مـــا تشفقــي ...

[ود الضو]

قلت ليـك ما تشفقـي ..
العطـش الرحيـل ,, النيل ركيزة ودمعـة الأحبـاب سحـــاب ..

[ود الضو]

ماتشفقي ؟؟؟
قاعد اسمعها كتير والكلام فيها واقف لي في طرف لساني من زمن ليس بالقريب ..
هذه الـ ( ماتشفقي ) ماهي إلاّ كلمة للهروب ( دا حسب رأيي ) , ويأتي بعدها كم هائل من ( الوعود )
ورسم تلك اللوحات في علم الغيب ( مستقبلنا ) , خلوني أخصخص ( ماتشفقي ) علي أهل ( العشق والهوي )
وزي ماقال صاحبي الله يطراه بالخير , من تلقي الواحد ماعنده تطمينة للحبيبة إلاّ بـ ( ماتشفقي ) الزول دا ماعنده حديدة , وانا لو كنت بت
بقول ليه ( الحوريب ) ونفترق ...
حتماً هناك من يقول تلك الـ ماتشفقي ( بكل جدية ) لكن برضو لن ترحمه عندما يظهر آخر لامكانة عنده لتلك ( ماتشفقي ) ..
مشاققة :
كلام جايط مش ؟
عارفو جايط لاني جايط وفي هذه الايام بالتحديد
وشغال ( ماتشفقي ) كتيرة معاها ..
وبرضــو :
ماتشفقي يـــاخ ...

[ود الضو]

جرحت ليه خاطر الحبيبة ؟



الحبيبة


المشطت عصب التضاريس


وهدت على كل الخرايط .. والفراغات


مدهونة بى لونا أرصفة المحطات


واقده من ريقا الفوانيس


جرحت ليه خاطر الحبيبة

[مدنيّة]

جرح خاطر الحبيبة
صعععععععععععععععبة
وما بتداوي بسهولة


-------
صاحب القلم المميز
اقد عافية

[ود الضو]

ذات عام مابعيد , الواحد فيهو كان مليان ( عطالة ) و ( ريد ) , كنت أحمل في يدي شهادة جامعية ( الحمد لي الله ) ومعها كمية من شهادات الخبرة وصور البطاقة والجنسية وكمان صور شخصية , وأحمل في قلبي ريد طاغي لواحدة من تلك اللواتي ( يأمرْن المطر أن يتوقف ليناوبنه الهطــول ) , تعودت علي التسفار عبر المدن بحثاً عن وظيفة حتي لو ( غفير ياخ ) وفي كل مرّة قدّمت فيها لوظيفة كنت لا ادهب لاري النتيجة ( قبول أو رفض ) لاني اعرف ماهي , ولما خلاص وصلت لمرحلة من اليأس البخلي الواحد يقعد في ضل الضحي لاعند الساعة 12 ضهر , كانت بتقول لي ( ماتشفق , أصبر ) بكــرة أحلي , كنت أتلفح تلك التصبيرات منها , وعندما حانت لحظة الفرج والعبد لله لقي ليهو تأشيرة مرقتو برة البلد , وبدأت السنين تتوالي ,سنة اولي وتانية ( دا كان الاتفاق ) مع الزولة البتفتح الروح 3 ضِلف وبعدها تكون الأوْبة الي حيث هي , ولكن الظروف قالت لا ياود اللذينة ( لسة كمان شوية ) , صرت امارس معها ( ماتشفقي ) فضل القليل , في بدايتها كانت تسمع لتلك الـ ماتشفقي , ولكن عندما كثرت عليها قالتها صراحةً ( بشفق وبشفق ) ولو عندك كلمة غير دي قولها بمعني ( كرّهتنا البلي ياخ ) بـ ماتشفقي دي , طيب اقول شنو يعني غير ماتشفقي , وعندما اصبحت كل المواعيد سراب ( عيد الضحية الجاي دا ان شاء الله معاكم ) يجي عيد الضحية ويفوت والحال في حالها , معليش لكن ( المولد أن شاء الله هناك ) ويأتي المولد والذي بعده , ماتشفقي , وماتشفقي ,,
ساعتها يظهر واحد من اولئك الذين لايعرفون لتلك الماتشفقي زقاقاً ويأتي الي البيوت من ابوابها الواسعة وتتم ( الخطوبة والعقد والدُّخلة في تلاتة يوم بس ) وصاحب الماتشفقي لسة بيردد ( ماتشفقي ) ..
وتظل تتاوره تلك الذكريات المابتبرأ ,
مشاققة :
باقيلكـــم بعد ماتقول ليها ماتشفقي أكتر من مية مرّة وتقول ليك ( سمح ) وفي النهاية تلقاها ( شِفـْقت ) وعرَّست , دا شاكوش مْـشْ ( أهل الخبرة أفتونا ) ..
ولي بكرة ما تشفقــي ..

[ود الضو]

صعب بالحيل يامدنية
( جرح خاطر الحبيبة )
دمتِ بالف خير أختي مدنية ..

[ود الضو]

وبندهلك تعالى .. تعالى
ما وردت مرحاكه البيوت الناشفه

ساساقك عبث

شن قدرتك تنسلى

من قلب الضلمه الحالكه خنجر

من قبس

من وين أجيبلك

قدرة تستلهم رؤاك

وانا جاى من وحشة سنينى

المُرة

بى آخر نفس

من .. وين .. ؟؟

أجيبلك قدره بس

[ود الضو]

شــــوق ..
وشجــــــن ..
بقايا صور ..
صدي لرنِة ضحكة ..
اجتــرار ...
وقليل من نبض ...
آآآآهـ .. انه موسم الاشواق ..
دومــا هي النهايات هكذا تبقينا وترحل ..
ونبقى بلا دفء سوى الألم ..
وشوق علي امتداد تلك المسافة التي تخيطها جغرافية
تلك الاماكن التي تحتجز نفسها داخل ( الا نكون معــــا ) ..

[ود الضو]

شوق البحرْ .... وكتين يفيض لحظة خريف ...
يهدى السلام لى أحلى قيف
وإن حصلْ ...
يا بنيه إتأخَر عليك
خلى بالِك منى فيك
دسينى فى عمق المسام
غطينى بى رشرش عينيك
وليكِ من قلبى السلام
أصلى راجع بكره ليك

[ود الضو]

لو تفحصنا غناء اهلنا وفنانينا تشعر بانهم كلهم ملطوشين شواكيش وبالجملة ..
يعني الفنان الواحد تلقي عندو كم اغنية كل واحدة منهن تدل علي شاكوش مظبط وقوي ..
لكن هم بمشوا وين لما يتشوكشوا .. اقرب شاعر ويافلان بالله داير لي قصيدة بتاعة شاكوش
قوي اصابني قبل يومين وطق طرق القصيدة تجهز وصاحبنا يغنيها ويفش غبينتو للنهاية ويرتاااح ..
لابمشي يلقط ورق ولا بعمل فيها خلاص حياتو انتهت ..
يتشوكش ويغني او يتشوكشون وهو ايضا يغني ..
لو مسكنا عثمان حسين في احدي روائعه :
برضو سامحتك لحبي ما لاجلك ..
شوكشو لكن سامحو عشان خاطر الحب القلّل منامو وكتّر سهرو ..
اغفرلو ياحنين وجاوز من ظلم .. اصلها الايام مظالم ..
يطلب من قلبو ان يغفر لذلك المحبوب ويتجاوز ويصفح دا كلو من اجل الحب الكان اول ..
ليه فجأة دون اسباب من غير عتاب او لوم .. اخترت غيري صحاب واصبحت قاسي ظلوم ..
وبرضو سامحتك لحبي ما لاجلك .. عشان الحب فقط يهون اي شيئ ..
عثمان حسين الله يرحمو ويحسن اليه اغلب اغانيه بتاعة شوكشة ...
وبازرعه الله يديه العافيه اهل لذلك الجمال ..
ولو مشينا لمصطفي سيد احمد برضو عندو :
قبلنا الحب ابتدأ ومن بعدنا الحب حيفضل كلمة معناها الرضا ..
قمة الزوق وسحر الرد الشافي المنمق ..
الا اصلا ماني قايلك تجرحي القلب المسالم بي عمايلك وماني قايلك تكتلي العشم
البريدك بي شمايلك وكان هو جنبك وماهو طايلك ..
ياسلام .. روعه وجمال .. التحيه للرائع صلاح حاج سعيد ..
وكمان لو مشينا لي ناس الحقيبة :
بحترموا الشاكوش احترام شديد .. الواحد يتعب كل التعب لكن لايداني ان يفعل شيئ يمس ذلك المحبوب .. يعني مثلا تلقي : ضيعت حياتي تسلم لي ايدك .. ضياع حياة وبرضو تسلم يده ..
ويانسيم ارجوك لو يعطف ثانية ويزيل البي .. بس ثانية عطف ..
ومهما حصل .. فقط احتراما للحب والعلاقة التي كانت تجمع بينهما ...
لذا علينا بالبرود وفتح نوافذ للغناء وصقل الموهبة لحظة الاصابة بشاكوش طائر ...
وعدم تلقيط الورق ونبش ذلك المحبوب الاول بالسيئ من الاوصاف .. هي الحياة اخذ وعطاء
تعطي حب و تاخذ حب .. العكس يحصل احيانا تعطي حب تاخذ شاكوش .. وهنا الله يلزمك الصبر ..
ماعليك الا تشوف ليك اقرب غرفه فاضيه وتمسك ليك جركانة وتدق وتغني وتفش غبينتك ...
مشاققة :
الشـَّفقة ماكويسة يافلانة ..

[ود الضو]

صراحة في نوع كدا مابقدِّر الشاكوش في حد ذاته قبل ان ( يلطُش به ) , ياخي الشاكوش دا حاجة انا شايفها كويسه اذا كانت ( كَحَل ) وله اسبابه المُقنعه يعني يمكن يكون في وجه شبه بينه وبين ( الطلاق ) أبغض الحلال الي الله , الواحد بكامل قوّاهـ العقلية والجسمانية ينادي زوجته ويرمي عليها الطلاق لانه وجد فيه ( الحل ) السليم وإصلاح للحال , لكن تعال شوف في ناس كدا ( من الجنسين ) والفئة الاكبر من الجنس اللطيف , الواحدة تعيش قصة حب عمرها كم سنه فجأة يلِمْ فيها ( منطوط ) ويمارس معها حب بطقوس خاصة ومن قبل ان تضرب خماسيها في سداسيها تقوم ترمي ( شاكوشها ) في رأس المسكين داك , بعد ان يلقنها حبيبها الجديد جملة من عبارات رمي الشاكوش , حينما تقول له : ياحبي هسي انا عايشة قصة حب مع ( وَدْ تاني ) ودايرة أخليه اقول ليه شنو ؟ طوالي بتلقي الاجابات حاضرة عند ذلك الحبيب ويبدأ يختار ليها ,, شوفي عشان ماتكتري معاه الكلام وما تقابليه ولاتشوفي خلقته قومي اتصلي عليه بالتلفون وقولي ليه عبارة واحد بس ( إني رغِبت عنك ) , ولو سألك من الاسباب اجدعي ليه ( كل شيئ قسمة ونصيب ) لكن وحاة الله عبارة ( اني رغبت عنك دي ) لو لقت واحد قلبو رهيف وشفاف بتخليه ( يلقِط ورق كل الشوارع ) .. اها يامن تمارسون ( رمي الشاكوش ) تريثوا ياخ , مرّات الشاكوش دا بعمل هُوبه وإرتداد ومعروف عن الضربه المرتدة انها ( قاضية ) ..
مشاققة :
وحات النبي الشفقة ماكويسة ..

[ود الضو]

خلاص أنا مارق من هنــا ياخ ..
بس
ماتشفقــوا .. الشفقة ماسمْحة ..

[ايمن الطيب]

خلاص أنا مارق من هنــا ياخ ..
بس
ماتشفقــوا .. الشفقة ماسمْحة ..

والله ياودالضوء شفقته جنس شفقه
قلت ليك نوعه شنو مبالغه

[mahagoub]

قول بسم الله
وخت الرحمن فى قلبك
واكل شواكيشك
وما تشفق

[ود الضو]

والله ياودالضوء شفقته جنس شفقه
قلت ليك نوعه شنو مبالغه
------------------
ايمن الحبيب هاك السلام
انت عارف الشفقة دي بتجي ناطة براها
يعني حتي لو قصدت ماتشفق بتلقي نفسك شفقتك
لكن الشفقة ماسمحة يا ايمن ؟؟
اقعد عافية ..

[ود الضو]

قول بسم الله
وخت الرحمن فى قلبك
واكل شواكيشك
وما تشفق

-----------------------
ههههههههههههههههه
والله يامحجوب قلنا تشاركونا شوكشتنا وكدا
لكن باقيلك بالطريقة دي الا الواحد يعمل ناااايم بس
ويتكئ علي اوجاع شواكيشه ..
مليون سلام يافخيم ..

[بنت الرفاعي]

:):):)


وكتب أحد الشُعراء:

ماترحلي خليك معاي
لو ترحلي بزيد أساي
خليك هنا جنبي وحداي
---------------------
إتصبري وحاتقدري وعشمك هواي
بس فكِّري وراح تعرفي أنك جواي
أنو الزمن رغم المحن زاد غناي
--------------------
عشت الشجن لمن بكن عينيك معاي
إتمهلي وشيلي الأمل
إتحملي أنسي الحصل
بهديك صباي
-----------------
إتذكري وعشان هواك
حا تقدري وحا تفرحي ويتم مناي
!!!


:):):)

[ود الضو]

[QUOTE=moram;616565][CENTER]


:):):)


وكتب أحد الشُعراء:[FONT=Arial][SIZE=5]

ماترحلي خليك معاي
لو ترحلي بزيد أساي
خليك هنا جنبي وحداي
---------------------
[COLOR=red]إتصبري
--------------------

إتمهلي
إتحملي
-----------------
------------------------
ماعشان كدا يامرام
انا كنت بقول ليهاا بس ( ماتشفقي )
وح ازيد ليها خليك معــاي
شكراً مرام ..

[mahagoub]

[quote=moram;616565][center]


:):):)


وكتب أحد الشُعراء:[font=arial][size=5]

ماترحلي خليك معاي
لو ترحلي بزيد أساي
خليك هنا جنبي وحداي
---------------------
[color=red]إتصبري
--------------------

إتمهلي
إتحملي
-----------------
------------------------
ماعشان كدا يامرام
انا كنت بقول ليهاا بس ( ماتشفقي )
وح ازيد ليها خليك معــاي
شكراً مرام ..

تسوى ليك شنو كان يومك بسنه
دى تشفق وتنقد شفقه

[نزار احمد كوارتي]

إبداع يا ود الضو

بس بيني وبينك ما تشفقي بتاعتك دي

زكرتني آخر شكله لي مع الخواجه الشغال معاه

لمن قال لي ما تقول لي إنشاءالله بتاعتك دي قول لي أوكي

هه هه هه هه هه واصل عليك اللـــــه *** واصل عليك اللـــــــه

[ود الضو]

[quote=ود الضو;616842]

تسوى ليك شنو كان يومك بسنه
دى تشفق وتنقد شفقه
------------------
بس الشفقة ماسمحة
زي ماقالوا اهلنا العرب
( الشفقة تطيـــر )
اقعد عافية حيثما كنت ..

[ود الضو]

[COLOR="red"
لمن قال لي ما تقول لي إنشاءالله بتاعتك دي قول لي أوكي

هه هه هه هه هه واصل عليك اللـــــه *** واصل عليك اللـــــــه[/COLOR]
-----------------------
انا لو محلك كنت ح اقول ليه
ماتشفق ياخواجة خلاص اوكي
نزار , كوم من الوُد الجميل

[mahagoub]

زى ما بنشف انحنا عليك
اشفق انت علينا
وما تألمنا وتجرحنا
كفانا عمرنا مع الاحزان
حاجه امنه اتصبرى

[مايسة]

غايتو شاكوشك قوي صراحة
لكن كدي انت الاديته شاكوش ولا هى هسى -

اقول ليك انت الاديته شاكوش - ولا شنو

وبرضو ما تشفق - النصيب بجيك لحد عندك ومن غير شفقة كمان


تخريمة : سلمت يداك بالجد

[ود الضو]

[QUOTE=مايسة;617994][CENTER][RIGHT][SIZE="5"]غايتو شاكوشك قوي صراحة
[COLOR="navy"].. قوي شديد شدودية شديدة يامايسة اختي ..

لكن كدي انت الاديته شاكوش ولا هى هسى -
.. هي طبعاً ..

اقول ليك انت الاديته شاكوش - ولا شنو
.. لالا هي الادتني شاكوش ياخ ..

وبرضو ما تشفق - النصيب بجيك لحد عندك ومن غير شفقة كمان
.. ماني شفقان تب لان الشفقة ولا سمحة زاتو ..


تخريمة : سلمت يداك بالجد
.. الله يسلمك من كل شر ..