المساعد الشخصي الرقمي

مشاهدة النسخة كاملة : رمضان والغربة


زيادة
20-07-2011, 08:38 AM
ايام قليلة ويهل علينا شهر الخير والبركة والعتق من النار ونحن فى الغربة نستقبل الشهر بمزيج من الفرح والحزن ....الفرح لقدومه... والحزن لاشتياقنا الى رمضان في السودان نفقد اللمة والفطور مع الجيران امام المنزل.... نفقد البليلة ونفقد العصيدة وجك الليمون ..... ونفتقد الجبنة بعد الصلاة .... نفتقد الونسة والتكية اللى بعد الفطور مباشرة... نفتقد مرور عابري الطريق وقت الاذان ودعوتهم للافطار معنا... فرق كبير بين الصيام في السودان والسعودية...... وانا في مكة احسن حالا من بقية المدن السعودية في الحرم المكي وقبل الافطار تجد السودانيين وبما جبلو عليه حاملين العصيدة والملاح والابري وتجد الجلاليب السودانية في منظر يسر فعلا حتى اصبح ركن السودانيين في الحرم المكي واضحا ومكان للزيارة من قبل جميع الاجناس والحمدلله كلما تقابل واحد مهما كان جنسه تجده يمدح في السودانيين ونحمد الله على هذا الوضع الذى لم يتغير......
مدنيّة
20-07-2011, 09:10 AM
هي لكن يازيادة
انت عايزهم الاتنين
رمضان في السودان والاغتراب!
مابجوا والله


-------
مرحب بيك
وكل سنة وانت طيب يارب
ورمضان كريم
تغريدا
20-07-2011, 09:23 AM
نقول بس الله يعينكم ويوفقكم ويرد غربتكم لكن بالجد يازيادة مهما تلاقى مابتحس بطعم الحاجة زى ماتكون فى السودان
زيادة
20-07-2011, 09:37 AM
الاخت: مدنية معاك اللى اتنين ما بجو لكن من شوقنا لرمضان السودان نغش في نفسنا ونقول ليها بجو بجو بجو والله يعنينا وشكرا على مرورك......
زيادة
20-07-2011, 09:41 AM
الاخت/ تغريد فعلا محتاجين للدعوات وان يسهل الله لنا العودة النهائية للسودان وهي اصبحت هاجس لكل مغترب ... وتاكدي السودان ما تتعرف قيمته وحلاوته وقيمه الا بالبعد عنه تحياتي لك........
حاتم عمر
20-07-2011, 12:14 PM
والله يا زيادة ضربت الوتر الحساس لدى كل مغترب ،،، لكن ما في حل
تشكر على هذا الموضوع الجميل
Amin Idries
20-07-2011, 08:26 PM
هي لكن يازيادة
انت عايزهم الاتنين
رمضان في السودان والاغتراب!
مابجوا والله


-------
مرحب بيك
وكل سنة وانت طيب يارب
ورمضان كريم
يني مافي أي حل يا مدنية نستغفر و نقعد بس
مدنيّة
20-07-2011, 11:09 PM
يني مافي أي حل يا مدنية نستغفر و نقعد بس

غايتو يا أمين
احنا بنجي ننزل ليكم
صور الافطارات الجماعية
وافطارات الحلة الفي الشارع
والطعمية وسلطة الروب والابري والنشأ
والعصيدة والتقيلة وايييييييييييييييييييك
ومشية صلاة التراويح
(وش حاقد عليكم شديد)
mahagoub
21-07-2011, 03:28 AM
العوايل يمكن يكونوا شويه احسن
لانو بنعزم المعارف والاهل فى رمضان
يعنى نادراً ما تكون فاطر براك
ونفس الطقوس هنا كما فى السودان
الابرى والبليله والسلطات بكل الالوان
اها يات زياده مادام انت فى مكه
الدعوه مفتوحه طوال الشهر
ده كله عشان ما تشمت فينا مدنيه
ود الضو
21-07-2011, 08:23 AM
كما قلت ياحبيبنا
( فرح وحزن )
لكن علي الجزيمة من عرفت الغربة دي
رمضان فيها بشوفو طويل زي الكم شهر كدا ماشهر واحد
رغم انو اليوم بنتهي سريع ..
نحن نفتقد لكل تلك الطقوس
الي تلك الساحات المليانة فرشات
وناس طيبين وسمحين
حليل رمضان السودان ياخ ..
وكمان بعد رمضان مباشرة بجي العيد
رمضان كريم ..
زيادة
22-07-2011, 07:54 AM
الاخ محجوب تحياتي مشكور على الدعوة وربنا يسهل لينا صوم رمضان وانا اتوقع انه ناس مدنية ما حيشمتو فينا حينزلو مواد رمضان انت عارف نفسي في صورة البليلة!!!!!!!
زيادة
22-07-2011, 07:56 AM
الاخ ود الضو تحياتى ونحن الان نعزى بعضنا في رمضان الغربة وربنا اكضب الشينة
همسات
22-07-2011, 04:34 PM
غايتو يا أمين
احنا بنجي ننزل ليكم
صور الافطارات الجماعية
وافطارات الحلة الفي الشارع
والطعمية وسلطة الروب والابري والنشأ
والعصيدة والتقيلة وايييييييييييييييييييك
ومشية صلاة التراويح
(وش حاقد عليكم شديد)






مدنيه الغاليه
والله حرام عليك
ان شاءالله ماتضوقي طعم الغربه قولي امين
بس الصور دي ابقي عليها عشره عليك الله




زياده اخوي تحياتي واحترامي
وربنا يرد غربتك وانت علي احسن حال
عليييييك الله يازياده احمد ربك بس ....
والله انتو في السعوديه احسن من ناس كتاااااااار
الحمدلله اولا واخيرا .....
زيادة
22-07-2011, 10:54 PM
الاخت/همسات الحمد لله فى الاول والاخر وفي السراء والضراء والانسان بطبعه طماع وانما هى لحظات مرت بي مع قرب رمضان وكان لابد من التنفيس عنها والغربة ما هي غربة زمان بقت تحصيل حاصل والموجود في السودان ما مرتاح والخارج السودان برضه ما مرتاح على الاقل نفسيا!!!!!!!! تحياتي لك