و الما عندو أهل في خرطوم الجن دي؟

[نزار احمد كوارتي]

إتخيلو معاي إنو زوجتي عشان تَطَلِع جواز سوداني قالو ليها إلا تمشي الخرطوم لأنو الجوازات بقت ما بتطلع إلا في الخرطوم, قلنا أوكي إتوكلي وأمشي الخرطوم, عشان تطلعي ليك جواز خرطومي, أقصد سوداني ,وعشان ما يتلتلوك شوفي ليك واسطه كاربه وإتأكدي من ناس الجوازات مدني قبال ما تمشي المتطلبات كلها شنو؟ وفعلاً ساقت معاها أبوها ومشو ساقو واسطتهم القدر الليله وبكره ديك ومشو الجوازات, شالو معاهم كل الإحتياطات من شهادات سكن ومواطنه وقسيمه وصور وغيرو. إتلتلو المره وابوها وواسطتم وانا معاها من هنا بالتلفونات وبي كل بساطه يقولو ليها أول شي لاذم تمشي تطلع الرقم الوطني’ الرقم شنو؟؟؟ الوططططني, وهاك يا تلتله والوطن كلو واقف في الصف إلا الوطنيين, أخيراً وبعد ما إنتهينا من قصة الرقم الوطني الطلع في الآخر عباره عن ورقه ده, وانا كنت قايلو زي الهويه الأماراتيه طبعاً, بديناك تااااااني يا قصة الجواز, وبي واسطتنا أمشي وتعال وأخيراً قالو بعد كم يوم كده ما عارف تجو تستلموه’ , وبعد الكمين يوم ديل مشت قالو ليها, الجوازات بتاعات الليله ما جات, هي يا ربي بتجي من وين؟؟؟

السؤال:-

الزول الما عندو أهل في الخرطوم يطلع جواز كيف؟؟؟ ينوم وين ؟؟؟ ياكل وين؟؟؟ وموش في ناس ساكنين في أُم غُتُس وعندهم زول عيان مسفرنو بره بالجواز ده؟؟؟
وموش في حاجه في كل مدينه إسمها الجوازات وعندها مدير وضباط وعساكر وغفير ؟؟؟ وموش ديل كلهم بياخدو مرتبات؟؟؟ وموش بيشربو شاي وقهوه وبقرو جرايد تحت المكيفات علي حساب ميزانية الدولة؟؟؟


ده كلو كوم والسؤال المحيرني جد جد الجواز الطلع قبل شوييييييييه ده مرسوم فيه صورة السودان القديم ليه؟؟؟

[مدنيّة]

البوست دا محول لسعادتو
عشان يجي يرد لينا علي التساؤلات دي


-------
انت غايتو يانزار ماعرفت الدرب بوين بث ):

[أحمد عمر ( MOODY )]

قوووووووووووول .. واحد

الراجيك كتيييييييييييييير
















المرّة الجاية .. شيلو معاكم باغة عسل
الظروف ما معروفة
;) :p ;) :p ;)

[ود المطامير]

الحبيب

اللى حصل دا كلو الحاله دى بواسطه قدر الليله وبكره

يعنى اللى ما عندو واسطه ما يمشى الخرطوم كلو كلو

[ود المطامير]

قوووووووووووول .. واحد

الراجيك كتيييييييييييييير

المرّة الجاية .. شيلو معاكم باغة عسل
الظروف ما معروفة
;) :p ;) :p ;)
الحبيب
مشتااااقين يعلم الله

قال ليك عشره كانو ماشين فى زقاق ضيق الواحد ورا التانى
وفى نهاية الزقاق فى فرع ناشف
لما طلع الأول الفرع قدّ عينو وصاحبنا قطعها فى حنانو ومشى كأنو ما حصل شئ
والتانى والتالت لحد التاسع بالحاله دى

أها لما جا دور العاشر وعينو إنقدت قال .. آااااه ..
الجماعه قبلو عليهو وجت عيونهم مقدوده ودمهم سايل

أها ... إنتا أسكت ياخ وأعمل ذى الجماعه ديل ;)

[ZANOON]

قوووووووووووول .. واحد

الراجيك كتيييييييييييييير
















المرّة الجاية .. شيلو معاكم باغة عسل
الظروف ما معروفة
;) :p ;) :p ;)

ميدو ما تحطم الزول
معنوياتو فووووووووووق

[الجندي المجهول]

الحبيب دوماً والصديق والأخ (للأبد) نزار أحمد محمد

ياخ انا قايلك زول (مفتح) ياخ ناس جواز وبطاقة وجنسية ورخصة ( من اسهل الاشياء) استخراجاً في السودان

ليس بسبب (سهولة الاجراءات) .... او النظام الادري الجميل ....


بس في طريقة اسمها (3 5 2) زي خطة الكورة ...

والباقي تمو خيال ..........................

تخريمة : ما عبيب عليك تقول ما عندك اهل في الخرطوم (وخالتك وعمك موجودين)

[آلاء عبد الرحمن]

والله يانزار انا اسي شايلة لي هم من الرقم الوطني وله القومي الظهر لينا فجعة ده
وعندي اجراءت في الخرطوم وموضوع الجرجرة ده قاعدة يزهجني
ربك يسهلا غايتو كل يومين بطلعو لينا بشي

[عمادالحسين]

الحبيب

اللى حصل دا كلو الحاله دى بواسطه قدر الليله وبكره

يعنى اللى ما عندو واسطه ما يمشى الخرطوم كلو كلو

شنو يامطامير مافي ترحيب
لكم التحية

[مايسة]

هو انت لسى شفت حاجة -

على قول مدنية انت لسى بس ما عرفته الطريق :p

- اها وفي حاجة تانية - لمن تجي تأشر - وتعبي الفورم الاول دا - في الصغيعة طبعا -
وبـ (15 جنيه) ويلصغو ليك كم ددمغة كدا - ولمن تحسبه تلقى في فرق 500 جنيه بالقديم :confused:-

سمعته واحدة قالت لازم اعرف واحسب التاني قال ليها أدفعي وإتخارجي -
----------------

وبعد داك الا تسأل تمشي وين بوابة رقم كم - الارقام مكتوبة بس مافي تسلسل -
والصالة حااااااااااااااااااااارة من انفاس المغتربين والزائرين - والموظفين بالداخل ضاربهم الهمبريب الباااااارد لمن مندييين :cool:

والحكاية جاااايطة -

ربنا يعين الجميع ويعين المواطن المسكين

[بدر الدين احمد الطائف]

نزار تحياتى
خرطوم السجم دى نحن من ايام الدراسه قاعدين نكجنا وكنا بناجز قبل الاجازة زاتو.
ماعرف ناس مدنية ديل قاعدين فيها كيف;)
غايتو انا مريت بنفس تجربتك دى ولكن مع المولوده الجديده خلصوا الاجراءت وحددوا ليهم مواعيد لاستلام الجواز ورجعوا مدنى وبعد كم يوم رجعوا استلموا وفى رمضان ما اظين فى مشكلة لو طلعوا من مدنى بدرى شوية

[نزار احمد كوارتي]

انت غايتو يانزار ماعرفت الدرب بوين بث ):


طيب يا جماعه ما تورونا نحن ما ود جيرانكم

كدي قولي لي وين لي جزارة عُمر؟؟؟

[نزار احمد كوارتي]

الحبيب

اللى حصل دا كلو الحاله دى بواسطه قدر الليله وبكره

يعنى اللى ما عندو واسطه ما يمشى الخرطوم كلو كلو


تعرف يا عمك

انا الشي العرفتو إنو سبب التأخير ده أسااااااساً سببو الواسطه القدر الليله وبعد بكره دي

[نزار احمد كوارتي]

الحبيب دوماً والصديق والأخ (للأبد) نزار أحمد محمد

ياخ انا قايلك زول (مفتح) ياخ ناس جواز وبطاقة وجنسية ورخصة ( من اسهل الاشياء) استخراجاً في السودان

ليس بسبب (سهولة الاجراءات) .... او النظام الادري الجميل ....


بس في طريقة اسمها (3 5 2) زي خطة الكورة ...

والباقي تمو خيال ..........................


وهي دي يا الحبيب بيني وبينك كده دايره ليها خيال؟؟؟

أريت أخوك لو كان هناك معاهم كان طلعته ليهم قرين كارد زاتو

تخريمة : ما عبيب عليك تقول ما عندك اهل في الخرطوم (وخالتك وعمك موجودين)

الله يحفظم ويغطيهم ويصونم يا رب

كان علي انا هينه بدبر روحي الكلام المساكين البجو من آخر الدنيا ناس البص بجي الصباح وبرجع نهاية اليوم ديك موش برضو سودانيين؟؟؟

[mahagoub]

انت جايب واسطه مالك
كان تكابس ناس الضلله
تنكت
وتمشى الكفتريا تفطر
وتضرب بارد وكباية شاى
وتخت ليك سفه
وترجع تستلم خالص مخلص
تجى ببص 6 وترجع ببص 2


اصحا يا برعى

[سيف الدين الامين]

أنا مريت بتجربة استخراج جواز نتيجة لخطـأ من الشرطي الذي فحص جوازي بمدني ولم يتبين أن الجواز انتهت مدته ( عشرة سنوات ) وأكملت جميع الاجراءات ولم يتبقى لي غير الصـاق ورقة التأشيرة على الجواز ونتيجة لاتصـال تلفوني من الأهــل آثرت أن أترك المرحلة الاخيرة لليوم التالي وبالفعل ذهبت لقضـاء ما طلبه الأهـل وفي الغـد فعلت ما فعله زيدان الكسلان في كتـاب المطـالعة وتركت الأمـر لليوم التالي وهـكذا دواليك حتى أتى موعـد السـفر وأصبح لزاما الذهاب للحصول على التأشيرة لتأتيني المفاجأة كالصاعقة بضرورة استخراج جواز جديد وليست هذه المشكلة بل المشكلة مافي وقت والأمر الثاني الجوازات المتوفرة يادوب تغطي المتقدمين لاجراءات الحـج وطبعا ذلك الشرطي وقف كغيره يتفرج على مشكلتي بل واكد لي بأن لا حل امامي سوى استخراج جواز جديد. طيب كيف وليس أمامي وقت وأشارالبعض علي بكسب الوقت البدء فورا اصلاح ذلك الخطأ الذي ليس أدنى سبب فيه واشار البعض الآخر علي بمراجعة مدير جوازات مدني واظنه برتبة عقيد ( عقيد / أمـــاني ) وبالفعل ذهبت بدون أمل لكن الشـهادة للـه وجدت ما لم اصـدقه... مقابلة أكثر من رائعة تسبقها ابتسامة أدخلت الطمأنينة لنفسي فشرحت لها ما حصـل لي فتفحصت جوازي وبعـد برهـة تحدثت فوقعت كلماتها على مسامعي كأعزب لحن وهي تقول لي أن مشكلتي باذن الله محلولة وبالفعل لم اخرج من مبنى الجوازات الا وجوازي في جيبي وهو صـالح للسـفر ورغم أن الاجراءات تمت في الطابق الارضي الا أنني رجعت الى مكتبها ولسـان حالي يلهج بالشـكر لها فلم أصدق أذناي وأنا أسمعها وهي تقول ( نحن في خدمتكم _ الشرطة في خدمة الشـعب ) ونصحتني بضرورة مراجعة السفارة وها أنذا أنتهز هذه السانحة والحديث عن الجوازات لاكرر لها شكري وتقديري وبطبيعة الحال شكر الكثيرين ممن تعاملو معها وما اود التنبيه له هو أنني لم اذهب لها بواسطة ولم أرها من قبل في حياتي وأسـأل العلي القدير أن يكثر من أمثالها في جميع مرافق الخدمة التي ترتبط بالمواطنين ... ختاما أقول ان اعتمادنا على الواسطة هو ما أفسد كثير من مناحي الخدمة عندنا اذ أننا بذلك ننال حق ليس لنا.