على مسؤوليتي الشخصية وانا مسؤول من ما كتبت في هذا البوست

[الجندي المجهول]

الفريق الوحيد الذي يمكن ان يشكل خطر على الهلال من خلال ( ال7) فرق المشاركة في دوري الابطال هو الترجي التونسي فقط ( ولا غير)

طبعا سيتواجه الفريقان في دوري الاربعة ( اما نهائي ) أو ( قبل النهائي)

سيسألني البعض لماذا الترجي دون سواه ؟
سؤال جميل ،،


لانني والحمد لله متابع جيد جداً لكل الدوريات واتابع بشدة الفرق التي تواجهنا ( سواء الهلال او المريخ) ومن خلال متابعتي للترجي ( فريق منظم وقوي ويمتاز بالانتشار السريع ) وله اسماء رنانة مثل اسامة دراجي وغيره ولهم خبرة وباع طويلة في هذه البطولة ... ( او ان تحدث مفاجاة ويتغير اداءه بفقد مجموعة من اللاعبين او لاي اسباب اخرى) ولكن بحكم اخر مباريتين واخرها فوزه بالدوري والكاس ..



خلاف ذلك (إلا أن يخذلنا لاعبو الهلال) الله لا قدر ،،،،،

اليوم سيتم اعادة مباراة الكاس بين الترجي والنجم ويمكن الوقوف على مقدارات هذا الفريق ومستوى الليقاة البدنية العالية ....

تخريمة : اجمل حاجة ان ياخذ الهلال هذه المبارايات ( بالقطعة) كل مباراة ولها ظرفها الخاص

وباذن الله لنا عودة وحديث بعد وصول الهلال ( لدوري الاربعة) باذن الله

مع تحياتي


مواطن متابع جدا

[tito_santana]

يا اخوي انت قاعد ساي في السهلة :::
القطن الكاميروني اقوي بكثير من الترجي :::
انا متابع القطن منذ 4 سنوات فريق منظم وقوي :::
النهائي سيكون الترجي و القطن :::
خجيجه بره يا فرده :::

[روبش]

اقول يا الجندي ::::: العفش ادخل البص مسؤولية صاحبه
يا هندي انت تابع بس الافلام الهندية خليك من الكورة ده
اقول ::: السينما الوطنية محتاجة لوكيل .. رأيك شنو

[نزار حسن محمد]

ياريت لو كل الهلالاب والمريخاب بفهمك ياجندينا

[مدنيّة]

انا استبشرت خيرا لما قريت العنوان (من غير تفاصيل الاستبشار دا)
ولكن
دوما
تأتي الرياح بما لا تشتهي السفن

[الجندي المجهول]

يا اخوي انت قاعد ساي في السهلة :::
القطن الكاميروني اقوي بكثير من الترجي :::
انا متابع القطن منذ 4 سنوات فريق منظم وقوي :::
النهائي سيكون الترجي و القطن :::
خجيجه بره يا فرده :::

تيتو تحياتي ،،
ياخ انت ليه كدا

تخريمة : ياخ ممكن طلب عاوز تلفون ( مداوري ديكست أو كرشنا كابور في حالة العدم تلفون ريكا)

[الجندي المجهول]

ياريت لو كل الهلالاب والمريخاب بفهمك ياجندينا

هذا ما تعلمناه من خلال وجودنا بصحبتكم الكريمة

[الجندي المجهول]

انا استبشرت خيرا لما قريت العنوان (من غير تفاصيل الاستبشار دا)
ولكن
دوما
تأتي الرياح بما لا تشتهي السفن

يا عمتي كتلتيني بالضحك لما المدير جاني في المكتب قال مالك ( يا زول)

اها ارفدينا ....

قلتي الرياح مالها
قايتو وجودنا معكم هو ما ( يعطينا الامل) واشياء اخرى ( جميلة)

[tito_santana]

اقول يا الجندي ::::: العفش ادخل البص مسؤولية صاحبه
يا هندي انت تابع بس الافلام الهندية خليك من الكورة ده
اقول ::: السينما الوطنية محتاجة لوكيل .. رأيك شنو

الملا روبشكو ما الشمكله انو القطن والترجي والرجاء واحد فيهم البطل ::: الكل سنة متلب في القطر ويتشعبط بيدينو الاتنين وفجأة يجي واحد من الراكبين القطر بعكاز ساكت في اصابع المتشعبط دا وبردلب في القضيب :::
إهئ إهئ إهئ
يجينا سروالو مشرط والدم مالي الركب وعييييييك
ما دايرين ليكم البهدلة :::
كدي الاهلي شندي مالو ؟
عيبو لي ؟
إهئ إهئ إهئ

[tito_santana]

تيتو تحياتي ،،
ياخ انت ليه كدا

تخريمة : ياخ ممكن طلب عاوز تلفون ( مداوري ديكست أو كرشنا كابور في حالة العدم تلفون ريكا)

هيلير مومي تذكر هذا الاسم جيدا :::
يا اخوي ها فريق الهلال دا ورا راقدين رز ووقت راسهم يقفل ما بفرزوا المرمي وين ::: ناس بشاية ونبقاية وديمباية وناس فريق ورا ما ناس حارة :::
إهئ إهئ إهئ
كونتراتاك ::: لو داير تلفون اشواريا راي كلمني ::
تهئ تهئ تهئ

[ود الضو]

والله يا الجندي أخوي
ماني متشائم لكني اعرف تماماً
ومن غير التفاصيل التي ذكرتها انت
انّ الهلال له عقدة ازلية مع المدعو الترجي التونسي
وانا بتفق معاك تماماً ان بقية الفرق يمكن الهلال يتجاوزها
لكن الترجي دا ( جرحه مازال بيتاور )
مشاققة :
خوفي ان نسمع قريباً :
متعوّدة دائماً ,,
ياخي من غير تريقة لو الجماعه ديل مسكوا لينا الترجي دا
وظبطتوهو بي 5 / 0
اقلها يفشوا غبينتهم ويفكوا العقدة دي ياخ ..
دعواتنا معاهم بس كل مرة بنلقاهم طاروا ..

[ZANOON]

يا سلام علي الجندي
دايما مدي الناس الغلابه امل .....
وفي النهايه العسل وبتدفق

[همسة شوق]

تخريمة : ياخ ممكن طلب عاوز تلفون ( مداوري ديكست أو كرشنا كابور في حالة العدم تلفون ريكا)



تيتو دة مابتلقى عندو غير الا تلفون خجيجة بس