المساعد الشخصي الرقمي

مشاهدة النسخة كاملة : مســـــــــــادير



بدر الدين محمد
12-09-2011, 09:50 AM
يا ناس المنتدى الثقافي

تعالوا نجر النم ونتجادع بي شعرنا وبي عيون الشعر المسموع من الشعر الشعبي
وابدأ ليكم انا بي الخاطرة دي......

الزول كان بكوسَك وديمة سائل عنّك

لا بادرت يوم لا رسالة وصلت منّك

تكتّر في السؤال يا هاتفي عاد كيفنّك

تلاقي الرد من الناس العديل مابيينك

اقنع بي نصيبك وريّح الجافيينك

وصبّر خطّك الشفقان ووقّف رَنّك

ان حصل الفراق أصلو الجروح لازمِنّك

في أصلك كريم بتوقّر الجارحنك

قطّع في مصارينك وفاك وحِنّك

تلقى الموت قريب والبركة في الطاريينك


وراجيينكم

ودسمير
12-09-2011, 10:24 AM
يا ناس المنتدى الثقافي

تعالوا نجر النم ونتجادع بي شعرنا وبي عيون الشعر المسموع من الشعر الشعبي
وابدأ ليكم انا بي الخاطرة دي......

الزول كان بكوسَك وديمة سائل عنّك

لا بادرت يوم لا رسالة وصلت منّك

تكتّر في السؤال يا هاتفي عاد كيفنّك

تلاقي الرد من الناس العديل مابيينك

اقنع بي نصيبك وريّح الجافيينك

وصبّر خطّك الشفقان ووقّف رَنّك

ان حصل الفراق أصلو الجروح لازمِنّك

في أصلك كريم بتوقّر الجارحنك

قطّع في مصارينك وفاك وحِنّك

تلقى الموت قريب والبركة في الطاريينك


وراجيينكم




وخليك مواصل حتى للسايــبنك

اصلو انت الخير ...

وكل الناس عارفــنك ...

انك رائع وديمه زايد حنـك

وانحنا بقلوبنا ....

شـــــــــارنك .

خالد علونى
12-09-2011, 10:14 PM
سلام شيخ العرب واصل النقابلوا تلاتة
صبوحا تشتهي وبي وجودو تلقي هناك
ومناقفا يدس وشو ويهش تالاك
وكارهاً ليك عديل لاتحجا لا يحجاك

محمد الجزولى
12-09-2011, 10:37 PM
برق القبلة شال شالت معاه بروق
ختت له أم رويق عم السحاب من فوقو
العفرت رحل يبكي ويسوي القوق
والضحوي اتردف ليله ونهاره يسوق
البارح بشوف يشلع بريق النو

خالد علونى
12-09-2011, 10:44 PM
البارح بشوف يشلع بريق النو
وحس رعاده يجرح في الضمير كوكو
داك طير القطا الدور مشارع الهو
وفرقان البطانة اتماسكت بالضو

بدر الدين محمد
12-09-2011, 11:59 PM
وخليك مواصل حتى للسايــبنك

اصلو انت الخير ...

وكل الناس عارفــنك ...

انك رائع وديمه زايد حنـك

وانحنا بقلوبنا ....

شـــــــــارنك .

ودسمير اخوي يا اول الجايين
فرحانين كتير بي طلتك يا زين
كلامك بطرب الحزنان سنين وسنين
في اصلك عديل ما بنلقى منك شين

بدر الدين محمد
13-09-2011, 12:03 AM
سلام شيخ العرب واصل النقابلوا تلاتة
صبوحا تشتهي وبي وجودو تلقي هناك
ومناقفا يدس وشو ويهش تالاك
وكارهاً ليك عديل لاتحجا لا يحجاك

يا علوني خوي سيب الشغل وادّلى
اقعد في الثقافي ومافي غيره محلّه
وامسك قلمك الرويان حبر شان الله
واكتب في المدائن وفي جمال الحِلّة

بدر الدين محمد
13-09-2011, 12:10 AM
برق القبلة شال شالت معاه بروق
ختت له أم رويق عم السحاب من فوقو
العفرت رحل يبكي ويسوي القوق
والضحوي اتردف ليله ونهاره يسوق
البارح بشوف يشلع بريق النو

يا ود الجزولي الليلة حوبتك جات
انهض بالثقافي ومتّع القاريات
اكتب انت حقك وامشي جيب الفات
الجلفن خلّهن واقرع الواقفات

مصطفى هاتريك
13-09-2011, 02:16 AM
حلفتك بالعظيم يا نفس أهدي و روقي

باكر بالأكيد بسرج سفاين شوقي

ما بتنقطع ريده ولو ينقطع طايوقي

وفي أم المدن يا نفسي بلقى شروقي

***

زانقني قول و بدور أمرق الذمه

يا مشرف تمام موصوف دوام بالهمه

أنجدنا بالأنور خلينا ياخ ننجمه

و في سوح الثقافي إن شا الله يود نتلمه

ودسمير
13-09-2011, 10:29 AM
حلفتك بالعظيم يا نفس أهدي و روقي

باكر بالأكيد بسرج سفاين شوقي

ما بتنقطع ريده ولو ينقطع طايوقي

وفي أم المدن يا نفسي بلقى شروقي

***

زانقني قول و بدور أمرق الذمه

يا مشرف تمام موصوف دوام بالهمه

أنجدنا بالأنور خلينا ياخ ننجمه

و في سوح الثقافي إن شا الله يود نتلمه


ووسط الرايقين بالحيل ننجمه

وننسى العراك يمه ...

وفى نص الضلام طلة نجمه

بدر الدين محمد
13-09-2011, 11:37 PM
حلفتك بالعظيم يا نفس أهدي و روقي

باكر بالأكيد بسرج سفاين شوقي

ما بتنقطع ريده ولو ينقطع طايوقي

وفي أم المدن يا نفسي بلقى شروقي

***

زانقني قول و بدور أمرق الذمه

يا مشرف تمام موصوف دوام بالهمه

أنجدنا بالأنور خلينا ياخ ننجمه

و في سوح الثقافي إن شا الله يود نتلمه

هاترك يا ظريف جايينا بارم العمة
مشرفنا اللطيف عايز دوام نتلمّ
تغريد في الثقافي جابت مواضيع جمّة
بت امدرمان تفكر في الوصول للقمة
***
هاترك ياظريف جايينا بالنضارة
انور في الأدب تلقاه ما بتجارى
لا بتوبو باظ ميتة وخراب وخسارة
هجر المنتدى بالمقسة قام اضّارى
***
هاترك يا ظريف عقب وجر النم
راجيك بالغدا ما تنصرف حرّم
خت في ابوست ثقافة ومرة خفة دم
يبقى البوست منور فيه بدر التم

بدر الدين محمد
14-09-2011, 05:06 AM
من قومة الجهل ما بخوفوك بي اُخ
تور بقر الجواميس الرقادن جُخ
نقرولو الهُبك الدربخانه يرُخ
قرنك بكسر الهامه و يمرق المُخ

شدوا لك رِكب فوق مهرك الجماح
ضرغام الرجال الفارس الجحجاح
تمساح الدميرة الما بيصده سلاح
المال ما بيهمك إن كتر وإن راح

بطناً جابتك والله ما بتندم
ويا أسد الكداد الفي خلاك رزم
ويا رعد الخريف الفوق سماك دمدم
بابك ما انقفل ونارك تجيب اللم
وما بتحلف تقول غير استريح حرم

مدنيّة
14-09-2011, 07:37 AM
وخليك مواصل حتى للسايــبنك

اصلو انت الخير ...

وكل الناس عارفــنك ...

انك رائع وديمه زايد حنـك

وانحنا بقلوبنا ....

شـــــــــارنك .

ياسلام علي المعني الجميل دا ياو سمير


--------
انا غايتو يخربني
مابعرف للكلام السمح دا
بث اسمحوا لي اني اقعد وسطكم
استمتع بكل ما يخطه كيبورتاتكم

-------
شكرا استاذنا بدرالدين

ياسر عمر الامين
14-09-2011, 12:22 PM
جيتك يا بدر الدين وقمر الثقافى

اجرالنم وانشدلك قوافى
عارفك اصيل للضيف بتكافى
لكن اخوك مسكين ما بجيد نضم القوافى
عاد اسمح لى....
الملم اطرافى وليك العوافى
وارجع صاد متحسر حافى
بس بعيش المتعة بين مساديركم باذن الله كريم متعافى


:d:;);)d;);)

Amin Idries
14-09-2011, 07:55 PM
أحلى و أجمل بوست
يديكم العافية

Amin Idries
14-09-2011, 07:56 PM
ياسلام علي المعني الجميل دا ياو سمير


--------
انا غايتو يخربني
مابعرف للكلام السمح دا
بث اسمحوا لي اني اقعد وسطكم
استمتع بكل ما يخطه كيبورتاتكم

-------
شكرا استاذنا بدرالدين




خلاص سوي القهوة
و لا برضو يخربك
التحية ليك يا مدنية

خالد علونى
14-09-2011, 11:06 PM
حباب شيخ العرب وإن شاء الله عامر دارك
وفي سوح الثقافي يوماتي نلقي أخبارك
هاترك يا جميل أمتعنا بي أشعارك
ويا ود الجزولي الليلة سعدك زارك
........................
عاننك كتارك في السوح عليك يتجاروا
تغريدنا شادين وبي النضم يتجاروا
بت أم در دوام تدي الجميع مقداروا
أبشر يا التلب زادت أم جمال أنوارو
........................
حبابك ود سمير دايما كلامك رايق
حباب المستشار فارس الكلام الشايق
ود عمر الهمام لي كل جميلاً سايق
ود أدريس تعال والقهوة ليك يا رايق
........................
أخبارك الاحبة الليلة جاتنا حزينة
ود النور أخوي إن شاء الله تختا الشينة
لابتوبوا العزيز خلي القوافي حزينة
لكن فيك عشم إن شاء الله شدة تجينا

بدر الدين محمد
14-09-2011, 11:52 PM
حباب شيخ العرب وإن شاء الله عامر دارك
وفي سوح الثقافي يوماتي نلقي أخبارك
هاترك يا جميل أمتعنا بي أشعارك
ويا ود الجزولي الليلة سعدك زارك
........................
عاننك كتارك في السوح عليك يتجاروا
تغريدنا شادين وبي النضم يتجاروا
بت أم در دوام تدي الجميع مقداروا
أبشر يا التلب زادت أم جمال أنوارو
........................
حبابك ود سمير دايما كلامك رايق
حباب المستشار فارس الكلام الشايق
ود عمر الهمام لي كل جميلاً سايق
ود أدريس تعال والقهوة ليك يا رايق
........................
أخبارك الاحبة الليلة جاتنا حزينة
ود النور أخوي إن شاء الله تختا الشينة
لابتوبوا العزيز خلي القوافي حزينة
لكن فيك عشم إن شاء الله شدة تجينا



كفيت واوفيت ــــــــــــ ابداع

بدر الدين محمد
14-09-2011, 11:55 PM
ياسلام علي المعني الجميل دا ياو سمير


--------
انا غايتو يخربني
مابعرف للكلام السمح دا
بث اسمحوا لي اني اقعد وسطكم
استمتع بكل ما يخطه كيبورتاتكم

-------
شكرا استاذنا بدرالدين




مالو الزمن قاعد يدردر فيا
الناس في البطان انا لازم الطورية
يوم مدنية جات هلت علينا عشية
عمانا الفرح والدستة صبحت مية

مدنيّة
15-09-2011, 01:42 AM
خلاص سوي القهوة
و لا برضو يخربك
التحية ليك يا مدنية

ههههههههههههههههههههه
تصدق يا أمين
انا المكيفات دي
ماعندي بيها شغلة نهاااائي
فبالتالي يخربي في القهوة برضو! ):


---------
تسلم يا أمين

مدنيّة
15-09-2011, 01:43 AM
مالو الزمن قاعد يدردر فيا
الناس في البطان انا لازم الطورية
يوم مدنية جات هلت علينا عشية
عمانا الفرح والدستة صبحت مية



اخجلتم تواضعنا والله يااستاذنا بالكلام الكبار كبار دا ):

بدر الدين محمد
15-09-2011, 04:27 AM
جيتك يا بدر الدين وقمر الثقافى

اجرالنم وانشدلك قوافى
عارفك اصيل للضيف بتكافى
لكن اخوك مسكين ما بجيد نضم القوافى
عاد اسمح لى....
الملم اطرافى وليك العوافى
وارجع صاد متحسر حافى
بس بعيش المتعة بين مساديركم باذن الله كريم متعافى


:d:;);)d;);)

مرحب حبابك ياسر .... وبعد شوية برحب بيك بشكل تاني بي نمة

بدر الدين محمد
15-09-2011, 04:31 AM
أحلى و أجمل بوست
يديكم العافية

امين اخونا الله يديك العافيية ... وجاييك تاني بي مسدار

مصطفى هاتريك
16-09-2011, 01:48 AM
لا بفرقنا الزمن ضمه لا بوسوس علينا ابليس

ترانا نحن سوا جديد, مشارك , مشرف كمان و رئيس

جامعنا ريد و هوى .. إسفير ..حديث وجليس

انتو الجميع بهواكم عذر الفرز تخصيص

عذرا في بت ( جيراننا ) و الدفعه ود ( إدريس )

بدر الدين محمد
16-09-2011, 09:31 AM
جيتك يا بدر الدين وقمر الثقافى

اجرالنم وانشدلك قوافى
عارفك اصيل للضيف بتكافى
لكن اخوك مسكين ما بجيد نضم القوافى
عاد اسمح لى....
الملم اطرافى وليك العوافى
وارجع صاد متحسر حافى
بس بعيش المتعة بين مساديركم باذن الله كريم متعافى


:d:;);)d;);)
يا ياسر عمر جيت بي طريقنا عوافي
امسك في الكلام حاجة بتفكك مافي
حاول مرتين تلقى الحكاية قوافي
في جرس الحديث وبحوره تلقى مرافي

بدر الدين محمد
16-09-2011, 09:36 AM
أحلى و أجمل بوست
يديكم العافية

جيتك يا امين بي بوست رشيق وجميل
كايس ليك طرب وثقافة سمحة عديل
المسدار بجيب الرايحة من النيل
لي حد البطانة ويحدو جمل الشيل

بدر الدين محمد
16-09-2011, 09:55 PM
ود الفراش

الليلة اللبيب زعلان خلاص في رحولا
قال ساقوها ليه قبال تتمو هي حولا
الجيران جميع بالنقلة مافرحولا
وا أسف القبيل يمشوا ويجوا يروحولا
@@@
قطر المشترك بالجمعة شال محبوبنا
وفرُقك يالرخيص والله ما مطلوبنا
ساعة اشرو لو وقام ختر في قلوبنا
السواق معجل قال كمل مشروبنا
@@@
علي دارمالي قام بك ذي لمحة البصري
ومن فرقك بنوح يابنيه حي كيف بصُري
سواق القطر( ود جون) عديل مو مصري
دخل الداخلة في ميعادو وأخد النصري

من الداخلة قام ستر اللاله يعمك
ويكفيك شر عجاج المشترك لايغمك
روحي اتزعزعت في جوفي فاير سمك
الدامر أتى المجذوب يفرج همك
@@@
من دامر حمد قام بك علي الزيداب
ويفر من القضيب وعجاجو بي الارداب
مقدار ست دقائق جابك العالياب
وعاقبة السفر يارب ذهاب واياب
@@@
من العالياب قام بك علي المحمية
ويحميك الاله من الشرور يابنيه
مّرابه الجبل أم ُعقـــــدة ملوية
فوقك حـامد الشيخ طيب الزرية
@@@
من الجبل قام بك علي كبوشــــــــــية
ويا حليل ستنا الفي فارغة ما منشيه
السواق مغـــبرن وحـــالتو ما آدمية
جابك في التراجمــة وترجم العجمية
@@@
من التراجمة قام قاصد مدينة شــندي
ومن كُتر التعب عرق الخديدات يندي
غاية ماهناك ياناس عقـــــل ماعندي
اتحاسبي زوجها المسمـــــــى أفندي
@@@
من شندي قام بك عليهــــــــــــو القتتوز
مرور ود بانقا في الميجا جٍبنا رجـــوز
السواق مغبرن وشو باقي عجـــــــــــوز
في الدين الحنيف في الشرع قتلو يجوز
@@@
من الميجا قام علي جبل جاري وجرى المقدور
وياحليل المعظــــــــــــــمة ســـــــتي قمر الدور
شوف المشترك في مشــــــــــيهو كيف محدور
في الرويان وقف قيزانو ليهــــــــــــــــــا هدور
@@@
من الرويان قام بك عليه الجيــــــلي
ومن بعد الفراق ياربي أجمع شملي
جاتك ياكباشي ياعظــــــــيم ياكُملي
قول محفوطة عندي بي بركة الجيلي
@@@
من الجيلي قام بك عليهـــــــــو الكدرو
وكان شفتي العشوق يابنيه زائد كدرو
ربي أراد فراقك والصـــــــبر لي قدرو
كلما يمسى ليل دمع العيـــون ينحدرو
@@@
من الكدرو قام طالب الحلفـــــــــــــايا
وكلما اتذكرك أنا فيك يزيد أســــــفايا
يا المحجوب وبنتو أقيفوا ليها حماية
في الخرطوم وقف نزل طرود بالمايه
@@@
قطر المشترك غير من الخرطـــــــــــــــوم
وادوهو الاشارة الساعة سبعة يقــــــــوم
وصل لي سوبا وسال دمعي اللكان مكتوم
وياحليل الحشيم العرضـــــــو مامشتوم
@@@
قام من سوبا متوجـــــــــــه علي البـاقير
ويفر من القضيب تحلف يحــاكي الطـير
عاقبة الســـــــــــــــفر ياربي تبقى أخير
توصل بالسلامة وبي سرعة دون تأخير
@@@
بالحب والسلامة وصلت مسيد ود عيسى
شيشك ياقطر فيك المفرهـــد ديســــــــى
أحفظ بي أمان ماتكون معاه تعيســــــــه
قول محفوظة بي جاه ستي نور ونفيسة
@@@
من المسيد قام قاصد الترابي بســـــرعة
والسواق سطل وزنت معـاه القـــــــرعة
خمرتو جنبو كل سـاعة يأخد جُـــــــرعة
شتت شملي شال زولي البشابه الزرعة
@@@
من ود الترابي نيرانو زاد توليعـــــــــه
وصّلا في اب عشر عشرة وتلاتة دقيقة
روحي اتزعزعت ماقدرت ابلع ريقــــــة
ماتنسينا يا ام طبعاً جــــــــميل ورقيــقة
@@@
قام من ابعُشر ويا حليل عُشـــــرتك لينا
يا ام أدباً ســــــــمح بي رقة بي تقابلينا
جابك الحصاحيصـــــــــــا وفيها اتغدينا
وماتقول ام قوام بي فراقه نحن رضينا
@@@
من الحصاحيا قام بيها وحصـــــاه يفنن
السواق غشيم في الصنعة مــــو متفنن
فتحولو النفس من يومتو قـــام متجنن
شيشك ياقطر فيك الخليقــــــــتو تحنن
@@@
جـــــات المسلمية وطيبة قعــدت تدني
ويا السواق متين توصل مدينة مـــدني
جاتك ياود مدني ياعظـــــــــيم ياســني
قول محفوظة عندي انا بالحفظ والامن
@@@
حين نزلت في الرصيف كل الخلوق تتعارك
ويارب ياكريم من العـــــــــــــــــلي تتدارك
وتجعلو ليها منزل ســـــــــــــــعيد ومبارك
بي حق الكتاب وبحــــــــــــق نون وتبارك
@@@
من بعد الوصول أقول ياجامع بيوسف من غياهب الجُب
أجمع قلبي بي مريودي راحــــــــــــــــــــــــــــة قـــــلبي
أحظى بي نظــــــــــــــــــرتا وتبرد حـــــــــــــرارة قـلبي
وأخد ركعتين حمدا لمــــــــــــــــــــــــــــــــــــولاي ربي
@@@
انا منا ي كان دايرك تبقي جاة وافتح عليك شباكي
والسالف العلي اسوية خــوف أنســــــــــــــــــاكي
ان طال الزمن قلبي العشــــــــــــــــــــوق يطراكي
كيف انســاة ريدك وريدك دوام مســــــــــــــواكي

محمد الجزولى
16-09-2011, 10:20 PM
الاف الصلاة للرسول حبيبنا الغالي
وضيفوا الشكر للبدر النورا بلالي
ود النور مرق بالبوست ينم ويجاري

جوهو الكرام فرسام كلام وبيان
رسموا الحروف شارات معاني عيان
هزوها جذع النخلة جابت صور وكيان

جايكم دغش الكلمة توقد نارا
والنم حرارتو تزيد ينفخ لهيب من كارا
مقصر تمام في وجودي علا الظروف غدارة

يا ناس الثقافي دوام للفن والجمال تهدوني
للقول السمح والنضم اللذيذ فتوني
كربا شديد واشغال شديدة حموني
ادخل وانم يا الله كون في عوني
وجايــــــــــــــــكــم

تغريد
17-09-2011, 12:08 AM
هاترك يا ظريف جايينا بارم العمة
مشرفنا اللطيف عايز دوام نتلمّ
تغريد في الثقافي جابت مواضيع جمّة
بت امدرمان تفكر في الوصول للقمة
***
هاترك ياظريف جايينا بالنضارة
انور في الأدب تلقاه ما بتجارى
لا بتوبو باظ ميتة وخراب وخسارة
هجر المنتدى بالمقسة قام اضّارى
***
هاترك يا ظريف عقب وجر النم
راجيك بالغدا ما تنصرف حرّم
خت في ابوست ثقافة ومرة خفة دم
يبقى البوست منور فيه بدر التم

يا ناس الثقافي بيكم دوام مبسوطة

يوم عن يوم دوام بينا المودة نشوفها

فنانا العظيم بدر بي ريشتو ديمة سعدنا

ينقل لينا فنا بيهو نفخر وبالجمال تاحفنا

نعيش في الفنون اجمل سواعي أنيقة

وكل ما نقول نفارق تجذبنا لوحة فريدة

بيكم انتو يا سمحين طباع وخليقة

ربي يحفظكم دوام لي الفرحة نمشي نزيدة

تغريد
17-09-2011, 12:20 AM
حباب شيخ العرب وإن شاء الله عامر دارك
وفي سوح الثقافي يوماتي نلقي أخبارك
هاترك يا جميل أمتعنا بي أشعارك
ويا ود الجزولي الليلة سعدك زارك
........................
عاننك كتارك في السوح عليك يتجاروا
تغريدنا شادين وبي النضم يتجاروا
بت أم در دوام تدي الجميع مقداروا
أبشر يا التلب زادت أم جمال أنوارو
........................
حبابك ود سمير دايما كلامك رايق
حباب المستشار فارس الكلام الشايق
ود عمر الهمام لي كل جميلاً سايق
ود أدريس تعال والقهوة ليك يا رايق
........................
أخبارك الاحبة الليلة جاتنا حزينة
ود النور أخوي إن شاء الله تختا الشينة
لابتوبوا العزيز خلي القوافي حزينة
لكن فيك عشم إن شاء الله شدة تجينا



علوني الجميل يا زول اقيف انضملك

في حروفك سحر والله شئ بيشهدلك

دايما في الخلوق شادينا بي كل شعرك

وفي القص والنضم ما بنقدر نقول شئ عنك

يا ريتك دوام بي كل قافية تجينا

وكل يوم هنا بي كل قصيد ترمينا

نتعلم معاك ودايما تحفظ فينا

ويا ثقافي اسمع وبكرة تشهد لينا

مصطفى هاتريك
17-09-2011, 01:24 AM
علوني الجميل يا زول اقيف انضملك

في حروفك سحر والله شئ بيشهدلك

دايما في الخلوق شادينا بي كل شعرك

وفي القص والنضم ما بنقدر نقول شئ عنك

يا ريتك دوام بي كل قافية تجينا

وكل يوم هنا بي كل قصيد ترمينا

نتعلم معاك ودايما تحفظ فينا

ويا ثقافي اسمع وبكرة تشهد لينا




هييييييييييييع

أبشري بالخير يا تغريد

تغريد
17-09-2011, 01:43 AM
هييييييييييييع

أبشري بالخير يا تغريد


ههههههههههههههههههههههه

دي دايرة ليها شبال يا هاتريك

اقيف لي دورك جااااااااي

بدر الدين محمد
17-09-2011, 10:19 PM
الممتن اخوي بي فكرتو المجنونة
لملمنا الدغش ودانا امبارونا
رصرصنا البروش جهزنا ركن الشونة
وضبحنا الخروف فطرنا واتغدينا
الفنان صدح جاب الاغاني رزينة
تغريد الطيور بصراحة اثر فينا
تغريد شرفت نظمت قوافي رصينة
علوني انطرب يا رب بنيتي تعينا

بدر الدين محمد
18-09-2011, 12:45 AM
ود الفراش

ماها ام تموكة
عَناق التيتل الخدَّر تبوكا
تفرد الديس علي الروبة الدهوكة
بتتسند تقول طاعناها شوكة

الجندي المجهول
18-09-2011, 03:20 AM
والله يا استاذ بدر الدين شوقنا ليك حار
ولو غبنا عنكم ساعدونا بالاعذار
اصلو الايام دي ميفة والجو حار
وعلي العليهو الاسعار مولعة نار
لا عاوزين البشير ولا حتى مقتنعين بي عقار
ولا الامة ولا الاتحادي كله شمار في شمار
ساعدونا بالدعوات وكلموا ناس الحكومة البيسرق الله بوديهوالنار
اتمنى اني اكون اتوفقت وشاركت معاكم في (بوست) المسدار

بدر الدين محمد
18-09-2011, 06:30 AM
هوي يا عرب احسن تراعو ادابكم
واسوه الكلام قبال اواسى رقابكم
ما عندي الاضينة الاصلو معدود دابكم
فد جعلى ان ركب حالا بخربو عقابكم
فلاحة العربى داب سفروقو و يجلب كلبو
يا يربط درب و يرجى الاضينة يسلبو
الهيلكم حقيقة و فيها ما بتنغلبو
فالحين فى القنص ترعو و تعرفو تحلبو

بنت الرفاعي
18-09-2011, 07:44 AM
والله يا استاذ بدر الدين شوقنا ليك حار
ولو غبنا عنكم ساعدونا بالاعذار
اصلو الايام دي ميفة والجو حار
وعلي العليهو الاسعار مولعة نار
لا عاوزين البشير ولا حتى مقتنعين بي عقار
ولا الامة ولا الاتحادي كله شمار في شمار
ساعدونا بالدعوات وكلموا ناس الحكومة البيسرق الله بوديهوالنار
اتمنى اني اكون اتوفقت وشاركت معاكم في (بوست) المسدار




هوي يا عرب احسن تراعو ادابكم
واسوه الكلام قبال اواسى رقابكم
ما عندي الاضينة الاصلو معدود دابكم
فد جعلى ان ركب حالا بخربو عقابكم
فلاحة العربى داب سفروقو و يجلب كلبو
يا يربط درب و يرجى الاضينة يسلبو
الهيلكم حقيقة و فيها ما بتنغلبو
فالحين فى القنص ترعو و تعرفو تحلبو






:):):)
:):)
:)

بنت الرفاعي
18-09-2011, 07:50 AM
:):):)

ما شاء الله
ويعطيكم العافية بإذنه،
ومشكورين على المسادير الظريفة،
وإن شاء الله من المُتابعين.:)



(لكن
بصراحة:o يعني في مسادير خارجية،
فيها كلمات (خرّبت) عليّ فهم الكثير منها!!:o)


:):):)

حاتم عمر
18-09-2011, 01:23 PM
كلام جميل ، استاذ بدر الدين اثبت انك خطيييييييييييييييييييير في المسادييييييييييييير

بدر الدين محمد
19-09-2011, 10:54 PM
:):):)
:):)
:)

ماك الغريبة علينا
حظنا يا مرام الجابنا بي رجلينا
شان نلقي السلام ونوقر الجايينا
اسقينا الثقافة بالكفوف اروينا
بس قلمك رشيق زيدي الادب واملينا

محمد الجزولى
19-09-2011, 11:19 PM
اضرب يا بدر للعربي الشليق بنبالك
عدمان الفهم ارميهو جيبو قبالك
احكم قبضتك .. قويها حولو حبالك
وان درت الاغاثة نحن بنجيك بسراعك

خالد علونى
20-09-2011, 04:58 AM
...............
اديهو الامان يقدل و يلقى مناهو
البقى فوق امان المك منو البدناهو
كل اسم جعلى من اعلاهو لى ادناهو
محال يبعد والمك نمر ادناهو
...............
نمرا يركب الكيك البطل يتحرن
نمرا يقلب العوق ام صفوفا جرن
خلوات صدرو فى علوم الحروب كم قرن
سيفو بينسف الدرع الحديدو مقرن
...............
ما نمر الشدر حاضن فروعو مقيل
ده النمر البضاير الصف محل ما يميل
كل ما اقول شكر القاهو فيهو قليل
كفو بيخجل العين السحابها منيل

بدر الدين محمد
20-09-2011, 10:05 PM
واحدين تلّبو جابو الكلام الجم
واحدين تاوقو وكم واحد ادّمدم
واحين خرّمو وكم واحد إتألّم
اكتبو يا جماعة الليلة جر النم

ريمون
21-09-2011, 12:30 AM
واحدين تلّبو جابو الكلام الجم
واحدين تاوقو وكم واحد ادّمدم
واحين خرّمو وكم واحد إتألّم
اكتبو يا جماعة الليلة جر النم
نحن متابعين ..

بدر الدين محمد
22-09-2011, 05:08 AM
من حد الصريف للكجرة للصالون
جاكم زول ظريف في الشكل والمضمون
راشين رش خفيف بالعطر والليمون
فارشين النضيف مرسوم بمية لون
رسلنا البقيف وضربنا كم تلفون
فرحانين كتير بالطلة يا (ريمون)

ريمون
22-09-2011, 11:27 AM
من حد الصريف للكجرة للصالون
جاكم زول ظريف في الشكل والمضمون
راشين رش خفيف بالعطر والليمون
فارشين النضيف مرسوم بمية لون
رسلنا البقيف وضربنا كم تلفون
فرحانين كتير بالطلة يا (ريمون)

كرم الضيافه من البدر كرمين

مصطفى هاتريك
23-09-2011, 01:36 AM
كرم الضيافه من البدر كرمين




الزول السمح يا ريم بــــطبعو كريم

عالي الخلق فنان مستور كمان و حليم

عاشق للقصيد غناي و ذوقو سليــــــم

ولو ما خوف الكضب بشوفو بشبه (( ريم ))

حاتم عمر
23-09-2011, 03:15 AM
هالله هالله متابع بمتعة وداير اشارك وما قادر

بنت الرفاعي
23-09-2011, 08:13 AM
ماك الغريبة علينا
حظنا يا مرام الجابنا بي رجلينا
شان نلقي السلام ونوقر الجايينا
اسقينا الثقافة بالكفوف اروينا
بس قلمك رشيق زيدي الادب واملينا




:):):)
:):)
:)

قلمنا أبداً ما عزيز عليكم
لكنو ما قدر المكان ولاترحيبكم
وحتى الحروف تهرب ما بياهُ لمُجاراتكم.:o



:):):)




(مع الإعتذار للمحاولة .......):o















واحدين تلّبو جابو الكلام الجم
واحدين تاوقو وكم واحد ادّمدم
واحين خرّمو وكم واحد إتألّم
اكتبو يا جماعة الليلة جر النم




والما بِعرف لجر النم:o
والكلام الجم؟!
أحسن يعاين بس
من خرمجة تجيب الهم* :rolleyes::o


*المقصود في الخرمجة أعلاه (مُرام):o:cool:




:):):)

بدر الدين محمد
23-09-2011, 10:58 PM
كلام جميل ، استاذ بدر الدين اثبت انك خطيييييييييييييييييييير في المسادييييييييييييير

انت عارف يا حاتم عفيناك من جر النم .... اكتب المنثور وات سيدو

بدر الدين محمد
23-09-2011, 10:59 PM
كرم الضيافه من البدر كرمين

حضوركم القشيب والله يسعنا ويصنع قوافينا

بدر الدين محمد
23-09-2011, 11:05 PM
الزول السمح يا ريم بــــطبعو كريم

عالي الخلق فنان مستور كمان و حليم

عاشق للقصيد غناي و ذوقو سليــــــم

ولو ما خوف الكضب بشوفو بشبه (( ريم ))

غناي دي عرفتها كيييييف

بدر الدين محمد
23-09-2011, 11:07 PM
:):):)
:):)
:)

قلمنا أبداً ما عزيز عليكم
لكنو ما قدر المكان ولاترحيبكم
وحتى الحروف تهرب ما بياهُ لمُجاراتكم.:o



:):):)




(مع الإعتذار للمحاولة .......):o



















والما بِعرف لجر النم:o
والكلام الجم؟!
أحسن يعاين بس
من خرمجة تجيب الهم* :rolleyes::o


*المقصود في الخرمجة أعلاه (مُرام):o:cool:




:):):)


















عزيزتنا مرام
كلامك كلو جر نم ومسادير .. بس انت المتواضعة

ياسر عمر الامين
24-09-2011, 03:40 AM
حضور ومتابعة واستمتاع دائم بجمال هذا البوست

بدر الدين محمد
25-09-2011, 01:34 AM
آخر صيحات المسادير

طه الضرير والطيب ود ضحوية كانا في طريقهما إلى أبو دليق وكان طه يبحث في اللاب توب في الإنترنيت بال Wireless. ، عن رد من محبوبته. فوجد رداً قصيراً.

فأنشد قائلاً:
شديت ال Pentium واصبح يبرطع جايط
وال Internet دقش قلبتو صايت صايت
على ام شعراً حلال ما طولنو وسائط
وعطشان الغرام ما برونو 2 K.Bite

فرد عليه الطيب قائلاً:
الفيك يا طه Virus والله الكريم الشافي
وما بفيدك طبيب حتى ان بقيت Mc Kafi
غير لخلوخة الهرفة أم قليباً جافي
وأركز للتجيك يا طه Options مافي

استسلم طه وأنشد:
إيميلك وصل زود علي الهم
والفكر انشغل ال Ram عليك وال ROM
يا الله أنا والحبيب نتلم
ويا الله ينصلح الرام ونتصفح ال dot com
الليلة ام شلوخ لاقيتا عند ال Chat
وال Virus ضرب قلبي ومحى الفايلات
يوم شافني البنظم الجاتات
قال Defrag ما بفيد أحسن Reformat ال

بعد ما كت بزبطWord و Excel
دقشتني أم رشوم خلت درايفي إختل
Mother Board القلب الكان زمان Intel
بقى Chipset رخيص كل ما ربطتو أنحل

الخبر الأكيد اليلة جابو ال Yahoo
وقال ست البنات إيميلنا مي طارياهو
ست القوام Hardware نظامو براهو
غرامك Virus الهجعة البقرض الجاهو

بدر الدين محمد
25-09-2011, 11:28 PM
سلام اهل النميم فوق المتبر ساقو
سلام اهل الكلام فى النال عدوهو وعاقو
سلام اهل الشعر فوق البمرّح ناقو
سلام اهل الكرم فوق الرجالة اتلاقو

بدر الدين محمد
26-09-2011, 05:38 AM
الشم خوخت بردن ليالي الحرة
والبراق برق من منا جاب القرة
شوف عيني الصقير بي جناحو كفت الفرة
تلقاها ام خدود الليلة مرقت بره

الحاردلو

بدر الدين محمد
30-09-2011, 10:48 AM
الدنيا بتهينك والزمان بيوريك
وقل المال يفرقك من بنات واديك

بدر الدين محمد
30-09-2011, 10:50 AM
اللوم والشكر واحد.... علي السجمان
والليل والنهار واحد..... علي العميان
عز الخيل لجم وعز القرب قطران
عز الراس دهن..... عزالحريم وليان

انور النور محمد
10-10-2011, 01:00 AM
هاترك يا ظريف جايينا بارم العمة
مشرفنا اللطيف عايز دوام نتلمّ
تغريد في الثقافي جابت مواضيع جمّة
بت امدرمان تفكر في الوصول للقمة
***
هاترك ياظريف جايينا بالنضارة
انور في الأدب تلقاه ما بتجارى
لا بتوبو باظ ميتة وخراب وخسارة
هجر المنتدى بالمقسة قام اضّارى
***
هاترك يا ظريف عقب وجر النم
راجيك بالغدا ما تنصرف حرّم
خت في ابوست ثقافة ومرة خفة دم
يبقى البوست منور فيه بدر التم

هههههه هههههه
سلام عرب البطانة
بجي بي رواقة اجر النم

بدر الدين محمد
10-10-2011, 01:26 AM
هههههه هههههه
سلام عرب البطانة
بجي بي رواقة اجر النم
حمدالله بالسلامة يا انور متين جيت البطانة

محمد الجزولى
10-10-2011, 04:41 AM
هههههه هههههه
سلام عرب البطانة
بجي بي رواقة اجر النم

والله منور المنتدي يا انور
الف حمدا لله على عودتك

محمد الجزولى
10-10-2011, 09:07 PM
تعرف يا استاذ بدر الدين لقيت المشاركة دي للاخ العزيز ناصر الباشا وعجبتني جدا واحببت ان انقلها في هذا البوست
اتمنى للاخ ناصر الباشا كل الامنيات القلبية الصادقة
مسدار منتدانا

محاولة لكتابة مسدار بطريقة البطانة و عفواً اخوتي ان سلكت ذاك الدرب الصعب

مسداري العشوق ما لاقي ليكم شكرة

في بحور منتدانا موارد الادب و الفكرة

كارمين للضيوف صاينين كمان للعشرة

كان ماضيك جميل و اجمل كمان يوم بكرة

***

تراجيديا السمو نحو الحديث الضاوي

مجاهدنا الحنين صايغ حروفنا غناوي

في كل الخلوق ما لاقي ليك مساوي

يا فارس الحروف عطر القصيد سوباوي

***
ود بدر الجميل ديمة حرفك وافي

اسقينا الزلال بحر معانيك صافي

وكتين ترش بغناك عطور قصيد و قوافي

بنقول للبتول (رحمة) حروفنا عوافي

***
شلعت بروق المعنى من حروف الكاظم

و الشاشاي سكت بسمع حديث متناغم

سواح الرهيف حامل فرحنا مواسم

و سامبا البشوش معنى القصيد الحالم

***
ابو بكر النبيل بقلمو برسم لينا

ريحة النال تفوح طيب المعاني يجينا

السودان عموم في قلمو باين لينا

ابو بكر السمح بروعتك ضوينا

***
برهوم الوسيم نسم الحروف الهابي

ود السر شرف بحر المعاني الكابي

بكور الحنون غناك مطراً صابي

البيلي القمر بضوا بيك صحابي

***
غلام الله الحكيم شمساً بتشرق حكمة

حمدتو الرزين صاحب الفهم و الكلمة

ابو ريلان دوام بدراً يضوي العتمة

حلفاوي الودود معنى الفرح و البسمة

***
بنوتنا العزاز بدور بتضوي الليل

وارثين الشموخ من عزتك توتيل

من شلال حنانهم رويانة موية النيل

و المسدار نظم معنى الجمال من ديل

***
كل الاغنيات عشقت حروف عشرية

و مهيرة البلد عطر الكلام يا بنية

سالي و لميس غفران سلوى و كمان فوزية

ضي القبيلة سوار يا نجمة الفجرية

***
حبي ليكم ذاد حرفاً بختو ختام

صورة جمال روعتكم بتغلب الرسام

و شوقي لشوفتكم دايماً يزيدني هيام

رابط البوست : http://wadmadani.com/vb/showthread.php?t=10041&

بدر الدين محمد
11-10-2011, 12:11 AM
والله مسدار في غاية الروعة .... والاحصاء والحصر

شكر ود الجزولي