الكمـبـو المـُـجـاور ..

[ود الضو]

طبّيت قزازتى مرقت عن طرف البلد
وسكرت جد ..
--------
رحم الله الدوش ..
مشاققـة :
بوست سكرااان جداً ,,
أبدأ فيهـو ولا أعمل stop ؟؟؟؟؟

[مايسة]

Go ahead Plz

[بنت الرفاعي]

Go ahead Plz





:rolleyes:
:D :D :D
:):)
:cool:

[أحمد عمر ( MOODY )]

قصيدة البت سعاد .. للشاعر عمر الطيب الدوش
أضفى الكابلي عليها بلحنه .. بُعداً مسرحياً تصويرياً

و إليكم النص .. و يا ود الضو أبقى مارق

دقّت الدلوكة
قلنا الدنيا ما زالت بخير
اهو ناس تعرس و تنبسط
تكّكتَ في الراكوبة بالحنقوقة سروالي الطويل
سويتلو رقعات في الوسط
في خشمي عضيت القميص
اجري و ازبّد شوق و انُط
لامِنْ دخلت الحفلة فجّيتْ الخلوق

و ركزت
شان البت سعاد
اصلي عارف جنها في زولا بيركز و ينستر
لكني عارف انها
لو كل زول في الحلة بالسترة انجلد ياني الاذاها و جنها
برضي عارف اظنها
ديمة في صرة وشيها
يلفحني شوق نافر لبد
و ركزت للحرقة المشت فوق الضلوع
تحت الجلد
طبّيت قزازتي مرقت عِنْ طرف البلد
و سكرت جد
و انا جاي راجع منتهي
لاقتني هي
قات لي " تعال "
كبرت كراعي من الفرح
نص في الارض نص في النعال
اتلخبط الشوق بالزعل
اتحاورو الخوف و الكلام
هَيْ يا سعاد
علي ود سكينة الكِلْتِي في خشمو الرماد
علي ود سكينة المات أسي
و انا بت بلاك منعول هواي ان كنت ارضي اعرّسها
و انا يا سعاد
وكتين تطلي سحابة رقصت للدعاش
بفرش علي روحي و اجيك
زولا هلك تعبان و طاش
و انا يا سعاد
وكتين اشوفك ببقي زول
فرشولو فرش الموت و عاش
قالت سعاد:
( بطل كلام الجرسة انجض يا ولد )

طبّيت قزازتي مرقت عن طرف البلد
و سكرت جد
اذّنت في الشوك و السلم
و سرحت بالناس و الغنم
و ركعت للعرقي البكر
و رقدت في الالم الحِكِر
و حلمت زي شايلني وسط الزحمة نبي الله الخضر
صحاني صوت العمدة قال
( مسئول كبير زاير البلد
قبال يهل قبال يصل
لازم تقيفوا صفوف صفوف
و تهيجوا الخلا بالكفوف
و تقولوا عاش .. يحيا البطل )
صلحت طاقيتي الحرير
و ضراعي زي داير يجن
و الجوف يطقطق بالكلام
و رميتو من حلقي الوصل
قت ليهو يا عمدة اختشي، مسئول كبير في الحلة غير الله انعدم
ما شفنا زول سكّت جهال
ما شفنا زول رضع بهم
ما شفنا زول لطخ تيابو
و جانا من طرف البلد
ما شفنا زول لملم رمم
لا صحينا عاجبنا الصباح
و لا نمنا عاجبنا العشم
و الحلة من كل الجهات محروسة
بالخوف و الوهم
و مضينا من زمنا قديم – يا عمدة – مرسوم انتحار

الموت مباح
و الحب نطاح
و الصدق من جنس الزنا
و العافية مولودة سفاح
و الرغبة مكسورة جناح
و الحلم و الوعد النبيل
و الطفلة و الام، النخيل
الرنة في الوتر الاصيل
تلقاها في قاموس نكاح
يا يمة واح.. يا حلة واح

يا سعاد تعالي و لمّي من كل البيوت
عدة السفر الطويل
زخرفي الفجر النهار
شخبطي الضحي و الاصيل
المغرب
الفجر
النجوم،
في صرة و ارميها البحر
خلّينا فوق الشك نعوم
و العمدة فاض
و العمدة صار مليون عُمَد
و العمدة فيل
جبلا تقيل
لبوة و أسد
حسنة و غصب
جمعة و أحد

بقّيت قزازتي
مرَقتَ عِنْ طرف البلد
ووترت جد
و انا جاي راجع اجهجهو
لاقاني هو
سايق العساكر و الكلاب
رامي بين عيني و عينو
كلِب و تكشيرة و حُراب
ضاقت نعالي من الزعل
من تحتها اتململ تراب
الغيب سكب ضُلو و مشي
و الدنيا غيما سراب سراب
و الحلة زي بلدا بعيد
زوّد بعاد و قرّب سعاد
اتجمعت كل البيوت في راحتا
زي بت لعاب
مجنونة تصرخ في الزوال
ممزوجة في الدم و اللعاب
عيني ضاقت نظرتها
و الجوف يطقطق بالكلام
قبال يقولوا لي سلام اتلموا حولي بلا نظام
شال و عمة
توب و غُمّة
فاس و طورية و حزام
شالوني بي كل احترام
و رموني في قعر السجن
حصلني قبل اليوم يتم
جارنا المدرس ود خدوم
قال ليّا
لا زولاَ هتف
و لا كف مشت بتلاقي كف
و العمدة زي همبول وقف
يا صمتُ اف
يا دنيا تف
و انا يا سعاد للشوق نغم
للهم علف

[ود المطامير]

والله يا الحبيب
روعه روعه روعه
عمر دا
شاعر بالطريقه الصاح

لكن عليك لو ( مدنيه ) جات قالت ليك ( الحنقوقه ) شنو ما تكلمها

[ود الضو]

Go ahead Plz

-----------------------------
كما قال حكيم السكرانين ذات سكْرة كاااربه :
زاتو الانجليزي ولا سمح
قيل له لماذا ياحكيم ؟
قال :
لان الغرفه التي يتخذها البوليس حالياً كمركز شرطه
في تلك المباني التي تخص السكة حديد سابقاً قد بناها
الانجليز ولو ماهم بنوا البتاعة دي ماكنا ح ننسجن كل يوم ونتغرّم ..
-- تلك الغرفه التي يقصدها الحكيم وهي مركز للشرطة تبعد فقط
مسافة كيلو من ذلك الكمبو ..

[ود الضو]

[QUOTE=أحمد عمر ( MOODY );632451][B][CENTER][FONT="Arial Black"][COLOR="indigo"][COLOR="magenta"]
طبّيت قزازتي مرقت عِنْ طرف البلد
و سكرت جد
و انا جاي راجع منتهي
لاقتني هي
قات لي " تعال "
كبرت كراعي من الفرح
نص في الارض نص في النعال
اتلخبط الشوق بالزعل
اتحاورو الخوف و الكلام
هَيْ يا سعاد
علي ود سكينة الكِلْتِي في خشمو الرماد
علي ود سكينة المات أسي
و انا بت بلاك منعول هواي ان كنت ارضي اعرّسها
و انا يا سعاد
وكتين تطلي سحابة رقصت للدعاش
بفرش علي روحي و اجيك
زولا هلك تعبان و طاش
و انا يا سعاد
وكتين اشوفك ببقي زول
فرشولو فرش الموت و عاش

/QUOTE]
------------------------
[SIZE="5"]
في داعي يا احمد عمر للمهابشة الزَّي دي ياخ ؟؟
آآآه يا الدوش وآآه ياسعاد
الحتة الفوق دي طوالي بتذكرني الفيلم بتاع تايتنك
لحظة وقوف البطل مع البطله ( النجاضة ) الاسمها روز
لما يقيفوا في طرف السفينة ويعلناه حباً خترياً
( كبرت كراعي من الفرح ) ..
عليك الله الدوش دا مش ليهو حق يطب قزازته ويطلع لاطرف البلد ...
مشاققة :
و ركعت للعرقي البكر
و رقدت في الالم الحِكِر
و حلمت زي شايلني وسط الزحمة نبي الله الخضر
---------------
الكنابي دي سمحة ياخ ..

[ود الضو]

[QUOTE=أحمد عمر ( MOODY );632451][B][CENTER][FONT="Arial Black"][COLOR="magenta"]

و يا ود الضو أبقى مارق
-----------------
[SIZE="5"]أبقي مارق علي الكمبــو
ولا وين ؟؟؟؟

[أحمد عمر ( MOODY )]

[quote=أحمد عمر ( moody );632451][b]
[color="magenta"]

و يا ود الضو أبقى مارق
-----------------
[size="5"]أبقي مارق علي الكمبــو
ولا وين ؟؟؟؟

[CENTER][FONT="Arial Black"]هو فضل فيها كمبو .. يا ود الضو
الكمبو ده كان مع المشروع بسكنوا فيهو العمال
هسه المشروع ذاااااااااتو وينو ؟؟

ود الضو أمرق علي البوست ده ساااااااي
و ورّينا نمسك معاك ياتو مقطع

[ود الضو]

[quote=ود الضو;632474]




ود الضو أمرق علي البوست ده ساااااااي
و ورّينا نمسك معاك ياتو مقطع
-------------------------------------
خلينا في المقاطع بتاعة ( أواخر الليل )
حيث الاعمي يشيل المكسّر قاصدين
تلك البيوتات التي تمنحهم حق ان يعيشوه لاوعياً
ولو للحظاااات ..

[ريمون]

هنا مافي ناس الانضباط والنظام العام ولا شنو ؟؟:mad:











عشان كان مافي نجي نشارك .. :rolleyes:

[بحيرى]

هنا مافي ناس الانضباط والنظام العام ولا شنو ؟؟:mad:
عشان كان مافي نجي نشارك .. :rolleyes:


على همان يا فرعون .....!!!

[ود الضو]

[QUOTE=ريمون;632536][B][COLOR="indigo"]هنا مافي ناس الانضباط والنظام العام ولا شنو ؟؟:mad:
--------------------------
[SIZE="5"]
مشغولين مع المظاهرات بتاعة الغلاء الايامات دي
تعالي شاركي ساااي ,,
لما يفضوا ح يلقونا شطّبنا البوست ..

[ود الضو]

أها يا الحبان نبدأ من حيث وقفنا :
الكمبو المُجاور :
كبقية الكنابي التي يضمها الوطن
ساكنيه كانوا من المواطنين الذين صارت لهم دولة تخصهم الآن
اخواننا الجنوبيين ( دينكا ) كما يقول الذين يعرفون ذلك الكمبو
معرفة لصيقه ,, يبلغ هذا الكمبو من الطول قرابة ال 3 كيلو
علي تلك الترعه ( التي نزعوا عنها مياهها ) والسبب الله يعلم ,,
وهي مساحته ( الطولية ) اما العرض فهو تلك المساحة التي تسمح
بتشييد ( قطيه او كُرنـُك ) كذا متر فقط ,,
المسافة مابين هذا الكمبو والقرية التي كنت اقطنها سابقاً ( كيلو ونص )
أو أقـل شويه ,,
ليس هناك حرفة لقاطني الكمبو غير ( بيع ) تلك السوائل التي يطلقون عليها
( السوائل المزيلة للكآبه ) , ( عرَقي بكِر + مريسه )
وهي حِرفة نسوية دون شك , اما الرجال فدوماً
أراهم يتمدّدون تحت ضل الشجر الذي يُحيط بالكمبو
( شغالين شنو والله ماعارف ) ,,
من أشهر المُصنعات لتلك السوائل سابقاً لانه هسي الكمبو
بكون لحق امات طه :
( حاجة أشوشه ) رغم انها صغيرة في السن ولكن
ذات خبرة واسعه في هذا المجال واحسب انها قد
ورثتها اماً عن حبوبه ..
مشاققة :
الكلام دا كله جبتو بإستعانه من ذوي الخبرة في ذلك المجال ..

[ود الضو]

جارنا السابق الله يطراه بالخير في ذلك الزمن
كان يُمارس تجارة بيع الجّاو منذ زمن بعيد ,
ذات صلاة مُغرب أتي واحد من ( أنصار السنه المحمديه )
وأخذ يتحدث عن تلك المُسكّرات جميعها حُرمتها ونواتجها
والعقاب الذي سيناله فاعلها وأدلف الي ( عاصرها , حاملها
والمحموله اليه ............... الخ ) ,,
اها جارنا دا عمل خط رجعه من تجارة البلح الجاو واستبدلها
بتجارة ( المواشي , الحبوب , و الفواكه )
ولما وجد ان سوقها نااااائم رجع تاني
للجاو وهو يردد ( الضرورات تبيح المحظورات )
وقرر بانه لن يلتفت الي كلام اولئك الذين يأتون الي
المساجد يخطبون ويقولون مايقولون ..
..........
حكيم السكرانين اخذ يُحدثهم ( بقية السكاري ) ذات ليلة مُقمرة
والقمرة راميه فيهم كمية بتاعة ضوء مبالغه ( كما يرون )
قال لهم :
سرْقة العرقي او المريسة من النسوان ديل ( ولا حرام )
وإنعل ابو اليدفع ليهن تاني تعريفه ,,
لم يلتفتوا لما يقوله حكيمهم ,
ولما وصل الي مرحلة لاوعي لذيذة كعادته أخذ يدندن :
قوم بي وأخد سندة بالدرب التحت تجاه ربوع هنده
ياسايق الفيات , وجرّاها نومه حيث هو جاس ..

[ود الضو]

متعاونات كُنّ ستات تلك السوائل مع زبائنهن
تعاون مبالغ فيه ,,
فكما يفعل صاحب الدكان او الجزّار كنّ يفعلن هنّ ايضاً
( البيع بالآجل ) , وحفاظاً علي الزبون كانن بيشتغلن بنظام
الدّين إبان فترة الصيف ويليها الخريف حتي موسم
( الدّرت ) حيث يحصد اولئك الناس ويعصرون ويُسددون
ديونهم جميعها ( دكان , وجزّار وست العرقي والمريسه )
وكما يفعل حاج ( الزين ) عندما يبدأ في خلصان ديونه
ايام الحصاد يركب ذلك اللوري الهوستن ويلف علي
حواشات كل الذين يطلبهم مبلغ ,و
ايضاً حاجة أشوشة كانت تفعل مثله تماماً تأتي بكرّاسها
ابو 64 ورقه وعليه اسماء كل المدينين ولكنها تذهب
الي البيوت للذين تطلبهم مبالغ :
حكمة الله زول بيغالطها مافي تأخد حقها وتمشي
تبدأ في التصنيع طوال اليوم :
لأنّ هذا الفصل درتاً ,,
وفيه يأتي الزبائن والجيوب مليانه ورق
بفئاته المختلفة ( تعصر لهم وتعصرهم )
وهكذا تستمر حياة اولئك السكرجيه ..

[مايسة]

تحياتي ود الضو

وكأني اقرأ للروائي بركة ساكن
الجنقو مسامير الأرض -

واصل ومن المتابعين

[ود الضو]

الشريف , كما يُسمونه في ذلك الزمن
كان هو الوحيد الذي يعمل في تجارة تلك العطورات
السودانيه وتبعاتها ( صندليه , محلبية , مجموع , ................ ؟ )
ولإتمام الحلقه كان يربط خلف تلك الكارو التي يتخذها متجراً حزمه
بتاعة ( حطب طلح )
الشريف عندما يخرج من بيته صبحاً اول مايفكر فيه
هو ان يغشي ذلك الكمبو حتي يتزوّد بكميه مهوله
من العرقي البكر لتظبيط المزاااج وتنشيط العقل
التجاري , بعد ان يرتوي تماماً يأتي علي ظهر
الكارو التي يجرها حمار لايعرف غير ان يمشي زاحفاً
وكأن صاحبه قد علّمه هذه الطريقه في المشي
مما يجعله متمايلاً طيلة تلك المسافه :
( ومن الميلانات مايجعل السّكْرة رابطة )
فعندما يدخل القرية من جهتها القِدّاميه يبدأ
في قرع ذلك الجرس الذي يحمله مع ترديد
تلك العبارات التي يُروّج بها بضائعه فائحة الرائحة
( المحلبية والسرتيه آآآناس ) , ( طلح الصّعيد آآآناس )
وعندما يصل ذلك الديوان الذي يتناول فيه وجبة الافطار
بصورة دائمه ينزل من علي الكارو مترنحاً وهو ينادي
علي صاحب الديوان :
حاج النور , ياحاااج ,,
الشريف جاء جيبوا ليه الفطور
ويواصل الدندنة :
المجموع والصندل آآآنسوان , هو الشيئ كُلّكن ( حادّات )
ولا شنو ؟ ويواصل :
الله يرحمك آآآحاج فلان مُتَّ من سنة دُو والنسوان
لسة حادّات عليك , ويواصل : ها نسوان والله الحِدْ
علي الميت بعذِّبو في قبره وبعدين ( خافن ) الله في رويحتكن دي
ولمّا يصل الي مرحلة من الزهج :
زاتي ماشي علي فريق النص اهو نسوانو لاحادّات ولا بيعرفن الحِدْ
وفطوركم دا ( خلِّيتو ) , عَرْت ينتهر الحمار ويُعرْعِر اليه
قاصداً فريق النص عسي ان يُبتاع منه شيئاً هناك ..
مشاققة :
الكلمة ومعاناها مع اخوكم احمد عمر ..

[ود الضو]

[quote=مايسة;632647][center]تحياتي ود الضو

وكأني اقرأ للروائي بركة ساكن
الجنقو مسامير الأرض -

------------------------
[size="5"]
إني أحب هذا الروائي المذكور اعلاه
واقرأ له كثيراً ,,
ولكن :
( الجنقو مسامير الارض ) شتان مابينها وبين جغبستي هذه ..
يسعد مساءك اختي مايسة ..

[ود الضو]

القريه التي كانت تجاور قريتنا
وكعادة اهل القري حيث التآلف والتوادد والمحبه
والمشاركه في الفرح والكَره ( اختلاط تام ) هناك
ومن هذا نتج ان تجد نفسك انك تعرف كل اهل تلك القريه
والقري الاخري , في تلك القريه يوجد بعض
الظرفاء فهُم ظرفاء ان كانوا سُكاري او بكامل قوّاهم العقليه
ذات عِرِس في تلك القريه ونسبة لان العريس كان من المرطبين
قرّر ان يأتي بفنان ( مشهور ) حتي يجعل لعرسه حدثاً
لم يحدث من قبل في قريتهم , فأتاهم بـ ( مكي شقي ) ذلك الذي
لايجعل في ساحة تلك الحفله قدر شبرٍ لم يغشاه الغبار حيث
الكل يُمارسه هجيجاً بمختلف الرّقصات المنتشره في ذلك الوقت
فقد كان جيئ بالفنان ومجموعته وكان لاحد الظرفاء النصيب في
ان يُقيم هذا الفنان ومجموعته في ديوانه حتي موعد الحفله
فبعد ان تناولوا وجبة الغداء تحدّث احد افراد الفرقه مع ذلك
الظريف قائلاً :
بلدكم دي فيها ( عرقي ) ولا مافيها ؟
بعد ان ضحك ضحكة ساخرة ذلك الظريف ردّ عليه :
يازول علي الجزيمة لو داير برميل نجيبو ليك
بس بعدين بعد ماتكرطعوا عرقي اشوشة دا خايفكم
تعدّوها لينا : ياليلي هوووي هوووي والحركات دي
ونحن الكلام دا مابينفع معانا ولو قلت ليك نحن اكتر ناس
حله بندُق الفنانين صدّقني ( أيِّ فنان ) ..
ردّ الموسيقي مُقتنعا بقول ذلك الظريف :
مافي مشكلة انتوا جيبوا البتاع دا وأسألونا من حفلتكم ..
وقد كان ,
مِغيرباً بدري قام ذلك الظريف بعد ان اخذ مبلغاً محترماً من العريس
قام بتكليف 3 من مُرتادي ذلك الكمبو بان يذهبوا الي اشوشة
ويطلبوا منها عرقياً ذو تركيبة خاصة لِما والحلة بها
عرس يُحييه فنان مشهور في تلك الاوقات ,,
وصل المُكلفين ومعه المطلوب وكان ذلك الظريف هو
المشرف علي ذلك المشروب الذي يخص الفنان وفرقته
وبذلك النظام كانوا يعملون ( نهاية كل فاصل ) يأتون
ويشربون ويبدأون في الغناء من جديد , الفاصل التالت انتهي
ولم يحدث تغيير للظريف او حتي للفنانين وهذا الشيئ قد اغضب
ذلك الرجل الظريف خاصة وانّ الحفلة زي الاصابها شيئ من الفتر
نادي علي الذين قد قام بتكليفهم في الإتيان بذلك المشروب
وسألهم ( البتاع دا من اشوشة ولا من واحدة تانية ) ؟؟
اجزموا بانه من اشوشة صدّقهم ولكنه لم يقف عند ذلك الحد
بل ذهب الي الفنان ومسك منه المايك وأخذ يتحدث :
.. خلطتو بالموية بت اللذينه ..
.. آآآي اشوشة خلطتو بالمويه ..
.. هِيْ قايلة شايلنو منها بالدّين ولا شنو ؟ خلطتو ..
بعضهم قد حسبه سكراناً ولم يُولوه اهتمام ,,
ومن عرف قصد هذا الرجل قد دري بانه يقصد العرقي
الذي يعشقه هو عشقاً خرافياً ..

[mahagoub]

انتوا كمبوكم اقصد منتداكم ده
مالو ريحته عرقى

[ود الضو]

انتوا كمبوكم اقصد منتداكم ده
مالو ريحته عرقى
------------------------------

ناس النكتة قالوا ياعمنا :
واحداً كدي بجي راجع البيت متأخر باستمرااار
اها يوم مرتو سألتو :
إنت بتمشي وين آآآآراجل طوالي بشوفك بتجي متأخر كدا ؟
قال ليها بكون مع الشلة بنلعب شطرنج
قالت ليه شطرنج شنو وإنت رحتك هناي هناي ؟
قال ليها ومال دايرة ريحتي تكون شطرنج يعني ولا شنو ..
أها ياعمنا باقيلك غير ريحة العرقي في كمبونا دا
ح تكون في ريحة شنو تاني ؟
اقعد عافية ..

[همسات]

ياااود الضؤ اخوي
صراحه اسلوب جميل
وترتيب في السرد فائق حد الدهشه

[ود المطامير]

رائع يا رئع
إبداع والله

والكمبو دا أنا قبل كدا وصفو لى المسافر
وقال لى لو رفعت الكبايه وكبيتها العرقى ما بصل الواطه

وأدانى نمرة البنبر حقو وأنا بعتها سوق أسود

[ريمون]

مشاققة :
الكلام دا كله جبتو بإستعانه من ذوي الخبرة في ذلك المجال ..
لكن ذوي الخبرة ديل وصفو ليك وصف .. التقول كنت معاهم ..
:p:p:p

[ود الضو]

[QUOTE=همسات;633071][COLOR="#a0522d"][CENTER]
ياااود الضؤ اخوي
صراحه اسلوب جميل
وترتيب في السرد فائق حد الدهشه


--------------------------
[SIZE="5"]حباب الاخت همسات
مروركم يزين الصفحات دون شك
دمتِ بالف خير ..

[ود الضو]

[quote=ود المطامير;633080]

والكمبو دا أنا قبل كدا وصفو لى المسافر
وقال لى لو رفعت الكبايه وكبيتها العرقى ما بصل الواطه

---------------------------
[size="5"]ود المطامير مساءات الجمال
قطع شك كمبو المسافر دا كمبو تاني غير دا
ياخ عرقي اشوشه ( مغشوش )
مش يصل الواطة دا يصل جوة الواطة فد مرة
مشاققة :
استعجلت لكن في بيعة نمرة البنبر ياخ ..

[ود الضو]

لكن ذوي الخبرة ديل وصفو ليك وصف .. التقول كنت معاهم ..
:p:p:p
-----------------------
لالا ياريمون الوقت داك انا كنت صغير
مشاققة :
قال حكيمهم ذات طشمه صباحية :
ياااااااهـ
والله العَصَارِي دي حلوة شديد , وخاصة لما تكون الشمس
طالعة من الجهة القِدَّامية ..
ريمون لكِ التحية ..