أدخل واكتب ( إحساسك اليوم)

[همسات]

:cool::cool::cool::cool::cool:
;););););)
;););););)

[همسات]

يلا تعالو
نفرق عليك في عز ضيقك
ونفرح معاك في يوم فرحك
ونشيلها معاك هموم أيامك

[همسات]

من هسي حفله نزار الصغيروني
في البوست ده بنعملها ......
:cool::cool::cool::cool:
;);););)
;);););)
وسيتم نقلها عن طريق تلفزيون المنتدي
:cool::cool::cool:
;););)
;););)

عن طريق برنامج افراح افراح
;););););)


هذا للغلابه الزينا الماعندهم طريقه
يحضرو عرس أخونا الاكبر

[آلاء عبد الرحمن]

هههههههه

مبالغة في الحفلة العايزة تعمليها هنا دي

[آلاء عبد الرحمن]

عارفة
تكون مبسوطة وزعلانة في نفس الوقت

حصل مره سمعتي بكلام زي ده

[همسات]

هههههههه

مبالغة في الحفلة العايزة تعمليها هنا دي







هههههههههههههههه
عادي ياخ فرحانيين لأخونا
كان ماوقفنا نحنا اخواتو منو البقيف


بالجنبه : انا زاتي قلته كده
:cool::cool::cool:
;););)
;););)

[همسات]

عارفة
تكون مبسوطة وزعلانة في نفس الوقت

حصل مره سمعتي بكلام زي ده



لا انا ماسمعته انا جربته
لكن أقول ليك حاجه ....
الزول زاتو كان ماجاهو احساس
زي ده مره مره كده
بكون زول ماطبيعي صدقيني جد

ياغاليه ربنا يفرحك دنيا واخره يارب

[همسات]

عارفة
تكون مبسوطة وزعلانة في نفس الوقت

حصل مره سمعتي بكلام زي ده




أسمعي سريييييييع كده
حقو نلحق روحنا
انا زاتي عندي نفس الشعور

[ناصر عمر دبيب]

الليلة يحلى سهرنا الليلة
الليلة فرحة عمرنا الليلة
نهني بعض و نبارك و الكل سعيد يشارك
حتى البعيد الغايب احلى الغنى نغني له
وانت الوحيد الساكت شارك اجا دورك
لا تسرح أبقي و يانا أسعدتنا بحضورك
كل أزمة و الها حل الأيام بحلها كفيلة

يا أصدقاء يا أحبة خلونا نعيش حياتنا
كل الفرص ذهبية يالله نعوض اللي فاتنا
جمال شباب محبة كل الوجوه جميلة

و انتم كبار السن اصل الشباب بالروح
يحلى الجمال من يكبر
عمر الجمال ما يروح
ضحكة من القلب تطلع
أكبر حزن تشيله

و أنت يا شمعة عمري غمض لي عيونك لحظة
مفاجأة حلوة جبت لك
تفرح بيها و ترضى
فتح لي عيونك لحظة .. أحبك
ما أسعدنا الليلة

[همسات]

الليلة يحلى سهرنا الليلة
الليلة فرحة عمرنا الليلة
نهني بعض و نبارك و الكل سعيد يشارك
حتى البعيد الغايب احلى الغنى نغني له
وانت الوحيد الساكت شارك اجا دورك
لا تسرح أبقي و يانا أسعدتنا بحضورك
كل أزمة و الها حل الأيام بحلها كفيلة

يا أصدقاء يا أحبة خلونا نعيش حياتنا
كل الفرص ذهبية يالله نعوض اللي فاتنا
جمال شباب محبة كل الوجوه جميلة

و انتم كبار السن اصل الشباب بالروح
يحلى الجمال من يكبر
عمر الجمال ما يروح
ضحكة من القلب تطلع
أكبر حزن تشيله

و أنت يا شمعة عمري غمض لي عيونك لحظة
مفاجأة حلوة جبت لك
تفرح بيها و ترضى
فتح لي عيونك لحظة .. أحبك
ما أسعدنا الليلة



إذا هاهو الفرح جاء يضع
مكانا بيننا ........
فمرحي بالفرح والسعاده

افرحك الله واسعدك اخي ناصر
ومعك نتشارك الفرح .....
فمعني ان تكون سعيدا
هو معني لسعادتنا جميعا
تحياتي واحترامي

[همسات]

في خاطري

يامشرع الحلم الفسيح


ومالقيتلو مثيل


بعض الذكريات الجميله تخرجنا من روتين الدواخل
وذكريات داخل عيون .....





صباح الخير ياوطن .....

[mahagoub]

من دون الايام الليله صاحى كسلان وقرفان
والجسم ميت الطفش حاصل
والجو لايساعد على النشاط
مستنى مفاجأة تصحصحنى

[ناصر عمر دبيب]

أتحدى من؟؟
إلى عينيكِ يا سيدتي؟؟ قد سبقوني
يحملون الشمس في راحاتهم وعقود الياسمينِ
أتحدى كل من عاشرتهم
من مجانين وأطفال ومفقودين في بحر الحنين
أن يحبوك بأسلوبي وطيشي وجنوني
أتحداكِ أنا
أنت تجدي وطناً مثل فمي
وسريراً دافئاً مثل عيوني
إنني أسكن في الحب
فما من قبلةِ أخذت أو أعطيت
ليس لي فيها حلولٍ أو حضور
فأقرئي أقدم أوراق الهوى
تجديني دائماً بين السطور
أتحدى كل عشاقكٍ يا سيدتي
أتحداهم جميعاً أن يخطوا لكٍ مكتوب هواً
كمكاتيب غرامي
أو يجيئوك على كثرتهم بحروفٍ كحروفي
وكلام ككلامي
أتحداهم جميعاً قطرة صغرى ببحري
أو يكونوا أطفئوا أعمارهم
مثلما أطفأت في عينيك عمري
أتحداكٍ أنا أن تجدي عاشقاً مثلي
وعصراً ذهبياً مثل عصري
فارحلي حيث تريدين ارحلي
وأضحكي وأبكي
فأنا أعرف أن لن تجدي
موطناً في تامين كصدري

[همسات]

الصبر مفتاح الفرج


تتزاحم الأيام
احيانا يصير صباحها ليل
وليلها صباح ........

إحساس بالتفاؤل والأمل شعله ضؤ

[آلاء عبد الرحمن]

شايله هم بكره

[ريمون]

انا غايتو مشيت الفيسبوك غيرت الصورة الرمزية بتاعتي لي صورة دمعة وكتبت :
الله يكفينا شر هذا اليوم ويتمه علي خير ..

[آلاء عبد الرحمن]

انا غايتو مشيت الفيسبوك غيرت الصورة الرمزية بتاعتي لي صورة دمعة وكتبت :
الله يكفينا شر هذا اليوم ويتمه علي خير ..

ياساتر

ربنا يتمو ليك علي خير


دعواتكم

[نزار احمد كوارتي]

من هسي حفله نزار الصغيروني
في البوست ده بنعملها ......
:cool::cool::cool::cool:
;);););)
;);););)
وسيتم نقلها عن طريق تلفزيون المنتدي
:cool::cool::cool:
;););)
;););)

عن طريق برنامج افراح افراح
;););););)


هذا للغلابه الزينا الماعندهم طريقه
يحضرو عرس أخونا الاكبر













منتدي فد بِت بتعرِف تزغرد فيو مافي؟؟؟


خلاص زغرِد لينا يا فِلان انا عاااااااارفك أخو أخوان وما بتقصِر

هي هي هي فلان منو يا ربي؟؟؟

[نزار احمد كوارتي]

هههههههههههههههه
عادي ياخ فرحانيين لأخونا
كان ماوقفنا نحنا اخواتو منو البقيف


بالجنبه : انا زاتي قلته كده
:cool::cool::cool:
;););)
;););)













هِع ( هِع القديمه)

بلاك خربانه تَب آآآآآآآ السمحه

[نزار احمد كوارتي]

من دون الايام الليله صاحى كسلان وقرفان
والجسم ميت الطفش حاصل
والجو لايساعد على النشاط
مستنى مفاجأة تصحصحنى



أرفع يديك فووووووووق يا عم محجوب وقول بي صوت عاااااااالي الله لا أداك مفاجأه زي الفاجأوني بيها قبل شويه دي


بالزقاق:-

بطلو شمارات ومافي زول يسألني يقول لي النظريه الطبقوها فيك دي شنو الخلت خشمك مِلِح مِلِح دي

[مايسة]

احساس زول كان نايم وغرقان في النومة

وفجأة -










كبو فيك موية بااااااااااااااااااااااااااردة

[مايسة]

منتدي فد بِت بتعرِف تزغرد فيو مافي؟؟؟


خلاص زغرِد لينا يا فِلان انا عاااااااارفك أخو أخوان وما بتقصِر

هي هي هي فلان منو يا ربي؟؟؟


غايتو كلام مودي صحي صحي
الشافك بعد شوية شايل قميصك
وبتجري في الشارع ولا واقف في دوار ما كذب :o:cool:

[mahagoub]

أرفع يديك فووووووووق يا عم محجوب وقول بي صوت عاااااااالي الله لا أداك مفاجأه زي الفاجأوني بيها قبل شويه دي


بالزقاق:-

بطلو شمارات ومافي زول يسألني يقول لي النظريه الطبقوها فيك دي شنو الخلت خشمك مِلِح مِلِح دي

ما تقول لى العروس فتحت ليك

[الملكة اسماء ( ام محمد )]

احساس فظيييييع

[المسافر]

من ما جيت من السودان
حاسي وكأني أنا ما أنا

[الملكة اسماء ( ام محمد )]

من ما جيت من السودان
حاسي وكأني أنا ما أنا

افتقدتني ... صح !!

[بت أم درمان]

عندي احساس بي ان المطر برا كاااابة

[mahagoub]

عندي احساس بي ان المطر برا كاااابة

انتى ما قاعده تطلعى الشارع

[آلاء عبد الرحمن]

مبسوطة
:)

[بنت الرفاعي]

من ما جيت من السودان


حاسي وكأني أنا ما أنا





:rolleyes:
واضح جداً:(،
لكن
كلها أيام وتعتاد على الوضع من جديد إن شاء الله،
و
الصبر.:)


:):):)

[الملكة اسماء ( ام محمد )]

احس بان لي موعد مع ..حزن عميـــــــــــــــــق

[نزار احمد كوارتي]

غايتو كلام مودي صحي صحي
الشافك بعد شوية شايل قميصك
وبتجري في الشارع ولا واقف في دوار ما كذب :o:cool:


هو عليك الله مودي صحي صحي قال كِده؟؟؟

[نزار احمد كوارتي]

ما تقول لى العروس فتحت ليك


عم محجوب قلنا بطلو شمارات, تقوموا تعملو حركات حركات

[نزار احمد كوارتي]

احساس فظيييييع




العجب انا يا أم محمد

[نزار احمد كوارتي]

من ما جيت من السودان
حاسي وكأني أنا ما أنا




هو بالمناسبه دي إنت منو؟؟؟

[بت أم درمان]

انتى ما قاعده تطلعى الشارع

بطلع والله يوميا كمان
بس لان اليوم داك اتصلت على اختي
وقالت لي المطر عندهم كابي
والجو رهيب
انا لا شعوريا
جاني الاحساس دا

[ود الضو]

شيئ من القلق اللذيذ

[آلاء عبد الرحمن]

مستــــااااءة

[ام قبس]

جوطه داخل جوطه داخل جوطه

[الملكة اسماء ( ام محمد )]

الم .... يراودني عن قلبي

[mahagoub]

عم محجوب قلنا بطلو شمارات, تقوموا تعملو حركات حركات

ده سمع حلقى
ما اضانى اها قولك شنو؟

[مصطفى هاتريك]

في زول طعمه زي طعم الغناء .... الإستماع ليهو بغير مودك

وفي زول طعمه زي خبر البكاء .... بشتت إحساسك

و أنا إحساسي زي غنية المصير بتاعت المرحوم أبراهيم عوض ... مرة طالع و مرة نازل

ود الحاوي بالغ في اللحن ده .. وسيف الدين الدسوقي بالغ في الكلام

ونحن ...........

نحن في ماضينا قوه

قوه تتحدى الصعاب

نقطع الليل المخيم

و نمشي في الغفر اليباب

[mahagoub]

في زول طعمه زي طعم الغناء .... الإستماع ليهو بغير مودك

وفي زول طعمه زي خبر البكاء .... بشتت إحساسك

و أنا إحساسي زي غنية المصير بتاعت المرحوم أبراهيم عوض ... مرة طالع و مرة نازل

ود الحاوي بالغ في اللحن ده .. وسيف الدين الدسوقي بالغ في الكلام

ونحن ...........

نحن في ماضينا قوه

قوه تتحدى الصعاب

نقطع الليل المخيم

و نمشي في الغفر اليباب

الزول السمح الفات الكبار القدرو
وين يا يا زول يا فنان

[مايسة]

محلقة (وبدون تشكيل كمان):cool:

[ود الضو]

دبرسة مَغارِب سأبه خلاص

[آلاء عبد الرحمن]

كان يوم حلوووووو لمة ناس الثانوي
واحلي ناس ناس المنتدي


بس اسي احساس في زهـــــــــــــــــــــــــــــــــــــــــــــــج

[بت أم درمان]

إذا وريتكم حاسة بي شنو
بتقولوا لي موتي احسن :(

[المسافر]

إذا وريتكم حاسة بي شنو
بتقولوا لي موتي احسن :(



أكيد حاسة أنو الهلال حيتأهل للنهائي

[المسافر]

محلقة (وبدون تشكيل كمان):cool:



يعني تايرة في السماء !!!
إنتِ قايلة نفسك ( عشوشة ) مرت ( ود أبرق )

[ميادة]

ممكن اقول احساسي في خاطرة

تموت الأماني وتولد ويظل في القلب أمل أن تأتي أحلامنا بما تمنينا

[الملكة اسماء ( ام محمد )]

مطعونة بسكين مسمومة
وجرحي عمييييييييييييييق

[مصطفى هاتريك]

أنا ما قلت ليك ......

أنا ما قلت ليك ؟؟؟؟؟؟؟؟؟؟؟؟؟؟

وقالو في الإحساس .....

إحساسي بيك لو عارفه يا ست العيون ما بتسرحي

ما تزيدي لي ناري العلي قلبي الرهيف ما تجرحي
...............................................

بحسك .. و إنتي في جواي

..............................................

حسيت معاني الفرقة حسيت

بالوجود ماخد ظلام من حنتك
.........................................


وتاني تقول ما قلت ليك ؟؟؟؟؟؟؟؟

[ريمون]

حاسه بي صداع ..

[ساريه]

مع انى لسه ما إجتزت امتحان الدخول للنفاج لكن البوست عجبنى .....

[ساريه]

إحساس بخيبة الامل + إحساس بعدم الامان + إحساس بانك ما أنت وبرضو ما لاقى نفسك رغم كل المحاولات العملتها ...

[ريمون]

يوم طووووووويل وممل ..

[بنت الرفاعي]

ونحن ...........

نحن في ماضينا قوه

قوه تتحدى الصعاب

نقطع الليل المخيم

و نمشي في الغفر اليباب







:):):)
:):)
:)

[بت أم درمان]

صحي الجوع كـــــــافر

[ميادة]

احباط +نفسيات +شوية انبساطة كده :cool:

[مايسة]

احباط +نفسيات +شوية انبساطة كده :cool:


كرهتينا الترلللي زاتو ;)
اعملي حسابك ست البوست دي بتاعت نفسيات اقصد عندها عيادة نفسيات

[بت أم درمان]

احباط +نفسيات +شوية انبساطة كده :cool:

طبعا الحالة دي لما تجي للزول بقرب اجن
جد لانه بكون ما عارف روحو حاسي بشنو اساسا
حسي انتي بتهيأ ليك انك حاسة بالحاجات دي
لكن في الاساس بتتوهمي
يعني عشان كدا بقول لي مايسة تخلي بالها منك :cool:

[آلاء عبد الرحمن]

صداع
زهج وقرف

[آلاء عبد الرحمن]

الزول ماعارف حاسي بشنو

[المسافر]

أجمل إحساس في الكون
إنك تعشق بجنون
لمان تمشي عريان
وتقعد تفلق الناس في الشارع

[تغريدا]

حالة بتاعت أكل شديد والله لمن أخجل من نفسى تفتكروا دى ظاهرة صحية ولا ................؟:rolleyes::o

[ريمون]

أجمل إحساس في الكون إنك تعشق بجنون لمان تمشي عريان وتقعد تفلق الناس في الشارع

الحمد لله اول الغيث قطرة ..
الاستاد شكله حيتملئ ..

[ريمون]

احساس جميل ..
رغم كل الظروف الماعارفه عامله كيف .. :confused:
فرحانه بيك كل النجوم لا نام بريقا ولا انطفا ..
والله نفس الشعور ..

[آلاء عبد الرحمن]

قرفااانة

يارب

[الجندي المجهول]

كدا وكدا

يعني

نص نص (لكن يميل نوعاً ما للانبساط)

والحمد لله على الصحة والعافية

تخريمة : يا راقي احساسك

[الجندي المجهول]

أجمل إحساس في الكون
إنك تعشق بجنون
لمان تمشي عريان
وتقعد تفلق الناس في الشارع

الاغنية دي سمعتها قبل كدا مش دي اغنية الفنانة (طربوش طربوش)

تخريمة : يا زول والله ما تشيل هم انحنا معااك يا معلم (بس جهز العدة وشنطة المفاتيح ) وخاصة لحام الستلين

[الجندي المجهول]

حالة بتاعت أكل شديد والله لمن أخجل من نفسى تفتكروا دى ظاهرة صحية ولا ................؟:rolleyes::o


اختنا وبت جيرانا ابشرك وحالتك دي معناها كالاتي

1/صرفتي الماهية بدري
2/قبضتي الصرفة حقة الصندوق اول واحدة
3/مافي ......
4/مافي .......
5/مافي شغل في المكتب
6/سوداني ون
واعرشى على كدا

[تغريدا]

3/مافي ......
4/مافي .......
واعرشى على كدا


انا زاتى قولت كدا ياجارنا المامجهول
بس النصييييييييييييييييييييييييييحة العرش على كدا صعب:rolleyes:;):confused:

تخريمة بهنااااااااااااااااااااااااااااااااااك : همسات مشتاقين والله العيد جا

[mahagoub]

احساس عالى
ومعنويات فى السما لانى فى مدنى
والزادا جمال انى قابلت اول واحد فى المنتدى
ريمون

[ريمون]

احساس عالى
ومعنويات فى السما لانى فى مدنى
والزادا جمال انى قابلت اول واحد فى المنتدى
ريمون
ونحن الاسعد يعلم الله علي راي مطاميرو ..
ومدني زادت نور ..

[اسامه (الدحيش)]

احساس جميل ..
رغم كل الظروف الماعارفه عامله كيف .. :confused:
فرحانه بيك كل النجوم لا نام بريقا ولا انطفا ..
والله نفس الشعور ..

أجمل إحساس
أن تملك اللحظة بـسحرها وصمتها
أن يكون الحـُـب مبلل بنكهة الصداقة وشذى الأحلام

[تغريدا]

ھل تعلمواـْ لمآذآ نُحس بـآلضيق فيْ بعض آلـأحيآن دونَ سبب ؟!
.
.
.
.
... ...
ھُنـآك غِشـآء يسمىْ { آلرآن }
يأتِي عندمآ ننسَى ذكْر الله سُبحـآنه وتعـآلىْ
فنبدَأ بعَمل آلذنوبْ وآلـأحسَـآس بـآلضِيق وآلحُزن
...
قَـآل تعـآلىْ : { كَلـآ بلْ رآنَ علىَ قُلوبِهمـ مـآكآنُو يكسِبون }
فـَ يبدأ هذآ آلغِشـآء بِـآلتلـآشِيْ عند ذكره عز وجل

[ساريه]

نفسى اسمع هشام الجخ ......... وبالتحديد (التأشيره )

[الملكة اسماء ( ام محمد )]

احساس بالحيرة

[الملكة اسماء ( ام محمد )]

نفسى اسمع هشام الجخ ......... وبالتحديد (التأشيره )



http://www.youtube.com/watch?v=1hNtCgkLKaM

[آلاء عبد الرحمن]

احساس تفائل



:)

[mahagoub]

من امس ما نمته
عايش احساس اللحظه الحلوه
القضيناها مع نزار وشلة المنتدى

[ابوالنور]

ايــــــن انت ؟

[mahagoub]

ايــــــن انت ؟

انتو الزول ده لى هسع طاشى شبكه
اااااه ما دفعته عرس

[ساريه]

http://www.youtube.com/watch?v=1hNtCgkLKaM


شكراً يا ملكتنا ... الله يخليك لينا

[ساريه]

ايــــــن انت ؟



بعد تلقى نفسك ....





















يا طاشى

[mahagoub]

بعد تلقى نفسك ....





















يا طاشى

المشكله يلقاها وين؟؟؟

[ريمون]

ايــــــن انت ؟
عاين ..







عليك الله لما تلقاهو اعزموا معاك شاي بالشربوت وسلم عليهو ..
وهو بالمناسبة مالو ضيوفه كتااااار كده ؟؟؟!!!!!

[ريمون]

احساس بي شوق فظييييييع لي ناس كتار وغلبني اتحملو ...

[ريمون]

وهسه حاسة بي شحتفة روح ..

[mahagoub]

وهسه حاسة بي شحتفة روح ..

بس ما يكون معاها خمة نفس

[ريمون]

بس ما يكون معاها خمة نفس
الكلام الكنت عاوزه اكتبه خليهو في سرك ..

[mahagoub]

بس ما يكون معاها خمة نفس
الكلام الكنت عاوزه اكتبه خليهو في سرك ..

خمة نفس وشحتافه روح ما تسكتى على نفسك

[ريمون]

الم .. الم .. الم ..

[بت أم درمان]

عيـــــــــانة
بس ما عارفة عندي شنو

[ريمون]

عيـــــــــانة
بس ما عارفة عندي شنو
همسات ..
جاك زول ..

[ريمون]

حاسه بشنو .. حاسه بشنو ...:confused:
حاسه بلخبته شديدة ..

[mahagoub]

انتوا الشاباات ديل ادوهم عين
كلهن مرضانات

[ابوالنور]

احاسيس فظيييييييعه
الله يشفيكن

[ابوالنور]

انتو صحي تعالو النسعلم
انتو العروس وين اقصد ست الشنطه
يا الله غايتو جنس لخبطه !
اقصد صاحبة البوست!!

[ساريه]

حاجه زي ماتكون محلق في العواصف فجأه تهبط في السكون
حاجه زي نقر الاصابع لما ترتاح للموسيقي

[بت أم درمان]

انتوا الشاباات ديل ادوهم عين
كلهن مرضانات

انا ادوني عين غايتو
وعاااارفة منو دي الادتني عين
ناس اصلها ما بتذكر الله

[بت أم درمان]

انتو صحي تعالو النسعلم
انتو العروس وين اقصد ست الشنطه
يا الله غايتو جنس لخبطه !
اقصد صاحبة البوست!!

حالة عدم تركيز مبـــــالغة

[ابوالنور]

حالة عدم تركيز مبـــــالغة

اسوي شنو عاد قدر ما فتشت لي احاسيس رجالي اصلو ما لقيت

انتو ما عندكم احاسيس رجالي ولا شنو ؟

[آلاء عبد الرحمن]

احساس ماحلو

[بت أم درمان]

اسوي شنو عاد قدر ما فتشت لي احاسيس رجالي اصلو ما لقيت

انتو ما عندكم احاسيس رجالي ولا شنو ؟

في احاسيس رجالي
كيف مافي

يعني مثلا مثلا
تقول
نفسك في سفة :(

اومثلا مثلا تقول
نفسك تدي واحد بنية في نص وشو :cool:

اومثلا مثلا تقول
كرعينك وجعوك من كتر اللف ;)

اختار ووريني

[ساريه]

اسوي شنو عاد قدر ما فتشت لي احاسيس رجالي اصلو ما لقيت

انتو ما عندكم احاسيس رجالي ولا شنو ؟



مقاس كم ؟؟

[مايسة]

مقاس كم ؟؟



فورتي فايف -
عندكم

[ساريه]

فورتي فايف -


عندكم





لابو النور ؟؟؟؟؟؟؟؟؟؟؟؟؟


اكيد ما قاصده .....

[مايسة]

لابو النور ؟؟؟؟؟؟؟؟؟؟؟؟؟


اكيد ما قاصده .....



أكون طاشة مُش

[ريمون]

أكون طاشة مُش
شفتي القالو عم محجوب لي علوني في الككر بخصوص يوم عرسو ..
سيم سيم ..

[ساريه]

أكون طاشة مُش




ما قلنا نومو كويس ...وركزو...

عشان ( الخساشر ) وكدا

[مصطفى هاتريك]

والله الزكمة دي

أصعب مرض .....زحـــــــــــــــــو بعيد

[ريمون]

والله الزكمة دي

أصعب مرض .....زحـــــــــــــــــو بعيد
كفاره يا زول ..
عليك بي شاي الليمون ..

[آلاء عبد الرحمن]

عــــــــــــــــــــــــدم موضـــــــــــــــــــــــــوع
وماف شغل

[ابوالنور]

في احاسيس رجالي
كيف مافي

يعني مثلا مثلا
تقول
نفسك في سفة :(

اومثلا مثلا تقول
نفسك تدي واحد بنية في نص وشو :cool:
احساس شراني

اومثلا مثلا تقول
كرعينك وجعوك من كتر اللف ;)
ليه هو انا سايق درداقة
اختار ووريني
افتكر انو نمرة واحد دي لايقة علي

[ريمون]

نفسي في شربوت ..
ولمه زي ديك ..

[ساريه]

فرحاااااااااااااااااااااااااااااانه

[الجندي المجهول]

فرحاااااااااااااااااااااااااااااانه

اسال الله ان يديم عليك الافراح دائماً

[الجندي المجهول]

الحمد لله
رايق

مع وجود بعض الفتر و(النعاس)
تخريمة : انا زاتي عاوز شربوت زي دااااااااك (كان يطير لي النعاس دا)

[ساريه]

اسال الله ان يديم عليك الافراح دائماً


يااااارب ....
شكراً جندينا ...
وكل سنه وانت بالف خير ......

[آلاء عبد الرحمن]

الزول رايق ومبسوط كده

بث مرات فجعة بيتقلب الاحساس
:)

[الجندي المجهول]

الزول رايق ومبسوط كده

بث مرات فجعة بيتقلب الاحساس
:)

هلا بتنا والله الاحساس (بالروقان جميل) وبعدما اتصل بي الاخ بد رالدين الطائف (مجرد ما عرفت انو ناس الجمارك ) ما حا يخلونا في حالنا (بالنسبة للموضوع داك) زهجت وجاني احباط ، لكن ابشرك ( الامور باذن الله ستسير بحول الله وقوته على ما يرام ) بس كتري الدعوات ( والشربوت)

وتقبلي تحياتي ،،،،

[ابو الجيلى]

الحمد لله
رايق

مع وجود بعض الفتر و(النعاس)
تخريمة : انا زاتي عاوز شربوت زي دااااااااك (كان يطير لي النعاس دا)

كان عندك وفر لينا منو لحدى بكرة ....

[مايسة]

كان عندك وفر لينا منو لحدى بكرة ....


عاش من شافك ابو الجيلي
عساك طيب

[آلاء عبد الرحمن]

هلا بتنا والله الاحساس (بالروقان جميل) وبعدما اتصل بي الاخ بد رالدين الطائف (مجرد ما عرفت انو ناس الجمارك ) ما حا يخلونا في حالنا (بالنسبة للموضوع داك) زهجت وجاني احباط ، لكن ابشرك ( الامور باذن الله ستسير بحول الله وقوته على ما يرام ) بس كتري الدعوات ( والشربوت)

وتقبلي تحياتي ،،،،

ربنا يسهلا
:)

[الجندي المجهول]

كان عندك وفر لينا منو لحدى بكرة ....

انت بس تعال ومرة تانية تقبل الله حجكم
منتظرك يا حكومة

[ابو الجيلى]

عاش من شافك ابو الجيلي
عساك طيب


مايسة كل سنة وانتى ومن تحبين بالف خير ...
والله زحمة شديدة والحمد لله ...
الحمد لله فى الحج ...
وبكرة فى جدة مع الجندى انشاء الله ...

[ابو الجيلى]

انت بس تعال ومرة تانية تقبل الله حجكم
منتظرك يا حكومة


يا زول انشاء الله معاكم ...
انت بس كتر الشربوت ...

[مايسة]

مايسة كل سنة وانتى ومن تحبين بالف خير ...
والله زحمة شديدة والحمد لله ...
الحمد لله فى الحج ...
وبكرة فى جدة مع الجندى انشاء الله ...


وانت طيب يا رب
ما شاء الله

حج مقبول بإذن الله تعالى
وتقبل الله منكم الدعاء

[مايسة]

ما قلنا نومو كويس ...وركزو...

عشان ( الخساشر ) وكدا



فضيحة





فرحاااااااااااااااااااااااااااااانه


ربنا يديما عليك يا رب

[المسافر]

بحسك جوه في أعماقي نور كلمات
سعادة وبهجة في أحساسي أشراقات
تنور لي دروب أيامي ذي شمعات
وتمسح في جبيني ضنى وتقش دمعات
بشيل الذكريات منك دوام غاليات
وكيف في لحظة داير قلبي ينسى الفات
ويعيش بالفيهو في لوعة وأسى وآهات

[ريمون]

بحسك جوه في أعماقي نور كلمات سعادة وبهجة في أحساسي أشراقات تنور لي دروب أيامي ذي شمعات وتمسح في جبيني ضنى وتقش دمعات بشيل الذكريات منك دوام غاليات وكيف في لحظة داير قلبي ينسى الفات ويعيش بالفيهو في لوعة وأسى وآهات ده نظام رد خيالي ولا شنو .. ما فاهمين ..

[آلاء عبد الرحمن]

بحسك جوه في أعماقي نور كلمات
سعادة وبهجة في أحساسي أشراقات
تنور لي دروب أيامي ذي شمعات
وتمسح في جبيني ضنى وتقش دمعات
بشيل الذكريات منك دوام غاليات
وكيف في لحظة داير قلبي ينسى الفات
ويعيش بالفيهو في لوعة وأسى وآهات

ايووووون
مشي كويس شديد

[الجندي المجهول]

بحسك جوه في أعماقي نور كلمات
سعادة وبهجة في أحساسي أشراقات
تنور لي دروب أيامي ذي شمعات
وتمسح في جبيني ضنى وتقش دمعات
بشيل الذكريات منك دوام غاليات
وكيف في لحظة داير قلبي ينسى الفات
ويعيش بالفيهو في لوعة وأسى وآهات

حبيبنا والكلام دا جاك
قبل التلفون ولا بعد التلفون

[المسافر]

ده نظام رد خيالي ولا شنو .. ما فاهمين ..



حرم وطلق واقعي من جواي كمان
لمان قربت أرجع زاتو

شفتي كيف عايزة تخلينا نطلع من جو الحنان بتاعنا ده

[المسافر]

ايووووون
مشي كويس شديد



ماشي كويس بس الطريق ده الظاهر البمشي فيهو ما برجع كويس زي ما قالت ( شاعرة الربابة ريموت )

[ساريه]

بحسك جوه في أعماقي نور كلمات
سعادة وبهجة في أحساسي أشراقات
تنور لي دروب أيامي ذي شمعات
وتمسح في جبيني ضنى وتقش دمعات
بشيل الذكريات منك دوام غاليات
وكيف في لحظة داير قلبي ينسى الفات
ويعيش بالفيهو في لوعة وأسى وآهات



نجيب العتاله ولا شنو ؟

[المسافر]

حبيبنا والكلام دا جاك
قبل التلفون ولا بعد التلفون



أنا عارف صوتك بعمل فيني كده ، بس المشكلة
بعدك أتكلمت مع ( مودي ووالمطامير ) خربطو أي
حاجة وحاسي زي الجاني ( إنفصام ) .

[المسافر]

نجيب العتاله ولا شنو ؟




آآآآآي جيبوا العتالة خليهم يشيلوني من هنا يودوني لعلوني

[ريمون]

حاسه بي ظلم كبير ..
حاسه اني بدون حماية ..
معقول كده ؟؟!!!!

[mahagoub]

يا زول انشاء الله معاكم ...
انت بس كتر الشربوت ...

حج يا حاج
شربوت وفى جده
امانه ما وقع راجل

[mahagoub]

حرم وطلق واقعي من جواي كمان
لمان قربت أرجع زاتو

شفتي كيف عايزة تخلينا نطلع من جو الحنان بتاعنا ده

هو لمان فتح ما تخلوه يتفشا

[بنت الرفاعي]

بحسك جوه في أعماقي نور كلمات
سعادة وبهجة في أحساسي أشراقات
تنور لي دروب أيامي ذي شمعات
وتمسح في جبيني ضنى وتقش دمعات
بشيل الذكريات منك دوام غاليات
وكيف في لحظة داير قلبي ينسى الفات
ويعيش بالفيهو في لوعة وأسى وآهات






:):):)
:):)
:)

[آلاء عبد الرحمن]

اللهم اجعلنا مظلومين ولاتجعلنا ظالمين

[آلاء عبد الرحمن]

احساس بالغربة

[ود المطامير]

احساس بالغربة
صعبه مُش ؟ http://im10.gulfup.com/2011-11-23/1322033375691.gif (http://www.gulfup.com/show/Xkdw3qlvwqr1)

[آلاء عبد الرحمن]

صعبه مُش ؟ http://im10.gulfup.com/2011-11-23/1322033375691.gif (http://www.gulfup.com/show/Xkdw3qlvwqr1)

اي

احسن الغربة بتاعتكم

[isamzaki1978]

حاسه بي ظلم كبير ..
حاسه اني بدون حماية ..
معقول كده ؟؟!!!!

انا اتاثرت لمن لمن عيونى بقت
زى سحابه صيف تجافى بلاد وتسقى بلاد

[ريمون]

انا اتاثرت لمن لمن عيونى بقت
زى سحابه صيف تجافى بلاد وتسقى بلاد
تسلم عيونك يا ذوق ..
نردها ليك في الافراح ..

[isamzaki1978]

تسلم عيونك يا ذوق ..
نردها ليك في الافراح ..


قصدك فى الكشف

[ريمون]

قصدك فى الكشف
جدا ..
بس بعدين ممكن تطلع تبع تجافي بلاد ..
وانت وحظك ..

[isamzaki1978]

جدا ..
بس بعدين ممكن تطلع تبع تجافي بلاد ..
وانت وحظك ..

انا زمان ورونى لكن الظاهر انا ما بتعلم
قالو لى ما تبكى ، عشان عيونك ، ما فى زول بسلفك عيون يا بكاى

نزف البكاء دموع عينك فستعر
عينا لعينك دمعها مدرار
من ذا يعيرك عينوه تبكى بها
ارايت عينا للبكاء تعار
الحب اول ما يكون لحاجة
تاتى به وتسوقه الاقدار
حتى اذا اقتحم الفتى لجج الهوى
جاءت امور لا تطاق كبار
واذا نظرت الى المحب عرفته
وبدت علية من الهواى اثار

[ريمون]

انا زمان ورونى لكن الظاهر انا ما بتعلم
قالو لى ما تبكى ، عشان عيونك ، ما فى زول بسلفك عيون يا بكاى

نزف البكاء دموع عينك فستعر
عينا لعينك دمعها مدرار
من ذا يعيرك عينوه تبكى بها
ارايت عينا للبكاء تعار
الحب اول ما يكون لحاجة
تاتى به وتسوقه الاقدار
حتى اذا اقتحم الفتى لجج الهوى
جاءت امور لا تطاق كبار
واذا نظرت الى المحب عرفته
وبدت علية من الهواى اثار
كان علي كشف الدموع ..
ما عندك مشكلة ..
انت بس خلي شاكوشك يكون كاااااارب وتعال بي جاي البكايييين كتاااار ..
بتلفي جنس مؤازرة ..

[خالد علونى]

كان علي كشف الدموع ..
ما عندك مشكلة ..
انت بس خلي شاكوشك يكون كاااااارب وتعال بي جاي البكايييين كتاااار ..
بتلفي جنس مؤازرة ..

بتقطعوا فيني مالكم؟

[بحيرى]

نردها ليك في الافراح ..



يا ساتر ....
بث ما تجيبى معاك الكيس الاسود ....!!!

[ريمون]

يا ساتر ....
بث ما تجيبى معاك الكيس الاسود ....!!!

علي راي الويه ..
ديل بطلعوا من وين ..؟؟!!
وين انت يا زول ؟؟
وبالله انت لسه متذكر الكيس المسكتني ليهو داك ..

[ريمون]

بتقطعوا فيني مالكم؟
انت عارف اي بكا هنا بقي يكورك ليك يجيبك ..
غايتو يا حليلك ..

[moh_alnour]

تعرفي يا ( آلا )
منذ أيام الدراسة و الخميس عندي يوم للفرح لا يتسلل الحزن إليه إطلا قا ً
فهو نهاية يوم دراسي أو نهاية يوم عمل شاق
كما درجنا في مجتمعنا السوداني أن نُقيم مناسباتنا السعيدة في ذلك اليوم
و هو يوم للترفيه و اللهو المُباح و يوم للصفاء الذهني و البدني
و الشباب لديهم مثل شائع ( بيع قميصك ولا تضيع خميسك ) أو كما قال المسافر :p

[ريمون]

تعرفي يا ( آلا ) منذ أيام الدراسة و الخميس عندي يوم للفرح لا يتسلل الحزن إليه إطلا قا ً فهو نهاية يوم دراسي أو نهاية يوم عمل شاق كما درجنا في مجتمعنا السوداني أن نُقيم مناسباتنا السعيدة في ذلك اليوم و هو يوم للترفيه و اللهو المُباح و يوم للصفاء الذهني و البدني و الشباب لديهم مثل شائع ( بيع قميصك ولا تضيع خميسك ) أو كما قال المسافر :p

يا الاءءءءءءءءءءءءءءءءءء
تعالي .. بنادوك ..

[moh_alnour]

يا الاءءءءءءءءءءءءءءءءءء ، تعالي .. بنادوك ..

غايتو ناس الدُنيا ديل قاعدين على الهبشة :(
الواحد أصلو ما ينسى ليهو حرف في المنتدى دا ولا شنو ؟
بالمناسبة و لا أقول ليك بدون مناسبة نسيان حرف أو تقديم و تأخير أخر لا يعني أن ذلك خطأ إملائي
بل هو نتاج العجلة في الكتابة
بالمناسبة و المرة دي بالمناسبة فقد نسيتي المده ( آ ) في حرف الألف فالصحيح أن تُكتب ( آلاء ) لنُميزها عن ألف و لام التعريف ( الـ )
تهديد بدون سلاح : كان غيرك أشطر ، تعبتي معاي يا ( أخ ) ريمون :p

[ريمون]

غايتو ناس الدُنيا ديل قاعدين على الهبشة :(
الواحد أصلو ما ينسى ليهو حرف في المنتدى دا ولا شنو ؟
بالمناسبة و لا أقول ليك بدون مناسبة نسيان حرف أو تقديم و تأخير أخر لا يعني أن ذلك خطأ إملائي
بل هو نتاج العجلة في الكتابة
بالمناسبة و المرة دي بالمناسبة فقد نسيتي المده ( آ ) في حرف الألف فالصحيح أن تُكتب ( آلاء ) لنُميزها عن ألف و لام التعريف ( الـ )
تهديد بدون سلاح : كان غيرك أشطر ، تعبتي معاي يا ( أخ ) ريمون :p

الحكاية مافي الحرف الناقص لانو الناس بالدارجي بتنطقه زي ما كتبتها ..
الكلام في توجيه الكلام ..:p

[خالد علونى]

الحكاية مافي الحرف الناقص لانو الناس بالدارجي بتنطقه زي ما كتبتها ..
الكلام في توجيه الكلام ..:p

شالوا الكلام زادوهو حبة جابوهو ليك

[moh_alnour]

الحكاية مافي الحرف الناقص لانو الناس بالدارجي بتنطقه زي ما كتبتها .. الكلام في توجيه الكلام

أها النوجه ليك الكلام ، تعرفي يا ريمون أنا شكلي كدا ركبتا البص غلط و الشبكة طاشة شويتين في الشتاء دا
أنا فتحت البوست لقيت أول مشاركة بتاعت الأخت ( آلاء ) و هي المشاركة رقم 121
لأنو أنا عامل خيار 40 مشاركة في الصفحة ، فالمنتدى فتح لي البوست من الصفحة الرابعة مشاركة رقم 121
فإفتكرتا دي أول مشاركة و كمان إفتكرتا إنو الأخت ( آلاء ) صاحبة البوست و دخلتا شمال على طول :rolleyes:
فلك ِ العُتبى حتى ترضي و للأخت ( همسات ) أطيب التحايا
سحب التهديد : غايتو ناس الدنيا ديل أصلوا ما بريحوا الواحد كان طشى شبكة و لا كورك ليهو لي زول في المنتدى ما بتريحوهو :p
غايتو لقيتك جاهزة للشمشرة و الكواريك و لقيت روحي جاهز للرد :p

[بت أم درمان]

أها النوجه ليك الكلام ، تعرفي يا ريمون أنا شكلي كدا ركبتا البص غلط و الشبكة طاشة شويتين في الشتاء دا
أنا فتحت البوست لقيت أول مشاركة بتاعت الأخت ( آلاء ) و هي المشاركة رقم 121
لأنو أنا عامل خيار 40 مشاركة في الصفحة ، فالمنتدى فتح لي البوست من الصفحة الرابعة مشاركة رقم 121
فإفتكرتا دي أول مشاركة و كمان إفتكرتا إنو الأخت ( آلاء ) صاحبة البوست و دخلتا شمال على طول :rolleyes:
فلك ِ العُتبى حتى ترضي و للأخت ( همسات ) أطيب التحايا
سحب التهديد : غايتو ناس الدنيا ديل أصلوا ما بريحوا الواحد كان طشى شبكة و لا كورك ليهو لي زول في المنتدى ما بتريحوهو :p
غايتو لقيتك جاهزة للشمشرة و الكواريك و لقيت روحي جاهز للرد :p

زنقة زنقة هههههه

شكرا اخ ريمون

[moh_alnour]

زنقة زنقة هههههه ، شكرا ً أخ ريمون

و الله يا بت أمدرمان كُنت عايز أقول لي ريمون بت أمدرمان نقلت لي العدوة
فبقيت بصلتي محروقة طووووالي ، لكن قلتا مافي داعي أجيب الهوا البارد لي روحي في الشتاء دا :p

[آلاء عبد الرحمن]

يا الاءءءءءءءءءءءءءءءءءء
تعالي .. بنادوك ..

انا جيت وكنت عايزة اشتغلو شويه
بث انتو ماقصرتو
وشكلو الناس كلها طاااشة شبكة

[بت أم درمان]

و الله يا بت أمدرمان كُنت عايز أقول لي ريمون بت أمدرمان نقلت لي العدوة
فبقيت بصلتي محروقة طووووالي ، لكن قلتا مافي داعي أجيب الهوا البارد لي روحي في الشتاء دا :p

عدوة برضو
;)

[isamzaki1978]

الحكاية مافي الحرف الناقص لانو الناس بالدارجي بتنطقه زي ما كتبتها ..
الكلام في توجيه الكلام ..:p

يا اخت معليش الشبكة كعبه

[المسافر]

اليوم واجد مبسوط زيادة
أنا يشوف نفرات واجد زين في حلو كتير
نفرات عيون مالهو سيم سيم عيون مال هذا غزال
خشم مالهو واجد صغير سيم سيم حبة مال عيش
شوفو ما ريد قرر زيادة هذا نفرات حلو ما يريد
يسوي جنجان مع نفرات أنا .

مني مني كلام ما في سيد
بجة إسمو ود المتاريش هذا ما يريد يشوف داخل هذا مكان
خليهو يولي

[آلاء عبد الرحمن]

مبسوطة

:)

[isamzaki1978]

مبسوطة

:)

السعيد يكون زيك
طيب ما تقسمى لينا شوية

[ahmed algam]

مبسوطة

:)

ان شاء الله دايما

[آلاء عبد الرحمن]

السعيد يكون زيك
طيب ما تقسمى لينا شوية

طوووالي

ماعندك اي مشكلة
:)

[آلاء عبد الرحمن]

ان شاء الله دايما

آمين جمعا

:)

[isamzaki1978]

طوووالي

ماعندك اي مشكلة
:)

انا منتظر
بس ما عارف الكيس دا بشيل ولا اجيب معاى حاجة تانية

[آلاء عبد الرحمن]

انا منتظر
بس ما عارف الكيس دا بشيل ولا اجيب معاى حاجة تانية

بشيل ان شاء الله
:)

[isamzaki1978]

بشيل ان شاء الله
:)

انا منتظر
منتظر منتظر
لقيتو واقف منتصر
منتصر دا منو البجى خاشى ساى

[آلاء عبد الرحمن]

انا منتظر
منتظر منتظر
لقيتو واقف منتصر
منتصر دا منو البجى خاشى ساى
ههههههه
شكلك راااااااااااااااااااااااااايق شديــــــــــــد

[isamzaki1978]

ههههههه
شكلك راااااااااااااااااااااااااايق شديــــــــــــد

من البسطه الاديتنى ليها فى الكيس

[آلاء عبد الرحمن]

الزول ماعندو انترست

[ريمون]

احساس بسعاده حتي الاحباط ما قدر عليها ..
ربنا يدومها ..

[isamzaki1978]

احساس بسعاده حتي الاحباط ما قدر عليها ..
ربنا يدومها ..

دى حالتها ادتنى ليها فى كيس
لو كان فى قفة كان رحلتو الثقافى طوالى

[ساريه]

فرح + كسل
+ ترقب لذييييييييييييييذ

[عنكوليب]

من دون الفصول انا أحب الشتاء جدا ،،

وتعسيلة بعد الشاي ،،

[mahagoub]

من دون الفصول انا أحب الشتاء جدا ،،

وتعسيلة بعد الشاي ،،

ياتو شاى الصباح العصر ولا المغرب

[عنكوليب]

ياتو شاى الصباح العصر ولا المغرب
شاي الصباح يا عمك ،،

بعد البيت ما يبقى صـاني ( ياربي ما تجعلوا صاني ابدا يا كريم ) ،،،

وانا في الصباح بشرب قهوة سااادة بعد موية دافية على الريق ،،

[mahagoub]

شاي الصباح يا عمك ،،

بعد البيت ما يبقى صـاني ( ياربي ما تجعلوا صاني ابدا يا كريم ) ،،،

وانا في الصباح بشرب قهوة سااادة بعد موية دافية على الريق ،،

ده انتى مدمنه عديل
قهوه من قولة تيت

[عنكوليب]

ده انتى مدمنه عديل
قهوه من قولة تيت

معاها بخور تيمان وجاولي ،،،
أسلي يا اخوي ،،،

[mahagoub]

معاها بخور تيمان وجاولي ،،،
أسلي يا اخوي ،،،

القهوه عندك
جارتك حبشيه

[عنكوليب]

القهوه عندك
جارتك حبشيه

ابدا ،،،،،

انا فيني عرق امهرا ،،،،،!!!؟؟؟؟؟

[mahagoub]

ابدا ،،،،،

انا فيني عرق امهرا ،،،،،!!!؟؟؟؟؟

طيب ما تعزمينا عليها يوم

[عنكوليب]

طيب ما تعزمينا عليها يوم
من حسا معزوم ومعاك ميوسا ،،

والخرخار ( هي أقصد الشمشار ) ،، وعلوني ،،

وكل من تريد وترغب في عزومتو معاك ،،

[mahagoub]

من حسا معزوم ومعاك ميوسا ،،

والخرخار ( هي أقصد الشمشار ) ،، وعلوني ،،

وكل من تريد وترغب في عزومتو معاك ،،

بنجى الخرطوم وبنشوف المراكب البتعوم
نشوفا عزومه صحى ولا دعوته مراكبيه

[mahagoub]

حاسى اليوم انى فى قمة السعاده
لانى قضيت اجمل صباج
مع احلى اخت

[عنكوليب]

بنجى الخرطوم وبنشوف المراكب البتعوم
نشوفا عزومه صحى ولا دعوته مراكبيه

هع ،،، أنا أمك يا محمد ،،،

أعزم من هنا للبيت الأبيض ،،

[عنكوليب]

حاسى اليوم انى فى قمة السعاده
لانى قضيت اجمل صباج
مع احلى اخت

اللهم أجعله خيرا ،،،

أشكرك أخي محجوب وتسلم من كل ردي يا رب ،،،

[ريمون]

من حسا معزوم ومعاك ميوسا ،،

والخرخار ( هي أقصد الشمشار ) ،، وعلوني ،،

وكل من تريد وترغب في عزومتو معاك ،،
اااااستاذه ..
انا وساريه صاحبتي نجي معاااهم ؟؟؟؟؟؟؟؟

[mahagoub]

اااااستاذه ..
انا وساريه صاحبتي نجي معاااهم ؟؟؟؟؟؟؟؟

مرحب بيكم وحق الباص على

[ريمون]

مرحب بيكم وحق الباص على
ما ياكا الزول السمح ..

[ريمون]

احساس بالحزن والالم لما يحدث بالمنتدي ..

[ام رغد]

حاسة بحزن فارمنى فرمة قطر سواقو اعمى

[ام رغد]

همسات...تسلمى كتير على البوست

[عنكوليب]

اااااستاذه ..
انا وساريه صاحبتي نجي معاااهم ؟؟؟؟؟؟؟؟

يشيلوكم المقل ،،

وتاج في الرأس ،،، كلكم حبابكم ،،

[عنكوليب]

احساس بالحزن والالم لما يحدث بالمنتدي ..

ريمونا ،،،،


المنتدى طول حاله ما عاجبنا ،،،

ونحنا بنهترش لما علينا من الم ،،،


لا تحزني ،،،

[آلاء عبد الرحمن]

انا مغيوووووووووووووووووووووووووووووووووووووظه
ده شنو ده

[مصطفى هاتريك]

حاسس بمؤامرات تحاك لهدم بيتنا

لك الله يا بيتنا

[آلاء عبد الرحمن]

حاسس بمؤامرات تحاك لهدم بيتنا

لك الله يا بيتنا

بيتنا
وحنقعد فيووماف حاجا حتخلينا نسيبو
:)

[مايسة]

من حسا معزوم ومعاك ميوسا ،،

والخرخار ( هي أقصد الشمشار ) ،، وعلوني ،،

وكل من تريد وترغب في عزومتو معاك ،،


سكر خفيف بث بعدين
ثمح

تسلمي على العزومة - أكيد لو ربنا أحيانا بتحصل

[آلاء عبد الرحمن]

الحمد لله
احساس الزول كان شايل هم وانزاح
:)

[أحمد (الغالي)]

إحساس لا يوصف لا يقاوم

همسة: يا سلااام البوست ده أول مرة أشوفو .. أنا لو كنت عارفو كنت حا أجي هنا كل يوم أفش غبينتي و أطلع

[آلاء عبد الرحمن]

low mooood

[samia]

اليوم أول مرة وأنا بفتح النفاج ووالله بالجد قسم حلو وإن شاء الله أنا حسيت بسعادة

[المسافر]

اليوم أول مرة وأنا بفتح النفاج ووالله بالجد قسم حلو وإن شاء الله أنا حسيت بسعادة



من دواعي سرورنا

[تغريدا]

أفتقدك كثيراً ياهمســــــــــــــــــــــــــــــــــــــــات

[همسات]

حاسة بحزن فارمنى فرمة قطر سواقو اعمى



هي عباره تدفعني وتزيل كل مابي من احزان وهموم
اتحزني والله موجود .....
ويامن قال يارب من جوه دايما رده الخالق ايوه
وانتي تبري من الالم

[همسات]

همسات...تسلمى كتير على البوست


يديك العافيه ياغاليه
واتمناك بخير دائما

[همسات]

[quote=تغريدا;654978]أفتقدك كثيراً ياهمســــــــــــــــــــــــــــــــــــــــات[/quote



حباب الحبيبه الغاليه
ويعلم الله كم افتقدك
واعفي لي من الغياب
بس خليها علي الله
اتمناك بخير دائما

[همسات]

ياكم افتقد بيتي واخواني واخواتي
ابائي واهلي ......
ياكم افتقدكم جميعا بدون فرز
فلكم مني خالص التحايا
وكل سنه وانتم بالف خير
ان شاءالله تكون سنه خير وسعاده
وتوفيق في رضي الرحمن

[آلاء عبد الرحمن]

ياكم افتقد بيتي واخواني واخواتي
ابائي واهلي ......
ياكم افتقدكم جميعا بدون فرز
فلكم مني خالص التحايا
وكل سنه وانتم بالف خير
ان شاءالله تكون سنه خير وسعاده
وتوفيق في رضي الرحمن

الف حمد الله علي السلامة
وسنة سعيدة عليك

[آلاء عبد الرحمن]

متفائــــــــلة


كل عام والجميع بالف خير

[همسات]

الف حمد الله علي السلامة
وسنة سعيدة عليك



حباب الغاليه
وانتي بالف خير يارب
ان شاءالله سنه خير وسعاده ورضي عليك يارب

[همسات]

الحمدلله الذي بنعمته تتم الصالحات

هدؤ لايخلو من التفكير المستمر

[ملك الحلوة]

حاسة بملل عجيب

[آلاء عبد الرحمن]

احساس الزول تعب من اي شي

[isamzaki1978]

احساس الزول تعب من اي شي

دى انت يا دكتورة
ايييييييييييييييك سبحان مغير الاحوال
امى عندها مثل بقول : جينا لى مكة تغنينا قلعت طواقينا

[جيفارا]

اليوم احساس بالملل وحنين للاهل

[الملكة اسماء ( ام محمد )]

مزاجي ... رايق

والحمد لله

[wad alballal]

حنين للايام الجميلة ..

[تغريدا]

أحساس مغبش ومغبر

[خالد علونى]

حاجة بين بين كده

[محمد الواثق]

ابيــــــــــــــــــــــــت

[عبدالرحمن مدثر]

الليله ... احساسى غريب ....!!!

[عنكوليب]

نفسي في فسيخ ،،،

وبعدو قهوة ،،، وبخور جاولي ،،،

أمشي وين يا أولاد أمي أنا حسه يعني ؟؟؟

[عاشق الترحال]

فرحان ومبسوووووووووووووووووووووط

[آلاء عبد الرحمن]

الزول قلبو واجعوووو

[عنكوليب]

حزيـــــــــــــنـــــــــــــــــــــــــــــــــ ــــــــه

لما غلــــــــــــــــــــــــــــــــــــــــــــــــ ــط

[تغريدا]

سئل أحد الحكماء يوما : ماهو الفرق بين من يتلفظ بالحب ومن يعيشه ؟
قال الحكيم سوف ترون الان
ودعاهم إلى وليمة، وبدأ بالذين لم تتجاوز كلمة المحبة شفاههم ولم ينزلوها بعد إلى قلوبهم ، وجلس إلى المائدة، وهم جلسوا بعده... ، ثم أحضر الحساء وسكبه لهم ، وأحضر لكل واحد منهم ملعقة بطول متر ! واشترط عليهم أن يحتسوه بهذه الملعقة العجيبة ! حاولوا جاهدين لكنهم لم يفلحوا ، فكل واحد منهم لم يقدر أن يوصل الحساء إلى ف...مه دون أن يسكبه على الأرض !! وقاموا جائعين في ذلك اليوم .. حسنا ، قال الحكيم والآن انظروا ! ودعا الذين يحملون الحب داخل قلوبهم إلى نفس المائدة ، فأقبلوا والنور يتلألأ على وجوهمم الوضيئة ، وقدم إليهم نفس الملاعق الطويلة ! فأخذ كلّ واحد منهم ملعقته وملأها بالحساء ثم مدّها إلى جاره الذي بجانبه ، وبذلك شبعوا جميعهم ثم حمدوا الله وقاموا شبعانين .. وقف الحكيم وقال في الجمع حكمته والتي عايشوها عن قرب : من يفكر على مائدة الحياة أن يُشبِع نفسه فقط فسيبقى جائعا ، ومن يفكر أن يشبع أخاه سيشبع الإثنان معا !

تذكروا دائما

فمن يعطي هو الرابح دوما لامن يأخذ

[آلاء عبد الرحمن]

الزول تعب

:(

[همسات]

احبـــــــــــــــــــــــــــــــــــــــــــــــ ـــــــــاط

[همسات]

و حــــــــــــــــــــــــــــــــــــــزن

[المسافر]

حاسي أنا وكأني ما أنا من أم بارح


;););)

[mahagoub]

الواحد بقى يحس انو غريب
داخل المنتدى
وهنالك احساس بوجود كميه كبيره
من الغبار والضجيج
تسبب الاختناق

[همسات]

استغفر الله العظيم
استغفر الله العظيم
استغفر الله العظيم

[الملكة اسماء ( ام محمد )]

استغفر الله العظيم
استغفر الله العظيم
استغفر الله العظيم
استغفر الله الذي لا اله الا هو الحي القيوم واتوب اليه

[محمد المأمون]

الله حى لايمووووووووووت...ياهذى التخوم المحبلات بكل خير هزى اليك بجذع هايتى وسيتدفق الامن الهنااااااااااااااااااااااء

[روبش]

الواحد بقى يحس انو غريب
داخل المنتدى
وهنالك احساس بوجود كميه كبيره
من الغبار والضجيج
تسبب الاختناق

عم محجوب الحاصل شنو مالك فتحت الصندوق ما كنت كويس

[روبش]

ادونا عين في المنتدى

[محمد المأمون]

احساس الهزيمة لايزور النبلاء ولكنهم يهزمون عند فشلهم فى انتشال السابحين فى غيهم

[المسافر]

أحساس مقزز

أن تنهش الذئاب لحمك .. وتفترس الكلاب قلبك وتحتسي الثعالب دمك وتتكرر عملية موتك بين أنيابهم ومخالبهم كلما رأيتهم .. ثم تكتشف أنك كنت فريسة سهلة لحيوانات بشرية ؟؟!

[محمد المأمون]

احساس بالغبن لا لاحتمال الظالم الذى يرتدى ثوب الواعظ بل لاحتمال من منحوه ارضا خصبة لبث سمومه..
وبرز الثعلب يوما فى ثياب الواعظينا...
ومااجمل الشعب الذى يحمى الشعب