إجـــازة .. ولا جنــازة ((حكايات من الوااقــع)) [الأرشيف]

مشاهدة النسخة كاملة : إجـــازة .. ولا جنــازة ((حكايات من الوااقــع))

محمد حسين (المميز)

26-09-2011, 10:22 AM

اخواني واخواتي بالمنتدى

حقيقي ليكم وحشه ماعاديه

طولت ما كتبت موضوع

وقليله هي مشاركاتي في الفترة الماضيه

وذلك بسبب الشغل والسفر للسودان وهنايات كتارات خلاص

وحقيقي من يوم ما رجعت من السودان وانا عاوز اكتب بعض ما شاهدت

وما عشته في الاجازه في ربوع مدني وبعض مدن السودان

طبعا من ابرز الاحداث والجميع يعرف ويشهد على ذلك

غـــــــــلاء الأسعــــــار

ده شنو وهو منو وجنسو شنو

ما ممكن والله شي يحير

انا لمن كنت مسافر عااااارف الدنيا غاليه وعارف كل سنه بشكل والزياده والغلاء شي طبيعي عندنا

لكن صدمت وزهلت وفجعت واندهشت و شنو تاني بقولو:confused::confused:

للغلاء الفاحش اللي وصلنا ليهو

يعني فعلا انا اصطدمت بواقع مرييييير

بصراحه جاني احساس زول ماشي كانو ماعارف انو الدنيا غاليه لانها فووق المتوقع

الشي الغريب الناس دي عايشه كيف

السؤال ده للطبقه الاغلبيه اللي نحن بنسميها المتوسطه والفقيره

انا حأتكلم عن حاجات انا اشتريتها او سالت منها

مش من السمع او القيل والقال

وحأكي عن حاجات كتيره عايشتها فيها السلبي وفيها الايجابي

يتبــــع ..

بنت الرفاعي

26-09-2011, 10:26 AM

:):):)

ربنا يعينك والجميع،
وإن شاء الله من المُتابعين.:)

:):):)

بنت الرفاعي

26-09-2011, 10:26 AM

يتبــــع ..

:):):)
:):)
:)

مدنيّة

26-09-2011, 10:26 PM

حمدا لله علي السلامة يا المميز
ونورت المنتدي والله

---------
بوست واقعي
لانه بيتحدث عن تجربة حقيقية عشتها

------
منتظرين ومتابعين

ahmed algam

26-09-2011, 10:35 PM

حمدا لله علي السلامة يا المميز
ونورت المنتدي والله

ومتابعين

الجندي المجهول

26-09-2011, 10:35 PM

منور يا حبيب ،،،،
تعال وجيب معاك طماطم ،،،،
تعال وجيب معاك مرقة ماااجي
تعال ومعك اخرون يا غصن الزيتون
تخريمة : احكي لينا عن (المأساة) التي يعيشها الشعب (السوداني الفضل) ..

منتظرين يا مميز واصل بدون فواصل ،،،،
باللفة : ان تأتي متأخراً خيراً من أن لا تأتي ...

نزار احمد كوارتي

26-09-2011, 10:35 PM

الحبيب أبقي مارق

مايسة

26-09-2011, 11:25 PM

حمد لله على السلامة -
-------------

كيلو السمك بكم ما تنسى -
وحليب البودرة

وما تنسى الثوم :(

---------------------

الجنازة الجيران بساهمو معاك ولو بالبسيط -
لكن صراحة الإجازة جنازة والقاتل والمقتول مجهولين

مدنيّة

26-09-2011, 11:28 PM

-------------

كيلو السمك بكم ما تنسى -

سمك!!
يقولوا ليك الناس
مالاقية فول تأكله
تقولي سمك!!

جنس حنكشة عليكم يالمغتربين!

---------
غايتو ما يشوفك الجندي ياميسو ):

مايسة

26-09-2011, 11:29 PM

سمك!!
يقولوا ليك الناس
مالاقية فول تأكله
تقولي سمك!!

جنس حنكشة عليكم يالمغتربين!

---------
غايتو ما يشوفك الجندي ياميسو ):

ههههههههههه

هو الأكلو منو يا إتي -

هو الفول زاتو قدرنا عليهو :(

مدنيّة

26-09-2011, 11:34 PM

هو الفول زاتو قدرنا عليهو :(

بث دا مربط الفرس
تجي تقولي سمك ، وكمان معه ثوم!
يعني سمك بمزاااااااااج دا ):

--------
تصدقي قبل كم يوم
مريت بالسوبرماركت
اشتريت 2 علبة مناديل كبيرة + 2 علبة كريم
قالي الحساب 37 جنية
والله لما اتخلعت!!

مايسة

26-09-2011, 11:38 PM

بث دا مربط الفرس
تجي تقولي سمك ، وكمان معه ثوم!
يعني سمك بمزاااااااااج دا ):

--------
تصدقي قبل كم يوم
مريت بالسوبرماركت
اشتريت 2 علبة مناديل كبيرة + 2 علبة كريم
قالي الحساب 37 جنية
والله لما اتخلعت!!

ههههههههههه
الله يسألك هسي الحكنوش منو -

مناديل كريم -
ليه البشاكير دي بتسوي في شنو ولا الودك :p:cool:
---------------
صراحة في السودان الوضع بقى صعب بمعنى الكلمة -
ياخ ناس الركشات اقل مشوار سبعة وعشرة -
رقشة - رقشة يا نااااااااس
----------------
الجبنة بكم - الربع بـ 8 صح
--------------------

عايني النسألك بما إنك قاعدة هناك ومستقرة -
الناس دي عايشة كيف والمرتبات يا دوب تكفي الايجار وبالكتير الكهرباء
------------------

عزرا يا المميز :(

مدنيّة

27-09-2011, 12:12 AM

عزرا يا المميز :(

عذرا لشنو ياانتي!
مااحنا هسي اثرينا ليه البوست دا
وحارسنه ليه
مفروض يدفع لينا زاتو بدل حراسة ):

الجندي المجهول

27-09-2011, 12:17 AM

سمك!!
يقولوا ليك الناس
مالاقية فول تأكله
تقولي سمك!!

جنس حنكشة عليكم يالمغتربين!

---------
غايتو ما يشوفك الجندي ياميسو ):

عمتنا خليني من ميسو (انت) الطماطم الجابا ليكم (ابو جمال) باقيها لسه في ( ولا خلصت)

تخريمة : في هذا البوست كتبت ( أن تأتي متأخراً خيراً من أن لا تأتي ) والله كاتبها ليك انت (يا عمتي) والبركة في الجية

باللفة : يا ماسية يقال والعهدة على الراوي وهي رواية حقيقة دارات احداثها في اوروبا (في الزمن الماضي) ولا اذكر اسم الدولة ولا اسم الاميرة ولكنها تجولت ووجدت حشوداص ضخمة وسألت عن سبب هذا التجمهر فقال لها مرافقيها ان هنالك ( ازمة في عدم توفر الخبز) فقالت لهم ولماذا لا يأكلون (البسكويت) ..
يا مايسة شعبنا يعاني (بالجد) اشد المعاناة (نسال الله اللطف والستر)

مدنيّة

27-09-2011, 12:18 AM

عايني النسألك بما إنك قاعدة هناك ومستقرة -
الناس دي عايشة كيف والمرتبات يا دوب تكفي الايجار وبالكتير الكهرباء
------------------

والله ياميسو
الناس كلها تشكي من المعيشة
لكن سبحان الله
بتلقيها مبسوووووطة
وحامدة وشاكرة

---------
في نظرية في الاقتصاد بتقول
كل مازاد الدخل ، زاد المنصرف
عشان كدا
كل زول بيوفق اوضاعه
حسب دخله

الجندي المجهول

27-09-2011, 12:21 AM

بث دا مربط الفرس
تجي تقولي سمك ، وكمان معه ثوم!
يعني سمك بمزاااااااااج دا ):

--------
تصدقي قبل كم يوم
مريت بالسوبرماركت
اشتريت 2 علبة مناديل كبيرة + 2 علبة كريم
قالي الحساب 37 جنية
والله لما اتخلعت!!

عمتي اسال الله ان يهنيك ويمتعك بالصحة والعافية ....

كريم ومنديل (يعتبران في كثير من الأسر الان من الكماليات)

الان الوضع كالآتي :
الاساسيات
1/ خبز
2/مرقة ماجي
3/سكر
4/اي نوع خضار
5/فول
6/زيت
7/اسكراتش كهرباء (مدفوعة القيمة)

ياخ اللبن بقى من الرفاهيات

+
حاشاك من الخلعة (العدوين ان شاء الله )

مع مودتي طبعاً ،،،

محمد حسين (المميز)

27-09-2011, 12:57 AM

شــايف في برطَــعــَــة شديدة في البــوست وانا ماف:confused::confused::confused:

عالعموم اها جيــت:o

مدنيّة

27-09-2011, 01:12 AM

شــايف في برطَــعــَــة شديدة في البــوست وانا ماف:confused::confused::confused:

خاتيين احنا الاثرينا ليك البوست
وحرسناه ليك

محمد حسين (المميز)

27-09-2011, 01:16 AM

نمسك البداية من سوق الخدار ((بالدارجي طبعا)):cool:

فعلا حاجه عجيبه والونسه في البيع والشرا زي المافي شي

العجــوووور .. يشهد الله اشتريت الواااحدة بـ3ج ومعاهو شكله

قلت للود البيبيع ياخ ما ممكن:confused: قال لي نعمل شنو بنشتريهو من المزارع غالي

قلت ليهو ماتشترو منو نشوف بوديهو وين قال لي يعني لمن ما اشتري منو امشي وين

انوم في البيت؟؟ قلت ليهو يعني شنو يوم يومين قال لي اكل من وين انا رزق اليوم باليوم:(:(

سكتّ طوالي وشلت كيسي ومشيت

اما الطماطم فبعض البياعين مسمنها القمار وبعضهم مسمنها البنقو

وده طبعا لسعرها

اشتريت الكوم بـ10ج وفيهو ثمانية حبات نصهم بحجم الليمون
((ثمانية حبات فقط لاغيـــر:(:())

الليمــون (( مش قالو اتعزز الليمــون:o))

والله اتعزز الليمون بـ3ج يديك خمسه حبات ولو خلااااااااااااص يتمهم ليك سته مع طنطنه:mad:

لكن الحمدلله شجرتنا حقت الجنينه اتحلت بالسلامه نص رمضان:o

وماقصرت معانا هي واختها:cool:

الخـُدرة ((الملوخيه يا مايسه:p )) والله الربطه بـ2ج

طبعا الربطه زي ربطة النعناع .. ويمكن ربطة النعناع في الخليج اكبر

القرعه مدردمه صغيرووووونه بـ5ج:( ولمن شلتها البيت المره قالت لي دي شنو قويه ومسيخه:mad::(:(

كلووووووووووو كوووووووووووم والبطيخ ده كوم تاني

قسما بالله العظيم البطيخه سمحه قال ما بنقصها من 25ج

وماتقولو وقفت بالعربيه ولا مشيت مشنط ولابس نضارة شمسيه

معاي اصحابي اولاد البلد بيشترو في خضارهم معاي

ولا المنقه الواااااااااااحدة بـ3ج مش الكوم

وبرضو ماتقولو دي ما ايامها .. راااااااااااااقده زي الحصحاص وكمان حااااامضة

يعني خسارة قروش ساااي:cool:

لسسسسسسسسسه جاييكم ..

آلاء عبد الرحمن

27-09-2011, 02:30 AM

والله حال يغني عن السؤال
بالجد الزول يستغرب الناس عايشة كيف مع المرتبات الضعيفة دي
والمشكلة كل يوم الاسعار زايدة وماعارفين البحصل شنو وله البلد دي ماشة علي وين

مايسة

27-09-2011, 02:56 AM

شــايف في برطَــعــَــة شديدة في البــوست وانا ماف:confused::confused::confused:

غايتو أثر السودان واضح وضوح :cool:
عالعموم اها جيــت:o

خاتيين احنا الاثرينا ليك البوست
وحرسناه ليك

معليش -
الزمن بالمقلوب أصلا بقى ماشي :mad:

مايسة

27-09-2011, 02:58 AM

السكر بكم -

وزيت صباح بـ 45 ج :(

الجندي المجهول

27-09-2011, 05:02 AM

السكر بكم -

وزيت صباح بـ 45 ج :(

اها كمان زيت صباح دا حكايتو حكاية

الدعاية زاتها (غيروها )وبقت ست البامية ( ما ياها) ؟؟!!!!!

ود المطامير

27-09-2011, 06:46 AM

الحبيب
مشتاااااقين والله
وحمد لله على السلامه

قلت ليك ... البشير عارف الكلام دا ؟ ;)

ود المطامير

27-09-2011, 06:47 AM

خاتيين احنا الاثرينا ليك البوست
وحرسناه ليك
هع هع هع هع
;);););)

abomazeen

27-09-2011, 08:46 PM

الحبيب
مشتاااااقين والله
وحمد لله على السلامه

قلت ليك ... البشير عارف الكلام دا ؟ ;)

يا مطاميرو ده كلااااام شنو ...؟
شكلك كده أشتقت لغونتاناموا بتاعت أمبدة

هو عاااارف لكن عامل ناااايم

بدر الدين احمد الطائف

27-09-2011, 09:27 PM

والله حال يغني عن السؤال
بالجد الزول يستغرب الناس عايشة كيف مع المرتبات الضعيفة دي
والمشكلة كل يوم الاسعار زايدة وماعارفين البحصل شنو وله البلد دي ماشة علي وين

الشعب ده معمول ليهو عمل.
شوفوا لينا شيخ ابوصابونه ولا شيخ ابكر .

نزار حسن محمد

27-09-2011, 09:43 PM

انا دخل بالعرض عشان ممغوص جنس مغصه
اول حاجه كل يوم كنت بمشى الملجه ومعاى الكاميرا والله صورته جنس محن قلت اجى انزله لكم صوره وصوت علا الحمدالله سرقوها منى وبعد يومين بقيت اصور بالمبايل وبرضو سرقوه منى ..غايتو جنس عواره لقونى ملخوم مع العزاء والحمدالله غايتوا ناس الادمن ود الصول ودعلقم ود حمدتو وبكرى فاروق اتفرجه الصور قبل السرقه ..
طيب ندخل فى المهم طبعاً كل يوم فى رمضان كنت بمشى الملجه ومعى شيكو عشان نجيب حاجات الفطور وخاصتا ايام العزاء عشان الضيوف كتار اول يوم فى رمضان اشتريت كيلو الحمه المفرومه بى سته وعشرين جنيه لقايت يوم عشره رمضان بقى سعر الكيلو 33 جنيه كوم الطماطم كان اول يوم بى 8 جنيه وصل 12 جنيه ..والله كله كان مصور .. الرز كيس صغير بتاع بسمتى الكيلو بى 17 جنيه ..
بمشى وبجيكم

محمد حسين (المميز)

27-09-2011, 10:13 PM

معليش يا جماعه لو بجي متأخر

لكن مزحوم زحمة زي زحمة توزيع السكر في السوق الكبير في رمضان

------------------------

قلتِ لي السمك مالو:confused::confused:

ولا الباميه ماياها:o:o

محمد حسين (المميز)

27-09-2011, 10:32 PM

اشتريت كيلو الحمه المفرومه بى سته وعشرين جنيه لقايت يوم عشره رمضان بقى سعر الكيلو 33 جنيه كوم الطماطم كان اول يوم بى 8 جنيه وصل 12 جنيه ..والله كله كان مصور .. الرز كيس صغير بتاع بسمتى الكيلو بى 17 جنيه ..
بمشى وبجيكم

ابسفرووق جاب الجزئية التانيه من الخيــال الواقعي اللي بعيشو الشعب السوداني

فعلا دي اسعار اللحمه العجالي المفرووم

فما بالكم الضـــــان:(

قلنا نعمل شفوت انا واصحابي قبل رمضان بيوم

اربعه انفار اتشاركنا عجل

قلنا نلقاهو لغاية مليون بالكتير مليون وميه

لانو كنا بنشتريهو في الايام العاديه في حدود السبعميه

لانو عجل نتشه ما بتاع مناسبات

قسما بالله مشينا الزريبه وسمعنا الخيــــــــــال

واحد قال عاوز في عجل 2.700.000:eek:

والتاني اتظارف وقال 2.200.000

عجل يا اخوانا ما اتوس:(

ولفينا ولفينا ولفينا ........

لغااااااااااااااية ما اشترينا لينا كلب بـ1.580.000 بعد تحنيس:mad:

رأيكم شنو في الكلام ده:(:(

نسيت :- الجزار قال عاوز 90ج+الجلد+الكوارع=ومابنضف الكمونية:o

محمد الجزولى

27-09-2011, 10:51 PM

المميز حمدا لله على سلامتك
يعني يا المميز الزول كان اشترى كل يوم كيلو طماطم معناها الحسبة الراتب كلو طار
زمان ونحن صغار كنا ( بنندهش ) جدا من شخصية الحاوى
وكان خيالنا الصغير يصوره لنا بانه انسان من كوكب تاني
ما قايلين بجي يوم السودان كلو ونحن زاتو بنبقي ( حواة )

ود المطامير

28-09-2011, 12:20 AM

يا مطاميرو ده كلااااام شنو ...؟
شكلك كده أشتقت لغونتاناموا بتاعت أمبدة

هو عاااارف لكن عامل ناااايم

هع هع هع هع هع
ميييييييييييييييييين ؟
رفارف قلبى
ياخى لكن بالغت ياخ
تغيب مننا قدر دا

غوانتانامو أمبده بندخلها سوا بسطرك الأخير ;)

محمد حسين (المميز)

28-09-2011, 09:15 AM

اما الفراخ والسمك..:(

الفراخ من اول رمضــان الى اخر رمضـــان تصاعديا

الكيلــو 14 >> 15 >> 16

يعني تنوم وتقوم تلقى سعر تاني

جينا بعد العيــد قلنا يكون نقص لقيناهو بقى بـ18ج

دي حاله دي:confused::confused:

اما السمك يا مايسه من بدري عارفين سعر البلطي يتراوح بين 3ج الى 5ج الكيلو

لكن صراحه وصل بين 10ج و12ج

اما العجل ماتسئليش منه ((طبعا العجل ده بتاع الفيليه:o))

بمناسبة العيد وكده

طبعا الضحيه جايه

مشينا رابع ايام العيد انا واصحابي قال ناخد حمـل نضبحو لانو معانا شباب اصحابنا مقيلين من بره مدني

صدقو حمل ولا عليك فيهو ما رضى يدونا ليهو بـ500ج:(:(

يعني الضحيه الا كل زول يضحي بأولاده

ودسمير

28-09-2011, 11:21 AM

ماجى مون

28-09-2011, 07:31 PM

المعيشة قست علينا وسوقنا فل جيوبنا فله
الأكل سلطات وماجى مافى بيتا فيه حله
انتو سويتوها شينه بيها ذتو الطينة بله
الأسعار الغالية ما بنقدر عليها فينا ياناس خافوا الله
ننتظر الأسعار تنزل وقبل مانفرح بتطلع

الجندي المجهول

28-09-2011, 09:17 PM

البوست دا جميل (جمال) سيدو

فوق زي ما الاسعار طالعة فوق

ودالعمدة

28-09-2011, 11:56 PM

انا دخل بالعرض عشان ممغوص جنس مغصه
اول حاجه كل يوم كنت بمشى الملجه ومعاى الكاميرا والله صورته جنس محن قلت اجى انزله لكم صوره وصوت علا الحمدالله سرقوها منى وبعد يومين بقيت اصور بالمبايل وبرضو سرقوه منى ..غايتو جنس عواره لقونى ملخوم مع العزاء والحمدالله غايتوا ناس الادمن ود الصول ودعلقم ود حمدتو وبكرى فاروق اتفرجه الصور قبل السرقه ..
طيب ندخل فى المهم طبعاً كل يوم فى رمضان كنت بمشى الملجه ومعى شيكو عشان نجيب حاجات الفطور
بمشى وبجيكم

ابسفروق
الحمد لله المرة دى ماسرقوا منك شيكو ذاتو ؟ :D :rolleyes: :)

أبوعمرو

01-10-2011, 04:53 AM

الاسكراتش الفيهو رصيد 10 بي كم؟ أوع تقول لي زاد

mahagoub

20-11-2011, 09:43 PM

الحمد لله انك اتخارجته
لسه انحنا عايشين فى وسط المعمه
واى سعر كنت عارفه اديه الفين تلاته زياده
والناس عايشه ومبسوطه ومكيفه نفسها
زى ما قالت الابنه مدنيه
الواحد يفك المليون يومين يتلحس

النويري

21-11-2011, 03:13 AM

Madanawi

21-11-2011, 04:56 AM

إنت يا المميز جااااااااااااااااااادّي في الكلام دا
ولا الكلام دا من باب حجّيتكم .. ما بجّيتكم

طيّب أخونا آدم شية عامل شنو؟ ما يكون بقى أسماء في حياتنا

ود سعدابى

21-11-2011, 01:18 PM

سمك!!
يقولوا ليك الناس
مالاقية فول تأكله
تقولي سمك!!

جنس حنكشة عليكم يالمغتربين!

---------
غايتو ما يشوفك الجندي ياميسو ):

سمك شنو ؟؟

ياااخ فى وزنة جديدة اسمها مسكول
لحمة!!
الربع بتقسمم على اتنين الجزار نص والمسكين الداير يضوق طعم اللحمة نص

بين غوسين
إنت الجابك زاتو شنو .
انحنا خلاص اخدنا على الحكاية دى
حنينكم دا بكتلكم

محمد حسين (المميز)

25-11-2011, 02:03 AM

ياجماعه .. بلاش تقلبو علينا المواااجـــع