تلفزيون السودان ( رائح ) فضائيا !!

[ودسمير]

فترة ليست بالقصيره كثير من الناس يتسالون عن قناة السودان الفضائيه لانها ( طاشه ) !

الحاصل شنو والله ما عارف ، أحدهم قال لى ان السودان لم يسدد رسوم الاشتراك !!!

ابتسمت وظننت انه يسخر ولكن اكد لى ذلك !

طيب يا اهل الخير العندو معلومه انحنا منتظرين .

[مدنيّة]

ود سمير
مساءك سوداني

--------
ياخ تلفون السودان متوفر
وهسي اتأكدت من انه شغال
قبل ماارد عليك

-----
يكون طبقكم انتو الماسدد اشتراكه ياخ ):

[نزار حسن محمد]

صاح كلامك يا ود سمير وانا ايضاً كانت حاصله لى نفس المشكله واخيراً علمت بانهم غيره التردد
غايتو كان ما عالم الرياضه كنا ..والا اخير نسكت

[آلاء عبد الرحمن]

والله انا ماعندي بيو علاقة
اسي مشيت شفتو شغاااال
بيني وبينك الزول حتي لو طفش مابفقدو

[عاطف عولي]

ود سمير
مساءك سوداني

--------
ياخ تلفون السودان متوفر
وهسي اتأكدت من انه شغال
قبل ماارد عليك

-----
يكون طبقكم انتو الماسدد اشتراكه ياخ ):


أم جمال انتي شفتي التلفزيون ولا التلفون؟

أظنك الساعة ديك يادوب قايمة من النوم

[نزار حسن محمد]

أم جمال انتي شفتي التلفزيون ولا التلفون؟

أظنك الساعة ديك يادوب قايمة من النوم

غايتو عيب السواد والرماد

[ودسمير]

والله انا ماعندي بيو علاقة
اسي مشيت شفتو شغاااال
بيني وبينك الزول حتي لو طفش مابفقدو


آلاء ...برضو ده تلفزيونا واكيد فيهو حاجات جميله ..

[بت أم درمان]

عندنا ما غاب أبدا
متوفر شديد
وزي ما قلت يا ود سمير
حتى وان بقى مافيه شي
لكن برضو لازم نمر عليه
احيانا قليلة بكون فيه حاجة تشد الانتباه
ولو بشكل بسيط