الملحمة

[Amin Idries]

لما الفول الطاعم قلّ
وريحة الكبدة الملت الحلة
قلنا نعيد الفول الأول
فول شبيلي الهزّ القدرة
و طيّر ريحة البيض و الكبدة
و في ليلة و كنا خشوم بتصارع
صحن الفول الماهو كوارع
جانا هتاف من عند الشارع
فول شبيلي ما فيه شمار
و الشارع ثار...
و قدر الفول الفوق النار
و الشارع ثار.....
و زيت الفول الماهو شمار
و الشارع ثار....
و أكلنا الفول أكلنا الفول
بالزيت و الجبنة و الشمار
بلعابنا السال و عمل اللخمة
حلفنا نجوع ما نضوق اللحمة
و كان الفول طعامنا الأول
و ما بدلنا .....
بالسلطة الطاعمة و الليمون
بدون الفول ما حنكون
وكان في اللقمة بنلقى الزيت
و زيت السمسم أحسن زيت
يا شبيلي أنحنا الاكلنا فول قدراتك
بالزيت و الجبنة بدون سلطاتك
و كان في بطونا جوع غضبان
و كنا بنحلف بالأفران
ناكل فولك يا دكان

[ساريه]

اها دى نسميها شنو ؟ جرسه صح ؟؟؟؟

لكن جميله والله .......
أمين رمضان كريم ...

[مدنيّة]

غايتو يا أمين
الملحمة عندك
خسوسا في مثل هذا التوقيت ):


-------
شكرا أمين

[مصطفى هاتريك]

بالزيت و الجبنة بدون سلطاتك
و كان في بطونا جوع غضبان
و كنا بنحلف بالأفران
ناكل فولك يا دكان



http://www.lakii.com/img/all/Apr11/Qi1oL804071419.jpg


آمين يا أمين

[Amin Idries]

اها دى نسميها شنو ؟ جرسه صح ؟؟؟؟

لكن جميله والله .......
أمين رمضان كريم ...

دي ما جرسة صيام ساي يا سارية
شكرا ليك كتير على المرور و رايك مهم

[Amin Idries]

غايتو يا أمين
الملحمة عندك
خسوسا في مثل هذا التوقيت ):


-------
شكرا أمين

مش كدة يا مدنية بالله
و الصراحة رمضان سخن شوية
ربنا يتقبل مننا و منكم
شكرا كتير ليك

[Amin Idries]

http://www.lakii.com/img/all/Apr11/Qi1oL804071419.jpg


آمين يا أمين


شكلو كدة رمضان دخل العضم يا هاتريك
ربنا يتقبل مع تحياتي

[حاتم عمر]

والله يا امين قمة الابداع والجمال وخاصة المقطع بتاع ام بلينا السنوسي " وكان الفول طعامنا الاول "
لكن دي جرسة وجوعة رمضانية ليها ضل ، كتر لينا من الجرسة من هذا النوع .

[تغريدا]

لما الفول الطاعم قلّ


أخى أمين رمضان كريم
والفول ياخوى كان مسييييييييخ بتاكل خلي يكون طاعم
مشكور على البوست الطاعم دا:)

[Amin Idries]

والله يا امين قمة الابداع والجمال وخاصة المقطع بتاع ام بلينا السنوسي " وكان الفول طعامنا الاول "
لكن دي جرسة وجوعة رمضانية ليها ضل ، كتر لينا من الجرسة من هذا النوع .

غايتو يا حاتم أنا بكتب فيها و متوقعك تقول لي ( ما قلنا الجرسة ده ما محلها) لكن زي ما قلت دي جرسة صيام و جوعة ساي
مشكور كتير على اطرائك الجميل مما يدل على انك سمّيع

[Amin Idries]

أخى أمين رمضان كريم
والفول ياخوى كان مسييييييييخ بتاكل خلي يكون طاعم
مشكور على البوست الطاعم دا:)


أختي تغريد
تصومي و تفطري على خير و ربنا يتقبل
أنا طبعا أعشق الفول حد الثمالة و زي ما قلتي لو مسيخ بتاكل
أشكرك كتير على المرور

[Amin Idries]

الفول فولي، سأزرعه وحدي ، و سأحصده وحدي ، و سأكله وحدي
متذكرين المقطع دة

[مدنيّة]

الفول فولي، سأزرعه وحدي ، و سأحصده وحدي ، و سأكله وحدي
متذكرين المقطع دة

باعتبار اننا ناس اساس وكدا
مامتذكرين ):

[Isam Hussien H]

أمين ياراقي .. إنت مدنية دي ناكره ودكنان ولا شنو .. براءة شديدة .. يا خ الفول فولي دي ناس حي المطار دفعت عمر ولدي البتلدو مدنية عارفنها .. بالله كلم مدنية ..

[مصطفى هاتريك]

أمين ياراقي .. إنت مدنية دي ناكره ودكنان ولا شنو .. براءة شديدة .. يا خ الفول فولي دي ناس حي المطار دفعت عمر ولدي البتلدو مدنية عارفنها .. بالله كلم مدنية ..


يا خال كيف الحال

أنا ذاااااتي ما متذكر المقطع القالوا أمين ده

[مدنيّة]

يا خال كيف الحال

أنا ذاااااتي ما متذكر المقطع القالوا أمين ده

طلعت زينا من ناس الاساس يااستاذنا ):


-------
اها ياريس
تاني في كلام! ):

[Isam Hussien H]

والله يا مدنية ما عندي أي كلام بعد كلام خالو مصطفى هاترك . شكراً للرد الراقي ..

[Amin Idries]

أمين ياراقي .. إنت مدنية دي ناكره ودكنان ولا شنو .. براءة شديدة .. يا خ الفول فولي دي ناس حي المطار دفعت عمر ولدي البتلدو مدنية عارفنها .. بالله كلم مدنية ..

أستاذنا عصومة
و الله مدنية بتعتز بي ودكنان و نحنا بنعتز انو مدنية و هاتريك من ودكنان بعدين هو منو القال ليهم انو المقطع دة خاص بالمدرسة
على العموم أنا شهادة عربية؟؟؟؟؟؟؟؟؟؟؟

[محمد الجزولى]

لما الفول الطاعم قلّ
وريحة الكبدة الملت الحلة
قلنا نعيد الفول الأول
فول شبيلي الهزّ القدرة
و طيّر ريحة البيض و الكبدة
و في ليلة و كنا خشوم بتصارع
صحن الفول الماهو كوارع
جانا هتاف من عند الشارع
فول شبيلي ما فيه شمار
و الشارع ثار...
و قدر الفول الفوق النار
و الشارع ثار.....
و زيت الفول الماهو شمار
و الشارع ثار....
و أكلنا الفول أكلنا الفول

والله يا امين كل يوم بدحل بقرأ الملجمة دي وأطلع بدون تعليق
لكن صراحة الليلة غلبني عديل كده ...
وقلت لازم اخرج مع الشارع واردد
اكلنا الفول
اكلنا الفول
اكلنا الفول
صديقي امين
والله كلماتك روعة
وأنت الجمال بعينه

[Amin Idries]

والله يا امين كل يوم بدحل بقرأ الملجمة دي وأطلع بدون تعليق
لكن صراحة الليلة غلبني عديل كده ...
وقلت لازم اخرج مع الشارع واردد
اكلنا الفول
اكلنا الفول
اكلنا الفول
صديقي امين
والله كلماتك روعة
وأنت الجمال بعينه

مشكور يا ود الجزولي على الاطراء الجميل فما زلنا نتعلم منكم الكثير

[Amin Idries]

معاً من أجل رفع شعار ( صحن فول لكل أسرة )

[حاتم عمر]

معاً من أجل رفع شعار ( صحن فول لكل أسرة )


تعرف يا امين يا صديقي لو ما حققنا هذا الشعار بسرعة سينقلب الشعار الى ( موية فول لكل اسرة) بالشئ البنسمع بيهو ده اذا لم يكون قد حصل فعلا .[/size]

[Amin Idries]

تعرف يا امين يا صديقي لو ما حققنا هذا الشعار بسرعة سينقلب الشعار الى ( موية فول لكل اسرة) بالشئ البنسمع بيهو ده اذا لم يكون قد حصل فعلا .[/size]

يا طالبا همك صينيتك
تلقى فطورك بي طحنيتك
و عمق احساسك باسلاميتك
يبقى ملامح في طاقيتك
افتح خشمك طولا عرضا
جهز ضرسك قوي العضة
ديل لقماتك ديل ديل .................

[حاتم عمر]

يا طالبا همك صينيتك
تلقى فطورك بي طحنيتك
و عمق احساسك باسلاميتك
يبقى ملامح في طاقيتك
افتح خشمك طولا عرضا
جهز ضرسك قوي العضة
ديل لقماتك ديل ديل .................

غايتو يا امين يا اما زكريات الجامعة قايمة عليك او انك داخلة فيك جوعة رمضانية مبالغة فيها ، على اي حال اشهد لك بالجمال

[تغريدا]

يا طالبا همك صينيتك
تلقى فطورك بي طحنيتك
و عمق احساسك باسلاميتك
يبقى ملامح في طاقيتك
افتح خشمك طولا عرضا
جهز ضرسك قوي العضة
ديل لقماتك ديل ديل .................


غايتوا يأمين أخوى رمضان كشكش عظمك;):)
مشكور على الكلمات:)

[Amin Idries]

غايتوا يأمين أخوى رمضان كشكش عظمك;):)
مشكور على الكلمات:)


رمضان السوى فيني خلي ساي يا تغريد يا اختي
لكني بدأت استوحشه و ربنا يثبت الأجر إن شاء الله

[اسلام فرح]

كان. قولك متل ده في قدرة فول الله بستر عليك من قول الغزل يا صاحبي ملحمة ممسبعة والجرسة حاصلة الرغيف و جغمت المويه مجرسانا كيف فول بزيت السمسم حلوه يا أمين الحلة

[Amin Idries]

كان. قولك متل ده في قدرة فول الله بستر عليك من قول الغزل يا صاحبي ملحمة ممسبعة والجرسة حاصلة الرغيف و جغمت المويه مجرسانا كيف فول بزيت السمسم حلوه يا أمين الحلة

شكرا اسلام على المرور

[Amin Idries]

يا اخوانا احتمال يكون بكرة العيد و كده
اتمنى أن تتحقق أماني الكل

[ياسر عمر الامين]

استاذى العزيز أمين كل سنة بألف عافية ومنتظرين ملحمة العيد

[Amin Idries]

استاذى العزيز أمين كل سنة بألف عافية ومنتظرين ملحمة العيد

الاخ ياسر و انت بالف خير ان شاء الله و القادم أحلى