عــــاجل اليوم ... 1 دولار = 5000 جنيه سوداني وأنصح الأدمن بعدم الاستعجال !!!!!

[الجندي المجهول]

عــــجل اليوم ... 1 دولار = 5000 جنيه سوداني
وأنصح الأدمن بعدم الاستعجال (باحضارالدولارات من امريكا على وجه السرعة) الموجودة هنا اصبر عليها شوية سمعنا أنو في زيادات جاية لسه (ويا قطعة المنيرة جااك بناء باذن الله )


تخريمة : تحياتي من هنا لكل عاشقي الطماطم وآكلي لحوم البشر ....

باللفة : للحصول على سعر الريال السعودي مقابل الجنيه السوداني[ سعر 1 دولار = 3.75 ريال]

.... وكله ماشي

[حاتم عمر]

عاد نقول شنو يا جندي مبااااااااااااالغة ، الله يكون في العون

[ودالعمدة]

ياجندينا
نتمنى أن ترتفع ضمائر المسؤولين
ونزاهة الحاكمين كما ارتفع الدولار

وارتفاع الدولار لهذا المستوى
يعنى دمار اقتصاد البلد
وهو أصلاً مدمر

[فنجاط]

الاشكال يا جندينا انو زيادة الدولار بجى تبعها زيادة فى قيمة السلع مثلاً كرتونة الورق لو كانت 130 جنيه ح تزيد لى لى 170 جنيه و هكذا قيس يعنى الادمن قروشو يصرفها بي جاى و يكملها ركشات
الشئ المحير ليه سعر الدولة 270 مع الجنيه لى ما دايرين يعترفو زى اليونان بانهيار اقتصاد السودان بعد الانفصال

[فنجاط]

متوقع السعر يصل 8 جنيه لانو نحنا بقينا دولة مستهلكه و ماعندنا حاجة تبيعها تجيب عمله صعبة هم ركزو على البرميل و البرميل شالو الشفوت كان احسن لينا قطنا و قمحنا كنا جايبين قوون

[الجندي المجهول]

متوقع السعر يصل 8 جنيه لانو نحنا بقينا دولة مستهلكه و ماعندنا حاجة تبيعها تجيب عمله صعبة هم ركزو على البرميل و البرميل شالو الشفوت كان احسن لينا قطنا و قمحنا كنا جايبين قوون

فنجاط حبيبنا تحياتي ...
منو القال ليك انحنا ما عندنا حاجة نبيعها

عندنا



الضمير

لدينا (اسوأ بضاعة ضمائر) وهي من ناحية (سوء الجودة) الاولي من نوعها والفريدة في جيلها ....

تحياتي ،،،

[مولانا جلال]

الاخ الجندى انصحك بعدم الشراء فى هذين اليومين لانو ح ينزل ويوم الخميس ارسل تعميم لبنك السودان بعدم شراء اى دولارات

[فنجاط]

و الله صحى كيلو الضمير بقى ارخص من كيلو الموز تصدق الموز فاكهة الفقراء و الضمير فاكهة الاغنياء و الواحد لو ما باع ضميرو ما بنوم مرتاح

[ود الجعلي]

اؤمن ان هنالك تغيير قادم بل اننا نراه قريبا" ولكن في حالة حدوث هذا التغيير يجب ان يحاكم كل المجرمين وان لا تعود الاوضاع لصناعة نظاما شموليا وديكاتورا جديد