ككر النفاج يستضيف - مشرف العام (ود سمير)

[مايسة]

أولا - أعتزر لكم ثانية لتأخر الككر -
ولكن لظروف زمنية ومكانية ورمضانية وعيدية ومدرسية - ;)

--------------------

اها -

الككر يعود بإستضافة مشرف العام -
والشهير هنا في النفاج بغرامو مع الكدايس -



إتفضل ود سمير - نرى وجها آخر لشخصك الكريم -
وعشان نعرف زاتو (البسس)دي غرامه معاك شنو ولا العكس :p

[آلاء عبد الرحمن]

طبعا هو بظهر بالليل زي الخفاش
:p

[مايسة]

طبعا هو بظهر بالليل زي الخفاش
:p


يعني نغير العنوان ولا شنو - ;)

[مايسة]

نبدأ اولا ودسمير -

السيرة الذاتية بالتفصيل -

وتاني اي متكوكر - بالذوق بالعافية - حايبدأ لينا بالسيرة الذاتية - :o

[خالد علونى]

نبدأ اولا ودسمير -

السيرة الذاتية بالتفصيل -

وتاني اي متكوكر - بالذوق بالعافية - حايبدأ لينا بالسيرة الذاتية - :o



أولاً كدا حمداً لله علي السلامة


وبركة الشفناك طيبة






الناس ديل طوااااااااااااااااااااااااااااااااااالي ماكلننا في السيرة الذاتية
اي زول يسألوهو منها يزوغ لينا الكلام بي جاي وبي جاي لحدي ما الاسبوع ينتهي


وبعد دا كلوا نحن ما نفهم أي حاجة





ود سمير



كتر الليمون ..... الله يستر عليك من الجماعة ديل

[عاطف عولي]

سمارة والليمون

سمارة والكوارع

سمارة والكدايس

مقالات تلاته

[مايسة]

أولاً كدا حمداً لله علي السلامة

وبركة الشفناك طيبة

الناس ديل طوااااااااااااااااااااااااااااااااااالي ماكلننا في السيرة الذاتية
اي زول يسألوهو منها يزوغ لينا الكلام بي جاي وبي جاي لحدي ما الاسبوع ينتهي


وبعد دا كلوا نحن ما نفهم أي حاجة

ود سمير


كتر الليمون ..... الله يستر عليك من الجماعة ديل



الله يسلمك علوني -
بمناسبة الجية والسلامة - ساعتك ظبطت ولا لسى طاشة - قال 6 قال :mad:
-------------
ود سمير دا قالو العصير الجايو في الجلسة قام بيهو براهو -
رائك شنو نقول ليهو نعمل خلاطة في السوق بتاعت ليمون :p:cool:

[مايسة]

سمارة والليمون

سمارة والكوارع

سمارة والكدايس

مقالات تلاته


زيد ليهو واحدة عشان تبقى رباعية :o

[نزار احمد كوارتي]

حباب ود سمير

ومرحب بي عودة الككر

أها يا أخوي كدي النسألك سؤالين دقه سريعه كِده ما محسوبات

أول حاجه إنت لمن جيت أبوظبي عملت مننا رايح لييييييييه يعني؟؟؟

عشان عزابه ولا عشان عزابه؟؟؟ عجبني ليك السووه ليك ناس هناي البي مراتم ديك.

السؤال التاني بما إنك إنت من أوائل الناس الحا يجو عرسي إنشاءالله وبما إنو انا مفكر ألغي حكاية البارد دي من حساباتي

ومفكر أوزع بدلو ليمون!!! إنت جاهز ولا بتجيب رخوة؟؟؟

[أحمد عمر ( MOODY )]

أولا - أعتزر لكم ثانية لتأخر الككر -
ولكن لظروف زمنية ومكانية ورمضانية وعيدية ومدرسية - ;)

--------------------

اها -

الككر يعود بإستضافة مشرف العام -





ود سمير




و القبليهو برضو كان مشرف من العام ( الجندي المجهول )
يلّلا .. عرفتي ليييه قلت ليك زولة :p :p :p

[أحمد عمر ( MOODY )]

والشهير هنا في النفاج بغرامو مع الكدايس



إتفضل ود سمير - نرى وجها آخر لشخصك الكريم -
وعشان نعرف زاتو (البسس)دي غرامه معاك شنو ولا العكس :p


طبعا هو بظهر بالليل زي الخفاش
:p



بسم الله .. بسم الله
سلامٌ .. قولٌ من ربِّ رحيم

[أحمد عمر ( MOODY )]

سمارة والليمون

سمارة والكوارع

سمارة والكدايس

مقالات تلاته



زيد ليهو واحدة عشان تبقى رباعية :o



سمارة و الأفيال
:p:o:p

[مايسة]

حباب ود سمير

ومرحب بي عودة الككر

أها يا أخوي كدي النسألك سؤالين دقه سريعه كِده ما محسوبات

أول حاجه إنت لمن جيت أبوظبي عملت مننا رايح لييييييييه يعني؟؟؟

عشان عزابه ولا عشان عزابه؟؟؟ عجبني ليك السووه ليك ناس هناي البي مراتم ديك.

السؤال التاني بما إنك إنت من أوائل الناس الحا يجو عرسي إنشاءالله وبما إنو انا مفكر ألغي حكاية البارد دي من حساباتي

ومفكر أوزع بدلو ليمون!!! إنت جاهز ولا بتجيب رخوة؟؟؟


هو عمل ليك رااايح -
لكن انت المفروض تمشي وتسأل منو صراحة - عيب عليك يا نزار (نظام تهدئة نفوس وكدا :p:o)

---------

عرسك دا كلنا جايين غايتو - وما عايزين ليمون -
شوف ليك حل تاني معاهو :p

[مايسة]

و القبليهو برضو كان مشرف من العام ( الجندي المجهول )
يلّلا .. عرفتي ليييه قلت ليك زولة :p :p :p



اي اي عرفته - لكن الما عارفو انت - انو ناس العام ديل عندي ليهم كم أسشئلة كدا واقفة لي حلقى
وعايزة حد يجاوبني عليها - الجندي عمله لي كلها قلبان طربيزة ومدنية وبت امدرمان ودفاع عن النفس -
قلته مافي حد غير ود سمير :p:cool:




بسم الله .. بسم الله
سلامٌ .. قولٌ من ربِّ رحيم


قالت خفاش مش حاجة تانية :p




سمارة و الأفيال
:p:o:p


ومودي وجليد الدفاتر والكتب -
كدي قول وما تستحي يدك ما وجعتك - من الجليد والكتابة :cool::p

[بنت الرفاعي]

ما عرفت السر في الإختفاء
(الواضح)
لكل من يُستضاف في هذا
(الككر)؟!:rolleyes::cool:


:):):)

[بنت الرفاعي]

اي اي عرفته - لكن الما عارفو انت - انو ناس العام ديل عندي ليهم كم أسشئلة كدا واقفة لي حلقى

وعايزة حد يجاوبني عليها - الجندي عمله لي كلها قلبان طربيزة ومدنية وبت امدرمان ودفاع عن النفس -
قلته مافي حد غير ود سمير :p:cool:









:D :D :D
زي كأنو إستخدام سيء لسُلطتك وإدارتك الككرية
لحساب نفسك؟!:rolleyes:;)
:cool::cool::cool:


:):):)

[أحمد عمر ( MOODY )]

ومودي وجليك الدفاتر والكتب -
كدي قول وما تستحي يدك ما وجعتك - من الجليد والكتابة :cool::p



إنتِ قاصدة جلّيد الكتب ولّلا جلّي العدة
كان جلّيد الكتب نحنا يا دوووووب بنقول يا هادي مع الـ kg
و كان جلّي العدة ترا إتعوّدنا .. وبقى عاااااادي
وهسه في إجراءات تسجيل العضو الجديد في الرابطة (نيزو)

[أحمد عمر ( MOODY )]

ما عرفت السر في الإختفاء
(الواضح)
لكل من يُستضاف في هذا
(الككر)؟!:rolleyes::cool:


:):):)






دي الخُلعة يا دكتورة

الواحد تلقيهو بيتحاوم في النفاج زي العجب
مِن يقولو ليهو ( ووووووووه ) .. الككر
بعدِّي ليهو يومين يصلِّح في هدومو و يسرِّح في شعرو

[ahmed algam]

دي الخُلعة يا دكتورة

الواحد تلقيهو بيتحاوم في النفاج زي العجب
مِن يقولو ليهو ( ووووووووه ) .. الككر
بعدِّي ليهو يومين يصلِّح في هدومو و يسرِّح في شعرو



هههههه هههه هههههه

الله يجازي محنك يامودي

**** *** ***

مبروووك الابتسامة

[ahmed algam]

يااخونا الزول دا وين

[أحمد عمر ( MOODY )]

قالت خفاش مش حاجة تانية :p





لا .. يعني يا مايسة
دراكولا ده .. كان بيظهر في شكل أرنب

http://i55.tinypic.com/33m0h2s.gif

[مايسة]

ما عرفت السر في الإختفاء
(الواضح)
لكل من يُستضاف في هذا
(الككر)؟!:rolleyes::cool:


:):):)






خليك بس وراهو لحد ما تلقي السبب ووريني بعدين -
عشان نشوف لينا حل

عايني بالجد انت ليه لمن الواحد يقتبس مشاركتك بتكون كتيرة كدا ومليانة حروف ;):cool:

[مايسة]

:D :D :D
زي كأنو إستخدام سيء لسُلطتك وإدارتك الككرية
لحساب نفسك؟!:rolleyes:;)
:cool::cool::cool:


:):):)








هَسي فِي دَاعِي تَهرْجِيْنا كِدّا يَعْنِي -
وتَكْشْفِى الْسِّر :cool::p

[مايسة]

إنتِ قاصدة جلّيد الكتب ولّلا جلّي العدة
كان جلّيد الكتب نحنا يا دوووووب بنقول يا هادي مع الـ kg
و كان جلّي العدة ترا إتعوّدنا .. وبقى عاااااادي
وهسه في إجراءات تسجيل العضو الجديد في الرابطة (نيزو)


بختكم طيب كتير - وحظك :(
ههههههههه - قلته لي عادي بقى غسيل العدة -

(نيزو دا عندو خطط الله تعلم يقدرو عليهو غايتو)

[ودسمير]

نبدأ اولا ودسمير -

السيرة الذاتية بالتفصيل -

وتاني اي متكوكر - بالذوق بالعافية - حايبدأ لينا بالسيرة الذاتية - :o


مايسه .... للمشاكل كايسه ...

بى مشاكلك وكواريك دى على قلبنا ذى العسل ...

وموضوع السيرة الذاتيه كترت معانا انتو شاكين انى ما سودانى وما من مدنى كمان !! قولوا الحقيقه ؟

والله العظيم انا ابوى مولود من زماااااااااااااان فى حى العشير ... ويكفى

وعشان انا ح اكون ضيف ( خفيف عليكم ) ح ابدا بالسيره ... سيرة السرور والحمدلله ...

بيتنا فى البيان وشفت الواطة فى البيان زاتو ...

قريت فى مجمع بانت حتى خامسه وتميت سادسه فى الشرقيه ( غرب ) ..

المتوسطه ويا حليلها ... الاهليه ( أ ) ... والسنى الثانويه كنت ( بشق ) الحله الجديده وبصل السنى مع روائح ( عطور من البلح )!!

ومشينا الهند للجامعه ...

الزياده بعدين ...

[ودسمير]

يااخونا الزول دا وين


موجود بالحيل وامس كنت مدبرس شويه لوفاة اخ عزيز ربنا يرحمه ...

وانا الان معاكم وكمان متشطف ولابس سفنجه موديل جديد !

[ودسمير]

اي اي عرفته - لكن الما عارفو انت - انو ناس العام ديل عندي ليهم كم أسشئلة كدا واقفة لي حلقى
وعايزة حد يجاوبني عليها - الجندي عمله لي كلها قلبان طربيزة ومدنية وبت امدرمان ودفاع عن النفس -
قلته مافي حد غير ود سمير :p:cool:





قالت خفاش مش حاجة تانية :p





ومودي وجليد الدفاتر والكتب -
كدي قول وما تستحي يدك ما وجعتك - من الجليد والكتابة :cool::p


انت ود سمير ده قايلاهو هامل ولا هامل ... يعنى عشان بشارك المستضعفين ( كوارعيا ) ..

الحمدلله امى ما سمعتك ..

وبرضو جاهزييييييييييييييييييييين

[ودسمير]

دي الخُلعة يا دكتورة

الواحد تلقيهو بيتحاوم في النفاج زي العجب
مِن يقولو ليهو ( ووووووووه ) .. الككر
بعدِّي ليهو يومين يصلِّح في هدومو و يسرِّح في شعرو


اولا يا شاب انا مش رحت انا مشيت للحلاق عديل .. ووهدوم شنو البصلحوها ... هى فول ولا شنو ...

وانت يا مودى بالذات ............ شخيت وخليك بعييييييييييييييييييييييد !!

[مايسة]

موجود بالحيل وامس كنت مدبرس شويه لوفاة اخ عزيز ربنا يرحمه ...
!


الله يرحمه ويغفر ليهو
ويعوض شبابه الجنة يا رب -

كلنا لها ود سمير -
هم السابقون ونحن اللاحقون -


يظل الحزن بالداخل -

[ودسمير]

أولا - أعتزر لكم ثانية لتأخر الككر -
ولكن لظروف زمنية ومكانية ورمضانية وعيدية ومدرسية - ;)

--------------------

اها -

الككر يعود بإستضافة مشرف العام -
والشهير هنا في النفاج بغرامو مع الكدايس -



إتفضل ود سمير - نرى وجها آخر لشخصك الكريم -
وعشان نعرف زاتو (البسس)دي غرامه معاك شنو ولا العكس :p

الظروف القلتيها دى .... فلس عديييييييييييييييييييييييييل !!

اما الكدايس ... فحولت الموضوع للباحثين فى الامر ( شوارعيا )

[ودسمير]

الله يرحمه ويغفر ليهو
ويعوض شبابه الجنة يا رب -

كلنا لها ود سمير -
هم السابقون ونحن اللاحقون -


يظل الحزن بالداخل -

مشكوره يا مايسه ...

والخوف ... انو الحزن يقعد ويتحكر !!

[ودسمير]

طبعا هو بظهر بالليل زي الخفاش
:p


حليلك .... يا اختى انتى من زمن الخفاش البطلع بالليل ...

الحراميه ذاتهم خلوا الليل ...

[ودسمير]

يعني نغير العنوان ولا شنو - ;)



شـــــــــــــــــــــــــــــــــــــــــــــــــ ــنو ....

[ودسمير]

أولاً كدا حمداً لله علي السلامة


وبركة الشفناك طيبة






الناس ديل طوااااااااااااااااااااااااااااااااااالي ماكلننا في السيرة الذاتية
اي زول يسألوهو منها يزوغ لينا الكلام بي جاي وبي جاي لحدي ما الاسبوع ينتهي


وبعد دا كلوا نحن ما نفهم أي حاجة





ود سمير



كتر الليمون ..... الله يستر عليك من الجماعة ديل



ما تخاف على اخوك ....

بدون ليمون صنديد ...

وناس النفاج ديل راس مالهم ( عصره ) ...!!

[مايسة]

الظروف القلتيها دى .... فلس عديييييييييييييييييييييييييل !!

اما الكدايس ... فحولت الموضوع للباحثين فى الامر ( شوارعيا )


ما تخمنا ساي اوكي -
شوية شوية -

وبعدين السيرة الذاتية ناااااقصة تمها -

ابدا من الاول -

شنو يعني حا نعلمك الحروف الابجدية ولا شنو :p


عرفتها كيف أعراض الفلس :cool:

[ودسمير]

خليك بس وراهو لحد ما تلقي السبب ووريني بعدين -
عشان نشوف لينا حل

عايني بالجد انت ليه لمن الواحد يقتبس مشاركتك بتكون كتيرة كدا ومليانة حروف ;):cool:



لانك عينك طاااااااااااااااااااااااااائره ...

الليله مليانه حروف ...

بكره تلقى جواها ... خروف !!

[مايسة]

انت ود سمير ده قايلاهو هامل ولا هامل ... يعنى عشان بشارك المستضعفين ( كوارعيا ) ..

الحمدلله امى ما سمعتك ..

وبرضو جاهزييييييييييييييييييييين


عولي بس البيقدر يرد عليك - :mad::cool:

[ودسمير]

ما تخمنا ساي اوكي -
شوية شوية -

وبعدين السيرة الذاتية ناااااقصة تمها -

ابدا من الاول -

شنو يعني حا نعلمك الحروف الابجدية ولا شنو :p


عرفتها كيف أعراض الفلس :cool:


انت معقول بتتخمى ...؟!!

السيرة الذاتيه الباقيه مطباتها كتيره .. وح اكملها معاكم ... بس روقى المنقه .. خلى الكديسه تنوم ... عشان ما نقوم الصباح ما نلقى الهدوم !


الحروف الابجديه ده علموها لناس ( خلاث ) و ( وبث ) !!

اعراض الفلس يا شيخه كتيره :

سرعة فى الكتابه ..

زهج سريع وفتح باب الثلاجه عشره مرات فى الدقيقه ,,

ولا اقول ليك :

ما مفلسه .... وربنا يزيدك كمان وكمان وتخلى الجر من الدكان !

[ودسمير]

عولي بس البيقدر يرد عليك - :mad::cool:

عولى ده اشفت جزار ما يطلع منو ربع كيلو ...

وتقولى شنو وتقولى منو !!

[ودسمير]

الله يسلمك علوني -
بمناسبة الجية والسلامة - ساعتك ظبطت ولا لسى طاشة - قال 6 قال :mad:
-------------
ود سمير دا قالو العصير الجايو في الجلسة قام بيهو براهو -
رائك شنو نقول ليهو نعمل خلاطة في السوق بتاعت ليمون :p:cool:




كتاااااااااااااااااااار البخلطو ... بس منو البخلط صاااااااااااااااااااااااح ... وما بدى الجلد والراس للضبااااااااااااح !!

كدى اعملى خلاطه فى السوق ... شوفى كااان يجوك !

[ودسمير]

سمارة والليمون

سمارة والكوارع

سمارة والكدايس

مقالات تلاته


مقالات تلاته فى حلة فلاته ..

والجزمه باتــــــــــــــــــــا

والمشى فى البرش والسباتـــا


ماسمعت سماره والفتــــــــــــه ؟!!

[ودسمير]

زيد ليهو واحدة عشان تبقى رباعية :o



خلاص انا ذدتها يا حاجه شفــــــــــــــــقه !!

سماره والفتــــــــــــــه ..

[ودسمير]

حباب ود سمير

ومرحب بي عودة الككر

أها يا أخوي كدي النسألك سؤالين دقه سريعه كِده ما محسوبات

أول حاجه إنت لمن جيت أبوظبي عملت مننا رايح لييييييييه يعني؟؟؟

عشان عزابه ولا عشان عزابه؟؟؟ عجبني ليك السووه ليك ناس هناي البي مراتم ديك.

السؤال التاني بما إنك إنت من أوائل الناس الحا يجو عرسي إنشاءالله وبما إنو انا مفكر ألغي حكاية البارد دي من حساباتي

ومفكر أوزع بدلو ليمون!!! إنت جاهز ولا بتجيب رخوة؟؟؟



شوف يا جارى ( اصلو البيان وود كنان احباب من زمااان ) ...

جيتى ابو ظبى راعى الضان فى الخلا عرفها ....

وكنت جد محتاج لمتكم .... بس .... الجايات اكتر باذن الله ...

وممكن تسأل مودى اعزار !!!!!!

وانت يوم عرسك خليك فى همك ما لك ومال البارد !

ع العموم باليمون جاااييين وبدونه جااااييييين ..

[ودسمير]

هو عمل ليك رااايح -
لكن انت المفروض تمشي وتسأل منو صراحة - عيب عليك يا نزار (نظام تهدئة نفوس وكدا :p:o)

---------

عرسك دا كلنا جايين غايتو - وما عايزين ليمون -
شوف ليك حل تاني معاهو :p



ما قلت ليييك من زمااان لمشاكل كايسه وعلى رائ واحده صاحبتنا ( بس علييييك )

[ودسمير]

:D :D :D
زي كأنو إستخدام سيء لسُلطتك وإدارتك الككرية
لحساب نفسك؟!:rolleyes:;)
:cool::cool::cool:


:):):)









اها وتانى .... انحنا ناقصين وليع نيران يا بت يا مرام !

[همسات]

حباب ودسمير اخوي
منور الككر اتمني لك اقامه طيبه
:cool::cool:
;);)

[مدنيّة]

ود سمير
الككر منور بيك والله


-------
البركة فيك في صاحبك

------
برجع ليك بروقة باذن الله

[مدنيّة]

ما عرفت السر في الإختفاء
(الواضح)
لكل من يُستضاف في هذا
(الككر)؟!:rolleyes::cool:


:):):)





ادين واشجب واستنكر بقوة
هذا الكلام
لاني لما قعدت في الككر
لم اختف (حذف حرف الياء عشان لم دي بتجزم ، والكلام دا للمترصدين وكدا)
البتة
وكل يوم انا قاعدة

فلذلك ياساحبتي
عدلي كلامك دا
وقولي (لمعظم) ، ثمح! ):

[نزار احمد كوارتي]

ادين واشجب واستنكر بقوة
هذا الكلام
لاني لما قعدت في الككر
لم اختف (حذف حرف الباء عشان لم دي بتجزم ، والكلام دا للمترصدين وكدا)
البتة
وكل يوم انا قاعدة

فلذلك ياساحبتي
عدلي كلامك دا
وقولي (لمعظم) ، ثمح! ):



عايني يا بت جيرانا

سريع سريع إنتي قاصده ياتو حرف باء وللّا ياء

سريع قلت ليك قبال المترصدين ما يجو

[بنت الرفاعي]

عايني يا بت جيرانا

سريع سريع إنتي قاصده ياتو حرف باء وللّا ياء

سريع قلت ليك قبال المترصدين ما يجو



:rolleyes:
:D :D :D
:):)
:cool:

[بنت الرفاعي]

ادين واشجب واستنكر بقوة
هذا الكلام
لاني لما قعدت في الككر
لم اختف (حذف حرف الباء عشان لم دي بتجزم ، والكلام دا للمترصدين وكدا)
البتة
وكل يوم انا قاعدة

فلذلك ياساحبتي
عدلي كلامك دا
وقولي (لمعظم) ، ثمح! ):




:rolleyes:
:D :D :D
يا صاحبتي أحسن تخليها على الإختفاء بس
من ما نقول عملتِ شنو في نهاية الككر.:rolleyes:;):cool:


:):):)

[بنت الرفاعي]

:):):)

:):):)

مرحب بك في الككر.:)
-------------
إن شاء الله البركة فيكم،
وربنا يرحمه.







اها وتانى .... انحنا ناقصين وليع نيران يا بت يا مرام !



:D :D :D

معقولة أولع نيران؟!:confused::(،
لكن

برضو مُمكن:cool:،



:rolleyes:
فكرة صح؟!:rolleyes::cool:



:):):)

[بنت الرفاعي]

هَسي فِي دَاعِي تَهرْجِيْنا كِدّا يَعْنِي -


وتَكْشْفِى الْسِّر :cool::p





:D :D :D
براك كشفتِ سرك،
نحن بس
نقرأ;)!:rolleyes::cool:

:):):)

[بنت الرفاعي]

خليك بس وراهو لحد ما تلقي السبب ووريني بعدين -

عشان نشوف لينا حل



عايني بالجد انت ليه لمن الواحد يقتبس مشاركتك بتكون كتيرة كدا ومليانة حروف ;):cool:






:):):)

ما عندك أي مُشكلة،
للدرجة دي؟!
طيب لو سمحتِ كيف بتقتبسي المُشاركات (علشان أوضح لك لاحقاً إن شاء الله)؟!:confused:




:):):)

[بنت الرفاعي]

دي الخُلعة يا دكتورة



الواحد تلقيهو بيتحاوم في النفاج زي العجب
مِن يقولو ليهو ( ووووووووه ) .. الككر

بعدِّي ليهو يومين يصلِّح في هدومو و يسرِّح في شعرو






:D :D :D
والظاهر بعد ده كلو برضو
بيتأخر في طباعة السيرة الذاتية،
ويتأكد من تاريخ الميلاد،
علشان ما تجي ناقصة،
وبرضو بتجي ناقصة.:rolleyes::cool:


:):):)

[مايسة]

هههههه هههه هههههه

الله يجازي محنك يامودي

**** *** ***

مبروووك الابتسامة


كويس - :p:cool::p

[مايسة]

:rolleyes:
:D :D :D
يا صاحبتي أحسن تخليها على الإختفاء بس
من ما نقول عملتِ شنو في نهاية الككر.:rolleyes:;):cool:


:):):)








عملت شنو عشان نعيدو ليها :cool:

[مايسة]

:):):)

ما عندك أي مُشكلة،
للدرجة دي؟!
طيب لو سمحتِ كيف بتقتبسي المُشاركات (علشان أوضح لك لاحقاً إن شاء الله)؟!:confused:


:):):)






بقتبسه كدا



:):):)

ما عندك أي مُشكلة،
للدرجة دي؟!
طيب لو سمحتِ كيف بتقتبسي المُشاركات (علشان أوضح لك لاحقاً إن شاء الله)؟!:confused:


:):):)





غايتو الا اطبع ليك الحروف - ههههههه
المشكلة بس لانو المشاركة بكون فيها كم لون ووشوش وعلامات استفهام وتعجب وكدا

لكن ما مشكلة يا ستي - حقك علينا - :p

[مايسة]

ود سمير - كيفنك -

اها - سعال من طرف الدولاب كدا - لك الحرية في الإجابة عليه أو لا -

لاحظت بأن العام به الكثير من المواضيع السياسية -
بالذات في الفترة الأخيرة -

والمنتدى السياسي - أصبح كأن لا وجود له -

ما تفسيرك لهذا -

[مدنيّة]

ود سمير - كيفنك -

اها - سعال من طرف الدولاب كدا - لك الحرية في الإجابة عليه أو لا -

لاحظت بأن العام به الكثير من المواضيع السياسية -
بالذات في الفترة الأخيرة -

والمنتدى السياسي - أصبح كأن لا وجود له -

ما تفسيرك لهذا -

هو دا ككر
ولا مجلس محاسبة ياانتي!
هههههههههههههههههه

[مدنيّة]

بالمناسبة
عشان الاختساس وكدا
ذكروني
الككر دا
القاعد فيه منو!!
ههههههههههههههههه

[مدنيّة]

عملت شنو عشان نعيدو ليها :cool:

وحاة الله
كنت صنديدة
لابعد ما تتصوري


--------
شنو يامرام
مش اسحاب احنا ولا غيرتي رايك!
ههههههههههههههههه

[مدنيّة]

عايني يا بت جيرانا

سريع سريع إنتي قاصده ياتو حرف باء وللّا ياء

سريع قلت ليك قبال المترصدين ما يجو

شنو يانزار ياخ
تقتبس مشاركتي
وتعدل فيها
وتخت فيها باء ما موجودة
سلامة النظر ياخ!


--------
دا حالتو جواز سفر عمل فيك كدا
لما يكون عندك ان شاء الله خمسة اولاد
ح تكورك بالشارع ولاشنو!

[مايسة]

هو دا ككر
ولا مجلس محاسبة ياانتي!
هههههههههههههههههه



خليك محضر خير ولا بنعيدو :o;)

[مايسة]

بالمناسبة
عشان الاختساس وكدا
ذكروني
الككر دا
القاعد فيه منو!!
ههههههههههههههههه


انت مشترك :cool:

[مدنيّة]

خليك محضر خير ولا بنعيدو :o;)

ياخ انا الخير زاتو
وما ود سمير دا
ان شاء الله تحولي اوراقه للمفتي

اها تاني شنو!

[مايسة]

ياخ انا الخير زاتو
وما ود سمير دا
ان شاء الله تحولي اوراقه للمفتي

اها تاني شنو!


ههههههههههههه
غايتو جنس جرس -

عايني المرة الجاية بخت ليك وسادات للضهر -
لانو الككر ما فيهو ضهرية

وبعدين حددي ياتو مفتي - مفتي الديار المصرية ولا السعودية :p

[مدنيّة]

وبعدين حددي ياتو مفتي - مفتي الديار المصرية ولا السعودية :p

ياخ والله ود سمير دا
زول متعاون
مااظنه يقيف في موضوع جنسية المفتي ):

[مدنيّة]

ههههههههههههه
غايتو جنس جرس -

عايني المرة الجاية بخت ليك وسادات للضهر -
لانو الككر ما فيهو ضهرية



خلا ثمح
بث لو سمحتي
لما تمشي تجيبي الوسائد
كلميني
عشان امشي معك
اختار بذوقي وكدا

[mahagoub]

الزول ده لى هسع ما قفل دكان الكوارع
جيب الباقى معاك وبنحاسبك عليه
بس الككر ده ما لهلب
مايسة ومدنيه بتناقرن تقول قاعدات فى الككر

[مايسة]

ياخ والله ود سمير دا
زول متعاون
مااظنه يقيف في موضوع جنسية المفتي ):



ايوا بتدافعي عنو - مش بعتيهو هسي للمفتي ;)


خلا ثمح
بث لو سمحتي
لما تمشي تجيبي الوسائد
كلميني
عشان امشي معك
اختار بذوقي وكدا


البنزين عليك -
وبعدين ما تخليك إنصرافيه ياخ - (بس عاجباني وعايزة اختها هنا );)

وشابكانا ليك في أي بوست بجي وبجي
عاملة زي مشرف العام التاني داك :p

[مايسة]

الزول ده لى هسع ما قفل دكان الكوارع
جيب الباقى معاك وبنحاسبك عليه
بس الككر ده ما لهلب
مايسة ومدنيه بتناقرن تقول قاعدات فى الككر


نعمل شنو لكن -
مشى وقال عدو لي -

نزار قال ليهو فتحته لينا لمن جيت الامارات -
قال ليهو انت الما سألته مني -
وعمل رااايح كلو كلو -

وساكي الكديسة والفيل الفي القزازة -
وريني نعمل شنو بث

[ودسمير]

حباب ودسمير اخوي
منور الككر اتمني لك اقامه طيبه
:cool::cool:
;);)







اهو ده الكلام البرد الروح ...

طيب ما لم بيقولوا عليك همسات نفسيات !! معليش القمم مستهدفه ..

اقامه طيبه دى فى طيبه الشيخ عبد الباقى ؟

[ودسمير]

ود سمير
الككر منور بيك والله


-------
البركة فيك في صاحبك

------
برجع ليك بروقة باذن الله


انا برضو مستنيك بى روقه وجنب الككر بخت ليك تبروقه ...

والبركه فى الجميع .. اختى

[ودسمير]

ادين واشجب واستنكر بقوة
هذا الكلام
لاني لما قعدت في الككر
لم اختف (حذف حرف الياء عشان لم دي بتجزم ، والكلام دا للمترصدين وكدا)
البتة
وكل يوم انا قاعدة

فلذلك ياساحبتي
عدلي كلامك دا
وقولي (لمعظم) ، ثمح! ):


والله يا مدنيه قلتى الروووب عديييل .....

هو الهلال العالمى ما غشاكم ؟

[ودسمير]

عايني يا بت جيرانا

سريع سريع إنتي قاصده ياتو حرف باء وللّا ياء

سريع قلت ليك قبال المترصدين ما يجو



شيخكم ينجدكم يا ناس ودكان .... المحايه عندكم بى كم ؟

[ودسمير]

:rolleyes:
:D :D :D
يا صاحبتي أحسن تخليها على الإختفاء بس
من ما نقول عملتِ شنو في نهاية الككر.:rolleyes:;):cool:


:):):)








عملت شنو المريخابيه الحاقده دى ؟ سريع وسرك فى بييييير

[ودسمير]

ود سمير - كيفنك -

اها - سعال من طرف الدولاب كدا - لك الحرية في الإجابة عليه أو لا -

لاحظت بأن العام به الكثير من المواضيع السياسية -
بالذات في الفترة الأخيرة -

والمنتدى السياسي - أصبح كأن لا وجود له -

ما تفسيرك لهذا -


اصلوا المجهول ده ح يودينا المجهول !!

انتو العرش الليبى صحى بقى رخيص ؟

[ودسمير]

هو دا ككر
ولا مجلس محاسبة ياانتي!
هههههههههههههههههه



ويــــا انتـــــــــــى وين من زماااان كنتــــــــــــــى ؟!!

[ودسمير]

ياخ انا الخير زاتو
وما ود سمير دا
ان شاء الله تحولي اوراقه للمفتي

اها تاني شنو!



مفتى محمد سعيد ........ هىهىهىهىهى ياكا ...

[مايسة]

اهو ده الكلام البرد الروح ...

طيب ما لم بيقولوا عليك همسات نفسيات !! معليش القمم مستهدفه ..

اقامه طيبه دى فى طيبه الشيخ عبد الباقى ؟


وإحنا كنا أولاد البطة السودا صح
:rolleyes::eek::cool:

[مايسة]

اصلوا المجهول ده ح يودينا المجهول !!

انتو العرش الليبى صحى بقى رخيص ؟


انت مالك زي الواقف في صف لحمة -
براحة براحة كدي

عشان على الاقل نفهم -

هسي كلامك دا معناتو الجندي هو السبب :cool::confused:

[ودسمير]

الزول ده لى هسع ما قفل دكان الكوارع
جيب الباقى معاك وبنحاسبك عليه
بس الككر ده ما لهلب
مايسة ومدنيه بتناقرن تقول قاعدات فى الككر

يا ولدى نقفل كيف !! انحنا عملنا فروع ..

وعليك الله خليهن يتناقرن ... اصلو حريم وماعندهن موضوع !

[ودسمير]

ايوا بتدافعي عنو - مش بعتيهو هسي للمفتي ;)




البنزين عليك -
وبعدين ما تخليك إنصرافيه ياخ - (بس عاجباني وعايزة اختها هنا );)

وشابكانا ليك في أي بوست بجي وبجي
عاملة زي مشرف العام التاني داك :p


بنزين ....

انصرافيه ...

التانى داك ...


يا بت اخير تربى عيالك

ختى كلامى ده فى بالك

قال سياسه قال !! زمــــــــــــــــــــن يـــــــــــــــــا ...

[ودسمير]

نعمل شنو لكن -
مشى وقال عدو لي -

نزار قال ليهو فتحته لينا لمن جيت الامارات -
قال ليهو انت الما سألته مني -
وعمل رااايح كلو كلو -

وساكي الكديسة والفيل الفي القزازة -
وريني نعمل شنو بث


والله يا مايسه .. يوم الاستضافه كنت حزين على صاحبى المتوفى .. اليوم السبت سافرت من مدنى 5 ونص صباحا الى الخرطوم ثم العسيلات للعزاء ...

وجيت قبل ساعه تقريبا الى مدنى ...

على فكره ( بث ) خلاص

[ودسمير]

انت مالك زي الواقف في صف لحمة -
براحة براحة كدي

عشان على الاقل نفهم -

هسي كلامك دا معناتو الجندي هو السبب :cool::confused:



هىىىىىىىىىىىىىى يا بت ( انقرعى )..

[ودسمير]

وإحنا كنا أولاد البطة السودا صح
:rolleyes::eek::cool:



وحتى لو اولاد البطه السودا ...... اكيد البيض ابيض .... وانت يا الابيض ضميرك ....

[بحيرى]

يا سلام ....
ودسمير .... حبيبنا ...
ملك الكوارع ... والباسم ....
والله قعدتنا محضوره ....
شد حيلك يا ......
وركز على الليمون .... وبالغ فى ريدو .... النشوفوا بتعزز امشى وين ....

[مايسة]

هىىىىىىىىىىىىىى يا بت ( انقرعى )..


يا حليلك غايتو -
وكان ما انقرعته - بطريقتك دي بنجيب ليك أسئلة تعسفية مرة واحدة :cool:

[مايسة]

يا سلام ....
ودسمير .... حبيبنا ...
ملك الكوارع ... والباسم ....
والله قعدتنا محضوره ....
شد حيلك يا ......
وركز على الليمون .... وبالغ فى ريدو .... النشوفوا بتعزز امشى وين ....


حمد لله على السلامة -
بركة الليمون - اقصد ود سمير الجابك

[ودسمير]

يا حليلك غايتو -
وكان ما انقرعته - بطريقتك دي بنجيب ليك أسئلة تعسفية مرة واحدة :cool:


انت بس امرقى والتعسفيه تعالى شايلاها فى قفه .... ونشوف يا مايسه الدايشه ..

انتى الككر ده الملك بتاعو انتايه ولا ضكر ؟!

[ودسمير]

يا سلام ....
ودسمير .... حبيبنا ...
ملك الكوارع ... والباسم ....
والله قعدتنا محضوره ....
شد حيلك يا ......
وركز على الليمون .... وبالغ فى ريدو .... النشوفوا بتعزز امشى وين ....



مراحب يا ناس الدمازين وقالو الخلعه راحت !!

حيلى انا شاديهو من زمااان ...

وح نرسل ليك ليمون sms

,وخليك قريب واوعا من القريقريب

[بحيرى]

حمد لله على السلامة -
بركة الليمون - اقصد ود سمير الجابك


ابداً والله جيت برقشه ....
ودسمير قال ما بوصل ليهو راجل .... الا حريم يث ...

[بحيرى]

مراحب يا ناس الدمازين وقالو الخلعه راحت !!

حيلى انا شاديهو من زمااان ...

وح نرسل ليك ليمون sms

,وخليك قريب واوعا من القريقريب


الحبيب ...
والله كانت ايام عصيبه ...
انا لى هسه بفرشوا لى السرير بنوم تحتو .....
تقول لى ليمون ... ده بلى عديل كده ....!!!

[ودسمير]

ابداً والله جيت برقشه ....
ودسمير قال ما بوصل ليهو راجل .... الا حريم يث ...



واقول ليك حاجه .....

حريم ذاتو ما بنوصل ..

والعندو رأى يجينا مارق ..

[عاطف عولي]

عولى ده اشفت جزار ما يطلع منو ربع كيلو ...

وتقولى شنو وتقولى منو !!
كويس بنتلاقي في بوست ضيق

وبعدين أبوي الله يرحمو جزار معاش ( يعني بالعربي الفصيح جراح بيطري) كيييييييييييييييييه ليك وبلاقيك

[مايسة]

وفي الإنتظار -

يا ود سمير

---------------

ما رائك في المنتدى عامة -
------------------
واذا أصبحت رئيس دولة السودان ماذا ستفعل -

[ودسمير]

وفي الإنتظار -

يا ود سمير

---------------

ما رائك في المنتدى عامة -
------------------
واذا أصبحت رئيس دولة السودان ماذا ستفعل -


المنتدى بالنسبه لى ..... صديق لا أحتمل فراقه




واذا اتيحت لى الفرصه لكى اكون الريس للسودان ..

اولا ارجاع مشروع الجزيره وتكريم اى مزارع رفع طوريه فى يوما ما وتقديم اعتزار له امام كل الشعب السودانى ..

ثانيا ارجاع المرحله المتوسط وانقاذ ما يمكن انقاذه فى التعليم ..


ثالثا يعود الريال الكافى واللبن الصافى والدواء الشافى ...

المطلوب فعله كثييييييير لانو الاتخرب كتييييير !!

و يا مايسه ...دنا غلبااااااااااااااااااااااااااااان !!

[همسات]

اهو ده الكلام البرد الروح ...


سمح انت هلالابي ولا مريخابي ؟:cool:;)


طيب ما لم بيقولوا عليك همسات نفسيات !! معليش القمم مستهدفه ..


لانهم كلهم كانو نزلا عندي في العياده النفسيه حقتي ;);););)
سمح في السودان تحديدا اذدادت وبصوره ملحوظه ذياده نسبه
الحالات النفسيه المعقده خارج المستشفيات نعلم الاسباب
ونعلم علاجها في المجال الطبي ولكن في رأيك للتخفيف من هذه الحالات
مادور الدوله والمجتمع في ذلك ؟ ;);)




اقامه طيبه دى فى طيبه الشيخ عبد الباقى ؟

لا في طيبة شيخ باكورد ;);)
سمح طريقه صوفيه تشعر بالميول اليها ؟






تحياتي واحترامي

[مايسة]

و يا مايسه ...دنا غلبااااااااااااااااااااااااااااان !!


صراحة الناس ما شاده حيلة معاك -
ناس المشاكل كلهم باعدين - خوفتهم شكلك -

اعترف عملته ليهم شنو - وما سألوك -
عشان انت مشرف يعني ولا شنو

همسات: سيرى والشعب وراك :cool::p

[نزار احمد كوارتي]

ود سمير

حصل مشيت قطعت قرض نصاره من المسكيت بتاع التلفزيون؟؟؟

حصل الغفير سكاك؟؟؟ وقمت جاري؟؟؟

إنداح لينا عن زكرياتك مع سوق بانت الكلو كلاب داك.

حصل أخدته كم بُنيه وإنت بتدافر في صف العيش في فرن بانت؟؟؟

أحكي لينا عن حاجات زي دي كده عليك الله لمن أمشي وأجيك راجع

[أحمد عمر ( MOODY )]

عملت شنو عشان نعيدو ليها :cool:


عيدي ليها العزومة أول
الوش بتاع الشِبَكْ دااااااااااك

[أحمد عمر ( MOODY )]

ود سمير يا اخوي .. بي طريقتك دي
ما بناخد منك لا حق و لا باطل

لكن بالعديل كده .. نرجع بيك لي أيام الهند
أصلو ناس الهند .. قالوا الواحد لازم مشروع التخرّج بتاعو معاهو حلّة
يعني طبخة محترمة ما نظام القطر قام و العدس

أها من الأخر كده .. علاقتك شنو بالمطبخ و شغل البيت
ولّلا بس قاعد زي الكديسة تاكل و تقش في خشمك

[همسات]

همسات: سيرى والشعب وراك :cool::p




علـم وسيـنـفــذ
:cool::cool::cool:
;););)
;););)

[ودسمير]

ود سمير

حصل مشيت قطعت قرض نصاره من المسكيت بتاع التلفزيون؟؟؟

حصل الغفير سكاك؟؟؟ وقمت جاري؟؟؟

إنداح لينا عن زكرياتك مع سوق بانت الكلو كلاب داك.

حصل أخدته كم بُنيه وإنت بتدافر في صف العيش في فرن بانت؟؟؟

أحكي لينا عن حاجات زي دي كده عليك الله لمن أمشي وأجيك راجع



قرض النصاره مع انى اقرب زول للتلفزيون ما مشيت كتير وبيتنا كان اقرب من بيت الغفير يعنى ما فى طريقه يحصلنى ....

اما الكلاب ... زمااان ناس ريحان ( امام مدرسة السيد الحسن ) كان عندهم كلب خطير وجد كنت ( باهرش منه ) خاصة عندما اذهب لدكان أبوى سمير الترزى ، فقمت بتغيير الطريق الى زقاق دكان محمد يوسف ( الله يرحمه ) وهو والد العضو ضياء الدين محمد يوسف .

فرن بانت كانو اصحابنا عشان مكان شغل الوالد فى سوق بانت لاكثر من 40 سنه يعنى العيش مضمون ...

والاشياء الجميله الفطور بى سندوتش طحنيه وقزازه بيسبسى من دكان عمك دفع الله .. ويا حليل عيش وبيبسى زماااان ..

وقول للزمان ارجع يا زمان

[ودسمير]

ود سمير يا اخوي .. بي طريقتك دي
ما بناخد منك لا حق و لا باطل

لكن بالعديل كده .. نرجع بيك لي أيام الهند
أصلو ناس الهند .. قالوا الواحد لازم مشروع التخرّج بتاعو معاهو حلّة
يعني طبخة محترمة ما نظام القطر قام و العدس

أها من الأخر كده .. علاقتك شنو بالمطبخ و شغل البيت
ولّلا بس قاعد زي الكديسة تاكل و تقش في خشمك

والله جد ضحكتنى لانى تزكرت موقف فى المطبخ نجوت منه باعجوبه من بطش الزملاء !!

لم يكن لدينا فى ذالك اليوم الا عدس ودقيق بس ! وكان اليوم على انا ، فوضعت العدس فى حلة البريستو وجهزت العجين لعمل قراصه للعدس ..

المهم بعد كم صفيره من الحله قلت يا ولد يا معتز : العيش اصله دقيق والكسره اصلها دقيق والقراص كمان أصلها دقيق ، فقمت بفتح الحله وعلى طول كبيت العجين والله كبيت العجين على اساس يستوى مع العدس وتكون وجبه لم يسبقنى عليها أحد !!
المهم الموضوع طول شديد فى النار والشباب شعرو بان شئيا مريبا يحدث ! وبعد دقائق شمو ريحة حريقه وقمنا بفتح الحله بعد جهد جهيد ولم نجد لا العدس والا العجين فقط فحم فحم !!

والجاى أغرب وانتظرونى

[ودسمير]

ود سمير يا اخوي .. بي طريقتك دي
ما بناخد منك لا حق و لا باطل

لكن بالعديل كده .. نرجع بيك لي أيام الهند
أصلو ناس الهند .. قالوا الواحد لازم مشروع التخرّج بتاعو معاهو حلّة
يعني طبخة محترمة ما نظام القطر قام و العدس

أها من الأخر كده .. علاقتك شنو بالمطبخ و شغل البيت
ولّلا بس قاعد زي الكديسة تاكل و تقش في خشمك




اخوك معلم فى سلطة الاسود ...

وأكل الباسطه ..

[ود المطامير]

الحبيب ود سمير
متابعين بكل المتعه

الحبيب
رأيك شنو فى قسم بحجم النفاج
ومشرفيه غياب على الطوووول ؟
;););)

[ودسمير]

الحبيب ود سمير
متابعين بكل المتعه

الحبيب
رأيك شنو فى قسم بحجم النفاج
ومشرفيه غياب على الطوووول ؟
;););)



الله يستر ما يكونوا فى القسم الجنوبى !!

غايتو فى القسم الجنوبى انحنا قريبين والعامود جاهز بالغداء ...

ولو داقين طناش من النفاج ........... عيب والله عيب



ورائك شنو نديهم فرصه اخيره للعوده الطوعيه ، ولو ما فى استجابه




الحل الوحيد ....







انا من زماااان داير لى محل جنب محل الكوارعه اعمل فيهو ...
















































أقاشى

[عاطف عولي]

الحبيب ود سمير
متابعين بكل المتعه

الحبيب
رأيك شنو فى قسم بحجم النفاج
ومشرفيه غياب على الطوووول ؟
;););)
قمة الديمقراطية حكومة وتاركه الشعب براحتوا علي الآخر
اما والله كلام ناس ما تجي الا بي الدكت مسافرية والدكت مدناوية

ودسمير تطانشني مرتين في ككرك دا أنشاء تطانشك المدام فطور وعشا وكمان غدا لمدة أسبوع.

وغلتان أنا وتاني كنت شفتني حايم بي هني قول هع

وهو أنت بتشوفنا مادام البلوم بالكوم

غايتوا جنس غايتوا

[نزار احمد كوارتي]

قرض النصاره مع انى اقرب زول للتلفزيون ما مشيت كتير وبيتنا كان اقرب من بيت الغفير يعنى ما فى طريقه يحصلنى ....


ههههههههههههه ناس البيت كان بشاكلوك ولا شنو؟؟؟ غايتو جنس حنكشه..... ياخ نحن القرض ده كنا بنجي ليه مهاجرين وبي خطط أبوعبيده الجراح وخالد بن الوليد ما فكرو فيها... خلينا ليك الغفير قرب يقدم إستقالتو..

بي مناسبة ناس البيت كانو بشاكلوك دي أحكي ليك حاجه..عندي فردتي كده لايوق لياقه شديده وجعلي من أمو, إسمو معاذ مضوي إحتمال كبير تكون بتعرفو لأنهم رحلو قريب منكم جيران ناس النقيب, وطبعاَأخوك كان ابو الدقيق وحماقه جد!! اها يوم بالليل الساعه يمكن ميه ونص, قاعدين انا وهو قدام بيتنا وفي صوت حفله شغاله الهوا يجيبها ويوديها.. وهو عارفني انا كرهتي في الدنيا الحفلات. وهو زاتو ما كان عندو بيها علاقه, قام قال لي ورحكاك الحفله دي!! قلت ليه ياتو يوم نحن قعد نمشي حفلات؟ قال لي قول إنت خايف تلقي ناس البيت سدو الباب! طبعاً نظام إستفزاز وكده.. قلت ليو ده يمكن القعد يسووه ليك ناس بيتكم. المهم إتلايقك إتلايقك الكك رِكِبني ليك قلت ليه أقول ليك حاجه؟ قوم هسي ورحكاك أيي مكان يجي في راسك الكبير ده والما راجل يقول لي أخوه أرجعاكا...
الجعلي مااااااا عوير فِنتِرِب قام وقف علي حيلو. عليك أمان الله انا مسكت غنية عم عبد الرحيم كانت طالعه في الكفر وهو طبعاً جنو عثمان حسين ماخلي ليه كلمه لي ابازرعه, وماشين وماشين تعرف أول كلمه واحد قاله للتاني كانت وين؟؟؟ والله العظيم غادي لي حنتوب, قال لي علي وين إنشاءالله؟ قلت ليه الدمازين.. قال لي لكن يا وهم الدمازين ما بي جاي... قلت ليو الليله أنحنا نمشيها بي جاي.. قام قعد يضحك وقعدنا في الواطه في نص الخلا في نص الليل إتونسنا شويه ورجعنا.




اما الكلاب ... زمااان ناس ريحان ( امام مدرسة السيد الحسن ) كان عندهم كلب خطير وجد كنت ( باهرش منه ) خاصة عندما اذهب لدكان أبوى سمير الترزى ، فقمت بتغيير الطريق الى زقاق دكان محمد يوسف ( الله يرحمه ) وهو والد العضو ضياء الدين محمد يوسف .





يا سلاااااااام ياخ بالمناسبه دي وين التيمان عليك الله؟ الناس ديل من رحلو من بيتم ده تاني يوم بالصدفه قابلتهم في جامعة النيلين وكانو مستعجلين... تعرف إنت كنت بتخاف من كلبهم لكن انا كنت غير خوفي من كلبهم, بخاف من واحد فيهم يقع ضدي في الفايتنق بتاع الكاراتيه في نادي الزهره.

[مايسة]

عمو ود سمير -

شنو الحكاية -

ما تجي تخلصنا من السيرة الذاتية دي :cool::p

[ودسمير]

عمو ود سمير -

شنو الحكاية -

ما تجي تخلصنا من السيرة الذاتية دي :cool::p



يا دى السيره الذاتيه .... انشاء الله عندك لى عروس تكون عندها عماره من طابقين بس ( شوفى التواضع ) وتكون اقل من 25 سنه والشعر الغجرى يسافر فى كل الدنيا ...


اها وصلنا وين ...

خريج الهند اداب لغه انجليزيه ... اشتغلت معلم انجليزى شويه كده ثم السعوديه شغل ادارى فى احدى شركات احواض السباحه ..

ثم العوده لى السودان بعد ان حلفت القسم ثلاث مرات انى ما ح اعمل فى السعوديه تانى !!

العمل فى الخرطوم فى احدى شركات المقاولات لمدة سنتين ...

حاليا الاستقرار بود مدنى والامور مجهجه بس ما ح اطلع تانى حتى لو راس البيت !


أب ل سمير و ساره ...


عندى النيه ل .....








مالو مش حلال ...

[ودسمير]

قمة الديمقراطية حكومة وتاركه الشعب براحتوا علي الآخر
اما والله كلام ناس ما تجي الا بي الدكت مسافرية والدكت مدناوية

ودسمير تطانشني مرتين في ككرك دا أنشاء تطانشك المدام فطور وعشا وكمان غدا لمدة أسبوع.

وغلتان أنا وتاني كنت شفتني حايم بي هني قول هع

وهو أنت بتشوفنا مادام البلوم بالكوم

غايتوا جنس غايتوا





انا لو بعرف الطناش كان فلحت ...


اما الفطور والغدا والعشاء فالحاجه أم ودسمير ما مقصره الله يديها العافيه وحسى متعشى بى رز بى لبن واتغديت بى .... ولا بلاش خائف تقول انا من الجماعه اياهم !!

[مايسة]

ودسمير تطانشني مرتين في ككرك دا أنشاء تطانشك المدام فطور وعشا وكمان غدا لمدة أسبوع.

وغلتان أنا وتاني كنت شفتني حايم بي هني قول هع




هع هع هع
ما تعمل دي سبب ياخ ولا شنو
هع هع هع :rolleyes::confused:

[مايسة]

أب ل سمير و ساره ...


عندى النيه ل .....


مالو مش حلال ...


حلال وبالفاتحة كمان -

هسي ناقص الاسم بس عشان نكمل العقد :cool:
------------
وبقولو ليك ود سمير ليه - اذا كان ولدك اسمو سمير :o

[ريمون]

حلال وبالفاتحة كمان -

هسي ناقص الاسم بس عشان نكمل العقد :cool:
------------
وبقولو ليك ود سمير ليه - اذا كان ولدك اسمو سمير :o


السؤال محول لي موبي ..
او مودي مشاكل ..
:p:p:p

[ودسمير]

حلال وبالفاتحة كمان -

هسي ناقص الاسم بس عشان نكمل العقد :cool:
------------
وبقولو ليك ود سمير ليه - اذا كان ولدك اسمو سمير :o




دائما ناس وليع النيران راسهم بكون كابس ....

انا ولدى اسمو سمير وابوى كمان اسمو سمير .... ما دائره ليها شطاره .... فكلنا ( اسمر يا سماره يا ابو دم خفيف ) ...

[ودسمير]

السؤال محول لي موبي ..
او مودي مشاكل ..
:p:p:p





موبى الثوره ............ (ههههىىى يا كا ).......

[ودسمير]

كدى خلونى أسال نفسى ( سوالات كتيرات واجاوب عليها برااااى ) .... بس انتو طلعو معاى الككر وختوهو بره تحت الشجر !


انت يا ود سمير منو العرفك بالمنتدى ولا جيت رائح ؟

ود عمى م يوسف صالح ( ابو خالد ) ما قصر فتح الباب ( والدخله الياها ) وتانى ما فى طلعه حتى لو بالطبل البلدى .... شوفو ابو ( اللصيق ) ده !!


طيب يا ود سمير سؤال تانى :


انت لى بوستات ( الجكس ) دائما محضوره ذى ( حولية شاطوط ) والرجال ( ابان شنبات ) بوستاتهم ذى الدراما السودانيه ( الردود عليها ) ناشف نشاف الترب ؟!!



والله يا ود سمير سؤالك ده من بيت ( الكوارع ) ولا ( الكلاوى ) ...


بصراحه السودانيين ديل من زمااان بكائين !! من زمن الخليفه عبد الله التعايشى .. الخليفه جن ورسل لى فكتوريا وقال ليها لو رضيت ودخلت الاسلام زوجناكى يونس الدكيم !! والظاهر تحت تحت الخليفه كان قافل عليها ودايرها تجى السودان وبعد داك ( يفور ) الدكيم !!

يعنى الجكس ده من زماان ( مجهجهنا ) .... حتى الرحلات لو ما كانت ( مطعمه ) مابنمشى !!

طيب سؤال اخير شان الناس ما تزهج ...


انت مطاميرو ده صورتو دى اصورها فى الشرفه ؟

ما ظنيت ... لانى شوفته من زمااان حائم جنب استوديو الساعه ...

بس خلااااااص

[آلاء عبد الرحمن]

ههههههه
قلته تتكلم براك والله دي ماصبقك عليها زول

[آلاء عبد الرحمن]

انت كركرك ده جريت ليو سبحة وله شنو
الناس وين؟؟؟؟

[ودسمير]

ههههههه
قلته تتكلم براك والله دي ماصبقك عليها زول


بس لسه ما جنيت ....

[آلاء عبد الرحمن]

بس لسه ما جنيت ....

عليك الله
:)

[أحمد عمر ( MOODY )]

حلال وبالفاتحة كمان -

هسي ناقص الاسم بس عشان نكمل العقد :cool:
------------
وبقولو ليك ود سمير ليه - اذا كان ولدك اسمو سمير :o


السؤال محول لي موبي ..
او مودي مشاكل ..
:p:p:p



عشان ولدو .. مسمّيهو علي أبوهو
( الضمير راجع لي معتز سمير )

يعني يا حمّوري .. الولد مسمِّنو علي جِدّو

غايتو لكن .. جنس غايتو
هسه كده كويس .. تشمّتي فينا المحليين
;):p;):p;)

[أحمد عمر ( MOODY )]

موبى الثوره ............ (ههههىىى يا كا ).......


الثورة بالشنقيتي .. هيييييييي يكا

[ودسمير]

عشان ولدو .. مسمّيهو علي أبوهو
( الضمير راجع لي معتز سمير )

يعني يا حمّوري .. الولد مسمِّنو علي جِدّو

غايتو لكن .. جنس غايتو
هسه كده كويس .. تشمّتي فينا المحليين
;):p;):p;)




والله يا مودى انحنا لو بنحب الشماته ... ولبس الجزمه الباتا .... كان القلناهو كتيييير .. بس انتو اخوانا ومايسه دى بالذات ليها معزه لانها بتجيب الكتاحه وما بتخلى الناس فى راحه ...

والحمد لله انت شرحت ليها قصة الاب والولد والجد .... وقالو زماااان الفهم قسم !

وجمعه مباركه

[بنت الرفاعي]

:):):)




قلنا نسألك أسئلة بسيطة قبل ما الورق حق الكُرسي يكمل
وما نلحق نسأل زي كرسي ناس أصحابنا:rolleyes::cool:
فـَـ لو سمحت أجب عن التالي: :)



ماذا تعني لك الطفولة،
وما أجمل مرحلة مررت بها إلى الآن ولماذا؟!


ماذا تعني لك الحياة؟!
وهل ترى أنك حققت الكثير من طموحاتك وأحلامك؟!


لماذا كثيراً ما نرى تحاملك على النساء حتى ليظن من يقرأ لك
(إن لم يكن يعرفك) أنك تكن الكره والعداوة لهن؟!!!!:confused::(


ما هي الطريقة المُثلى في تربية الأبناء؟!




مع كل الشُكر والتقدير.



:):):)

[ودسمير]

:):):)




قلنا نسألك أسئلة بسيطة قبل ما الورق حق الكُرسي يكمل
وما نلحق نسأل زي كرسي ناس أصحابنا:rolleyes::cool:
فـَـ لو سمحت أجب عن التالي: :)



ماذا تعني لك الطفولة،
وما أجمل مرحلة مررت بها إلى الآن ولماذا؟!


ماذا تعني لك الحياة؟!
وهل ترى أنك حققت الكثير من طموحاتك وأحلامك؟!


لماذا كثيراً ما نرى تحاملك على النساء حتى ليظن من يقرأ لك
(إن لم يكن يعرفك) أنك تكن الكره والعداوة لهن؟!!!!:confused::(


ما هي الطريقة المُثلى في تربية الأبناء؟!




مع كل الشُكر والتقدير.



:):):)





ليك التحايا اختى مرام ....

اتمنى لو عدت طفلا ... فالطفوله هى النقاء ..

مرحلة الدراسة فى المتوسطه من اجمل المراحل فالصداقات بدأت من عندها والاعتماد على النفس ..

ايضا المرحلة الجامعيه لانها كانت فى بلاد الغربه وما اداركم ما الغربه ...


آه من الطموحات ... فمع انى قد طرقت العقد الرابع من العمر الا اننى لم احقق الكثير من طموحاتى ولكنى ماذا لدى الامل لو فى العمر بقيه ..


بالعكس انا احب النساء جدا جدا جدا .. لكنى ضد المراة التى تدرس خارج مدينتها والمراة العامله وهذا ما سبب لى كثير من المشاكل مع الجنس اللطيف .


نحن الان نمر بزمن صعب جدا بما يخص تربية الابناء فالعولمه وظروف الحياة القاسيه وضعف المناهج التعليميه وخروج المراة للعمل جعلت التربيه تشق علينا ..

الطريقه المثلى فى نظرى للتربيه هى الشفافيه ومعاملة الابناء والبنات سواسية حتى لا تنشأ نار الغيره وقبل ذلك التاسى برسولنا الكريم فى التربيه بدا بالصلاة فى سن سبعه سنوات والباقى هين باذنه تعالى ...

[آلاء عبد الرحمن]

انت اكان سالتك انت اتجاه واحدة وله شنو

[ودسمير]

انت اكان سالتك انت اتجاه واحدة وله شنو




ابدا بس حسب الحركه ...

[أحمد عمر ( MOODY )]

انت اكان سالتك انت اتجاه واحدة وله شنو




لا شارع المحطة .. هيييييييييييييي يكا

[آلاء عبد الرحمن]

لا شارع المحطة .. هيييييييييييييي يكا

غايتو انت اقعد لي جنس ده

[ودسمير]

غايتو انت اقعد لي جنس ده


تعرفى يا الويه فى ناااس كتيرين ( كيسهم فاضى ) !!

[آلاء عبد الرحمن]

تعرفى يا الويه فى ناااس كتيرين ( كيسهم فاضى ) !!

ازاي يعني

[ودسمير]

ازاي يعني



فى داعى تحرجينا .... شارب شاى بى لبن !

[أحمد عمر ( MOODY )]

تعرفى يا الويه فى ناااس كتيرين ( كيسهم فاضى ) !!


فاضي .. ولّلا معشّق
هيييييييييييي يكا

[ودسمير]

فاضي .. ولّلا معشّق
هيييييييييييي يكا



والله صحى كيسك فاضى ( شكلك علقت )..

عشان كده النفاج شايفو الايام دى فى الدلاله ...!!

[مايسة]

والله يا مودى انحنا لو بنحب الشماته ... ولبس الجزمه الباتا .... كان القلناهو كتيييير .. بس انتو اخوانا ومايسه دى بالذات ليها معزه لانها بتجيب الكتاحه وما بتخلى الناس فى راحه ...

والحمد لله انت شرحت ليها قصة الاب والولد والجد .... وقالو زماااان الفهم قسم !

وجمعه مباركه


غايتو مودي بلفح سااي بث - وانت تميت الباقي -
صحي الفهم قسم - يعني ختيناها ليك عديل ما نفع بقينا حاوي برضو ما نفع -

قال اسم جدو قال - :mad:
------------------

انت مرام دي ليه يعني مكلفته كدا - اي سؤال من اسئلته دي براهو بملا صفحتين :rolleyes:

---------------------

وبعدين بصراحة اي اي متحامل على المرأة وكتير كمان -
عيب لي المرأة العاملة هسي ووريني رائك شنو بالضبط :cool::p

[ودسمير]

غايتو مودي بلفح سااي بث - وانت تميت الباقي -
صحي الفهم قسم - يعني ختيناها ليك عديل ما نفع بقينا حاوي برضو ما نفع -

قال اسم جدو قال - :mad:
------------------

انت مرام دي ليه يعني مكلفته كدا - اي سؤال من اسئلته دي براهو بملا صفحتين :rolleyes:

---------------------

وبعدين بصراحة اي اي متحامل على المرأة وكتير كمان -
عيب لي المرأة العاملة هسي ووريني رائك شنو بالضبط :cool::p





هى مرام دى اشتكت ليك وقالت ليك كلفتونى !! ( يا حليل المديده حرقتنى )..



انت دايره جنازه وتشبعى فيها لطم ... انا ضد المراة العامله وضد اى امراه تقيف ندا للرجل وضد اى امراة تركب طيارة وتسافر براااهااااا ... وبرضو النسوان ( البشقن صوتهن ) امام الرجال ديل

كمان عندى فوقهم راى وراى فوق راى ..

انا راى يا جماعه بسيط وفى صالح النسوان ... يقعدوا فى بيوتهن معززات مكرمات متحننات ... اما اذا دعت الضروره والضروره القصوى ان شاء الله يلعبن كوره ...

جننتونا .... خلاص امرقن للشغل واصرفوا على البيوت وجيبوا الكسره والملاح ... هى البلد خربانه من شويه !!!

[بنت الرفاعي]

------------------


انت مرام دي ليه يعني مكلفته كدا - اي سؤال من اسئلته دي براهو بملا صفحتين :rolleyes:


---------------------












شُفتي كيف يا صاحبتي.:rolleyes::cool:

:):):)

[ريمون]

عشان ولدو .. مسمّيهو علي أبوهو
( الضمير راجع لي معتز سمير )

يعني يا حمّوري .. الولد مسمِّنو علي جِدّو

غايتو لكن .. جنس غايتو
هسه كده كويس .. تشمّتي فينا المحليين
;):p;):p;)

قلت لي شنو .. المحليين ؟؟!!
اآآآآآ يكون قاصد كابيين فيهم سكر ..

[مايسة]

هى مرام دى اشتكت ليك وقالت ليك كلفتونى !! ( يا حليل المديده حرقتنى )..


يعني الا تتكلم ياخ :mad::cool:

انت دايره جنازه وتشبعى فيها لطم ... انا ضد المراة العامله وضد اى امراه تقيف ندا للرجل وضد اى امراة تركب طيارة وتسافر براااهااااا ... وبرضو النسوان ( البشقن صوتهن ) امام الرجال ديل

كمان عندى فوقهم راى وراى فوق راى ..

انا راى يا جماعه بسيط وفى صالح النسوان ... يقعدوا فى بيوتهن معززات مكرمات متحننات ... اما اذا دعت الضروره والضروره القصوى ان شاء الله يلعبن كوره ...

جننتونا .... خلاص امرقن للشغل واصرفوا على البيوت وجيبوا الكسره والملاح ... هى البلد خربانه من شويه !!!


كدي براحة براحة - ممكن بس تتوسع لينا بفهمك شوية شوية في التحتو خط أحمر دا -
كدي النوريك طيب - النساء العاملات يا سيدي الكريم فاتحات بيوت ومسئولات من أسر عديل - ويقمن بإعالتها كاملة -

اها يعني مثلا الواحدة تقعد في البيت تسوي شنو - وهل تقصد بكلامك المرأة المتزوجة أم الفتاة الشابة -
مع إنو الاثنين لا يوجد فرق في عملهن إذا كان لا يخل بأي شئ وعلى حسب التعاليم الاسلامية

سأتحدث لك عن السودان وعن الظروف الاقتصادية - هل انت معي بأن الوضع لا يسمح بأن يكون العائل شخص واحد فقط (الرجل) ويجب ان يتكاتف الكل على الاقل يقدرو يجيبو حق الحلة والعيش

- وعلى حسب كلامك يستحسن أن لا تتعب المرأة وان لا يقوم اهلها بتعليمها - ليه يعني المصاريف الذائدة دي كلها اذا كانت في النهاية حا تمشي لبيت راجلها ولا حا تقعد في البيت زي الكرسي - باعتبار انو طبعا ممكن بتعليمها دا تفيد اسرتها الصغيرة وتعلم عيالها - وتربيهم تربية كويسة -

غايتو جنس غايتو :mad::confused:

[ودسمير]

كدي براحة براحة - ممكن بس تتوسع لينا بفهمك شوية شوية في التحتو خط أحمر دا -
كدي النوريك طيب - النساء العاملات يا سيدي الكريم فاتحات بيوت ومسئولات من أسر عديل - ويقمن بإعالتها كاملة -

اها يعني مثلا الواحدة تقعد في البيت تسوي شنو - وهل تقصد بكلامك المرأة المتزوجة أم الفتاة الشابة -
مع إنو الاثنين لا يوجد فرق في عملهن إذا كان لا يخل بأي شئ وعلى حسب التعاليم الاسلامية

سأتحدث لك عن السودان وعن الظروف الاقتصادية - هل انت معي بأن الوضع لا يسمح بأن يكون العائل شخص واحد فقط (الرجل) ويجب ان يتكاتف الكل على الاقل يقدرو يجيبو حق الحلة والعيش

- وعلى حسب كلامك يستحسن أن لا تتعب المرأة وان لا يقوم اهلها بتعليمها - ليه يعني المصاريف الذائدة دي كلها اذا كانت في النهاية حا تمشي لبيت راجلها ولا حا تقعد في البيت زي الكرسي - باعتبار انو طبعا ممكن بتعليمها دا تفيد اسرتها الصغيرة وتعلم عيالها - وتربيهم تربية كويسة -

غايتو جنس غايتو :mad::confused:


العزيزه مايسه .... موضوع عمل المراة ده شائك جدا .. الاسلام عندو رأى ... والمجتمع عندو رأى آخر ...

هنالك اشغال مناسبه جدا للنساء مثل التعليم والطب ... يعنى انا لست ضد عمل المرأة بصوره كامله ..

بما يخص ان المراة اصبحت تساعد فى مصاريف البيت وتعوا أسر خاصه تحت الظروف القاسيه التى نمر بها انا اتفق معاك .. وكمان مرات النساء يكن ( ارجل ) من الرجال فى تحمل المسئوليه !

هنالك نساء يودين عملهن بكل احترام ويحافظن على انفسهن بما يرضى الله ... وهنالك ايضا نساء عكس ذلك وللاسف هن كثر خاصه فى الشركات والمؤسسات الخاصه ..

نرجع تانى للمساعده فى اعباء البيت ... جد لو كان ايمان كل منا قوى واتكالنا على الله اقوى لما احتاجت المراة ان تخرج للعمل ..

دراسة المراة ودخولها الجامعه ليس معناه ان تعمل فالمراة المتعلمه تستطيع ان تربى اولادا تربيه صحيحه وتساعدهم فى الدراسه وغير ذلك ... يعنى ما ح تكون ذى الكرسى فى البيت ! لان دور

المراة اكبر من ذلك ...

مايسه شان نعرش على كده ... انا زوجتى شغاله ..

[مايسة]

لك التحية ودسمير -

وبشكرك كتير بالجد على سعة صدرك وتحملك لينا

وبتمنى ليك حياة سعيدة انت والاسرة الكريمة -

وربنا يديك العافية

[ودسمير]

لك التحية ودسمير -

وبشكرك كتير بالجد على سعة صدرك وتحملك لينا

وبتمنى ليك حياة سعيدة انت والاسرة الكريمة -

وربنا يديك العافية




وانا جد سعيد لتواجدى بينكم فى النفاج وعلى الككر ( المريح ) ... وشكرى لا حدود له واتمنى لكم التوفيق ..

ولو كنت ضيفا خفيفا عليكم فالحمد لله وان كنت عكس ذلك فسامحونى .. فقلبى لا يحمل الا الحب والموده لكل الناس وخاصه احباب ودمدنى ...

[آلاء عبد الرحمن]

ود سمير انت جريت ليك سبحة لي بحيري ده وله شنو

[ودسمير]

ود سمير انت جريت ليك سبحة لي بحيري ده وله شنو



الموضوع ما جر سبحه .... بس ناس بحيرى ديل ما بياكلوا عيش مع الاسود ...

[آلاء عبد الرحمن]

الموضوع ما جر سبحه .... بس ناس بحيرى ديل ما بياكلوا عيش مع الاسود ...

يعني شنوووو؟