المساعد الشخصي الرقمي

مشاهدة النسخة كاملة : هي لا...لؤي طعنتو الشوكة في أصبعو !!!!!!



شيكو
18-07-2011, 03:04 AM
نقطتين دم أحمااااار نقطن في السيراميك من أصبع لؤي
مسك السمكة بي أصبع واحد عشان ريحة السمك نفاذة قامت الشوكة طعنتو في أصبعو
ونفض لؤي أصبعو وصرخ:
ناااهد ماما الحقيني
وجات ناهد أمو وشافت النقطتين علي السراميك وصرخت
الليلة ووووووووووب ويييييييييييييييييي
وركبا العصبي
المسكينة تجري المطبخ وتمرق من المطبخ وفتت تت علي الهول
وتصرخ
حيييييييييييييي يالؤي وااااااااي الليلة وووووووب
وجات ايناس جارتا داخلة وبدون ماتعرف الحاصل فكتا سكليبا:
وييييييي الليلة ويييييييي
ناهد مالك ناااهد!!!
مالي كيف يا ايناس ماشايفه
واااااي الدم الدم
في شنو يا ناهد؟
كيفن في شنو
الدم المالي السراميك ده مامن لؤي!!
مالو لؤي؟
شوكة السمكة ماطعنتو في أصبعو !!
الليلة وووووووب الليلة سجمنا وشوك السمك هجمنا
الليلة نسوي شنو يا ايناس أسود علي أسود علي
وجرت علي الموبايل –
: حسام انت قاعد في الشركة والقيامة قايمة في البيت؟
ناهد ناهد في شنو قيامة شنو
أجي كمان بتستغرب حصلنا نط في السيارة طيران علي البيت
يا لطيف الحاصل شنو
خلي الكلام وطيران حصلنا
ورمت ناهد الموبايل عي السرير
لؤي حبيبي الطعنة مألماك؟
أي ياماما ماشفتي الدم ملا السراميك
كر علي ياحبيبي لالا ماتهبش الجرح بابا جاي اسه
ودخل حسام أبو لؤي للبيت
في شنو ياناهد قيامة ايه القامت في البيت
لؤي لؤي ياحسام
مالو لؤي
مالو كيف ماشايف الدم الملا السراميك
دم! دم شنو؟
طبعا انت هاميك كان اتعوق ولا انجرح؟
ماشايف أي نقطة دم
أي ماشايف هي نقطة واحدة ديل نقطتين
وااااااااي الليلة كر علينا
وتدخلت ايناس جارتم:
خلاص يالؤي اسكت ماتبكي هي فعلا مؤثرة وحارة شديد
لا اله الا الله يانسوان انتو تعملو من الحبة قبة
لاقبة ولامرزبة سريع علي مستوصف الجراحة اقيف النلبس الطرحة

فاصل ونواصل

شيكو
18-07-2011, 03:12 AM
الحلقة ( 2 )

وهوب مرقن النسوان الاتنين ناهد امو وايناس جارتم
حسام أبوهو ساق لؤي
بابا ماتمسكني من محل الطعنة
زح كده ياحسام تعالي ياولدي براحة براحة ماتمشي سريع الجرح بلتهب
وركبو السيارة ومشو مستوصف الجراحة
: خير ياجماعة في شنو وينو المريض
هوي ها زح كدي انت الاخصائي؟
لا الاخصائي ماجا لسة والمستوصف بفتح بعد ساعة ونص
وووووووب الليلة ووووووووووب الليلة نطير وين ونرك وين
ناهد اعقلي الود ده مسألتو بسيطة لصقة صغيرة وخلاص
انت يا حسام ماهاميك ولا خاصيك
اوك انا ذاتو عندي اجتماع مجلس الادارة ده مفتاح السيارة انا حأرجع بي تاكس
وانتظر الجميع داخل السيارة
: ماما خلاص نرجع البيت
كيفن حبيبي مالازم نقابل الاخصائي
لالا مافي داعي انا خفيت خلاص
وتدخلت ايناس :
يعني الالم راح يالؤي؟
أي ياخالتو بقيت كويس
طيب ياناهد خلاص وكت بقي كويس احسن نرجع البيت
صحي ياحبيبي الجرح ما مألمك؟
ايوه ياماما الشوكة ماطعنتني شديد
انت متأكد يالؤي؟
ايوه ياماما حتي شوفي أنا حاسوق السيارة
جيد لي جيد لي بي ولدي
ورجعو البيت
ومما وصلوا انطلقت الزغاريد
والجيران في بيتم اتلمو
ولؤي يبشر بي أصبعو الطعنتو فيهو الشوكة.
تمت وختمت

عاطف عولي
18-07-2011, 06:05 AM
هسع يا شيكو لوي دا لو داير يناسبك رايك شنو؟

خالد علونى
18-07-2011, 06:39 AM
كر علي يا لؤي

وووووووووووووووووب وحي

ويا ناس وووووب علي























يا حليل الرجال البياكلو النار مووووووووووووووووووووووووووووووووووووووقدة

mahagoub
18-07-2011, 07:06 AM
الله يجازى محنك
جنس لؤى ده لسه عندنا
كان كدى النلبس جلابيتى ونمشى نزوره

شيكو
18-07-2011, 08:47 AM
هسع يا شيكو لوي دا لو داير يناسبك رايك شنو؟

عاطف لكن ماممكن ياخي
زي لؤي ده يناسبني أنا؟
يناسبو الضريب شقاق العناقريب
هو بقي كده كيف؟
الأب كان بقي متساهل وراخي الحبل للطيش
يمين مركبو غرقت والضحك شرطو
التربية المتوازنة هي البتقود البيت لي بر الامان
لكن جنس ناس لؤي ديل
نتبرا منهن يايابا
هههههههههههههههههههه

شيكو
18-07-2011, 08:54 AM
كر علي يا لؤي

وووووووووووووووووب وحي

ويا ناس وووووب علي























يا حليل الرجال البياكلو النار مووووووووووووووووووووووووووووووووووووووقدة

اتخيل ياعلوني جنس العينة دي!!!
الابو هوين ومهروووش
كان ساي سخن مرة واحدة والبيت بينضبط
وناهد دي بتقعد في مواعينا
لكن رب البيت لا ابرة لاخيت
يلا اريتا ماتنت
نار شنو البياكلا جيل بابا وماما ديل!
استغفرتك يامالك روحي
بالله لوم لي يمة ويابا دي
مالا ما ملانة حنية ورجولة
ياغالي
بالجد الحكاية فكت ومرقت من اللييد

شيكو
18-07-2011, 08:56 AM
الله يجازى محنك
جنس لؤى ده لسه عندنا
كان كدى النلبس جلابيتى ونمشى نزوره

بالله يا المحجوب وانتي ماشي علي لؤي ده
شيل ليك جلابية وعمة وسديري وسيف وسكين
وشخخخخخخخخخخخخخخخخخخخخ أتكي رقبتو المابتشبه رقبة الرجال
قبلو قبلو

ابو لوزة
18-07-2011, 09:01 PM
يا شيكويا اخوي الضني ما غالي

كررررررررررررررررررررررررررررررررررر علي
وان شاء الله هسي بقي كويس
والله مسكين لؤي ما يستاهل ان شاء العدوين يا رب

شيكو
18-07-2011, 09:33 PM
يا شيكويا اخوي الضني ما غالي

كررررررررررررررررررررررررررررررررررر علي
وان شاء الله هسي بقي كويس
والله مسكين لؤي ما يستاهل ان شاء العدوين يا رب


يا أبولوزة ياغالي
ياخي انت قاعد وين ياخ
مش الشوكة ودوها معروضات قدام المحكمة!
ناهد أم لؤي حلفت ماتخليها الا تشكيها للحيكومة!
أها اسة المسكينة في الحراسة راجية النطق بالحكم
ولؤي ود أمو بعدما رجع البيت
الحروم زغردن وهو يبشر بي أصبعو الطعنتو فيهو الشوكة
ويوم الخميس عاملين الكرامة
تعال عليك النبي
عشان تشوف الخمج الماخمج
لؤي قال الحفلة بي نانسي عجوة وجنات
لانو بتألم للغنا السوداني وبأثر في نفسياتو
كر يايابا من المطر البرا سحابه
كر ياود أمي كر
من جنس دي الحالة

سواااح
18-07-2011, 09:58 PM
والله يا شيكو الله يجازي محنك
ان قللتا هسي الولد اصبعو انقطع
الاقيها طعنة شوكة وكمان شوكة سمكة؟؟

شيكو
18-07-2011, 10:27 PM
والله يا شيكو الله يجازي محنك
ان قللتا هسي الولد اصبعو انقطع
الاقيها طعنة شوكة وكمان شوكة سمكة؟؟

لكن والله ياسواح بالغت ياخ
هي طعنة شوكة السمكة هينة ولا لينة؟؟؟!!!
ياخي نقطتين دم أحمااااار نقطن من صبع لؤي
انت قايل النقطتين ديل ساهلات؟
صباع لؤي ده حسااااس مابستحمل اي طعنة
وأمو ناهد كمان شفوقة وحنونة عليهو
وأبوهو صلاة النبي عليهو عطووف وقلبو رهيييف
ياغالي التربية كده ولا بلاش
أها الترابة في خشمنا من جنس ديل
تسلم ياسواح ياخي علي المداخلة الحلوة
خليك قريب معانا في النفاج ده ياغالي

mahagoub
19-07-2011, 04:09 AM
اريتا كان طعنتى انا
ما طعنت لؤى
على الاقل كان الواحد اتعشى سمك

شيكو
19-07-2011, 05:18 AM
اريتا كان طعنتى انا
ما طعنت لؤى
على الاقل كان الواحد اتعشى سمك

ههههههههههههههه
هي شوكة السمك دي قايلا بتتطعن من طرف؟
انت ممكن تطعنك شوكة كتر ضريسة حاجة زي دي
بعدين لؤي ده ياشاب بياكل السمك بي اصبع واحد
انت تقدر تعمل الحركة دي؟
وقول قدرت تعمل الحركة
يقوموا يودوك الجنوب دغشن بدري تحصل طيارة جوبا
الحكم البتجيب الزكم يايابا

بنت الرفاعي
19-07-2011, 07:12 AM
:D:D:D


لؤي ده صاحب (الولد) صاحب (بنت الراجل الجعلي) اللي قال ليها
أبوها:
وكت بتقري مع الزي ديل عوجة تب ما بتجيك؟!:rolleyes::cool:

:):):)

mahagoub
19-07-2011, 08:22 PM
ههههههههههههههه
هي شوكة السمك دي قايلا بتتطعن من طرف؟
انت ممكن تطعنك شوكة كتر ضريسة حاجة زي دي
بعدين لؤي ده ياشاب بياكل السمك بي اصبع واحد
انت تقدر تعمل الحركة دي؟
وقول قدرت تعمل الحركة
يقوموا يودوك الجنوب دغشن بدري تحصل طيارة جوبا
الحكم البتجيب الزكم يايابا

ضريسا ولا حسكنيت
بس يختوا معاهو سمك

بت أم درمان
19-07-2011, 09:02 PM
غايتو فضحنا لؤي
قول ليهو تاني ما ياكل سمك بث

بحيرى
19-07-2011, 10:07 PM
هاهاهاهااها ....
حبوبتى لمن قرأت الموضوع ده .... دقت يداً بيد ...
وعضت على العناب بالبرد ... وسقت ورداً ...
وقالت .... الرجال ماتوا فى كررى ...
عليك الله هسه لؤى ده مصحينا فى نص الليل علشان شوكه ....
الله لا جاب عقابو ....
تعرف يا شيكو ....
لؤى ده ذكرنى طفولتى ....
اى والله ...
زمان كنت حنكوش .... يا حليل زمان ....
عارف كنا بنمش البحر بالدس .... ونقعد نعوم ونشرك للسمك ....
مره جيت راجع البيت وشايل معاى سمك ....
ابوى طبعاً لمن شافنى مقبش عرف انو انا كنت فى البحر ....
الغريبه ... شال منى السمك .... وهااااااااك يا خبت .... تفانى تف الويكه ....
والسمك لحقوه القداء ...
يا حاج هسه عليك الله دى تربيه ليك ....!!
ومن الذمن داك وانا قررت ابقى حنكوش .....
بث .... ما ذى لؤى .....!!!

ابو لوزة
20-07-2011, 12:24 AM
يا أبولوزة ياغالي
ياخي انت قاعد وين ياخ
مش الشوكة ودوها معروضات قدام المحكمة!
ناهد أم لؤي حلفت ماتخليها الا تشكيها للحيكومة!
أها اسة المسكينة في الحراسة راجية النطق بالحكم
ولؤي ود أمو بعدما رجع البيت
الحروم زغردن وهو يبشر بي أصبعو الطعنتو فيهو الشوكة
ويوم الخميس عاملين الكرامة
تعال عليك النبي
عشان تشوف الخمج الماخمج
لؤي قال الحفلة بي نانسي عجوة وجنات
لانو بتألم للغنا السوداني وبأثر في نفسياتو
كر يايابا من المطر البرا سحابه
كر ياود أمي كر
من جنس دي الحالة



والله ناهد دي بالغت عديل كده
مكبرة الموضوع مرة واحد كده
لكن ده كلو من عدم الشغلة
هسي الخدامات ديل راجلها ده
لو طفشهم من البيت المرة كانت
اتلهت بي وريق خدرة ولا رجلة
المهم يا الحبيب الحفلة دي كيف
نظامها كاجول ولا رسمي ولا نتسلف
حاجة كده من لؤي ده
والخوف بعد ده ما يدخلونا
تاكد من الشغلة
ععشان الاحراج وكده
الله معاك وادينا رنة بس

mahagoub
20-07-2011, 06:11 AM
والله ناهد دي بالغت عديل كده
مكبرة الموضوع مرة واحد كده
لكن ده كلو من عدم الشغلة
هسي الخدامات ديل راجلها ده
لو طفشهم من البيت المرة كانت
اتلهت بي وريق خدرة ولا رجلة
المهم يا الحبيب الحفلة دي كيف
نظامها كاجول ولا رسمي ولا نتسلف
حاجة كده من لؤي ده
والخوف بعد ده ما يدخلونا
تاكد من الشغلة
ععشان الاحراج وكده
الله معاك وادينا رنة بس

دى حفله بالشورت
ولو ركبك شينات ما تجى

ابو لوزة
20-07-2011, 06:25 AM
دى حفله بالشورت
ولو ركبك شينات ما تجى



شنو يا عم محجوب شكلك كده
انت جاي الحفلة
اما بالنسب الي الركب
شنة مرة
ومن هنا تعتزر عن الحضور
بس انت يا عم محجوب
صور لينا الحفلة

مايسة
20-07-2011, 08:03 AM
حرام -

لؤي دا ما إتعذب شديد يعني -


كر كر كر كر على


ما قلته لينا نوع السمكة شنو يا شيكو ;)

مايسة
20-07-2011, 08:04 AM
دى حفله بالشورت
ولو ركبك شينات ما تجى


هههههههههههههه
:):):):)

mahagoub
20-07-2011, 08:42 PM
شنو يا عم محجوب شكلك كده
انت جاي الحفلة
اما بالنسب الي الركب
شنة مرة
ومن هنا تعتزر عن الحضور
بس انت يا عم محجوب
صور لينا الحفلة

يعنى انا الركبى سمحه
ما الحال من بعضه

عاطف عولي
21-07-2011, 12:16 AM
:D:D:D


لؤي ده صاحب (الولد) صاحب (بنت الراجل الجعلي) اللي قال ليها
أبوها:
وكت بتقري مع الزي ديل عوجة تب ما بتجيك؟!:rolleyes::cool:

:):):)







هووووي يا دكتورة أنتي السمعك جنس الكلام دا شنو؟

كنتي معاهم؟

أها جاتك في ربطتة سوميتك.

وبالجنبة كدي يا دكتورة جنس لؤي دا كان جاك هو وعولوا بي حالتم دي في المستشفا تعملي ليهم شنو؟

mahagoub
21-07-2011, 03:46 AM
بتجيب ليه اسكريم اول حاجه بعدين
حلاوه وبعد ما يروق
تديه رشة بنج
وتدخله غرفة العمليات بعد التعقيم

شيكو
21-07-2011, 04:27 AM
عليكي النبي يامرام
كان في فصل بنات جوهو 40 لؤي جنس ده
البنات ياكلو نيم ويحلو بي برسيم
ولا ياكلو سمك ويقرن في ربك
عليكي النبي شوفي جنس المحن دي؟
مخير الله في ملكو

شيكو
21-07-2011, 04:31 AM
ضريسا ولا حسكنيت
بس يختوا معاهو سمك

هههههههههههه
سمك سمك أبيض حمام النيل يا...
ولو ختوا ليك أقاشيه كيف؟
الله يجازي محنك يا المحجوب
ههههههههههههههههههههههههههه

شيكو
21-07-2011, 04:37 AM
غايتو فضحنا لؤي
قول ليهو تاني ما ياكل سمك بث

تعرفي يابت أمدرمان
بيني وبينك أنا عجبتني حركة أكل السمك بي أصبع واحد
ياود !!!!! اكروبات انت!
الدلع الكتير ياغاليةماكويس
والحزم الكتير برضه ماكويس
يعني نوس نوس
كان سوي جنس حركاتو دي بدوهو محطة بالسوط
وكان دموعو سالن والمنام أبي ليهو يدوهو كباية برتكان صااااااقت في سبعة مواد
والله ليك وحشة ياغالية

شيكو
21-07-2011, 04:46 AM
هاهاهاهااها ....
حبوبتى لمن قرأت الموضوع ده .... دقت يداً بيد ...
وعضت على العناب بالبرد ... وسقت ورداً ...
وقالت .... الرجال ماتوا فى كررى ...
عليك الله هسه لؤى ده مصحينا فى نص الليل علشان شوكه ....
الله لا جاب عقابو ....
تعرف يا شيكو ....
لؤى ده ذكرنى طفولتى ....
اى والله ...
زمان كنت حنكوش .... يا حليل زمان ....
عارف كنا بنمش البحر بالدس .... ونقعد نعوم ونشرك للسمك ....
مره جيت راجع البيت وشايل معاى سمك ....
ابوى طبعاً لمن شافنى مقبش عرف انو انا كنت فى البحر ....
الغريبه ... شال منى السمك .... وهااااااااك يا خبت .... تفانى تف الويكه ....
والسمك لحقوه القداء ...
يا حاج هسه عليك الله دى تربيه ليك ....!!
ومن الذمن داك وانا قررت ابقى حنكوش .....
بث .... ما ذى لؤى .....!!!

ههههههههههههههههههههههههههههههههههه
والله يابحيري دي قسه!!
حبوبتك دي خريجة جامعة الخرطوم كلية الاداب ولا شنو
بتين قرت الموضوع ده؟
تلقاك انت حكيت ليها الفيلم ده وهي علقت عليهو
هههههههههههههههه
وضحكتني شديد في حكاية السمك التعبتو فيهو وكان جزاك جلدة ليها ضل
يعني بحيري يقبض السمك والأكل لي حماد!!!
هههههههه
ياخوي الحناكيش لابعومو في البحر ولابشتكو من وجع الضهر
ديل عندهم حوض سباحة في البيت
كان عندكم حوض سباحة في البيت ممكن تتحنكش
والا ياكا بحيري خالي حنكشة
هههههههههه

شيكو
21-07-2011, 04:54 AM
والله ناهد دي بالغت عديل كده
مكبرة الموضوع مرة واحد كده
لكن ده كلو من عدم الشغلة
هسي الخدامات ديل راجلها ده
لو طفشهم من البيت المرة كانت
اتلهت بي وريق خدرة ولا رجلة
المهم يا الحبيب الحفلة دي كيف
نظامها كاجول ولا رسمي ولا نتسلف
حاجة كده من لؤي ده
والخوف بعد ده ما يدخلونا
تاكد من الشغلة
ععشان الاحراج وكده
الله معاك وادينا رنة بس

أبولوزة ياحبيب
للأسف امس ناهد أم لؤي منزلة اعلان وتحذير في قناة النيل الخالد:
ممنوع الاقتراب والتصوير الا للمعزومين
العندهم بطاقات دعوة فيها صورة لؤي بعدما خف من ألم طعنة الشوكة وكان ماسك الدريكسون بي اصبعين
عشان كده كلنا مانتعب
الا نسمع الغنا برة العمارة ونتفن في واطاة الله دي
عشان نحرس نانسي عجوة تجي مارقة ونهنيها علي الاداء الرائع والرقص البديع
شفت كيف؟

شيكو
21-07-2011, 05:03 AM
حرام -

لؤي دا ما إتعذب شديد يعني -


كر كر كر كر على


ما قلته لينا نوع السمكة شنو يا شيكو ;)
يا الله يا الله يامايسة
ماتتخيلي منظر النقطتين الدم الاحماااااااار وهن بنقطن تف تف
يا الله
يعني القلبو حجر يتأثر
ويتحسر
من جنيس العينة دي
قبلم وحدم وبراهم يابت أمي
البنات يقولم كر
والاولاد يقولو
كررررررين اتنين
أما بيخسوس سؤالك عن نوع السمكة الفيها الشوكة الطعنت لؤي في أصبعو
وردت الينا أنباء من البحر الابيض والبحر المالح وبحر قزوين والبحار الخمسة
بانها سمكة زي السمكة
وبث

شيكو
08-10-2011, 12:58 AM
بتجيب ليه اسكريم اول حاجه بعدين حلاوه وبعد ما يروق تديه رشة بنج وتدخله غرفة العمليات بعد التعقيم




النسألك يا المحجوب لؤي ده من دلالو ولا مالو؟

mahagoub
09-10-2011, 08:48 PM
النسألك يا المحجوب لؤي ده من دلالو ولا مالو؟

لا سحروه وادوه عين

ابو لوزة
12-10-2011, 08:50 PM
هو لؤي ده لسة الشوكة دي ما انفك منها
والله دي شوكة عكليتة خلاص
يا عم محجوب جهز غرفة العمليات

شيكو
14-10-2011, 05:57 AM
لا سحروه وادوه عين



طبعا ياغالي
لؤي سحرتو امها بي كبكبتا دي
الولد كان بقي متل ده بسموهو ود أمو
وشوف الفرق بالله
بين العجب أمو وود أمو!!!
وبين العجب تيها والعجب الماسورة بتاع المريخ
حبوباتنا بقولن
الجنا شبعو وطبعو
وكان سوا الختا لبعو
فيشان يطلع مدردح وياكل الشطة القبانيت
ومايقول أح
وأح من عجن الوليدات من أماتم
أح أح

شيكو
14-10-2011, 06:03 AM
هو لؤي ده لسة الشوكة دي ما انفك منها
والله دي شوكة عكليتة خلاص
يا عم محجوب جهز غرفة العمليات


هو يا أ[ولوزة يا ود أمي
أمو قصرت؟
جابت أبوهو من شغلو ولمت الجيران
ومشو دايرين يقابلو بيهو الاخصائي
الا الغفير بقي حربي
عمل ليهم فيها مجنون
والولد ساق العربية بيد واحدة
اكروبات ياود؟
اح أنا من الخمجي والكمجي
الغريبة جنس العجن ده مابتلقاهو الا عند الاسر الميسورة
ناس ضربو رما مابيعرفو كلام زي ده
يمين يدقشو قندراني يقوم زي الحصان ويديها جكة من الخرطوم لي مكة
تقول لي شوكة
ههااااااااااااااااااي حبيبي أنا