حاجات غريبه بتحصل

[نزار احمد كوارتي]

1- نداء إلي دكاترة المنتدي


هو نحن زاتو ما عرفناه ده منتدي ودمدني ولا مستشفي مدني! كلو دكاتره كده ويوم واحد مافي زول قال لينا إتفضلو جيك أب ( الجا جردل آبري دي معطّشه (يعني تحتها تلاته نقاط)).
الليله غايتو قلنا نستفيد منكم كان نلقي لينا فيكم فايده!!!
أها الحكايه وما فيها كالآتي:-
قبل يومين كده كنت عطشان لي عطشه شديده خلاص وريقي نااااااشف. ياااااا الله قدرت نمت ولمن صحيت لقيت لقيت ليك الأذان كبس وفضل ليه أقل من عشره دقايق ! والمشكله إنو المطعم السوداني ضيق وكان ما مشيت من بدري حجزت مقعدك بتبقي فيك البقت فيني اليوم داك, أها صحيت ليك وقمت جاري جري علي الحمام وختفت ليك الفرشه ما عارفه زاتو ما حقتي ولا ما حقتي وحشرتها ليك جوه خشمي,
بي مناسبة عيد الضحيه القرب ده شفتو لمن يدخلو المفراكه جوه جلد الخروف عشان ينفخو؟؟؟؟؟ بسسسس عليك نووووور دي ياها زاااااته الفرشه لمن إتحشرت بين سنوني وشلوفتي التحت, آآآآآي محل بختو السفه داك, الفرشه دي إتحشرت ليك قربت تجي مارقه بي حنكي البيش ده, وبقيت أناتل فيها مناتله كان الله يرضيها ترضي تجي مارقه, أهو أخيراً غايتو مرقت لكن ماااااا عارف شعرها ده شايفو بقي حببببه كده, حقو يرقوها يبقوها نائب مشرف النفاج هي هي هي
أها كلو من ود سمير ده عمل لينا البوست بتاع الخبيز داك والمنين وما خلو ليهم بترينه في الشانزليزيه ما صوروها ,قمت ختيت ليك الخبيز في بالي بالليل يوم الوقفه ونمت, حلمت ليك بالليل أكلت لي خبيزايه بي مزاااااااااج صحيت الصباح لقيت وشي كلو وارم, تقول جاني أب عِديلات, علييييييييكم الله ما تقولو لي ما بتعرفو أب عديلات ! معقوله ما قروكم ليه في كلية الطب؟؟؟؟؟

[ودسمير]

1- نداء إلي دكاترة المنتدي


هو نحن زاتو ما عرفناه ده منتدي ودمدني ولا مستشفي مدني! كلو دكاتره كده ويوم واحد مافي زول قال لينا إتفضلو جيك أب ( الجا جردل آبري دي معطّشه (يعني تحتها تلاته نقاط)).
الليله غايتو قلنا نستفيد منكم كان نلقي لينا فيكم فايده!!!
أها الحكايه وما فيها كالآتي:-
قبل يومين كده كنت عطشان لي عطشه شديده خلاص وريقي نااااااشف. ياااااا الله قدرت نمت ولمن صحيت لقيت لقيت ليك الأذان كبس وفضل ليه أقل من عشره دقايق ! والمشكله إنو المطعم السوداني ضيق وكان ما مشيت من بدري حجزت مقعدك بتبقي فيك البقت فيني اليوم داك, أها صحيت ليك وقمت جاري جري علي الحمام وختفت ليك الفرشه ما عارفه زاتو ما حقتي ولا ما حقتي وحشرتها ليك جوه خشمي,
بي مناسبة عيد الضحيه القرب ده شفتو لمن يدخلو المفراكه جوه جلد الخروف عشان ينفخو؟؟؟؟؟ بسسسس عليك نووووور دي ياها زاااااته الفرشه لمن إتحشرت بين سنوني وشلوفتي التحت, آآآآآي محل بختو السفه داك, الفرشه دي إتحشرت ليك قربت تجي مارقه بي حنكي البيش ده, وبقيت أناتل فيها مناتله كان الله يرضيها ترضي تجي مارقه, أهو أخيراً غايتو مرقت لكن ماااااا عارف شعرها ده شايفو بقي حببببه كده, حقو يرقوها يبقوها نائب مشرف النفاج هي هي هي
أها كلو من ود سمير ده عمل لينا البوست بتاع الخبيز داك والمنين وما خلو ليهم بترينه في الشانزليزيه ما صوروها ,قمت ختيت ليك الخبيز في بالي بالليل يوم الوقفه ونمت, حلمت ليك بالليل أكلت لي خبيزايه بي مزاااااااااج صحيت الصباح لقيت وشي كلو وارم, تقول جاني أب عِديلات, علييييييييكم الله ما تقولو لي ما بتعرفو أب عديلات ! معقوله ما قروكم ليه في كلية الطب؟؟؟؟؟




ابو النيز ..... كل عام وانتم بخير

جرسة ايام رمضان الاخيره دى عرفيناها ودرسناها والجرسه خليها !!

عيد الضحيه خليهو فى حالو هو لسه ما جا ... والخروف الايام دى ب 900 ج بالجديد وايام الضحيه ح نكون نحن الضحيه ! غايتو انا من الان مضحى بى ديييييييييييييييييييييييك !

فرشة الاسنان دى لو المعجون سيجنال تفاح يومك راح يا فرده ! ولو المعجون سيجنال عادى دى فيها أقوال كثيره .. وح نسأل ناس ود الماحى دينيا وايمن الطيب قانونيا ..

اما خبيز ود سمير ... يا ولدنا ودسمير ده ذاتو اخير لو التمساح طلع وأكلو ..

[آلاء عبد الرحمن]

سلامات
دي فرحة العيد يانزار
:)

شكلو اللثة التهبت وعادة بياخدو مضاد حيوي وفلاجيل ومضمضة واذا في الم تاخد مسكن
وربنا يكتب الشفاء

[مايسة]

شفته جنس دا ياهو زاتو المرجعنا لورا -
هههههههه - يا اخوي ما تمشي الدكتور عديل

هسي الدكاترة ديل يدوك وصفة ما تنفع معاك بعدين تقول دكاترة المنتدى ما بعرفو شئ :p:cool:

كل سنة وانت طيب -


تخريمة: دي خلعة ساي لو عيدته مع اهلك ما كان بيحصل ليك الحصل دا

[اتحاد المعوقين حركيا]

شفته جنس دا ياهو زاتو المرجعنا لورا -
هههههههه - يا اخوي ما تمشي الدكتور عديل


نعمل ليو شيرن عشان يمشي لي دكتور

[بنت الرفاعي]

:):):)



كل عام وأنتَ بكل خير،
وكل أمانيك مُحققة بإذنه تعالى أخي نزار.:)




عيدك للدرجة دي كئيب:(؟!.:rolleyes::cool:







هسي الدكاترة ديل يدوك وصفة ما تنفع معاك بعدين تقول دكاترة المنتدى ما بعرفو شئ :p:cool:


في كل الأحوال حيقول ما بعرفوا شيء:rolleyes::cool:


كل سنة وانت طيب -




تخريمة: دي خلعة ساي لو عيدته مع اهلك ما كان بيحصل ليك الحصل دا





:):):)


كل عام وأنتِ بألف خير عزيزتي مايسة،
وكل أمانيك مُحققة بإذنه تعالى ،
والعيد كيف معاك؟!:rolleyes::)


:):):)

[مايسة]

نعمل ليو شيرن عشان يمشي لي دكتور


النفاجة ديل تعبو من الشيرنق كل مرة لزول -
مرة لعبد الرحمن موبايلو راح - ومرة عشان فلان داك يعرس
ومرة عشان موبايل مدنية -

عايز كمان تجيب لينا تذكرة دكاترة -
خليهو كدا نزار بس - بنزل الشغل هسي وبتطير ليهو في راسو -


كل سنة وانت طيب :p

[اتحاد المعوقين حركيا]

النفاجة ديل تعبو من الشيرنق كل مرة لزول -
مرة لعبد الرحمن موبايلو راح - ومرة عشان فلان داك يعرس
ومرة عشان موبايل مدنية -

عايز كمان تجيب لينا تذكرة دكاترة -
خليهو كدا نزار بس - بنزل الشغل هسي وبتطير ليهو في راسو -


كل سنة وانت طيب :p

وانتي بالف خير
^_^

[اتحاد المعوقين حركيا]

بالجنبة انتي كنتي مختفية وين ليك فترة ماظاهرة
"آلاء عبد الرحمن"

[مايسة]

:):):)



كل عام وأنتَ بكل خير،
وكل أمانيك مُحققة بإذنه تعالى أخي نزار.:)




عيدك للدرجة دي كئيب:(؟!.:rolleyes::cool:








:):):)


كل عام وأنتِ بألف خير عزيزتي مايسة،
وكل أمانيك مُحققة بإذنه تعالى ،
والعيد كيف معاك؟!:rolleyes::)


:):):)








تسلمي يا مرام وأماني الجميع كمان -
وعقبال ما نفرح بيك قريب - :o

العيد تماااااااااااام بحمد الله تعالى -
يكفي انو مع الاهل والغالين -

[ودسمير]

سلامات
دي فرحة العيد يانزار
:)

شكلو اللثة التهبت وعادة بياخدو مضاد حيوي وفلاجيل ومضمضة واذا في الم تاخد مسكن
وربنا يكتب الشفاء


انت لو عاوزه زبائن ركزى مع زبائن الكوارع ممكن احولهم ليك ...

طريقتك مكشوفه يا دكتوره !!

[آلاء عبد الرحمن]

انت لو عاوزه زبائن ركزى مع زبائن الكوارع ممكن احولهم ليك ...

طريقتك مكشوفه يا دكتوره !!

ودسمير انا عملته ليك شنو اسي
كمان جابت ليها ناس كوارع

براك شايف الصيدليه ماناقصة ناس كوارع
وسحبنا الرد علي نزار قلنا الولد براو وخلعو العيد النرد ليو
ههههههه

[آلاء عبد الرحمن]

عاديتني
:(
ود سمير يلا شوف لينا دكتور

[mahagoub]

باليقين الصادق ثبت انك صايم
والله يشفى

[mahagoub]

ثبت باليقين انك صايم
عليك بالملوحه
فى سحور رمضان

[آلاء عبد الرحمن]

الزول من يومه طفش الحصل عليو شنو ياربي

[mahagoub]

الزول من يومه طفش الحصل عليو شنو ياربي

عزابى وعايش فى غربه

[آلاء عبد الرحمن]

عزابى وعايش فى غربه

المسافر كان يكسب فيو ثواب ويسوقو معاو
:)

[عاطف عولي]

المسافر كان يكسب فيو ثواب ويسوقو معاو
:)
يسوقوا وين كمان يا بت قولي كلام غير دا!!!!!!!!!!!!!

[عاطف عولي]

يوم الوقفه كنت حلمان لكن ما بكلمكم بي شنو؟

[المسافر]

تجيب كيلة دقيق فتريتا وتضيف عليهو معلقة خميرة وشوية قرفة وتضع الخليط في النار لمدة 5 ساعات ثم يترك ليبرد،‏ ويمكن إضافة بيبسي للنكهات أو حسب الطلب ...‏ ثم يعطى ‏‏( مودي‏) ليشرب منه 3 مرات في اليوم لمدة شهر إن شاء الله تبقى كوبس يا نزار ..‏ وراجعني بعد سنة .

[mahagoub]

تجيب كيلة دقيق فتريتا وتضيف عليهو معلقة خميرة وشوية قرفة وتضع الخليط في النار لمدة 5 ساعات ثم يترك ليبرد،‏ ويمكن إضافة بيبسي للنكهات أو حسب الطلب ...‏ ثم يعطى ‏‏( مودي‏) ليشرب منه 3 مرات في اليوم لمدة شهر إن شاء الله تبقى كوبس يا نزار ..‏ وراجعني بعد سنة .

الله يشفى
يعيا نزار ويشرب مودى
ويكح المسافر

[ام رغد]

نزار يا ولدى اسأل مجرب ما تسأل طبيب حالتك دى لبخة حلبة مرة بحبة رماد قصب الكمدة بالغرغرينا يا ولدى.......

[ام رغد]

يوم الوقفه كنت حلمان لكن ما بكلمكم بي شنو؟

قطع شك (شنو )دى أضغاث احلام ساى
تانى مرة اتحصن....

[mahagoub]

اسكتوا ساى
انا عرفت السبب
المسكين ضرب لى اهلوا قال ليهم
اخطبوا لى قاموا الجماعه شالتهم الهاشميه
وعقدوا ليه طوالى
ومن ديك ريقه نشف

[ريمون]

اسكتوا ساى
انا عرفت السبب
المسكين ضرب لى اهلوا قال ليهم
اخطبوا لى قاموا الجماعه شالتهم الهاشميه
وعقدوا ليه طوالى
ومن ديك ريقه نشف
سبحان الله ..
سمعت بالخبر طوالي جيت بي جاي اكتب كلامك ده لقيتك قمت باللازم ..
توارد خواطر عجييييب ..
كل سنه وانت طيب ..

[mahagoub]

سبحان الله ..
سمعت بالخبر طوالي جيت بي جاي اكتب كلامك ده لقيتك قمت باللازم ..
توارد خواطر عجييييب ..
كل سنه وانت طيب ..

كل عام وانتى بخير
طيب ما تعملى ليه زيادة رتوش
ولا شوية ملح

[أحمد عمر ( MOODY )]

النفاجة ديل تعبو من الشيرنق كل مرة لزول -
مرة لعبد الرحمن موبايلو راح - ومرة عشان فلان داك يعرس
ومرة عشان موبايل مدنية -

عايز كمان تجيب لينا تذكرة دكاترة -
خليهو كدا نزار بس - بنزل الشغل هسي وبتطير ليهو في راسو -


كل سنة وانت طيب :p



قبل ما ينزل الشغل .. طار ليهو صحي صحي

غايتو نحن جاهزييييييين بالطوب
و العاوز يشارك يسجل عند عم محجوب

[mahagoub]

قبل ما ينزل الشغل .. طار ليهو صحي صحي

غايتو نحن جاهزييييييين بالطوب
و العاوز يشارك يسجل عند عم محجوب

سجل اسمك
والطوبه علينا
والعشره الاوائل حياخدوا درابتين هديه