ود مدنى

[aborawan]

ولد خليل فرح بقرية دبروسة مركز حلفا وكان عام 1894م نشأ وترعرع فيها وكانت حلفا معبرا لدخول العلماء والمهندسين وجميع المهن المختلفه وكان يقف على مدخلها آنذاك خليل فرح يشاهد بعينى رأسه تلك الحشود الوافدة من المثقفين فنال من كل نبع قطرة وأخذ من الثقافات المختلفة التى كانت بمثابة الخميرة .

ما له اعياه النضال بدني

روحي ليه مشتهيه ود مدني

ليت حظي سمح واسعدني

طوفه فد يوم بي ربوع مدني

كنت أزوره ابويا ود مدني

واشكي ليه الحضري والمدني

آه علي حشاشتي ودجني

وحنيني ولوعتي وشجنى

دار ابويا ومتعتي وعجني

يا سعادتي وثروتي ومجني

حين سألنا حاوي الوصب

من خمايل قرية القصب

قالوا جات سيرتك علي النصب

ونحن بين الروضة والقصب

صنفه بعرها قالن إن تصب

تربط الأحلام مع الخصب

كان حبيبنا وحاشا ما نصبي

ومن زمان فارقنا وهو صبي

تاني ما سمعنا انقطع خبره

يا حليلم طشوا ما اتخبروا

واحدة فيهن قالت انجبروا

فقر ابونا

وخدمة النبرو

الكنانة أكرمت نزلي

واغدقت من خيره كل زلي

إن حييت أو مت في الازل

ده مقدر طبعه في الازل

غايته بختم نفثتي الخطرت

بي تحية من حشاي شطرت

للتدور والطايره والما طارت

وسلاما ما الغصون خطرت

[ضياء الدين احمد]

مشكور ابو روان علي رائعة الخليل ودمدني
واكثر قصيدة استوقفتني كثيرا بل كثيرا جدا اغنية (ماهو عارف قدمو المفارق)
التي كتبها وهو متجه الي مصر للعلاج فهي غاية الروعة والجمال

[aborawan]

لك ودي اخوي ضياء ومشكور كتير على مرورك اخي العزيز

[هيثم]

روحي ليه مشتهيه ودمدني """""""""""""""""""""




تذكير رائع يا ابو روان الي كل من يحمل ود الي حبيبتنا مـــــــــــــــــدني
التحية الي كل من غنا واشعر الي مدني الجميلة

[114]

ابو روان الروعة
واختياراتك دائما روعة
ومدني ما ياها الروعة
والخليل زادها روعة برائعته (روحي ليه مشتهية ود مدني)
وبرضو تقول لي روحي ليه مشتهية ود مدني؟!!!!

[aborawan]

مشكورين اخواني
هيثم
114
على مروركم الكريم

بس تعال هنا يا عمر النسعلك بتختفي وييييييييييين انتا لينا زمااااااااااااااان ما شفناك في المنتدى معانا

[أبوريلان]

أبو روان

نعم احببتك بروح لا تملكها وعشقتك بجفون لا تعلم ماهي دموعها اوفيت اليك لكي لا اعيش طويلاً وأخلصت لكي لا اعيش بدونك صوت اوتاري يدق عنقي تهمس دموعي لا للرجوع ظلام باعجوبة وحياة لا تعلم اين هي الحياة جمعتنا الدنيا بزمن لا يضاهي وفرقتنا بلحظة لا تعد ونتمنى العودة ليك يامدنى .

[114]

شكرا ابا روان على السؤال،
بس المشغولية يا عزيزي،
وان شاء الله نتونس معاكم تاني كل يوم
لك كل التحايا ولكل المنتدين في ود مدين

[الزمن المريح]

سلامات ابو روان يعطيك العافية و اتحفتنا رابئعة الخليل و حقيقة روحى مشتهية و د مدنى

[aborawan]

لكم ودي وتحياتي حبايبي على مروركم ولك شكري الجزيل اخوي عمر واهلا بيك تاني

[aadarob]

all this fo wadmadanee


يا نحلم نحكى ليك عن المسافه
ومشتهيك
وعن سفن بالشوق بترسم فى بحيراتك ضفافه
ومشتهيك
وعن ملامح غنيه طلت فى عويناتك هتافه
ومشتهيك
وعن حقيقه نهاتى بيها فى أساطير الخرافه

[امير عبدالباقي]

كاتب الرسالة الأصلية myrelan
أبو روان

نعم احببتك بروح لا تملكها وعشقتك بجفون لا تعلم ماهي دموعها اوفيت اليك لكي لا اعيش طويلاً وأخلصت لكي لا اعيش بدونك صوت اوتاري يدق عنقي تهمس دموعي لا للرجوع ظلام باعجوبة وحياة لا تعلم اين هي الحياة جمعتنا الدنيا بزمن لا يضاهي وفرقتنا بلحظة لا تعد ونتمنى العودة ليك يامدنى .

[aborawan]

تشكرات احبائي اعزائي على المرور الكريم

[جاشو النوبى]

مشكورين واللة عمل رائع اللة يعطيكم العافية

[عاطف كبوش]

مدني غناوي ..ومدني حكاوي .. ومدني حجاوي الحبوبات
مدني اللوز الفتح دابو
الفول القام في الحواشات
مدني النيل للداير خيرها
وكانت ويل للخواجات
مدني سياسة ..
مدني ثقافة ..
تراث في الماضي وفي الجايات
*والله عمل جميل يا ابو روان والتحية لى كل اهلنا فى الشمال *

[alfatih osman]

مدينتنا تظل اثيرة عندى برغم جميع ما فيها احب نداء باعتها ازقتها شوارعها مساجدها مصليها كنائسها سكاراها تعصبها اماضيها.
اديك العافية يا ابوروان

[alfatih osman]

أترى ستجمعنا الليالى كى نعود ............ ونفترق ؟

اترى تضى لنا الشموع ومن ضياها .......... نحترق ؟

اخشى على الامل الصغير بان يموت ........ ويختنق ؟

اليوم سرنا ننسج الاحلام

وغد سيتركنا الزمان حطام

واعود بعدك للطريق لعلنى اجد العزاء

واظل اجمع من خيوط الفجر احلام المساء

وأعود اذكر كيف كنا نلتقى

والدرب يرقص كالصباح المشرق

والعمر يمضى فى هدوء الزئبق

ونظرت نحوك والحنين يشدنى

والذكريات الحائرات ... تهدنى

ودموع ماضينا تعود ... تلومنى

اتراك تذكرها وتعرف صوتها

قد كان أعذب ماسمعت من الحياة

قد كان اول خيط صبح اشرقت

فى عمرى الحيران دنيا من ضياه

اٌه من العمر الذى يمضى بنا

ويظل تحملنا خطاه

ونعيش نحفر فى الرمال عهودنا

حتى يجى الموج تصرعها يداه

التحية الى السادة المشرفين الكرام والاصدقاء مع خالص تقديرى الفاتح

[ودالحصاحيصا]

شكرا ابو روان انا بحب مدنى كتير ومن المفارقات انة فى نفس الوقت الكنتة بقرا فية القصيده فى واحد صاحبى مشقله استماع بصوت الرائع محمد الامين اديك العافيه

[حسن على]

روحي ليه مشتهيه ودمدني """""""""""""""""""""




تذكير رائع يا ابو روان الي كل من يحمل ود الي حبيبتنا مـــــــــــــــــدني
التحية الي كل من غنا واشعر الي مدني الجميلة

[زيزي]

مشكور جداااااااااااااااااااااااااااااااا

[علياء]

اهدي سلامي لكل اعضاء ابناء ود مدني

[ناصر عمر دبيب]

مشكور ابو روان علي القصيدة نتمني المزيد

[خالد علونى]

مساك الله بى الخير
جميلة هى ود مدنى
الى حد لا يوصف
ارتاح على اسمها كثيرا
ويشدنى الوجد اليها
لكن يبقى عزاء النفس وسلواها
انها تلقاكم بين الحين والاخر
وفى الحقيقه شدنى التوقيع اسال الله ان يستجيب من الجميع

[طلال الصول]

انت ما كويس هدا ياابوروان جادعنك ليش يعني

[abomazeen]

روحي ليه مشتهيه ود مدني

ليت حظي سمح واسعدني

طوفه فد يوم بي ربوع مدني

كنت أزوره ابويا ود مدني

واشكي ليه الحضري والمدني


يا سلام عليك يا ابوروان .... تحفة أنت وبتذكرنا دائماً بالتحف

تصوم وتفطر على الخير والبركات ... أمييين

[ام محمد]

هكذا دوما ناس مدني يحبون تلك المدينة حب باخلاص ويفنون انفسهم من اجل هذه الجميلة
نتمنى ان يظل هذا التواصل ومن اجل الحبيبة مدنى لكى نعطيها من ما اعتطنا لها كل الحب
هذه المدينة التى نذوب ولها في حبها
دمتم اخوانى فى المنتدى زخرا وسندا لها

[معروف الجزولي]

اه واه عليك يامدني حبك لم يفارقني ابدا وما زلتي مالكه كل مشاعري واحاسيسي ايها الرايعه البديعه فانتي تسحرين كل من يعشقك---- وبالنسبه لي عشقك اصبح انسي الوحيد في غربتي متعك الله بالصحه والعافيه ايها الفاتنه-- وانا هنا في المهجر يا عزيزتي ازكر الايام الجميله التي مكثتها معك حينها كنت انهل العلم من سديك الندي-- وحين كبرت علي الرضاعه تركتت وفي القلب حسره-- لاكن اعزريني يا حبيبتي انها ظروف الحياة تجمع لتفرق-- اه واه علي الايام وصدقيني لو خيرت في امنيه لتمنيت ان يرجع الزمن الي الخلف لاعيد ايامي معك يا امي العزيزه فانتي امي التي علمتني الحياه يا لك من ام رائعه-- وحين علمت ما اصابك من اهمال اولادك لك بكيت بحرقه لاني لا اقدران اقدم لك شي لارد به فضلك علي --ايها الام الحنونه وعزاي الوحيد اني ما ذال احبك حب العاشق الولهان بعشيقته------- ادامك الله وحفظك من كل مكروه وجعل اولادك بارين بك--- ابنك معروف الجزولي--- قطر -- الدوحه maroof_19@hotmail.com

[اللدر]

موضوع جميل ربنا يوفقك

[حسن عمر كنان]

احبك وطني برغم البعاد
احبك حبا يفوق التصور و الارتياد
عزيزا عيا سكنت الفؤاد
وان اريدك فوق العباد
اراك عليا,,,
واعلى مليا,,,
قويا ابيا,,,
انا في انتظارك ذاك الميعاد
,,,حسن كريبه

[حسن عمر كنان]

لي محبوب نساني
في مدني ياخواني
اغنيه جميله لحن وكلمات
من الشياء الجميله

اللي بترنم بيها الواحد لما يتزكر
البلد الحلوه خالص

[حسن عمر كنان]

لما تعلمنا حب الوطن
كان حسب الدرجات او الاولويه
مثلا الزول يوفي لي (فريقهم)امام ناس الحي ,ثم لي(حيهم) امام ناس المدينه, ثم الولايه على نطاق البلد ,,
لكن الحاجه دي ما عندها صلاحيه بالنسبه لي ود مدني هي الوطن بكل ما يحمل من معاني جميله ,,,دمتي غاليتي مجدا وشموخا

[ناصر عمر دبيب]

مدني في حدقات عيوني

[عمرالماحي]

مدني غناوي ..ومدني حكاوي .. ومدني حجاوي الحبوبات
مدني اللوز الفتح دابو
الفول القام في الحواشات
مدني النيل للداير خيرها
وكانت ويل للخواجات
مدني سياسة ..
مدني ثقافة ..
تراث في الماضي وفي الجايات
*والله عمل جميل يا ابو روان والتحية لى كل اهلنا فى الشمال *

كلام زي ده كان مدفون وين عودا حميدا يا كبوش نتمني عدم الانقطاع مره اخرى
عشان نستمتع بالكلام الرائع ده