مــا دايـر أقـول عنصرية لكن .......... ؟؟؟

[ود الضو]

صباح الخير علي الجميع ..
بعيداً عن ( ضيق الصدر ) وفهم ما اكتب بطريقه غير التي أتوقعها
مثل هذا الموضوع موجود وبكثرة في المنتديات ويمكن في المنتدي هنا
برضو يكون نزل قبل هذه المرّة ولكن كتذكير ليس أكثر :
.....
حقيقة ماداير أقول المنتدي فيهو عنصرية لكن فيهو ( الشللية )
وهي الداء الذي قد أصاب معظم المنتديات و ( فتك ) بها
نعم قد فتك بها وصارت بلا أعضاء حتي من كانوا
يُشكلون تلك الشلليات قد تركوها ,,
خلوني أتكلم عن نفسي :
شاركت في هذا المنتدي بـ ( كذا ) موضوع ولكن هناك أعضاء
محددين الذين يشاركون في تلك المواضيع , فهل ياتري للذين
لم يُشاركوا ( هل ) في كل هذه الموضوع لم يجدوا موضوعاً
واحداً ( مناسباً ) كي يردّوا عليه ؟؟؟
رغم أني ورغم إنقطاعي عن المنتدي لفترة ليست بالقصيرة لظروف
بالجملة إلاّ انني عندما أجد الفرصة أدخل واشارك في المواضيع
بدون العمل بـ ( الخيار والفقوس ) ,,
ماداير اتكلم كتير لكن الشللية ماكويسة ,,
لم نأتي هنا إلاّ لعشقنا لمدني وناس مدني ,,
فحينما وجدت هذا النفاج أتيت مُسرعاً كي أرد بعض دين مدني علي
...............
عـذراً دعوا الابواب مفتوحة للجميع
ولا تقفلوهـا بـ ( الشلليات ) ..
وفقكم الله ..

[حاتم عمر]

صباح الخير علي الجميع ..
بعيداً عن ( ضيق الصدر ) وفهم ما اكتب بطريقه غير التي أتوقعها
مثل هذا الموضوع موجود وبكثرة في المنتديات ويمكن في المنتدي هنا
برضو يكون نزل قبل هذه المرّة ولكن كتذكير ليس أكثر :
.....
حقيقة ماداير أقول المنتدي فيهو عنصرية لكن فيهو ( الشللية )
وهي الداء الذي قد أصاب معظم المنتديات و ( فتك ) بها
نعم قد فتك بها وصارت بلا أعضاء حتي من كانوا
يُشكلون تلك الشلليات قد تركوها ,,
خلوني أتكلم عن نفسي :
شاركت في هذا المنتدي بـ ( كذا ) موضوع ولكن هناك أعضاء
محددين الذين يشاركون في تلك المواضيع , فهل ياتري للذين
لم يُشاركوا ( هل ) في كل هذه الموضوع لم يجدوا موضوعاً
واحداً ( مناسباً ) كي يردّوا عليه ؟؟؟
رغم أني ورغم إنقطاعي عن المنتدي لفترة ليست بالقصيرة لظروف
بالجملة إلاّ انني عندما أجد الفرصة أدخل واشارك في المواضيع
بدون العمل بـ ( الخيار والفقوس ) ,,
ماداير اتكلم كتير لكن الشللية ماكويسة ,,
لم نأتي هنا إلاّ لعشقنا لمدني وناس مدني ,,
فحينما وجدت هذا النفاج أتيت مُسرعاً كي أرد بعض دين مدني علي
...............
عـذراً دعوا الابواب مفتوحة للجميع
ولا تقفلوهـا بـ ( الشلليات ) ..
وفقكم الله ..


العزيز ود الضو
احييك على هذا البوست الجميل والصريح وقلوبنا مفتوحة لمدني وابنائها ، وعذراً ان كان هناك بعض التقصير من طرفي ، وصراحة احياناً ينتابني هذا الاحساس ولكني امضي في الطريق طالما راضي عن نفسي وادائي ( هذا نفسي) فلك التحية اينما كنت .

[زيادة]

الاخ ود الضو صباحاتك خير اتمنى صادقا ان لا نصل الى مرحلة الشللية لاننا من مدني وهي تكفي لتكون ترياق ضد الشللية تاني حاجة اعتقد واظن ان الرد على الموضوع اى موضوع يكون حسب التصنيف بمعنى السياسي والاقتصادي .....الخ وهنالك من لا يحب ان يدخل نفسه في وضع صعب بان يعقب على مسار هو شائك عليه فطب نفسا انشاء الله الابواب مشرعة دائما وانا عن نفسي عندما اجد الموضوع خاص بالمسدار والدوبيت والجدعات اقرأ فقط ولا اعقب وفي نفس الوقت احاول ان اتزود منه لك تحياتي

[ريمون]

انت شخص لك كتابات ذات طعم خاص ..
من لا يتداخل معك هو من تضيع عليه فرصة الولوج اليك ..
لك اندي التحايا ..

[مايسة]

تحياتي ود الضو -

أكتب ما تريد - ولا تهتم إذا علق عليك شخص او لا -
في اغلب الوقت يقرأ لك الشخص ويكون مستمتعا جدا - بينه وبين نفسه لا يجد ما هو مناسب ليرد لك به

-----------

مثال بسيط - دائما أقرأ كتاباتك -
يوجد بوست في النفاج رحيق الأمكنه قرأته أكثر من مرة -
فيه وصف دقيق يجعلك تشعر وكأنك في ذات المكان الموصوف -
- لم أشارك فيه أنتظر ان تأتي بنهاية الرحيق - وإذا أتى هذا البوست للثقافى لفاز بالنجومية :)

تشكراتي لك

[صلاح ودالطاهر]

اخي ود الضوء انا معك لكن عليك النظر للمشاهدت وليس الردود وربما يكون الشخص استفاد من الموضوع من دون ان يرد عليه ربما يكون لجمال الموضوع ولكن تاكد نحن هنا كلنا اخوه اجتمعنا وتحببنا في الله وربما لم يري بعضنا بعض ولكن جمعتنا مدني

[ود الضو]

الاعزاء :
حاتم عمر
زيادة
ريمون
مايسة
صلاح ود الطاهر
لكم التحية جميعاً ويسعد مساءاتكم
شكراً علي التعقيب
وأتمني معكم ان يكون بيتنا هذا خالياً من الشللية
اقعدوا عافية ,,

[أحمد عمر ( MOODY )]

ود الضو .. نضمك
نقطة ضو

و غيابك .. ظلام
بيظلمنا معاك

كتِّر من نضمك
و أنضم فينا .. خيوط النور


ود الضو ... في إنتظار البقية
يتأرجح منانا بالمواصلة و الإتصال
دمت بألف خير .. و كما تتمنى


الزول الضو .. ود الضو
في كل مواضيعك الزيّنت بيها صفحات المنتدى
ده كل القدرت أشاركك بيهو
إنتَ بالذات نعمل ليك شنو ما عارفين
كلامك ذاتو ما بنزاد عليهو .. و لا بنقدر نجاريهو

ياااخ .. أقول ليك كلام شوف مواضيعك كلها
تلقى الناس ملمومة فيها زي النمل ( عدد المشاهدين )
لكن المشاركين قليلين .. و الباقين زي حالي كده
أصفِّق .. و لا أعلِّق

أقعد عافية .. و واصل إبداعك يا مبدع

[أحمد عمر ( MOODY )]

ود الضو ... في إنتظار البقية
يتأرجح منانا بالمواصلة و الإتصال
دمت بألف خير .. و كما تتمنى



ود الضو .. نضمك
نقطة ضو

و غيابك .. ظلام
بيظلمنا معاك

كتِّر من نضمك
و أنضم فينا .. خيوط النور





الزول الضو .. ود الضو
في كل مواضيعك الزيّنت بيها صفحات المنتدى
ده كل القدرت أشاركك بيهو
إنتَ بالذات نعمل ليك شنو ما عارفين
كلامك ذاتو ما بنزاد عليهو .. و لا بنقدر نجاريهو

ياااخ .. أقول ليك كلام شوف مواضيعك كلها
تلقى الناس ملمومة فيها زي النمل ( عدد المشاهدين )
لكن المشاركين قليلين .. و الباقين زي حالي كده
أصفِّق .. و لا أعلِّق

أقعد عافية .. و واصل إبداعك يا مبدع

[آلاء عبد الرحمن]

صراحة انا مرات بقراء ومابرد
وفي مواضيع مابعرف ارد بشنو

عارف انا بكتب باسم الاتحاد بتاعنا وكنت لما اكتب وماف زول برد بحبط بس برضو بكتب
لغاية ماجانا المستشار عصام حسين وقال انا بقراء ومابرد مرات
فعادي بقيت بكتب وحتي بتلاقي المشاهدات كتيرة بس ماف ردود وفي النهاية الناس برضو بتكتب رغم كل شي

تسلم علي البوست
:)

[بنت الرفاعي]

اخي ود الضوء انا معك لكن عليك النظر للمشاهدت وليس الردود وربما يكون الشخص استفاد من الموضوع من دون ان يرد عليه ربما يكون لجمال الموضوع ولكن تاكد نحن هنا كلنا اخوه اجتمعنا وتحببنا في الله وربما لم يري بعضنا بعض ولكن جمعتنا مدني





:):):)

لك التحية أخي ود الضو
وما شاء الله بوستاتك كلها جميلة،
وكثيراً ما لا نستطيع التعليق لأنهُ وكما قال أخي أحمد عُمر
كلامك (ما شاء الله) ما بنقدر نجاريه،
وحتى أن هناك الكثير من المواضيع
والكُتّاب لا نستطيع الرد عليهم أو مُجاراتهم،
فالكثير من مُحاولات المُجاراة تبوء بالفشل:o،
(وفي الثقافي خصوصاً):o
ونُثني على ما ذكرهُ أُستاذنا صلاح الطاهر.:)




:):):)

[ود المطامير]

والله يا حبيبنا
تأكد بأن كتاباتك بنفتش عليها كلما ندخل هنا
وهى التى نبدأ بها صباحاتنا

وكما قال الأحبّه عدم الرد لا يلغى متعتنا بما تكتب
بل لديك همس قد علق بالذاكره وما أكثره

والدليل على جماليات ما تتحفنا به
هو أنك قلّعت لينا ( عمدتنا المحبوب ... ود الطاهر ) من جحره

تسلم يا راقى وواصل وتأكد كلنا متابعين مسارات قلمك يا الحبيب

[اكرم]

هذا المنتدى تحفه فنيه خلاقه تزهو بكم كل منكم كشمعه مضيئة لاتكتمل جمال الصورة الا بالجميع
فقط ربما يجد احدنا شخصا يوافقه الفكر واخرا يعارضه كذلك الحال هنا فلايمكن ان يكون الجميع متحدة ارائهم وافكارهم
فالناس مختلفين في العقول والافكار والميول والرغبات ربما لو نشأت الشلليه لكانت على هذا النحو لا اكثر فالجميع هنا اخوة
والحوار حوار العقول فقط

[همسات]

صباح الخير علي الجميع ..
بعيداً عن ( ضيق الصدر ) وفهم ما اكتب بطريقه غير التي أتوقعها
مثل هذا الموضوع موجود وبكثرة في المنتديات ويمكن في المنتدي هنا
برضو يكون نزل قبل هذه المرّة ولكن كتذكير ليس أكثر :
.....
حقيقة ماداير أقول المنتدي فيهو عنصرية لكن فيهو ( الشللية )
وهي الداء الذي قد أصاب معظم المنتديات و ( فتك ) بها
نعم قد فتك بها وصارت بلا أعضاء حتي من كانوا
يُشكلون تلك الشلليات قد تركوها ,,
خلوني أتكلم عن نفسي :
شاركت في هذا المنتدي بـ ( كذا ) موضوع ولكن هناك أعضاء
محددين الذين يشاركون في تلك المواضيع , فهل ياتري للذين
لم يُشاركوا ( هل ) في كل هذه الموضوع لم يجدوا موضوعاً
واحداً ( مناسباً ) كي يردّوا عليه ؟؟؟
رغم أني ورغم إنقطاعي عن المنتدي لفترة ليست بالقصيرة لظروف
بالجملة إلاّ انني عندما أجد الفرصة أدخل واشارك في المواضيع
بدون العمل بـ ( الخيار والفقوس ) ,,
ماداير اتكلم كتير لكن الشللية ماكويسة ,,
لم نأتي هنا إلاّ لعشقنا لمدني وناس مدني ,,
فحينما وجدت هذا النفاج أتيت مُسرعاً كي أرد بعض دين مدني علي
...............
عـذراً دعوا الابواب مفتوحة للجميع
ولا تقفلوهـا بـ ( الشلليات ) ..
وفقكم الله ..





ود الضوء اخوي
حااتكلم عن نفسي والحمدلله جات الفرصه
حاأقولها قدام الجميع .......
صدقني او لا تصدقني ......
تعجزني كتاباتك وتدهشني لدرجه اني
حتي لا اعرف كيف اشارك ولا ماذا اكتب
علي ماتأتي انت به من درر الكلام وعذبه ....
الكافي الوافي ...........
هذه ليست مجامله وانما حقيقه ....
ولأكثر من ذلك ان افراد اسرتي
يحبون كتاباتك ويتابعونا ومن هنا
انقل لك كلام اختي بالحرف الواحد
(عندكم واحد كتاااب جدا في المنتدي
اسمه ود الضوء ........)
وهذا للأمانه ...........
انت متميز واغفر لنا عدم مشاركاتنا


يالنسبه للشلليه انا لا افكر فيها كثيرا
فقط اتعامل مع الجميع بدون فرز
رغم اني لا اشارك في كثير من المواضيع
وهذا لاني امر بظروف لاتسمح لي بالزمن الكافي
للمشاركه في كل البوستات بعيدا عن الشلليه ....

اذا خذها مني نصيحه اكتب واكتب
وشارك في كل مايعجبك وانسي فكره الشلليه
حتي لو كانت موجوده حقيقه .......
ماذا تريد انت غير حب الجميع لك كإخوه
وان تشعر بانك في بيتك وبين اهلك ....
وبعد قليل ستجد انك قد كونت صداقات جميله
ستفخر بها كثيرا في مقبل الأيام باذن الله

تحياتي واحترامي

[ود الضو]

الاخوة والاخوات :
احمد عمر
آلاء
مرام
ود المطامير
اكرم
همسات
صباحاتكم نديه ,,
صباحات ريف المطره فيهو شغاله ( تنقنق ) او تشكْ شِكْ
والله وبكل صراحة الواحد لايدري ماذا يكتب ( راداً ) عليكم
شكراً لحروفكم التي قرأتها هنا في حقي
شكراً لنصائحكم التي ورَدت هنا ( وسأعمل بها ان شاء الله )
كلنا هنا من اجل مدني تلك ( الام ) التي اعشقها أنا حد العشق مايقيف
فنحن لها وبها بإذن الكريم ..
لكم جميعاً وُدي الجميل ..

[ود الضو]

[QUOTE=همسات;631552][COLOR="#a0522d"][CENTER]


ولأكثر من ذلك ان افراد اسرتي
يحبون كتاباتك ويتابعونا ومن هنا
انقل لك كلام اختي بالحرف الواحد
(عندكم واحد كتاااب جدا في المنتدي
اسمه ود الضوء ........)
وهذا للأمانه ...........

------------------------
[SIZE="5"]
الاخت الكريمة همسات
لك ولافراد الاسرة الكريمة تحية الصباح الندية
سائل ربي ان يمتعكم بدوام الصحة والعافية
شكراً شكراً لكم جميعاً ,,

[مدنيّة]

صباحاتك ندية ياصاحب القلم المميز


------
جد ياود الضو
قلمك مميز جدا
واللي ما بيقرأه
هو الخسران

-------
متابعة لكل كتاباتك
حتي لو مارديت

-------
تحاياي

[نزار حسن محمد]

الضو الدافق اقراء كل ماتكتب باستمتع بالغ ارد فى بعض الاحيان وفى البعض الاخر يغلبنى الكلام
لانك فنان مطبوع خرجت من رحم ست المدائن تمتع الناس بدون مقابل ..الاتتفق معى فى كل تجمع
يكون هناك اراء سالبه ..دعها سوف ياتى اليوم التى تنضم الى الركب
زيدنا ابداع ايها الاديب ونحن حيرانك ندور فى حلقة ذكرك ..

[صلاح ودالطاهر]

والله يا حبيبنا
تأكد بأن كتاباتك بنفتش عليها كلما ندخل هنا
وهى التى نبدأ بها صباحاتنا

وكما قال الأحبّه عدم الرد لا يلغى متعتنا بما تكتب
بل لديك همس قد علق بالذاكره وما أكثره

والدليل على جماليات ما تتحفنا به
هو أنك قلّعت لينا ( عمدتنا المحبوب ... ود الطاهر ) من جحره

تسلم يا راقى وواصل وتأكد كلنا متابعين مسارات قلمك يا الحبيب

عن اذنك يا ود الضو نرد علي الحبيب هجد الانام وانا واحدي مساهر والنحول علي جسم يا صلاح الطاهر ودامي كيفك والشوق بحر كدي بجيك في شجرتك بهناك

[نزار احمد كوارتي]

حبيبنا ود الضو

أديك أقرب مثال

البوست ده زااااااااتو انا قريتو من أولو لي آخرو

وكان ما كلامك ده وحاتك يا الغالي ما كنت ح أعلق

تعرف ليه؟

لأنو بالجد احياناً الواحد بيكون بيقرا بالمتاوقه زي الحرامي بعيد عنك

هسي انا فاتح البوست ده من صباح الرحمن وكل ساعه يمكن بكتب لي كلمه

اما من ناحية الشلليات وما أدراك ما الشلليات تعرف انا يمكن الناس البعرفم هنا من قبل ما أعرف المنتدي يكادو يكونو بعدد أصابع اليد

واقول ليك مبالغه كلهم تقريبا تكاد تكون ما عندهم علاقه بالنفاج وبيناتنا مافي ردود, لكن في ناس كده هنا بالجد الواحد بحس بيهم شلتو

وأخوانو واصحابو وفي جزء منهم العلاقه إمتدت للبيوت زي ما بقولو وفي جزء منهم تصدق لو قلت ليك بقينا أصحاب ولحدي اللحظه ما شفنا بعض؟؟؟

كلو يا الحبيب جا عن طريق المنتدي وناس المنتدي, علي كل إعتبرني بتاع شلليات ومتمني إنضمامك لي شلتي من اللحظه دي وأتشرف جداً أن أعلن ذلك أمام الملأ

وما بشكرك ولا بشكر ليك بوستاتك من باب الشكّرو قدامو نبّزوهُ

بالزقاق:-

أحيي فيك الصراحه

[ود الضو]

الاعزاء :
مدنية
نزار حسن محمد
صلاح ود الطاهر
نزار احمد محمد
لكم التحية اجمعين
ومعاها كوم من الشكر والتقدير
شاكر لكم كل حرف كتبتوه في حقي
فوالله ما انا إلاّ بمقلد لروعتكم وجمال حرفكم
دمتم جميعاً باف خير ,,
بعتذر للجميع اني رديت عليكم رد جماعي
اهو الواحد بجازف ليه دقائق من الدوام عشان يدخل
المنتدي يشوف الحاصل شنو ..
شكراً لكم
اقعدوا عافية آآآآالزينين ..
مشاققة :
نزار حسن محمد
و
نزار احمد محمد
لو ماشاركتو الاتنين في البوست دا كنت ح اكون
دايش ساااي تصدقوا ( كنت قايلكم نزار واحد ياخ )
انتوا العرَّس فيكم قريب منو طيب؟؟؟
عشان اقول ليهو مبروك تاني من جديد
التحية للجميع
ومعاها كوم من الوُد الجميل ..

[نزار احمد كوارتي]

الاعزاء :
مشاققة :
نزار حسن محمد
و
نزار احمد محمد
لو ماشاركتو الاتنين في البوست دا كنت ح اكون
دايش ساااي تصدقوا ( كنت قايلكم نزار واحد ياخ )
انتوا العرَّس فيكم قريب منو طيب؟؟؟
عشان اقول ليهو مبروك تاني من جديد
التحية للجميع
ومعاها كوم من الوُد الجميل ..



يا الحبيب انا نزار الصغيروني شن جابني للراجل الكبير داك

أخوك عقد قريب ومعزوم معانا من هسي دي يوم 11 شهر 11 سنة الفين و11

الساعه 11 زاتو

العضه قدام البيت الصيوان بنسد بيه شارع الزلط جنب السوق الشعبي عشان ما تقول ما عرفت البيت

والجبجبه في الدار الزراعي

بالزقاق:-

قال نزار حسن قال, (جَيْب كوارتي ينكُت والشُكُر لي اب سفروق)

[الجندي المجهول]

ود الضو ....
تحياتي ....
لن ازيد على ما سطره الاخوان قبلي ....
ولن اطيل عليك ولكن صدقني لو قابلت الناس دي على الطبيعة .... لعرفت انك (جافيت الحقيقة)
الكتابة خلف الشاشات (لها القها ومتعتها ) كما لها متاعبها ...
ولكن نظل دائماً نبحث عن الجمال الذي هو بكل اكيد متوفر في (شخصك الجميل يا جميل)

[ود الضو]

[QUOTE=نزار احمد محمد;631674][B][COLOR="red"]



يا الحبيب انا نزار الصغيروني شن جابني للراجل الكبير داك

أخوك عقد قريب ومعزوم معانا من هسي دي يوم 11 شهر 11 سنة الفين و11

الساعه 11 زاتو

العضه قدام البيت الصيوان بنسد بيه شارع الزلط جنب السوق الشعبي عشان ما تقول ما عرفت البيت

والجبجبه في الدار الزراعي

---------------------------------------
[SIZE="5"]كدي خليني اول شيئ اقول ليك مبروك
( للمرة التانية ) وربنا يتم ليك علي خير
ليتني كنت حضوراً ياخ في هذا اليوم ( المميز )
عامل الغربة آآآالحبيب سيحرمنا من كل هذه الجمالات
ربنا يسعدك ويهنيك ..
التوثيق أهم شيئ ..

[ود الضو]

ود الضو ....
تحياتي ....
لن ازيد على ما سطره الاخوان قبلي ....
ولن اطيل عليك ولكن صدقني لو قابلت الناس دي على الطبيعة .... لعرفت انك (جافيت الحقيقة)
الكتابة خلف الشاشات (لها القها ومتعتها ) كما لها متاعبها ...
ولكن نظل دائماً نبحث عن الجمال الذي هو بكل اكيد متوفر في (شخصك الجميل يا جميل)
------------------
لك التحية ياحبيبنا
لي تجارب عديدة في المنتديات
ولي علاقات جميلة جداً مع الاعضاء فيها
مذ ان عرفت درباً اليها ,,
فيهم من التقيته وفيهم من أتعشم في ان التقيه
امنياتي الصادقة ياخ في اجازتي القرَّبت دي
الاقي عدد مهول من الاعضاء في الحالمة مدني
لك وللجميع كل جميل ..

[نزار حسن محمد]

نزار الصغمبوتى اصبر لى كان ما افترق لك العرس
وجميع المحظورات بالنفاج والرسائل الخاصه ستكون
بطرف المدام قبل التاريخ المحدد ..وبعد العرس شوف
لك مطار انزل فوقه ...
يشهد الله منتظر يوم القاك فى سوق الخضار والحمه
اليومك داك ما يوم الهناء والسرور

[نزار احمد كوارتي]

نزار الصغمبوتى اصبر لى كان ما افترق لك العرس
وجميع المحظورات بالنفاج والرسائل الخاصه ستكون
بطرف المدام قبل التاريخ المحدد ..وبعد العرس شوف
لك مطار انزل فوقه ...
يشهد الله منتظر يوم القاك فى سوق الخضار والحمه
اليومك داك ما يوم الهناء والسرور




هههههههههههههههه

شنو يااااااا مدير ياخ ما نهظر يعني ولا شنو؟؟؟

انا ما أخوك الصغيروني؟؟؟

[saadabi]

لك التحية ود الضو أثرت موضوع جميل ومهم وفي غاية الأهمية
اثرت هذه الموضوع مع أعضاء أخرين في المنتديمن قبل ولكن علي وجه الواقع كانت هنالك جلسة معظم الحاضرين من المنتدي وتناقشنا في هذا الموضوع وكان ديور النقاش حول اختيار موضوع الشهر أو الفائز في الشهر، وكانت هنالك اجابات مختلفة (كانت حقيقية لكن احتفظ بها احتراماً مني للجميع في المتندي)
ولكن هنالك مجموعةمعروفه لو كتبة حرف واحد يكون هنالك تعليقات بأرقام مبالغة وهنالك من يكتب موضوع مهم لا يكون هنالك هنالك تعليق.
والله لو لا موضوع يا ود الضو ما كنت علقت سبق أن تمت المناقشة فيه من أعضاء يعني الجميع لديه نفس الاحساس.
والترشيحات للموضوعات

علشان كده انت أديت صوتي لبتاع الكاروي؟

[ود الضو]

[QUOTE=saadabi;632013]
والله لو لا موضوع يا ود الضو ما كنت علقت سبق أن تمت المناقشة فيه من أعضاء يعني الجميع لديه نفس الاحساس.
----------------------------
لك التحية الاخ سعدابي
انا معك فيما إقتبسته من قولك اعلاه
واعلم تماماً ان مثل هذه المواضيع تكاد تكون
موجودة في كل المنتديات وليس هنا فقط
لانها فعلاً ( سلبية ) تلك الشللية
شاكر لك مداخلتك الثرة
اقعد عافية ..

[الزبير محمد عبدالفضيل]

فعلا ياود الضو يجب علي كل من يمر بالمنتدي يضع بصمه ومشكور علي هذا الطرح المهم

[حاتم عمر]

ود الضو سلامااااات وكيفنك يا راسي يا ذوق

طبعا انت من المتابعين الموضوع اتفتح اكتر من مرة واخرها موضوعي (قصة عجيبة وغريبة) وحصلت فيهو مداخلات و اراء كتيرة ،واحس ان الامور ان شاء الله تمام وقصدنا لفت النظر فنحن مع ناس مدني وننصر اخانا (ظالماً او مظلوما )
لك التحية