لا يضر الشاة السلخ بعد الضبح.

عاطف عولي

14-07-2011, 11:36 AM

331- الضرب علي الميت حرام.
332- قاتل نفسو ولا باكيآ عليه.
333- بعد ما لبنت أداها الطير.
334- بموية وكملت.
335- أن جادت بخيط العنكبوت تنقاد وأن أبت تقطع سلاسل الحداد.

عاطف عولي

14-07-2011, 11:37 AM

336- بليلة مباشر ولا ضبيحة مكاشر.
337- ما ينسي المعروف الا خروف.
338- مما لا يتناطح فيه كبشان.
339- السكات علامة الرضا.
340- متل الكلب اللاحس الخمار.

عاطف عولي

14-07-2011, 11:37 AM

341- شغل البصيرة أم حمد.
342- متل الكلب المأكل الجمكسين.
343- أتلما التعيس علي خائب الرجا.
344- محمد في الشارع يوريك فاطنة في البيت.
345- الجواب بائن من عنوانو.

عاطف عولي

14-07-2011, 11:38 AM

346- الجواب يكفيك عنوانو.
347- نشف ريقنا .
348- اصبر صبرآ يبل الأبري.
349- الفولة في خشمو ما بتنبل.
350- روق المنقة.

عاطف عولي

14-07-2011, 11:39 AM

351- الغني في القناعة.
352- زول جمل شيل.
353- تأكل وتمسح أيدك في قفاه.
354- متل حمار الشركة.
355- اليتبلبل يعوم.

عاطف عولي

14-07-2011, 11:39 AM

356- جاب ضقلا يلولح.
357- عجوبة الخربت سوبا.
358- طلق النار في سنار.
359- البهابش الكديسات بخربشنو والبلاعب الطويرات طارن خلنو.
360- البشاغل الجريوات بيعضنو.

عاطف عولي

14-07-2011, 11:40 AM

361- زايلة أم بنايآ قش خربانا الدنيا دار الغش.
362- طلق النار في سنار.
363- الغائب حجتو معاه.
364- خلي فيها شعرة معاوية.
365- قلب الطلقوها وبالا في الرجعة.

عاطف عولي

17-07-2011, 05:51 AM

366- الجهل مصيبة.
367- ميمان لا يتعلمان مستحي ومستكبر.
368- البكاء يحررو أهلو.
369- أدي العيش لخبازو ولو يحرق تلتو.
370- ما تدي أكلك لشبعان وما تكلم سمعان.

عاطف عولي

17-07-2011, 05:52 AM

3
71- جينا لمكة تغنينا قلعت طواقينا.
372- الايد تخدم والعين تخاف.
373- من فارق دارو قل مقدارو.
374- الما بعرفك يجهلك.
375- المابعرفك ما بعزك.

عاطف عولي

17-07-2011, 05:53 AM

376- التور لمن يقع تكتر سكاكينو.
377- سو الخير واديهو البحر.
378- صبرنا صبر أيوب.
379- أم طليحا وأكلت مالا.
380- العز أهل.

عاطف عولي

17-07-2011, 05:53 AM

381- زمن الزمان الزين والشعر مغطي الاضنين.
382- أنا شارد من بلد أكليتو وشايل أكليتو في ضهري.
383- لا يعجبو العجب ولا الصيام في رجب.
384- الدخل البطون ما بغسلو الصابون.
385- المسامح كريم.

عاطف عولي

17-07-2011, 05:54 AM

386- البوم البعجو الغراب.
387- مقلع عيونو متل التور المدخلنو البنطون.
388- الدبيب ما بخلي حقو.
389- العوارة ما بشارة.
390- اصلا سفينة نوح؟.

عاطف عولي

17-07-2011, 05:54 AM

391- لو هندو مال قارون.
392- كرش فيل.
393- الغريق يتعلق بقشة.
394- مكتوب الجبين لابد تشوفو العين.
395- مكتوب الجبين لابد يبين.

عاطف عولي

17-07-2011, 05:55 AM

396- لخاطر عين نكرم الف عين.
397- نكرم الكلب عشان خاطر سيدو.
398- راسو ناشف.
399- راكب راسو.
400- حجوة أم قيردون.

تغريدا

19-07-2011, 09:50 PM

عاطف صبحك الله بالخير بوست بطعم القهوة والمستكة وريحة بخور التيمان

عاطف عولي

20-07-2011, 10:03 AM

عاطف صبحك الله بالخير بوست بطعم القهوة والمستكة وريحة بخور التيمان
لك التحية عزيزتي تغريد وسوف نواصل حتي الرقم1000

عاطف عولي

22-07-2011, 11:32 AM

401- عرس أبو الدرداق لي القمرا.
402- أضرب راسك بالحيط.
403- أعتي ما في خيلك أركبوا.
404- البلبيب بالأشارة يفهم.
405- رضينا بالهم والهم ما راضي بينا.

عاطف عولي

22-07-2011, 11:35 AM

406- عوج الدرب.
407- المحنا ما تجينا نحنا.
408- أكرم الفم تستحي العين.
409- الوصا بالمهلة والجري بالسهلة.
410- راح شمار في مرقة.

همسات

22-07-2011, 04:07 PM

أخي عاطف عولي تحياتي واحترامي
كل الشكر علي هذا البوست الدسم
الجميل جدا وعلي الفكره الرائعه

عاطف عولي

23-07-2011, 04:31 AM

أخي عاطف عولي تحياتي واحترامي
كل الشكر علي هذا البوست الدسم
الجميل جدا وعلي الفكره الرائعه

تسلمي العزيزة همسات وننتظر مساهماتكم من أجل صياغة الموسوعة

بنت الرفاعي

25-07-2011, 09:07 AM

عاطف عولي

25-07-2011, 07:19 PM

:):):)

ما شاء الله:)،
لك التحية أخي عاطف،
بوست بعبق الماضي الجميل.:)

لو سمحت أخي عاطف:
(هل بالإمكان شرح بعض مِن ما لم يعُد يُستخدم كثيراً؟؟،
أم أن ذلك قد يُغيِّر في مسار وهدف البوست (المُحدّد جداً)؟!)

و

شُكراً لك.:)

:):):)

العزيزة الغالية دكتورتنا بالإنجليزي مرام. لك الشكر علي المرور والثناء وننتظر المشاركة ببعض ما لديك حتي نتمكن سويآ من صياغة الموسوعة السودانية للأمثال الشعبية.
وقد أستعملت كلمة نحو في العنوان حتي يسهم الأخرين معي ولم أقل موسوعة الأمثال فهيا شمري عن سواعد العطاء معنا في هذا العمل.
فكرة الشرح جميلة جدآ ولكن أنا مركز الأن في جمع الأمثال.
ويا ريت أقتراحك الجميل هذا يأخذه أحد الأخوان المهتمين بالتراث الشعبي ويقوم بالشرح وهناك بوست من الأخت العزيزة تغريد عبد العظيم بالمنتدي العام تحت عنوان يحلنا الحل بلة من القيد والمزلة وهو محاولة شرح لهذا المثل المتداول.
لك شكري وتقديري