اوتزكرين ..!!؟

[ود سعدابى]

اوتزكرين جميلتى ....؟

!!

[ود سعدابى]

اوتزكرين يااا جميلتى ..!!
اوتزكرينى ..؟

حينمااا رسمتك خصلة ..خصلة ..فى تنفسى
اوتزكرين

حين مشطك.. خصلك.. ضنب حصااان ؟؟
اوتزكرينى..؟
حينما رسمتك نبضة نبضة ..بسمة بسمة !!
على اوراقى واحداقى ..رؤاى وتصوراتى .!

[ود سعدابى]

اوتزكرين :..؟
حينما اتيت إليكى حافينا ربما ..او قد انتعلنى الفرح
!!

[ود سعدابى]

اوتزكرين حينما لعبنا عدة ..عدة!!
وكنت قد بنيت لك كُوخاً من طين ..!؟
وجلبت لك فراشات وندى

وعزفت لك سيمفونية اللقاء المرتجى !!
اوتزكرين ....؟

[ود سعدابى]

اتزكرين :
وجهك المنداح كالصباااحات

المسكون بالعطر

وعبق البساتين
اتزكرين ..؟

تحملق القراشات حول وجهك ؟؟

اتزكرين

ريحة طين الخريف ونوار السنط ... صوت المآذن المنبعث من صوتك

وطريق المدارس وصحية الفلاحين ..وسهر العاشقين .!

[ود سعدابى]

ياااا اخوانا سلاااام عيكم

فرداً فرداً

ورمضان كريم عليكم

جكة :

اوتزكروننى ..!؟

[ود سعدابى]

يعترينى شوقاً لازع لأمارس تسكعاتى

هنا حيث الحنين والماضى الوريف !!

يعترينى الفرج لاننى اليوم هنا وفى ايام من رمضان ايضاً

لقد كااان رمضان فى السابق بنكهتة الجميلة

السباتاات السعفية الاباريق المنصوعة من الحديد

تحملق الصائمين على جنبات المائدة المكونة
من قدح عصيدة
تلاتة جكاكة ..حلو مر..ليمون معصور باليد ..جك موية من التيبار

وفى الخلف صينية جبنة تفور بالقريفة فى نافوخ الاجداد
وترسل عبقها بين الحين والاخرإليهم !!
وشفع تنتظر على مقربة من جلوس الرجال فى إنتظار الشراب
ليعلونو للنساء المنتظرات بالداخل الآذان المندفع من رادى جدى ماركة ناااشونال
حينما يأذن الآذان
يهرولون الشفع الى الداخل وينشدون
شييييربو ..شيييربو ..شيييييربو !!!

اوتزكورن احبتى
تلكم الايام ..!؟

[ود سعدابى]

مااا عارف
لاكن بالجد كدا فى حاااجات حلوة زمااان

رحلت فى شكل تقاليدها ولاكن باقية زاكرة فينا لاتريد ان ترحل من مخيلتنا إطلاقاً

لجمالها وتانيها قد يكون !!
رحلنا الزمن عنها ام رحلنا نحنا بى جتتنا ؟
فى صور حياتية بتخليك ترجع بالزمن مراااراً

وتتحسر على لحظااات كدا مشت بدون سابق انزار فت كدا تلقاها مافى !!

بدون مقدمااات اختفت

وبدون اى حاااجة كدا فجعة توارة واصبحت زكرى

ونفقت الامنيااات معاااااااااها

واصعب حاااجة نفوق الامنيات فى مؤايد الانتظار

عمرك كلو منتظر

عمرك كلو مرهون بى تحقيق المنتظر

ترجى الصباااح عشان الليل يفوتك وعشان مااا تعيرو ادنى اهتمااام

ترجى الصباااااااح وليلك باقيلو شهقة نفس ويغيب

تغفو تلقى الليل فلل عليك من جديد


المشكلة انو الفصول اتبدلت بى فصول اكتر رتابة

المناطق السمحة ..اللحظات الحميمة ..الايام البهيه .. صعب انك تواصل

حاتغيب يعنى حااااتغيب .. دى بقت ديدن حياتنا

والغياب بجبرنا نفارق ناس عزيزين شديد

اما التحدى الاكبر ياتى فى العودة !!

وكلك تمنى انو نفس الامكنة
اياااها
نفس الشخوص هم زاااتم
وشوقك ليهم مااا بارح مخيتك

بالجد... بالجد

الغياب عنكم طعم اتمنى ان لا تمتحنكم الدنيا به !!؟