المساعد الشخصي الرقمي

مشاهدة النسخة كاملة : على الهواء مباشره



ود المطامير
27-09-2011, 10:46 AM
الإخوه المشاهدون مرحب بكم وضيفة حلقتنا اليوم أشهر من نار على علم
وتمتلك موهبه فذّه مما شاع صيتها فى كل أرجاء وطننا الحبيب
الإخوه المشاهدون معكم نرحب بالفنانه الرائعه ( حنان سكليب )

_ أهلا بيك أخت حنان ضيفه على برنامجنا

_ أهلا وسهلا ومرحب بالجمهور الكريم

_ أخت حنان ، ممكن تكلمينا عن نفسك

_ والله فى الحقيقه أنا مثل الكثيرات من بنات بلدى أحب البساطه فى كل شئ

_ رائع رائع ، طيب كلمينا عن بدايات فنك ومنو اللى وقف معاك وساعدك

_ والله فى الحقيقه أنا من قمت صغيرونه بكاااايه بكا شديد وفى أقل حاجه تلقينى
أبكى وأدردق فى الواطه واللى ساعدنى فى مشوارى الفنى هى أمى اللى كانت بتسوقنى
معاها بيوت البكا ، وكنت بشوفها وهى وصاحباتها لما يكونن ماشات بيت بكا بيتونسن
ويضحكن فى الشارع ومجرد ما يدخلن بيت البكا ينقلبن 160 درجه ويقعدن يبكن
البشوفهن يحلف يقول الميت أبوهن ولأنى كنت صغيرونه إختزلت المشاهد دى فى عقلى الباطنى
وبعد داك إستفدت منها فى مشوارى الفنى

_ رائع رائع رائع يا حنان سكليب ، لكن فى الفتره الأخيره ظهرن منافسات قويات ليك
ذى .. سعاد ردحى وكلتوم وووووب على والتايه كتحى وعلويه وصف
وسؤالى ليك يعنى ما خايفه من المنافسه ؟

_ منى دى البتخاف من المنافسه ؟ أول شئ أنا أول واحده إنتهجت هذا الفن الراقى
وتانى شئ ذى ما قلت ليك قبيل مشى مع أمى للبكيات زمان ومراقبتى للنسوان وهن بيبكن ويوصفن
خلانى مشبّعه من الصغر بالخبره لأنى كلما أمشى عزاء بستحضر تلك المشاهد وخاصه النسوان اللى
ما ستات البكا ، النسوان ستات البكا بكاهن حقيقى لكن التانيات بيجتهدن فى البكا عشان بكونن عارفات
إنو ست البكا بتكون مراقباهن بطرف عين وعلشان بعد البكا ما تلومهن علشان كدا بيتغمسن الدور
وبكون أدائهن جيد جداً
_ براااااااااافو ، تحفه والله يا حنان ودا اللى مخليك متفرده ومميزه

_ تسلمى والله

_ طيب يا أخت حنان ، أغانى البكاء منو اللى بيألفها ليك ؟

_ سؤال وجيه والله ، طبعا قبل حضورى بكون أخدت كل المعلومات عن الميت
وبعد كدا بنقعد أنا والتيم بتاعى مع حبوبه لينا كدا وهى مهندس أغانى ردحينا

_ رائع رائع ، طيب ممكن تحدثينا عن مشاريعك المستقبليه

_ والله حاليا نحن بنطور فى شغلنا وعاوزين ندخل آلات موسيقيه ذات نغمات حزينه
وتعاقدنا مع مهندس صوت ومايسترو لتوزع الألحان أثناء الردحى

_ جميل ، جميل جدا جدا ، طيب .. ممكن نستمع لأغنيه عزائيه ؟

_ جدا .. الإصطاف أستعدو

أنا أوووووووووووب على والليله أنا كررر كررر كررر على يا أخوانى
أووووب على أنا أوووووب على
يا الرحلت فى عز شبابك وبنيت لى الطابق الأول يادااااابك
أنا كرررر على كررر على يا أخوانى
أوووووب على أنا أوووووب على
أووووب على وكرررر علىىىى ويا الله لىىىىىىىىى

_ الله الله رائع رائع يا حنان سكليب

_ مشكوره وتسلمى

_ طيب يا حنان سكليب ، بتتفقى كيف مع أهل الميت على سعر الردحى

_ فى الحقيقه أسعارنا بتتفاوت ، وفى الغالب بتتوقف على الميت وحرورية موتو عند أهلو

_ كيف يعنى ؟ علشان المشاهدين يفهمو

_ يعنى مجرد ما تصلنا طلبيه بنطلب وقت للرد ، أها هنى بنعمل تحرياتنا ونشوف
الميت دا موتو موجع أهلو قدر شنو ؟ لو بكا حار بنرفع السعر علشان بنردح بكل قوتنا
وأكان تاجر نص كم يعنى بنتساهل معاهم

_ ولو موظف حكومى ؟

_ ها دا برسل ليهم الفرقه بس

_ هه هه هه هه ... لكن يا حنان فى بكا حار وبكا بارد

_ كييييييييف ؟ البكا الحار دا عارفه عند ناس منو ؟

_ أها

_ عند اللى بكون الميت هو رأس مالهم والبكا البارد عند الأغنياء لأنو المرحوم بكون خلى ليهم
قروش متندله

_ لكن يا حنان ، الناس اللى أوضاعهم صعبه ما دام أوضاعهم صعبه ليه بيطلبوا خدماتك ؟

_ التقليد .. التقليد ونحن أكبر شعب بحب التقليد ، يعنى هسى أنا لو مشيت دبى
وردحت لى يومين تلاته ورجعت ومعاى همر ما بكره بتلقى ناس التايه كتحى يتزاحمن فى المطار

_ هه هه هه هه هه ، دمك خفيف يا حنان

_ تسلمى والله

_ الإخوه المشاهدون كنتم مع حنااااااااااااااان سكلييييييييييب

همسات
27-09-2011, 11:01 AM
:cool::cool::cool:
;););)
;););)
;););)

ود المطامير
27-09-2011, 07:56 PM
:cool::cool::cool:
;););)
;););)
;););)



;););););););)

نزار احمد كوارتي
27-09-2011, 08:56 PM
انا كنت متأكد الجو الإتصلح ده بجيبك مصَلَح

مايسة
27-09-2011, 10:22 PM
خطير لكن يا شيخ باكوورد
--------------------

عجبتني حكاية انها بترسل الفرقة بس :cool:

تخريمة: على حسب قول العريس الصغيروني الجديد
الجو كان كيف امبارح في الجزيرة :rolleyes::p

مايسة
27-09-2011, 10:22 PM
انا كنت متأكد الجو الإتصلح ده بجيبك مصَلَح


صحن فول ولا شنو :p

ود المطامير
27-09-2011, 10:29 PM
انا كنت متأكد الجو الإتصلح ده بجيبك مصَلَح
;););););)

وبالطريقه الصاح

ود المطامير
27-09-2011, 10:30 PM
خطير لكن يا شيخ باكوورد
--------------------

عجبتني حكاية انها بترسل الفرقة بس :cool:

تخريمة: على حسب قول العريس الصغيروني الجديد
الجو كان كيف امبارح في الجزيرة :rolleyes::p
هع هع هع

والله يا خالتو أنا من غرفتى ما قاعد أطلع
;);););)

ود المطامير
27-09-2011, 10:31 PM
الإخوه المشاهدون
السلام عليكم ورحمة الله
فى الحلقه الماضيه كانت ضيفتنا حنان سكليب وكلنا تابعنا الحوار الشيق
والذى تكلمت عنه كل الصحف والمجلات والذى أدى لإحتجاج فنانات العزاء فى الصحف
والمجلات مما أدى لبلبله فى الشارع السودانى
وعليه مشاهدونا الكرام إستكمالا لحلقة أمس نستضيف اليوم وللمره الثانيه فنانة العزاء الشهيره حنان سكليب
فى مواجهة كوكبه من فنانات العزاء الصاعدات

_ مرحب بيك سيده التايه كتحى

_ مرحب بيك ، لكن كيف تقولى عليها شهيره ونحنا صاعدات ؟ إنتى متحيزه ليها من قولة تيت ولأ شنو ؟

_ أبدا والله يا خالتى التايه ، وكمان نرحب بالفنانه سعاد وصف ، أهلا بيك

_ أهلا وسهلا

_ وكمان معانا الفنانه كلتوم ردحى ، أهلا بيك

_ مرحب بيك وبالمشاهدين

_ طيب فى البدايه يا أخت حنان كل الفنانات اللى معانا هنى زعلانات من كلامك فيهن فى الحلقه الماضيه

_ والزعلهن فى كلامى شنو ؟ أنا ما قلت غير الحقيقه

_ حقيقه ؟ والله أكان حقيقه ما عارفه

_ لحظه يا سعاد وصف ، هن قالن إنو إنتى إتهمتيهن بالتقليد

_ أيوه ، أنا لما بديت الشغل منى فيهن كانت معاى فى الساحه ؟

_ أتفضلى يا كلتوم ردحى

_ أول شئ بحيك وبحى المشاهدين وتانى شئ بقول للأخت حنان إنتى ظروفك ساعدتك على الشهره
من يوم ردحتى فى وفاة الجاك ترطيبه ولأنه تاجر كبير يوم ردحيك عندهم كل نسوان التجار الكبار
شالن رقمك ودا الخلاك تتعالى علينا

_ لا لا لا أنا كنت مشهوره من قبل وفاة الجاك ترطيبه والدليل على كلامى أغنية ردحينى فى
السمانى دهب كل بيوت العزاء تغنت بيها

_ طيب .. خالتى التايه كتحه أتفضلى

_ أحيك وأحى المشاهدين .. أول شئ واحات أمى أنا كنت بردح بعمرها
وحات أمى لما أنا كنت بردح هى كانت بتلعب بالكار ، أمانه ما ردحت جنس ردحى
لكن يا بت أمى كلو كان ردحى مجان عاد الزمن داك الحال كان ميسور وهسى بعد ضاق بينا الحال
وأى حاجه نمسكها تطلع ماسوره قلت برى وحات أمى تانى ما برح مجان ، هى الشافعه سكلاليب دى أحسن منى فى شنو ؟ ؟

_ سكليب يا خالتو لو سمحتى ، وبعدين أنا ما شافعه وتانى شئ إنتى دقّه قديمه وردحيك بيييييئه خاااااالص

_ أنا دقّه قديمه ؟ يدقك ايمه منو أقول ليك ؟ أمانة الله الردحى الكبيتو أنا قبل ما يلدوك
أكان كنت باخد عليهو قروش علا أشتريك إنتى وفرقتك

_ طيب يا جماعه .. خلونا نسمع رأى سعاد وصف

_ بحيك وبحى الساده المشاهدين ، فى الحقيقه كون الأخت حنان هى أول من أطلق اللون دى من الفن لكن
هذا لا يعنى إنها الأفضل بدليل أنا هسى عامله تلفونى صامت ومن بداية الحلقه إتهذّ كم مره ودى كلها
يعنى طلبات جاتنى

_ نحنا بقينا بنتعامل بالإيميل والفيس بوك مش موبايلات وتانى شئ حتى الطلبات اللى بتجى بالموبايل
بتجي لمدير أعمالى

_ طيب يا حنان .. ما هى سبل تقيم الأداء بتاعكم ؟

_ الشارع .. الشارع هو اللى بيقيمنا ، كترة الطلبات هى اللى بتقيمنا ، أغانى ردحينا اللى
بتتردد فى بيوت البكا عند ناس البكا اللى ما بقدرو يجيبونا بردحو بيها هم براهم
وبعدين الأماكن ... الأماكن دى أهم حاجه فى تقيم الفنانه يعنى هسى خالتى التايه دى ولا مره ما حصل ردحت
فى الرياض ولا فى العمارات

_ يردحو فيك يا يمه ناس الحله ، أنا أكان ردحت فى الرياض ولأ العمارات إنتى بكره أكان تبيعى الكسره

_ معليش يا خاله التايه ... طيب يا حنان عندك أى إقتراحات لتقريب وجهات النظر ؟

_ والله أنا كل اللى بقترحو ليهن يمشن المستشفيات ويوزعن تلفوناتهن هناك على أهل العيانين وخاصه عنابر العنايه المركزه

_ نحنا نمشى المستشفيات ؟ تمشى مكسره

_ شوف المفلهمه

_ بت ال....

_ واااااااااااااااااااااااااااااااااااااى

_ يا جماعه ... يا جماعه ، يا جماعه كدا عيب ، نحنا على الهوا ، فكّنها ، فكنها ، يا مخرج أقطععععع


..... عدس الوبل ما يحتاج توابل ..............
.... فروعنا فى كل الولايات ..................
... تلفوناتنا أسفل الشاشه ................

مايسة
27-09-2011, 10:39 PM
هههههههههههههههههه

انت متأكد ولا الشباك ما فاتح :p:cool:
------------------

صراحة الحوار جميل جدا -
وفعلا بيناقش ظاهرة قيل انها انتشرت بصورة كبيرة - ظاهرة البكايات ديل

حتى الحزن بقروش -
يا حليلنا إحنا

نزار احمد كوارتي
27-09-2011, 11:04 PM
وبرضو تقول لي من الغرفه ما بتطلع؟؟؟!!!

ههه هاااااااي من الغرفه طلع خازوق

ود المطامير
27-09-2011, 11:06 PM
هههههههههههههههههه

انت متأكد ولا الشباك ما فاتح :p:cool:
------------------

صراحة الحوار جميل جدا -
وفعلا بيناقش ظاهرة قيل انها انتشرت بصورة كبيرة - ظاهرة البكايات ديل

حتى الحزن بقروش -
يا حليلنا إحنا
;);););););)

شباك فاتح وين وهن عمتنها ومعطنها

الظاهره دى أنا سمعت بيها فى المنتديات طشاش طشاش وكنت فاكرها دعابه

ود المطامير
27-09-2011, 11:08 PM
وبرضو تقول لي من الغرفه ما بتطلع؟؟؟!!!

ههه هاااااااي من الغرفه طلع خازوق
;);););););)
إنتا يا الممسوخ بنجيبك فى حلقه أصبر بس

عنكوليب
28-09-2011, 12:00 AM
خطيييييييييييييييييييييييييييييييييييييييييييييييي ر وماك هين يا ود المطامير

والله يكفينا شرهن ديل

ود المطامير
28-09-2011, 12:10 AM
خطيييييييييييييييييييييييييييييييييييييييييييييييي ر وماك هين يا ود المطامير

والله يكفينا شرهن ديل
آميييييييييييييييييين

تسلم يا الحبيب

وينو الجندى صاحبك ؟ ;)

عنكوليب
28-09-2011, 01:13 AM
آميييييييييييييييييين

تسلم يا الحبيب

وينو الجندى صاحبك ؟ ;)

انت ما قلت لي بجيك بهناك
ما ظهر ولا شنو ؟

آلاء عبد الرحمن
28-09-2011, 02:44 AM
دي قناة وين دي



انا اول مره اسمع بالكلام ده
ولو ماالتعليقات قيلاو هظاز
سبحان الله ياماحنشوف

ود المطامير
28-09-2011, 04:35 AM
انت ما قلت لي بجيك بهناك
ما ظهر ولا شنو ؟
هع هع هع هع

أيوه اليوم ما ظهر

تلقاهو مشى يبحت الأخبار ;)

ود المطامير
28-09-2011, 04:36 AM
دي قناة وين دي



انا اول مره اسمع بالكلام ده
ولو ماالتعليقات قيلاو هظاز
سبحان الله ياماحنشوف
دى قناة مودى محن ;)

ود الضو
28-09-2011, 06:52 AM
ذى .. سعاد ردحى وكلتوم وووووب على والتايه كتحى وعلويه وصف
[B][COLOR=blueE=5]
----------------------------

بالله في اسامي فنانات بالطريقه دي جد جد ؟؟
اضحك الله سنك يا ود المطامير ..
مشاققة :
مُش دي ياها زاتها البتغني :
الحب وقع مني كَشْ وانكسر ياناس ؟؟
قد تشابه علينا البقر ضمه ضمه آآآالحبيب ..

أحمد عمر ( MOODY )
28-09-2011, 07:49 AM
..... عدس الوبل ما يحتاج توابل ..............
.... فروعنا فى كل الولايات ..................
... تلفوناتنا أسفل الشاشه ................



غايتو معتز الريح .. اليومين ديل ماشّة معاهو باسطة
شايف هسه جابو ليهو كمان زر الوابل

أحمد عمر ( MOODY )
28-09-2011, 07:51 AM
وبرضو تقول لي من الغرفه ما بتطلع؟؟؟!!!

ههه هاااااااي من الغرفه طلع خازوق




لا لا لا .. ياااخ


من الغرفة طلع دخان الخازوق

أحمد عمر ( MOODY )
28-09-2011, 07:55 AM
هههههههههههههههههه

انت متأكد ولا الشباك ما فاتح :p:cool:
------------------

صراحة الحوار جميل جدا -
وفعلا بيناقش ظاهرة قيل انها انتشرت بصورة كبيرة - ظاهرة البكايات ديل

حتى الحزن بقروش -
يا حليلنا إحنا



ظاهرة بكّايات .. عديييييييل كده
يعني في ناس في السودان الواااحد ده
بجيبوا ليهم بكّايات عشان يبكوا ليهم

إنتو السودان ده فضل فيهو كم زول ؟؟

بنت الرفاعي
28-09-2011, 07:59 AM
:D :D :D
ما شاء الله.:)










صراحة الحوار جميل جدا -
وفعلا بيناقش ظاهرة قيل انها انتشرت بصورة كبيرة - ظاهرة البكايات ديل


حتى الحزن بقروش -

يا حليلنا إحنا







الظاهره دى أنا سمعت بيها فى المنتديات طشاش طشاش وكنت فاكرها دعابه




؟؟؟؟؟؟؟؟
!!!!!!!
:confused:
:eek:
يعني الكلام ده من زمان حقيقي؟!
:confused:
:eek:




:):):)

ود المطامير
28-09-2011, 08:25 AM
----------------------------

بالله في اسامي فنانات بالطريقه دي جد جد ؟؟
اضحك الله سنك يا ود المطامير ..
مشاققة :
مُش دي ياها زاتها البتغني :
الحب وقع مني كَشْ وانكسر ياناس ؟؟
قد تشابه علينا البقر ضمه ضمه آآآالحبيب ..
هع هع هع هع
تسلم يا حبيبنا
وهى إياها ذاتها لكن دى كان فى أول مشوارها ;););)
ضمه ضمه يا غالى

ود المطامير
28-09-2011, 08:27 AM
غايتو معتز الريح .. اليومين ديل ماشّة معاهو باسطة
شايف هسه جابو ليهو كمان زر الوابل
وإنتا بطريقتك دى بتجيب ليهو الهوا ;)
تحياتنا له من الأعماق

ود المطامير
28-09-2011, 08:37 AM
:D :D :D
ما شاء الله.:)




؟؟؟؟؟؟؟؟
!!!!!!!
:confused:
:eek:
يعني الكلام ده من زمان حقيقي؟!
:confused:
:eek:


:):):)


شفتى كيف يا دكتوره ؟
محن محن محن
وناس تشتهى اللحمه

هو مش البكا على الميت بعذب الميت ؟
يعنى أهل الميت بشتروا عذاب فقيدهم بالقروش

قادر الله

بنت الرفاعي
28-09-2011, 08:48 AM
شفتى كيف يا دكتوره ؟
محن محن محن
وناس تشتهى اللحمه

هو مش البكا على الميت بعذب الميت ؟
يعنى أهل الميت بشتروا عذاب فقيدهم بالقروش

قادر الله



من زمان بسمع بالقصص دي وأكثر شيء هنا في المنتدى،
لكن ما حصل
فكّرت أنها مُمكن تكون حقيقية إلا بهذا البوست،
(لكن بالجد الكلام ده جد؟!):confused:!!



أستغفر الله العظيم،
يا رب تهدينا أجمعين.




:):):)

ود المطامير
28-09-2011, 09:07 AM
من زمان بسمع بالقصص دي وأكثر شيء هنا في المنتدى،
لكن ما حصل
فكّرت أنها مُمكن تكون حقيقية إلا بهذا البوست،
(لكن بالجد الكلام ده جد؟!):confused:!!



أستغفر الله العظيم،
يا رب تهدينا أجمعين.




:):):)
والله يا دكتوره أنا لحد كتابة البوست كنت فاكر الأمر دعابه
وهسى بقيت خايف حنان سكليب تجى تنط لى فى رقبتى ;)

ود المطامير
28-09-2011, 11:16 AM
أليس غريبا أن يكون بلد مثل السودان ويمتلك ثروه حيوانيه ضخمه شعبه يشتهى اللحمه ؟
أليس غريباً سلة غذاء الوطن العربى معظم بطون أهلها خاويه ؟
هل الغلاء الفاحش من تداعيات إنفصال الجنوب ؟
من المسؤول عن تفشى ظاهرة الغلاء ؟ الحكومه أم الشعب أم التجار ؟
وهل سيؤدى ذلك بكارثه كما لحقت ببعض الأنظمه العربيه ؟

الإخوه المشاهدون مرحب بكم فى برنامجكم الإتجاااااه المعاكس

_ فى البدايه أرحب بضيفي الكريمين ، ممثل حكومة الإنقاذ أبوالثعالب ، أهلا بيك

_ أهلا وسهلا

_ ومن الإتجاه الآخر والمعارضه ، أبوالعلاعل ، مرحب بيك

_ مرحب بيك

_ خلينا نبدأ معاك يا أبوالثعالب ، ألأ تتفق معى فى اللى سمعناه وشفناه فى التقرير ؟

_ أبداً ، والسبب بسيط هذا التقرير صورته قناة الجزيره وقناة الجزيره لو دخلت أى بلد بتجيب زيتو
نحنا الحمد لله شعبنا واعى ومتفهم وخصوصاً من ناحية الغلاء شعبنا واعى إنو الغلاء متفشى فى
جميع المعموره ومش عندنا فى السودان وبس

_ طيب .. أبوالعلاعل

_ فى الحقيقه الأخ أبوالثعالب بيتحجج ويتبجح إنو الغلاء منتشر فى كل الدول
ودا كلام صحيح ، لكن فى كل الدول فى إنتاج وفى دخل ويوجد لدى المواطن
مردود مادى يجعله يتماشى مع موجة الغلاء لكن عندنا نحنا العكس هو الصحيح

_ كيف ؟

_ جايك فى الكلام يا مطاميرو ، أقول ليك كيف ؟ مزارع ، مزارع بسيط بيقوم مع الفجر
يفتح أبوعشرين ويسقى ويحفر لحد المغرب ويوم يجنى المحصول من عجلات الدفار تمسك
الظلط دفاتر جبايات الحكومه تطاردو شئ حق الولايه وشئ حق المحليه وشئ دمغة جريح
هو الجنوب وإنفصل والحرب وقفت تانى الجريح دا إنجرح وين ؟ فى حادث حركه ؟
والغريب إنو رئيس الجمهوريه وبمرسوم رسمى ألغاها لكن على أرض الواقع موجوده
أها .. المزارع دا يا إما يرفع سعر المحصول يا يخلى الزراعه ، يعنى الناس تتعب عشان
تكل نفسها بنفسها الحكومه مقاسمها فى لقمة عيشها

_ ردك شنو يا أبوالثعالب ؟

_ نحنا عملنا خطه زراعيه وكونا لجان واللجان إنبثقت منها لجان فرعيه واللجان الفرعيه
إنبثقت منها غرف عمليات وغرف العمليات لديها فرق فى الميدان لدراسة الإمور اللى ذى دى

_ لجان وإنبثاقات وفرق ، ألا ترى معى دا تطويل وتسويف للأمر ؟

_ والله يا مطاميرو ، نحنا فى الحكومه همنا راحة المواطن علشان كدا لازم
كل شئ يكون عملى ومدروس عندك مثلا عملنا كبرى أم درمان الجديد ون...

_ على الطلاق عملتوهو لعرباتكم ليلى علوى الواقفه ليك بره دى

_ ياخ ليلى علوى ولأ شيرهان ، أرجوك يا أبوالعلاعل ما تقاطعنى ، عملناهو علشان راحة المواطن وكدا
نحنا فى حكومة الإنقاذ شادين الأحزمه على بطوننا عش.........

_ ها هع ها ها ، على الطلاق إنتو كروشكم مادنها قدامكم بس المره الفى الشهر السابع

_ ياخ قلت لى ما تقاطعنى

_ لحظه ... لحظه يا جماعه ، أبوالعلاعل ، تفتكر الحل شنو لأزمة الغلاء دى ؟

_ حرّم مافى حل غير نقلبا ، ديل جو ينقذونا من شنو هم ؟ اليرجعونا محل ما جو ينقذونا
ياخ ديل طلعو ماسوره بت كلب

_ نحنا ماسوره ؟ ولأ إنتو أيامكم جون قرن قرب يصل أبوحراز ، نحنا عمرنا البلد

_ على الطلاق عمرتو قصوركم وفللكم وأكان للبلد شقيتوها نصين

_ طيب لحظه .. لحظه .. معانا متصل ، أبوصاموطه من السعوديه أتفضل أخى الكريم

_ بحيك يا مطاميرو وبقول لأبوالثعالب دا ، ياخ طلعتو زيتنا الله يطلع زيتكم ياخ إن..........

_ ناخد متصل تانى ، على الهبشه من أميركا ، أتفضل أخى الكريم

_ مشكور مطاميرووو .. الأخ أبوالثعالب قال عمرنا البلد وهو شنو فايدة التعمير والناس جيعانين
المواطن اليوم ما قادر يأكل ، خلى اللحمه ومشى للعدس سعر العدس وصل السما ، قبل على صلطة
الدكوه الطماطم الكيلو قرب يلحق سعر كيلو اللحم ، فى حين إنو ناس الحكومه شبعانين ويبنو فى القصور

_ أشكرك أخى على الهبشه من أمريكا ، رأيك شنو يا أبوالثعالب فى كلامه

_ اللى ذى على الهبشه دا وأمثاله المعارضين من خارج الحدود وأعداء الوطن الغربيين
ينزلوهم فى الفنادق الفخمه ومتجدعين فيها لازم يقول اللى بملوهو ليهو أسيادو الأمريكان

_ طيب .. أبوالعلاعل ، إنتو فى المعارضه صفوفكم مشتته ، عرمان بجيهه وعقار بجيهه
وحزب الأمه بجاى والمؤتمر الشعبى بهناك لشنو ما توحدوا صفوفكم

_ والله سؤال مهم لكن مش ناس الإنقاذ ديل ؟ حرّم يفروقو الراجل من مرتو
ياخى ديل حيرو العالم علشان كدا إسقاط النظام لن يتم عن طريق المعارضه بل
الشعب هو اللى ح يسقطها وخاصه هم هسى هبشو الشعب فى أكل عيشو
زمان ضيقوها عليهم فى التعليم وإتحملو وضيقوها عليهم فى الصحه وأكلو القرض
لكن هسى هم خلاص وصلو اللحم الحى وبكره ح تشوف وإنتا يا أبوالثعالب
من هسى أشترى ليك فيزا من السعوديه

_ _ حلم الجيعان عيش ، نحنا قاعدين والراجل فيكم اللى يجى يقلعها

_ طيب لحظه .. لحظه ناخد إتصال ، تماضر كسره من أم درمان أتفضلى

_ كتر خيرك يا مطاميرو .. والله يا ولدى نحنا لما جات الإنقاذ دى حبينا البشير من قلوبنا الله يعلم
وتفاءلنا بيهو وحات أمى يوم نشوفو فى التلفزيون بنقعد نزغرد علا يا ود أمى أريتو
إنقاذ السواد والرماد العملوهو لينا دا ، أنا ببيع الكسره والملاح عشان
أربى أولادى اليتاما وأنقذهم من الضياع جو ناس الإنقاذ كتمو لى نفسى
لا هم أنقذو لى أولادى كتعليم مجان وعلاج مجان عشان يتاما ولا خلونى أنا أنقذهم ، فتك بعافيه يا ولدى

_ تسلمى يا خالتنا تماضر كسره وربنا يعينك ، أبوالثعالب ، ألا ترى معى كل المتصلين
واقفين ضد الحكومه ودا بيأكد كلام أبوالعلاعل إنو لما الناس ضاقت فى أكل عيشها
بدأت تتململ وتهاجم الحكومه خاصه وهم من عامة الشعب

_ لا أبداً ديل شريحه ضيقه مضللين من المعارضه وحزب المؤتمر الوطنى لديه قاعده عرييييضه
وبدليل إنو الحكومه جات عن طريق الإنتخابات

_ طيب .. أبوالعلاعل ، كا ذكرت سابقا إنو الحكومه شغاله فيكم فرق تسد
وكما قلت إنو الشعب هو اللى ح يقول كلمته تفتكر كيف ح يكون المستقبل ؟

_ إن شاء الله قريب الجماعه ديل بركبوالتونسيه وح يلحقو القذافى والقدامك دا بكره
بشتت بأقرب طياره و....

_ أنا ؟ أنا على الطلاق ما سائل فيكم و...

_ طلاق شنو ما قبل كدا سمعنا طلاقكم فى التلفزيون وينو هسى ؟

_ يازول ما تغلط

_ بغلط عاوز تعمل لى شنو ؟

_ والله أقوم عليك بعصاتى دى هسى تقوم جارى

_ تعال على الطلاق فرد بُنيه أكان ألحقك أمات طه

_ أنا ....

_ إنت والله ل..........

_ عوووورررررر

_ كرررررررروك ك

_ كرععععع كرو رع

_ المشاهدون الكرام كنتم مع برنامج الإتجاه المعاكس وهذا ود المطامير يحيكم ،، تصبحو على خير ،،

آلاء عبد الرحمن
29-09-2011, 10:38 AM
أليس غريبا أن يكون بلد مثل السودان ويمتلك ثروه حيوانيه ضخمه شعبه يشتهى اللحمه ؟
أليس غريباً سلة غذاء الوطن العربى معظم بطون أهلها خاويه ؟
هل الغلاء الفاحش من تداعيات إنفصال الجنوب ؟
من المسؤول عن تفشى ظاهرة الغلاء ؟ الحكومه أم الشعب أم التجار ؟
وهل سيؤدى ذلك بكارثه كما لحقت ببعض الأنظمه العربيه ؟

الإخوه المشاهدون مرحب بكم فى برنامجكم الإتجاااااه المعاكس

_ فى البدايه أرحب بضيفي الكريمين ، ممثل حكومة الإنقاذ أبوالثعالب ، أهلا بيك

_ أهلا وسهلا

_ ومن الإتجاه الآخر والمعارضه ، أبوالعلاعل ، مرحب بيك

_ مرحب بيك

_ خلينا نبدأ معاك يا أبوالثعالب ، ألأ تتفق معى فى اللى سمعناه وشفناه فى التقرير ؟

_ أبداً ، والسبب بسيط هذا التقرير صورته قناة الجزيره وقناة الجزيره لو دخلت أى بلد بتجيب زيتو
نحنا الحمد لله شعبنا واعى ومتفهم وخصوصاً من ناحية الغلاء شعبنا واعى إنو الغلاء متفشى فى
جميع المعموره ومش عندنا فى السودان وبس

_ طيب .. أبوالعلاعل

_ فى الحقيقه الأخ أبوالثعالب بيتحجج ويتبجح إنو الغلاء منتشر فى كل الدول
ودا كلام صحيح ، لكن فى كل الدول فى إنتاج وفى دخل ويوجد لدى المواطن
مردود مادى يجعله يتماشى مع موجة الغلاء لكن عندنا نحنا العكس هو الصحيح

_ كيف ؟

_ جايك فى الكلام يا مطاميرو ، أقول ليك كيف ؟ مزارع ، مزارع بسيط بيقوم مع الفجر
يفتح أبوعشرين ويسقى ويحفر لحد المغرب ويوم يجنى المحصول من عجلات الدفار تمسك
الظلط دفاتر جبايات الحكومه تطاردو شئ حق الولايه وشئ حق المحليه وشئ دمغة جريح
هو الجنوب وإنفصل والحرب وقفت تانى الجريح دا إنجرح وين ؟ فى حادث حركه ؟
والغريب إنو رئيس الجمهوريه وبمرسوم رسمى ألغاها لكن على أرض الواقع موجوده
أها .. المزارع دا يا إما يرفع سعر المحصول يا يخلى الزراعه ، يعنى الناس تتعب عشان
تكل نفسها بنفسها الحكومه مقاسمها فى لقمة عيشها

_ ردك شنو يا أبوالثعالب ؟

_ نحنا عملنا خطه زراعيه وكونا لجان واللجان إنبثقت منها لجان فرعيه واللجان الفرعيه
إنبثقت منها غرف عمليات وغرف العمليات لديها فرق فى الميدان لدراسة الإمور اللى ذى دى

_ لجان وإنبثاقات وفرق ، ألا ترى معى دا تطويل وتسويف للأمر ؟

_ والله يا مطاميرو ، نحنا فى الحكومه همنا راحة المواطن علشان كدا لازم
كل شئ يكون عملى ومدروس عندك مثلا عملنا كبرى أم درمان الجديد ون...

_ على الطلاق عملتوهو لعرباتكم ليلى علوى الواقفه ليك بره دى

_ ياخ ليلى علوى ولأ شيرهان ، أرجوك يا أبوالعلاعل ما تقاطعنى ، عملناهو علشان راحة المواطن وكدا
نحنا فى حكومة الإنقاذ شادين الأحزمه على بطوننا عش.........

_ ها هع ها ها ، على الطلاق إنتو كروشكم مادنها قدامكم بس المره الفى الشهر السابع

_ ياخ قلت لى ما تقاطعنى

_ لحظه ... لحظه يا جماعه ، أبوالعلاعل ، تفتكر الحل شنو لأزمة الغلاء دى ؟

_ حرّم مافى حل غير نقلبا ، ديل جو ينقذونا من شنو هم ؟ اليرجعونا محل ما جو ينقذونا
ياخ ديل طلعو ماسوره بت كلب

_ نحنا ماسوره ؟ ولأ إنتو أيامكم جون قرن قرب يصل أبوحراز ، نحنا عمرنا البلد

_ على الطلاق عمرتو قصوركم وفللكم وأكان للبلد شقيتوها نصين

_ طيب لحظه .. لحظه .. معانا متصل ، أبوصاموطه من السعوديه أتفضل أخى الكريم

_ بحيك يا مطاميرو وبقول لأبوالثعالب دا ، ياخ طلعتو زيتنا الله يطلع زيتكم ياخ إن..........

_ ناخد متصل تانى ، على الهبشه من أميركا ، أتفضل أخى الكريم

_ مشكور مطاميرووو .. الأخ أبوالثعالب قال عمرنا البلد وهو شنو فايدة التعمير والناس جيعانين
المواطن اليوم ما قادر يأكل ، خلى اللحمه ومشى للعدس سعر العدس وصل السما ، قبل على صلطة
الدكوه الطماطم الكيلو قرب يلحق سعر كيلو اللحم ، فى حين إنو ناس الحكومه شبعانين ويبنو فى القصور

_ أشكرك أخى على الهبشه من أمريكا ، رأيك شنو يا أبوالثعالب فى كلامه

_ اللى ذى على الهبشه دا وأمثاله المعارضين من خارج الحدود وأعداء الوطن الغربيين
ينزلوهم فى الفنادق الفخمه ومتجدعين فيها لازم يقول اللى بملوهو ليهو أسيادو الأمريكان

_ طيب .. أبوالعلاعل ، إنتو فى المعارضه صفوفكم مشتته ، عرمان بجيهه وعقار بجيهه
وحزب الأمه بجاى والمؤتمر الشعبى بهناك لشنو ما توحدوا صفوفكم

_ والله سؤال مهم لكن مش ناس الإنقاذ ديل ؟ حرّم يفروقو الراجل من مرتو
ياخى ديل حيرو العالم علشان كدا إسقاط النظام لن يتم عن طريق المعارضه بل
الشعب هو اللى ح يسقطها وخاصه هم هسى هبشو الشعب فى أكل عيشو
زمان ضيقوها عليهم فى التعليم وإتحملو وضيقوها عليهم فى الصحه وأكلو القرض
لكن هسى هم خلاص وصلو اللحم الحى وبكره ح تشوف وإنتا يا أبوالثعالب
من هسى أشترى ليك فيزا من السعوديه

_ _ حلم الجيعان عيش ، نحنا قاعدين والراجل فيكم اللى يجى يقلعها

_ طيب لحظه .. لحظه ناخد إتصال ، تماضر كسره من أم درمان أتفضلى

_ كتر خيرك يا مطاميرو .. والله يا ولدى نحنا لما جات الإنقاذ دى حبينا البشير من قلوبنا الله يعلم
وتفاءلنا بيهو وحات أمى يوم نشوفو فى التلفزيون بنقعد نزغرد علا يا ود أمى أريتو
إنقاذ السواد والرماد العملوهو لينا دا ، أنا ببيع الكسره والملاح عشان
أربى أولادى اليتاما وأنقذهم من الضياع جو ناس الإنقاذ كتمو لى نفسى
لا هم أنقذو لى أولادى كتعليم مجان وعلاج مجان عشان يتاما ولا خلونى أنا أنقذهم ، فتك بعافيه يا ولدى

_ تسلمى يا خالتنا تماضر كسره وربنا يعينك ، أبوالثعالب ، ألا ترى معى كل المتصلين
واقفين ضد الحكومه ودا بيأكد كلام أبوالعلاعل إنو لما الناس ضاقت فى أكل عيشها
بدأت تتململ وتهاجم الحكومه خاصه وهم من عامة الشعب

_ لا أبداً ديل شريحه ضيقه مضللين من المعارضه وحزب المؤتمر الوطنى لديه قاعده عرييييضه
وبدليل إنو الحكومه جات عن طريق الإنتخابات

_ طيب .. أبوالعلاعل ، كا ذكرت سابقا إنو الحكومه شغاله فيكم فرق تسد
وكما قلت إنو الشعب هو اللى ح يقول كلمته تفتكر كيف ح يكون المستقبل ؟

_ إن شاء الله قريب الجماعه ديل بركبوالتونسيه وح يلحقو القذافى والقدامك دا بكره
بشتت بأقرب طياره و....

_ أنا ؟ أنا على الطلاق ما سائل فيكم و...

_ طلاق شنو ما قبل كدا سمعنا طلاقكم فى التلفزيون وينو هسى ؟

_ يازول ما تغلط

_ بغلط عاوز تعمل لى شنو ؟

_ والله أقوم عليك بعصاتى دى هسى تقوم جارى

_ تعال على الطلاق فرد بُنيه أكان ألحقك أمات طه

_ أنا ....

_ إنت والله ل..........

_ عوووورررررر

_ كرررررررروك ك

_ كرععععع كرو رع

_ المشاهدون الكرام كنتم مع برنامج الإتجاه المعاكس وهذا ود المطامير يحيكم ،، تصبحو على خير ،،

انا عايزة اهدي ممكن

mahagoub
30-09-2011, 03:45 AM
انحنا لسه ما لحقنا عزينا
شبكتنا فى الحكومه
اكلناها قروض برضو ما اتحلينا
ربك يعدل الحال
اها بيت البكا بوين

ود المطامير
05-10-2011, 12:22 PM
الإخوه المشاهدون
السلام عليكم ورحمة الله

سهرتنا اليوم مع حدث كبير وتداعيات تصريح خطير
أثار البلبله فى فى الشارع السودانى

الإخوه المشاهدون نستضيف اليوم فى سهرتنا لهذه الليله صاحب التصريح الخطير

د . عبدالرحمن الخضر والى ولاية الخرطوم

وللإتصال تلفوناتنا أسفل الشاشه


_ أهلا بيك يا سيادة الوالى

_ أهلا وسهلا وأشكركم لإتاحة الفرصه لى وأرحب بالساده المشاهدين

_ سيادة الوالى ، فى تصريحك الأخير ، ماذا تقصد بالضبط ؟

_ فى الحقيقه كلنا فى الخرطوم شايفين الإزدحام الحاصل فى الأحياء والأسواق والشوارع
ومعظم هذا الإزدحام ناتج عن تكدس عدد هائل من العاطلين عن العمل اللى جو من شتى الولايات
وعلشان كدا نحنا قررنا إرجاعهم لمناطقهم بدل الزحمه العاملنها لينا دى وإستنزاف موارد الولايه

_ لكن يا سيادة الوالى ، هؤلاء هم مواطنين سودانيين ويبحثون عن سبل عيش كريم
وحضروا للعاصمه لأن الحكومه لم توفر لهم مصدر دخل فى مناطقهم المختلفه

_ لا أنا لا أتفق معاك فى الحته دى ، ولايات السودان غنيه بمواردها ولكن الناس
عندها ولع إسمو الخرطوم ، والحكومه ما قصرت أنشأت الجامعات والمشاريع فى كل الولايات

_ طيب .. فى تصريحك الشهير أشرت إلى أن الحكومه ليس لها يد فى مقاطعة اللحوم
وقلت بأن تجار المواشى أوقفوا شحن المواشى للخرطوم وطالبت المواطنين بالإتجاه لتناول لحوم الفراخ

_ نعم .. عندما أعلن عن مقاطعة اللحوم تجار المواشى تخوفوا من الخساره
وأنا طالبت بتناول الفراخ والدجاج بديلا للحوم

_ طيب .. نأخد متصل .. أبوصاموله العربجى من ولاية .. الله لى .. تفضل

_ الووو التلفزيون ؟

_ نعم .. نعم معاك التلفزيون عندك سؤال للسيد الوالى ؟

_ أيّا عندى بالحيل

_ تفضل

_ الووو الوالى كيفنك ؟

_ بخير تسلم

_ ها زول إت بصحك ؟ ناكل فراخ ؟ هع هع هع هع على الطلاق يا الوالى ضحكتنى
وأنا ما فاطر ولا متغدى ، وياتو فراخ دى نعلها أبوالرقيعات ؟

_ نشكر المتصل الكريم ، سيادة الوالى فهمنا من كلام الأخ صاموله إنو هم حتى الفراخ ما قادرين عليها

_ ونعمل ليهم شنو ؟ الياكلو بنى كربو بمويه وملح ويمشو حالهم ، هى الدنيا طارت يعنى ؟

_ ناخد أبو كرنك من ولاية ... كر على ... ، أتفضل يا أبوكرنك

_ سلام عليكم

_ وعليكم السلام

_ الوالى عاين جاى هوووووووى ، مش الخرطوم دى على بالطلاق هيلنا قبلما تكون هيلكم
ما شبعتو كمان عاوزين تحرمو جنياتنا من الشغل فيها وعلى بالطلاق ألم في......

_ نأسف سيادة الوالى لهكذا مداخلات ودا أظن بيرجع كون الناس زعلانين من تصريحك

_ لا لا ما عليك دىل نحنا عارفنهم وعارفين ناس المعارضه وراهم وما بعيد
تلقاهم شحنو ليهم جوالاتهم رصيد علشان يقولوا كدا

_ طيب .. وائل من الرياض تفضل

_ أول شئ بحيك وبحى السيد الوالى على تصريحه الرائع واللى إنتظرناهو زمن طويل
لأنو ناس الأقاليم ديل أتعبونا جدا كتير ، وأنا هسى لما أكون ماشى أودى ناس مامى مشوار
بشيل هم ما أدعس واحد منهم لأنهم منتشرين ذى الجراد
وكتير بكاسيهم بتخدس لى كامرينى الجديده وشكرا

_ تسلم إبنى وائل وأحب أطمنك إن شاء الله بعد سنه ممكن تتجول فى شارع النيل
حتى ولو بالهمر ومش ح تلقى مزاحمات

_ طيب .. يسرا من العمارات أتفضلى

_ مرسى ، وبحىّ عمو الوالى وبطلب منو سرعة تنفيذ ترحيل ناس
هوووووى بجلللللد هووووى بجللللد ديل من العاصمه وشكراً

_ بإذن الله يا بنتى يسرا ح نريجكم منهم خالص خالص

_ طيب .. عمر من ولاية ... فتريتة بس ... أتفضل

_ أنا بس عاوز أقول للوالى إذا كان عطالة الأقاليم مالين الخرطوم لشنو
الحكومه ملت البلد بالهنود والبنغاله الطردوهم ناس الخليج ؟

_ سيادة الوالى

_ إحم إحم ، ما هو وأصلو ونحنا ولما جاتنا العولمه جاتنا بتوابعها وكدا

_ طيب .. د . صلاح من لندن أتفضل

_ مساء الخير للجميع وأنا أحب أوضح أن حكومة الإنقاذ الوزراء والمسؤلين
عندهم تصريحات فى قمّة قمّة الغباء ، يعنى مثلا بعد مظاهرات برى الأخير
يطلع لينا نافع على نافع ويقول مظاهرات برى دى وراها شيوعى مقرّش
بالله دا كلام ؟ وعليكم الله دا تصريح لمسؤول كبير فى الحكومه ؟ هو إنتو بتدفنو راسكم فى الرمال ذى النعامه ولأ شنو ؟
ناس مرقهم الجوع والمرض والحال المايل تقول لى مرقهم واحد شيوعى مريش ؟
والله نح.......

_ نشكر د . صلاح من لندن ، سيادة الوالى رأيك فى كلام د . صلاح من لندن

_ لا لا ناس لندن وواشنطن وباريس ديل كروتهم محروقه وختوا أيديهم فى أيدى الكفره
من أجل زعزعة أمن وإستقرار السودان

_ طيب ناخد الحاجه بت المنى من ولاية ... ظروفنا كدا .. أتفضلى

_ هيييييي يا ود الخدر كلامك كلام السواد والرماد لكن ، هسى ولدى خلى المدرسه
وباع غويشتى الفرد وحيده ومشى يا الخرطوم عشان يكابس لينا الرزق
بدور تجيبو لى صادى فى صمة خشمو ؟ ونحنا ضايقناكم فى شنو يا يابا ؟ فى صينيتكم البشولوها عشره
ولأ فى مستشفياتكم البى جمبها ما بنقدر نجى ؟ ضايقناكم فى شنو يا ود أمى ؟
وحات مسايرى ديل فرد توب من حقات نسوان الكيزان حقو يكلنا شهر ..

_ خالتى بت المنى لو سمحتى نح....

_ ما تقاطعنى يا ود المطامير خلينى الننفش فيهم وحات إسم الله شافعهم أكان ترع
نحنا نسقى بتريعو الكسره عاد ما هو أكان ترع قالولك بترع شنو ؟ أمانة الله حليب فريزيان
ونحنا وحات الله الشافع التقول برضع فى سعن ناشف عاد كيفن الكلام دا يا ود أمى ؟

_ طيب يا خاله خليك معانا على الخط وأسمعى رد الوالى

_ أول شئ بشكر خالتنا على رأيها ونحترمه وبقول يها خلى ولدها يراجعنى فى مكتبى

_ أهااا يا خاله بت المنى كلمى ولدك وخليهو يراجع مكتب الوالى

_ لا لا يا ود أمى بخاف يمشى ليهم وما يرجع تانى أحسن يجى راجع لأمو

_ طيب .. الكوج من ولاية .. يفرجها علينا الله .. أتفضل

_ الوالى قلت ليك ، إنتا أصلك من الخرطوم ولأ جيتوها زمان ضهب سااااااااااااااى ؟

_ هه هه هه ، معليش يا سيادة الوالى ، حسناء من أم درمان أتفضلى

_ مرسى ، وأنا بستغرب ليه ناس الله لى وشنو ما عارفه زعلانين كدا ؟
أيوه يرجعو كلهم هو إحنا قاعدين نمشى ليهم وشكرا

_ شكرا حسناء من أم درمان ونأخد ناريمان من كافورى أتفضلى

_ هاااى ، أنا أأيد رأى عمو الوالى بشده أنا مره كنت فى عفراء وكان جمبى واحد من ناس كررر على ديل
تصدق يا عمو الوالى عطس لى فى البلوزه بتاعتى يااااااى حسيت بجسمى كلو برتعش
ويا ربى توصلنى الفيلا حقتنا لكن المشكله كانت كيف أدخل بيها الفيلا وهى ملوثه ؟
رحلهم يا عمو وما تنسى تعمل ليهم خروج نهائ وبااااى

_ مشكوره يا بنتى وخلاص هانت وتانى إنشاء الله تمشى عفراء وإنتى مطمئنه

_ طيب ... نأخد أستاذ يوسف من ولاية ... حبيبى مفلس .. أتفضل يا أستاذ

_ شكرا وبحيك وبحى الوالى والمشاهدين ، أنا بقول للوالى
أبناء الولايات من حقهم يمشوا أى شبر فى السودان وبعدين
كل خيرات الولايات تذهب للخرطوم وجيوب التماسيح إبقى لشنو تحرموهم من
مكابسة أرزاقهم فى بقعه من السودان إتعمرت بخيرات ولاياتهم ؟ وشكرا

_ سيادة الوالى

_ ما عندى تعليق

_ طيب .. أبوضراع من ولاية ... هيييييييييييييع أنا أخوك إت .. أتفضل

_ أولاً بالتبادى أنا قندفة الكلام ما بعرفها لكن بقول للوالى
الخرطوم مانا جاينها تب لكن إنتو ذاتكم ما تجونا وأقعدو أعرضو وأنقزو قبلكم

_ أيها المشاهدون كنتم مع والى ولاية الخرطوم وتداعيات تصريحه الخطير
ود المطامير يحيكم // فتكم بعافيه //

نزار احمد كوارتي
05-10-2011, 09:59 PM
غايتو معتز الريح .. اليومين ديل ماشّة معاهو باسطة
شايف هسه جابو ليهو كمان زر الوابل



ده يا ربي لمن تكبُس عليهُ البِحصَل شِنو؟؟؟

ود المطامير
17-10-2011, 09:54 AM
الإخوه المشاهدون
السلام عليكم ورحمة الله
ضيف حلقتنا لهذه الأمسيه وعلى الهواء مباشرةً
هو حبيب الكل وأشهر من نار على علم وإزداد شهره بعد تلك الأمسيه الحافله
وتلك القصيده التى أبكته أمام الجمهور

المشاهدون الكرام رحبو معى بالحبيب ( خالد علونى )

_ مرحب بيك أخ خالد

_ أهلا وسهلا وبرحب بالمشاهدين الكرام وبشكر أسرة البرنامج لإستضافتها لى

_ تسلم .. كلنا تابعنا الحدث الفريد فى يوم الإحتفال حيث توقفت العبرات
فى الحلق وإنهمرت الدموع غزيره ، حدثنا عنها وعن حكاية القصيده

_ إحم .. فى البدايه .. أحب أقول إنو تلك القصيده طالعه من بيت الكلاوى
ممزوجه فى رنات ألم وعند ما ألقيتها أمام الجمهور إنفصلت عن الواقع
وحلقت فى عوالم ورديه ورماديه وضبابيه علشان الفراق حااار
ونسيت نفسى وجمهورى ولم أشعر إلا والعبرات تسد حلقى

_ جميل .. ممتاز .. يعنى وأنت بتلقى فى القصيده إنغمست فيها بكل كيانك ؟

_ نعم .. إنغمست فيها بكل ألوان الطيف وذبت فيها بكل كيانى

_ جميل ، أنا توقفت عند هذا المقطع المزهل
سوى إحساسي المكبوت في نفسي
عبارات وعبرات
هل دا هو البيت البكاك قدام الناس ؟ خاصه و ( ريمون ) ما حددت
المكان اللى بكاك فى القصيده

_ والله القصيده من أولها لاخرها باكيه وحروفها مغموسه فى الدمع
و ( ريمون ) يا رب الحفله تنتهى عشان ترجع البيت وجرى على النت
وجات النفاج صاراهو ليهم فى خيط

_ هع هع هع هع ، طيب ناخد إتصالات ، ( بحيرى ) أتفضل

_ أوووووووه يا فرده منور الشاشه والله

_ تسلم يا الحبيب

_ أهاا .. والله ولا يهمك أكان بكيت قدام الناس ، ياخ الشعراء أصلهم
ناس حساسين ومرهفين

_ مشكور يا بحيرى وتسلم وإن شاء الله نشرفكم تانى وتالت

_ طيب .. ( عم محجوب أتفضل )

_ يا ولدنا منور

_ بنورك يا عمنا

_ قالو لى يوم بتلقى فى القصيده قبضت فرامل وأووووورر دموعك نزلت هبطرش

_ ما للدرجه دى يا عمنا ( ريمون ) دى أدتها كوز

_ أحمد مودى أتفضل

_ علونى يا أمير الشعراء

_ تسلم لى يا الحبيب

_ عليك الله المقطع الخلاك تجوعر فيهو ياتو دا ؟

_ أنوّه المشاهدين إنو مودى مشاكل دا لا بيتذوق الشعر

_ طيب ، نأخد ( نزار العريس )

_ يا فرده أنا كنتا عاوز أجيبك تقول لى شعر يوم عرسى لكن
خايفك تقلبو لى بكا هه هه هه هه هه

_ يا جماعه نزار دا من عرسو قرب وهو مركب ريش

_ طيب نأخد ، ( مايسه )

_ أهلين علونى

_ أهلين مايسه

_ ما شاء الله والله كتاباتك جميله وشعرك راقى وإستمتعنا بالقصيده جدا

_ تسلمى يا مايسه وديل الناس اللى بيعرفو الشعر

_ طيب ، ( عنكوليب أتفضل )

_ هييييييييييييييع أمانه ما كتل راجل قالو لى جوعرت قدام الناس هع هع هع

_ مشكور يا قصب السكر

_ طيب نأخد ( الاء عبدالرحمن)

_ السلام عليكم

_ وعليكم السلام

_ منور يا علونى والله أنا بشيد بالقصيده وبحماسك وتفاعلك الصادق معها

_ تسلمى يا الاء وشكر ليك

_ طيب ، نأخد ( ريمون )

_ يا زول أى زول ولا ريمون يا مطاميرو

_ ليه يا علونى خلينا نسمعها بس

_ لا لا لا

_ يأخى أقعد نحنا على الهواء ياخ

_ إن شاء الله نكون على القمر ، ما قاعد

الإخوه المشاهدون كنتم مع البكاى علونى وهذا ود المطامير يحيكم
تصبحو على خير

نزار احمد كوارتي
17-10-2011, 07:38 PM
_ طيب ، نأخد ( نزار العريس )

_ يا فرده أنا كنتا عاوز أجيبك تقول لى شعر يوم عرسى لكن
خايفك تقلبو لى بكا هه هه هه هه هه

_ يا جماعه نزار دا من عرسو قرب وهو مركب ريش




هه هه هه هه هه هه هه هه هه

ريمون
18-10-2011, 01:05 AM
الإخوه المشاهدون السلام عليكم ورحمة الله ضيف حلقتنا لهذه الأمسيه وعلى الهواء مباشرةً هو حبيب الكل وأشهر من نار على علم وإزداد شهره بعد تلك الأمسيه الحافله وتلك القصيده التى أبكته أمام الجمهور المشاهدون الكرام رحبو معى بالحبيب ( خالد علونى ) _ مرحب بيك أخ خالد _ أهلا وسهلا وبرحب بالمشاهدين الكرام وبشكر أسرة البرنامج لإستضافتها لى _ تسلم .. كلنا تابعنا الحدث الفريد فى يوم الإحتفال حيث توقفت العبرات فى الحلق وإنهمرت الدموع غزيره ، حدثنا عنها وعن حكاية القصيده _ إحم .. فى البدايه .. أحب أقول إنو تلك القصيده طالعه من بيت الكلاوى ممزوجه فى رنات ألم وعند ما ألقيتها أمام الجمهور إنفصلت عن الواقع وحلقت فى عوالم ورديه ورماديه وضبابيه علشان الفراق حااار ونسيت نفسى وجمهورى ولم أشعر إلا والعبرات تسد حلقى _ جميل .. ممتاز .. يعنى وأنت بتلقى فى القصيده إنغمست فيها بكل كيانك ؟ _ نعم .. إنغمست فيها بكل ألوان الطيف وذبت فيها بكل كيانى _ جميل ، أنا توقفت عند هذا المقطع المزهل سوى إحساسي المكبوت في نفسي عبارات وعبرات هل دا هو البيت البكاك قدام الناس ؟ خاصه و ( ريمون ) ما حددت المكان اللى بكاك فى القصيده _ والله القصيده من أولها لاخرها باكيه وحروفها مغموسه فى الدمع و ( ريمون ) يا رب الحفله تنتهى عشان ترجع البيت وجرى على النت وجات النفاج صاراهو ليهم فى خيط _ هع هع هع هع ، طيب ناخد إتصالات ، ( بحيرى ) أتفضل _ أوووووووه يا فرده منور الشاشه والله _ تسلم يا الحبيب _ أهاا .. والله ولا يهمك أكان بكيت قدام الناس ، ياخ الشعراء أصلهم ناس حساسين ومرهفين _ مشكور يا بحيرى وتسلم وإن شاء الله نشرفكم تانى وتالت _ طيب .. ( عم محجوب أتفضل ) _ يا ولدنا منور _ بنورك يا عمنا _ قالو لى يوم بتلقى فى القصيده قبضت فرامل وأووووورر دموعك نزلت هبطرش _ ما للدرجه دى يا عمنا ( ريمون ) دى أدتها كوز _ أحمد مودى أتفضل _ علونى يا أمير الشعراء _ تسلم لى يا الحبيب _ عليك الله المقطع الخلاك تجوعر فيهو ياتو دا ؟ _ أنوّه المشاهدين إنو مودى مشاكل دا لا بيتذوق الشعر _ طيب ، نأخد ( نزار العريس ) _ يا فرده أنا كنتا عاوز أجيبك تقول لى شعر يوم عرسى لكن خايفك تقلبو لى بكا هه هه هه هه هه _ يا جماعه نزار دا من عرسو قرب وهو مركب ريش _ طيب نأخد ، ( مايسه ) _ أهلين علونى _ أهلين مايسه _ ما شاء الله والله كتاباتك جميله وشعرك راقى وإستمتعنا بالقصيده جدا _ تسلمى يا مايسه وديل الناس اللى بيعرفو الشعر _ طيب ، ( عنكوليب أتفضل ) _ هييييييييييييييع أمانه ما كتل راجل قالو لى جوعرت قدام الناس هع هع هع _ مشكور يا قصب السكر _ طيب نأخد ( الاء عبدالرحمن) _ السلام عليكم _ وعليكم السلام _ منور يا علونى والله أنا بشيد بالقصيده وبحماسك وتفاعلك الصادق معها _ تسلمى يا الاء وشكر ليك _ طيب ، نأخد ( ريمون ) _ يا زول أى زول ولا ريمون يا مطاميرو _ ليه يا علونى خلينا نسمعها بس _ لا لا لا _ يأخى أقعد نحنا على الهواء ياخ _ إن شاء الله نكون على القمر ، ما قاعد الإخوه المشاهدون كنتم مع البكاى علونى وهذا ود المطامير يحيكم تصبحو على خير
والله يا مطاميرو ياريتك لو كنت معانا الايام دي غايتو كان الفت كتب ..
انا بوعدكم انشاء الله بي بوست فيهو طرائف ايام التحضير للشمعه ..
غايتو بالجد افرح الله قلبك ..

isamzaki1978
07-11-2011, 09:36 AM
يا حبيبنا كل عام وانت بخير وكل الاحباب
بالفه كدا هع هع هع ازيك يا اللخو
والله ليكم وحشا وشوق شوق قدر دموع حنان سكاليب وفرقة
انا اطلعت بس على الحلقة الاولى ولما اكمل باقى الحلقات برد عليك
وين عمى محجوب اوع تكون لحقتو البلى استيشن

الملكة اسماء ( ام محمد )
07-11-2011, 09:53 AM
البرنامج دا بزيعوه متين؟

ود المطامير
08-11-2011, 04:51 AM
هه هه هه هه هه هه هه هه هه
هع هع هع هع هع

ود المطامير
08-11-2011, 05:01 AM
والله يا مطاميرو ياريتك لو كنت معانا الايام دي غايتو كان الفت كتب ..
انا بوعدكم انشاء الله بي بوست فيهو طرائف ايام التحضير للشمعه ..
غايتو بالجد افرح الله قلبك ..
تسلمى والله ويديك العافيه

يلا العيد وخلص ومنتظرين البوست

ود المطامير
08-11-2011, 05:02 AM
البرنامج دا بزيعوه متين؟
الملكه

كل سنه وإنتى طيبه

البرنامج دا ذى الطياره السودانيه

تتوقعيهو فى أى وقت http://up1.neilshare.com/2011-11/l5560745.gif (http://www.p99p.com/)

ود المطامير
08-11-2011, 05:05 AM
يا حبيبنا كل عام وانت بخير وكل الاحباب
بالفه كدا هع هع هع ازيك يا اللخو
والله ليكم وحشا وشوق شوق قدر دموع حنان سكاليب وفرقة
انا اطلعت بس على الحلقة الاولى ولما اكمل باقى الحلقات برد عليك
وين عمى محجوب اوع تكون لحقتو البلى استيشن
حبيبنا
والله مشتاااااااااااااااقين
ياخ وينك ووين أراضيك ؟

بالجد شوق ما ليهو وصف وياريت ترسل لى إيميلك

وعمك محجوب متجدع فى السودان قالو ليك ضرب الشيه والمراره والشربوت
وإتكى على الهباب وشابكهم ليك ياااا بطنى ، جيبو لى أندروس ;)

ود المطامير
08-11-2011, 07:35 PM
انا عايزة اهدي ممكن
إنتى الحلقه الجايه معاك ;)

ريمون
09-11-2011, 01:13 AM
تسلمى والله ويديك العافيه

يلا العيد وخلص ومنتظرين البوست
البوست ياتو ؟؟؟؟
والوسام ده فوق ام كم ؟؟؟؟؟؟!!!
:confused::confused::confused:

ود المطامير
09-11-2011, 09:42 AM
البوست ياتو ؟؟؟؟
والوسام ده فوق ام كم ؟؟؟؟؟؟!!!
:confused::confused::confused:
;);););););););)

ود المطامير
09-11-2011, 09:48 AM
البوست ياتو ؟؟؟؟
والوسام ده فوق ام كم ؟؟؟؟؟؟!!!
:confused::confused::confused:
هع هع هع
مبروك الوسام
وحات الله لو ما أنا و مودى ما كنتى كجيتيهو
كدى أسألى المسافر
وحات الله كان البوست حقك بتاع الشمعه مديهو فرد صوت
لما لحقناهو نحنا بالتلفون ;)

ريمون
10-11-2011, 05:30 AM
هع هع هع
مبروك الوسام
وحات الله لو ما أنا و مودى ما كنتى كجيتيهو
كدى أسألى المسافر
وحات الله كان البوست حقك بتاع الشمعه مديهو فرد صوت
لما لحقناهو نحنا بالتلفون ;)
الشمار وصلني وما قصرت اديتوا البحر .. :o
انت وموبي الزيكم منو عاد ؟؟

أحمد عمر ( MOODY )
10-11-2011, 10:06 AM
_ أحمد مودى أتفضل

_ علونى يا أمير الشعراء

_ تسلم لى يا الحبيب

_ عليك الله المقطع الخلاك تجوعر فيهو ياتو دا ؟

_ أنوّه المشاهدين إنو مودى مشاكل دا لا بيتذوق الشعر





إنتا يا أخوي الرياضيات .. ترا عرفناها
العربي جبتا فيهو كم ؟؟ :p :p :p

أحمد عمر ( MOODY )
10-11-2011, 10:10 AM
هع هع هع
مبروك الوسام
وحات الله لو ما أنا و مودى ما كنتى كجيتيهو
كدى أسألى المسافر
وحات الله كان البوست حقك بتاع الشمعه مديهو فرد صوت
لما لحقناهو نحنا بالتلفون ;)



لا ياااخ .. في صوت تاني
بتاع بوست كشف الحال و كسير التلج

http://i39.tinypic.com/11tspw6.gif http://i39.tinypic.com/11tspw6.gif http://i39.tinypic.com/11tspw6.gif

ود المطامير
10-11-2011, 11:36 AM
إنتا يا أخوي الرياضيات .. ترا عرفناها
العربي جبتا فيهو كم ؟؟ :p :p :p
يا ما مثقف
دا ما كلامى أنا
دا كلام خالد علونى ليك إنت

هو أنا أقعد أعلم فيك لمتين ؟ ;)

أحمد عمر ( MOODY )
10-11-2011, 05:12 PM
يا ما مثقف
دا ما كلامى أنا
دا كلام خالد علونى ليك إنت

هو أنا أقعد أعلم فيك لمتين ؟ ;)




يعني إنت قصدك .. علوني رفارف قلبك
ماااااااااااا بعرف عربي

بس قلت أهدِّي النفوس
:p:cool::p:cool::p

mahagoub
10-11-2011, 09:46 PM
يعني إنت قصدك .. علوني رفارف قلبك
ماااااااااااا بعرف عربي

بس قلت أهدِّي النفوس
:p:cool::p:cool::p

والله انت يا حاجه شمارات
ما عندك غير الفتنه

isamzaki1978
11-11-2011, 01:33 PM
والله انت يا حاجه شمارات
ما عندك غير الفتنه

يا عمك حاجة شمارات دى اخت عشة شمارات
ولا اسم على اسم
وين ناس الرياضيات

mahagoub
12-11-2011, 02:06 AM
يا عمك حاجة شمارات دى اخت عشة شمارات
ولا اسم على اسم
وين ناس الرياضيات

دى عايزه ناس الفيزيا مش الرياضيات

isamzaki1978
12-11-2011, 05:57 AM
دى عايزه ناس الفيزيا مش الرياضيات
يا محمد سعيد انت وين
بنادوك